Category: PR

កាលពី​ថ្ងៃទី21 និង​ថ្ងៃទី22 ខែធ្នូ ឆ្នាំ2019 នៅ​ផ្សារ​ទំនើប អ៊ីអន ម៉​ល សែន​សុខ (អ៊ីអន ម៉​ល​ទី2)ក្រុមហ៊ុន LDI ENTERPRISE LTD បានរៀបចំ​កម្មវិធី​មួយ​ដ៏​ធំ “G-Shock Fan Festa” ដោយមាន​ការចូលរួម​ពី​សំណាក់ លោកស្រី គួច ណាវី នាយក​ប្រតិបត្តិ នៃ​ក្រុមហ៊ុនLDIENTERPRISE LTD, Farther of G-Shock លោក Kikuo Ibe និងអ្នកនាង Asami Sagara អ្នកតំណាង​មកពី​ប្រទេស​ជប៉ុន នៃ​នាឡិកា​ម៉ាក CASIO ផងដែរ។

នៅក្នុង​កម្មវិធី​នោះ​ផងដែរ អតិថិជន Fans ក៏ដូចជា​ទស្សនិកជន​ទាំងអស់​ក៏បាន​រីករាយ​ជាមួយនឹង​ការជួប និង​ការថតរូប​ជាមួយនឹង Idols របស់​ពួកគេ ដែលជា​អគ្គរាជទូត​សុច្ឆន្ទៈ (Brand Ambassador) របស់​នាឡិកា​ជប៉ុន​ម៉ាក G-Shock និង​ម៉ាក Baby-G ទាំង3រូប គឺ​អ្នកនាង មាស សុខ​សោភា តំណាងឱ្យ​ផលិតផល​នាឡិកា​ម៉ាក Baby-G, លោក ឃឹម​ផុន ថេ​ណា តំណាងឱ្យ​ផលិតផល​នាឡិកា​ម៉ាក G-Shock និង​កញ្ញា នី​គី នី​គី តំណាងឱ្យ​ផលិតផល​នាឡិកា​ម៉ាកBABY-G ដែល​ស្ថិតនៅក្រោម​ម៉ាក​សញ្ញា​នាឡិកា CASIO របស់​ជប៉ុន ហើយ​ទស្សនិកជន​ទាំងអស់​ក៏បាន​រីករាយ​ជាមួយនិង​ការ​ច្រៀង​កំដ​អារម្មណ៍​យ៉ាង​ពីរោះ​រណ្តំ​ចិត្ត​ពី​សំណាក់​អគ្គរាជទូត​សុច្ឆន្ទៈ​ទាំង3រូប​ផងដែរ។

នៅក្នុង​ឱកាស​នៃ​កម្មវិធី​ពីរ​ថ្ងៃ​ពេញ​នេះ លោកអ្នក​ក៏មាន​ឱកាស​បាន​ជួប និង​ទទួលបាន​ការចុះហត្ថលេខា​ពី Farther of G-Shock ដែលជា​អ្នក​ច្នៃ​ម៉ូដ​នាឡិកា និង​ផលិត​នាឡិកាដៃម៉ាក G-Shock ដោយផ្ទាល់​ផងដែរ ព្រមទាំង​ទទួលបាន​នូវ​ការបញ្ចុះ​តម្លៃ​រហូតដល់30% ចំពោះ​ការទិញ​នាឡិកាដៃ​ម៉ាក G-Shock និង​ម៉ាក Baby-G ដែលមាន​តាំង​បង្ហាញ​នៅ​ទីនោះ​ផ្ទាល់​តែម្តង និង​មាន​ការលេង​ហ្គេម​ឈ្នះ​រង្វាន់​នាឡិកា​ម៉ាក G-Shock និង​ម៉ាក Baby-G និង​ការចាប់​ឆ្នោត​ផ្សងសំណាង​នាឡិកា​ម៉ាក G-Shock និង​ម៉ាក Baby-G ជាច្រើន​រង្វាន់​ជូន​ដល់​អតិថិជន​ដែល​តែងតែ​គាំទ្រ​នាឡិកា​គុណភាព​ខ្ពស់​របស់​ជប៉ុន​នេះ​ផង​ដែល ឱកាស​ដ៏​ល្អ​នេះ​មាន​រយៈពេល​តែ2ថ្ងៃនេះ​តែប៉ុណ្ណោះ៕

ដោយសារតែមើលឃើញពីបញ្ហាមិនចុះសម្រុង និង ប្រសិទ្ធភាពនៃការទំនាក់ទំនងរវាងបុគ្គលិកនិងម្ចាស់ក្រុមហ៊ុនដែលកើតមាននៅក្នុងបរិបទការងារនៅក្នុងសព្វថ្ងៃនេះ WORKINGNA.COM [កម្មវិធី&Websiteស្វែករក (more…)

​​ជា​ភាព​ជោគជ័យ​មួយ​របស់​ក្រុមហ៊ុន​ ​HSK​ ​Investment​ ​Co​.​,​ ​Ltd​ ​ដែល​ទទួល​បានការ​គាំទ្រ​ ​និង​បញ្ជាទិញ​ពីអ​តិថិ​ជន​រាប់ពាន់​ ​រាប់​ម៉ឺន​នាក់​ក្រោយពេល​សម្ពោធ​ទីស្នាក់ការ​ដ៏​ស្រស់​ស្អាត​ ​និង​ប្រកបដោយ​ទំនុកចិត្ត​របស់​ខ្លួន​កាលពី​ថ្ងៃទី16​ ​ខែធ្នូ​ ​ថ្មី​ៗ​នេះ​។​ ​

​កម្មវិធី​សម្ពោធ​ក្រុមហ៊ុន​ ​HSK​ ​Investment​ ​Co​.​,​ ​Ltd​ ​ដែល​ជា​ក្រុមហ៊ុន​ទទួល​បាន​ពានរង្វាន់​សហគ្រិន​ឆ្នើម​ ​Success​ ​CEO​ ​Award​ ​2019​ ​នេះ​ប្រព្រឹត្ត​ឡើង​យ៉ាង​អធិកអធម​ដោយមាន​ការចូលរួម​ពី​លោក​ឧកញ៉ា​ ​ចិត្រ​ ​សិរី​សុ​ភ័ក្ត្រ​ ​អគ្គនាយក​ក្រុមហ៊ុន​ ​Luxury​ ​Smile​ ​Beauty​ ​Group​ ​និង​អ្នកស្រី​ ​ហ៊ឹម​ ​ស៊ី​វន​ ​តារាចម្រៀង​ដ៏​ល្បីល្បាញ​ក្នុង​ស្រទាប់​ប្រជាជន​កម្ពុជា​ ​ពិធីករ​-​ពិធី​ការិនី​ ​សិល្បករ​ ​និង​បុគ្គល​ល្បីល្បាញ​ជាច្រើន​រូប​ទៀត​។​ ​

​លោកស្រី​ ​ហ៊ឹង​ ​សុ​ឃាង​ ​អគ្គ​នាយិកា​ក្រុមហ៊ុន​ ​HSK​ ​Investment​ ​Co​.​,​ ​Ltd​ ​បាន​លើកឡើង​ថា​ ​ការ​សម្ពោធ​ក្រុមហ៊ុន​នេះ​ជា​ជោគជ័យ​ដ៏​ធំ​មួយ​ដែល​មានការ​ចូលរួម​គាំទ្រ​ពី​បុ​គ្គ​លល្អៗ​ ​និង​ផ្តល់​ទំនុកចិត្ត​កាន់តែ​ខ្លាំង​ដល់​ប្រជាជន​ខ្មែរ​គ្រប់រូប​។​ ​ក្រោយពេល​សម្ពោធ​ ​អតិថិជន​ជាច្រើន​បាន​សម្រុក​បញ្ជាទិញ​ផលិតផល​ ​អូ​រ៉ា​ហ្គោល​ ​និង​ផលិតផល​ម៉ាស​ត្រី​បូ​ថ​ក់​ ​កាន់តែ​ច្រើនឡើង​ក្នុង​ ​1ថ្ងៃ​ៗ​។​ ​បន្ថែម​ពីលើ​នេះ​ ​សមាជិក​ជាច្រើន​នៅ​ទូទាំង​ប្រទេស​ក៏បាន​ទទួលការ​គាំទ្រ​កាន់តែ​ច្រើន​ ​ដែល​ធ្វើ​ឱ្យ​ទំហំ​នៃ​ការ​លក់​ចេញ​មានការ​កើនឡើង​យ៉ាង​ខ្ពស់​ហួសពី​ការស្មាន​។​ ​

