អេបិល - La Reine Media

កាន់តែកក្រើកទៀតហើយ កំពូលតារាសិល្បៈល្បីៗប៉ះគ្នានៅសង្ក្រាន្ដវិទ្យាល័យព្រែកឯង

ដើម្បីអបអរសារទរពិធីបុណ្យចូលឆ្នាំថ្មីឆ្នាំកុរឯកស័កដែលកាន់តែខិតជិតមកដល់យើងសង្កេតឃើញថាបណ្តាគ្រឹះស្ថានអប់រំរដ្ឋនិងឯកជនព្រមទាំងស្ថាប័នផ្សេងបានរៀបចំផែនការជាបន្តបន្ទាប់ទាក់ទិននិងសង្រ្កាន្ត។មិនខុសពីគេក្នុងនោះថ្នាក់ដឹកនាំនៃវិទ្យាល័យព្រែកឯងនិងបុគ្គលិកក្រោមឱវាទក៍បានប្រកាសព្រឹត្តិការណ៍សង្ក្រាន្តផងដែរដោយនោះជាការចូលខ្លួនលើកទី១ពុំធ្លាប់មានឡើយទើបកាន់តែពិសេសសម្រាប់លោកគ្រូអ្នកគ្រូសិស្សានុសិស្សអាជ្ញាធរនៅតំបន់នោះ។

រយៈពេលប៉ុន្មានថ្ងៃមកហើយដែលគណៈគ្រប់គ្រងនៃវិទ្យាល័យព្រែកឯងព្រមទាំងអតីតសិស្សវិទ្យាល័យនិងសិស្សកំពុងសិក្សាបានរួបរួមគ្នារៀបចំប្លង់នៃកន្លែងទីតាំងកម្មវិធីក្នុងបរិវេនវិទ្យាល័យឲមានសោភ័ណភាព។ទោះបីមានភាពហត់នឿយបែបណាក៍មិនគិតជាគំនៀបធំអ្វីឡើយ។នោះជាលើកទី១បំផុតដែលវិទ្យាល័យព្រែកឯងបានប្រារព្ឋធ្វើឡើងក្នុងន័យចូលរួមថែរក្សាប្រពៃណីជាតិខ្មែរពិសេសបុណ្យជាតិដែលមានលក្ខណៈធំក្នុងចំណោមបុណ្យធំៗនៃព្រះរាជាណាចក្រកម្ពុជា។

តាមគម្រោងការរៀបចំនោះឃើញមានយកមកនូវទម្រង់ល្បែងរបាំកេរ្តី៍ពីដូនតាមកសម្តែងព្រមទាំងមានវត្តមានតារាប្រុសស្រីល្បីឈ្មោះទាំងចម្រៀងសម្តែងកំប្លែងផ្តុំគ្នាឡើងឆាកសម្តែងចែករំលែកភាពសប្បាយរីករាយទទួលអំណរឆ្នាំថ្មីដែលខិតចូលមកដល់ឆាប់ៗខាងមុខ។

កម្មវិធីទាំងមូលរៀបចំរំលេចឡើងនៅថ្ងៃទី៤ មេសា ឆ្នាំ២០១៩វត្តមានតារាចូលរួមមាន៖

១.លោកពៅ សូរ៉ែន ហៅ ម៉ាដូណា(តារាកំប្លែងនិងចម្រៀង)

២.លោកណុប ហេងទ្រី

៣.កញ្ញាបេប៊ី

៤.កញ្ញាឆោម ច័ន្ទនេត ហៅ ស៊ូ ដាណេ(តារាចម្រៀង)

៥.អ្នកនាងឆ័យលី ដាឡែន (តារាចម្រៀង)

៦.អ្នកនាងកែវ បូរ៉ា (តារាចម្រៀង)

៧.លោក អ៊ឹម ជីវ៉ា (ពិធីករនិងសម្តែង)

៨.លោកគន់ រៀមរតនៈ (តារាសម្តែង)

៩.កញ្ញាហេង ស្រីពេជ្រ (តារាសម្តែង)

១០ លោកយូឌីស្កូ តារាសម្តែងនិងចម្រៀង

១១កញ្ញាឯក សុវណ្ណារត្ន័ (តារាសម្តែង)

១២លោកស៊ឹម សុវណ្ណដូឡា (តារាសម្តែងនិងចម្រៀង

១៣ លោក ស៊ីម ស៊ីណាត (តារាចម្រៀង)

១៤ លោក ម៉ែន អម្រុងរត្ន័ (តារាសម្តែង)

១៥ លោក យន សុភ័ក្រ (តារាសំដែង និងចំរៀង)

១៦ កញ្ញា ម៉ារ៉ា ស្ទីណា (អតីតបេក្ខនារីThe Voice Kid រដូវកាលទី1)

១៧ លោក ជ័យ សុវ៉ាត តារាចម្រៀងសាន់ដេរ

១៨ កញ្ញា ចែម ស្រីលក្ខណ៍ តារាចម្រៀង

១៩ លោក អ៊ុង សុវណ្ណរិទ្ឋ តារាចម្រៀង

២០ លោកជួន អមរិទ្ឋ តារាចម្រៀង

២១ លោកយ៉េប រ៉ូហ្វាត ២២ លោកឡោ សុវណ្ណរត្ន័ ហៅJonh(តារាសម្តែងនិងដើរម៉ូដ)

២៣ លោកKey Mo (តារាសម្តែងនិងតន្ត្រីករ)

២៤ លោកសន សុវណ្ណារ៉ា (ពិធីករ)

២៥ លោកខែម ច័ន្ទតូណា (Peter Prince)

