ក្រុមហ៊ុន - La Reine Media

បាញ់ចរន្តអគ្គិសនីមួយលានវ៉ុលឱ្យរត់ឆ្លងកាត់មនុស្សដើម្បីឃោសនាឡានអគ្គិសនី

July 28, 2023 by សឿន សំណាង

អ្នកបង្ហាញម៉ូដត្រូវបានគេឱ្យស្លៀកពាក់ឈុតពិសេស រួចបាញ់ចរន្តអគ្គិសនីមួយលានវ៉ុលឱ្យរត់ឆ្លងកាត់រាងកាយ ដើម្បីផ្សព្វផ្សាយរថយន្តអគ្គិសនីថ្មីរបស់ក្រុមហ៊ុន Kia។ តារាម៉ូដែល Jodie Kidd ដែលជាអ្នកចូលចិត្តរថយន្តទំនើប ហើយក៏ជាពិធីការិនីទូរទស្សន៍ដែរនោះ បានយល់ព្រមឱ្យគេឆក់ខ្សែភ្លើង ប៉ុន្តែនាងនៅតែមានសុវត្ថិភាព បើទោះចរន្តអគ្គិសនីកម្លាំងមួយលានវ៉ុលរត់ឆ្លងកាត់រាងកាយ។ តាមការពិត នេះគឺជាការផ្សាយពាណិជ្ជកម្មឱ្យរថយន្ត SUV អគ្គិសនី Kia EV9 ថ្មី។ ដើម្បីអះអាងថា EV9 គឺជារថយន្ត SUV ដ៏ល្អសម្រាប់គ្រួសារ Kidd បានប្រើប្រាស់ឈុតសម្លៀកបំពាក់ពិសេសដែលមានមុខងារដូចទៅនឹងអង់តែនការពាររន្ទះ ដែលការពារនាងពីចរន្តអគ្គិសនីដ៏គ្រោះថ្នាក់ នៅពេលអនុញ្ញាតឱ្យអគ្គិសនីបាញ់ចេញពីម្រាមដៃ។ ឈុតសម្លៀកបំពាក់នោះគឺជាប្រភេទក្រណាត់ពិសេសម្យ៉ាងដែលមានពណ៌ប្រផេះ ហើយ Kidd ត្រូវពាក់គ្របជិតរាងកាយ ដូចនៅក្នុងរូបភាពខាងលើ។ បន្ទាប់ពីបានថតរូបខាងលើរួច Kidd ក៏ត្រូវបានតម្រូវឱ្យស្លៀករ៉ូបទៅតាមស្ដង់ដាអ្នកបង្ហាញម៉ូដ។ រូបភាពថ្មីនេះនឹងត្រូវបានកាត់តដើម្បីបង្កើតបានជារូបចុងក្រោយសម្រាប់ការផ្សាយពាណិជ្ជកម្ម។ និយាយឱ្យងាយយល់ តារាម៉ូដែលនេះត្រូវចរន្តអគ្គិសនីមួយលានវ៉ុលរត់ឆ្លងកាត់រាងកាយគឺជារឿងពិត ប៉ុន្តែមិនមែននៅក្នុងរ៉ូបធម្មតានៅក្នុងរូបថតផ្សាយពាណិជ្ជកម្មនោះទេ។ «ឈុតឆាកផ្សងព្រេងនេះគឺដើម្បីលើកកម្ពស់តម្លៃរបស់ថាមពលអគ្គិសនី និងអនាគតរបស់រថយន្តអគ្គិសនី នៅក្នុងឱកាសបង្ហាញរថយន្តអគ្គិសនីម៉ូដែលថ្មី Kia EV9» Kidd បកស្រាយដូច្នេះ។ ចំណែកក្រុមហ៊ុន Kia វិញ និយាយថា គោលដៅនៃការឃោសនានេះ គឺដើម្បីបញ្ជាក់ថា EV9 គឺជាម៉ូដែលរថយន្តអគ្គិសនីដ៏សមស្របសម្រាប់គ្រួសារដែលមានសមាជិកច្រើន។ … Read more