​លោកស្រី​ ​ហ៊ឹង​ ​សុខ​ឃាង​ ​បាន​និយាយ​ថា​៖​ ​«​ខ្ញុំ​សូម​ថ្លែងអំណរគុណ​ចំពោះ​លោក​ឧកញ៉ា​ ​លោកជំទាវ​ ​ឯកឧត្តម​ ​និង​អតិថិជន​ទាំងអស់​ដែល​បាន​គាំទ្រ​ ​និង​ផ្តល់​ទំនុកចិត្ត​មក​លើ​ផលិតផល​របស់​ក្រុមហ៊ុន​ ​HSK​ ​Investment​ ​Co​.​,​ ​Ltd​។​ ​តាមរយៈ​ការ​គាំទ្រ​របស់​អ្នក​ទាំងអស់គ្នា​ ​ខ្ញុំ​កាន់តែ​មាន​សម្ទុះ​ចិត្តខ្លាំង​ឡើង​ក្នុង​ការ​ខិតខំ​ប្រឹងប្រែង​អភិវឌ្ឍ​គុណភាព​សេវាកម្ម​ ​និង​ផលិតផល​បន្ថែម​ទៀត​ឱ្យ​កាន់តែ​សម្បូរ​បែប​ឡើង​នៅក្នុង​ទីផ្សារ​កម្ពុជា​»​។​ ​

​សហគ្រិន​ស្ត្រី​ខាងលើ​បាន​បន្ថែម​ទៀត​ថា​ ​លោកស្រី​ប្តេជ្ញា​ចិត្ត​ថា​ ​នឹង​បន្ត​ជួយ​ដល់​ប្រជាជន​កម្ពុជា​ ​តាមរយៈ​ការ​នាំមក​នូវ​ផលិតផល​រក្សា​សម្រស់​ប្រកបដោយ​គុណភាព​ខ្ពស់​ ​សុវត្ថិភាព​ ​និង​តម្លៃ​សមរម្យ​ ​សម្រាប់​ជំរុញ​ភាព​ស្រស់​ស្អាត​ ​និង​ទំនុកចិត្ត​ដល់​សុភាពបុរស​ ​និង​សុភាពនារី​គ្រប់រូប​។​ ​ផលិតផល​ទាំងអស់​ដែល​លោកស្រី​នាំមក​កាន់​ទី​ផ្សា​កម្ពុជា​សុទ្ធតែ​ឆ្លងកាត់​ការ​ត្រួតពិនិត្យ​ ​និង​ចុះ​បញ្ជិកា​ត្រឹមត្រូវ​ដែល​ទទួលស្គាល់​ដោយ​ក្រសួង​ពាក់ព័ន្ធ​។​ ​

​ដើម្បី​ទទួល​បាន​ព័ត៌មាន​បន្ថែម​ពាក់ព័ន្ធ​នឹង​បញ្ហា​សម្រស់​ ​សូម​ទំនាក់ទំនង​មកកាន់​ទូរស័ព្ទ​លេខ​ ​081​ ​331​ ​148​ ​ឬ​អាសយដ្ឋាន​ក្រុមហ៊ុន​ ​HSK​ ​Investment​ ​Co​.​,​Ltd​ ​ផ្ទាល់​៕​
​

​ស្ត្រីជា​កសិករ​ក្រីក្រ​ម្នាក់​រស់នៅ​ខេត្ត​កំពង់ស្ពឺ​ ​មានសំណាង​បាន​ឈ្នះ​រង្វាន់១០០លាន​រៀល​ពី​ភេសជ្ជៈ​ប៉ូវ​កម្លាំង​ខា​រ៉ា​បាវ​។​ ​ស្ត្រី​ដែល​មានសំណាង​ម្នាក់​នេះ​មាន​ឈ្នោះ​ ​វេ​ ​សុខ​នី​ ​អាយុ​ ​៣០ឆ្នាំ​ ​រស់នៅ​ភូមិ​ព្រៃ​ស្មាច់​ ​ឃុំ​ព្រៃវិហារ​ ​ស្រុក​គង់​ពិសី​ ​ខេត្ត​កំពង់ស្ពឺ​ ​។​ ​
​
​នៅចំពោះមុខ​ក្រុមការងារ​ ​ជា​អ្នកតំណាង​ក្រុមហ៊ុន​ចុះទៅ​ប្រគល់​ទឹកប្រាក់​ចំនួន​ ​១០០លាន​រៀល​ ​ដល់​លំនៅឋាន​ផ្ទាល់​ដែល​ស្ថិតនៅ​ទីតាំង​ភូមិសាស្ត្រ​ខាងលើ​នេះ​ ​អ្នកស្រី​ ​វ៉េ​ ​សុខ​នី​ ​បាន​រៀបរាប់​ប្រាប់​ឱ្យ​ដឹង​ថា​ ​សព្វថ្ងៃ​នេះ​បើ​និយាយ​ពី​កម្រិតជីវភាព​គ្រួសារ​គឺ​មាន​ភាព​លំបាក​ខ្លាំង​ ​ព្រោះ​គ្មាន​មុខរបរ​អ្វី​ក្រៅពី​ស៊ីឈ្នួល​ធ្វើស្រែ​ឱ្យ​គេ​តែប៉ុណ្ណោះ​។​ ​អ្នកស្រី​បាន​បន្ត​ឱ្យ​ដឹង​ទៀត​ថា​ ​៖​ ​សម្រាប់​មុខរបរ​សព្វថ្ងៃ​នេះ​គឺ​គ្មានអ្វី​ឱ្យ​ប្រាកដ​នោះ​ទេ​ ​ជួនកាល​ស៊ីឈ្នួល​ដកស្មៅ​ ​ជួនកាល​ស៊ីឈ្នួល​ច្រូតស្រូវ​ ​ឬ​ធ្វើការ​ងារ​ផ្សេង​ៗ​ទៀត​ដោយ​ប្រើ​កម្លាំងកាយ​ទាំងអស់​។​ ​

