ចង់បង្កើតរូបភាពប្រភេទ Gif ប្លែកៗលើទូរស័ព្ទ Galaxy S8 ត្រូវធ្វើយ៉ាងណា?

មានមុខងារជាច្រើនដែលទូរស័ព្ទ Samsung Galaxy S8 អាចធ្វើបាន ដើម្បីបំពេញតម្រូវការអ្នកប្រើប្រាស់លើការទំនាក់ទំនង ការសិក្សា និងការកម្សាន្តជាដើម។ ក្នុងនោះ ទូរស័ព្ទមួយនេះ នៅបន្ដមានមុខងារពិសេសមួយពីរៀមច្បងរបស់វា គឺការធ្វើរូបភាពប្រភេទ Gif ចេញពីវីដេអូបានយ៉ាងងាយស្រួល ដោយគ្រាន់តែអនុវត្តតាមវិធីខាងក្រោម។

1. មុនដំបូង បើកវីដេអូដែលចង់បំប្លែងទៅជារូបភាពប្រភេទ Gif
2. បន្ទាប់មក អូសអេក្រង់ពីស្ដាំទៅឆ្វេងដៃ (ដូចក្នុងរូបខាងក្រោម)
3. បន្ទាប់មកទៀត អូសអេក្រង់ពីស្ដាំទៅឆ្វេងដៃចំនួន 2 ដងទៀត
4. ចុចលើ Animation
   
5. សូមជ្រើសរើសសកម្មភាពវីដេអូដែលចង់បំប្លែងទៅជារូបភាពប្រភេទ Gif
6. លោកអ្នកអាចកាត់តម្រឹមវីដេអូបាន
7. ចុចលើ High qualityដើម្បីជ្រើសរើសគុណភាពវីដេអូ
   
8. ចុចលើ recordដើម្បីថតសកម្មភាពវីដេអូ ហើយចុចលើ Stop នៅពេលឈប់ថត
9. ចុងក្រោយ ចុចលើ Save ដើម្បីរក្សាទុករូបភាពប្រភេទ Gif លើទូរស័ព្ទ ឬចុចលើ Share ដើម្បីចែករំលែកចូលទៅកាន់បណ្ដាញសង្គម។