ស្បែកជើងដែល Apple ផ្ដល់ឱ្យបុគ្គលិក ត្រូវបានដាក់លក់ក្នុងតម្លៃរាប់ម៉ឺនដុល្លារ

July 28, 2023 by សឿន សំណាង

ស្បែកជើង sneakers មួយគូដែលក្រុមហ៊ុន Apple បញ្ជាឱ្យផលិតសម្រាប់បុគ្គលិកក្នុងអំឡុងទសវត្សរ៍ឆ្នាំ 1990 កំពុងត្រូវបានដាក់លក់ក្នុងតម្លៃ 50,000 ដុល្លារអាម៉េរិក។ ស្បែកជើងមួយគូដែលមានឈ្មោះថា Omega Sports Apple Computer ត្រូវបានដាក់លក់លើថ្នាល Sotheby’s មានពណ៌ស អមនឹងពាណិជ្ជសញ្ញា Apple ពណ៌ឥន្ទធនូ។ ខ្សែចងពណ៌ស ប៉ុន្តែមានអមនឹងខ្សែបម្រុងពណ៌ក្រហម។ យោងតាមព័ត៌មានលើថ្នាល Sotheby’s ស្បែកជើងមួយគូនេះត្រូវបានផលិតកាលពីឆ្នាំ 1990 ដើម្បីទុកផ្ដល់ជូនបុគ្គលិកមួយចំនួននៅក្នុងព្រឹត្តិការណ៍ផ្ទៃក្នុងមួយរបស់ Apple។ គិតមកដល់បច្ចុប្បន្ន មានស្បែកជើងដូចគ្នានេះតែពីរគូប៉ុណ្ណោះដែលត្រូវបានលក់ដោយការដេញថ្លៃ ក្នុងនោះមានមួយគូនៅឆ្នាំ 2017 និងមួយគូនៅឆ្នាំ 2020 និងលក់ក្នុងតម្លៃរាប់ពាន់ដុល្លារ។ ប៉ុន្តែ ស្បែកជើងមួយគូដែលទើបតែដាក់លក់នេះ មានតម្លៃខ្ពស់ជាងគេ គឺរហូតដល់ 50,000 ដុល្លារអាម៉េរិក។ កាលពីចុងទសវត្សរ៍ឆ្នាំ 1980 ក្រុមហ៊ុន Apple ធ្លាប់លក់សម្លៀកបំពាក់ក្រោមឈ្មោះ The Apple Collection។ ក៏ប៉ុន្តែក្រោយមក មុខជំនួញនេះមិនទទួលបានជោគជ័យ ហើយក៏ត្រូវឈប់ដំណើរការផលិត។

ម៉ូតូអគ្គិសនីរបស់ជប៉ុននឹងវាយលុកទីផ្សារអាស៊ីអាគ្នេយ៍ឆាប់ៗនេះ

July 27, 2023 by សឿន សំណាង

Honda Motor នឹងបង្ហាញម៉ូដែលនានារបស់ម៉ូតូអគ្គិសនីដំបូងរបស់ខ្លួននៅឥណ្ឌូណេស៊ី ព្រោះចាត់ទុកថា អាស៊ីអាគ្នេយ៍គឺជាទីផ្សារដែលមានសក្ដានុពលខ្លាំងសម្រាប់ម៉ូតូអគ្គិសនី។ ម៉ូតូអគ្គិសនីប្រភេទ scooter ដែលមានឈ្មោះថា EM1 e: របស់ Honda ដែលគ្រោងនឹងត្រូវបានដាក់លក់នៅប្រទេសជប៉ុននៅចុងខែសីហាខាងមុខ ក៏ជាម៉ូតូអគ្គិសនីដំបូងដែល Honda ផលិតឡើងសម្រាប់ទីផ្សារឥណ្ឌូណេស៊ី។ ម៉ូតូដែលអាចឱ្យធ្វើដំណើរបាន 53 គីឡូម៉ែត្រនេះ នឹងមានតម្លៃប្រហែល 300,000 យេន (2,100 ដុល្លារអាម៉េរិក) នៅប្រទេសជប៉ុន។ បើទោះព័ត៌មានលម្អិតស្ដីពីលក្ខណៈបច្ចេកទេសរបស់ EM1 e: មិនទាន់ត្រូវបានបង្ហើបឱ្យដឹង ប៉ុន្តែ តំណាងរបស់ Honda បានហៅម៉ូតូអគ្គិសនីនេះថា ជាម៉ូដែលមហាជនដំបូងរបស់ខ្លួន។ ក្រុមហ៊ុន Honda មានគម្រោងបញ្ចេញម៉ូតូអគ្គិសនីចំនួន 7 ម៉ូដែល និងលក់ឱ្យបាន 3.5 លានគ្រឿង ចាប់ពីពេលនេះដល់ឆ្នាំ 2030 ហើយគ្រោងនឹងផលិតតែម៉ូតូអគ្គិសនីសុទ្ធនៅពាក់កណ្ដាលទសវត្សរ៍ឆ្នាំ 2040៕

