ព្រឹត្តិការណ៍

BYD នឹងផលិតរថយន្តអគ្គិសនីនៅប្រទេសថៃចាប់ពីត្រីមាសទីបី

April 1, 2024 by សឿន សំណាង

ក្រុមហ៊ុនចិន BYD បានប្រកាសថា នឹងចាប់ផ្ដើមផលិតរថយន្តអគ្គិសនីនៅឯរោងចក្ររបស់ខ្លួនក្នុងប្រទេសថៃ ចាប់ពីត្រីមាសទីបី ឆ្នាំ 2024។ ប្រកាសនេះត្រូវបានធ្វើឡើងក្នុងគ្រាដែល BYD ចូលរួមព្រឹត្តិការណ៍ពិព័រណ៍រថយន្តអន្តរជាតិបាងកកលើកទី 45 ដែលប្រារព្ធឡើងចាប់ពីថ្ងៃទី 27 ខែមីនា ដល់ថ្ងៃទី 7 ខែមេសា ឆ្នាំ 2024។ BYD មិនត្រឹមតែបង្កើតរោងចក្រផលិតរថយន្តអគ្គិសនីនៅប្រទេសថៃនោះទេ តែក៏កំពុងសង់រោងចក្រដំឡើងរថយន្តនៅប្រទេសហុងគ្រី និងប្រេស៊ីលផងដែរ។ ការផលិតរថយន្តអគ្គិសនីក៏បានចាប់ផ្ដើមនៅឯរោងចក្ររបស់ BYD ក្នុងប្រទេសអ៊ូសបេគីស្ថាន កាលពីដើមឆ្នាំនេះ។ ទោះជាយ៉ាងណាក៏ដោយ ទន្ទឹមនឹងបង្កើតរោងចក្រថ្មីនៅប្រទេសមួយចំនួន ក្រុមហ៊ុន BYD ក៏បានពន្យារពេលនៃការសង់រោងចក្ររបស់ខ្លួននៅក្នុងប្រទេសមួយចំនួន ក្នុងនោះមានដូចជា វៀតណាមជាដើម៕

ព្រះចន្ទចាប់ផ្ដើមគោចរលើគន្លងសូរ្យគ្រាសពេញលេញក្នុងឆ្នាំ 2024

March 26, 2024 by សឿន សំណាង

ព្រះចន្ទត្រូវបានផែនដីបាំងបាត់នៅវេលាទៀបភ្លឺថ្ងៃទី 25 មីនា 2024។ ក្រោយមក ព្រះចន្ទនឹងបាំងព្រះអាទិត្យទាំងស្រុងពីភ្នែកមនុស្សនៅលើផែនដីនៅថ្ងៃទី 8 ខែមេសាខាងមុខ។ រូបភាពមួយសន្លឹកត្រូវបានថតនៅពេលផ្កាយរណបរបស់អង្គការអវកាសអាម៉េរិក ណាសា នៅឯស្ថានីយអវកាសអន្តរជាតិ (ISS) នៅពេលវាហោះឡើងដល់កម្ពស់ប្រហែល 435 គីឡូម៉ែត្រ ពីលើតំបន់ភាគខាងត្បូងនៃមហាសមុទ្រហ្វាស៊ីហ្វិក នៅក្នុងគន្លងតារាវិថីពិសេសរបស់ព្រះចន្ទ។ ថ្ងៃទី 25 ខែមីនា បានចាប់ផ្ដើម «រដូវសូរ្យគ្រាស» ដំបូងរបស់ឆ្នាំ 2024។ វេលាទៀបភ្លឺ ថ្ងៃទី 25 ខែមីនា ព្រះចន្ទពេញវង់ និងត្រូវបានស្រមោលផែនដីបាំងបាត់។ ប៉ុន្តែ នេះមិនមែនជាចន្ទគ្រាសពេញលេញនោះទេ ព្រោះព្រះចន្ទគោចរឆ្លងកាត់ស្រមោលខាងក្រៅរបស់ផែនដីប៉ុណ្ណោះ។ ដោយឡែក ព្រឹត្តិការណ៍សូរ្យគ្រាសពេញលេញ នឹងកើតឡើងចាប់ពីម៉ោង 12 និង 53 នាទី ដល់ម៉ោង 5 និង 32 នាទី ថ្ងៃទី 8 មេសា ឆ្នាំ 2024។ ព្រឹត្តិការណ៍នេះនឹងឡើងដល់ចំណុចកំពូលនៅវេលាម៉ោង 3 និង 12 នាទីព្រឹក … Read more