២៦ អ្នកនាង នី ម៉ាលីណា (តារាសម្តែង)

April 1, 2019

Sterling អំពាវនាវឱ្យព្យួរកីឡដ្ឋាន ក្រោយមានការរើសអើងក្នុងពេលអង់គ្លេសផ្តួលម៉ុងតេណេហ្គ្រោ

ខ្សែប្រយុទ្ធ Raheem Sterling ជឿជាក់ថា សហព័ន្ធកីឡាបាល់ទាត់ទ្វីបអឺរ៉ុបហៅកាត់ថា UEFA គួរតែដាក់ទណ្ឌកម្មលើការច្រៀងចម្រៀងបែបរើសអើងទៅកាន់កីឡាកររបស់ក្រុមជម្រើសជាតិអង់គ្លេស ក្នុងពេលក្រុមរបស់ពួកគេបានយកឈ្នះក្នុងលទ្ធផល 5-1 កាលពីថ្ងៃចន្ទ លើក្រុមជម្រើសជាតិម៉ុងតេណេហ្គ្រោក្នុងទីក្រុង Podgorica តាមរយៈការបិទកីឡដ្ឋាននៅទីក្រុង Podgorica។

តារាឆ្នើមរបស់ក្លិប Manchester City រូបនេះបានអបអរការរកបានគ្រាប់បាល់ទី5 របស់គេតាមរយៈការលើកដៃបាំងត្រចៀករបស់គេទៅកាន់អ្នកគាំទ្រម្ចាស់ផ្ទះនៅរាត្រីមួយដែលនៅពេលនោះការដណ្តើមបានជ័យជម្នះមួយផ្សេងទៀតក្នុងយុទ្ធនាការជម្រុះ Euro ឆ្នាំ2020 របស់ក្រុមអង់គ្លេសត្រូវបានបាំងបិទដោយការរើសអើង។

Sterling បានប្រាប់ទូរទស្សន៍ Sky Sports ថា៖ «ខ្ញុំគ្រាន់តែចង់បង្ហាញឱ្យពួកគេឃើញថា អ្នកត្រូវការលទ្ធផលល្អប្រសើរជាងនេះក្នុងការធ្វើឱ្យយើងខកចិត្ត និងបញ្ឈប់យើងបាន។ ពេលនេះឆ្នាំ2019ហើយ ខ្ញុំនៅតែរក្សាការនិយាយបែបនេះ។ វាជារឿងអាម៉ាស់មួយក្នុងការឃើញសកម្មភាពបែបនេះបន្តកើតឡើង ហើយយើងត្រឹមតែអាចដឹងពីស្ថានភាពនេះ»។

ស្របពេលជាមួយគ្នានេះ Gareth Southgate អ្នកចាត់ការទូទៅរបស់ក្រុមជម្រើសជាតិអង់គ្លេស បាននិយាយថា លោកបានឮការស្រែកច្រៀងការរើសអើងជាតិសាសន៍ ដោយមានបំណងទៅលើ Danny Rose។

លោក Southgate បានឱ្យដឹងថា៖ «ខ្ញុំពិតជាបានឮពីការរើសអើងទៅលើ Danny Rose នៅពេលដែលរូបគេបានរងពិន័យកាតលឿងក្នុងពេលជិតបញ្ចប់ការប្រកួត។ វាពិតជាគ្មានការសង្ស័យក្នុងចិត្តខ្ញុំឡើយដែលបញ្ហានោះបានកើតឡើង។ យើងនឹងធ្វើឱ្យប្រាកដថា បញ្ហានោះនឹងត្រូវរាយការណ៍ទៅកាន់ UEFA ដោយសារតែវាមិនអាចទទួលយកបានឡើយ»។

បច្ចុប្បន្ន ក្រុមជម្រើសជាតិអង់គ្លេស បានឈរយ៉ាងរឹងមាំនៅលើកំពូលតារាងនៃពូលA ដោយមាន 06ពិន្ទុ និងគ្រាប់បាល់ស៊ុតបញ្ចូលទី10គ្រាប់ពីការប្រកួតបើកឆាក 2លើកដំបូងរបស់ពួកគេ៕

April 1, 2019

កុំភ្លេចចូលរួមទាំងអស់គ្នា! ប្រទេសកម្ពុជា នឹងរៀបចំពិព័រណ៍បច្ចេកវិទ្យាព័ត៌មាន និងទូរស័ព្ទកម្ពុជាអន្តរជាតិធំបំផុត នៅខែកក្កដាខាងមុខនេះ!

ព្រឹត្តិការណ៍ពិព័រណ៍បច្ចេកវិទ្យាព័ត៌មាន និងទូរស័ព្ទកម្ពុជាអន្តរជាតិប្រចាំឆ្នាំ២០១៩ (CIIME’19) នឹងត្រូវបានរៀបចំចាប់ពីថ្ងៃទី ១១ ដល់ ១៣ ខែកក្កដា ឆ្នាំ២០១៩ នៅមជ្ឈមណ្ឌលពិព័រណ៍ និងសន្និបាតកោះពេជ្រ (more…)

March 30, 2019

ពិធីសម្ពោធហាងថ្មីរបស់ MISTERBREW COFFEE Cambodia – ពីកាហ្វេលក់លើឡាន ក្លាយជាហាងកាហ្វេក្នុងស្រុកដ៏ល្បីឈ្មោះ