យុគសម័យនៃស្មាតហ្វូនត្រកូល Reno Series នឹងមកដល់ឆាប់ៗនេះ….

July 27, 2023 by សឿន សំណាង

ថ្មីៗនេះនៅតាមបណ្តាប្រទេសមួយចំនួនដូចជា ចិន ម៉ាឡេស៊ី ថៃ បានប្រកាសចេញលក់ជាផ្លូវការហើយនូវស្មាតហ្វូន OPPO ជំនាន់ចុងក្រោយ Reno10 Series 5G យ៉ាងជោគជ័យជាមួយសន្ទុះគាំទ្រខ្លាំងក្លាពីអ្នកប្រើប្រាស់ជុំវិញពិភពលោក។ អ្វីដែលចាប់អារម្មណ៍គឺស្មាតហ្វូននេះ នៅតែបន្តឈរឈ្មោះជា «អ្នកជំនាញ Portrait» ដើម្បីផ្តល់នូវបទពិសោធថតរូប និងវីដេអូល្អបំផុតប្រកបដោយបច្ចេកវិទ្យាច្នៃប្រឌិត ទំនើប និងឈានមុខគេក្នុងវិស័យស្មាតហ្វូន។ ចម្ងល់ជាច្រើនទៅលើ OPPO Reno10 Series តើពេលណានឹងបង្ហាញខ្លួននៅប្រទេសកម្ពុជា? គួររម្លឹកថាសម្រាប់ត្រកូល Reno Series បានបង្ហាញខ្លួននៅកម្ពុជា ជាមួយការច្នៃប្រឌិតអស់រយៈពេល 4 ឆ្នាំនិងចេញលក់នូវម៉ូដែលចំនួន 9 ជំនាន់មកហើយតាំងពី OPPO Reno រហូតដល់ OPPO Reno8 T Series ដែលបានចេញលក់កាលពីអំឡុងដើមឆ្នាំ 2023។ ដូចនេះតើនៅត្រីមាសទី 3 ក្នុងឆ្នាំ 2023 នេះ OPPO នឹងបង្ហាញតួឯកថ្មីក្នុងត្រកូល Reno នេះ? ទន្ទឹមគ្នានេះបើយោងតាមផុសមួយនៅលើ Facebook ផេគរបស់ OPPO … Read more