ក្រុមហ៊ុន RMA Cambodia បានប្រារព្ធពិធីសម្ពោធជាផ្លូវការទីតាំងប្រគល់រថយន្ត ហ្វដ លំដាប់អន្តរជាតិ

March 16, 2024 by សឿន សំណាង

ក្រុមហ៊ុន អ អិម អេ (ខេមបូឌា) – RMA Cambodia ដែលជាក្រុមហ៊ុននាំចូល និងចែកចាយផ្តាច់មុខនូវរថយន្ត ហ្វដ មកកាន់ទីផ្សារព្រះរាជាណាចក្រកម្ពុជា បានប្រារព្ធពិធី “សម្ពោធជាផ្លូវការទីតាំងប្រគល់រថយន្ត ហ្វដ សាខាបឹងបៃតង” ក្រោមអធិបតីភាពរបស់ លោក ងន សាំង អគ្គនាយកនៃក្រុមហ៊ុន អ អិម អេ (ខេមបូឌា) និងលោក David Jeffrey នាយកគ្រប់គ្រងប្រចាំតំបន់ទីផ្សារអាស៊ីប៉ាស៊ីហ្វិក និងកូរ៉េខាងត្បូង នៃក្រុមហ៊ុន Ford Motor Company រួមទាំងគណៈគ្រប់គ្រង បុគ្គលិកនៃក្រុមហ៊ុន អ អិម អេ (ខេមបូឌា) ភ្ញៀវកិត្តិយស អតិថិជនហ្វដ និងមិត្តអ្នកសារព័ត៌មានប្រមាណជាង ២០០ នាក់។ លោក ងន សាំង អគ្គនាយកនៃក្រុមហ៊ុន អ អិម អេ (ខេមបូឌា) បានមានប្រសាសន៍ថា៖ “ក្រុមហ៊ុន … Read more

ឱកាសគយគន់ «ផ្កាយដុះកន្ទុយបីសាច»! មួយជីវិតអាចបានឃើញតែម្ដងគត់

March 15, 2024 by សឿន សំណាង

ផ្កាយដុះកន្ទុយ 12P/Pons-Brooks ដែលមានរហ័សនាមថា «ផ្កាយដុះកន្ទុយបីសាច» បច្ចុប្បន្ន កំពុងហោះឆ្ពោះមកកាន់តែជិតផែនដី។ អ្នកជំនាញឱ្យដឹងថា ដោយសារតែ ផ្កាយដុះកន្ទុយ 12P/Pons-Brooks មានពន្លឺភ្លឺខ្លាំង ដូច្នេះប្រជាជននៅប្រទេសជាច្រើននឹងមានឱកាសបានគយគន់វា។ យោងតាមក្រុមអ្នកវិទ្យាសាស្ត្រ ផ្កាយដុះកន្ទុយ 12P/Pons-Brooks នឹងហោះមកក្បែរព្រះអាទិត្យបំផុតនៅក្នុងថ្ងៃទី 21 មេសា 2024 និងស្ថិតនៅក្បែរផែនដីបំផុតក្នុងថ្ងៃទី 02 មិថុនា 2024។ សម្រាប់មនុស្សស្ទើរគ្រប់រូប នេះនឹងជាឱកាសតែមួយគត់ក្នុងជីវិត ដែលអាចបានឃើញផ្កាយដុះកន្ទុយនេះ ។ ព្រោះថា 71 ឆ្នាំទៀត ទើបវាហោះចូលមកដល់ខាងក្នុងប្រព័ន្ធព្រះអាទិត្យជាថ្មី ដែលព្រឹត្តិការណ៍នេះនឹងកើតឡើងនៅក្នុងខែសីហា ឆ្នាំ 2095។ សម្រាប់អ្នកដែលរស់នៅក្នុងអឌ្ឍគោលខាងជើង ពេលវេលាដែលអាចមើលឃើញ ផ្កាយដុះកន្ទុយ 12P/Pons-Brooks គឺនៅចុងខែមីនា 2024 ហើយវាក៏នឹងមិនបង្កគ្រោះថ្នាក់ដល់ភពផែនដី។ នេះបើតាមទីភ្នាក់ងារអវកាសអាម៉េរិក (ណាសា – NASA)។ ទំព័រ Live Science ឱ្យដឹងថា អ្នកវិទ្យាសាស្ត្រមួយចំនួនព្យាករថា ផ្កាយដុះកន្ទុយ 12P/Pons-Brooks អាចនឹងកញ្ជ្រោលខ្លាំងមួយលើកនៅក្នុងថ្ងៃទី 08 មេសា … Read more

