តាមរយៈសារព័ត៌មាន Koreaboo ដែលចេញផ្សាយមុននេះបន្ដិចបានឱ្យដឹងថា កម្មវិធីប្រកួតចម្រៀងលំដាប់ពិភពលោក « The King Of Masked Singer American » និងត្រៀមចាក់បញ្ចាំងនៅលើទឹកដីសហរដ្ឋអាមេរិកហើយ ដែលជាការរៀបចំឡើងដោយស្ថានីយទូរទស្សន៍ FOX ។
កម្មវិធី The King Of Masked Singer ជាកម្មវិធីកម្សាន្ដដ៏ល្បីមួយរបស់ប្រទេសកូរ៉េ ដែលជាអ្នកផលិតកម្មវិធីនេះឡើង និងមានចែកចាយបន្ដធ្វើកម្មវិធីនេះនៅតាមបណ្ដាលប្រទេសនានាទៀតដូចជា ថៃ ឥណ្ឌូនេស៊ី និងចិន ។ ហើយតារាចម្រៀងដែលចូលរួមប្រកួត គឺតម្រូវឱ្យច្រៀងចម្រៀងចេញពីបេះដូងរបស់ពួកគេស្ថិតក្នុងកំបាំងស្រោមមុខ តែការសម្រេចលទ្ធផលក្រោមការបោះឆ្នោតពីសំណាក់អ្នកគាំទ្រ និងការសម្រេចចិត្តពីគណៈកម្មការដែលបានចូលរួមជាភ្ញៀវកិត្តយស។
គួរបញ្ជាក់ដែរថា ក្រុមហ៊ុនប្រព័ន្ធផ្សព្វផ្សាយទំនើបដ៏ធំរបស់សហរដ្ឋអាមេរិក គឺស្ថានីយទូរទស្សន៍ FOX បានទិញសិទ្ធិរៀបចំឡើងវិញធំនេះសម្រាប់ទស្សនិកជនអាមេរិក ហើយក្រុមហ៊ុនបានដាក់ឈ្មោះជាថ្មីថា “The Masked Singer” ប៉ុន្តែវានៅតែស្ថិតក្រោមច្បាប់នៃការប្រកួតប្រជែងរបស់ម្ចាស់ដើមដដែរ។ អ្នកដែលអ្នកចូលរួមប្រកួតបានអាចជា តារាចម្រៀង តារាសម្ដែង តារាបង្ហាញម៉ូដ ឬតារាពហុជំនាញជាដើម ដែលអាចបកស្រាយបទចម្រៀងស្ទាយប្លែកបានយ៉ាងពិរោះ។
ដើម្បីឱ្យជាក់ច្បាស់ សូមទស្សនាវីដេអូខាងក្រោមនេះ ៖
