អេបិល - La Reine Media

ស្រួង ភាវី ចំណាយថវិកាផ្ទាល់ខ្លួន ជួយសហព័ន្ធរៀបចំការប្រកួតដណ្ដើមជើងឯកប៊ីយ៉ាស្នូកឃ័រថ្នាក់ជាតិ

កាលពីពេលថ្មីៗនេះកីឡាការិនីឆ្នើមរបស់កម្ពុជា និងជាជើងខ្លាំងកីឡាប៊ីយ៉ាការ៉ុមកម្រិតអន្តរជាតិ ស្រួង ភាវី បានចំណាយថវិកាផ្ទាល់ខ្លួនចំនួន 5,000ដុល្លារដល់សហព័ន្ធកីឡាប៊ីយ៉ា និងស្នូឃ័រកម្ពុជាកាលពីម្សិលមិញនេះដើម្បីទ្រទ្រង់ក៏ដូចជារៀបចំសកម្មភាពប្រកួតនានា។

ជើងខ្លាំងខាងប៊ីយ៉ាការ៉ុមកម្រិតអន្តរជាតិខាងលើនេះ នឹងព្យាយាមជួយបង្កើតសាលា ជួយបង្កើតធនធានថ្មី ជួយបណ្ដុះបណ្ដាលកីឡាករ កីឡាការិនីកម្ពុជានាពេលខាងមុខនេះតាមដែលអាចធ្វើទៅបានឱ្យមានសមត្ថភាព និងមានកេរ្តិ៍ឈ្មោះដូចប្រទេសនានាក្នុងពេលបច្ចុប្បន្ននេះ។

គួររំឭកផងដែរថា កីឡាការិនីប៊ីយ៉ាលំដាប់ពិភពលោករបស់កម្ពុជា ស្រួង ភាវី បានទៅរស់នៅសាធារណរដ្ឋកូរ៉េកាលពីឆ្នាំ2008 ជាមួយនឹងស្វាមីជាជនជាតិកូរ៉េ ហើយឆ្លៀតពេលទំនេរអ្នកស្រីបានហ្វឹកហាត់លេងប៊ីយ៉ា ហើយបានលេងក្នុងការប្រកួតដណ្ដើមពានរង្វាន់នានា និងបានឈ្នះជើងឯកប្រចាំប្រទេសកូរ៉េជាច្រើនលើក រហូតឈានដល់កម្រិតពិភពលោកទៀតផង៕

July 26, 2019

សុខៗស្រាប់តែលេខមុខស្តេចប្រដាល់ភីលីពីន Pacquiao មកធ្វើជាផលិតករភាពយន្តនៅកម្ពុជា !

កាលពីពេលថ្មីៗនេះ មានផ្ទុះរូបភាពបុរសម្នាក់ដែលជាជនជាតិខ្មែរ និងរស់នៅលើទឹកដីនៃប្រទេសកម្ពុជា ហើយមានមុខមាត់ដូចគ្នាបេះដាក់ទៅនឹងអ្នកប្រដាល់លំដាប់ពិភពលោក Many Pacquiao។

ទោះបីជាមិនមានជាប់សាច់ឈាមអ្វីទៅនឹងស្តេចប្រដាល់សញ្ជាតិភីលីពីនរូបនោះបន្តិចទាល់តែសោះពិតមែន ប៉ុន្ថែធម្មជាតិបានធ្វើអោយលោកមានមុខមាត់បេះបិទទៅនឹងអ្នកប្រដាល់ដ៏ល្បីឈ្មោះនោះ។ បុរសម្នាក់នោះគឺ លោក ប៉ោយ ឈុនលី ជាផលិតករភាពយន្តគំនូរជីវចល ឬ Animation ដែលមានមុខមាត់មើលមួយភ្លែតទៅស្រដៀងគ្នានឹងកីឡាករប្រដាល់ Manny Pacquiao របស់ប្រទេសហ្វីពីលីនដ៏ល្បីល្បាញនោះមែនទែន។ លោកមានស្រុកកំណើតនៅខេត្តបាត់ដំបង ដើមឡើយលោក ប៉ោយ ឈុនលី ជាកូនកសិករក្រីក្រម្នាក់ និងដោយគ្រួសារខ្វះខាតខ្លាំងពេក លោកត្រូវបង្ខំចិត្តឈប់រៀនបន្ទាប់ពីប្រឡងជាប់សញ្ញាបត្រឌីប្លូមរួចមក៕

July 26, 2019

ស្រាបៀរ ABC Extra Stout បានប្រកាសឈ្មោះបេក្ខជនបេក្ខនារីដែលជាប់ក្នុងបញ្ជីសម្រាំងនៃកម្មវិធី ABC Lions of Fashion

រាជធានីភ្នំពេញ៖ ថ្ងៃទី 25 ខែកក្កដា ឆ្នាំ 2019 - ABC Extra Stout បានប្រកាសឈ្មោះបេក្ខជនបេក្ខនារី ដែលមានសមត្ថភាពខ្ពស់ ដែលត្រូវបានជ្រើសរើសដើម្បីចូលរួមក្នុងកម្មវិធី ABC Lions of Fashion Journey នៅសណ្ឋាគារ Rosewood នៅថ្ងៃទី 25 ខែកក្កដា ឆ្នាំ 2019។ កម្មវិធីប្រកួតនេះជាកម្មវិធីដំបូងបង្អស់នៅក្នុងប្រទេសកម្ពុជាទទួលស្គាល់ស្នាដៃអ្នកច្នៃម៉ូត និងអ្នកបង្ហាញម៉ូតដែលជាតារាទើបតែរះនៅក្នុងព្រះរាជាណាចក្រកម្ពុជា ។

លោក Moon Yoo នាយកផ្នែកទីផ្សារនៃក្រុមហ៊ុន ABC Extra Stout បានមានប្រសាសន៍ថា៖ ”នេះគឺជាពេលវេលាដ៏រំភើបអស្ចារ្យសម្រាប់ប្រទេសកម្ពុជាដែលមានវត្តមាននៅលើឆាកអន្តរជាតិនៃវិស័យម៉ូត និងការច្នៃម៉ូត ។ ស្រាបៀរ ABC មានមោទនភាពដែលបានឈានមុខគេនៅក្នុងព្រះរាជាណាចក្រកម្ពុជាលើវិស័យឧស្សាហកម្មច្នៃម៉ូត។ ឧស្សាហកម្មកាត់ដេររបស់យើងមានទំហំធំ ប៉ុន្តែបើប្រៀបធៀបទៅនឹងប្រទេសជិតខាងយើងនៅមានកម្រិត។ នេះគឺជាពេលវេលាដ៏ស័ក្តិសមដើម្បីធ្វើការងារនេះ ជ្រើសរើសអ្នកច្នៃម៉ូតដែលមានសក្តានុពលដើម្បីបង្កើនតម្លៃដល់វិស័យឧស្សាហកម្មកាត់ដេរ ។”

