ឳពុកក្មេករបស់បងប្រុសខេមរៈ សិរីមន្តទទួលមរណភាព

បើតាមរយៈFacebook Page របស់កំពូលតារាចម្រៀង ខេមរៈ សិរីមន្តបានឱ្យដឹងថា ឳពុកក្មេករបស់បងប្រុសលោកគឺឯកឧត្តម ចៅ ភារម្យ បានទទួលមរណភាពក្នុងអាយុ 72 ឆ្នាំ កាលពីថ្ងៃទី2 ខែតុលា ឆ្នាំ2017។

ដូចដែលប្រិយមិត្តធ្លាប់បានដឹង បានស្គាល់ហើយ កាលពីពេលកន្លងមក លោកខេមរៈ ភារុណ គឺជាបងប្រុសរបស់កំពូលតារាចម្រៀងខេមរៈ សិរីមន្តដែលធ្លាប់បានបញ្ចេញស្នាដៃនិពន្ធបទចម្រៀងល្បីៗជាច្រើនកន្លងមកឱ្យតារាប្រុសរូបនេះច្រៀង។ ហើយកាលពីរាត្រីម្សិលមិញនេះដែរ តារាចម្រៀងរូបនេះក៏បានចូលរួមរំលែកទុក្ខដ៏ក្រៀមក្រំជាមួយនឹងក្រុមគ្រួសារបងប្រុសរបស់ខ្លួនតាមរយៈFacebook Pageថា «សូមវិញ្ញាណក្ខន្ឌលោកអ៊ុំបានទៅដល់សុខគតិភពកុំបីអាក់ខានឡើយ»៕