MISTERBREW COFFEE Cambodia បានចាប់ផ្តើមបើកដំណើរការតាំងពីខែកក្កដា ឆ្នាំ2016 ដោយផ្តើមពីការលក់កាហ្វេនៅលើឡាន ដែលគេតែងនិយមហៅថា កាហ្វេចល័ត MISTERBREW COFFEE Cambodia មានទីតាំងលក់ដំបូងនៅតាមបណ្តោយមហាវិថីព្រះនរោត្តម នៅជិតវិទ្យាល័យព្រះស៊ីសុវត្ថិ។ (more…)

March 30, 2019

រៀបការស្ងាត់ៗ ស៊ុន ស្រីពេជ្រ ប្រសូត្របានកូនស្រីម្នាក់គួរឱ្យស្រឡាញ់ណាស់

ខណៈមុននេះ មានអ្នកលេងបណ្ដាញសង្គមជាច្រើននាក់ បានភ្ញាក់ផ្អើលចំពោះតារាចម្រៀងស្រី ស៊ុន ស្រីពេជ្រ ដែលប្រសូតបានកូនស្រី ហើយគេមើលឃើញតាមរយៈការបង្ហោះរបស់គូស្នេហ៍អ្នកនាង កូនស្រីនោះពិតជាគួរឱ្យក្នាញ់គួរឱ្យគ្រឺតមែនទែន។

មិនធ្លាប់មានដំណឹងរៀបការក្រោយពេលផ្ដាច់ពាក្យនោះទេ ប៉ុន្តែតារាចម្រៀងអ្នកនាង ស៊ុន ស្រីពេជ្រ បានអះអាងថា ខ្លួនមានស្វាមីស្របច្បាប់ក្រោមការចាត់ចែងដឹងឮពីសំណាក់ឳពុកម្ដាយប្រមាណជាង1 ឆ្នាំមកហើយ ដោយគ្រាន់តែដំណឹងរៀបការនោះ មិនត្រូវបាននាងបើកទូលាយនៅលើបណ្ដាញសារព័ត៌មាន។ អ្វីដែលជាការអបអរ អ្នកនាង និស្វាមី ក៏បានចំណងដៃកូនស្រីម្នាក់បង្អួតមហាជនផងដែរ។

ដំណឹងមានកូនស្រីរបស់អ្នកនាង គឺបន្ទាប់ពីអ្នកនាងសម្ងំពរពោះ ហើយដកខ្លួនពីការច្រៀងរាំអស់មួយរយៈធំ។ អ្នកនាង និងកូនស្រីត្រូវបានគេអះអាងថា មានសុខភាពល្អ និងមានសុភមង្គលយ៉ាងខ្លាំង ដោយសារតែស្វាមីរបស់អ្នកនាងដ្បិតថា មិនមែនជាបុរសស្ដុកស្ដម្ភ ប៉ុន្តែលោកចេះមើលថែអ្នកនាង និងកូនស្រីទើបនឹងកើតបានយ៉ាងល្អ ចាប់តាំពីចាកចេញពីមន្ទីរពេទ្យ។

ស៊ុន ស្រីពេជ្រ ធ្លាប់បានបញ្ជាក់ថា ជីវិតប្ដីប្រពន្ធរបស់អ្នកនាងមិនមែនជាអាថ៌កំបាំងនោះទេ ប៉ុមនតែបណ្ដាលមកពីនាង មិនចង់ស្អីបន្តិចក៍បង្អួត មិនចង់ស្អីបន្តិចក៏បង្ហាញក៏ចេះតែនៅស្ងៀមៗ ហើយដល់មានដំណឹងល្អ គឺប្រសូត្របានកូនស្រីទើបបង្ហាញអោយអ្នកគាំទ្របានដឹងតែម្ដង។ ក្នុងនោះអ្នកនាងក៍មិនបោះបង់សិល្បៈនោះដែរ បើទោះជានាងរវើលចេញបទថ្មីៗ នៅក្នុងផលិតកម្មថោន៕

March 29, 2019

តារាសម្ដែងវ័យក្មេង ណាន វីសារ ត្រូវគេទម្លាយរឿងឆបោកប្រាក់មួយម៉ឺនដុល្លារ

ពិតជាភ្ញាក់ផ្អើលខ្លាំងមែនទែន ខណៈនៅលើបណ្ដាញសង្គមហ្វេសប៊ុកស្រាប់តែគេមើលឃើញថា តារាសម្ដែងប្រុសរូបស្រស់សង្ហាមានឈ្មោះ ណាន វីសារ មានគណនីហ្វេសប៊ុកប្រើឈ្មោះ Mrr Visa (Visa Nan) ត្រូវគេទម្លាយរឿងថា តារាប្រុសនេះបានឆបោកលុយគេអស់ជាង1ម៉ឺនដុល្លារ ។

ជារឿងមួយនឹកស្មានមិនដល់សោះថា តារាសម្ដែងលោក ណាន វីសារ ដែលធ្លាប់តែមានសកម្មភាពលេចធ្លោនៅក្នុងពិភពសម្ដែង និងថតស្ពត បែរជាអ្នកលេងហ្វេសប៊ុកមូយរូបឈ្មោះ Long Love ជាអាណិកជនរស់នៅអាមេរិកបង្ហោះថាបានឆបោកខ្លួនអស់ប្រាក់ជាង 1 ម៉ឺនដុល្លារ ហើយគេចមិនដោះស្រាយ។ អ្នកទម្លាយឱ្យដឹងពីរឿងអាស្រូវដ៏រសើបរបស់តារាថ្មីប្រុសវ័យក្មេងរូបនេះបានសរសេរបង្ហោះថា « បងប្អូនមើលមុខមនុស្សបោកប្រាស់ឱ្យហើយទៅអន់ជាងសត្វតិរិច្ឆានទៀតតែធ្វើខ្លួនថ្លៃថ្នូរ អាញ់សូមដាក់បណ្ដាស់សារឱ្យហែងវិនាសព្រាត់ប្រាស់ ក្ដៅក្រហាយ រលាយដូចអំបិលត្រូវទឹកឱ្យវាទូលរែកកម្មពៀរទាំងអស់ដែលជាកម្លាំងញើសឈាមខ្ញុំ ហើយអាញគ្មានថ្ងៃអហោសិកម្មឱ្យអាមនុស្សធនថោកដូចហែងទេ អាញនឹងនៅចាំមើលថ្ងៃណាអំបិលរលាយ ហែងក៏វិនាសពេលហ្នឹងដែល ម្យ៉ាងវិញទៀតអាញមិនដែលចេះឈ្នានីសច្រណែនធ្វើបាបអ្នកណាទេ @ Mrr Visa» ។