​
​ដោយឡែក​សម្រាប់​ការ​ឈ្នះ​រង្វាន់​ធំ​ពី​ក្រុមហ៊ុន​ភេសជ្ជៈ​ប៉ូវ​កម្លាំង​ ​ខា​រ៉ា​បាវ​ ​នៅ​ពេនេះ​ ​គឺជា​រឿង​ដែល​រំភើប​ជាទីបំផុត​ ​។​ ​អ្នកស្រី​បាន​បញ្ជាក់​ថា​ ​កាលពី​ចុង​សប្ដាហ៍​កន្លងទៅ​នេះ​ ​បន្ទាប់ពី​ត្រឡប់​មក​ពី​ស៊ីឈ្នួល​ច្រូតស្រូវ​ឱ្យ​អ្នកភូមិ​រួច​ ​ក៏​ត្រឡប់​មក​ផ្ទះ​វិញ​ ​ដោយ​ទិញ​ភេសជ្ជៈ​ប៉ូវ​កម្លាំង​ខា​រ៉ា​បាវ​ចំនួន​មួយ​កំប៉ុង​ពី​អ្នកលក់​នៅ​ក្បែរ​ផ្ទះ​ទទួលទាន​ ​លុះ​ពេល​គាស់​ក៏​ស្រាប់តែ​ឃើញ​មាន​រង្វាន់១០០លាន​រៀល​នៅនឹង​ក្រវិល​កំប៉ុង​តែម្ដង​។​ ​ដំបូង​ឡើង​ ​អ្នកស្រី​មិន​គិតថា​ជា​រង្វាន់១០០លាន​រៀល​នោះ​ទេ​ ​ព្រោះ​មិន​ចេះអក្សរ​ ​ហើយក៏​យក​ឱ្យ​គេ​ជួយ​មើល​ ​ទើប​ដឹង​ថា​ ​ឈ្នះ​រង្វាន់១០០លាន​រៀល​ពិតប្រាកដ​មែន​ ​ហើយក៏​ទូរស័ព្ទ​ប្រាប់​ដំណឹង​ដល់​ក្រុមហ៊ុន​តែម្ដង​ ​។​ ​
​
​អ្នកស្រី​បាន​បញ្ជាក់​ថា​ ​ក្រោយពី​ទទួល​បាន​ប្រាក់​រង្វាន់​ធំ​ ​១០០លាន​រៀល​នេះ​ ​នឹង​យក​មួយចំនួន​ទៅ​សងបំណុល​គេ​ ​និង​ទិញ​ដីស្រែ​ខ្លះ​ ​ហើយ​នៅសល់​ប៉ុន្មាន​ទុក​ ​សម្រាប់​បង្កើត​អាជីវកម្ម​ដើម្បី​ទ្រទ្រង់​ជីវភាព​គ្រួសារ​ផង​ដែរ​ទៅ​ថ្ងៃ​អនាគត​ ​។​ ​
​
​សូម​បញ្ជាក់​ផង​ដែរ​ថា​ ​ជា​ការ​ថ្លែងអំណរគុណ​ចំពោះ​អតិថិជន​ ​ក្រុមហ៊ុន​ ​ភេសជ្ជៈ​ប៉ូវ​កម្លាំង​ ​ខា​រ៉ា​បាវ​ ​បាន​បង្កើន​រង្វាន់​យ៉ាង​សន្ធឹក​សន្ធាប់​នូវ​ចំនួន​ទឹកប្រាក់​សុទ្ធ​ ​១០០លាន​រៀល​ ​កើនឡើង​ដល់​ ​១០០​ ​រង្វាន់​ ​,​ ​បន្ថែម​ទឹកប្រាក់​ចំនួន​ ​១០​ ​លាន​រៀល​ ​ចំនួន១០០​ ​រង្វាន់​,​ ​ម៉ូតូ​ ​HONDA​ ​Dream​ ​កើនឡើង​ដល់​ ​១០០​ ​រង្វាន់​ ​,​ ​ទូរស័ព្ទ​ដៃ​ ​iPhone​ ​កើនឡើង​ដល់​ ​១០០​ ​រង្វាន់​ ​រួម​ជាមួយ​ការ​ផ្តល់​ជូន​រង្វាន់1កំប៉ុង​ ​រាប់​លាន​កំប៉ុង​ ​ដោយ​គ្មាន​ការកំណត់​នោះ​ទេ​ ​។​ ​សូម​ចំណាំ​ ​៖​ ​សម្រាប់​រង្វាន់​ពិតប្រាកដ​ ​គឺ​មានតែ​នៅ​សម្បក​កំប៉ុង​ ​ដែល​មាន​អក្សរខ្មែរ​ជា​សញ្ញាសម្គាល់​តែប៉ុណ្ណោះ​ ​៕​

សន្និសីទសារព័ត៌មានស្ដីអំពីព្រឹត្តិការណ៍ «ឌីជីថលកម្ពុជា 2020 ឬ Digital Cambodia 2020» បាន​ធ្វើឡើងកាលពីថ្ងៃទី18  ខែធ្នូ ឆ្នាំ2019 នៅវិទ្យាស្ថានជាតិប្រៃសណីយ៍ ទូរគមនាគមន៍ បច្ចេកវិទ្យាគមនា​គមន៍​ និងព័ត៌មាន (NIPTICT)ក្រោមអធិបតីភាពឯកឧត្តមបណ្ឌិត កាន ច័ន្ទមេត្តា រដ្ឋលេខាធិការក្រសួងប្រៃសណីយ៍ និងទូរគមនាគមន៍ និងជាអនុប្រធានទី1 នៃក្រុមប្រឹក្សាមូលនិធិស.អ. ឯកឧត្តម សេង សុភាព ប្រធានវិទ្យាស្ថានជាតិ NIPTICT និងជាសេនាធិការអនុវត្តគម្រោង ស.អ. និងលោក ជី សីលា នាយកក្រុមហ៊ុន Sabay ដែលជាដៃគូសហការរៀបចំព្រឹត្តិការណ៍។

ព្រឹត្តិការណ៍ Digital Cambodia 2020 ជាព្រឹត្តិការណ៍ឈានមុខប្រចាំឆ្នាំលើកទី2 របស់ព្រះរាជាណាចក្រកម្ពុជាលើវិស័យបច្ចេកវិទ្យាឌីជីថលដែលមានគោលបំណងបង្កើត Platform ថ្នាក់ជាតិដើម្បី៖
1-បង្ហាញអំពីបរិយាកាស និង Ecosystem ប្រកបដោយអំណោយផល និងភាពទាក់ទាញសម្រាប់ការវិនិយោគវិស័យបច្ចេកវិទ្យាគមនាគមន៍ និងព័ត៌មាននៅកម្ពុជា។
2-បង្ហាញអំពីវឌ្ឍនភាពនៃការអភិវឌ្ឍក្របខ័ណ្ឌគោល​​នយោបាយ និងគតិយុត្ត និងផលិតផល និងសេវាពាក់ព័ន្ធនឹងបច្ចេកវិទ្យាគមនាគមន៍ និងព័ត៌មាន។
3-បញ្ជ្រាបអំពីសារៈសំខាន់ និងភាពមិនអាចខ្វះបាននៃវិស័យបច្ចេកវិទ្យាគមនាគមន៍ និងព័ត៌មានដល់គ្រប់មជ្ឈដ្ឋាន ជាពិសេសយុវជន និងស្ត្រី ក្នុងន័យធ្វើឱ្យប្រសើរឡើងនៃការអប់រំសម្រាប់សិស្ស-និស្សិត និងជំនាញបច្ចេក​ទេស បង្កើនប្រសិទ្ធភាពការងារ និងផលិតភាព និងពង្រឹងភាពប្រកួតប្រជែងសហគ្រាសធុនតូចបំផុត ធុនតូច និងមធ្យមរបស់កម្ពុជាលើឆាកតំបន់ និងអន្តរជាតិ។
4- កៀរគរគ្រប់តួអង្គពាក់ព័ន្ធក្នុងវិស័យឧស្សាហកម្មបច្ចេកវិទ្យាគមនាគមន៍ និងព័ត៌មាន រួមមាន ស្ថាប័នរាជរដ្ឋាភិបាល អ្នកវិនិយោគជាតិ និងអន្តរជាតិ អាជីវកម្មបង្កើតថ្មី (Tech Startup) អ្នកវិជ្ជាជីវៈ​  និងគ្រឹះស្ថានសិក្សាស្រាវជ្រាវ ព្រមទាំងសង្គមស៊ីវិល ដើម្បីផ្លាស់ប្តូរបទពិសោធ និងឧត្តមានុវត្តន៍ និងពិភាក្សាយោបល់អំពីនិន្នាការថ្មីៗ ក៏ដូចជាអំពីបញ្ហាប្រឈមនានាលើវិស័យឧស្សាហកម្មបច្ចេកវិទ្យាគមនាគមន៍ និងព័ត៌មានក្នុងក្របខ័ណ្ឌជាតិ និងអន្តរជាតិ។ 5-ជំរុញលើសហគ្រិនភាព និងនវានុវត្តន៍ថ្មីៗ និង6-អភិវឌ្ឍបណ្តាញអាជីវកម្ម រវាងអាជីវកម្មបង្កើតថ្មី (Startup) ជាមួយសហគ្រាសធុនតូចបំផុត ធុនតូច និងមធ្យម។

