កវីល្បីឈ្មោះ សុខ ជំនោរ ចូលរោងការថ្ងៃនេះហើយ

នៅថ្ងៃទី 26 ខែវិច្ឆិកា ឆ្នាំ2017នេះ គឺជាថ្ងៃរៀបអាពាហ៍ពិពាហ៍របស់កវីល្បីឈ្មោះ សុខ ជំនោរ និងភរិយា ស្រី សុរង្សី ដោយឡែកមុននេះបន្ដិច នៅលើបណ្ដាញសង្គម ហ្វេសប៊ុក របស់អ្នកទាំងពីរបានបង្ហោះរូបភាពជាច្រើនសន្លឹកបញ្ជាក់ថា ថ្ងៃនេះគឺជាថ្ងៃសិរីមង្គល ដែលពោពេញទៅដោយស្នាមញញឹម និងសេចក្ដីសុខបំផុតនៅក្នុងជីវិត។

គួររំឭកផងដែរថា ​លោក​ សុខ ជំនោរ និងគូដណ្ដឹងកញ្ញា ស្រី សុ​រង្សី បានភ្ជាប់ពាក្យនៅថ្ងៃទី6 ខែសីហា ឆ្នាំ2017 ហើយនៅរសៀលថ្ងៃទី 26 ត្រូវបានគេបង្ហើបថា គូស្នេហ៍មួយគូនេះ ត្រៀមទទួលភ្ញៀវកិត្តិយសនៅកោះពេជ្រ ដែលមានវត្តមានចូលរួមពីសិល្បករ សិល្បការិនី និងញាត្តិមិត្តបងប្អូន មានចំនួនមិនតិចជាង១០០តុនោះទេ។ កាន់តែជាក់ច្បាស់សូមទស្សនារូបភាពទាំងឡាយ ខាងក្រោមនេះ៖