ប្រភពគណនីដដែលនេះ Long Love បានអះអាងថា ខ្លួនបានស្គាល់រាប់អានតារាសម្ដែងលោក ណាន វីសារ កើតនៅថ្ងៃទី6 ខែវិច្ឆិកា ឆ្នាំ1998 រស់នៅស្រុកសំពៅលូន ខេត្តបាត់ដំបង ប្រមាណជាច្រើនខែមកហើយ ដោយក្រោយស្គាល់គ្នាតារារូបនេះ លួងលោមសុំខ្ចីលុយធ្វើនេះធ្វើនោះជារឿយៗ ដោយការខ្ចីលើកចុងក្រោយមានចំនួន2ពាន់ដុល្លារ ដើម្បីយកទៅព្យាបាលម្ដាយ។ លោកបន្តថា នៅពេលដល់កំណត់ត្រូវសង តារាថ្មោងថ្មីឈ្មោះ Mrr Visa ស្រាប់តែផ្ទុះជម្លោះហើយឈានដល់ BlocK Facebook និងគេចមិនបន្តទាក់ទងឆ្លងឆ្លើយតែម្ដង ដែលធ្វើឱ្យលោកមិនអាចទទួលយកបាន។ លោកចាត់ទុកថាតារាសម្ដែង វីសារ បោកប្រាស់ខ្លួន និងរំលោភលើសេចក្ដីទុកចិត្ត ដោយប្រសក់ដែលបានខ្ចីសរុបគឺមានចំនួនជាង 1 ម៉ឺនដុល្លារ តែលោកមានឯកសារបង្ហាញពីការវេរលុយមកខ្ចីត្រឹមតែប្រមាណ6ពាន់ដុល្លារ ដោយសារតែពេលឆាតផ្ញើមកក៏លុបឆាតចោលខ្លះៗព្រោះតែទុកចិត្តគ្នា។

គណនីដដែលនេះ Long Love បន្តទៀតថា ដ្បិតថាខ្លួនរស់នៅអាមេរិក ប៉ុន្តែលោកថាមិនមែនជាអ្នកមានទេ ដោយខំធ្វើការនៅក្នុងហាងនំមួយដោយសង្ឃឹមថានឹងសន្សំលុយផ្ញើឱ្យម្ដាយនៅខេត្តបាត់ដំបងគ្រាន់បានសង់ផ្ទះ ប៉ុន្តែក៏ត្រូវតារារូបនេះល្បួងខ្ចី ដោយសន្យារសងវិញក្នុងរយៈពេលខ្លី ហើយក្រោយពីខ្ចីបានម្ដងក៏ចេះតែយកលេសថា សុំខ្ចីប៉ុណេះទៀតមោប៉ុណ្ណោះបន្ថែមទៀតមោ ចាំសងសរុប លោកថាកាន់តែឈឺចិត្តខ្លាំងដែលបងស្រីរបស់តារារូបនេះព្រមានលោកថា ឱ្យតែហ៑ានបង្ហោះថាប្អូនរបស់នាងជំពាក់លុយបែបនេះបែបនោះ គឺនឹងប្ដឹងពីបទបរិហាកេរ្តិ៍ ទើបលោកត្រូវតែបង្ហោះតែម្ដង បើនៅតែមិនព្រមដោះស្រាយ។

គួរបញ្ជាក់ដែរថា មកដល់ពេលនេះតារាសម្ដែងលោក ណាន់ វីសារ ហៅ Mrr Visa នៅមិនទាន់មានទាន់មានប្រតិកម្មយ៉ាងណាចំពោះការបង្ហោះរបស់លោក Long Love នៅឡើយទេ ប៉ុន្តែផ្អែកតាមឯកសារ គឺតារាសម្ដែងរូបនេះ ពិតជាធ្លាប់បានទទួលថវិការដែលបុរសអាមេរិកនោះវេរឱ្យជារឿយៗមែន។ គណនីហ្វេសប៊ុក Long Love ប្រកាសថាមិនខ្លាចបណ្ដឹងពីបទបរិហាកេរ្តិ៍ពីគ្រួសារតារាសម្ដែងលោក វីសារ ទេ ផ្ទុយទៅវិញលោកថែមទាំត្រៀមចំណាត់ការប្ដឹងបកពីបទរំលោភលើសេចក្ដីទុកចិត្ត និងឆបោក ក្រោយពីតារាវ័យក្មេងថ្មោងថ្មីរូបនេះ គេចចេញពីបំណុលនោះផង៕

March 28, 2019

តោះៗ!! អត់ម៉េចបានសង្ក្រាន្ដស្កាយលែន កំពូលតារាសិល្បៈល្បីៗបង្ហាញខ្លួនព្រឹត្តិការណ៍ធំថ្មីនេះ

