បន្ទាប់ពីមានការចេញផ្សាយដោយសារព័ត៌មានក្នុងស្រុកមួយដែលមានឈ្មោះថា តារា-ញូស៍ ឬ Dara-News បានចុះផ្សាយពីរឿងអាស្រូវរបស់តារាចម្រៀងស្រីប្រចាំផលិតកម្មថោន គឺកញ្ញា មាស សុខសោភា ដែលទើបតែបញ្ចេញបទចម្រៀងថ្មីរបស់នាងដែលមានបង្ហាញរូបរាងសិចស៊ីនោះ សារព័ត៌មាននោះបានដាក់ចំណងជើងធ្ងន់ៗថា «អាវទ្រនាប់ និងខោក្នុងរបស់មាស សុខសោភា ត្រូវបានបញ្ចេញក្នុងបទ…» ដែលធ្វើឱ្យអ្នកលេងបណ្ដាញសង្គមចេញមុខរិះគន់យ៉ាងចាស់ដៃថា ជាព័ត៌មានអុចអាល ហើយវាយសំពងតារាស្រីរូបនេះ។
ជាមួយគ្នានេះដែរ សារព័ត៌មានខាងលើត្រូវគេស្គាល់ថាជាសារព័ត៌មានរបស់លោក ហេង ឡុង ដែលត្រូវជាគូស្នេហ៍របស់អ្នកនាង ចន ច័ន្ទលក្ខិណា ហើយក៏បានស៊ែរព័ត៌មាននេះនៅលើហ្វេសប៊ុករបស់លោកផ្ទាល់ផងដែរ។ ដោយឡែក អ្នកលេងបណ្ដាញសង្គមម្នាក់បានរិះគន់ចំៗដោយលើកឡើងថា «អានតែចំណងជើងអត្ថបទហើយ ក៏ដឹងដែរថា ផេចតារាសិល្បៈ តារា-នីវស៍ ស្អីគេនេះ អ្នកកាន់ផេចត្រូវគេស្គាល់ថា ចូលចិត្តសរសេរតែរឿងចាក់ដោត អង្អែលខោកក្បាលតារាសឹងតែគ្រប់គ្នា ហើយលើកកន្ថោរសរសើរតែប្រពន្ធអត់ខាន់ស្លារបស់ខ្លួន! Sic មើលចុះ! សរសេរដាក់ថា អាវទ្រនាប់ និងខោក្នុងមាស សុខសោភា… មិនខុសពីចង់វាយក្បាលមាស សុខសោភាថា អត់កេរ្ត៍ខ្មាសនោះទេ។ តារាៗដែលមានមុខលើផេចអាប៉ិហ្នឹង ល្មមៗដូចឱ្យវាសម្អុយលេង»៕