ឆេះកប៉ាល់ដឹករថយន្ត 3,000 គ្រឿង នៅលើសមុទ្រហូឡង់

July 27, 2023 by សឿន សំណាង

កប៉ាល់ដឹករថយន្ត 3,000 គ្រឿង បានឆាបឆេះនៅលើផ្ទៃសមុទ្រ បណ្ដាលឱ្យមនុស្សម្នាក់ស្លាប់ និងច្រើននាក់ត្រូវបង្ខំចិត្តលោតចូលសមុទ្រ។ កាលពីថ្ងៃទី 26 កក្កដា កប៉ាល់ Fremantle Highway ដែលមានបណ្ដោយ 199 ម៉ែត្រ កើតមានអគ្គិភ័យពេល ស្ថិតក្នុងតំបន់ដែលមានចម្ងាយប្រហែល 27 គីឡូម៉ែត្រពីកោះ Ameland របស់ប្រទេសហូឡង់ គ្រាដែលកំពុងធ្វើដំណើរពីប្រទេសអាល្លឺម៉ង់ ឆ្ពោះទៅកាន់ប្រទេសអេហ្ស៊ីប។ ប៉ូលិសល្បាតសមុទ្ររបស់ហូឡង់ បានឱ្យដឹងថា ក្រុមកប៉ាល់សង្គ្រោះបានបាញ់ទឹកទៅកាន់កប៉ាល់ Fremantle Highway ដើម្បីពន្លត់ភ្លើង ប៉ុន្តែមិនអាចប្រើប្រាស់ទឹកច្រើន ព្រោះអាចធ្វើឱ្យកប៉ាល់លិច។ កប៉ាល់នេះត្រូវបានទាញចេញពីផ្លូវទឹកដែលមានចរាចរណ៍មមាញឹក។ នៅលើកប៉ាល់ដឹកឡាន 3,000 គ្រឿងនេះ មាននាវិក 23 នាក់ ក្នុងនោះមានម្នាក់បានស្លាប់ និង 7 នាក់ត្រូវលោតចូលសមុទ្រ ខណៈដែលនាវិកក្រៅពីនេះត្រូវបានសង្គ្រោះដោយឧទ្ធម្ភាគចក្រ។ ក្រុមហ៊ុនជប៉ុន Shoei Kisen ដែលជាអ្នកគ្រប់គ្រងកប៉ាល់ខាងលើ បានឱ្យដឹងថា ពួកគេកំពុងធ្វើការជាមួយអាជ្ញាធរហូឡង់ ទាក់ទិននឹងហេតុការណ៍អគ្គិភ័យនេះ។ ប៉ូលិសហូឡង់និយាយថា មូលហេតុនៃអគ្គិភ័យមិនទាន់ត្រូវបានរកឃើញនៅឡើយ។ ក៏ប៉ុន្តែ អ្នកនាំពាក្យម្នាក់របស់កងកម្លាំងនេះ មុននោះបានបង្ហើបឱ្យដឹងថា … Read more

យានកង់ពិសេសដំណើរការដោយអគ្គិសនី អាចបើកបរឆ្លងកាត់ស្ទើគ្រប់ឧបសគ្គនៅលើដី

July 26, 2023 by សឿន សំណាង

ក្រុមហ៊ុន 18 Wheels ដែលមានទីស្នាក់ការនៅ Helsinki ប្រទេសហ្វាំងឡង់ បានបង្ហាញយានគំរូមួយប្រភេទដែលដំណើរការដោយថាមពលអគ្គិសនី និងមានកង់រហូតដល់ 18 គ្រាប់។ រចនារូបរាងពិសេសរបស់យាននេះ អនុញ្ញាតឱ្យវាធ្វើដំណើរក្នុងល្បឿនលឿននៅលើភូមិសាស្ត្រដែលមានឧបសគ្គកម្ពស់រហូតដល់ 20 សង់ទីម៉ែត្រ ដោយមិនត្រូវបន្ថយល្បឿន។ វាអាចរត់លើដើមឈើដែលផ្ដេកនៅលើដី ដុំថ្ម និងជណ្ដើរជាដើម។ នេះបើតាម New Atlas ចុះផ្សាយកាលពីថ្ងៃទី 25 កក្កដា 2023។ កង់នីមួយៗរបស់យានចម្លែកនេះប្រើប្រាស់ម៉ូទ័រអគ្គិសនីមួយគ្រឿង។ ដោយសារប្រព័ន្ធជើងក្រោមដ៏ពិសេស វាដំណើរការស្ទើរដូចទៅនឹងកង់របស់រថក្រោះ។ យាននេះត្រូវបានអភិវឌ្ឍឡើងដើម្បីធ្វើដំណើរលើភូមិសាស្ត្រដែលសម្បូរឧបសគ្គ និងមិនបង្កឱ្យមានការខូចខាតផ្ទៃដីដែលវាបានធ្វើដំណើរឆ្លងកាត់។ យានចម្លែកនេះត្រូវបានគេរៀបគម្រោងតាំងពីឆ្នាំ 2021 និងអភិវឌ្ឍកាលពីឆ្នាំ 2022 មុននឹងធ្វើការសាកល្បងនាពេលថ្មីៗនេះ ដូចដែលបានបង្ហាញនៅក្នុងវីដេអូខាងក្រោម។ ក្រុមអ្នកស្រាវជ្រាវកំពុងអភិវឌ្ឍកំណែគំរូទីពីរ ដែលគេជឿថា នឹងដោះស្រាយបញ្ហាដែលបានកើតឡើងនៅក្នុងការសាកល្បង។ កំណែគំរូទីពីរគ្រោងនឹងត្រូវបានផលិតបន្ទាប់ពីបានបញ្ចប់ការសាកល្បងនៅចុងរដូវក្ដៅឆ្នាំ2023៕

