ស្ងាត់ៗ ពេជ្រ សូលីកា វិលចូលសិល្បៈវិញ

នៅរាត្រីថ្ងៃទី27 ខែកញ្ញា ឆ្នាំ2017នេះ ស្ងាត់ៗ ស្រាប់តែមានការភ្ញាក់ផ្អើលយ៉ាងខ្លាំងមួយបានកើតឡើង ដោយសារតែការវិលចូលពិភពសិល្បៈវិញរបស់តារាស្រី ពេជ្រ សូលីកា តាមរយៈការបង្ហោះបទចម្រៀងថ្មីមួយបទរបស់នាង ដែលមានចំណងជើងថា “លាក់បាំង” ដែលជាការបកស្រាយរួមគ្នាជាមួយតារាអតីតដៃគូចម្រៀងនៅផលិតកម្ម M  គឺលោក នីកូ។ សូមបញ្ជាក់ថា បទចម្រៀង original song  “លាក់បាំង” នេះជាស្នាដៃនិពន្ធរបស់លោក Noly ។

គួរបញ្ជាក់ផងដែរ សព្វថ្ងៃ ពេជ្រ សូលីកា គឺជាថៅកែស្រីរូបស្រស់ក្នុងហាង “បាយអូនអ៊ូក” ហើយអ្វីដែលគួរឲ្យកត់សម្គាល់នោះគឺ ទោះបីជានាងមិនបានស្ថិតក្នុងពិភពសិល្បៈក្ដី ក៏អតីតតារាចម្រៀងផលិតកម្ម M រូបនេះ នៅតែមានសម្រស់ស្រស់ស្អាត និងក្មេងជាងវ័យដូចមុនដដែល៕