កម្មវិធីប្រកួតនេះត្រូវបានរៀបចំឡើងដោយសហការជាមួយស្ថាប័នដែលឈានមុខគេនៅក្នុងឧស្សាហកម្មច្នៃម៉ូដរបស់កម្ពុជា៖ សមាគមរោងចក្រកាត់ដេរនៅកម្ពុជា (GMAC) ដែលផ្តោតលើការធានានូវស្តង់ដារសមស្របនៅក្នុងវិស័យឧស្សាហកម្មផលិតសម្លៀកបំពាក់ ទស្សនាវដ្តី សូវរីន ដែលជាទស្សនាវដ្តីម៉ូដឈានមុខគេនៅកម្ពុជា Arise Agency ដែលជាទីភ្នាក់ងារបង្ហាញម៉ូតដែលនាំមុខគេ និង វិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជា (CGTI) ដែលជាវិទ្យាស្ថានបណ្ដុះបណ្ដាលជំនាញនៅក្នុងវិស័យកាត់ដេរសម្លៀកបំពាក់ និងវាយនភ័ណ្ឌ ដែលមានទំនាក់ទំនងជាមួយ GMAC ។
ប្រទេសកម្ពុជាល្បីឈ្មោះលើពិភពលោក ជាអ្នកផលិតសម្លៀកបំពាក់។ ជាមួយបណ្តាក្រុមហ៊ុនជាង 600 ដែលផ្តល់ការងារដល់ប្រជាជនកម្ពុជាជាង 700,000នាក់ វិស័យនេះគឺជាការរួមចំណែកដ៏ធំបំផុតទីពីរដល់វិស័យសេដ្ឋកិច្ចកម្ពុជា។ ស្រាបៀរ ABC តាមរយៈកម្មវិធី Lions of Fashion មានមោទនភាពដែលបានក្លាយជាអ្នកត្រួសត្រាយផ្លូវក្នុងការធ្វើឲ្យប្រទេសកម្ពុជាមានឈ្មោះក្នុងវិស័យឧស្សាហកម្មច្នៃម៉ូតពិភពលោក ដោយជួយគាំទ្រដល់ការអភិវឌ្ឍសមត្ថភាពរបស់សហគ្រិនផ្នែកច្នៃម៉ូដក្នុងស្រុក។

ការដាក់ពាក្យចូលរួមប្រកួតក្នុងកម្មវិធី ABC Lions of Fashion បានធ្វើឡើងលើតាមរយៈបណ្តាញសង្គមហ្វេសប៊ុកចាប់ពីថ្ងៃទី 1 ខែឧសភា ឆ្នាំ 2019 រហូតដល់ថ្ងៃទី 15 ខែមិថុនា ឆ្នាំ 2019។ មានអ្នកបង្ហាញម៉ូតចំនួន 1,318 នាក់និងអ្នកច្នៃម៉ូតចំនួន 127 នាក់ដែលបានដាក់ពាក្យចូលរួមប្រកួតក្នុងកម្មវិធី ABC Lions of Fashion។ គណៈកម្មការវិនិច្ឆ័យបានជ្រើសរើសអ្នកច្នៃម៉ូតដប់នាក់ និងអ្នកបង្ហាញម៉ូតដប់នាក់ដែលមានសមត្ថភាពខ្ពស់ដើម្បីចូលរួមក្នុងកម្មវិធីប្រកួតប្រជែងជាច្រើនដើម្បីដណើ្តមយករង្វាន់ និងមានឱកាសចាប់យកអាជីពបង្ហាញម៉ូត ឬច្នៃម៉ូត។ សមាសភាពគណៈកម្មការវិនិច្ឆ័យរួមមានអ្នកតំណាងមកពីទស្សនាវដ្តី សូវរីន ដែលជាទស្សនាវដ្តីម៉ូតសម្លៀកបំពាក់ដែលឈានមុខគេ Arise Agency ដែលជាក្រុមហ៊ុនផ្តល់សេវាបង្ហាញម៉ូតដ៏ល្បីល្បាញវិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជា និងស្រាបៀរ ABC។

កម្មវិធីជាបន្តបន្ទាប់នឹងចាប់ផ្តើមដើម្បីល្បងសមត្ថភាពរបស់បេក្ខជនបេក្ខនារី ដែលមានការចូលរួមពីសំណាក់បេក្ខជន និងបេក្ខនារីអ្នកច្នៃម៉ូដនិងអ្នកបង្ហាញម៉ូត។ បេក្ខជនបេក្ខនារីដែលទទួលជ័យលាភីនឹងទទួលបានការគាំទ្រដើម្បីបន្តអាជីពរបស់ខ្លួន។
ស្រាបៀរ ABC Extra Stout អបអរសាទរចំពោះស្នាដៃល្អឯក និងមានបំណងគាំទ្រ ទទួលស្គាល់ និងជំរុញលើកទឹកចិត្តអ្នកច្នៃម៉ូដនិងអ្នកបង្ហាញម៉ូតដែលមានទេពកោសល្យ និងសមត្ថភាពខ្ពស់ នាពេលបច្ចុប្បន្ន និងអនាគត។

សូមតាមដាន #ABCLionsOfFashion និងចូលទៅកាន់គេហទំព័រ៖www.facebook.com/ABC.ExtraStoutCambodia

