មហាសេដ្ឋីអាម៉េរិក ដើមកំណើតអាហ្វ្រិកខាងត្បូង លោក Elon Musk គ្រប់គ្រងចំណាត់ថ្នាក់របស់ខ្លួនដូចទៅនឹងឆ្នាំមុន នៅពេលនាំមុខគេនៅក្នុងបញ្ជីឈ្មោះមហាសេដ្ឋីដែលពូកែរកប្រាក់បំផុតក្នុងឆ្នាំនេះ ដោយរកបានជាង ១០០ ពាន់លានដុល្លារអាម៉េរិក។
ស្ថិតិថ្មីបំផុតរបស់ទស្សនាវដ្ដី Forbes បានបង្ហាញថា ឆ្នាំ ២០២១ នេះ នៅតែជាឆ្នាំដ៏ជោគជ័យរបស់ក្រុមអ្នកមាន។ ក្នុងចំណោមមហាសេដ្ឋីទាំង ២,៦៦០ នាក់ របស់ពិភពលោក មាន ១,៨០០ នាក់ មានទ្រព្យកើនឡើង ធៀបនឹងដើមឆ្នាំ ក្នុងនោះ មហាសេដ្ឋីខ្លះ រកបានបន្ថែមខ្ទង់រាប់រយលាន ប៉ុន្តែ អ្នកមានខ្លះរកបានរហូតដល់ខ្ទង់រយពាន់លានដុល្លារ។
ក្រោមខាងនេះគឺជាមហាសេដ្ឋីដែលមានទ្រព្យកើនឡើងខ្ពស់បំផុតក្នុងឆ្នាំ ២០២១ គិតត្រឹមថ្ងៃទី ១០ ខែធ្នូ ឆ្នាំ ២០២១។
១-អ៊ីឡុន ម៉ាស (Elon Musk)
-ប្រទេស៖ សហរដ្ឋអាម៉េរិក
-ទ្រព្យសរុប៖ ២៦៥.៤ ពាន់លានដុល្លារ
-ទ្រព្យដែលបានកើនឡើងក្នុងឆ្នាំនេះ៖ ១០៩.៨ ពាន់លានដុល្លារ
-វិស័យជំនួញដែលជាប្រភពចំណូល៖ ក្រុមហ៊ុនផលិតរថយន្តអគ្គិសនី ទីភ្នាក់ងារអវកាស ក្នុងនោះតម្លៃភាគហ៊ុន Tesla និងតម្លៃមូលធនរបស់ SpaceX បានកើនឡើងខ្ពស់។
២-ហ្គោតាម អាដានី (Gautam Adani)
-ប្រទេស៖ ឥណ្ឌា
-ទ្រព្យសរុប៖ ៨១.១ ពាន់លានដុល្លារ
-ទ្រព្យដែលបានកើនឡើងក្នុងឆ្នាំនេះ៖ ៥២.៥ ពាន់លានដុល្លារ
-វិស័យជំនួញដែលជាប្រភពចំណូល៖ ក្រុមាហ៊ុនពហុវិស័យ ក្នុងនោះ ភាគហ៊ុន Adani Gas កើន ៤០០% ក្នុងឆ្នាំ ២០២១, Adani Transmission កើន ៣៣០% និង Adani Enterprise កើន ២៥០%។
៣-ឡែរី ភេក (Larry Page)
-ប្រទេស៖ សហរដ្ឋអាម៉េរិក
-ទ្រព្យសរុប៖ ១២៦.៣ ពាន់លានដុល្លារ
-ទ្រព្យដែលបានកើនឡើងក្នុងឆ្នាំនេះ៖ ៤៩.១ ពាន់លានដុល្លារ
-វិស័យជំនួញដែលជាប្រភពចំណូល៖ ក្រុមហ៊ុនបច្ចេកវិទ្យា, ភាគហ៊ុន Alphabet (ក្រុមហ៊ុនមេរបស់ Google) បានកើន ៧១% ក្នុងឆ្នាំនេះ។
