ទីផ្សារដឹកជញ្ជូនទំនិញតាមផ្លូវដែកទូទាំងពិភពលោកគ្រោងនឹងកើនឡើងដល់ ២០៥.៣ ពាន់លានដុល្លារអាម៉េរិក ដោយមានអត្រាកំណើនប្រចាំឆ្នាំជារួម (CAGR) ៤.៣% ក្នុងអំឡុងពីឆ្នាំ ២០២២-២០២៦។
របាយការណ៍របស់ Research And Markets បានព្យាករថា ទីផ្សារនេះនឹងសម្រេចបាន ១៦៩.៨ ពាន់លានដុល្លារក្នុងឆ្នាំ ២០២២។ Intermodals (ការដឹកជញ្ជូនពហុផ្នែក-ក្នុងនោះ ទំនិញត្រូវបានដឹកតាមមធ្យោបាយដឹកជញ្ជូនចាប់ពី ២ ប្រភេទឡើងទៅ) ត្រូវបានព្យាករថា នឹងមានកំណើនប្រចាំឆ្នាំ ៣.៧% និងសម្រេចបាន ៩៦ ពាន់លានដុល្លារនៅឆ្នាំ ២០២៦។
ចំណែកការដឹកទំនិញតាមរថយន្ត ត្រូវបានព្យាករថា នឹងមានកំណើន CAGR ៤.៥% ក្នុងរយៈពេល ៧ ឆ្នាំទៀត។ ផ្នែកនេះបច្ចុប្បន្នកាន់កាប់ ២៣% ក្នុងទីផ្សារដឹកជញ្ជូនតាមផ្លូវដែកទូទាំងពិភពលោក។
នៅក្នុងបណ្ដាតំបន់ដែលត្រូវបានស្រាវជ្រាវ ទីផ្សារអាម៉េរិក ត្រូវបានគណនាឃើញថានឹងសម្រេចបាន ៥៨ ពាន់លានដុល្លារក្នុងឆ្នាំ ២០២២ នេះ ខណៈដែល ប្រទេសចិន នឹងសម្រេចបាន ៣៥.៤ ពាន់លានដុល្លារនៅឆ្នាំ ២០២៦ ជាមួយនឹងកំណើន CAGR ៥.៥% ក្នុងដំណាក់កាលដែលបានវិភាគ។ បច្ចុប្បន្ន សហរដ្ឋអាម៉េរិក គ្រប់គ្រង ៣៤.៤% ក្នុងទីផ្សារដឹកជញ្ជូនតាមផ្លូវដែកទូទាំងពិភពលោក។
