ផ្កាយរណប - La Reine Media

ការរីកចម្រើនផ្នែកអវកាសរបស់សហរដ្ឋអាម៉េរិក ធៀបនឹងប្រទេសចិន

May 20, 2023 by សឿន សំណាង

នៅក្នុងផ្នែកសំខាន់ៗ សហរដ្ឋអាម៉េរិកមិនត្រឹមតែមានប្រៀបលើសលុបលើប្រទេសចិននោះទេ ប៉ុន្តែក៏មានប្រៀបជាងបណ្ដាប្រទេសបូកចូលគ្នាផងដែរនៅក្នុងវិស័យអវកាស។ អំពីថវិកា៖ ឆ្នាំ 2021 ថវិកាសម្រាប់ផ្នែកអវកាសរបស់សហរដ្ឋអាម៉េរិកគឺប្រមាណ 59.8 ពាន់លានដុល្លារ ខណៈប្រទេសចិន មានប្រហែល 16.18 ពាន់លានដុល្លារប៉ុណ្ណោះ។ នេះបើតាម Svetla Ben-Itzhak សាស្ត្រាចារ្យរងផ្នែកអវកាស និងទំនាក់ទំនងអន្តរជាតិ ប្រចាំសាកលវិទ្យាល័យ Air (AU) របស់សហរដ្ឋអាម៉េរិក។ ផ្កាយរណប៖ គិតត្រឹមខែមេសា ឆ្នាំ 2023 នៅលើគន្លងតារាវិថីផែនដី មានផ្កាយរណបសរុប 5,465 គ្រឿងកំពុងដំណើរការ។ ក្នុងនោះ សហរដ្ឋអាម៉េរិកមាន 3,433 គ្រឿង ស្មើនឹង 63% ហើយឈរលំដាប់លេខមួយលើពិភពលោក។ ចំណែកប្រទេសចិនវិញ មានតែ 541 គ្រឿងប៉ុណ្ណោះ។ អវកាសយានដ្ឋាន៖ សហរដ្ឋអាម៉េរិកមានអវកាសយានដ្ឋានសម្រាប់បាញ់បង្ហោះយានអវកាសចំនួន 7 កំពុងដំណើរការក្នុង និងក្រៅប្រទេស គ្រាដែលយ៉ាងតិច 13 កន្លែងផ្សេងទៀតកំពុងស្ថាបនា។ ប្រទេសចិនមានអាកាសយានដ្ឋានកំពុងដំណើរការចំនួន 4 កន្លែង និង 2 កន្លែងទៀតកំពុងអភិវឌ្ឍទៅតាមផែនការ … Read more

ទិដ្ឋភាពភ្លើងឆេះព្រៃនៅពាសពេញពិភពលោក ដែលថតបានដោយផ្កាយរណប

July 28, 2022 by សឿន សំណាង

រូបភាពពីផ្កាយរណបបង្ហាញថា រលកកម្ដៅបានបង្កឱ្យមានករណីភ្លើងឆេះព្រៃនៅពាសពេញពិភពលោក ដែលបាតុភូតនេះអាចនឹងកើតឡើងកាន់តែច្រើនដោយសារតែបម្រែបម្រួលអាកាសធាតុ នេះបើតាមអ្នកវិទ្យាសាស្ត្រ។ ខាងក្រោមនេះគឺជាបណ្ដារូបភាពស្ដីពីភ្លើងព្រៃនៅពាសពេញពិភពលោក ដែលថតដោយផ្កាយរណប ៖ ១-រូបភាពផ្កាយរណប Landsat ថតបានកាលពីថ្ងៃទី ២៤ កក្កដា បង្ហាញអំពីភ្លើងព្រៃ Oak Fire កំពុងបំផ្លាញ California សហរដ្ឋអាម៉េរិក ៖ ២-ករណីភ្លើងព្រៃ (ក្នុងរង្វង់ពណ៌ក្រហម) កើតមានក្នុងតំបន់ជាច្រើននៅ ព័រទុយហ្គាល និង អេស្ប៉ាញ ដែលថតបានដោយផ្កាយរណប Suomi NPP របស់ ណាសា ៖ ៣-រូបថតពីផ្កាយរណបបង្ហាញអំពីផ្សែងកំពុងបាញ់ឡើងពីតំបន់ភ្លើងព្រៃនៅក្នុងខេត្ត Salamanca និង Caceres របស់ ប្រទេសអេស្ប៉ាញ កាលពីថ្ងៃទី ១៤ កក្កដា ៖ ៤-តំបន់ Leiria របស់ ព័រទុយហ្គាល ត្រូវបានបំផ្លាញស្ទើរតែទាំងស្រុងដោយភ្លើងព្រៃកាលពីថ្ងៃទី ១៥ កក្កដា ដោយមានស្នាមផេះដ៏ធំជាច្រើនកន្លែងនៅក្នុងរូបភាពនេះ ៖ ៥-ផ្សែងបាញ់ឡើងពីភ្លើងឆេះព្រៃនៅ La Teste-de-Buch ក្នុងតំបន់ Gironde … Read more

