Category: PR

  • ស្រាបៀរថៃហ្គ័រ ផ្តល់ជំនួយ 1លានដុល្លារដល់អង្គការ WWF

    ស្រាបៀរថៃហ្គ័រ ផ្តល់ជំនួយ 1លានដុល្លារដល់អង្គការ WWF

    ក្រុមហ៊ុនស្រាបៀរថៃហ័្គរ ប្រកាសផ្តល់ជំនួយ 1លានដុល្លារដល់អង្គការ​មូលនិធិសត្វព្រៃ​ពិភពលោក (WWF) ក្នុងការធ្វើយុទ្ឋនាការ ដែលមានឈ្មោះថា 3890Tigers ដើម្បីប្រយុទ្ធប្រឆាំងនឹងការជួញដូរសត្វខ្លាធំខុសច្បាប់ និងក្នុងគោលបំណងបង្កើនចំនួនសត្វខ្លាធំរបស់ពិភពលោកពី 3,890ក្បាល នេះឱ្យបានដល់ 6,000ក្បាលត្រឹមឆ្នាំ 2022។

    លោក Roland Bala នាយកគ្រប់គ្រងក្រុមហ៊ុនស្រាបៀរថៃហ្គ័រប្រចាំប្រទេសកម្ពុជាមានប្រសាសន៍ថា ការផ្តល់ជំនួយនេះគឺដើម្បីធ្វើយុទ្ធនាការមួយដែលមានឈ្មោះថា 3890Tigers គឺជាផ្នែកមួយនៃកិច្ចសហការជាសកលរយៈពេល 6ឆ្នាំរវាងស្រាបៀរ Tiger និងអង្គការ WWF ក្នុងការគាំទ្រដល់ការប្តេជ្ញាចិត្តជាសកល Tx2 ដែលធ្វើឡើងដោយបណ្តារដ្ឋាភិបាលនៃប្រទេសចំនួន13 ដែលមានសត្វខ្លាធំក្នុងគោលបំណងបង្កើនចំនួនសត្វខ្លាធំរបស់ពិភពលោកឲ្យបាន 6,000 ក្បាលត្រឹមឆ្នាំ 2022។
    កិច្ចសហការរយៈពេល 6ឆ្នាំនេះបានចាប់ផ្តើមនៅឆ្នាំ 2017 នេះដោយទទួលបានអំណោយបរិច្ចាគជាទឹកប្រាក់ 1លានដុល្លារអាមេរិកពីស្រាបៀរថៃហ្គ័រ។ លោកថា ប្រទេសកម្ពុជាគឺជាប្រទេសមួយក្នុងចំណោម13 ប្រទេសដែលមានសត្វខ្លាធំ ហើយរដ្ឋាភិបាលបានប្តេជ្ញាចិត្តក្នុងការបង្កើនចំនួនសត្វខ្លាធំទូទាំងពិភពលោក ដោយអនុម័តផែនការសកម្មភាពសម្រាប់សត្វខ្លាធំនៃប្រទេសកម្ពុជា ដែលផ្តោតលើការនាំសត្វខ្លាធំទៅកាន់តំបន់ទេសភាពខ្ពង់រាបភាគខាងកើតនៃប្រទេសកម្ពុជា។
    សត្វខ្លាធំគឺជាប្រភេទសត្វជិតផុតពូជនៅទូទាំងពិភពលោក។ ចំនួនសត្វខ្លាធំបានធ្លាក់ចុះ 96 ភាគរយក្នុងរយៈពេលមួយសតវត្សរ៍ចុងក្រោយនេះ គឺចាប់ពី 100,000 ក្បាលធ្លាក់នៅសល់ត្រឹមតែ 3,890 ក្បាលប៉ុណ្ណោះមកទល់សព្វថ្ងៃនេះ។ លោក Roland Bala មានប្រសាសន៍ដូច្នេះថា៖ «យើងមិនអាចស្រមៃឃើញថា ពិភពលោកនឹងគ្មានសត្វខ្លាធំនោះទេ ហើយវាជាកិត្តិយសសម្រាប់យើងដែលបានចាប់ដៃគូជាមួយអង្គការ WWF ដើម្បីគាំទ្រកិច្ចប្រឹងប្រែងអភិរក្សក្នុងរឿងនេះ។ ប្រសិនបើសត្វខ្លាធំបាត់បង់ វាមិនត្រឹមតែមានផលប៉ះពាល់ដល់បរិស្ថានប៉ុណ្ណោះទេ ប៉ុន្តែថែមទាំងជាការបាត់បង់ពិតប្រាកដសម្រាប់វប្បធម៍របស់យើងទៀតផង។


    សត្វខ្លាធំគឺជាសត្វដ៏ស្រស់ស្អាតដែលជានិមិត្តរូបនៃកម្លាំង ភាពក្លាហាន និងអំណាច ហើយជាទូទៅសិល្បៈជាច្រើននៅក្នុងប្រវត្តិសាស្រ្តរបស់មនុស្សត្រូវបានបំផុសឡើងចេញពីសត្វខ្លាធំនេះឯង។ នោះហើយជាមូលហេតុដែលយើងបានជ្រើសរើសយកសិល្បៈជាវិធីមួយដើម្បីបង្ហាញរឿងនេះរួមគ្នាជាមួយអតិថិជនរបស់យើង»។

    លោក ឈិត សំអាត នាយកអង្គការ WWF ប្រចាំកម្ពុជា បានមានប្រសាសន៍ថា សត្វខ្លាធំជាប្រភេទសត្វនិមិត្តរូប និងជាផ្នែកមួយនៃបេតិកភណ្ឌធម្មជាតិរបស់យើង។ ការនាំយកសត្វខ្លាធំត្រឡប់មកប្រទេសកម្ពុជាវិញនឹងក្លាយជាកិច្ចអភិរក្សដ៍ធំបំផុត ហើយនិងគាំទ្រដល់កិច្ចខិតខំប្រឹងប្រែងអភិរក្សតំបន់ទេសភាពទាំងមូលផងដែរ។ មានបញ្ហាប្រឈមជាច្រើន រួមមានការបរបាញ់ ការដាក់អន្ទាក់ចាប់ ការកាប់ឈើខុសច្បាប់ ការរុករករ៉ែ និងការអភិវឌ្ឍគ្មាននិរន្តរភាពផ្សេងទៀតដែលត្រូវការការដោះស្រាយដើម្បីធ្វើឱ្យទេសភាពនេះក្លាយជាតំបន់ការពារលំដាប់ថ្នាក់ពិភពលោកមុនពេលដោះលែងសត្វខ្លាធំចូលទៅក្នុងតំបន់នេះ។ យើងប្តេជ្ញាក្នុងការសម្រេចគោលដៅ Tx2 និងសង្ឃឹមថា នឹងធ្វើការយ៉ាងជិតស្និទ្ធជាមួយរាជរដ្ឋាភិបាលកម្ពុជាក្នុងរយៈពេល6ឆ្នាំខាងមុខដើម្បីធ្វើឱ្យគម្រោងនេះក្លាយជាការពិត។