ឯកឧត្តម​បណ្ឌិត សេង សុភាព ប្រធានវិទ្យាស្ថានជាតិ ​NIPTICT បាន​មាន​ប្រសាសន៍​ថា៖« ព្រឹត្តិការណ៍ Digital Cambodia 2020 ​នេះ គឺជាលើកទី2 ហើយ ដែលវិទ្យាស្ថានជាតិ NIPTICT ធ្វើជាម្ចាស់ព្រឹត្តិការណ៍។ Digital Cambodia 2020 ត្រូវបានរៀបចំឡើងក្រោមប្រធានបទ Digital Talents។ ក្នុងនាមជាប្រធានវិទ្យាស្ថានជាតិ NIPTICT ដែលជាគ្រឹះស្ថានអប់រំ និងស្រាវជ្រាវលើវិស័យបច្ចេកវិទ្យាឌីជីថល ​និងជំនាញដល់យុវជន  ឯកឧត្តមជឿជាក់ថា ព្រឹត្តិការណ៍ Digital Cambodia 2020 នឹងក្លាយជាវេទិកាមួយដែលប្រមូលផ្តុំយុវជនឱ្យមកចាប់អារម្មណ៍លើវិស័យបច្ចេកវិទ្យាឌីជីថល ដែលជាវិស័យអាទិភាព និងជាឆ្អឹងខ្នងសម្រាប់អភិវឌ្ឍន៍សេដ្ឋកិច្ចជាតិ។ឯកឧត្តម​បណ្ឌិត កាន ច័ន្ទមេត្តា រដ្ឋលេខាធិការ​ក្រសួងប្រៃសណីយ៍ និង​ទូរគមនាគមន៍ និងជាអនុប្រធានទី1 នៃក្រុមប្រឹក្សាមូលនិធិ ស.អ. បានមាន​ប្រសាសន៍​ថា ព្រឹត្តិការណ៍ Digital Cambodia 2020 ជាផ្នែកមួយការចូលរួមចំណែកឱ្យសម្រេចបាននូវផែនការកសាងសមត្ថភាព និងការស្រាវជ្រាវ និងការអភិវឌ្ឍលើវិស័យទូរគមនាគមន៍ និងបច្ចេកវិទ្យាទូរគមនាគមន៍ និងព័ត៌មានឆ្នាំ2019 និង2020 ដែលបានដាក់ចេញដោយក្រុមប្រឹក្សាមូលនិធិស.អ. ពោលគឺដើម្បី៖ 1-ជំរុញការអភិវឌ្ឍធនធានមនុស្សខាងផ្នែកបច្ចេកវិទ្យាទូរគមនាគមន៍ និងព័ត៌មាន។ 2-ជំរុញការស្រាវជ្រាវ និងអភិវឌ្ឍន៍នវានុវត្តន៍ ខាងផ្នែកប.គ.ព. និង3-ជំរុញការអភិវឌ្ឍ Tech Startup Ecosystem។

ឯកឧត្តម ត្រាំ អ៊ីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានផ្តល់ចំណាប់អារម្មណ៍ចំពោះព្រឹត្តិការណ៍ Digital Cambodia 2020 នាពេលខាងមុខថា៖«Digital Cambodia 2020 គឺជាសរសរស្តម្ភមួយដើម្បីសម្រេចបានគោលនយោបាយដែលរាជរដ្ឋាភិបាលកំពុងរៀបចំ ពោលគឺគោលនយោបាយសេដ្ឋកិច្ចឌីជីថល និងរដ្ឋាភិបាលឌីជីថល»។ ឯកឧត្តមជឿជាក់ថា ការអភិវឌ្ឍយុវជនប្រកបដោយទេពកោសល្យ នឹងចូលរួមចំណែកសម្រេចបាននូវយុទ្ធសាស្ត្រចតុកោណដំណាក់កាលទី4 សម្រាប់រាជរដ្ឋាភិបាលអាណត្តិទី6 ជាពិសេសដើម្បីត្រៀមខ្លួនចាប់យកសេដ្ឋកិច្ចឌីជីថល និងបដិវត្តន៍ឧស្សាហកម្មទី4»។

ព្រឹត្តិការណ៍ «ឌីជីថលកម្ពុជា 2020» (Digital Cambodia 2020) នឹងត្រូវរៀបចំឡើងចាប់ពីថ្ងៃទី20 ដល់ថ្ងៃទី22 ខែមីនា ឆ្នាំ2020 នៅសាលពិព័រណ៍កោះពេជ្រ៕

ក្រុមហ៊ុនស្មាតហ្វូនលំដាប់លេខ២លើពិភពលោកបានបញ្ចេញស្មាតហ្វូនថ្មីរបស់ខ្លួនមកកាន់ទីផ្សារកម្ពុជាគឺ Huawei Y9s តម្លៃ 259USD មិនត្រឹមតែប៉ុណ្ណោះ Huawei ក៏បានផ្ដល់ជូនប្រូម៉ូសិនពិសេសមិនធ្លាប់មានពីមុនមកផងដែរ។

ប្រូម៉ូសិនពិសេសនេះសម្រាប់ស្មាតហ្វូនជាច្រើនម៉ូឌែលដូចជា៖
១. Huawei P30 Pro តម្លៃ 899$ តម្លៃថ្មីត្រឹមតែ 799$
២. Huawei Nova5T តម្លៃ 399$ តម្លៃថ្មីត្រឹមតែ 349$ ជាមួយកាដូ Bluetooth Speaker យ៉ាងស្រស់ស្អាត៣. Huawei Y9 តម្លៃ 239$ ផ្ដល់ជូនកាដូបន្ថែមកាន់តែអស្ចារ្យគឺ Bluetooth Speaker យ៉ាងស្រស់ស្អាត ៤. Huawei អេ5s តម្លៃ 139$ តម្លៃថ្មីត្រឹមតែ 129$៥. Huawei Y5 2019 តម្លៃ 119$ តម្លៃថ្មីត្រឹមតែ 109$ ប្រញាប់ឡើងកុំឲ្យឱកាសល្អនេះរំលងផុត។ ដើម្បីទទួលបានកម្មវិធីពិសេសនេះសូមទៅកាន់គ្រប់ហាងលក់ទូរសព្ទដើម្បីទទួលបានព័ត៌មានលម្អិត។

សម្រាប់ Huawei Y9s ជាស្មាតហ្វូនចុងក្រោយបំផុតរបស់ Huawei ដែលបានដាក់លក់នៅលើទីផ្សារកម្ពុជាក្នុងតម្លៃ 259$ គឺមានការគាំទ្រយ៉ាងខ្លាំងពីអ្នកគាំទ្រ ដោយសារតែសមត្ថភាពនិងការចនាកាន់តែលេចធ្លោទាក់ចិត្តយុវវ័យ៕

ស្រា​បៀរ​ Budweiser​ ​ត្រូវ​បាន​ ផលិត​ដំបូង​ក្នុង​ឆ្នាំ​ 1876​ នៅ​សហ​រដ្ធ​អាមេរិក​ ហើយ​ផលិត​ តាម​ស្តង់ដារ​ យកចិត្ត​ទុកដាក់​ លើ​គុណភាព​ខ្ពស់​យ៉ាង​អស្ចារ្យ​បំផុត​។ ហើយ​ជា​ស្រា​បៀរ​ដើម​ របស់​សហ​រដ្ធ​អាមេរិក​ បច្ចប្បន្ន​នេះ​ បាន​ក្លាយជា​ស្រា​របៀរ​ ល្បី​លំដាប់​ទី១​ ពី​ភព​លោក​ ដោយមាន​អ្នក​និយម​ ទទួលទាន​ ក្នុង​បណា្ត​ប្រទេស​ទាំង​ 85​។

ជា​ពិសេស​សម្រាប់​ឆ្នាំ​ ២០១៩​-២០២០​ នេះ​ផង​ដែរ​ ស្រា​បៀរ​ Budweiser​ ក៏បាន​រៀបចំ​កម្មវិធី​ ផ្សងសំណាង​ យ៉ាង​ពិសេស​អស្ចារ្យ​ ជា​ចំណងដៃ​ និង​ជា​កា​ដូរ​ សំរាប់​គូរ​ស្វាមីភរិយា​ថ្មី​ ​ដែល​បាន​ជ្រើសរើស​ និង​ប្រើប្រាស់​ស្រា​បៀរ​ Budweiser​ ​សំរាប់​ថ្ងៃ​អាពាហ៍​ពិពាហ៍​។

កម្មវិធី​ ​Budweiser​ Wedding​ promotion​ 2019​ – 2020​ ​គូរ​ស្វាមីភរិយា​ថ្មី​ គ្រាន់តែ​៖

– ​ជាវ​ ស្រា​បៀរ​ Budweiser​ 40​ កេស​ ​នឹង​ទទួល​បាន​សន្លឹកឆ្នោត​ 1 សន្លឹក​, កាដូ​ 2, សៀវភៅ​កត់​ចំណង់ដៃ​ 1

• ជាវ​ ស្រា​បៀរ​ Budweiser​ 60​ កេស​ ​នឹង​ទទួល​បាន​សន្លឹកឆ្នោត​ 2 សន្លឹក​, កាដូ​ 2, សៀវភៅ​កត់​ចំណង់ដៃ​ 2 និង​ប័ណ្ណ​ស្នាក់នៅ​សណ្ឋាគារ​សុខា​ផ្កាយ​ប្រាំ​ 1សន្លឹក​។