សូមឧទ្ទេសនាមបេក្ខជនបេក្ខនារី

ដំណើរឆ្ពោះរកកម្មវិធី ABC Lions of Fashion សម្រាប់អ្នកច្នៃម៉ូត និងអ្នកបង្ហាញម៉ូតដែលមានទេពកោសល្យ
បេក្ខជនបេក្ខនារីផ្នែកច្នៃម៉ូតចំនួន 10 នាក់បន្តដំណើរទៅកម្មវិធីប្រកួត Designers’ Journey ។ ពួកគេនឹងបង្ហាញខ្លួននៅក្នុងវីដេអូឃ្លីបលើហ្វេសប៊ុក និងចូលរួមក្នុងកម្មវិធីប្រកួតផ្នែកច្នៃម៉ូត។ ការច្នៃម៉ូតរបស់ពួកគេនឹងត្រូវបានបង្ហាញនៅលើទំព័រទស្សនាវដ្តី សូវរីន។ អ្នកទទួលជ័យលាភីជើងឯកនឹងទទួលបានរង្វាន់ជាសាច់ប្រាក់ដើម្បីគាំទ្រឧបត្ថម្ភពួកគេនៅពេលដែលពួកគេចាប់អាជីពច្នៃម៉ូដ ទទួលបានរង្វាន់ដំណើរកម្សាន្តទៅចូលរួមកម្មវិធីបង្ហាញម៉ូតអន្តរជាតិ Fashion Week និងម៉ូតសម្លៀកបំពាក់របស់អ្នកឈ្នះនឹងត្រូវបានចុះផ្សាយប្រចាំទស្សនាវដ្តី សូវរីន។

ឈ្មោះបេក្ខជនបេក្ខនារីទាំងដប់រូប៖
១. ពៅ ស៊ីថាន
២. ឃន ដារត្ន័
៣.គង់ សុធា
៤.ជួប វិទ្យា
៥. ខុន មេសា
៦. កាក់ ឧសភា
៧.ឡុង គឹមហ៊ាង
៨.ជា សក់ប៊ួយ
៩. សុខ បញ្ញា
១០. សេង សុវណ្ណរចនា

បេក្ខជនបេក្ខនារីផ្នែកបង្ហាញម៉ូតចំនួន 10 នាក់បន្តដំណើរទៅកម្មវិធីប្រកួត Models’ Journey។ ពួកគេនឹងបង្ហាញខ្លួននៅក្នុងវីដេអូឃ្លីបលើហ្វេសប៊ុក និងចូលរួមក្នុងកម្មវិធីប្រកួតផ្នែកបង្ហាញម៉ូត ហើយនឹងបង្ហាញខ្លួននៅលើទំព័រទស្សនាវដ្តី សូវរីន។ អ្នកទទួលជ័យលាភីជើងឯកនឹងទទួលបានកិច្ចសន្យាការងារបង្ហាញម៉ូតជាមួយ Arise Modeling Agency ទទួលបានរង្វាន់ដំណើរកម្សាន្តទៅចូលរួមកម្មវិធីបង្ហាញម៉ូតអន្តរជាតិ Fashion Week ទទួលបានសាច់ប្រាក់ ព្រមទាំងក្លាយជាតារាម៉ូដែលគម្របមុខប្រចាំទស្សនាវដ្តី សូវរីន ។

ឈ្មោះបេក្ខជនបេក្ខនារីទាំងដប់រូប៖
១. លៀប ស្រីពៅ
២.លី ភក្ដិវិរចនា
៣.ហៃ សុខលាង
៤.ឡេវ សុជាតា
៥.ជាតិ ស្រីទូច
៦.ប៊ុន សីម៉ា
៧.ពៅ ណាវី
៨.លី សុវណ្ណច័ន្ធថាវវី
៩.មាស ចាន់រូ
១០.លាង ស៊ីវឡី

អំពីដៃគូសហការរបស់យើង

សមាគមរោងចក្រកាត់ដេរនៅកម្ពុជា (GMAC)
ជាស្ថាប័នដែលមានសមាសភាពនៃក្រុមហ៊ុនជាសមាជិកផ្សេងៗគ្នា ដែលកាត់ដេរសម្លៀកបំពាក់ ផលិតស្បែកជើងនិងសម្លៀកបំពាក់

វិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជា (CGTI)
ជាវិទ្យាស្ថានបណ្ដុះបណ្ដាលជំនាញនៅក្នុងវិស័យកាត់ដេរសម្លៀកបំពាក់ និងវាយនភ័ណ្ឌ

ទស្សនាវដ្តី សូវរីន
ជាទស្សនាវដ្តីម៉ូដឈានមុខគេនៅប្រទេសកម្ពុជា

Arise Agency
ជាទីភ្នាក់ងារដែលផ្តល់សេវាបង្ហាញម៉ូតដែលឈានមុខគេ

July 26, 2019

ការតាំងពិព័រណ៍ “OUT OF CONTROL” ដើម្បីបង្កើនការយល់ដឹងអំពីកិច្ចការពារបរិស្ថាន និង ជីវចំរុះ

វិចិត្រករខ្មែរវ័យក្មេង លោក ចាន់នី ឈើន នឹងដាក់បង្ហាញពិព័រណ៍គំនូរ នៅសណ្ឋាគារសូហ្វីតែលភ្នំពេញភូគីត្រា ចាប់ពីខែសីហាដល់ខែតុលាដើម្បីបង្ហាញពីរបណ្តុំផ្ទាំងគំនូរដ៏រស់រវើក រួមជាមួយនឹងគំនូរសត្វបក្សីដែលដែលមានពណ៍ដ៏ស្រស់ស្អាត។

ភ្នំពេញ ថ្ងៃទី 29 កក្កដា 2019: សណ្ឋាគារសូហ្វីតែលភ្នំពេញភូគីត្រានឹងបើកសម្ពោធការតាំងពិព័រណ៍ថ្មីមួយដោយវិចិត្រករកម្ពុជា លោក ចាន់នី ឈើន។ សិល្បៈស្នាដៃរបស់លោកមានចំណងជើងថា “Out of Control” នឹងត្រូវបានដាក់តាំងបង្ហាញរយៈពេល 3 ខែ។ ភ្ញៀវជាតិ និង អន្តរជាតិទាំងអស់អាចអញ្ជើញចូលរួមទស្សនាដោយសេរី។