    ដើម្បីចូលរួមក្នុងយុទ្ធនាការនេះ សាធារណជនអាចចូលទៅកាន់គេហទំព័រ៖ 3890Tigers.com ដើម្បីអាប់ឡូដថតរូបស៊ែលហ្វ៊ី ហើយនិងជ្រើសរើសយកសិល្បករម្នាក់សហការជាមួយដើម្បីបង្កើតសិល្បៈថតរូបស៊ែលហ្វ៊ីមួយប្រភេទដែលបង្កើតដោយ AI។ មិនថាវាជាសិល្បៈដងវិថី និងអក្សរផ្ចង់ដ៏អាថ៌កំបាំង គំនូរដោយប្រើថ្នាំលាប និងទឹកថ្នាំ ឬរូបឥន្ទធនូនោះទេ មនុស្សអាចជ្រើសរើសពីរចនាប័ទ្មសិល្បៈរបស់ HuaTunan របស់ប្រទេសចិន Mademoiselle Maurice របស់បារាំង Kenji Chai របស់ម៉ាឡេស៊ី Nookt របស់រុស្ស៊ី Nick Gentry របស់ចក្រភពអង់គ្លេស និងTran Nguyen របស់សហរដ្ឋអាមេរិកដើម្បីបង្កើតសិល្បៈថតរូបស៊ែលហ្វ៊ីរបស់គេ៕

  • ជយលាភីចុងភៅដ៏ល្បីនៅបារាំង នឹងមកកម្ពុជាដើម្បីរាត្រីដ៏មានរសជាតិ

    ជយលាភីចុងភៅដ៏ល្បីនៅបារាំង នឹងមកកម្ពុជាដើម្បីរាត្រីដ៏មានរសជាតិ

    ម្ចាស់ពានរង្វាន់ចុងភៅដ៏ល្បីនៅប្រទេសបារាំង ដែលមានរហស្សនាមថា «ស្តេចរសជាតិ» លោក HERVE RODRIGUEZ នឹងធ្វើដំណើរផ្សេងព្រេងមកកម្ពុជាក្នុងកម្មវិធីសិល្បៈម្ហូបអាហារ ដែលនឹងរៀបចំឡើងនៅថ្ងៃទី15 ខែមិថុនា នៅភោជនីយដ្ឋាន តូប៉ាហ្ស ( TOPAZ )។ លោកនឹងត្រៀមនូវមុខម្ហូបពិសេស 7មុខ សម្រាប់អាហារពេលល្ងាច ដែលមុខម្ហូបនីមួយៗត្រូវបានសម្រិតសម្រាំងចេញពីភាពជំនាញដ៏ល្បីល្បាញរបស់លោក រួមជាមួយតារាមេចុងភៅ Michelin 3 នាក់ទៀតផងដែរ។

    លោក HERVE RODRIGUEZ ដែលជាម្ចាស់ផង និងជាមេចុងភៅផងនៅភោជនីយដ្ឋាន Masa នៅតំបន់ Boulogne Billancourt ធ្លាប់ទទួលបានពានរង្វាន់ចុងភៅចុងក្រោយបង្អស់នៅឆ្នាំ2013 ប្រមាណជា10ខែប៉ុណ្ណោះ បន្ទាប់ពីលោកចាប់ផ្តើមគ្រប់គ្រងភោជនីយដ្ឋាន។ នេះជាពានរង្វាន់ចុងភៅទី2 ក្នុងនាមជាចុងភៅម្ចាស់ហាង និងពានរង្វាន់តារាចុងភៅទី3 ក្នុងនាមមេចុងភៅ។ លោកជាម្ចាស់ «អ្នកជំនាញច្នៃរសជាតិ» តាមរបៀបខ្លួនឯងដែលទទួលឥទ្ធិពលពីប្រទេសបារាំង អេស្ប៉ាញ និងប្រទេសផ្សេងៗទៀតផងដែរ។ មុខម្ហូបក្នុងចំណោមម្ហូបល្បីៗរបស់គាត់គឺ ស៊ុបបន្លែជាមួយបង្កងន័រវែស និងទន្សាយ។

    ពានរង្វាន់នេះស្ទើរតែគ្មានការភ្ញាក់ផ្អើលអំពីនរណាម្នាក់ដែលដើរតាមអាជីពរបស់ Rodriguez ដែលបានចាប់ផ្តើមនៅអាយុ 21ឆ្នាំនៅសណ្ឋាគារ De la Côte d’Or។ ទី2 តារាចុងភៅ Michelin មុនពេលគាត់រើទៅ La meloise និងទី3 តារាចុងភៅ Michelin គាត់បន្តអភិវឌ្ឍជំនាញ និងសមត្ថភាពរបស់គាត់នៅហាងល្បីៗ ដូចជាFernie Castle នៅប្រទេសស្កុតលែន និងបន្ទាប់មក La Chouette និង La Mere Bourgeois។ លោកទទួលបានពានរង្វាន់ តារាចុងភៅ Michelin នៅកន្លែងទាំងពីនេះនៅពេលលោកធ្វើជាមេចុងភៅ និងជាម្ចាស់ភោជនីយដ្ឋាន La Mere Bourgeois ផងដែរ។

    មេចុងភៅ Rodriguez មានភាពល្បីល្បាញខ្លាំងខាងការបង្កើតមុខម្ហូបដែលមានភាពទាក់ទាញ និងរស់រវើក ទាក់ភ្នែក មុនពេលបង្ហាញពីរសជាតិដែលមាននៅក្នុងនោះ។ ម្ហូបពិសេសរបស់គាត់ដែលមានភាពសាមញ្ញដោយគ្រាន់តែបន្ថែមរសជាតិមិនធម្មតាប៉ុណ្ណោះ ដូចជាក្រែមផ្កាខាត់ណាជាមួយពពុះម្គុដកាពុឈីណូ និងស៊ុតដែលចម្អិនកម្រិត 62អង្សារជាមួយនឹងសាច់ហ៊ែម Pata Negra និងទឹកជ្រលក់ពិសេស។