៤-ឡែរី អេលីសឹន (Larry Ellison)
-ប្រទេស៖ សហរដ្ឋអាម៉េរិក
-ទ្រព្យសរុប៖ ១៣៥.៧ ពាន់លានដុល្លារ
-ទ្រព្យដែលបានកើនឡើងក្នុងឆ្នាំនេះ៖ ៤៧.៥ ពាន់លានដុល្លារ
-វិស័យជំនួញដែលជាប្រភពចំណូល៖ ក្រុមហ៊ុនបច្ចេកវិទ្យា, លោកក៏ជាម្ចាស់ភាគហ៊ុនធំលំដាប់ទី ២ របស់ Tesla។
៥-ស៊ើរហ្គេ ប្រ៊ីន (Sergey Brin)
-ប្រទេស៖ សហរដ្ឋអាម៉េរិក
-ទ្រព្យសរុប៖ ១២១.៧ ពាន់លានដុល្លារ
-ទ្រព្យដែលបានកើនឡើងក្នុងឆ្នាំនេះ៖ ៤៦.៧ ពាន់លានដុល្លារ
-វិស័យជំនួញដែលជាប្រភពចំណូល៖ លោកជាសហស្ថាបនិករបស់ Google។
៦-បឺរណាត អារណូវ (Bernard Arnault)
-ប្រទេស៖ បារាំង
-ទ្រព្យសរុប៖ ១៩៣.៩ ពាន់លានដុល្លារ
-ទ្រព្យដែលបានកើនឡើងក្នុងឆ្នាំនេះ៖ ៤៣ ពាន់លានដុល្លារ
-វិស័យជំនួញដែលជាប្រភពចំណូល៖ ក្រុមហ៊ុនលក់ផលិតផលប្រណិត LVMH។
៧- ស្ទីវ បាលមឺរ (Steve Ballmer)
-ប្រទេស៖ សហរដ្ឋអាម៉េរិក
-ទ្រព្យសរុប៖ ១០៧.៥ ពាន់លានដុល្លារ
-ទ្រព្យដែលបានកើនឡើងក្នុងឆ្នាំនេះ៖ ៣២.៣ ពាន់លានដុល្លារ
-វិស័យជំនួញដែលជាប្រភពចំណូល៖ ក្លិបបាល់បោះ Los Angeles Clippers និង Microsoft។
៨-ចាង យីម៉ីង (Zhang Yiming)
-ប្រទេស៖ ចិន
-ទ្រព្យសរុប៖ ៥៩.៤ ពាន់លានដុល្លារ
-ទ្រព្យដែលបានកើនឡើងក្នុងឆ្នាំនេះ៖ ៣១.៧ ពាន់លានដុល្លារ
-វិស័យជំនួញដែលជាប្រភពចំណូល៖ បណ្ដាញសង្គម TikTok, Douyin នៃក្រុមហ៊ុន ByteDance។
៩-រ៉ូប៊ីន ហ្ស៊ឹង (Robin Zeng)
-ប្រទេស៖ ចិន
-ទ្រព្យសរុប៖ ៥៧.៦ ពាន់លានដុល្លារ
-ទ្រព្យដែលបានកើនឡើងក្នុងឆ្នាំនេះ៖ ២៦.៨ ពាន់លានដុល្លារ
-វិស័យជំនួញដែលជាប្រភពចំណូល៖ ក្រុមហ៊ុនផលិតថ្មសម្រាប់រថយន្តអគ្គិសនី CATL។
១០-ប៊ីល ហ្គេត (Bill Gates)
-ប្រទេស៖ សហរដ្ឋអាម៉េរិក
-ទ្រព្យសរុប៖ ១៣៩.២ ពាន់លានដុល្លារ
-ទ្រព្យដែលបានកើនឡើងក្នុងឆ្នាំនេះ៖ ១៨.៩ ពាន់លានដុល្លារ
-វិស័យជំនួញដែលជាប្រភពចំណូល៖ ក្រុមហ៊ុនបច្ចេកវិទ្យា Microsoft។