(វីដេអូ)-ស្ងាត់ៗ ប្រទេសចិន សាកល្បងបច្ចេកវិទ្យា «ចាប់យក» ផ្កាយរណបនៅទីអវកាស

February 22, 2022 by សឿន សំណាង

ក្រុមហ៊ុន ExoAnalytic Solutions បានរកឃើញថា ប្រទេសចិន សម្ងំសាកល្បងប្រើប្រាស់ឧបករណ៍ចាប់ផ្កាយរណបនៅពេលថ្ងៃ ជាអំឡុងពេលដែលគេពិបាកពិនិត្យដោយកែវយឹតពីផែនដី។ កាលពីសប្ដាហ៍កន្លង សារព័ត៌មាន DW បានរាយការណ៍ថា ក្រុមហ៊ុន ExoAnalytic Solutions បានរកឃើញថា ប្រទេសចិន កំពុងសម្ងំសាកល្បងប្រើប្រាស់ឧបករណ៍ចាប់ផ្កាយរណបនៅលើគន្លងគោចរផែនដី។ ExoAnalytic Solutions គឺជាក្រុមហ៊ុនឯកជនរបស់ សហរដ្ឋអាម៉េរិក ដែលមានឯកទេសខាងតាមដានផ្កាយរណប ដោយប្រើប្រាស់បណ្ដាញនៃកែវយឹតអុបទិកធំៗនៅជុំវិញពិភពលោក។ ថ្មីៗនេះ ក្រុមហ៊ុនខាងលើបានផ្ដល់ភ័ស្ដុតាងបង្ហាញថា ផ្កាយរណប SJ-២១ របស់ ចិន បានបាត់ខ្លួនចេញពីទីតាំងដើមកាលពីថ្ងៃទី ២២ មករា ២០២២។ ប្រការនេះបានកើតឡើងនៅពេលថ្ងៃ ជាអំឡុងពេលដែលគេពិបាកពិនិត្យមើលដោយប្រើកែវយឹតអុបទិក។ ក្រោយមក SJ-២១ ក៏ត្រូវបានរកឃើញថា ស្ថិតនៅក្បែរផ្កាយរណបមួយគ្រឿងផ្សេងទៀតរបស់ ប្រទេសចិន នោះគឺជាផ្កាយរណបដែលបានឈប់ដំណើរការ និងស្ថិតក្នុងប្រព័ន្ធកំណត់ទិស Beidou។ SJ-២១ បានចាប់យកផ្កាយរណបដែលបានងាប់ម៉ាស៊ីនហើយនោះ និងបានអូសវាទៅទិសខាងលិចក្នុងរយៈពេលច្រើនថ្ងៃបន្ទាប់។ មកដល់ថ្ងៃទី ២៦ មករា SJ-២១ ក៏បានដោះលែងផ្កាយរណបរបស់ BeiDou និងរុញវាចូលទៅក្នុង «គន្លងគោចរមរណៈ» ជាទីដែលត្រូវបានគេចាត់ទុកថាជា … Read more

កងកម្លាំងអវកាសសហរដ្ឋអាមេរិក បង្ហាញអាវុធវាយលុកទំនើបបំផុតរបស់ខ្លួន

March 14, 2020 by សឿន សំណាង

កងទ័ពអវកាសសហរដ្ឋអាមេរិក ចាប់ផ្ដើមបំពាក់ប្រព័ន្ធរំខាន និងប្រឆាំងទៅនឹងទំនាក់ទំនងនៃផ្កាយរណបរបស់សត្រូវ ដែលនេះជាលើកដំបូងហើយដែលកងទ័ពអវកាសកាន់កាប់អាវុធវាយលុកដ៏ទំនើប។ ពិធីប្រគល់ និងបំពាក់ប្រព័ន្ធប្រឆាំងនឹងប្រព័ន្ធទំនាក់ទំនង ដែលហៅកាត់ថា CCS (Counter Communication System) ត្រូវបានធ្វើឡើងកាលពីថ្ងៃទី12មីនាកន្លងទៅ នៅក្នុងបន្ទាយទ័ពអាកាស Peterson របស់សហរដ្ឋអាមេរិក។ “CCS គឺជាអាវុធវាយប្រហារតែមួយគត់ នៅក្នុងកងទ័ពអវកាសសហរដ្ឋអាមេរិក។ នេះគឺជាកំណែបន្ថែមដ៏សំខាន់ ជាមួយនឹងសមត្ថភាពប្រយុទ្ធរបស់កងទ័ព” នេះជាសម្ដីរបស់ Steve Brogan ប្រធានការិយាល័យប្រព័ន្ធប្រយុទ្ធនៃអង្គភាពគ្រប់គ្រងគម្រោងពិសេសរបស់កងកម្លាំងអវកាសសហរដ្ឋអាមេរិក ដែលបានថ្លែងនៅក្នុងពិធីខាងលើ។ CCS បានបង្ហាញខ្លួនជាលើកដំបូងក្នុងទ័ពអាកាសអាមេរិកាំង ចាប់ពីឆ្នាំ2004។ កំណែថ្មីរបស់វា គឺ CCS Block 10.2 មានសមត្ថភាពខ្ពស់ក្នុងការវាយប្រហារ ទៅតាមការចង់បានរបស់សហរដ្ឋអាមេរិក ហើយបន្ទាប់មក វាក៏ត្រូវបាននាំយកមកប្រើប្រាស់ក្នុងជួរកងទ័ពអវកាស។ មុខងារសំខាន់របស់ប្រព័ន្ធអាវុធខាងលើនេះ មិនត្រូវបានគេបង្ហើបឱ្យដឹងនោះទេ ក៏ប៉ុន្តែ អាវុធនេះ ប្រហែលជាអាចបង្កការរំខាន ឬរាំងខ្ទប់សញ្ញា និងព័ត៌មានដែលបញ្ជូនចេញពីផ្កាយរណបរបស់សត្រូវ។ កំណែមួយចំនួនរបស់ CCS រួមមានប្រព័ន្ធថាសអង់តែន និងឧបរកណ៍ជំនួយបច្ចេកទេស។ កងកម្លាំងអវកាស គឺជាកងប្រដាប់អាវុធទី6របស់សហរដ្ឋអាមេរិក ដែលត្រូវបានបង្កើតឡើងកាលពីខែធ្នូ ឆ្នាំ2019 ទៅតាមបញ្ជារបស់ប្រធានាធិបតី Donald Trump។ … Read more