    ក្នុងអំឡុងពេលស្នាក់នៅទីក្រុងភ្នំពេញ មេចុងភៅ Rodriguez នឹងចំណាយពេលជាមួយលោក ពៅ សុភក្រ័ មេចុងភៅរបស់ភោជនីយដ្ឋានតូប៉ាហ្ស និងសហការីរបស់លោកផងដែរ ដើម្បីផ្ទេរចំណេះជំនាញ និងណែនាំក្រុមការងាររបស់គាត់ឱ្យចេះរៀបចំមុខម្ហូបថ្មីៗល្បីៗ សម្រាប់សប្តាហ៍ខាងមុខនៅចំពោះមុខវត្តមានភ្ញៀវ៕

  • អស់ទាស់!! កាន់តែស្រស់ស្អាត ជាមួយសម្លៀកបំពាក់ម៉ាក PHOENIX_V ដ៏ល្បីល្បាញមកពីវៀតណាម

    អស់ទាស់!! កាន់តែស្រស់ស្អាត ជាមួយសម្លៀកបំពាក់ម៉ាក PHOENIX_V ដ៏ល្បីល្បាញមកពីវៀតណាម

    បន្ទាប់ពីទទួលបានការគាំទ្រពីសំណាក់អតិថិជនដែលប្រើប្រាស់សម្លៀកបំពាក់ម៉ាក PHOENIX_V ដ៏ល្បីល្បាញមកពីប្រទេសវៀតណាមរួចមក ហាងលក់សម្លៀកបំពាក់ PHOENIX_V បានរៀបចំព្រឹត្តិការណ៍ដើរបង្ហាញម៉ូដសម្លៀកបំពាក់ឈ្មោះថា PHOENIX_V RESORT COLLECTION 2017 ដើម្បីជាការថ្លែងអំណរគុណដល់អ្នកគាំទ្រ។

    ការបង្ហាញម៉ូដ PHOENIX_V RESORT COLLECTION 2017 បានដាក់បង្ហាញសម្លៀកបំពាក់ប្រមាណជា 60ម៉ូដ ដោយមានការចូលរួមពីសំណាក់សុភាពនារីជាច្រើន ពិសេសមានការចូលរួមពីកញ្ញាឯកឆ្នាំ2016 របស់ប្រទេសវៀតណាមទៀតផង។

    អ្នកស្រី លន់ សុដាណា ម្ចាស់ហាងសំលៀកបំពាក់ PHOENIX_V បានលើកឡើងថា ហាងរបស់អ្នកស្រីបានបើកដំណើរការលក់តាំងពីឆ្នាំ 2014 មកម្ល៉េះដោយបាននាំចូលផ្ដាច់មុខនូវសម្លៀកបំពាក់ម៉ាក PHOENIX_V មកពីប្រទេសវៀតណាមផ្ទាល់តែម្ដង ព្រមទាំងទទួលបានការគាំទ្រពីអតិថិជនជាច្រើន។ អ្នកស្រីបន្ដថា ដើម្បីជាការថ្លែងអំណរគុណដល់អតិថិជនដែលធ្លាប់គាំទ្រដល់ម៉ាកនេះ ក៏ដូចជាការដាក់បង្ហាញនូវម៉ូដសម្លៀកបំពាក់ថ្មីៗទើបតែនាំចូលមកដល់កម្ពុជាដែរនោះ ទើបជំរុញឱ្យអ្នកស្រីរៀបចំឱ្យមានព្រឹត្តិការណ៍ដើរបង្ហាញម៉ូដសម្លៀកបំពាក់នេះឡើង។

    គួរបញ្ជាក់ថាសម្លៀកបំពាក់ម៉ាក PHOENIX_V ដែលមានសាខានៅប្រទេសវៀតណាម កម្ពុជា និងអៀរឡង់ ទទួលបានការពេញនិយម និងជាប់ចំណាត់ថ្នាក់លេខ1 នៅប្រទេសវៀតណាមរយៈពេល 3ឆ្នាំជាប់គ្នា។ សម្លៀកបំពាក់នេះត្រូវបានច្នៃម៉ូដដោយអតីតតារាម៉ូដែល និងជាតារាសម្ដែងដ៏ល្បីរបស់ប្រទេសវៀតណាម និងមានតម្លៃចន្លោះពី200 ដល់ 2,000ដុល្លារអាមេរិក ដែលអតិថិជនអាចបញ្ជាទិញបានគ្រប់ទំហំទាំងអស់។

    ម្ចាស់ហាងរូបនេះបានបញ្ជាក់ថា មូលហេតុដែលអ្នកស្រីនាំយកសម្លៀកបំពាក់ម៉ាក PHOENIX_V មកកាន់កម្ពុជា ដោយសារតែសម្លៀកបំពាក់ម៉ាកនេះមានម៉ូដច្រើនអាចបំពេញតាមតម្រូវការ និងចំណង់ចំណូលចិត្ដរបស់អតិថិជនបាន ពិសេសនៅពេលយកមកពាក់លើខ្លួនហើយនឹងទទួលបានភាពស្រស់ស្អាត និងថ្លៃថ្នូរជាខ្លាំង។ ជាក់ស្ដែងរូបអ្នកស្រីផ្ទាល់ក៏បានប្រើប្រាស់សម្លៀកបំពាក់ម៉ាកនេះដែរ។ ជាងនេះទៅទៀតអ្នកស្រីបានបង្ហាញជាទស្សនៈវិស័យទៅអនាគតថា ប្រសិនបើហាងនេះទទួលបានការគាំទ្រកាន់តែខ្លាំងលោកស្រីនឹងពិចារណានាំយកម៉ាកល្បីៗពីប្រទេសផ្សេងទៀតមកកាន់កម្ពុជា៕

  • គូស្វាមី 11គូ មានសំណាងឈ្នះរង្វាន់ពីស្រាបៀថៃហ្គ័រ

    គូស្វាមី 11គូ មានសំណាងឈ្នះរង្វាន់ពីស្រាបៀថៃហ្គ័រ

    ភ្នំពេញ៖ នៅថ្ងៃទី 11 ខែមិថុនា ឆ្នាំ2017 ស្រាបៀរថៃហ្គ័រ (Tiger Beer) បានរៀបចំកម្មវិធីចាប់ឆ្នោតជ័យមង្គលលើកទី1 រដូវកាលថ្មីនៅស្ថានីយទូរទស្សន៍ PNN ដើម្បីផ្តល់រង្វាន់ជូនដល់គូស្វាមីភរិយាថ្មីទាំងអស់ដែលបានជាវស្រាបៀរថៃហ្គ័រក្នុងកម្មពិធីអាពាហ៍ពិពាហ៍ក្នុង ឆ្នាំ 2017 ដោយមានការអញ្ជើញចូលរួមពីថ្នាក់ដឹកនាំក្រុមហ៊ុនស្រាបៀរថៃហ្គ័រ ក្រុមការងារស្រាបៀរថៃហ្គ័រ ភ្ញៀវកិត្តិយស និងអ្នកសារព័ត៌មានជាច្រើន។