ពិតជាកក្រើកមិនខានសង្ក្រាន្តនៅក្នុងឆ្នាំនេះទៅលេងនៅ សង្ក្រាន្តស្កាយលែនដែលគ្រោងនឹងធ្វើឡើងចំថ្ងៃចូលឆ្នាំ គឺថ្ងៃ14 ថ្ងៃ15 និងថ្ងៃ16 ខែមេសា ឆ្នាំ 2019 ដែលមានវត្តមានតារាល្បីៗជាច្រើនដួងចូលរួមច្រៀងរាំសប្បាយដូចជា កញ្ញា រ៉ាប៊ី លោកខេម លោក ខាន់ជេម កញ្ញា សុភ័ក្ត្រ កុសុម៉ា កញ្ញា កែវ សុបញ្ញា អ្នកនាងកាតុ កញ្ញា ព្រះកាយច័ន្ទ ។ មហាសង្ក្រាន្តស្កាយលែន ព្រឹត្តិការណ៍យក្សមួយនេះត្រៀមទទួលអ្នកចូលទស្សនា មិនក្រោម40 ម៉ឺននាក់នោះទេ ដោយសារតែសួនកម្សាន្ដមានទីធ្លាធំទូលាយ ដែលមានចំណាយទឹកប្រាក់ខ្ទង់លានៗដុល្លាររៀបចំរួចរាល់ជាស្រេចនៅលើទំហំរាប់សិបហិកតារ មិនចាញ់សួននៅក្រៅប្រទេស។

លោកឧកញ៉ា ស្រី ចាន់ថន អ្នកផ្ដើមរៀបចំកម្មវិធីបានថ្លែងបញ្ជាក់ថា សង្ក្រាន្តស្កាយលែនក្នុងឆ្នាំទី2នេះ នឹងធ្វើទ្រង់ទ្រាយធំដុំជាងកាលពីឆ្នាំមុនទ្វេដង ដោយគ្រាន់តែការរៀបចំ ក្រុមហ៊ុនចំណាយមិនក្រោម 30 ម៉ឺនដុល្លារ។ ក្រៅពីរៀបចំជាសួនដាយណូស័រ សួនបន្លែផ្លែឈើ ភ្នំសិប្បនិមិត្ត និងទីលានសម្រាប់លេងទឹក សង្ក្រាន្តនៅក្នុងឆ្នាំនេះ ក៏នឹងរៀបចំជាតំបន់5ចែកដាច់ពីគ្នា ដើម្បីឱ្យបងប្អូនដែលមកកម្សាន្តបានទស្សនាដោយរីករាយផងដែរ។ តំបន់ទាំង5នោះរួមមាន ភូមិប្រជាប្រិយស្កាយលេនដែលជាកន្លែងលែងលាក់កន្សែង ល្បែងពង្រាត់កូនក្រមុំ និងល្បែងដណ្ដើមស្លឹកឈើ។ តំបន់ភូមិទី២គឺភូមិប្រជាប្រិយជេត ដែលជាកន្លែងសម្រាប់មហាជនលេងចោលឈូង លេងទាញព្រ័ត្រ លេងបោះអង្គុញ លេងល្បែងស្ដេចចង់ និងលេងដណ្ដើមស្លឹកឈើហ្សូនទី២។ តំបន់ទី៣គឺភូមិគុនខ្មែរ ដែលជាទីតាំងសម្ដែងក្បាច់គុនយុទ្ធក្រមខម ដោយរួមមានការបង្ហាញ និងការប្រកួតជាដើម។ ក្នុងនោះក៏មានការប្រដាល់ ដោយប្រកួតប្រជែងគ្នាយកប្រាក់រង្វាន់ផងដែរ។

លោកបន្ដថា តំបន់ទី៤ គឺភូមិជ្រូកនាំសំណាង ដែលជាតំបន់មហាជនគ្រាន់តែផ្សងមួយដុល្លារហើយជ្រើសយកសោរសំណាងដើម្បីឈ្នះទឹកប្រាក់1លានរៀលពីក្រុមហ៊ុនស្កាយលេន។ សម្រាប់តំបន់ទី៥ គឺជាទីតាំងប្រគំតន្ត្រី ដោយការប្រគំតន្ត្រីនេះ គឺក្រុមហ៊ុនរៀបចំប្រគំតន្ត្រីនៅទីលានបាតបឹងតែម្ដង អមដោយស្ដង់ពិព័រណ៍ ដើម្បីឱ្យមើលពីលើទៅឃើញស្រស់ស្អាត។ សូមជម្រាបផងដែរថា នៅថ្ងៃទី 12 ខែមេសានេះ មុនពេលសង្ក្រាន្តស្កាយលេន ក៏មានរៀបចំពិធីរាប់បាត្រប្រគេនចង្ហាន់ព្រះសង្ឃ និងក្រុងពាលីមហាសង្ក្រាន្តនៅចំថ្ងៃទី 13 មុនមួយថ្ងៃនៃពេលវេលាចូលឆ្នាំខាងមុខនេះ។ កំពូលតារាល្បីៗកុំករ នឹងត្រៀមធ្វើឱ្យសង្ក្រាន្តស្កាយលេនកក្រើកយ៉ាងពិតប្រាកដ ស្របគ្នាដែលមហាព្រឹត្តិការណ៍មួយនេះ ក៏ត្រូវធ្វើឡើងនៅក្នុងបរិយាកាសដែលសួនសួនកម្សាន្តស្កាយលេន ជាសួនប្រណិតមិនចាញ់សួនកម្សាន្ដនៅក្រៅប្រទេស ហើយជាទីតាំងមិនឆ្ងាយពីរាជធានីភ្នំពេញ និងវត្តវិហារសួគ៍ទៅទៀត។ ត្រៀមខ្លួនហើយនៅ តោះៗៗ!..កុំឱ្យរំលងឱ្យសោះ៕

March 28, 2019

ហ្សូមឆ្លងវេហាធ្លាយដល់ឋានព្រះច័ន្ទជាមួយ P30 សេរ៊ី!