ថែមទាំង​មានឱកាស​ឈ្នះ​ រង្វាន់​ដូចជា​៖ ដំណើរ​កម្សាន្ត​ទៅកាន់​ប្រទេស​ជប៉ុន​ ​រង្វាន់​ទូរស័ព្ទ​ iPhone​ 11​ Pro​ Max​ ​ទូរទស្សន៍​ LG​ Smart​ TV​ 55​” ។

កម្មវិធី​ Promotion​ នឹង​ចាប់ផ្តើម​ពី​ថ្ងៃ​ ១៥​ វិច្ឆិកា​ ២០១៩​ ដល់​ ថ្ងៃទី​ ៣១​ ខែ​ កក្ត​ដា​ ២០២០​

ព័ត៌មាន​បន្ថែម​ទំនាក់ទំនង​៖ 070​ 888​ 347​ ឬ តាមរយៈ​ Facebook​ page​: Budweiser​ Cambodia​

ពិសា​ដោយ​ការទទួលខុសត្រូវ​

ក្រុមហ៊ុន​សូម​រក្សាសិទ្ធិ​ក្នុង​ការ​កែប្រែ​កម្មវិធី​ក្នុង​លក្ខខណ្ឌ​ចាំបាច់​! សូម​អរគុណ​៕

ខេត្តកំពង់ធំ៖ ក្នុងការបន្តចូលរួម​ជំរុញ​វប្បធម៌អានរបស់​សិស្សានុសិស្ស ​ និងអភិវឌ្ឍ​ធនធាន​មនុស្សនៅកម្ពុជា
អគារ​បណ្ណាល័យស្តង់ដារចំនួន 4 ខ្នង ដែលបានសាងសង់និងបំពាក់សៀវភៅនិងបរិក្ខាររួចរាល់
ដោយប្រើមូលនិធិ​នៃគ្រឹះស្ថាន​មីក្រូហិរញ្ញវត្ថុ​ ប្រាសាក់ ត្រូវ​បានដាក់សម្ពោធ​ឱ្យ​ប្រើប្រាស់​​ជា​ផ្លូវ​ការកាលពីរសៀល​ថ្ងៃទី 13
ខែធ្នូ ឆ្នាំ 2019 ក្រោមអធិបតីភាពដ៏ខ្ពង់ខ្ពស់ ​ឯកឧត្តម ជា ចាន់តូ អគ្គទេសាភិបាល ធនាគារជាតិនៃកម្ពុជា។

ពិធីសម្ពោធនេះប្រារព្ធធ្វើឡើងនៅក្នុងបរិវេណវិទ្យាល័យកំពង់ថ្ម ក្នុងស្រុកសន្ទុក ខេត្តកំពង់ធំ
ដើម្បីជានិមិត្តរូបនៃការដាក់ឱ្យប្រើប្រាស់ជាផ្លូវការអគារបណ្ណាល័យទាំង 4
ខ្នងដែលស្ថិតនៅទីតាំងសាលាផ្សេងគ្នារួមមាន បណ្ណាល័យនៅ វិទ្យាល័យ កំពង់ថ្ម , វិទ្យាល័យ ហ៊ុន សែន សណ្តាន់ , វិទ្យាល័យ
ហ៊ុន សែន រុងរឿង និងវិទ្យាល័យ ជា ស៊ីម ប្រឡាយ
ដែលស្ថិតនៅទឹកដីខេត្តកំពង់ធំ ជាមួយនឹងសម្ភារៈបរិក្ខារបណ្ណាល័យយ៉ាងច្រើន និងសៀវភៅអានប្រមាណជា 12000 ក្បាល។

ចូលរួមជាគណៈអធិបតីក្នុងពិធីនេះផងដែរ រួមមាន ​ឯកឧត្ដម ព្រឹម រដ្ឋា អភិបាលរង នៃគណៈអភិបាល​ខេត្ត​កំពង់ធំ
លោក ឃឹម សារិន តំណាងក្រសួងអប់រំ យុវជន និងកីឡា លោក តាន់ ប៊ុនហុង ប្រធានមន្ទីរអប់រំ យុវជន និងកីឡាខេត្តកំពង់ធំ
លោក ទឹម រតនា នាយកសាខា ធនាគារជាតិនៃកម្ពុជា ប្រចាំខេត្តកំពង់ធំ និងលោក ស៊ីម សេនាជាតិ ប្រធាននាយកប្រតិបត្តិ
នៃគ្រឹះស្ថានមីក្រូហិរញ្ញវត្ថុ ប្រាសាក់ ព្រមទាំង លោកអភិបាល នៃគណៈអភិបាលស្រុកសន្ទុក ស្រុកស្ទោង និងស្រុកសណ្ដាន់
អាជ្ញាធរដែនដី លោកគ្រូ អ្នកគ្រូ សិស្សានុសិស្ស និង​ប្រជាជនប្រមាណជា 1500 នាក់។

លោក ឃឹម សារិន តំណាងក្រសួងអប់រំ យុវជន និងកីឡា បានកោតសរសើរ
និងថ្លែងអំណរគុណយ៉ាងជ្រាលជ្រៅចំពោះប្រាសាក់ ដែល​បាន​កសាងអគារ​បណ្ណាល័យជាច្រើនដល់រហូតដល់ 41
ខ្នងនៅទូទាំងប្រទេស ដើម្បី​រួម​ចំណែក​លើកស្ទួយ​វិស័យអប់រំ និងធនធានមនុស្សនៅ​កម្ពុជា​។
ប្រាសាក់បានឆ្លើយតបត្រូវនឹងតម្រូវការ​របស់ក្រសួង​ដែលត្រូវការអគារបណ្ណាល័យស្ដង់ដារដាច់ដោយឡែកនៅតាមសាលារៀន
នានា ដែលបំពាក់ដោយសៀវភៅ និងសម្ភារៈបរិក្ខារគ្រប់គ្រាន់ ដែលកាលពីមុនសាលារៀនត្រូវយកបន្ទប់នៃអគារសិក្សា
ឬអគារទីចាត់ការមួយផ្នែកមកធ្វើជាបណ្ណាល័យ ដែលមានលក្ខណៈតូចចង្អៀត​មិនអំណោយ​ផលដល់ការអាន។

ឯកឧត្តម ព្រឹម រដ្ឋា អភិបាលរង នៃគណៈអភិបាលខេត្តកំពង់ធំ
ក៏បានមានប្រសាសន៍ថ្លែងអំណរគុណ​ចំពោះប្រាសាក់ដែលបានផ្ដល់ជាអគារបណ្ណាល័យរហូតដល់ 7
ខ្នងដល់ទឹកដីខេត្តកំពង់ធំ។
ឯកឧត្ដមសង្ឃឹមថាសិស្សានុសិស្សទាំងអស់នៅតាមបណ្ដាសាលារៀនទាំងនេះ​នឹងខិតខំរៀនសូត្របង្កើនសមត្ថភាពនិងចំណេះដឹ
ង​ខ្លួន​តាម​រយៈការចូលអាន​នៅក្នុងបណ្ណាល័យ​ក៏ដូចជាការខ្ចីសៀវភៅយកទៅអាននៅផ្ទះ
ហើយឯកឧត្ដមក៏បានអំពាវនាវ​ឱ្យ​សិស្សានុសិស្ស​ត្រូវចេះចូលរួមថែរក្សាបណ្ណាល័យ​នេះ​បានល្អគង់វង្ស​រហូតទៅ។