    កម្មវិធីចាប់ឆ្នោតរដូវកាលថ្មីនេះ ត្រូវបានរៀបចំឡើងជាពិសេសសម្រាប់អតិថិជនរបស់ស្រាបៀរថៃហ្គ័រក្នុងគោលបំណង ថ្លែងអំណរគុណដ៏ជ្រាលជ្រៅ និងបង្ហាញពីការយកចិត្តទុកដាក់ខ្ពស់របស់ក្រុមហ៊ុនស្រាបៀរថៃហ្គ័រចំពោះអតិថិជនដែលតែងតែគាំទ្រ និងនិយមជាវស្រាបៀរថៃហ្គ័ររក្នុងកម្មពិធីអាពាហ៍ពិពាហ៍របស់ខ្លួន។ រង្វាន់ដែលបានចាប់ឆ្នោតលើកទីមួយនេះរួមមាន iPhone 7 ចំនួន 3 រង្វាន់ ទូរទស្សន៍ Smart TV ចំនួន 3 រង្វាន់ និងទូរទឹកកក ចំនួន 5 រង្វាន់។

    លោកអ្នកអាចស្វែងរកឈ្មោះរបស់លោកអ្នកនៅលើកាសែត កោះសន្តិភាព ឬលើគេហទំព័រ Facebook (Tiger Beer KH)។

    ចំពោះគូស្វាមីដែលមានភ័ព្វសំណាងឈ្នះរង្វាន់ ក្រុមហ៊ុននឹងទាក់ទងទៅដោយផ្ទាល់។ ដើម្បីបើករង្វាន់ សូមភ្ជាប់មកជាមួយនូវសំបុត្រអាពាហ៍ពិពាហ៍ អត្តសញ្ញាណប័ណ្ណ សន្លឹកឆ្នោតឈ្នះរង្វាន់ វិក្កយបត្រទិញផលិតផល លិខិតអញ្ជើញអាពាហ៍ពិពាហ៍ និងរូបថតអាពាហ៍ពិពាហ៍ចំនួន 1សន្លឹក។

    គួររម្លឹកផងដែរថា ថៃហ្គ័រគឺជាស្រាបៀរដែលមានគុណភាពខ្ពស់លំដាប់ថ្នាក់អន្តរជាតិមានលក់ច្រើនជាង 70 ប្រទេសដែលកំពុងទទួលបានការគាំទ្រកាន់តែខ្លាំងឡើងជារៀងរាល់ថ្ងៃពីអតិថិជនទាំងនៅលើទីផ្សារកម្ពុជា និង ពិភពលោក ហើយជាពិសេស Tiger ជាស្រាបៀរដែលសក្ត័សមបំផុតសម្រាប់ទទួលភ្ញៀវក្នុងពិធីអាពាហ៍ពិពាហ៍ និងកម្មវិធីផ្សេងៗ។ សម្រាប់ឆ្នាំ 2017 នេះ អតិថិជនដែលជាវស្រាបៀរ Tiger កំប៉ុង ឬ ដប ចាប់ពី 25កេសឡើងទៅសម្រាប់ទទួលភ្ញៀវក្នុងពិធីអាពាហ៍ពិពាហ៍របស់ខ្លួននឹងអាចមានឱកាសឈ្នះរង្វាន់ធំរថយន្ត AUDI Q5 2016 ស៊េរីទំនើបថ្មីសន្លាងចំនួន 1រង្វាន់ រួមជាមួយរង្វាន់ជាច្រើនទៀតដូចជា iPhone 7 ចំនួន 5 រង្វាន់ ទូរទស្សន៍ Smart TV ចំនួន 5 រង្វាន់ និង ទូរទឹកកក ចំនួន 10 រង្វាន់។

    ឆ្លុះបញ្ចាំងប្រណិតភាពនៃអាពាហ៍ពិពាហ៍ ជាមួយស្រាបៀរ Tiger!

    ពិសាដោយការទទួលខុសត្រូវ

  • សិក្ខាសាលា «គន្លឹះកសាងខ្លួនជាយុវជនឆ្នើមស.វ ទី21»

    សិក្ខាសាលា «គន្លឹះកសាងខ្លួនជាយុវជនឆ្នើមស.វ ទី21»

    នេះជាលើកទី2 ហើយ ដែល សិក្ខាសាលា «គន្លឹះកសាងខ្លួនជាយុវជនឆ្នើមស.វ ទី21» ត្រូវបានរៀបចំឡើងដោយក្រុមយុវជនស្មត្រ័ចិត្ត ដើម្បីការអភិវឌ្ឍសង្គម ហៅកាត់ថា YVSD។ សិក្ខាសាលានេះនឹងប្រព្រឹត្តិទៅនៅថ្ងៃទី 25ខែមិថុនា ឆ្នាំ2017 វេលាម៉ោង 7:30am-12pm នៅមជ្ឍមណ្ឌលសហប្រតិបត្តិការ កម្ពុជា-ជប៉ុន (CJCC)។

    សិក្ខាសាលា «គន្លឹះកសាងខ្លួនជាយុវជនឆ្នើមស.វ ទី21» ជាវេទិការមួយរៀបចំឡើងក្នុងគោលបំណង បង្ហាញនូវយុទ្ធសាស្ត្រក្នុងការកំណត់គោលដៅជីវិត ការទំនាក់ទំនងជាមួយនឹងមជ្ឈដ្ឋានខាងក្រៅ ដែលនាំឲ្យទទួលលទ្ធផលល្អការចាប់ឱកាសទាំងការសិក្សា និងការងារឱ្យសមស្របនឹងសមត្ថភាពដែលខ្លួនមាន និងប្រសិទ្ធភាពនៃការទទួលបានព័ត៌មានពីមជ្ឈដ្ឋានផ្សេងៗ។