លោក ចាន់នី កើតនៅឆ្នាំ 1988 និង មានស្រុកកំណើតនៅខេត្តបាត់ដំបង ព្រះរាជាណាចក្រកម្ពុជា។ ដោយមានទេពកោសល្យសិល្បៈ និង ចំណាប់អារម្មណ៍យ៉ាងខ្លំាងទៅលើសត្វបក្សី ឪពុករបស់លោកបានបញ្ជូនលោកទៅ សិក្សានៅសាលាហ្វារពន្លឺសិល្បៈ ដែលបានផ្តល់ការបណ្តុះបណ្តាលដល់លោក ដោយឥតគិតថ្លៃ។ បន្ទាប់មកនៅខែវិច្ឆិកាឆ្នាំ២០១៦ លោកបានរៀបចំការតាំងពិពណ៌ទោលជាលើកដំបូងនៅខេត្តសៀមរាបដែលជាការតាំងពិព័រណ៍ដ៏ជោគជ័យមួយរបស់លោកដោយផ្ទាំងគំនូរស្ទើរតែទាំងអស់ត្រូវបានលក់ចេញជាហូរហែ។

ស្នាដៃរបស់លោកថ្មីនេះ ក្រោមចំណងជើងថា “Out of Control” ដែលធ្វើឡើងក្នុងគោលបំណងដើម្បីឆ្លុះបញ្ចាំងពីបញ្ហាប្រឈមមួយចំនួនដែលជាហានិភ័យ ដល់ ជីវិតសត្វស្លាប និង បញ្ហាក្នុងសង្គមកម្ពុជាសព្វថ្ងៃ ដែលបញ្ហារទាំងនោះ មិនអាចគ្រប់គ្រងបាននៅឡើយ ដូចជាការសេពគ្រឿងស្រវឹង និង ផ្សែងបារី សម្រាប់យុវជនដែលមិនទាន់ពេញវ័យ។ វិចិត្រកររំពឹងទុកថានេះជាឱកាសដែលអាចអប់រំមនុស្សអោយយល់ដឹងពីបញ្ហារទាំងនេះតាមរយៈផ្ទាំងគំនូររបស់លោក។

បន្ទាប់ពីការតាំងពិព៍រណ៍គំនូររបស់សិល្បករល្បីៗជាច្រើនរូបកន្លងមក នេះគីជាកិត្តិយសដ៏ធំមួយរបស់ខ្ញុំសម្រាប់វត្តមាននៃការដាក់បង្ហាញស្នាដៃគំនូរនៅសណ្ឋាគារសូហ្វីតែលភ្នំពេញភូគីត្រាផ្ទាល់។ គំនូរគឺជាប្រភពនៃ សុភមង្គលរបស់ខ្ញុំ ហើយខ្ញុំតែងតែផ្តោតអារម្មណ៍ យកចិត្តទុកដាក់យ៉ាងខ្លាំងដែលជំរុញឲ្យខ្ញុំអាចធ្វើកាងារនេះកាន់តែប្រសើរទ្វេរដង។ ខ្ញុំសង្ឃឹមថាពិព័រណ៍នេះនឹងជួយបង្កើនការយល់ដឹងដល់សាធារណជនអំពីបញ្ហាសង្គម និង បរិស្ថានយើងទាំងមូល។ - ចាន់នី ឈើន

សិល្បៈគំនូរ និង ប្រពៃណី គឺជាវត្ថុបំណងចម្បងមួយរបស់សូហ្វីតែលដែលមិនអាចរំលងបាន។ ក្នុងនាមជាអ្នកគាំទ្រយ៉ាងមុតមាំលើវិស័យនេះ សណ្ឋាគារយើងតែងតែបានចូលរួមចំណែកជ្រោម ជ្រែងក្នុងការដាក់បង្ហាញស្នាដៃគំនូររបស់វិចិត្រកររខ្មែរជាច្រើនក្នុងមួយឆ្នាំៗ។ លោក Charles-Henri Chevet អ្នកចាត់ការទូទៅនៃសណ្ឋាគារសូហ្វីតែលភ្នំពេញភូគីត្រាបានលើកឡើងថា «ពួកយើងមានសេចក្តីសោមន្សយ៉ាងខ្លាំងក្នុងការរៀបចំបង្កើតឲ្យមានការតាំងពិព័រណ៍ទេពកោសល្យគំនូរជាថ្មីម្តងទៀតនៅក្នុងវិចិត្រសាលសិល្បៈរបស់យើងដែលជាចំណែកក្នុងការផ្សព្វផ្សាយសិល្បៈគំនូរនៅទីក្រុងភ្នំពេញ។ ការតាំងពិព័រណ៍នេះគឺជាឱកាសដ៏ល្អមួយដល់អ្នកចូលរួមទស្សនាក្នុងការស្វែងយល់ពីអត្ថន័យនៃគំនូរនីមួយៗដែលឆ្លុះបង្ហាញពីគំនិត និង បរិស្ថានយើងរបស់វិចិត្រករ
ចាន់នី ឈើន។»

ពិព័រណ៍នេះនឹងចាប់ផ្តើមពីខែសីហាដល់ខែតុលា លោកអ្នកអាចចូលរួមទស្សនាដោយឥតគិតថ្លៃ។

លោក ចាន់នី កើតនៅឆ្នាំ 1988 និង មានស្រុកកំណើតខេត្តបាត់ដំបង ព្រះរាជាណាចក្រកម្ពុជា។ ដោយមាន
ទេពកោសល្យសិល្បៈ និង ចំណាប់អារម្មណ៍យ៉ាងខ្លំាងទៅលើសត្វបក្សី ឪពុករបស់លោកបានបញ្ចូនលោកទៅ សិក្សានៅ សាលា ហ្វារពន្លឺសិល្បៈ ដែលបានផ្តល់ការបណ្តុះបណ្តាលដល់លោក ដោយឥតគិតថ្លៃ។ បន្ទាប់មក នៅខែវិច្ឆិកាឆ្នាំ ២០១៦ លោកបានរៀបចំការតាំងពិព័រណ៍ទោលជាលើកដំបូងនៅខេត្តសៀមរាបដែលវាជាការតាំងពិព័រណ៍មួយដ៏ជោគជ័យដែលផ្ទាំងគំនូររបស់លោកស្ទើរតែទាំងអស់ត្រូវបានលក់ចេញជាហូរហែ។