Kia សង់រោងចក្រផលិត EV នៅប្រទេសថៃ ដើម្បីប្រជែងនឹង Toyota និង BYD?

March 7, 2024 by សឿន សំណាង

ក្រុមហ៊ុន Kia បានកែលម្អស្លាកយីហោ នៅពេលវិស័យឧស្សាហកម្មងាកទៅរករថយន្តអគ្គិសនី ដោយប្រើប្រាស់ឡូហ្គោ និងរចនាបថថ្មី។ ក្រុមហ៊ុនកូរ៉េខាងត្បូងមួយនេះ ក៏កំពុងឈានទៅរកការសម្រេចបានជោគជ័យជាមួយនឹងរថយន្តម៉ូដែល SUV អគ្គិសនីកៅអីបីជួរដំបូងរបស់ខ្លួន នោះគឺ EV9។ Kia បានបង្ហើបឱ្យដឹងអំពីរថយន្តអគ្គិសនីថ្មីនៅក្នុងព្រឹត្តិការណ៍ «ថ្ងៃ EV» កាលពីខែតុលា 2023។ ពួកគេបានបញ្ជាក់ថា SUV EV5 នេះ នឹងជាគូប្រជែងរបស់ Volvo EX30 និងមានតម្លៃចាប់ពី 35,000 ដុល្លារអាម៉េរិក។ ម៉ូដែល concept ថ្មីដែលត្រូវបានបង្ហាញនៅក្នុងព្រឹត្តិការណ៍នេះ គឺ EV3 និង EV4។ EV3 គឺជាម៉ូដែលរថយន្តអគ្គិសនីខ្នាតតូចរបស់ EV9 និងមានតម្លៃទាបជាង។ រថយន្តអគ្គិសនីគឺជាផ្នែកមួយនៃគម្រោងរបស់ Kia ដើម្បីធ្វើពិពិធកម្មរថយន្តអគ្គិសនីជាមួយនឹងតម្លៃទាប ចាប់ពី 30,000 ដល់ 80,000 ដុល្លារ។ Kia អាចនាំរថយន្តអគ្គិសនីដែលមានតម្លៃទាបទៅកាន់ទីផ្សារបរទេស មានដូចជា ថៃ ជាដើម ជាទីផ្សារដែលមានគូប្រជែងច្រើន ក្នុងនោះមាន Toyota … Read more