    គួរបញ្ជាក់ផងដែលថា ក្រុមយុវជនស្មត្រ័ចិត្តដើម្បីការអភិវឌ្ឍសង្គម ជាបណ្តាញយុវជន និងនិស្សិតមកពីសាកលវិទ្យាល័យផ្សេងៗគ្នា ដែលមានឆន្ទៈរួមគ្នាបានចាប់ផ្ដើមបង្កើតក្រុមនេះឡើងនៅឆ្នាំ2014។ ក្នុងគោលបំណងចង់ឃើញប្រជាជនខ្មែរពិសេសយុវជនមានសមត្ថភាពទទួលបានការអប់រំដើម្បីសង្គមមួយដែលមានវឌ្ឍនភាព។ដោយមើលឃើញថាពីមួយថ្ងៃទៅមួយថ្ងៃការអភិវឌ្ឍគំនិតរបស់យុវជនទៅមុខឥតឈប់ឈរយុវជនត្រូវការប្រកួតប្រជែងដើម្បីការងារនិងឱកាសផ្សេងៗទៀត។
    ក្រុមយុវជនខាងលើនេះ ក៏ធ្លាប់បានរៀបចំសិក្ខាចំនួនបីលើករួមមកហើយ ដែលសិក្ខាសាលា លើកទីមួយគឺ «ការកសាងខ្លួនជាយុវជនឆ្នើមសតវត្សទី 21» រៀបចំឡើងនៅថ្ងៃទី 26 ខែកក្កដា ឆ្នាំ2015 នៅឯសាកលវិទ្យាល័យ បញ្ញាសាស្ត្រ មានអ្នកចូលរួមប្រមាណជាង 700នាក់ លើសពីការរំពឹងរហួតទៅដល់ 200នាក់។

    សិក្ខាសាលាទី2គឺ «កីឡា ស្នេហា និងការអប់រំសតវត្សទី ២១» រៀបចំឡើងនៅថ្ងៃទី 18ខែកញ្ញា ឆ្នាំ2016 នៅឯសាកលវិទ្យាល័យ បញ្ញាសាស្ត្រដូចគ្នា មានអ្នកចូលរួមប្រមាណជាង៦០០នាក់។ សិក្ខាសាលាទី3 ដែលទើបនឹងបញ្ចប់រយៈពេលមិនយូរប៉ុន្មាននោះគឺសិក្ខាសាលា «ការត្រៀមខ្លួនក្លាយជាម្ចាស់អាជីវកម្មសតវត្សទី21” ដែលសិក្ខាសាលាទី3 នេះក៏មានអ្នកចូលរួមអង្គុយពេញកៅអីមិនចាញ់សិក្ខាសាលាទាំងពីរ ខាងលើដែរ។ សិក្ខាសាលាទី3 នេះត្រួវបានរៀបចំឡើងនៅថ្ងៃទី 15ខែមករា ឆ្នាំ2017 នៅឯ CJCC មានអ្នកចួលរួមប្រមាណជាង 500នាក់។ ចំណែកឯសិក្ខាសាលាលើកទី4នេះវិញនឹងប្រព្រឹត្តិឡើងនៅពេលឆាប់ៗនេះគឺ «គន្លឹះកសាងខ្លួនជាយុវជនឆ្នើមស.វ ទី21» លើកទី2 ប្រព្រឹត្តិទៅនៅថ្ងៃទី 25ខែមិថុនា ឆ្នាំ2017 វេលាម៉ោង 7:30am-12pm នៅមជ្ឍមណ្ឌលសហប្រតិបត្តិការ កម្ពុជា-ជប៉ុន (CJCC)។

    គោលបំណងនៃការបង្កើតសិក្ខាសាលានេះគឺ៖
    – ផ្ដល់ជាយុទ្ធសាស្ត្រដល់យុវជនក្នុងការកំណត់គោលដៅជីវិតឲ្យបានច្បាស់លាស់
    – បង្ហាញពីរបៀបនៃការប្រាស្រ័យទាក់ទង និងការសម្របខ្លួនជាមួយនឹងមជ្ឈដ្ឋានខាងក្រៅប្រកបដោយប្រសិទ្ធភាព
    – ផ្ដល់នូវគន្លឹះក្នុងការប្រើប្រាស់ និងបង្កើតឱកាសសម្រាប់ភាពជោគជ័យក្នុងការសិក្សា និងការងារ
    – ផ្ដល់ពីរបៀបនៃការទទួល និងការប្រើប្រាស់ព័ត៌មានប្រកបដោយប្រសិទ្ធភាព។

    វាគ្មិនរួមមាន៖
    – ឯកឧត្តម បណ្ឋិត ច័ន្ច សំណព្វ ប្រធានក្រុមប្រឹក្សាជាតិភាសាខ្មែរ និងអនុប្រធានរាជបណ្ឌិត្យសភាកម្ពុជា
    – កញ្ញា អ៊ុង ច័ន្ចសោភា ផលិតករ និងពិធីការនី ព័ត៌មាន CNC & CTN
    – លោក ហ៊ុយ សម្បត្តិ សហស្ថានិក Youth Force 2030 in Cambodia
    – លោក ជា ធីរិទ្ធ និពន្ធនាយករងនៃសារព័ត៌មានថ្មីៗ៕

  • ស្រាបៀរថៃហ្គ័រ នឹងចាប់ឆ្នោតលើកទី1 រដូវកាលថ្មីឆ្នាំ 2017 នៅចុងសប្តាហ៍នេះ

    ស្រាបៀរថៃហ្គ័រ នឹងចាប់ឆ្នោតលើកទី1 រដូវកាលថ្មីឆ្នាំ 2017 នៅចុងសប្តាហ៍នេះ

    ភ្នំពេញ៖ នៅថ្ងៃទី 11ខែមិថុនា ឆ្នាំ2017 ខាងមុខនេះ ស្រាបៀរថៃហ្គ័រ (Tiger Beer) នឹងរៀបចំកម្មវិធីចាប់ឆ្នោតលើកទី1 រដូវកាលថ្មី ឆ្នាំ2017 នៅស្ថានីយទូរទស្សន៍ PNN ដែលផ្សាយផ្ទាល់ នៅវេលាម៉ោង 8:00-10:00យប់ ដើម្បីផ្តល់រង្វាន់ជូនដល់គូស្វាមីភរិយាថ្មីទាំងអស់ ដែលបានជាវស្រាបៀរថៃហ្គ័រ ក្នុងកម្មពិធីអាពាហ៍ពិពាហ៍របស់ស្រាបៀរថៃហ្គ័ររបស់ខ្លួន។

    កម្មវិធីអាពាហ៍ពិពាហ៍របស់ស្រាបៀរ Tiger ឆ្នាំ 2017 រដូវកាលថ្មីនេះ ដែលរៀបចំការចាប់ឆ្នោត មានការចូលរួមសម្ដែងកម្សាន្ត សប្បាយរីករាយ ពីតារាចម្រៀងល្បីឈ្មោះប្រចាំព្រះរាជាណាចក្រកម្ពុជាជាច្រើនរូបដូចជា៖ កញ្ញា ពេជ្រ សោភា ,លោក Step ,កញ្ញា វី ឌីណែត និង ក្រុម 4 NIX Girl band (K-POP)។

    កម្មវិធីនេះធ្វើឡើងសម្រាប់តែអតិថិជនដែលបានជាវស្រាបៀរថៃហ្គ័រសម្រាប់កម្មវិធីអាពាហ៍ពិពាហ៍របស់ខ្លួន។ សម្រាប់ការចាប់ឆ្នោតលើកទី1 រដូវកាលថ្មីនេះ ស្រាបៀរថៃហ្គ័រនឹងមានរង្វាន់ជាច្រើនដូចជា៖ iPhone 7 ចំនួន 3រង្វាន់, ទូរទស្សន៍ Smart TV ចំនួន 3រង្វាន់ និងទូរទឹកកក ចំនួន 5រង្វាន់។

    តើគូស្វាមីភរិយារូបណាខ្លះដែលជាម្ចាស់រង្វាន់ទាំងនោះ? កុំភ្លេចចូលរួមទស្សនា និងតាមដានទាំងអស់គ្នា!!!