.
សូហ្វីតែល សណ្ឋាគារលំដាប់ថ្នាក់ពិភពលោកនិងភាពឆើតឆាយរបស់បារាំង
សណ្ឋាគារសូហ្វីតែលភ្នំពេញភូគីត្រា គឺជាសណ្ឋាគារដ៏ប្រណីតបែបបារាំងតែមួយគត់នៅរាជធានីភ្នំពេញ។ សណ្ឋាគារដែលទទួលបានពានរង្វាន់ជាច្រើននេះមានបន្ទប់ចំនួន 201 បន្ទប់ស្ប៉ា ក្លឹបកីឡា សាល Grand Ballroom សម្ភារៈប្រជុំ
ទំនើបៗ និងភោជនីយដ្ឋានចំនួន 4។ ការតុបតែងតាមរចនាបថបារាំងផ្តល់ជូនសោភ័ណភាពប្រណិតដែលជម្រុញឱ្យមានការគាំទ្រឥតឈប់ឈរនៅក្នុងសណ្ឋាគារដែលល្បីល្បាញទូទាំងព្រះរាជាណាចក្រកម្ពុជា។

ទំនាក់ទំនង:
សំបូរ ផល
ប្រធានទីផ្សាឌីជីថល
H6526-MK1@sofitel.com

July 26, 2019

ទើបចេញសោះ! ROG Phone II លក់បានជាង 1.6លានគ្រឿងនៅចិន

ស្មាតហ្វូនសម្រាប់អ្នកចូលចិត្តលេង Game ម៉ូដែលថ្មីរបស់ក្រុមហ៊ុន Asus គឺ ROG Phone II ទើបនឹងប្រកាសចេញលក់ផ្លូវការកាលពីថ្ងៃទី23 ខែកក្កដា ឆ្នាំ2019 ថ្មីៗនេះសោះ ប៉ុន្តែអាចលក់ដាច់បានដល់ទៅ 1.6លានគ្រឿងនៅលើទីផ្សារប្រទេសចិន។

របាយការណ៍ចេញផ្សាយដោយក្រុមហ៊ុនផ្ទាល់ បានឱ្យដឹងថា ទូរស័ព្ទនេះទទួលបានជោគជ័យយ៉ាងសម្បើម លើសជំនាន់1 ទៅទៀត (ROG Phone I)។ មូលហេតុក៏ព្រោះទូរស័ព្ទ Gamer ជំនាន់ទី2 នេះបានអភិវឌ្ឍបន្ថែមនូវមុខងារដែលត្រូវចិត្តអ្នកប្រើ និងជាពិសេសរឿងតម្លៃ។

សម្រាប់រឿងតម្លៃនេះ គឺចាប់ផ្តើមតែត្រឹម 510ដុល្លារប៉ុណ្ណោះ ឯជម្រើស RAM 12GB មេម៉ូរី 128GB តម្លៃ 870ដុល្លារ(និងអាចឡើងដល់ 900ដុល្លារ)។

ROG Phone 2 គឺជាស្មាតហ្វូន Android ដំបូងគេដែលប្រើអេក្រង់ AMOLED មានល្បឿន 120Hz និងមានទំហំ 6.59អ៊ីញ។ ល្បឿន Refresh ខ្ពស់អាចឱ្យការបង្ហាញរូបភាពបែប Animation ដើរលឿនយ៉ាងរលូន ប៉ុន្តែស៊ីថ្មខ្លាំងបន្តិច។ ហេតុនេះទើបវាមានបំពាក់មកជាមួយនូវថ្មទំហំ 6000mAh និងគាំទ្រការសាកឆាប់ពេញល្បឿន 30វ៉ាត់។

ROG Phone II បំពាក់អេក្រង់ AMOLED Display ល្បឿន 90Hz ដូចជំនាន់មុនដែរ ប៉ុន្តែពិសេសត្រង់រចនាគែមព័ទ្ធជុំវិញតួខ្លួន ដែលមានឈ្មោះ AirTriggers សម្រាប់អ្នកប្រើប្រាស់អាចច្របាច់ដូចជាប៊ូតុងបញ្ជាក្នុងការលេងហ្គេម៕

July 25, 2019

នាយ ឃ្លោក និងអ្នកនាង យិន ស្រីពៅ នាំថវិកាមួយចំនួនជួយដល់អតីតតារាចម្រៀងម្នាក់

ជាថ្មីម្តងទៀតអតីតតារាកំប្លែងនាយឃ្លោក និងអ្នកនាង យិន ស្រីពៅ បាននាំថវិកាមួយចំនួនជាបន្តទៀតជូនដល់អតីតតារាចម្រៀងបាត់មុខម្នាក់ ដែលខ្វះខាត ហើយប្រឈមការលំបាកក្នុងកម្រិតជីវភាពរស់នៅខ្លាំង។ ម្ល៉ោះហើយទើបធ្វើឱ្យអ្នកដែលបានថវិកាមានទឹកចិត្តរីករាយដឹងគុណដល់សប្បុរសជនទាំងអស់ខ្លាំងណាស់។

មើលឃើញពីភាពលំបាករបស់អតីតតារាចម្រៀងទាំងនាយ ឃ្លោក និង យិន ស្រីពៅ ព្រមទាំងបណ្តាសប្បុរសជនមួយចំនួន បានបន្តសហការគ្នាជួយតាមទឹកចិត្តតិចក្តីច្រើនក្តីឱ្យបានថវិកាដល់ដៃអ្នកអត់ ដើម្បីយកទៅដោះស្រាយជីវភាពរស់នៅ។ ទាំងអស់នេះ ពិតជាទឹកចិត្តសម្រាប់សិល្បករ និងមហាជនមួយចំនួន ដែលចេះចែករំលែកជួយគ្នាក្នុងនាមខ្មែរជួយខ្មែរក្រោមដំបូលតែមួយ។