ភ្នំពេញ ថ្ងៃទី 27 មីនា ឆ្នាំ 2019 ៖ ក្រុមហ៊ុន Huawei បានបញ្ចេញកាណុងធំ សម្ពោធស៊ូបភើស្មាតហ្វូន P30 សេរ៊ី កក្រើកពិភពលោក កាលពីយប់មិញនៅទីក្រុងប៉ារីស។ រីឯនៅប្រទេសកម្ពុជា ក្រុមហ៊ុនក៏បានរៀបចំកម្មវិធីផ្សាយ ; ; បន្តផ្ទាល់ពិសេស និងធ្វើការ Unbox ភ្លាមៗផ្ទាល់តែម្តងជាមួយបណ្តាសារព័ត៍មានបន្ទាប់ពីការផ្សាយបន្តផ្ទាល់បពា្ចប់ភ្លាមៗនៅភោជនីយដ្ឋាន និង Skybar វេហា ។ ស៊ូបភើស្មាតហ្វូន P30 សេរ៊ី មានសមត្ថភាពលើសពីស្មាតហ្វូនធម្មតា ជាមួយការរចនាយ៉ាងល្អឥតខ្ចោះ ជាមួយស៊ូបភើកាមេរ៉ា ស៊ូបភើហ្សូម ដែលមានសមត្ថភាពអស្ចារ្យបំផុតមិនធ្លាប់មានក្នុងការថតរូប និងការថតវីឌីអូ ។

កំពូលកាមេរ៉ា Leica 4 គ្រាប់មានសមត្ថភាពខ្លាំងអស្ចារ្យនឹកស្មានមិនដល់ ក្នុងការផ្តិតយករូបភាពយ៉ាងល្អឥតខ្ចោះ ជាមួយកាមេរ៉ាក្រោយទំហំ 40MP ដែលបំពាក់ Super Spectrum Senor កាមេរ៉ាទំហំ 20MP ថតប្លង់ផ្តេកទ្រវែងបានកាន់តែទូលាយបែប Ultra-Wide Angle កាមេរ៉ា Telephoto ទំហំ 8MP និងកាមេរ៉ា Huawei TOF។

ជាមួយបច្ចេកវិទ្យាថ្មីបំផុត Periscope នៅលើឡែន SuperZoom កំពូលកាមេរ៉ានៅលើស៊ូភើស្មាតហ្វូននេះមាន ;សមត្ថភាពអាច ហ្សូមបែប Optical បាន 5X, Hybrid ហ្សូមបាន 10X និង Digital ហ្សូមបានរហូតដល់ 50X ហ្សូមបានដល់ឋានព្រះច័ន្ទដូចឃើញកៀកផ្ទាល់និងភ្នែក កាន់តែច្បាស់ដិតគ្រប់ចំណុច។

ស៊ូភើស្មាតហ្វូននេះអាចផ្តិតយករូបភាពរឹតតែច្បាស់ដូចឃើញផ្ទាល់នៅពេលយប់ ជាមួយនិងកម្រិត ISO ខ្ពស់ សូម្បីតែក្នុងស្ថានភាពងងឹត មិនសូវមានពន្លឺ ក៏អាចថតរូបបាននូវបរិយាកាសដែលពោរពេញដោយមនោសពោ្ចតនារ៉ូមែនតិចក្រោមពន្លឺ ភ្លើងទៀន បាញ់កំជ្រូច ឫភ្លើងដែលដេគ័រលម្អពេលយប់ក៏ថតបានម៊ាអែម ។

បច្ចេកវិទ្យាកាមេរ៉ា Huawei ថតបែប TOF អាចជួយឲ្យអ្នកផ្តិតយករូបភាពកាន់តែដិតច្បាស់ ។ លើសពីនេះ លោកអ្នកអាចផ្តិតយកផ្ទៃក្រោយព្រាល ជាមួយនិងពន្លឺភ្លើង Bokeh ដែលជាស្រមោលភ្លើងជាប់គ្នាបែបសិល្បះ ឫច្បាស់កន្លែងណាមួយក៏បានតាមការចូលចិត្ត។

កាមេរ៉ាសែលហ្វីទំហំ 32MP អាចស្គាល់មុខរបស់អ្នកនិងជួយបន្ថែមពន្លឺ កាត់បន្ថយនូវកម្រិតមិនច្បាស់ ព្រិល ក្នុងរូបថត ដែលអតិថិជនភាគច្រើនចង់បានពេលថតរូបសែលហ្វីម្តងៗ សូម្បីតែក្នុងស្ថានភាពទីងងឹត ឫកម្មវិធីជប់លៀងផ្សេងៗពេលយប់ ។