    ឆ្លុះបញ្ចាំងប្រណិតភាពនៃអាពាហ៍ពិពាហ៍ ជាមួយស្រាបៀរថៃហ្គ័រ ដើម្បីឈ្នះរថយន្តសេរីទំនើប AUDI Q5 2016 ដ៏ថ្មីសន្លាង!!!

    ពិសាដោយការទទួលខុសត្រូវ…

  • វិទ្យាស្ថានសិល្បៈភ្នំពេញអន្តរជាតិ រៀបចំកម្មវិធីប្រឡងគំនូរលើកទី3

    វិទ្យាស្ថានសិល្បៈភ្នំពេញអន្តរជាតិ រៀបចំកម្មវិធីប្រឡងគំនូរលើកទី3

    វិទ្យាស្ថានសិល្បៈភ្នំពេញអន្តរជាតិ (PPIIA) សហការជាមួយក្រុមប្រឹក្សាជាតិកម្ពុជាដើម្បីកុមារ (CNCC) នៅថ្ងៃទី08 ខែមិថុនា ឆ្នាំ2017 បានរៀបចំការប្រឡងគំនូរជាលក្ខណៈអន្តរជាតិ ដែលមានសិស្សានុសិស្សជាង 200នាក់មកពីសាលារដ្ឋ និងឯកជនជាង 30សាលានៅរាជធានីភ្នំពេញ និងបណ្តាខេត្តនានា។

    កម្មវិធីនេះគឺធ្វើឡើងដើម្បីរំលឹកខួបទិវាកុមារអន្តរជាតិ 1មិថុនា និងដើម្បីផ្តល់សេចក្តីស្រឡាញ់ និងយកចិត្តទុកដាក់ដល់កុមារដែលជាទំពាំង ស្នងឫស្សីដើម្បីអភិវឌ្ឍធនធានមនុស្សទៅថ្ងៃអនាគត។

    កម្មវិធីប្រឡងគំនូរត្រូវបានបែងចែកជា 3ក្រុម ក្នុងនោះក្រុមទី1 សម្រាប់កុមាររៀនពីថ្នាក់ 1ដល់ទី3 គូរអំពី «គ្រួសារ Family» ក្រុម2 កុមារពីថ្នាក់ទី 4ដល់ទី8 គូរអំពី «អ្នកជិតខាង-Neighbor» និងក្រុមទី3 សិស្សថ្នាក់ទី5 ដល់ទី12 គូរអំពី «មិត្តភក្រ្ត -Friend»។ បើតាមសម្តីរបស់និស្សិតមកពី PPIIA ផ្នែកតូរតន្ត្រីម្នាក់ឈ្មោះ អែល ចាន់ឌីណា បានគូសបញ្ជាក់ថា កម្មវិធីនេះសាលាធ្វើរាល់ឆ្នាំគឺដើម្បីលើកទឹកចិត្តឱ្យកុមារស្រឡាញ់ផ្នែកសិល្បៈ។ ដូចគ្នាដែរនិស្សិតមកពី PPIIA ផ្នែកគំនូរ និងរចនា ឆ្នាំទី1 ដែលជាអតីតបេក្ខនារីដែលទទួលជ័យលាភីកាលពីឆ្នាំ2016 ហើយទទួលបានអាហារូបករណ៍ 100%រយៈពេល 4ឆ្នាំពី PPIIA កញ្ញា សួន សូនីសា បានបញ្ជាក់ថា កញ្ញាមានសេចក្តីរីករាយណាស់ដែលឃើញប្អូនៗទាំងអស់គ្នាស្រឡាញ់សិល្បៈគំនូរ ព្រោះវាជាសិល្បៈដ៏អស្ចារ្យដែលទូទាំងពិភពលោកទទួលស្គាល់។

    អ្នកស្រី លី ឆាន់ហេ នាយិកាវិទ្យាស្ថានសិល្បៈភ្នំពេញអន្តរជាតិ (PPIIA) បានថ្លែងអំណរគុណយ៉ាងជ្រាលជ្រៅចំពោះអាណាព្យាបាល និងលោកគ្រូអ្នកគ្រូដែលបានដឹកនាំសិស្សានុសិស្ស និងជាពិសេសការសហការយ៉ាងពេញទំហឹងពីក្រុមប្រឹក្សាជាតិកម្ពុជាដើម្បីកុមារ (CNCC) ដែលតែងតែចូលរួមចំណែកធ្វើឱ្យកម្មវិធីនេះប្រព្រឹត្តទៅដោយរលូន។ កម្មវិធីនេះប្រព្រឹត្តទៅចាប់ពីម៉ោង 7ដល់ម៉ោង 11ព្រឹក និងបានបញ្ចប់ទៅប្រកបដោយសេចក្តីរីករាយបំផុត៕

  • ទស្សនាវីដេអូនេះហើយ លោកអ្នកនឹងមិនសរសើរមិនបាន ពីសមត្ថភាពរបស់ម៉ាស៊ីនបោកគក់ LG

    ទស្សនាវីដេអូនេះហើយ លោកអ្នកនឹងមិនសរសើរមិនបាន ពីសមត្ថភាពរបស់ម៉ាស៊ីនបោកគក់ LG

    កាលពីពេលថ្មីៗនេះ ក្រុមហ៊ុន LG បានបញ្ចេញនូវវីដេអូផ្សាយពាណិជ្ជកម្មមួយឈ្មោះថា Electronics’ House of Cards និយាយពីសមត្ថភាពដ៏អស្ចារ្យនៃម៉ាស៊ីនបោកគក់ស៊េរីថ្មី LG Centum System™ ដែលវាអាចធ្វើការបានយ៉ាងល្អ គ្មានសំឡេងរំខាន និងគ្មានរំញ័រ ទោះបីជាយកសន្លឹកបៀមកតម្រៀបជារាងអគារកម្ពស់ជាង 3 ម៉ែត្រក៏នៅតែមិនរលំ។