មានប្រសាសន៍សំណេះសំណាលនៅក្នុងពិធីនេះ ឯកឧត្តម ជា ចាន់តូ អគ្គទេសាភិបាល ធនាគារជាតិនៃកម្ពុជា
បានថ្លែងអំណរគុណយ៉ាងជ្រាលជ្រៅចំពោះប្រាសាក់ដែលបានផ្តល់សមិទ្ធផលអគារបណ្ណាល័យទាំងនេះ
ដែលជាផ្នែកមួយយ៉ាងសំខាន់ក្នុងការអប់រំ ព្រោះការអភិវឌ្ឍប្រទេសជាតិ គឺផ្អែកទៅលើការអភិឌ្ឍធនធានមនុស្សជាចាំបាច់។
ឯកឧត្ដមបន្តថា វិស័យមីក្រូហិរញ្ញវត្ថុអាចរីកចម្រើនទៅបានអាស្រ័យលើចំណេះដឹងរបស់អតិថិជន ជាពិសេសចំណេះដឹង​ផ្នែកហិរញ្ញវត្ថុ និងចំណេះដឹង​ផ្នែកជំនួញជួញដូរ ដោយពួកគាត់ត្រូវចេះគិត ចេះពិចារណា ចេះប្រកបរបរ
និងចេះ​ប្រើប្រាស់កម្ចីឱ្យ​បាន​ត្រឹមត្រូវ​ទើបទទួលបានជោគជ័យនិងរីកចម្រើន។ ពេលអតិថិជនទទួលបាន​បានជោគជ័យ
នោះទើបស្ថាប័នមីក្រូហិរញ្ញវត្ថុទទួលបានជោគជ័យផងដែរ។ ហេតុនេះ​យើងត្រូវខិតខំក្រេបយកចំណេះដឹងតាមរយៈការស្ដាប់ គិត សួរ និងសរសេរ (សុ ចិ បុ លិ) ព្រមទាំងការអានផងដែរ
ដូចនេះសិស្សានុសិស្ស អាចស្រាវជ្រាវ និងបង្កើនចំណេះដឹងបន្ថែមតាមរយៈ បណ្ណាល័យ នេះ។ ឯកឧត្ដម​ក៏បានលើកឡើងផងដែរថា
សមិទ្ធផល​ដែល​បានកើតឡើង​នៅពេលនេះ គឺកើតឡើងដោយសារសុខសន្តិភាព និងស្ថិរភាពនយោបាយ​នៅប្រទេសកម្ពុជាយើង
ដែលផ្ដល់ឱកាសឱ្យ​យើងបាន​រៀនសូត្រ និងប្រកបរបរទទួលទាន​ចិញ្ចឹមជីវិត​បាន​ដោយសុខដុមរមនា។
ឯកឧត្ដមបានផ្ដាំផ្ញើ​សិស្សានុសិស្ស​ទាំងអស់​ត្រូវខិតខំរៀនសូត្រ ពង្រឹងសមត្ថភាព និងត្រូវ​ស្រលាញ់ចូលចិត្តការអាន
ដើម្បីអនាគតដ៏ភ្លឺស្វាង។

អំពី​ប្រា​សាក់​ និងគម្រោងបណ្ណាល័យប្រាសាក់

ប្រា​សាក់​ ​ជា​គ្រឹះស្ថាន​មីក្រូហិរញ្ញវត្ថុលំដាប់ទីមួយក្នុងវិស័យមីក្រូហិរញ្ញវត្ថុ និងជា​ស្ថាប័ន​មួយ​ក្នុងចំណោម​ធ​នា​គារ​ធំៗ​ទាំង​ ​5​
​នៅ​កម្ពុជា ​ដោយផ្តល់​សេវា​ហិរញ្ញវត្ថុ​ជូន​ដល់​អតិថិជន​ ​រួមមាន​៖​ ​សេវា​ឥណទាន​ ​ប្រាក់បញ្ញើ​សន្សំ​
​ទូទាត់​វិក្កយបត្រ​ទឹក​ ​ទូទាត់​វិក្កយបត្រ​ភ្លើង​ សេវាហិរញ្ញវត្ថុឌីជីថល ​​ផ្ទេរ​ប្រាក់​
ដកប្រាក់តាមម៉ាស៊ីនអេធីអឹមប្រាសាក់ទោះជាគ្មានប័ណ្ណអេធីអឹម ​ប្តូរ​ប្រាក់​ ​ទិញ​កាត​ទូរស័ព្ទ​ ​បើកប្រាក់​បៀវត្ស​
​សេវា​ទូទាត់​រហ័ស​ ​អេ​ធី​អឹម​ សេវា​ធនាគារ​ចល័ត ​ម៉ាស៊ីន​ឆូត​កាត​ ម៉ាស៊ីនដាក់ប្រាក់ សេវាខេមបូឌានស៊ែរស្វ៊ីច (CSS)
សេវាទូទាត់ប្រព័ន្ធបាគង ​និង​សេវា​ហិរញ្ញវត្ថុ​ដទៃ​ផ្សេង​ៗ​ទៀត​ ​ជាមួយនឹង​បណ្តាញ​ការិយាល័យ​ជិត​ 200​ ​ទីតាំង​
​ព្រមទាំងបុគ្គលិកជិត 9,000 នាក់។

ស្របតាមទស្សនវិស័យ និងបេសកកម្មរបស់ខ្លួន ក៏ដូចជាដើម្បីថ្លែងអំណរគុណចំពោះអតិថិជនដែលបានគាំទ្រនិងប្រើប្រាស់ផលិ
តផលនិងសេវារបស់ប្រាសាក់នាពេលកន្លងមក ប្រាសាក់បានបង្កើតនិងចូលរួមកម្មវិធីសង្គមជាច្រើន ដូចជា
កម្មវិធីជំនួយសង្គ្រោះបន្ទាន់សម្រាប់គាំពារអតិថិជនដែលទទួលរងផលប៉ះពាល់ពីគ្រោះមហន្តរាយធម្មជាតិនិងគ្រោះថ្នាក់ផ្សេងៗ
កម្មវិធីមនុស្សធម៌ និងការឧបត្ថម្ភសកម្មភាពសង្គមនានា ជាពិសេសនោះគឺការចូលរួមចំណែកបណ្ដុះវប្បធម៌អាន
តាមរយៈ «គម្រោងបណ្ណាល័យប្រាសាក់»។

សម្រាប់អគារបណ្ណាល័យនៅវិទ្យាល័យទាំង 4 នេះស្ថិតក្នុងចំណោមអគារបណ្ណាល័យទាំងអស់ 41 ខ្នង
ដែលប្រាសាក់បានសាងសង់ជូនបណ្ដាសាលារៀននានានៅទូទាំងកម្ពុជា។ ប្រាសាក់​មិន​ត្រឹម​តែ​ផ្ដល់​តួ​អគារបណ្ណា
ល័យ​ប៉ុណ្ណោះ​ទេ គឺ​ថែម​ទាំង​​ឧបត្ថម្ភ​ការបំពាក់​ធនធាន​សម្ភារៈឯកសារ
និង​ការបណ្ដុះបណ្ដាល​បណ្ណារក្សថែមទៀតផងដើម្បី​ឱ្យ​បណ្ណាល័យ​នេះដំណើរការបានដោយ​រលូន​
ក្រោមកិច្ច​សហការពីនាយកដ្ឋានអភិវឌ្ឍកម្មវិធីសិក្សា នៃក្រសួងអប់រំ យុវជន និងកីឡា​។
អគារបណ្ណាល័យនេះ ជានិមិត្តរូបមិនចេះរីងស្ងួត និងមិនចេះសាបសូន្យនៃទំនាក់ទំនង
និងការយកចិត្តទុកដាក់ចំពោះគ្នាទៅវិញទៅមក រវាងគ្រឹះស្ថានមីក្រូហិរញ្ញវត្ថុ ប្រាសាក់ និងអតិថិជន
ក៏ដូចជាប្រជាជនក្នុងសហគមន៍ទាំងមូល

ហើយបណ្ណាល័យនេះក៏ជាកេរមរតករបស់ប្រាសាក់សម្រាប់ទុកជូនសិស្សានុសិស្សដែលជាកូនចៅរបស់ប្រជាពលរដ្ឋក្នុងសហគមន៍ទាំងបច្ចុប្បន្ន និងអនាគត។

បើ​និយាយ​ពី​ការធ្វើ​អាជីវកម្ម គេ​នឹង​និយាយ​ពី​ការតស៊ូ និង​សំណាង ព្រោះ​បើទោះបី​ជាមាន​ការតស៊ូ​ខ្លាំង​ប៉ុនណា​ក៏ដោយ ប្រសិនបើ​គ្មាន​សំណាង​ទេនោះ ការខិតខំ​ក៏​មិន​ប្រាកដថា​រលូន​រហូត​នោះដែរ។ នៅក្នុង​នោះ​ភាព​ចៃដន្យ​ក៏​រាប់​ថា​ជា​សំណាង​ដ៏​ល្អ​មួយ​ក្នុង​ការរកស៊ី​ដែរ ព្រោះ​ពេលខ្លះ​ម្ចាស់​អាជីវកម្ម​មួយចំនួន​ខិតខំ​ប្រឹងប្រែង​យ៉ាងខ្លាំង​លើ​មុខរបរ​មួយចំនួន​តែ​មិន​ទទួលបាន​ជោគជ័យ ចុងក្រោយ​គាត់​បែរជា​ជោគជ័យ​លើ​អាជីវកម្ម​មួយ​ផ្សេងទៀត​ដែល​គាត់​មិន​ធ្លាប់​គិត​ទាល់តែសោះ​ក្នុងការ​រកស៊ី​ផ្នែក​នេះ។