យានសម្រាប់បើកបរលើឋានព្រះចន្ទរបស់ Toyota និង Mitsubishi កំពុងត្រូវបានអភិវឌ្ឍ

July 26, 2023 by សឿន សំណាង

Toyota Motor និង Mitsubishi Heavy Industries បានប្រកាសសេចក្ដីលំអិតអំពីគម្រោងអភិវឌ្ឍបណ្ដាយានដំណើរការដោយថាមពលព្រះអាទិត្យ សម្រាប់បើកបរលើឋានព្រះចន្ទ។ យានទាំងនេះអាចត្រូវបានប្រើប្រាស់សម្រាប់គម្រោង Artemis ដែលដឹកនាំដោយសហរដ្ឋអាម៉េរិក ក្នុងបំណងនាំមនុស្សឡើងទៅកាន់ឋានព្រះចន្ទជាថ្មីនៅឆ្នាំ 2025។ នេះនឹងជាលើកដំបូងដែលមនុស្សឡើងទៅដើរលើឋានព្រះចន្ទ រាប់ចាប់ពីឆ្នាំ 1972។ យានបើកបរលើដីគ្រោងនឹងត្រូវបាននាំឡើងទៅកាន់ឋានព្រះចន្ទនៅឆ្នាំ 2029។ កាលពីថ្ងៃទី 21 កក្កដា 2023 ក្រុមហ៊ុន Toyota Motor និង Mitsubishi Heavy Industries (MHI) បានធ្វើសន្និសីទសារព័ត៌មានមួយ ជាមួយនឹងទីភ្នាក់ងារអវកាសជប៉ុន (JAXA) នៅតូក្យូ។ ថ្ងៃទី 21 កក្កដា ក៏ជាថ្ងៃដែល Apollo 11 ចុះចតលើផ្ទៃព្រះចន្ទកាលពី 54 ឆ្នាំមុន។ Toyota ចាប់ផ្ដើមសហការជាមួយ JAXA កាលពីឆ្នាំ 2019 ដើម្បីអភិវឌ្ឍរថយន្តសម្រាប់បើកបរលើឋានព្រះចន្ទ ដែលមានឈ្មោះថា Lunar Cruiser។ យាននេះត្រូវបានអភិវឌ្ឍឡើងដើម្បីបើកបរលើភូមិសាស្ត្រដែលមានឧបសគ្គច្រើន មានដូចជាវាលខ្សាច់ និងផ្លូវនៅតំបន់ភ្នំជាដើម។ … Read more

