តាមរយៈបណ្ដាញទំនាក់ទំនងសង្គមហ្វេសប៊ុករបស់តារាស្រី កញ្ញា ម៉ាក់ សែនសូនីតា ហៅតូតា បានប្រកាសឱ្យដឹងថា នាងកំពុងត្រៀមខ្លួនធ្វើជាថៅកែហាងស្រី ដែលនៅថ្ងៃទី15 ខែធ្នូ ឆ្នាំ2017នេះ ដោយនាងគ្រោងរៀបចំកម្មវិធីបើកសម្ពោធហាងផែសមុទ្រ ក្នុងក្រុងតាខ្មៅ ដែលនឹងមានវត្តមានតារាល្បីៗជាច្រើ់នចូលរួម ហើយកាន់តែពិសេសទៅទៀតនោះគឺមានវត្តមាន ពេជ្រ ថៃ និង នាយចឺម ផងដែរ។
![](https://scontent.fpnh3-1.fna.fbcdn.net/v/t31.0-8/25299688_1751635244908649_7739988809550469202_o.jpg?oh=8325150f623aa3ab947891d21e6e45b5&oe=5ACF2AA7)
ចាប់តាំងពី ពេជ្រ ថៃ ជាប់ជាជយលាភីក្នុងកម្មវិធី The Voice Kids Cambodia មក តារាវ័យក្មេងនេះបានព្យាយាមចេញកើបប្រាក់ក្នុងកម្មវិធីប្រគំតន្ត្រីជាច្រើនដែលរៀបចំដោយហង្សមាស ជាក់ស្តែងនៅល្ងាចថ្ងៃនេះ ពេជ្រ ថៃ ក៏នឹងត្រូវកើបប្រាក់ក្រៅទ្រនំខ្លួនផងដែរ គឺកម្មវិធីសម្ពោធហាងម៉ាក់ សែនសូនីតា ហៅតូតា។ នេះជាលើកដំបូងហើយ ដែលតារាចម្រៀងវ័យក្មេង ពេជ្រ ថៃ ជ្រកក្នុងទ្រនំរបងខ្ពស់ផលិតកម្មហង្សមាសនឹងបង្ហាញខ្លួនច្រៀងជាមួយតារាចម្រៀងដ៏ល្បីលំដាប់យុវវ័យក្នុងផលិតកម្មសាន់ដេ គឺនាយចឺម។
![](https://scontent.fpnh3-1.fna.fbcdn.net/v/t1.0-9/25158271_1751635361575304_318142383746095372_n.jpg?oh=e3be0c36cd8f27db57266ef6fb961249&oe=5A8C2067)
គួរបញ្ជាក់ផងដែរថា វត្តមានតារាកំប្លែងដែលបានចាកចេញពីស៊ីធីអិន ហើយផ្តោតលើការច្រៀងជាធំ រួមនឹងពេជ្រ ថៃ នេះនឹងធ្វើឱ្យកម្មវិធីសម្ពោធហាងនោះកក្រើកជាមិនខាន៕
![](https://scontent.fpnh3-1.fna.fbcdn.net/v/t31.0-8/25188910_1751632014908972_3339436697510718887_o.jpg?oh=0040181f8d8107a41dbc1286706bddae&oe=5AD1EA69)
![](https://scontent.fpnh3-1.fna.fbcdn.net/v/t31.0-8/25440315_1751632038242303_9172211873296128831_o.jpg?oh=4bfeb0478e4c31efdaa4bca68fe18258&oe=5AD0AFB4)
![](https://scontent.fpnh3-1.fna.fbcdn.net/v/t1.0-9/25152236_1751635341575306_9111488179151982619_n.jpg?oh=028c8a6808ffd85c5ff64104b58c8093&oe=5A8D94B6)