លោកស្រី ហឹ​ង សុខ​ឃាង អគ្គនាយិកា​ក្រុមហ៊ុន HSK Investment Co.,Ltd បាន​លើកឡើងថា ភាព​ចៃដន្យ​បាន​ជំរុញ​ឱ្យ​លោកស្រី​ចាប់ផ្តើម​រកឃើញ​អាជីវកម្ម​មួយ​ប្រកបដោយ​សក្តានុពល និង​អាចជួយ​ដល់​ប្រជាជន​កម្ពុជា​ជាច្រើន។ លោកស្រី​បញ្ជាក់ថា កាល​ពីមុនមក​លោកស្រី​មិនដែល​គិតថា នឹង​រកស៊ី​ផ្នែក​ផលិតផល​គ្រឿងសម្អាង​នោះទេ តែដោយសារ​ភាព​ចៃដន្យ​ដែល​លោកស្រី​បានឃើញ​ផលិតផល​ប្រកបដោយ​គុណភាព និង​សុវត្ថិភាព​ខ្ពស់​មួយចំនួន ដូចជា ផលិតផល អូ​រ៉ា​ហ្គោល និង​ផលិតផល​ម៉ា​សត្រី​បូ​ថក់ លោកស្រី​ក៏​ចាប់អារម្មណ៍​យកមកប្រើ​ប្រាស់​ដោយ​ខ្លួនឯង​ផ្ទាល់។ ជា​លទ្ធផល​លោកស្រី​សង្កេតឃើញថា ផលិតផល​ទាំងអស់នេះ ជា​ផលិតផល​ដែល​អាច​បង្កើន​ភាពស្រស់​ស្អាត​យ៉ាងពិត​ប្រាកដ និង​មាន​សុវត្ថិភាព​ខ្ពស់។ ហេតុនេះហើយ​ទើប​លោកស្រី​ចង់​ចែករំលែក​ភាពស្រស់ស្អាត​នេះ​ទៅកាន់​សុភាពបុរស សុភាពនារី​ជាច្រើន​ផ្សេងទៀត​ឱ្យទទួល​បាន​សោភណភាព និង​មានជីវិត​ប្រកបដោយ​ទំនុកចិត្ត​ដូច​លោកស្រី​ដែរ។ ដោយ​កត្តា​នេះហើយ​ទើប​លោកស្រី​បានទទួល​ចែកចាយ​ផលិតផល​អូ​រ៉ា​ហ្គោល និង​នាំចូល​ផ្តាច់មុខ​ម៉ា​សត្រី​បូ​ថក់​ដែលមាន​រូបមន្ត​ល្អ​ប្លែក​គេ និង​ឆាប់​បង្ហាញ​ពី​លទ្ធផល​នៃ​ភាពស្រស់ស្អាត​ពី​ប្រទេស​កូរ៉េ​មក​ក្នុង​ទីផ្សារ​កម្ពុជា ដើម្បីឱ្យ​សុភាពបុរស សុភាពនារី​ជាច្រើន​ផ្សេងទៀត​បានទទួល​ភាពស្រស់ស្អាត​នេះដែរ។

លោកស្រី ហឹ​ង សុខ​ឃាង បាន​និយាយថា៖ «បច្ចុប្បន្ននេះ ផលិតផល​អូ​រ៉ា​ហ្គោល និង​ផលិតផល​ម៉ា​សត្រី​បូ​ថក់ ទទួលបាន​ការគាំទ្រ​កាន់តែច្រើន​ពី​សាធារណជន ហើយ​ដោយសារតែ​ផលិតផល​នេះ​ផ្សំ​ចេញពី​គ្រឿងផ្សំ​ពិសេសៗ និង​មាន​គុណភាព​ខ្ពស់ អតិថិជន​ចេះតែ​និយាយ និង​ណែនាំតៗគ្នា រហូត​ធ្វើឱ្យមាន​អតិថិជន​រហូតដល់​ទៅ​រាប់ពាន់ រាប់ម៉ឺន​នាក់​ចាប់អារម្មណ៍ និង​គាំទ្រ»។

ដោយសារតែ​ការខិតខំ​ប្រឹងប្រែង​អភិវឌ្ឍ​អាជីវកម្ម និង​ស្រប​ពេលដែល​ផលិតផល​របស់ HSK Investment Co., Ltd ជា​ផលិតផល​ប្រកបដោយ​គុណភាព​ខ្ពស់ ប្រកបដោយ​ទំនុកចិត្ត​នោះ បានធ្វើឱ្យ​ក្រុមហ៊ុន​មួយ​នេះ​មានឈ្មោះ​បោះ​សំឡេង និង​រហូត​ធ្វើឱ្យ​លោកស្រី ហឹ​ង សុខ​ឃាង ទទួលបាន​ពានរង្វាន់​សហគ្រិន​ឆ្នើម Success CEO Award 2019 កាលពីពេលថ្មីៗនេះ។

លោកស្រី ហឹ​ង សុខ​ឃាង បាន​បញ្ជាក់ថា ដោយសារតែ​មើលឃើញ​ពី​ការគាំទ្រ និង​ចង់​ផ្តល់​ការ​តបស្នង​ប្រកបដោយ​ភាព​វិជ្ជមាន​សម្រាប់​អតិថិជន​ទាំងអស់​នៅ​ទូទាំងប្រទេស ក្រុមហ៊ុន​របស់លោក​ស្រី​នឹង​បង្កើត​ម៉ាក​សញ្ញា រួមទាំង​នាំចូល​ផលិតផល​សម្រស់ ប្រកបដោយ​សក្តានុពល​ជាច្រើន​ផ្សេងទៀត​មក​ក្នុង​ទីផ្សារ​កម្ពុជា។ ហើយ​អ្វីដែល​កាន់តែ​ពិសេស​នោះ នៅ​ថ្ងៃទី16 ខែធ្នូ ឆ្នាំ2019 ខាងមុខនេះ លោកស្រី​នឹង​សម្ពោធ​ហាង​ដ៏​ធំ​មួយ ដែល​នេះ​ជា​មោទនភាព​មួយ​សម្រាប់​សហគ្រិន​ស្ត្រី​មួយរូប​ដែល​បាន​ខិតខំ និង​គិតគូរ​ខ្ពស់​ពី​សម្រស់ និង​សុខភាព​របស់​ប្រជាជន​កម្ពុជា។ ដើម្បី​ទទួលបាន​ព័ត៌មាន​បន្ថែម​ពាក់ព័ន្ធ​នឹង​បញ្ហា​សម្រស់​សូម​ទំនាក់ទំនង​មកកាន់​ទូរស័ព្ទ​លេខ 081 331 148 ឬ​អាសយដ្ឋាន​ក្រុមហ៊ុន HSK Investment Co.,Ltd ផ្ទាល់​ក៏បាន៕

ក្រុមហ៊ុន ISUZU បានកំពុងបន្តភាពជាអ្នកនាំមុខគេ និង ដឹកនាំ “ឆ្ពោះទៅមុខប្រកបដោយឧត្តមភាព” ហើយបានប្រកាសជាផ្លូវការអគ្គរាជទូតសុឆន្ទៈប្រចាំក្រុមហ៊ុន ISUZU ដែលលោកនឹងតំណាងអោយរថយន្ត Isuzu D-Max Blue Powe ដែលជាប្រភេទរថយន្ត ភីកអាប់ ដែលមានការច្នៃប្រឌិតថ្មីលំដាប់ថ្នាក់ពិភពលោក នៅឯពិធីជប់លៀង “ណែនាំអគ្គរាជទូតសុឆន្ទៈប្រចាំក្រុមហ៊ុនអ៊ីស៊ូហ៊្យុ”​ កាលពីយប់មិញនេះ ដើម្បីបង្កើនការយល់ដឹងពីម៉ាកយីហោនេះកាន់តែខ្លាំងថែមទៀត។