ផ្កាយមួយដួងនឹងផ្ទុះក្នុងឆ្នាំ 2024 ហើយអាចមើលឃើញដោយភ្នែកទទេ

March 4, 2024 by សឿន សំណាង

នៅកណ្ដាលកញ្ចុំផ្កាយ Hercules នឹងមានវត្ថុអវកាសមួយដែលមើលទៅដូចផ្កាយថ្មីទើបបង្ហាញខ្លួននៅលើផ្ទៃមេឃ។ យោងតាម Science Alert ហេតុការណ៍ផ្ទុះផ្កាយជិតនឹងកើតឡើងរបស់ T Coronae Borealis ដែលជាផ្កាយមួយគូ រួមមាន «ផ្កាយខ្មោចឆៅ» មួយដួង និងជនរងគ្រោះរបស់វា នឹងបញ្ចេញពន្លឺរហូតដល់ថ្នាក់មនុស្សនៅលើផែនដីអាចមើលឃើញវាដោយភ្នែកទទេ។ T Coronae Borealis ធ្លាប់បានផ្ទុះម្ដងរួចហើយកាលពីឆ្នាំ 1946។ យោងតាមការគណនារបស់អ្នកវិទ្យាសាស្ត្រនៅអង្គការណាសា ផ្កាយភ្លោះ T Coronae Borealis នឹងត្រូវផ្ទុះម្ដងទៀត នៅចន្លោះពីខែកុម្ភៈ ដល់ខែកញ្ញា ឆ្នាំ 2024។ បច្ចុប្បន្ន វាមិនទាន់ផ្ទុះ ដូច្នេះ អ្នកដែលចូលចិត្តវិស័យតារាសាស្ត្រ អាចទន្ទឹមរង់ចាំមើលព្រឹត្តិការណ៍នេះ ចាប់ពីពេលនេះរហូតដល់ដាច់ខែកញ្ញា។ តាមរយៈភ្នែកទទេ អ្នកនឹងបានឃើញចំណុចដែលភ្លឺមួយដូចទៅនឹងផ្កាយថ្មីមួយដួងទើបរះនៅកណ្ដាលកញ្ចុំផ្កាយ Hercules ជាទីដែលផ្កាយមួយគូខាងលើកំពុងស្ថិតនៅ។ ក្នុងនោះ ពន្លឺរបស់វា ភ្លឺស្មើនឹងផ្កាយ North Star។ T Coronae Borealis គឺជាប្រព័ន្ធផ្កាយមួយដែលបានឈានចូលដល់ដំណាក់កាលស្លាប់។ បច្ចុប្បន្ន វារួមមាន ផ្កាយយក្សក្រហមមួយដួង និងកូនផ្កាយក្រិនពណ៌ស (White … Read more

ក្រុមហ៊ុនទូរស័ព្ទចិន បង្ហាញរថយន្តអគ្គិសនី SU7 EV រត់បានឆ្ងាយជាងរាល់រថយន្តអគ្គិសនីបច្ចុប្បន្ន

February 27, 2024 by សឿន សំណាង

ក្រុមហ៊ុនចិន Xiaomi បានធ្វើឱ្យមានចំណាប់អារម្មណ៍ខ្លាំងនៅក្នុងព្រឹត្តិការណ៍ Mobile World Congress នៅ Barcelona គ្រាដែលតាំងបង្ហាញ SU7 ដែលជារថយន្តអគ្គិសនីដំបូងរបស់ខ្លួន។ នេះគឺជាលើកដំបូងហើយដែល SU7 ត្រូវបានបង្ហាញដោយផ្ទាល់ បន្ទាប់ពីត្រូវបានប្រកាសព័ត៌មានជាលើកដំបូងនៅប្រទេសចិន កាលពីចុងឆ្នាំមុន។ SU7 គឺជាម៉ូដែលសេដានកីឡា ដែលមានពណ៌ខៀវខ្ចីដ៏ទាក់ទាញ។ រថយន្តនេះបើប្រាស់ម៉ូទ័រអគ្គិសនីរបស់ Xiaomi និងអាចបង្កើនល្បឿនពី 0 ទៅ 100 គីឡូម៉ែត្រ/ម៉ោង ដោយប្រើពេលតែ 2.78 វិនាទី។ Xiaomi SU7 នឹងបំពាក់ថ្មផ្ទុកថាមពល 101 kWh ដែលអាចធ្វើដំណើរបានជាង 800 គីឡូម៉ែត្រ ឆ្ងាយជាងច្រើនបើធៀបនឹងបណ្ដារថយន្តអគ្គិសនីនាបច្ចុប្បន្ន។ រថយន្តនេះក៏មានបំពាក់មុខងារបញ្ចូលថាមពលលឿន ដែលអាចធ្វើដំណើរបាន 500 គីឡូម៉ែត្រ ក្រោយពីសាកថ្មបាន 15 នាទី។ អំពីបច្ចេកវិទ្យាវិញ SU7 ត្រូវបានបំពាក់ប្រព័ន្ធអង្គញាណដែលអនុញ្ញាតឱ្យវាបើកបរដោយស្វ័យប្រវត្ត រួមនឹងអេក្រង់កម្សាន្ត 16 អ៊ិញ និងអេក្រង់បង្ហាញព័ត៌មានសម្រាប់អ្នកបើកបរ ក៏ដូចជាប្រព័ន្ធបញ្ជាដែលអាចបង្វិលបានផងដែរ។ យោងតាម Absolute … Read more