ទីក្រុងរបស់អង់គ្លេសជិតសាងសង់ប្រព័ន្ធថ្មផ្ទុកអគ្គិសនីធំជាងគេលើលោក

July 25, 2023 by សឿន សំណាង

អាជ្ញាធរបានអនុម័តលើគម្រោងសាងសង់ប្រព័ន្ធថ្មផ្ទុកថាមពលអគ្គិសនីធំជាងគេលើពិភពលោក នៅឯរោងចក្រផលិតអគ្គិសនីចាស់មួយ ក្នុងទីក្រុង Manchester ប្រទេសអង់គ្លេស ដើម្បីរក្សាថាមពលអគ្គិសនីសម្រាប់ការផ្គត់ផ្គង់ដល់គ្រួសារចំនួន 36,000 គ្រួ នៅក្នុងរយៈពេលមួយសប្ដាហ៍។ ក្រុមហ៊ុនថាមពល Carlton Power នឹងត្រូវការស្វែងរកទុន 963 លានដុល្លារអាម៉េរិក ដើម្បីអនុវត្តគម្រោង និងជ្រើសរើសអ្នកផ្គត់ផ្គង់។ រោងចក្រថ្មផ្ទុកអគ្គិសនីគឺជាវិធីដែលឆ្លើយតបនឹងតម្រូវការប្រើប្រាស់អគ្គិសនីជាបន្តបន្ទាប់ ដោយសារតែអគ្គិសនីពីប្រភពនានាដែលងាយនឹងរអាក់រអួលកាន់តែមានច្រើនឡើងៗ ក្នុងនោះមានដូចជារោងចក្រផលិតអគ្គិសនីពីកម្លាំងខ្យល់ និងកម្ដៅព្រះអាទិត្យជាដើម។ ប្រព័ន្ធថ្មផ្ទុកអគ្គិសនីអាចទាញយកអគ្គិសនីមករក្សាទុកនៅក្នុងថ្ងៃដែលសម្បូរពន្លឺព្រះអាទិត្យ ឬខ្យល់ ដោយការចំណាយទាប ហើយក្រោយមកក៏ផ្គត់ផ្គង់នៅពេលចាំបាច់។ តាមគម្រោង មូលដ្ឋាននេះនឹងផ្គត់ផ្គង់អគ្គិសនី 2,080 ម៉េហ្គាវ៉ាត់ ដែលប្រហាក់ប្រហែលនឹងរោងចក្រអគ្គិសនីខ្នាតមធ្យម នៅក្នុងមួយម៉ោង។ បច្ចុប្បន្ន គម្រោងនេះទទួលបានការអនុញ្ញាតពីអាជ្ញាធររួចហើយ។ តាមផែនការ ដំណើរការសាងសង់ប្រព័ន្ធថ្មផ្ទុកអគ្គិសនីនេះនឹងចាប់ផ្ដើមនៅត្រីមាសទីមួយរបស់ឆ្នាំក្រោយ។ ប្រព័ន្ធនេះក៏នឹងដំណើរការពាណិជ្ជកម្មចាប់ពីត្រីមាសទីបួនឆ្នាំ 2025។ បច្ចុប្បន្ន ប្រទេសអង់គ្លេសចង់អភិវឌ្ឍបណ្ដាញផលិតអគ្គិសនីពីកម្លាំងខ្យល់លើសមុទ្រដែលមានថាមពល 50 ជីហ្គាវ៉ាត់នៅឆ្នាំ 2030។ ក៏ប៉ុន្តែ ពួកគេត្រូវការបច្ចេកវិទ្យាដែលមានស្ថិរភាព ដើម្បីរក្សាទុកអគ្គិសនីសម្រាប់ផ្គត់ផ្គង់ក្នុងពេលមិនមានខ្យល់។ ដូច្នេះ គម្រោងខាងលើពិតជាសមស្រប និងអាចឆ្លើយតបតាមតម្រូវការ៕

មហាសេដ្ឋី Bill Gates មានមិត្តស្រីថ្មី! តើស្ត្រីរូបនេះជាអ្នកណា?

