ថ្មីៗនេះវេបសាយស្មាតហ្វូនដ៏ពេញនិយម Techradar បានលើកយកទូរស័ព្ទដៃ ប្រភេទថ្មីមួយ មកបង្ហាញថា ជាប្រភេទស្មាតហ្វូនរឹងមាំ តម្លៃធូរថ្លៃក្រោម 100ដុល្លារ (បើកុម្ម៉ង់ទិញតាមវេបសាយ Aliexpress) គឺជា ស្មាតហ្វូនមួយ ឈ្មោះថា Santin P68 បំពាក់RAM 4GB/មេម៉ូរី 64GB ដំណើរការដោយ Android 9។
អ្វីដែលគួរឱ្យចាប់អារម្មណ៍នោះ គឺនៅត្រង់ថា ស្មាតហ្វូន Santin P68 ស្ថិតក្នុងប្រភេទល្អសមរម្យហ្នឹងគេដែរ ហើយថែមទាំងមានដាក់ផ្ទាំងរូបប្រាសាទអង្គរវត្ត ក្នុង Wallpaper។ ជាទូរស័ព្ទរបស់ក្រុមហ៊ុនចិន ដែលលក់ លើវេបសាយមានតម្លៃត្រឹមតែ 87ដុល្លារប៉ុណ្ណោះ។
Santin P68 ប្រើអេក្រង់ទំហំ 5.5អ៊ិញ មានរន្ធដាក់ស៊ីមបាន2 ថាមពលថ្ម 4000mAh មានរន្ធដោតភ្លើងលឿន និងខ្សែសាក USB Type-C និងបំពាក់បន្ទះឈីប 8-core។
គួររំឭកផងដែរថា ក្នុងចំណោមប្រភេទ ស្មាតហ្វូនរឹងមាំ តម្លៃធូរថ្លៃ ក៏មានច្រើនម៉ាកដែរ ដូចជា Blackview, Ulefone, Doogee, Homtom, Cat, Zebra, AGM និង Vernee ដែលទាំងអស់នោះ សុទ្ធតែធន់ៗ មាំៗ កម្រិតខ្ពស់ ដោយមានខ្លះ អាចធ្លាក់ពីជណ្ដើរខ្ពស់ ក៏មិនបែកអេក្រង់ដែរទៀតផង៕
