តាមរយៈគេហទំព័រកម្សាន្ដ Sanook ដែលចេញផ្សាយមុនបន្ដិច បានឱ្យដឹងថា ពិតជាបានបង្កឱ្យមានភាពភ្ញាក់ផ្អើលខ្លាំងបំផុតចំពោះអ្នកគាំទ្រទាំងអស់ ដោយសារតែតារាឯកស្រីវ័យក្មេងរូបស្រស់ យ៉ាយ៉ា ឧរ៉ាត់សាយ៉ា បានបង្ហោះរូបភាពនៅលើទំព័រអ៊ីនស្ដាក្រាមរបស់នាងជាច្រើនសន្លឹកដែលបង្ហាញអំពីស្នាមសាក់ពេញខ្លួន។
យ៉ាយ៉ា ដែលធ្លាប់តែជាតារាស្រីនិស្ស័យស្រគត់ស្រគំ និយមតែងកាយបែបគួរឱ្យស្រឡាញ់ Cuteៗ ក៏ស្រាប់តែមកផ្លាស់ប្ដូរស្តាយល៍ក្លាយជានារីដែលមានរូបសាក់ធំៗ និងមើលទៅដូចជាពួក Hippy Heavy metal ឬពួក Gansters យ៉ាងឡូយទៅវិញ។ តែយ៉ាងណាក៏ដោយ នាងបានសរសេរនៅលើទំព័រអ៊ីនស្ដាក្រាមរបស់នាងថា «មានអ្វីថ្មីៗ សប្បាយៗ ទុកឱ្យអ្នកទាំងអស់គ្នាតាមដានក្នុងពេលឆាប់ៗនេះ» ដូច្នេះមានតែរង់ចាំទស្សនាទាំងអស់គ្នាតទៅទៀត។
ហើយអ្នកគាំទ្រគ្រប់គ្នាក៏ចង់ដឹងពីអារម្មណ៍របស់ ណៈដេត ដូចគ្នាដែរថា តើលោកមានអារម្មណ៍យ៉ាងណាដែរ នៅពេលឃើញ យ៉ាយ៉ា មានសភាពបែបនេះ ហេសៗ…។ ដើម្បីឱ្យកាន់តែជាក់ច្បាស់បន្ថែមទៀត សូមទស្សនារូបភាពទាំងអស់ខាងក្រោមនេះ៖