អ្នកនាង យិន ស្រីពៅ និយាយថា បើទោះជាអ្នកនាងមិនមានថវិកាណែនដៃតែអ្នកនាងរមែងខំរកថវិកាផ្សេងៗពីអ្នកនេះអ្នកនោះជួយដល់អ្នកមានជំងឺ និងមានទុក្ខ ម្តងហើយម្តងទៀត បើទោះជាពេលខ្លះហត់នឿយរវល់ការងារផ្ទាល់ខ្លួនក៏ដោយ។ មិនត្រឹមតែប៉ុណ្ណឹងស្រីពៅក៏ធ្លាប់បើកចិត្តជួយដល់សិល្បកររងគ្រោះមួយចំនួនទៀតតាមលទ្ឋភាពដែលអាចរកបានដោយសារតែទឹកចិត្តខ្មែរដូចគ្នា។ អ្នកនាងបន្តថា អ្នកនាងមមាញឹកនឹងការងារណាស់ ប៉ុន្តែអ្នកនាងនៅតែចូលរួមការងារមុស្សធម៌តាមលទ្ឋភាពដែលអាចជួយបាន ដើម្បីបានចែករំលែកក្ដីស្រលាញ់ ដល់អ្នកដែលត្រូវការជំនួយ។ អ្នកនាងក៏ថ្លែងអំណរគុណទាំងអស់ ដែលតែងតែរួមចំណែកជួយក្នុងសកម្មភាពសប្បុរសធម៌រ៉ៃអង្គាសរបស់អ្នកនាងកន្លងមកផងដែរ ដោយអ្នកនាងបានចាត់ទុកថាទឹកចិត្តរបស់ក្រុមសប្បុរសជនទាំងនោះគឺជាកម្លាំងចិត្តឱ្យនាងបន្តការងារក្នុងសង្គមមួយនេះ៕

July 25, 2019

ប្រាសាក់បញ្ចុះអត្រាការប្រាក់ឥណទានប្រាក់រៀលដើម្បីចូលរួមការរីកចម្រើនរបស់អតិថិជន

ភ្នំពេញ៖ ប្រាសាក់ ដែលជាគ្រឹះស្ថានហិរញ្ញវត្ថុធំជាងនៅកម្ពុជា ដែលមានបណ្តាញការិយាល័យជិត 180 ទូទាំងប្រទេសនិងមានបុគ្គលិកជាង 8,000 នាក់ កំពុងបម្រើសេវាហិរញ្ញវត្ថុដល់អតិថិជនជាង 40 ម៉ឺននាក់ នៅតែបន្តគាំទ្រការប្រើប្រាស់ប្រាក់រៀលតាមរយៈការផ្តល់ «ឥណទានជាប្រាក់រៀល»។

លោក សាយ សូនី នាយកប្រតិបត្តិរបស់ប្រាសាក់ បានមានប្រសាសន៍ថា «ប្រាសាក់ បាននាំយកដំណោះស្រាយហិរញ្ញវត្ថុដ៍ល្អប្រពៃសម្រាប់អតិថិជនតាមរយៈការផ្តល់ទំហំឥណទានជាប្រាក់រៀលកាន់តែធំជាងមុន រយៈពេលខ្ចីកាន់តែវែងជាងមុន និងអត្រាការប្រាក់កាន់តែពិសេសជាងមុន ដើម្បីជួយសម្រួលដល់អតិថិជនក្នុងការប្រើប្រាស់ប្រាក់រៀលសម្រាប់ប្រកបអាជីវកម្ម កសិកម្ម និងមុខរបរផ្សេងៗ»។

លោក សូនី បន្តទៀតថា « ប្រាសាក់នៅតែបន្តពង្រីកវិសាលភាព និងលើកកម្ពស់ប្រាក់រៀលខ្មែរយើង ឱ្យកាន់តែទូលំទូលាយបន្ថែមទៀត ជាមួយនឹងទំហំកម្ចីរហូតដល់ 2,000 លានរៀល រយៈពេលកម្ចីរហូតដល់ 120 ខែ អត្រាការប្រាក់ទាបជាងមុន និងរបៀបសងត្រលប់សមស្របតាមលំហូរសាច់ប្រាក់របស់អតិថិជនដើម្បីចូលរួមធ្វើឱ្យជីវភាពរស់នៅរបស់អតិថិជនឱ្យកាន់តែប្រសើរ និងតបតាមតម្រូវការរបស់អតិថិជន។»

លោកអ្នកអាចទាក់ទងប្រាសាក់ដើម្បីទទួលបានប្រាក់កម្ចី ឬ ប្រើប្រាស់សេវាផ្សេងៗ តាមរយៈទូរស័ព្ទលេខ 086 999 911 ឬ 023 999 911 ឬ 0969 999 911 ឬ អញ្ជើញទៅកាន់សាខាប្រាសាក់ដែលនៅជិតលោកអ្នក។
ក្រៅពីសេវាឥណទាន ប្រាសាក់ផ្ដល់សេវាហិរញ្ញវត្ថុយ៉ាងសម្បូរបែបដូចជា ប្រាក់បញ្ញើសន្សំ ផ្ទេរប្រាក់ ផ្ទេរប្រាក់ទៅអ្នកគ្មានគណនី ប្ដូរប្រាក់ សេវាធនាគារចល័ត អេធីអឹម ទិញកាតទូរស័ព្ទ ទូទាត់វិក្កយបត្រទឹក-ភ្លើង សេវាបើកប្រាក់បៀវត្ស និងសេវាផ្សេងៗជាច្រើនទៀត។

July 25, 2019

លោក អ៊ិន សុភិន នៅតែអះអាងបើកភ្លើងខៀវឱ្យ ប៉ែន ចំរ៉ុង ជួបមុខកូនស្រី

នៅថ្ងៃខួប៤ឆ្នាំរបស់ស្ថានីយទូរទស្សន៍PNN ស្រាប់តែម្នាក់ចាប់អារម្មណ៍រឿងរសើបរវាងលោក ប៉ែន ចំរ៉ុង ប្រទះគ្នាជាមួយគ្រួសារ លោក អ៊ិន សុភិន រហូតមានការចុះផ្សាយថា អ្នកទាំង៣មើលមុខគ្នា មិនចំ និងថា ហេតុផលដែលលោក ប៉ែន ចំរ៉ុង មិនដែលបានជួបមុខកូន គឺដោយសារអតីតភរិយា និងឳពុកក្មេកហាមឃាត់។ ពាក់ព័ន្ធនឹងការលើកឡើងនេះ ភាគីខាងលោក អ៊ិន សុភិន និង អ្នកនាង ភិន សុដាលីស បានច្រានចោល និងផ្ទុះកំហឹង។

