ជាការពិតណាស់ ជាទូទៅមហាជនគ្រប់គ្នាតែងសម្គាល់តារាចម្រៀងស្រីល្បីឈ្មោះ មាស សុខសោភា និងមើលឃើញថា វីដេអូចម្រៀងរបស់នាងនីមួយៗ គឺពិតជាប្លែកទៅតាមអត្ថន័យបទចម្រៀង ដែលមានបទខ្លះនាងបានតុបតែងខ្លួនបែបសាមញ្ញ ចំណែកឯបទខ្លះទៀតវិញ នាងក៏តែងខ្លួនបែបទាន់សម័យជាដើម។ ចំពោះបទចម្រៀង Original Song របស់នាងតែងតែទទួលបានការគាំទ្រខ្លាំង ពិសេសវីដេអូចម្រៀងរបស់តារាស្រីរូបនេះ រមែងទៅផ្ដិតយករូបភាពប្លែកៗស្អាតៗពីតំបន់ទេសចរណ៍នានានៅក្រៅប្រទេស និងបង្ហាញពីរូបរាងសិចស៊ីរបស់នាងផងដែរ។
ដោយឡែក តាមរយៈបណ្ដាញសង្គមហ្វេសប៊ុករបស់តារាស្រីរូបនេះ បានបង្ហោះវីដេអូសកម្មភាពក្រៅឆាកក្នុងការថតវីដេអូចម្រៀងថ្មីមានចំណងជើងថា “My Only One” នៅក្នុងប្រទេស គុយបា។ កាន់តែពិសេសទៅទៀត តារាស្រីរូបនេះ បានបង្ហាញប្លង់ពាក់អាវធ្វើពីស្បៃដ៏ស្ដើងពណ៌ទឹកក្រូច ដែលអាចមើលឃើញឆ្លុះទៅដល់អាវទ្រនាប់ខាងក្នុងពណ៌ទឹកសមុទ្រដ៏មូលក្លំបានយ៉ាងច្បាស់ និងមួយប្លង់ទៀតបង្ហាញពីឈុតប៊ីគីនីស្បៃពណ៌ខ្មៅ ដែលអាចធ្វើឱ្យមហាជនបានឃើញពីដងខ្លួនសិចស៊ី និងខោក្នុងពណ៌ខ្មៅយ៉ាងច្បាស់ផងដែរ។
គួរបញ្ជាក់ផងដែរថា ចំពោះតារាស្រី មាស សុខសោភា មិនមែនមានតែអ្នកគាំទ្រជនជាតិខ្មែរប៉ុណ្ណោះទេ ដែលបានសរសើរពីសមត្ថភាពសំឡេងនៃការច្រៀងរបស់នាង សូម្បីតែបទចម្រៀងបរទេស ក៏តារាស្រីរូបនេះមានសមត្ថភាពទាក់ទាញជនបរទេសឱ្យស្ញើចសរសើរនាងមិនដាច់ពីមាត់ផងដែរ ជាពិសេសបទចម្រៀងនៅលើទំព័រ Vevo។ សូមជម្រាបបន្ថែមថា មកទល់ពេលនេះការទស្សនាវីដេអូសកម្មភាពក្រៅឆាករបស់តារាស្រីសិចស៊ីរូបនេះ បានកើនឡើងដល់ 92K Views ទៅហើយ ចុះទម្រាំតែ Full Mv វិញ តើសម្ទុះនៃការគាំទ្រនឹងស្ទុះហក់ឡើងប៉ុនណាទៅ?៕
