បន្ទាប់ពីបែកធ្លាយរូបភាពប៉ុន្មានសន្លឹករបស់តារាចម្រៀងមនោសញ្ចេតនាលន្លង់លន្លោច Sam Smith បានថើបជញ្ជក់មាត់គ្នាជាមួយសង្សារប្រុសដូចគ្នាដែលជាតួអង្គនៅក្នុងរឿង “13 Reasons Why” លោក Brandon Flynn រួចមក ស្រាប់តែថ្មីៗនេះ តារាចម្រៀងរូបនេះបានអះអាងប្រាប់សារព័ត៌មាន The Star ថា លោកពិតជាមានទំនាក់ទំនងស្នេហាជាមួយគ្នាពិតប្រាកដមែន។
រូបភាពឱបថើបគ្នានេះ ស្ថិតនៅក្នុងទីសាធារណៈមួយនៃទីក្រុងញូវយ៉ក សហរដ្ឋអាមេរិក ដែលបង្ហាញពីការណាត់ជួបគ្នា និងទទួលទានអាហារជាមួយគ្នាផងដែរ។ គួរបញ្ជាក់ផងដែរថា តារាចម្រៀងវ័យ 25 ឆ្នាំ និង តារាសម្ដែងវ័យ 23 ឆ្នាំ ទាំងពីរនាក់នេះ បានបញ្ចាក់ថា ពួកគេកំពុងតែមានទំនាក់ទំនងស្និទ្ធស្នាលនឹងគ្នា ហើយកំពុងតែស្វែងយល់ពីចិត្តគ្នាទៅវិញទៅមក ដូច្នេះហើយទើបអ្នកគាំទ្របានឃើញពួកគេបណ្ដើរគ្នាទៅទទួលទានអាហារ ព្រមទាំងអង្គុយផឹកស្រាយ៉ាងផ្អែមល្ហែមជាមួយគ្នា ពោលគឺ ញ៉ាំបណ្ដើរ ថើបជញ្ជក់មាត់គ្នាបណ្ដើរ។ ផ្អែមល្ហែមដល់កម្រិតនេះឯង ដែលធ្វើឱ្យអ្នកគាំទ្រជាច្រើននឹកស្មានមិនដល់ ដូច្នេះដើម្បីឱ្យកាន់តែច្បាស់បន្ថែមទៀត សូមទស្សនារូបភាពទាំងឡាយខាងក្រោមនេះ៖
