តាមរយៈបណ្ដាញសង្គមហ្វេសប៊ុកនៅថ្ងៃទី24 ខែមករា ឆ្នាំ2018 បានឱ្យដឹងថា តារាស្រី ដួង ម៉ានិច បានបង្ហោះរូបភាពជាច្រើនសន្លឹក និងសារដែលមានពាក្យពេចន៍ត្អួញត្អែររៀបរាប់ពីការតស៊ូនៅក្នុងជីវិតរបស់នាង ហើយតាមរយៈរូបភាពប៉ុន្មានសន្លឹកនោះបានស្ដែងឱ្យដឹងថា ជារូបភាពដែលផ្តិតចេញពីឈុតឆាកសម្តែងភាពយន្តដែលនាង ដួង ម៉ានិចជាតួអង្គកម្សត់ក្រីក្រម្នាក់ រស់នៅក្នុងខ្ទមកណ្ដាលព្រៃភ្នំ បិទបាំងជញ្ជាំង និងដំបូលដោយស្លឹកឈើព្រៃ អង្គុយលើដុំថ្ម មុខខ្ទមក្រោមពន្លឺភ្នក់ភ្លើង។
ក្នុងសារប្រៀបធៀបជីវិតក្នុងសំណេរសុភាសិតបុរាណនោះ តារាសម្តែងនិយមសម្ញែងសម្រស់ដើមទ្រូងសិចស៊ីរូបនេះបានរៀបរាប់ថា «ប្រឹងដើរផង…រត់ផង..មុខឡើងដូចស្វា…កុំធ្វើជាមនុស្សដែលមានចិត្តចង្អៀត…កុំបៀតបៀនអ្នកដទៃ…ទឹកត្រជាក់ត្រីកុំ…ហ៊ានតែទឹកក្តៅងំ..ត្រីរត់រកទឹកត្រជាក់ហើយ ខឹខឹខឹខឹ! សូម្បីតែខ្ញុំហ្នឹងក៏រត់ដែរ..មិននៅទេ ខឹខឹខឹ….បេះដូង»។
សូមជម្រាបបន្ថែមថា តារាសម្ដែងស្រីរាងល្អិតរូបនេះ នាពេលបច្ចុប្បន្ននេះគេសង្កេតឃើញថា រូបនាងកាន់តែមានប្រជាប្រិយភាពខ្លាំងជាងមុនទៅទៀត ដោយសារតែកញ្ញាបានបង្ហាញវត្តមានជាញឹកញាប់នៅលើវិស័យសិល្ប: មិនថា ការសម្តែងខ្សែភាពយន្ត ការថតស្ប៉ត សម្អាងការផ្សេងៗ រហូតឡើងកូដទទួលបានការគាំទ្រពីទស្សនិកជន ទាំងក្នុងស្រុក និងក្រៅស្រុក ជាពិសេស គឺបងប្អូនខ្មែរដែលរស់នៅលើទឹកដីសហរដ្ឋអាមេរិកតែម្ដង៕