July 21, 2023 by សឿន សំណាង

Paula Hurd ដែលជាស្ត្រីម្នាក់កំពុងមានទំនាក់ទំនងស្នេហាជាមួយមហាសេដ្ឋីអាម៉េរិក Bill Gates គឺជាស្ត្រីមេម៉ាយ និងជាភរិយារបស់សពអតីត CEO របស់ក្រុមហ៊ុនបច្ចេកវិទ្យា Oracle ហើយធ្លាប់ធ្វើជាអ្នកគ្រប់គ្រងជាន់ខ្ពស់នៅក្នុងក្រុមហ៊ុនសបវ៉ែរ។ កាលពីចុងសប្ដាហ៍កន្លង Paula Hurd អាយុ 60 ឆ្នាំ បានបង្កការភ្ញាក់ផ្អើល នៅពេលរួមដំណើរជាមួយលោក Bill Gates អាយុ 67 ឆ្នាំ ទៅជួបកូនៗរបស់សហស្ថាបនិក Microsoft ក្នុងភោជនីយដ្ឋានមួយនៅ New York។ អ្នកស្រី Paula ពាក់ចិញ្ចៀនលើម្រាមដៃនាង ធ្វើឱ្យមានការសន្និដ្ឋានថា អ្នកស្រីបានភ្ជាប់ពាក្យជាមួយមហាសេដ្ឋី Bill Gates។ ក៏ប៉ុន្តែ តំណាងរបស់អ្នកស្រីនិយាយថា អ្នកស្រីបានពាក់ចិញ្ចៀននេះតាំងពីរាប់សិបឆ្នាំមុនមកម្ល៉េះ ហើយវាមិនតំណាងឱ្យការភ្ជាប់ពាក្យ។ លោក Bill Gates និងអ្នកស្រី Melinda French Gates បានលែងលះគ្នាកាលពីពាក់កណ្ដាលឆ្នាំ 2021 ក្រោយពីបានរស់នៅជាមួយគ្នាអស់ 27 ឆ្នាំ។ តាំងពីឆ្នាំ 2022 លោក … Read more

ទួរប៊ីនខ្យល់លើសមុទ្រធំជាងគេបង្អស់លើពិភពលោកចាប់ផ្ដើមដំណើរការ

July 21, 2023 by សឿន សំណាង

ទួរប៊ីនខ្យល់លើសមុទ្រធំជាងគេបង្អស់លើពិភពលោកចាប់ផ្ដើមដំណើរការនៅក្នុងខេត្ត Fujian ភាគអាគ្នេយ៍របស់ប្រទេសចិន និងតភ្ជាប់ជាមួយនឹងបណ្ដាញអគ្គិសនីកាលពីថ្ងៃទី 19 កក្កដា ឆ្នាំ 2023។ ក្រុមហ៊ុន China Three Gorges Corporation បានតភ្ជាប់ទួរប៊ីនខ្យល់លើសមុទ្រ កម្លាំង 16 ម៉េហ្គាវ៉ាត់ (MW) ដំបូងលើពិភពលោក ទៅនឹងបណ្ដាញអគ្គិសនី។ ដោយមានអង្កត់ផ្ចិតរង្វិលជុំប្រវែង 260 ម៉ែត្រ ទួរប៊ីនខ្នាតយក្សនេះនឹងផ្គត់ផ្គង់អគ្គិសនីស្អាតដល់តម្រូវការរបស់មនុស្ស 36,000 គ្រួសារនៅប្រទេសចិន។ ទួរប៊ីនខ្យល់ដែលមានឈ្មោះថា MySE 16-260 និងត្រូវបានផលិតឡើងដោយក្រុមហ៊ុន MingYang Smart Energy គឺជាទួរប៊ីនធំបំផុតដែលបានតភ្ជាប់ជាមួយនឹងបណ្ដាញអគ្គិសនី។ ម៉ូទ័រផលិតអគ្គិសនីក្នុងស្នូលដែលដាក់លើបង្គោលទួរប៊ីនកម្ពស់ 152 ម៉ែត្រ មានទម្ងន់ 385 តោន។ ស្លាបកង្ហារនីមួយៗមានប្រវែង 123 ម៉ែត្រ និងទម្ងន់ 54 តោន។ នៅពេលវិលបានមួយជុំ ស្លាបកង្ហារបក់ក្នុងទំហំផ្ទៃក្រឡា 50,000 ម៉ែត្រការ៉េ ស្មើនឹងទីលានបាល់ទាត់ស្ដង់ដាចំនួន 7 បូកចូលគ្នា និងបញ្ចូលអគ្គិសនី 34.2 … Read more