ស៊ូបភើស្មាតហ្វូន P30 30 Pro អេក្រង់កោងទំហំ 6.47 អ៊ីញ រីឯ P30 6.1 អ៊ីញ អេក្រង់បែបដំណក់ទឹក ដែលមាន notch តូចស្លីម លាតកប់គែម ជាមួយជម្រើសពណ៍ប្លែក កាលីប ទាន់សម័យ។ មិនតែប៉ុណ្ណោះ ស៊ូបភើស្មាតហ្វូននេះដំណើរការដោយបន្ទះឈីប Kirin 980 ថាមពលថ្ម 4200 mAh និងបច្ចេកវិទ្យា Huawei SuperCharge 40W សាកថ្ម 30 នាទីបាន 70% សម្រាប់ Huawei P30 Pro។ រីឯ RAM និង ROM វិញ គឺ P30 Pro ( RAM 8GB RAM + ROM 256GB) P30 ( RAM 8GB + ROM 128GB) និង P30 Lite ( RAM 6GB + ROM 128GB)។

ល្មមដល់ពេលឈប់ប្រើស្មាតហ្វូនធម្មតាហើយ ប្រើស៊ូបភើស្មាតហ្វូន P30 សេរ៊ីម្តងមើល! ថ្ងៃ 29 ខែ មីនា យើងនឹងរៀបចំកម្មវិធីពិសេសទ្រង់ទ្រាយធំយកព្រះច័ន្ទពីទីក្រុងប៉ារីសមកទីក្រុងភ្នំពេញតែម្តងជាមួយនិងពិធីសម្ពោធដ៏កក្រឹកកក្រែងរួមទាំងភាពភ្ញាក់ផ្អើលជាច្រើនទៀត! រង់ចាំមើលទាំងអស់គ្នាមើលថា ឡូយកម្រិតណា!

បើនិយាយពី P30 Lite វិញអ្នកអាចធ្វើការកុម្ម៉ង់ទុកមុន ក្នុងតម្លៃត្រឹមតែ $339 ថែម Bluetooth Speaker និងស៊ីមស្មាត ព្រមទាំងអាចមានឱកាសឈ្នះរថយន្ត Mazda 2 ផងដែរ។

https://youtu.be/qgXxdtobieI

https://youtu.be/NfxwablloIw

March 27, 2019

ទឹកប្រាក់១០០លានរៀល ពីភេសជ្ជៈប៉ូវកម្លាំង ខារ៉ាបាវ បានបន្តធ្លាក់ដល់ដៃនារី២នាក់ជាបងប្អូននឹងគ្នា

ទឹកប្រាក់ ១០០លានរៀល របស់ភេសជ្ជៈប៉ូវកម្លាំង ខារ៉ាបាវ បន្ទាប់ត្រូវបានទៅដល់នារី២នាក់ ដែលជាបងប្អូននឹងគ្នា ដោយម្នាក់មានឈ្មោះ រឿន សុខចាន់ អាយុ៣៤ឆ្នាំ ត្រូវជាបងស្រី ហើយម្នាក់ទៀតឈ្មោះ ហង្ស សុខនី អាយុ ១៧ ឆ្នាំ ត្រូវជាប្អូនស្រី ស្នាក់នៅបន្ទប់ជួលក្នុងភូមិ១៤ សង្កាត់ស្រះចក ខណ្ឌដូនពេញ រាជធានីភ្នំពេញ និងមានមុខរបរជាអ្នកលក់បាយឱ្យគេ។

នៅចំពោះមុខក្រុមការងារ ជាអ្នកតំណាងក្រុមហ៊ុនចុះទៅប្រគល់ទឹកប្រាក់ចំនួន ១០០លានរៀល ដល់កន្លែងស្នាក់នៅ ដែលស្ថិតនៅទីតាំងភូមិសាស្ត្រខាងលើនេះ កញ្ញា ហង្ស សុខនី បានរៀបរាប់ប្រាប់ឱ្យដឹងថា កាលពីសប្ដាហ៍កន្លងទៅនេះ នៅពេលបងស្រីដែលមានឈ្មោះ រឿន សុខចាន់ ដែលរស់នៅខេត្តត្បូងឃ្មុំ ដែលមានមុខរបរជាកម្មករចៀរជ័រកៅស៊ូ ឡើងមកលេងភ្នំពេញ កញ្ញាបានទិញចំណី និងភេសជ្ជៈ២-៣ មុខ ឱ្យបងស្រីទទួលទាន លុះពេលបងស្រីដែលមានឈ្មោះ រឿន សុខចាន់ យកភេសជ្ជៈប៉ូវកម្លាំងខារ៉ាបាវមកគាស់ទទួលទាន ក៏ស្រាប់តែឃើញមានរង្វាន់១០០នៅនឹងក្រវិលកំប៉ុងតែម្ដង។ ភ្លាមនោះទាំងបងស្រី ក៏ដូចជាកញ្ញាមានអារម្មណ៍រំភើបរីការយជាខ្លាំង ហើយក៏បានទូរស័ព្ទជូនដំណឹងដល់ក្រុមហ៊ុនតែម្ដង ។ កញ្ញាបានបញ្ជាក់ប្រាប់ថាសព្វថ្ងៃនេះបើនិយាយពីកម្រិតជីវភាពគ្រួសារគឺមានភាពលំបាកគួរសម ព្រោះក្រៅពីជួយលក់បាយឱ្យគេដើម្បីទទួលបានចំណូលគ្រាន់ដោះស្រាយជីវភាពប្រចាំថ្ងៃតែប៉ុណ្ណោះ។