    លោក Bryan Berg ជាអ្នកជំនាញខាងរៀបសន្លឹកបៀ បានសាងសង់អគារជាមួយសន្លឹកបៀមានកម្ពស់ 3,3ម៉ែត្រ នៅលើកំពូលនៃម៉ាស៊ីនបោកគក់របស់ LG Centum System™ ខណៈពេលម៉ាស៊ីនកំពុងដំណើការនៅក្នុងកម្រិត 1,000 RPM ក្នុងមួយនាទី ដែលទទួលបានកំណត់ត្រាពិភពលោក សម្រាប់រចនាសម្ព័ន្ធសន្លឹកបៀដែលបានចំណាយពេលសាងសង់អស់ 12ម៉ោង។
    វីដេអូនេះត្រូវបានរចនាឡើងដើម្បីបង្ហាញក្នុងលក្ខណៈប្រកបដោយការច្នៃប្រឌិតនៃម៉ាស៊ីនបោកគក់ Centum System របស់ LG ដែលមានប្រសិទ្ធភាព ភាពជឿជាក់ និង ថាមពលបោកគក់ខ្លាំងក្លា ជាមួយរំញ័រ និងសំឡេងរំខានដ៏តិចតួចបំផុត។

    វីដេអូផ្សាយពាណិជ្ជកម្មនោះទទួលបានពានរង្វាន់ AME (Advertising & Marketing Effectiveness) ជាពានរង្វាន់ដែលទទួលស្គាល់ថា ជាវីដេអូផ្សាយពាណិជ្ជកម្មដែលមានយុទ្ធសាស្រ្តទីផ្សារល្អ ពោរពេញដោយគំនិតច្នៃប្រឌិត និងមានប្រសិទ្ធភាពបំផុតនៅលើពិភពលោក។

    វីដេអូនេះទទួលបានអ្នកទស្សនារហូតដល់ទៅ 100 លាននាក់នៅទូទាំងសកលលោកត្រឹមតែប៉ុន្មាននាទីដែលវាបានបង្ហាញនៅលើគេហទំព័រ YouTube ប៉ុណ្ណោះ។

    លោក Chang-hee ដែលជាអនុប្រធានផ្នែកទីផ្សារ LG Home Appliance & Air Solution Company បានឱ្យដឹងថា ការច្នៃប្រឌិតគឺជាគ្រឿងផ្សំដែលមានប្រសិទ្ធភាពបំផុតរបស់យើង ដើម្បីទាក់ទាញអតិថិជនឱ្យមកចាប់អារម្មណ៍ជាមួយនឹងឧបករណ៍ប្រើប្រាស់ក្នុងផ្ទះរបស់ LG យើង។ លោកបន្ដថា យើងតែងតែមានមោទនភាពនៅពេលអ្នកដឹកនាំឧស្សាហកម្មទទួលស្គាល់ការងារល្អដែលយើងបានធ្វើ។ ពួកយើងសូមអរគុណ និងដឹងគុណចំពោះគណៈកម្មាការ AME សម្រាប់ពានរង្វាន់កិត្តិយសនេះ៕

  • ពិព័រណ៍កុមារឆ្នាំនេះ ផ្ដោតលើការបង្កើនភាពប្រកួតប្រជែង

    ពិព័រណ៍កុមារឆ្នាំនេះ ផ្ដោតលើការបង្កើនភាពប្រកួតប្រជែង

    បន្ទាប់ពីទទួលបានការគាំទ្រយ៉ាងខ្លាំងពីសំណាក់អ្នកចូលរួមពិព័រណ៍កុមារ និងគ្រួសារ ក្នុងរយៈពេលបីឆ្នាំកន្លងមកនេះ នៅថ្ងៃទី១៧-១៨ ខែមិថុនា ឆ្នាំ២០១៧ ក្រុមហ៊ុនអនុស្សា នឹងរៀបចំកម្មវិធីពិព័រណ៍កុមារ និងគ្រួសារលើកទី៤ជាថ្មីម្តងទៀត នៅអគារពិព័រណ៍កោះពេជ្រ ចាប់ពីម៉ោង ៨ព្រឹក រហូតដល់ម៉ោង ៨យប់ ដែលមានទ្រង់ទ្រយកាន់តែធំ និងអស្ចារ្យជាងមុនទ្វេដង។ ទិវាកុមារដ៏ធំបំផុតប្រចាំឆ្នាំនេះ ក្លាយទៅជាទីកន្លែងដែលផ្តល់នូវភាពសប្បាយរីករាយ អនុស្សាវរីយ៍ និងពេលវេលាដ៏ពិសេសដែលមិនអាចបំភ្លេចបានសម្រាប់ក្រុមគ្រួសារទាំងឡាយដែលបានមកចូលរួម។

    ការជំរុញភាពក្លាហាន និងស្មារតីប្រកួតប្រជែងរបស់កុមារគឺជាប្រធានបទដ៏សំខាន់សម្រាប់ពិព័រណ៍ឆ្នាំនេះ។ កូនៗដ៏ឆ្លាតៗរបស់លោកអ្នក នឹងទទួលបានឱកាសពិសេសៗជាច្រើនដើម្បីបញ្ចេញសមត្ថភាព និងទេពកោសល្យដ៏អស្ចារ្យរបស់ពួកគេ តាមរយៈការប្រកួតសម្តែង រាំ ច្រៀង គូររូប ផាត់ពណ៌ ដើរម៉ូដ និងអ៊ែរ៉ូប៊ីកនៅលើឆាកដ៏អស្ចារ្យ។ ពិសេសជាងនេះទៅទៀត ដើម្បីបង្កើននូវភាពប៉ុនប្រសប់ក្នុងការគិត និងចងចាំរបស់កុមារតូចៗ កុមារទាំងអស់ត្រូវបានលើកទឹកចិត្តក្នុងការចូលរួម ប្រកួតសូត្រកំណាព្យ និយាយរឿងនិទាន សរសេរតាមអាន ប្រកួតគិតលេខ និងបើកវចនានុក្រមខ្មែរជាដើម។

