តារាបួនដួងជួបគ្នានៅរឿងភាគទូរទស្សន៍ហង្សមាស “រាជបុត្រកង្កែប ឬ ជួបស្នេហ៍អ្នកមាន “

បន្ទាប់ពីលោក នី រតនា បានបង្ហើបប្រាស់អ្នកសារព័ត៌មាន ឡារ៉ែន កាលពីប៉ុន្មានសប្ដាហ៍មុន អំពីការថតរឿងភាគទូរទស្សន៍របស់លោក ស្រាប់តែប៉ុន្មានម៉ោងមុននេះបន្ដិច តារារូបនេះបានទម្លាយរឿងភាពក្រុងពាលីរបស់ខ្លួននៅក្នុងរឿង “រាជបុត្រកង្កែប ឬ ជួបស្នេហ៍អ្នកមាន “។

បើតាមគណនីរបស់លោក នី រតនា បានឱ្យដឹងថា ” ឥលូវនេះ! យេីងខ្ញុំទាំងអស់គ្នា បានមកចូលរួមពិធីក្រុងពាលី ថតខ្សែភាពយន្តថ្មីរបស់ក្រុមហ៊ុនហង្សមាស វីឌីអូ ក្នុងរឿង រាជបុត្រកង្កែប ឬ ជួបស្នេហ៍អ្នកមាន ! សូមបងប្អូនកុំភ្លេចរងចាំតាមដានទស្សនាទាំងអស់គ្នា អរគុណសម្រាប់ការគាំទ្រ ” ។ ចង់ដឹងថារឿងនេះល្អមើលយ៉ាងដូចម្ដេចក្ដី មានតែរង់ចាំទស្សនានៅលើកញ្ចក់ ទូរទស្សន៍ហង្សមាស និងរស្មីហង្សមាស នាពេលខាងមុខឆាប់ៗនេះ៕