បើយោងតាមប្រសាសន៍របស់លោក Shuichiro Mori ប្រធានក្រុមហ៊ុន Tri Petch Isuzu Sales Cambodia Co. , Ltd ដែលជាអ្នកតំណាងចែកចាយរថយន្ត Pickup និង SUVនៅប្រទេសកម្ពុជាបានអោយដឹងថា “ក្រុមហ៊ុនបានចូលមកកាន់ទីផ្សារកម្ពុជាជាផ្លូវការ ក្នុងឆ្នាំ ២០១៦ ហើយក៏ចាប់ផ្ដើមទទួលបានការច្រើនឡើងៗជាបន្តបន្ទាប់ពីសំណាក់អតិថិជនកម្ពុជា។ ចាប់តាំងពីពេលនោះមក ការលក់រថយន្តអ៊ីស៊ូហ្ស៊ុប្រភេទភីកអាប់បានកើនឡើងជាបន្តបន្ទាប់ដោយសារតែអតិថិជនមានទំនុកចិត្តលើដំណើរការរបស់រថយន្ត ភាពរឹងមាំនៃសាកស៊ីរថយន្ត សមត្ថភាពទប់លំនឹងនៅលើដងផ្លួវ សន្សំសំចៃប្រេងខ្ពស់ រួមជាមួយនិងមជ្ឈមណ្ឌលផ្តល់សេវាកម្មក្រោយលក់ប្រកបដោយស្តង់ដារខ្ពស់ផងដែរ។ ដើម្បីពង្រឹងគ្រួសារ អ៊ីស៊ូហ៊្សុ យើងបានកំពុងអនុវត្តនូវសកម្មភាពទាំងឡាយទាំង Off line និង Online។ ឥលូវនេះយើងគិតថាវាជាពេលវេលាដ៏សាកសមដើម្បីមានអគ្គរាជទូតសុឆន្ទៈម្នាក់ដើម្បីពង្រឹងកេរ្តិ៍ឈ្មោះម៉ាកយីហោរបស់យើងគឺ – អ៊ីស៊ូហ៊្សុឆ្ពោះទៅមុខប្រកបដោយឧត្តមភាព” ។

លោក Mori បានបន្ថែមទៀតថា “មូលហេតុដែលក្រុមហ៊ុន អ៊ីស៊ូហ៊្សុ បានជ្រើសរើសកំពូលតារាចម្រៀង សិល្បៈករដ៏ឆ្នើម ចាំប្រទេសកម្ពុជា លោក ព្រាបសុវត្ថិ ដោយសារតែលោកមាន Lifestyle ត្រូវជាមួយរថយន្ត “Isuzu D-Max Blue Power គ្រប់ម៉ូឌែលថ្មីទាំងអស់”។ យើងជឿជាក់យ៉ាងមុតមាំថា លោកព្រាបសុវត្ថិ នឹងក្លាយជាអ្នកតំណាងរបស់យើងក្នុងការប្រាស្រ័យទាក់ទងជាមួយក្រុមគ្រួសារ អតិថិជន ISUZU របស់យើង។ យើងពិតជាមានកិត្តិយសខ្លាំងបំផុតដែលបានលោកធ្វើជាអគ្គរាជទូតសុឆន្ទៈ ដើម្បីឆ្លុះបញ្ចាំងពីរូបភាពល្អឥតខ្ចោះនៃប្រេនISUZUរបស់យើង និងបង្កើនចំនេះដឹងអំពីផលិតផលឲ្យកាន់តែល្អបន្ថែមទៀតថា “ ISUZU មិនត្រឹមតែកំលាំងម៉ាស៊ីនខ្លាំងតែប៉ុណ្ណោះទេ ​ប៉ុន្តែក៏ទាន់សម័យផងដែរ”។ អត្តចរិតល្អឥតខ្ចោះ និងស្ទីលប្លែកៗរបស់លោកពិតជាសាកសមទៅនឹងរថយន្ត “ Isuzu D-Max Blue Power គ្រប់ម៉ូឌែលថ្មីទាំងអស់” ។ ក្រៅពីការផ្សព្វផ្សាយពាណិជ្ជកម្មតាមទូរទស្សន៍ លោកព្រាបសុវត្ថិ ក៏នឹងចូលរួមសកម្មភាពជាច្រើនជាមួយក្រុមហ៊ុន អ៊ីស៊ូហ៊្សុ នៅឆ្នាំក្រោយៗផងដែរ។

បើយោងតាមប្រសាសន៍របស់លោកព្រាបសុវត្ថិដែលជាទូតសុឆន្ទៈរបស់រថយន្ត “Isuzu D-Max Blue Power” បានអោយដឹងថា “ខ្ញុំបានបើកបររថយន្ត “Isuzu D-Max Blue Power” ដែលជាសេរីថ្មីចុងក្រោយបំផុត ជិត2ខែហើយមុនពេលក្លាយជាអគ្គរាជទូតសុឆន្ទៈប្រចាំក្រុមហ៊ុន អ៊ីស៊ូហ៊្សុ ជាផ្លូវការនេះ។ អ្វីដែលខ្ញុំចូលចិត្តបំផុតនោះគឺប្រសិទ្ធភាពប្រេងឥន្ធនៈ(4-5L/100km) និង ផាសុកភាពក្នុងពេលបើកបរមិនថាកាលៈទេសៈផ្លូលបែបណានោះទេ។ ខ្ញុំពិតជារំភើបចិត្តខ្លាំងណាស់ដែលបានធ្វើការជាមួយក្រុមហ៊ុនISUZU ដែលជាក្រុមហ៊ុនល្បីឈ្មោះមួយនៅលើពិភពលោកដែលបានចែករំលែកទាំងតម្លៃនិងស្ទីលរបស់ខ្ញុំ។ បរិយាកាសធ្វើការក្នុងកំឡុងពេលថតវីដេអូពាណិជ្ជកម្មពិតជាមានភាពរីករាយនិងប្រកបដោយជំនាញវិជ្ជាជីវៈខ្ពស់ណាស់។ ខ្ញុំបានបើកបររថយន្ត“Isuzu D-Max Blue Power” នៅតាមផ្លូវឡើងភ្នំ។ ផ្លូវនេះពិតជាលំបាកខ្លាំងណាស់ ប៉ុន្តែខ្ញុំនៅតែសប្បាយរីករាយនិងមានអារម្មណ៍ថាមានសុវត្ថិភាពខ្ពស់ជានិច្ច នៅពេលដែលខ្ញុំកំពុងបើកបររថយន្ត “Isuzu D-Max Blue Power” ដូចលោកអ្នកបានដឹងស្រាប់មកហើយថា ប្រព័ន្ធម៉ាស៊ីននេះពិតជាល្បីល្បាញនិងមានថាមពលខ្លាំងប្លែកពីគេ។

លោកបានបន្ថែមទៀតថា “បើនិយាយពីលក្ខណៈផ្ទាល់ខ្លួនវិញ ខ្ញុំត្រូវធ្វើដំណើរគ្រប់ពេលវេលាទាំងការងារ នៅក្នុងក្រុង និង តាមខេត្ត និង ទាំងដំណើរកំសាន្ត។ ដូច្នេះរថយន្តអ៊ីស៊ូហ្ស៊ បានឆ្លើយតបរាល់ទិដ្ឋភាពផ្ទាល់ខ្លួននិងតម្រូវការរបស់ខ្ញុំទាំងអស់។ ខ្ញុំមានទំនុកចិត្តថារថយន្ត “Isuzu D-Max Blue Power គ្រប់ម៉ូឌែលថ្មីទាំងអស់ ពិតជានឹងធ្វើអោយលោកអ្នកចាប់អារម្មណ៍។សម្រាប់ព័ត៌មានបន្ថែម សូមតាមដានព័ត៌មានរបស់អ៊ីស៊ូហ្ស៊ ហើយចូលរួមសកម្មភាពសប្បាយរីករាយជាមួយនិងការចាប់រង្វាន់ផ្សងសំណាង តាមរយៈបណ្តាញអ៊ីនធឺណេតដូចជាគេហទំព័រ៖ www.isuzucambodia-tis.com ហ្វេសប៊ុក៖ Isuzu Cambodia និង YouTube:Isuzucambodia ឬអគារតំាងលក់រថយន្ត អ៊ីស៊ូហ៊្សុរបស់ក្រុមហ៊ុន​ K (Cambodia) Co., Ltd ដែលមានអាសយដ្ឋានស្ថិតនៅ ភូមិក្បាលដំរី មហាវិថីសហព័ន្ធរុស្ស៊ីសង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។ទំនាក់ទំនងទូរស័ព្ទលេខ៖ 023 950 084។