    ក្រៅពីនេះទៅទៀត កុមារ នឹងទទួលបានការកម្សាន្តសប្បាយរីករាយជាមួយនឹងទីធ្លាកម្សាន្តដ៏ធំ ការតុបតែងខ្លួនជាព្រះនាងប្រៀបដូចនឹងពិភព DISNEY ក្រុមតន្រ្តីកុមារ និងការសម្តែងពី Mascots ជាច្រើន។ ជាមួយគ្នានេះដែរអ្នកចូលរួមទាំងអស់នឹងទទួលបានការប្រឹក្សាយោបល់ និងព័ត៌មានលម្អិតជាច្រើន ដែលទាក់ទងនឹងសាលារៀន អាហារូបត្ថម សេវាកម្មធានារ៉ាប់រង និងសម្ភារប្រើប្រាស់ជាច្រើនផ្សេងៗទៀតដែលធ្វើឲ្យលោកអ្នកកាន់តែមានភាពងាយស្រួលក្នុងការសម្រេចចិត្តជ្រើសរើសផលិតផល ក៏ដូចជាសេវាកម្មដែលស័ក្តិសមបំផុតសម្រាប់ក្រុមគ្រួសារ និងបុត្រធីតារបស់អ្នក។

    ទាំងនេះនៅមិនទាន់អស់ទេ នៅមុនថ្ងៃពិព័រណ៍ ក្រុមហ៊ុនអនុស្សាក៏មានរៀបចំការប្រកួតដើម្បីទទួលបានរង្វាន់ជាច្រើនដូចជា៖ ការថតវីដេអូសើចកូនង៉ែត ការប្រកួតរាំរបស់កុមារ និងការប្រកួតថតរូប SELFIE CUTE CUTE របស់កុមារផងដែរ។ អ្នកឈ្នះបឋម ១០រូបនៃការប្រកួតនីមួយៗនឹងត្រូវទៅប្រកួតវគ្គផ្តាច់ព្រ័ត្រនៅក្នុងថ្ងៃពិព័រណ៍កុមារ និងគ្រួសារតែម្តង។

    ពិព័រណ៍កុមារ និងគ្រួសារលើកទី៤ នឹងផ្តល់ជូនអ្នកនូវ កន្លែងកម្សាន្តសម្រាប់កុមារដោយមានការតុបតែង ពិសេសតាមបែបគំនូរជីវចលល្បីៗ ទីកន្លែងថតរូបអនុស្សាវរីយ៍លក្ខណៈគ្រួសារ និងសកម្មភាពកម្សាន្តប្លែកៗជាច្រើនផ្សេងទៀត រួមជាមួយនឹងការប្រឹក្សាយោគបល់ផងដែរ។ ស្តង់ពិព័រណ័ប្រមាណ២០០ ពីបណ្តាក្រុមហ៊ុនផ្សេងៗគ្នានឹងធ្វើការលក់បញ្ចុះតម្លៃលើផលិតផល និងសេវាកម្មប្រើប្រាស់របស់កុមារ ចាប់ពី2០% ទៅ ៥០%។

    “ឪវា! តោះនាំកូនយើងទៅលេង ឃីតហ្វែរ” កម្មវិធីនេះរៀបចំដោយក្រុមហ៊ុនអនុស្សា គាំទ្រដោយក្រសួងពាណិជ្ជកម្ម និង ឧបត្ថម្ភធំដោយក្រុមហ៊ុនស្តារអូតូខេមបូឌា។ បណ្តាក្រុមហ៊ុនានាដែលមានចំណាប់អារម្មណ៍ក្នុងការចូលរួមតាំងស្តង់លក់ផលិតផល និងសេវាកម្មកុមារក្នុងពិព័រណ៍កុមារ និង គ្រួសារដែលធ្វើឡើងនៅថ្ងៃទី ១៧ ១៨ ខែមិថុនា នៅអគារពិព័រណ៍កោះពេជ្រខាងមុខនេះ អាចទំនាក់ទំនងមកកាន់លេខទូរស័ព្ទ ០១២ ២៣០ ១៤០ និង ០១០ ៩១១ ៧៧៦ ឬ គេហទំព័រហ្វេសប៊ុក ANUSSA Event Planner៕

  • ពិព័រណ៍ការងារផ្នែកលក់ដ៏ធំ នឹងត្រូវរៀបចំនៅ CJCC នាថ្ងៃទី០៣ មិថុនាខាងមុខនេះ

    ពិព័រណ៍ការងារផ្នែកលក់ដ៏ធំ នឹងត្រូវរៀបចំនៅ CJCC នាថ្ងៃទី០៣ មិថុនាខាងមុខនេះ

    SALES CAREER DAY ជាសិក្ខាសាលា និងជាពិព័រណ៍ការងារផ្នែកលក់ដ៏ធំ ដែលក្រុមហ៊ុន EBM Co., Ltd ត្រៀមនឹងរៀបចំធ្វើនៅក្នុងសាលធំរបស់សាលា CJCC (Angkor Kizuna Hall) នៅថ្ងៃទី 0៣ មិថុនា ២០១៧ ខាងមុខនេះ។

    កម្មវិធីនេះនឹងមានការចូលរួមពីបណ្តាក្រុមហ៊ុនធំៗ ជាង១០ មកដាក់ស្តង់ដើម្បីតាំងបង្ហាញផលិតផល និងសេវាកម្មផ្សេងៗគ្នា ជាពិសេសនាំមកជូនលោកអ្នកនូវឱកាសការងារជាច្រើន។
    បន្ថែមពីនេះទៀត លោកអ្នកនឹងបានជួបជាមួយវាគ្មិនល្បីៗមកពីបណ្តាក្រុមហ៊ុនដៃគូសហការ ដែលមកបង្ហាញនឹងចែករំលែកពីបទពិសោធន៍ផ្នែកលក់របស់ពួកគាត់ក្នុងសិក្ខាសាលារបស់យើងផងដែរ។

    Guest Speakers

    Ms. Sandy, CEO of EBM
    Mr. Hang Chomno, Sales & Marketing Manager of Hiya Cambodia
    Mr. Thorn Raden, HR Manager of HGB Group
    Mr. Indra Perdana Adnan, Head of MBI of Chip Mong Insee
    Mr. Mr. Sot Rin, Agency Manager of Manulife
    Mr. Chan Sophal, Sale Supervisor of Green Motors (A9)

    * សូមបញ្ជាក់៖ កម្មវិធីនេះលោកអ្នកអាចចូលរួមដោយសេរីបានទាំងចំណេះ ចំណេញទាំងឱកាស!! នៅចាំអីទៀត!! សូមកុំធ្វើឲ្យខកខានការចូលរួមក្នុងឱកាសដ៏ពិសេសនេះណា!!

    សម្រាប់ព័ត៌មានបន្ថែម ឬ កក់សំបុត្រ ៖ ០១០ ៨៨៨ ៣១០ , ០៩២ ៣៥០ ៣៣៣
    ឬចុះឈ្មោះតាមរយៈ Link: https://goo.gl/forms/i4Tbb4PU3cHj5ksp2