រឿងភាគដែលកំពុងល្បីល្បាញក្នុងពិភពលោកនៅពេលនេះ បានបន្ដផលិតដល់រដូវកាលទី 7 ហើយ គឺរឿង Game of Throne ដែលក្រៅពីរៀបរាប់ពីរឿងរ៉ាវដ៏គួរឱ្យចាប់អារម្មណ៍បំផុតតាមរយៈឈ្មោះតួសម្ដែងនៅក្នុងរឿងនេះហើយ ឥឡូវនេះទស្សនិកជនបានយកឈ្មោះរបស់តួអង្គនៅក្នុងរឿងនេះ ទៅដាក់ជាឈ្មោះឱ្យសត្វចិញ្ចឹមរបស់ពួកគេ ដែលកាន់តែធ្វើឱ្យរឿងភាគមួយនេះ រឹតតែមានភាពល្បីល្បាញឡើងថែមទៀត។
នេះជារឿងធម្មតាទេដែលអ្នកគាំទ្របានយកឈ្មោះរបស់តារាដែលខ្លួនចូលចិត្តក្នុងរឿងភាគមកដាក់ជាឈ្មោះរបស់សត្វចិញ្ចឹម និងសត្វជាទីស្រឡាញ់របស់ខ្លួន ដូចជា សុនខ សេះ ឬសត្វឆ្មាជាដើម ហើយនៅទីបំផុត Healthy Paws Pet Insurance នៅទីក្រុងវ៉ាស៊ីនតោនបានធ្វើស្ថិតិរកឃើញថា Game of Thrones គឺជារឿងភាគដែលត្រូវបានគេយកឈ្មោះតួអង្គក្នុងរឿងទៅដាក់ជាឈ្មោះសត្វចិញ្ចឹមច្រើនជាងគេបំផុតលើពិភពលោក។
គួរបញ្ជាក់ផងដែរថា មានគ្រួសារជាង 5,400 គ្រួសារ បានដាក់ឈ្មោះសត្វចិញ្ចឹមរបស់ពួកគេតាមឈ្មោះរបស់តួអង្គក្នុងរឿង Game of Throne នេះ ដែលរួមមានដូចជាឈ្មោះ Stark, Ariel និង Sunza ជាឈ្មោះដែលពេញនិយមខ្លាំងបំផុត រហូតមានសត្វចិញ្ចឹមចំនួនដល់ទៅ 900 ក្បាលដែលបានដាក់ឈ្មោះទាំងនេះ៕