SpaceX បាញ់បង្ហោះផ្កាយរណប Starlink នៅពេលយប់ បង្កើតឱ្យមានទិដ្ឋភាពដ៏ស្រស់ស្អាត

July 21, 2023 by សឿន សំណាង

សន្សើមធ្លាក់ និងផ្ទៃមេឃស្រឡះល្អរបស់ California បានជួយបង្កើតទិដ្ឋភាពដ៏ទាក់ទាញនៅពេល SpaceX បាញ់បង្ហោះផ្កាយរណបនៅពេលយប់។ ក្រុមហ៊ុនអាម៉េរិក SpaceX បានបាញ់បង្ហោះផ្កាយរណប Starlink ចំនួន 15 គ្រឿងរបស់ខ្លួន ឡើងទៅកាន់គន្លងគោចរ នៅក្នុងមួយយប់ ដើម្បីបង្កើនវិសាលភាពអ៊ីនធើណិត។ ការបាញ់បង្ហោះដែលប្រើប្រាស់រ៉ុក្កែត Falcon 9 ត្រូវបានធ្វើឡើងនៅវេលាម៉ោង 9:09 យប់ ថ្ងៃទី 19 កក្កដា ម៉ោងនៅ California (ថ្ងៃទី 20 នៅកម្ពុជា) ពីមូលដ្ឋានរបស់ SpaceX ក្នុងបន្ទាយទ័ពអវកាស Vandenberg។ នេះគឺជាការបាញ់បង្ហោះលើកទី 10 របស់រ៉ុក្កែត Falcon 9 និងជាលើកទី 48 ក្នុងឆ្នាំនេះរបស់ SpaceX។ ប្រហែល 9.5 នាទីបន្ទាប់ពីបានបាញ់បង្ហោះ កំណាត់ដំបូងរបស់រ៉ុក្កែត បានចុះចតលើស្រឡាងស្វ័យប្រវត្តគ្មានមនុស្សបើកបររបស់ SpaceX មានឈ្មោះថា Of Course I Still Love … Read more

កប៉ាល់ទេសចរណ៍ខ្នាតយក្សផលិតក្នុងស្រុកដំបូងរបស់ចិន ចាប់ផ្ដើមដំណើរការ

July 20, 2023 by សឿន សំណាង

កប៉ាល់ទេសចរណ៍ខ្នាតយក្ស ប្រវែង 323.6 ម៉ែត្រ ដែលត្រូវបានប្រដូចទៅនឹងទីក្រុងអណ្ដែតចល័ត បានចាប់ផ្ដើមធ្វើដំណើរជើងដំបូងនៅលើសមុទ្រ ដែលនឹងចំណាយពេល 9 ថ្ងៃ។ កប៉ាល់ទេសចរណ៍ខ្នាតយក្សដំបូងដែលផលិតដោយវិស្វករក្នុងស្រុករបស់ប្រទេសចិន បានចាកចេញពីកំពង់ផែនៅសៀងហៃកាលពីថ្ងៃទី 17 កក្កដា ដើម្បីចាប់ផ្ដើមដំណើរការសាកល្បង។ កប៉ាល់ដែលមានឈ្មោះថា Adora Magic City (H1508) នេះ នឹងបរលើផ្ទៃសមុទ្រចំនួន 9 ថ្ងៃ។ នេះបើតាមទំព័រ CGTN ដកស្រង់ព័ត៌មានពីក្រុមហ៊ុនផលិតកប៉ាល់សៀងហៃ Waigaoqiao។ ដោយមានបណ្ដោយ 323.6 ម៉ែត្រ ទទឹង 37.2 ម៉ែត្រ និងទម្ងន់ 135,500 តោន កប៉ាល់ Adora Magic City អាចដាក់មនុស្សបានជាង 6,500 នាក់ នៅក្នុងកាប៊ីនចំនួន 2,826។ កប៉ាល់នេះត្រូវបានគេប្រដូចទៅនឹងទីក្រុងអណ្ដែតលើសមុទ្រ ព្រោះតែមានកន្លែងកម្សាន្តជាច្រើន។ Adora Magic City មានសាលមហោចស្រព ភោជនីយដ្ឋាន មជ្ឈមណ្ឌលពាណិជ្ជកម្ម សួនទឹក និងច្រករបៀងសិល្បៈ។ល។ … Read more