ដោយឡែកសម្រាប់ការឈ្នះរង្វាន់ធំពីក្រុមហ៊ុនភេសជ្ជៈប៉ូវកម្លាំង ខារ៉ាបាវ នាពេលនេះក៏ជារឿងចៃដន្យបំផុតផងដែរ ព្រោះតាំងពីដើមរៀងមកខ្លួនមិនធ្លាប់គិតឡើយថា នឹងអាចមានសំណាងបានឈ្នះរង្វាន់ពីខារ៉ាបាវនោះទេ បើទោះជាធ្លាប់បានឃើញមានអ្នកត្រូវរង្វាន់ឡើងទទួលប្រាក់លាននៅលើស្ថានីយ៍ទូរទស្សន៍ជាញឹកញាប់ក៏ដោយ។ ប៉ុន្តែពេលនេះ កញ្ញា រួមជាមួយបងស្រី បានក្លាយជាអ្នកមានសំណាងដូចគេដែរហើយ។ កញ្ញាបានបញ្ជាក់ថា ក្រោយពីទទួលបានប្រាក់រង្វាន់ធំ ១០០លានរៀលនេះ កញ្ញា និងបងស្រី នឹងយកទៅសង់ផ្ទះជូនម្ដាយនៅស្រុក ហើយទុកមួយចំនួនទៀតសម្រាប់បង្កើតអាជីវកម្មដើម្បីទ្រទ្រង់ជីវភាពគ្រួសារទៅថ្ងៃអនាគត ។

សូមបញ្ជាក់ផងដែរថា ជាការថ្លែងអំណរគុណចំពោះអតិថិជន ក្រុមហ៊ុន ភេសជ្ជៈប៉ូវកម្លាំង ខារ៉ាបាវ បានបង្កើនរង្វាន់យ៉ាងសន្ធឹកសន្ធាប់នូវចំនួនទឹកប្រាក់សុទ្ធរហូតដល់ ១០០លានរៀល ចំនួន៦០ រង្វាន់ , ម៉ូតូ Scoopy i ចំនួន៦០ រង្វាន់ , ទូរស័ព្ទដៃ iPhone XS ចំនួន៦០ រង្វាន់ រួមជាមួយការផ្តល់ជូនរង្វាន់1កប៉ុង រាប់លានកំប៉ុង ដោយគ្មានការកំណត់នោះទេ ។ សូមចំណាំ ៖ សម្រាប់រង្វាន់ពិតប្រាកដ គឺមានតែនៅសម្បកកំប៉ុង ដែលមានអក្សរខ្មែរជាសញ្ញាសម្គាល់តែប៉ុណ្ណោះ ៕

March 27, 2019

ការប្រកួតផ្តាច់ព្រ័ត្របាល់ទះឆ្នេរខ្សាច់ផ្នែកបុរសរបស់ស្រាបៀអាន់ឆ័រប្រចាំខេត្តសៀមរាបឈានចូលថ្ងៃចុងក្រោយហើយ

ខេត្តសៀមរាប៖នៅព្រឹកថ្ងៃទី២៤ ខែមីនា ឆ្នាំ២០១៩ការប្រកួតផ្តាច់ព្រ័ត្របាល់ទះឆ្នេរខ្សាច់ផ្នែកបុរសប្រចាំខេត្តសៀមរាបនៃព្រឹត្តិការណ៍កីឡាបាល់ទះឆ្នេរខ្សាច់អន្តរជាតិស្រាបៀរអាន់ឆ័រលើកទី២ឈានចូលវគ្គប្រកួតប្រជែងដើម្បីដណ្តើមកៅអីលេងក្នុងក្របខណ្ឌ FIVB World Tour ក្នុងព្រឹត្តិការណ៍កីឡាអូឡាំពិក២០២០ ប្រទេសជប៉ុនទៅរកជើងឯកពិភពលោក។

កម្មវិធីប្រកួតនេះបានប្រារព្ធធ្វើឡើងនៅបរិវេណទីលានអង្គរឃ្យុងយ៊ូទីរួមខេត្ត សៀមរាបដោយមានការចូលរួមទស្សនាពីមិត្តអ្នកគាំទ្ររាប់ពាន់នាក់។ នេះគឺជាការប្រកួតដ៏រំភើប និងភ័យរន្ធត់សម្រាប់ក្រុមនីមួយៗដោយសារចាប់ផ្តើមពីគូទីមួយរហូតដល់ចប់គឺចាញ់ធ្លាក់និងឈ្នះឡើងវគ្គបន្ត។ការប្រកួតក្តៅគគុកតែម្តងសម្រាប់ក្រុមនីមួយៗ។គ្រាន់តែចូលទីលានភ្លាមកីឡាករនៃក្រុមនីមួយៗបានបញ្ចេញថាមពលដ៏ខ្លាំងក្លាដើម្បីស្វែងរកជ័យជម្នះ ក្រុមទទួលជ័យលាភីចំនួនទាំង៣ក្រុមមានសិទ្ធិលេងសម្រាប់វគ្គផ្តាច់ព្រ័ត្រក្នុងក្របខណ្ឌ FIVB World Tour ក្នុងព្រឹត្តិការណ៍កីឡាអូឡាំពិ ២០២០ដើម្បីឈានរកទៅជើងឯកពិភពលោក។

ដូច្នេះសូមកុំភ្លេចចូលរួមទស្សនាព្រឹត្តិការណ៍ពិសេសនេះឱ្យបានច្រើនកុះករ។ ចំពោះព័ត៌មានលម្អិតអំពីព្រឹត្តិការណ៍កីឡាបាល់ទះឆ្នេរខ្សាច់អន្តរជាតិនេះសូមចូលមើលទំព័រហេ្វសបុករបស់ស្រាបៀរអាន់ឆ័រ៖ https://www.facebook.com/AnchorBeerKH/ ។

ពិសាដោយការទទួលខុសត្រូវ៕

March 27, 2019

Author: អេបិល