ក្រុមហ៊ុន ហ្វាន់ ហ៊្វូដ ឯ.ក គឺជាក្រុមហ៊ុនមួយដែលមានចក្ខុវិស័យ “ក្លាយខ្លួនជាក្រុមហ៊ុនមានភាពនាំមុខគេនៅក្នុងវិស័យម្ហូបអាហារនៅប្រទេសកម្ពុជា រួមជាមួយនឹងការផ្តល់ជូននូវម្ហូបអាហារប្លែកៗ ក៏ដូចជាសេវាកម្មដ៏ល្អឥតខ្ចោះ”។
ភោជនីយដ្ឋាន Hiko Teppanyaki ថ្មី សាខា ប៉េងហួតបឹងស្នោ យូរ៉ូផាក មានទីតាំងនៅ យូរ៉ូផាក ក្នុងគម្រោង បុរី ប៉េង ហួត បឹងស្នោ។ សាខាថ្មីនេះ មកកាន់តែជិតអតិថិជនដែលរស់នៅក្នុងគម្រោង បុរី ប៉េង ហួត បឹងស្នោ និងតំបន់ជុំវិញ។ ទីតាំងមានទំហំកាន់តែធំ រចនាបថប្លែក មានបន្ទប់ឯកជនធំៗ និង ឡោញ ដែលអាចទទួលអតិថិជនបានច្រើននាក់ទៀតផងដែរ។
ភោជនីយដ្ឋាន Hiko Teppanyaki ជាភោជនីយដ្ឋានបែបជប៉ុន ដែលអតិថិជន អាចបរិភោគអាហារស្រស់ៗ និងទទួលបានបទពិសោធន៍បរិភោគអាហារដែលចម្អិនដោយផ្ទាល់ពីចុងភៅ Teppanyaki ដែលមានបទពិសោធន៍និងជំនាញច្បាស់លាស់។ នៅភោជនីយដ្ឋាន Hiko Teppanyaki អតិថិជន អាចជ្រើសរើសមុខម្ហូបពិសេសៗជាង៩០មុខ ដូចជា សាច់គោអូស្រ្តាលី អាមេរិក ជប៉ុន សាច់ចៀម បង្កងតាកែវ បង្កងកាណាដា ក្តាមថ្ម ក្តាមអាឡាស្កា និងបន្លែស្រស់ៗ។
“ទោះបីជាមានការប្រកួតប្រជែងខ្លាំងក្នុងវិស័យម្ហូបអាហារ ហ្វាន់ ហ៊្វូដ បានជ្រើសរើសយកយុទ្ធសាស្រ្តផ្តោតលើគុណភាពអាហារ និងសេវាកម្ម ដោយប្រើប្រាស់គ្រឿងផ្សំដែលមានគុណភាពល្អ ក្នុងស្រុក និងក្រៅស្រុក” តាមប្រសាសន៍របស់លោក ងន ដេវីដសំបូរ នាយកក្រុមហ៊ុនហ្វាន់ហ៊្វូដ។
សព្វថ្ងៃនេះក្រុមហ៊ុន ហ្វាន់ ហ៊្វូដ ឯ.ក មានយីហោភោជនីយដ្ឋានចំនួន ៤ ដូចជា ភោជនីយដ្ឋាន ហ្វាន់ក្រែប ស៊ីហ្វូត (Fun Crab Seafood), ភោជនីយដ្ឋានម្ហូបខ្មែរ ម្រះព្រៅ (Mras Prov), The Cut Steakhouse និង Hiko Teppanyaki។
បច្ចុប្បន្ន ក្រុមហ៊ុន ហ្វាន់ ហ៊្វូដ ឯ.ក មានសាខាភោជនីយដ្ឋានចំនួន ៧ កន្លែងនៅ រាជធានីភ្នំពេញ ដោយរាប់បញ្ចូលទាំងភោជនីយដ្ឋាន Hiko Teppanyaki សាខា ប៉េងហួយបឹងស្នោយូរ៉ូផាក នេះ។
លោក ងន ដេវីដសំបូរ បានបញ្ជាក់ផងដែរថា ក្នុងឆ្នាំ២០២២ នេះ ក្រុមហ៊ុន ហ្វាន់ ហ៊្វូដ មានគម្រោងបើក ភោជនីយដ្ឋាន ៧កន្លែងបន្ថែមទៀតនៅកម្ពុជា ដែលរួមទាំងបង្កើតយីហោ និងរចនាបថថ្មីៗ។ ក្រុមហ៊ុនក៏មានផ្តល់ជូននូវសេវាកម្មរៀបចំម្ហូបអាហារដល់ទីតាំងរបស់អតិថិជន (Catering Service) ដែលមានម្ហូបច្រើនជម្រើស ដូចជា ម្ហូបខ្មែរ អឺរ៉ុប ជប៉ុន ជាពិសេសគឺម្ហូបជប៉ុនដែលចម្អិនដោយចុងភៅផ្ទាល់ ហៅថា “Teppanyaki at Home”។ ក្រុមហ៊ុន ហ្វាន់ ហ៊្វូដ មានបទពិសោធន៍ ផ្តល់សេវា Catering Service សម្រាប់កម្មវិធីតូចធំ ដែលមានភ្ញៀវរហូតដល់ ជាង៦០០០ នាក់។
ទំនាក់ទំនង
ទីតាំង ១៖ ស្ថិតនៅជាន់ទី១ នៃផ្សារទំនើបChip Mong Noro Mall លេខទូរសព្ទ៖ 023 88 57 67 / 096 767 57 67។
ទីតាំង ២៖ ស្ថិតនៅជាន់ផ្ទាល់ដី Design Village ផ្ទះលេខ ៦៤៥៣ ផ្លូវលេខ ១០០៣ ភូមិ ទំនប់១ សង្កាត់ភ្នំពេញថ្មី លេខទូរសព្ទ៖ 066 60 68 68 / 023 23 83 84។
ទីតាំង ៣៖ ស្ថិតនៅ ប៉េង ហួត បឹងស្នោ យូរ៉ូផាក ផ្ទះលេខ ផ្លូវលេខ ភូមិ សង្កាត់ លេខទូរសព្ទ៖ 085 333 510 / 023 238 927។
