កម្មវិធីអាកាសធាតុល្បីឈ្មោះ Dark Sky បានចេញសេចក្ដីប្រកាសមួយ ឱ្យដឹងថា Apple បានទិញយកក្រុមហ៊ុនរបស់ខ្លួន ដែលនាំឱ្យមានការផ្លាស់ប្ដូរធំៗមួយចំនួននាពេលខាងមុខ ពោលគឺ រាល់ការ Support សម្រាប់ប្រព័ន្ធប្រតិបត្តិការ Android នឹងត្រូវបញ្ចប់នៅត្រឹមថ្ងៃទី1 ខែកក្កដា ឆ្នាំ2020 ខាងមុខ។
កម្មវិធី Dark Sky មានចំនួនអ្នកប្រើប្រាស់លើ Android ជាង 1លាននាក់ឯណោះ ដូចនេះការបញ្ចប់ការ Support នេះ គឺជាការខាតបង់ធំមួយ តែយ៉ាងណា នៅលើ App Store របស់ Apple កម្មវិធីនេះ គឺស្ថិតនៅលំដាប់ថ្នាក់លេខ1 លើផ្នែកធាតុអាកាស ត្រឹមតែរយៈពេលខ្លីបំផុត។
ក្រុមហ៊ុន ក៏បានប្រកាសដែរថា អ្នកប្រើប្រាស់ដែលបានចុះឈ្មោះបង់ថ្លៃសេវាប្រើប្រាស់នឹងទទួលបានប្រាក់សំណងនៅថ្ងៃដែលបញ្ចប់ការ Support ។ ម្យ៉ាងទៀត ក្រោយពីការទិញយកពីសំណាក់ Apple ហើយ ក្រុមហ៊ុនបានប្រកាសថា កម្មវិធី Dark Sky នឹងមិនមានការផ្លាស់ប្ដូរឈ្មោះ (ទៅជា iDark Sky) នោះទេ៕
