ការចាប់ផ្ដើមធ្វើអាជីវកម្មមួយ មិនមែនជារឿងងាយស្រួលនោះទេ ពីព្រោះវាមានធាតុផ្សំជាច្រើនរួមចូលគ្នា។ អ្វីដែលពិសេសនោះគឺថាប្រសិនបើអ្នកចាប់ដៃគូខុស នោះអាជីវកម្មរបស់អ្នកប្រាកដជាដួលរលំជាមិនខាន់។
ខាងក្រោមនេះគឺជាតិកនិកក្នុងការជួយអ្នកឱ្យជ្រើសរើសដៃគូអាជីវកម្មបានល្អ និងត្រឹមត្រូវ៖
១) មនុស្សដែលធ្លាប់មានបទពិសោធធ្វើអាជីវកម្ម វាពិតជាមានថាមពលនៅពេលដែលក្រុមការមួយទើបតែចាប់ផ្ដើមអាជីវកម្មថ្មី មានសមាជិកក្រុមដែលមានបទពិសោធក្នុងការជួយប្រតិបត្តិការនៅក្នុងអាជីវកម្មនោះ ហើយវានឹងមានហានិភ័យកាន់តែតិចផងដែរ។
២) មនុស្សដែលមានទេពកោសល្យ នៅពេលដែលចាប់ផ្ដើមដំបូងក្រុមហ៊ុនត្រូវតែមានសមាជិកដែលមានសមត្ថភាពក្នុងការជួយជ្រោមជ្រែងដើម្បីធ្វើឱ្យជីវកម្មមួយនេះអាចដំណើរការទៅមុខបាន។ អ្វីដែលពិសេសនោះគឺសមាជិកក្រុមម្នាក់ៗ ត្រូវតែជាមនុស្សដែលមានទេពកោសល្យក្នុងការធ្វើការងាររបស់ខ្លួន នោះទើបក្រុមហ៊ុនអាចរីកចម្រើនលូតលាស់ទៅមុខបាន។
៣) មនុស្សដែលមានទំនាក់ទំនងល្អ អាជីវកម្មមួយអាចរីកចម្រើនបានលុះត្រាតែក្រុមការងារមានមនុស្សដែលពូកែខាងផ្នែកទំនាក់ទំនង ពីព្រោះការដែលមានទំនាក់ទំនងល្អជាមួយនឹងអ្នកដទៃនឹងជួយឱ្យជីវកម្មរបស់អ្នករីកចម្រើនបានលឿនដោយសារតែមានគេស្គាល់ច្រើន។
៤) ការលះបង់ សមាជិកក្រុមការងាររបស់អ្នកត្រូវតែជាមនុស្សដែលមានការប្ដេជ្ញាចិត្តខ្ពស់ក្នុងការធ្វើការ ពីព្រោះការដែលមានប្ដេជ្ញាចិត្តខ្ពស់នឹងជួយធ្វើឱ្យអាជីវកម្មរបស់អ្នករីកចម្រើន។
៥) ទស្សនៈវិស័យវែងឆ្ងាយ អាជីវកម្មរបស់អ្នកមិនអាចរីកចម្រើនទៅមុនបាននោះទេ ប្រសិនបើមិនមានទស្សនៈវិស័យមួយច្បាស់លាស់ និងវែងឆ្ងាយ៕
