ម៉ូតូហោះរបស់ក្រុមហ៊ុនមួយនៅ ប្រទេសជប៉ុន ដែលប្រើប្រាស់ rotor ធំចំនួន ២ ដំណើរការដោយម៉ាស៊ីនហ្គាស Kawasaki កម្លាំង ២២៨ សេះ ត្រូវបានដាក់ឱ្យបញ្ជាទិញជាផ្លូវការ។
ក្រុមហ៊ុន A.L.I Technologies បានឱ្យដឹងថា ម៉ូដែលគំរូនៃម៉ូតូហោះរបស់ពួកគេ អាចហោះក្នុងល្បឿន ៨០ គីឡូម៉ែត្រ/ម៉ោង និងហោះបណ្ដែតខ្លួនដល់កម្ពស់ប្រហែល ២.៤ ម៉ែត្រ និងហោះបាន ៤០ នាទី បន្ទាប់ពីបញ្ចូលថាមពលពេញ។ ដងខ្លួនដែលធ្វើអំពីសរសៃកាបូនរបស់ម៉ូតូហោះនេះ មានទម្ងន់ ២៩៩ គីឡូក្រាម និងបណ្ដោយ ៣.៦៥ ម៉ែត្រ។
ប្រព័ន្ធសម្រាប់ការបើកបរស្វ័យប្រវត្តរបស់ម៉ូតូនេះគឺជាលទ្ធផលនៃការសហការរវាងក្រុមហ៊ុន A.L.I Technologies និងក្រុមហ៊ុន Toda Racing។
ដោយសារតែបញ្ហាផ្លូវច្បាប់នៅ ជប៉ុន ម៉ូតូហោះ XTurismo Limited Edition របស់ ក្រុមហ៊ុន A.L.I Technologies ត្រូវបានអនុញ្ញាតឱ្យហោះតែពីលើផ្លូវប្រណាំងប៉ុណ្ណោះ។ A.L.I Technologies មានគម្រោងផលិតម៉ូតូហោះនេះត្រឹមតែ ២០០ គ្រឿង សម្រាប់ក្រុមអតិថិជនដែលមានចំណូលចិត្ត។
ជំនួសឱ្យម៉ូតូ XTurismo Limited Edition ក្រុមហ៊ុន A.L.I Technologies មានបំណងផលិតទ្រង់ទ្រាយធំនូវម៉ូតូហោះដែលដំណើរការដោយថាមពលអគ្គិសនី ដើម្បីប្រើប្រាស់ក្នុងទីក្រុង សម្រាប់បេសកកម្មស្វែង និងជួយសង្គ្រោះនៅក្នុងហេតុការណ៍នានាដែលបង្កឡើងដោយគ្រោះធម្មជាតិ៕