ព្រឹត្តិការណ៍ពិសេសៗពីការសម្ពោធជាផ្លូវការនូវស្មាតហ្វូន OPPO Reno11 Series 5G

February 24, 2024February 24, 2024 by សឿន សំណាង

កម្មវិធីសម្ពោធស្មាតហ្វូនស៊េរីថ្មី OPPO Reno11 Series 5G បានសម្ពោធជាផ្លូវការហើយ ជាមួយនឹងបរិយាកាសដ៏អធិកអធម ក្រោមការយាងចូលរួមពីភ្ញៀវកិត្តិយសពិសេស ព្រះនាងតូច ជេនណា ជាមួយនឹងវត្តមានទូតសុច្ឆន្ទៈប្រចាំក្រុមហ៊ុន OPPO ទាំង 3 រូបគឺ ពេជ្រ វត្តីសារ៉ាវឌ្ឍី, ថេណា និងរ៉េត ស៊ូហ្សាណា ព្រមទាំងតារាប្រុសស្រីល្បីៗជាច្រើនរូប ដែលបានអញ្ជើញចូលរួមនៅក្នុងកម្មវិធីនេះ។ OPPO បានដាក់បង្ហាញស្មាតហ្វូន OPPO Reno11 Series 5G ជំនាន់ថ្មីរបស់ខ្លួនរហូតទៅដល់ 3 ម៉ូដែល ដែលរួមមាន Reno11 5G, Reno11 F និង Reno11 Pro 5G ទាំងការឌីហ្សាញ ប្រព័ន្ធកាមេរ៉ា កម្លាំងម៉ាស៊ីន និងបច្ចេកវិទ្យា AI គឺសុទ្ធសឹងតែជាបច្ចេកវិទ្យាចុងក្រោយ។ សម្រាប់ការរចនាឌីហ្សាញដ៏ថ្មីស្រឡាងដែលមិនធ្លាប់មានពីមុនមក បានបំផុសគំនិតពីធម្មជាតិពិតៗ ដែលផ្តល់ជូននូវភាពស្រស់ស្រាយរាល់ពេលដែលយើងសម្លឹងមើល។ រីឯ គុណភាពប្រព័ន្ធកាមេរ៉ាថតរូប Portrait បានអាប់ដេតកាន់តែប្រសើរជាងមុន ដែលធ្វើឲ្យអ្នកទទួលបានរូបភាពហាក់ដូចជាថតរូបក្នុងស្ទីឌីយោ … Read more