លោក អ៊ិន សុភិន និយាយថា លោកមិនដែលប្រកាស ឬ ហាមឃាត់មិនឱ្យ លោក ប៉ែន ចំរ៉ុង មុនជួបមុខកូនស្រីរបស់ខ្លួននោះទេ ប៉ុន្តែលោកសួរច្រាស់មកវិញថា តើលោកប៉ែន ចំរ៉ុង មានដែលខលមកសុំជួបកូន ឬ ទាក់ទងដើម្បីមកលេងកូនស្រីក្នុងនាមជាឳពុកម្ដងទេ? លោកបន្តសំណួរទៀតថា តើក្នុងនាមលោកជាជីតា ក្នុងនាមកូនស្រីរបស់លោក គឺជាម្ដាយ ដែលត្រូវបុគ្គលម្នាក់បោះបង់ចោល ទាត់ចោល ត្រូវប្រកាសទាក់ទងឱ្យលោក ប៉ែន ចំរ៉ុង មកមើលមុខកូនស្រីដោយផ្ទាល់ ឬ មកលេងកូនស្រីដោយផ្ទាល់ ទាំងលោកប៉ែន ចំរ៉ុង មិនដែលចាប់អារម្មណ៍មែន ឬទេ? លោកថា ការលើកឡើងថាលោកប៉ែន ចំរ៉ុង មិនដែលជួបមុខកូនស្រី គឺដោយសារតែលោក និង ភិន សុដាលីស គឺជារឿងដ៏អយុត្តិធម៌ ខណៈដែលលោក និង កូនស្រី មិនដែលបានរារាំង ឬ ហាមប្រាមលោក ប៉ែន ចំរ៉ុង ក្នុងពេលលោក ប៉ែន ចំរ៉ុង ប្រឹងស្កាត់មកជួបកូន ឬ សុំមកមើលមុខកូនសូម្បីម្ដង។

មិនខុសគ្នាដែរ អ្នកនាង ភិន សុដាលីស លើកឡើងថា អ្នកនាងមិនសប្បាយចិត្តនឹងពាក្យថា លោក ប៉ែន ចំរ៉ុង មិនរវល់ជាមួយកូន និងមិនដែលបានមកមើលកូន គឺដោយសារតែអ្នកនាងខ្លាំងណាស់ ដោយសារតែពាក្យពេជ្រនោះ ស្មើនឹងយល់ថា លោក ប៉ែន ចំរ៉ុង ព្យាយាមចង់ឃើញមុខកូន និងចង់ទទួលខុសត្រូវដំណក់ឈាមខ្លួនឯង តែអ្នកនាង និងឳពុករារាំង និងមិនទទួល។ អ្នកនាងថា តាំងពីបែកបាក់គ្នា មិនដែលមានភាគីលោក ប៉ែន ចំរ៉ុង ឬ សាមីខ្លួនដោយផ្ទាល់ទាក់ទងមកចង់ឃើញមុខកូន ឬ ចង់ទទួលខុសត្រូវកូនស្រីរបស់អ្នកនាងនោះទេ ខណៈដែលអ្នកនាងប្រាប់ថាខ្លួនក៏មិនឆ្អិនឆ្អន់ចំពោះរឿងប៉ែន ចំរ៉ុង មិនរវល់ តែសុំកុំឱ្យយល់ថា អ្នកនាងគឺជាអ្នករារាំង៕

July 25, 2019

ស្រីស្អាត មុន្នី វិជ្ជរា ទើបប្រឡូកសិល្បៈក្ដោបបានតំណែងតួឯកស្រីតែម្ដង

ក្រោយវីដេអូ Trailer រឿង “តួគេខ្ញុំសម្តែង” បញ្ចេញជាផ្លូវការ តារាសម្តែងចំនូលថ្មី មុន្នី វិជ្ជរា រំពឹងខ្លាំងលើស្នាដៃដំបូងរបស់ខ្លួន នឹងទទួលការគាំទ្រច្រើនពីទស្សនិកជន។ ស្នាដៃដំបូងរបស់តារាសម្តែងចំនូលថ្មីរូបនេះ ទើបត្រូវបានបញ្ចេញជាផ្លូវការលើកញ្ចក់ទូរទស្សន៍ និងទំព័រហ្វេកប៊ុកផ្លូវការរបស់ភីអិនអិន ទទួលការគាំទ្រខ្លាំង រហូតធ្វើឱ្យតួឯកស្រីវ័យក្មេងក្នុងរឿងនេះ រំពឹងខ្លាំងលើស្នាដៃដំបូងនេះ។

វីដេអូ Trailer ជាងមួយនាទី បានបង្ហាញពីឈុតឆាកពិសេសៗជាច្រើនក្នុងសែស្រឡាយត្រកូលរាជ្យវង្សមួយ ដែលកំពុងចម្រូងចម្រាស់ ចាក់ស្រេះទៅដោយបញ្ហារាប់មិនអស់។ ការលើកតម្កើង ផ្តល់តម្លៃឲ្យស្រ្តី ជាផ្នែកសំខាន់មួយក្នុង រឿង “តួគេខ្ញុំសម្តែង” ដែលអ្នកនិពន្ធជើងចាស់ អ្នកស្រី ពាន់ ភួងបុផ្ផា បានយកមកច្របាច់បញ្ចូលក្នុងសាច់រឿងនេះ ដើម្បីជាសារបញ្ជ្រាបដល់សាធារណជនយល់កាន់តែច្បាស់ពីគុណតម្លៃ និងភាពថ្លៃថ្នូររបស់ស្រី្ត។

ក្រោយសម្រិតសម្រាំងទាំងសាច់រឿង គុណភាពបច្ចេកទេស ប្លង់ថត ពិសេសគឺទីតាំងទេសចរណ៍ និងអគារការិយាល័យដ៏ទំនើបប្រកបដោយស្តង់ដារបស់ភីអិនអិនផ្ទាល់ បានធ្វើឱ្យតួគេខ្ញុំសម្តែង កាន់តែមានភាពអស្ចារ្យ។
នេះបើតាមការបញ្ជាក់របស់តួឯករាងតូចច្រឡឹង មុន្នី វិជ្ជរា។