យានអវកាសឯកជនអាម៉េរិក ចុះចតដោយជោគជ័យលើឋានព្រះចន្ទ

February 23, 2024 by សឿន សំណាង

យាន Odysseus របស់ក្រុមហ៊ុន Intuitive Machines ត្រូវបានចារក្នុងប្រវត្តិសាស្ត្របន្ទាប់ពីបានក្លាយជាយានអវកាសឯកជនដំបូងគេដែលបានទទួលជោគជ័យក្នុងការចុះចតលើផ្ទៃព្រះចន្ទ កាលពីវេលាទៀបភ្លឺថ្ងៃទី 23 កុម្ភៈ ឆ្នាំ 2024 ម៉ោងនៅកម្ពុជា។ នេះគឺជាព្រឹត្តិការណ៍ដ៏អស្ចារ្យនៅក្នុងការស្រាវជ្រាវទីអវកាស។ កន្លងមកពុំដែលមានយានអវកាសឯកជនណាមួយធ្លាប់បានទទួលជោគជ័យក្នុងការចុះចតលើផ្ទៃព្រះចន្ទ និងមិនទាន់មានយានអវកាសណាមួយរបស់អាម៉េរិក ចុះចតលើផ្ទៃឋានរណបនេះនៅឡើយ រាប់ចាប់ពីក្រោយការចុះចតរបស់យានមានមនុស្ស Apollo 17 កាលពីខែធ្នូ ឆ្នាំ 1972។ ទីភ្នាក់ងារអវកាសអាម៉េរិក (ណាសា) មានផែនការកសាងមូលដ្ឋានមានមនុស្សសម្រាប់កម្មវិធី Artemis នៅតំបន់ប៉ូលខាងត្បូងរបស់ព្រះចន្ទ ជាទីដែលត្រូវបានគេជឿថា មានផ្ទុកទឹកកកយ៉ាងច្រើន។ ក៏ប៉ុន្តែ មុននឹងនាំមនុស្សឡើងទៅកាន់ទីនោះ ណាសាចង់ប្រមូលទិន្នន័យបន្ថែមទៀត ទាក់ទងនឹងតំបន់ដែលមិនសូវមានការស្រាវជ្រាវច្រើនមួយនេះ ក្នុងនោះរួមមានទាំងប្រភពទឹកជាដើម។ ដើម្បីឆ្លើយតបនឹងតម្រូវការខាងលើ ណាសាក៏បានបង្កើតកម្មវិធីដោយឡែកមួយដែលមានឈ្មោះថា CLPS (Commercial Lunar Payload Services) អនុញ្ញាតឱ្យបណ្ដាក្រុមហ៊ុនអាម៉េរិក អភិវឌ្ឍយានចុះចតលើផ្ទៃព្រះចន្ទបែបស្វ័យប្រវត្តិ ដើម្បីដឹកឧបករណ៍វិទ្យាសាស្ត្រ ហើយយាន Odysseus របស់ក្រុមហ៊ុន Intuitive Machines ក៏ស្ថិតក្នុងកម្មវិធីនេះផងដែរ៕

យន្តហោះអវកាសអាម៉េរិកលេចមុខមុនជើងហោះហើរដំបូង

February 5, 2024 by សឿន សំណាង

យន្តហោះអវកាស Dream Chaser ដែលអាចប្រើប្រាស់ឡើងវិញបានច្រើនដង និងអាចផ្ទុកទំនិញបាន 5,215 គីឡូក្រាម ត្រូវបានបង្ហាញនៅមុនបេសកកម្មហោះទៅកាន់ស្ថានីយអវកាសអន្តរជាតិ (ISS) ជាលើកដំបូង នៅចុងឆ្នាំនេះ។ ទីភ្នាក់ងារអវកាសអាម៉េរិក (ណាសា) និងក្រុមហ៊ុន Sierra Space នៅ Colorado កាលពីថ្ងៃទី 01 កុម្ភៈ 2024 បានអញ្ជើញក្រុមអ្នកយកព័ត៌មានទៅទស្សនា Dream Chaser ដោយផ្ទាល់។ នេះបើតាមទំព័រសារព័ត៌មាន Space។ ព្រឹត្តិការណ៍នេះកើតឡើងនៅក្នុងមូលដ្ឋានធ្វើតេស្ត Neil Armstrong របស់ណាសា នៅ Sandusky។ យន្តហោះអវកាស Dream Chaser និងម៉ូឌុលដឹកទំនិញដែលមានរហ័សនាមថា «Tenacity» និង «Shooting Star» ត្រូវបានដំឡើងបញ្ឈរត្រង់ដូចពេលត្រៀមបាញ់បង្ហោះ។ យានមួយគូនេះមានកម្ពស់ 16.8 ម៉ែត្រ ដែលប្រហាក់ប្រហែលនឹងរថយន្តដឹកសិស្សសាលាខ្នាតធំ។ ជើងហោះហើរដំបូងរបស់ Tenacity នឹងដឹកទំនិញរបស់ណាសា ឡើងទៅកាន់ ISS។ ក៏ប៉ុន្តែ មុនពេលហោះហើរជើងដំបូង Tenacity … Read more