មានប្រភពពីអ្នកដើរម៉ូត តារាសម្តែងរូបនេះបន្តថា ក្រោយថតចប់សព្វគ្រប់រឿង “តួគេខ្ញុំសម្តែង” ទីផ្សារសិល្បៈរបស់ខ្លួនមានការកើនឡើងគួរដោយកត់សម្គាល់ដោយមានគេទាក់ទងការងារច្រើន តែព្រោះកញ្ញាជាប់រវល់ជាមួយការសិក្សា ទើបសុំពុំទាន់ទទួលការងារទាំងនោះឡើយ ដោយចង់រៀនឱ្យចប់សិនទើបគិតគូរលើរឿងនោះ។ សព្វថ្ងៃ វិជ្ជរា ជានិសិត្សឆ្នាំទី២ លើឯកទេសធនាគារ និងហិរញ្ញវត្ថុ នៅសកលវិទ្យាល័យជាតិគ្រប់គ្រង។ ក្រៅពីការសម្តែង និងអាជីពជាអ្នកដើរម៉ូត តារាចំនូលថ្មីរួបនេះ ចង់ប្រឡូកវិស័យចម្រៀងមួយមុខទៀតផងដែរ ទោះមិនទាន់ធ្លាប់សាកcoverបទចម្រៀងក្តី តែកញ្ញាជឿជាក់ថា ខ្លួនអាចធ្វើបានព្រោះចូលចិត្តច្រៀងតាំងពីក្មេងហើយអ្នកជុំវិញខ្លួនថាសំលេងអាចទទួលយកបាន ដូច្នេះហើយទើបថ្ងៃអនាគតកញ្ញាចង់សាកច្រៀងបន្ថែមមួយមុខទៀត ប្រសិនបើអាចទៅរួច។

កាន់តែសូមទស្សនារូបសម្រស់តារាស្រី មុន្នី វិជ្ជរា និងវីដេអូ Trailer រឿងដំបូងរបស់នាងសម្ដែង ៖

July 25, 2019

រកឃើញអ្នកឈ្នះរង្វាន់១ពាន់ដុល្លារច្រើននាក់ពីស្រាបៀរអាន់ឆ័រ

រាជធានីភ្នំពេញ៖ កាលពីថ្ងៃទី ១៥ ខែកក្កដា ឆ្នាំ២០១៩ ស្រាបៀរអាន់ឆ័របានរៀបចំកម្មវិធីប្រគល់រង្វាន់ជូនអ្នកឈ្នះរង្វាន់ទឹកប្រាក់១ពាន់ដុល្លារចំនួន ២៣ រូបបន្ថែមទៀតពីកម្មវិធី “ឈ្នះរង្វាន់ស្រាបៀរនិងទឹកប្រាក់ដ៏ច្រើនសន្ធឹកសន្ធាប់ពីស្រាបៀរអាន់ឆ័រ” ដោយមានការអញ្ជើញចូលរួមពីថ្នាក់ដឹកនាំក្រុមហ៊ុនស្រាបៀរអាន់ឆ័រ ក្រុមការងារស្រាបៀរអាន់ឆ័រ អ្នកឈ្នះរង្វាន់ ភ្ញៀវកិត្តិយស និងអ្នកសារព័ត៌មានជាច្រើន។

កម្មវិធីឈ្នះរង្វាន់ស្រាបៀរនិងទឹកប្រាក់ដ៏ច្រើនសន្ធឹកសន្ធាប់ពីស្រាបៀរអាន់ឆ័រត្រូវបានរៀបចំឡើងជាពិសេសសម្រាប់អតិថិជនរបស់ស្រាបៀរអាន់ឆ័រក្នុងគោលបំណង ថ្លែងអំណរគុណដ៏ជ្រាលជ្រៅ និងបង្ហាញពីការយកចិត្តទុកដាក់ខ្ពស់របស់ក្រុមហ៊ុនស្រាបៀរអាន់ឆ័រចំពោះអតិថិជនដែលតែងតែគាំទ្រ និងនិយមជាវស្រាបៀរអាន់ឆ័រសម្រាប់គ្រប់កម្មវិធី គ្រប់ឱកាស។

អ្នកឈ្នះរង្វាន់ទឹកប្រាក់១ពាន់ដុល្លារចំនួន ២៣ រូបមកពីបណ្តាខេត្តក្រុងផ្សេងៗទូទាំងព្រះរាជាណាចក្រកម្ពុជា។
កម្មវិធីឈ្នះរង្វាន់ស្រាបៀរនិងទឹកប្រាក់ដ៏ច្រើនសន្ធឹកសន្ធាប់ពីស្រាបៀរអាន់ឆ័រចាប់ផ្តើមពីថ្ងៃនេះរហូតដល់ដំណាច់ឆ្នាំ ២០១៩។ រាល់ការជាវស្រាបៀរអាន់ឆ័រ លោកអ្នកនឹងមានឱកាសឈ្នះរង្វាន់ស្រាបៀរអាន់ឆ័រ១កំប៉ុង ១២កំប៉ុង ២៤ កំប៉ុង ព្រមទាំងរង្វាន់ទឹកប្រាក់ ១០០ (មួយរយ) ដុល្លារ ១០០០ (មួយពាន់ដុល្លារ និង១០០០០ (មួយម៉ឺន)ដុល្លារពីស្រាបៀរអាន់ឆ័រ។ ក្រុមហ៊ុននឹងរៀបចំពេលវេលាជូនអ្នកឈ្នះរង្វាន់ទឹកប្រាក់១ម៉ឺនដុល្លារ និងអ្នកឈ្នះរង្វាន់ទឹកប្រាក់១ពាន់ដុល្លារដើម្បីបើករង្វាន់ដ៏អស្ចារ្យនេះជារៀងរាល់ខែនៅការិយាល័យរោងចក្រស្រាបៀរអាន់ឆ័រ។ ចំពោះរង្វាន់ផ្សេងទៀតលោកអ្នកអាចបើកភ្លាមនៅតាមដេប៉ូចែកចាយស្រាបៀរអាន់ឆ័រ។ បញ្ជាក់៖ ដើម្បីបើករង្វាន់ លោកអ្នកត្រូវបង្ហាញសម្បកកំប៉ុង និងក្រវិលកំប៉ុងដែលឈ្នះរង្វាន់។

សូមប្រញាប់ឡើង! ជាវស្រាបៀរអាន់ឆ័រដើម្បីមានឱកាសឈ្នះរង្វាន់១ ម៉ឺនដុល្លារ រាល់ខែ! អ្នកឈ្នះបន្ទាប់អាចជារូបអ្នក!!!
ចំពោះព័ត៌មានបន្ថែម សូមទាក់ទងមកយើងខ្ញុំតាមរយៈលេខ៖ 092 333 900 / 010 833 000។
រីករាយស្រស់ថ្លា

ពិសាដោយការទទួលខុសត្រូវ៕

July 23, 2019

Author: អេបិល