ព្រឹត្តិការណ៍ប្រណាំងឈុតហោះហើរល្បឿនលឿនលើអាកាសដំបូងគេលើពិភពលោក

January 31, 2024 by សឿន សំណាង

ទីក្រុងឌូបៃប្រកាសថា នឹងប្រារព្ធព្រឹត្តិការណ៍នាំមុខគេ ប្រមូលផ្ដុំដោយក្រុមប្រណាំងដែលប្រើប្រាស់ឈុតហោះហើរល្បឿនលឿនមកពីជុំវិញពិភពលោក។ ក្រុមប្រឹក្សាកីឡាឌូបៃ ក្រោមការចង្អុលបង្ហាញរបស់រាជទាយាទឌូបៃ Sheikh Hamdan bin Mohammed bin Rashid AI Maktoum ថ្មីៗនេះបានប្រកាសអំពីការប្រារព្ធព្រឹត្តិការណ៍ប្រណាំងឈុតហោះហើរប្រតិកម្មឌូបៃ។ នេះនឹងជាព្រឹត្តិការណ៍ប្រណាំងឈុតហោះហើរល្បឿនលឿនដំបូងគេលើពិភពលោក ក្នុងនោះ កីឡាករចូលរួមនឹងប្រើប្រាស់ឈុតហោះហើរដើម្បីបង្ហាញសមត្ថភាព និងល្បឿននៅលើអាកាស។ នេះបើតាម Interesting Engineering ចុះផ្សាយកាលពីថ្ងៃទី 30 មករា 2024។ កីឡាករជំនាញ 8 នាក់ មកពីជុំវិញពិភពលោក រួមមាន Ahmed AI Shehhi របស់អេមីរ៉ាតអារ៉ាបរួម (UAE) ផងដែរ នឹងប្រឈមមុខដាក់គ្នាដើម្បីបញ្ជាក់ពីសមត្ថភាព។ ព្រឹត្តិការណ៍នេះនឹងត្រូវបានធ្វើឡើងក្រោមការឧបត្ថម្ភរបស់ Gravity Industries ជាក្រុមហ៊ុននាំមុខគេនៅក្នុងវិស័យបច្ចេកវិទ្យាឈុតសម្លៀកបំពាក់ហោះហើរល្បឿនលឿន។ យោងតាមការព្រមព្រៀងរវាងក្រុមប្រឹក្សាកីឡាឌូបៃ និង Gravity Industries ព្រឹត្តិការណ៍ប្រណាំងនេះនឹងកើតឡើងនៅថ្ងៃទី 28 កុម្ភៈ 2024 នៅក្នុងពិព័រណ៍នាវាឌូបៃ។ ភ្ញៀវដែលចូលរួមព្រឹត្តិការណ៍ពិព័រណ៍នេះនឹងមានឱកាសបានទស្សនាការប្រណាំងដ៏កម្រនេះ៕

ក្រុមហ៊ុនទូរគមនាគមន៍ឡាវ បង្ហាញប្រព័ន្ធសេវា 5G

January 11, 2024 by សឿន សំណាង

ក្នុងក្របខណ្ឌនៃសប្ដាហ៍ឌីជីថល់ឡាវឆ្នាំ 2024 (Lao Digital Week 2024) ក្រុមហ៊ុនទូរគមនាគមន៍ឡាវ (Lao Telecom) បានបង្ហាញប្រព័ន្ធ 5G ដែលមានកញ្ចប់សេវាកម្មពិសេស កាលពីថ្ងៃទី 10 មករា នៅរដ្ឋធានីវៀងចន្ទន៍។ ព្រឹត្តិការណ៍បង្ហាញប្រព័ន្ធ 5G នេះរួមមាន សកម្មភាពទទួលយកបទពិសោធន៍ផ្នែកបច្ចេកវិទ្យាថ្មីជាច្រើនដោយការប្រើប្រាស់ទិន្នន័យ 5G របស់ក្រុមហ៊ុន Lao Telecom។ ក្នុងនោះ មានជាអាទិ៍ បច្ចេកវិទ្យា VR, Drone, iFarm Solution, Cyber Security, Cloud Computing, HR Platform និង M-MoneyX ជាដើម។ នៅប្រទេសឡាវ ក្រុមហ៊ុន Lao Telecom មានស្ថានីយផ្សាយរលក 5G ចំនួន 28 នៅពាសពេញទីក្រុងវៀងចន្ទន៍។ Lao Telecom បញ្ជាក់ថា មានគម្រោងពង្រីកប្រព័ន្ធ 5G នៅតាមតំបន់ទេសចរណ៍ធំៗ … Read more