ប្រយោជន៍របស់ផ្លែទទឹម

ផ្លែទទឹមឧត្តមសម្បូរទៅដោយគុណប្រយោជន៍ជាច្រើន ពេលនេះយើងនាំគ្នាមកមើលពីគុណប្រយោជន៍របស់ផ្លែទទឹមវិញប្រសើរជាង…។

1. ផ្លែទទឹម មានសារធាតុប្រឆាំងរ៉ាឌីកាល់សេរីច្រើនប្រភេទ ដែលមានប្រសិទ្ធភាពខ្ពស់ណាស់។
2. ទឹកផ្លែទទឹមដែលចម្រាញ់ចេញគ្រាប់ផ្លែទទឹម ក្រៅពីមានក្លិនក្រអូបគួរឱ្យចង់ញ៉ាំហើយនោះ នៅសម្បូរទៅដោយវិតាមីន A , C , E និងសារធាតុដែក កាល់ស្យូម និងម៉ាញេស្យូម ជាសារធាតុសំខាន់ដែលរាងកាយត្រូវការទៀតផង។
3. អាចកាត់បន្ថយសភាវការប្រមូលសន្សំជាតិខ្លាញ់ក្នុងជញ្ជាំងសរសៃឈាម ការពាររោគបេះដូងខ្វះឈាម។
4. ធ្វើឱ្យសរសៃឈាមដែលក្រាស់ បន្ថយកម្រាស់ចុះ និងកាត់បន្ថយជាតិខ្លាញ់មិនល្អដែលប្រមូលសន្សំនៅក្នុងសរសៃឈាមទៀតផង។
5. បើយកទឹកផ្លែទទឹមប្រមាណ 1ស្លាបព្រាកាហ្វេ មកលាបនៅលើផ្ទៃមុខ ទុកចោល 10នាទី ហើយលាងចេញដោយទឹកត្រជាក់ និងធ្វើបែបនេះជាប់ប្រចាំនោះ ស្បែកមុខរបស់អ្នកនឹងឡើងតឹងណែន និងមើលទៅឃើញកាន់តែក្មេងជាងវ័យឡើងទៀតផង ។
6. បំប៉នបេះដូងចំពោះអ្នកដែលកើតជំងឺបេះដូងខ្វះឈាម ដោយបង្កើនការហូរវិលនៃឈាមឱ្យល្អឡើង។
7. អាចជួយការពារស្បែកពីការបំផ្លាញរបស់កាំរស្មី អ៊ុលត្រា វីយ៉ូឡេ(UV) បាន។
8. ជួយពង្រឹងគ្រោងសាងសាច់ភ្នាសក្រោមស្រទាប់ស្បែក។
9. បញ្ចុះសម្ពាធឈាម បានប្រមាណ 5ភាគរយ។
10. បំប៉នថ្លើម ការពារការកើតជាតិពុលចំពោះថ្លើមបាន។
11. សារធាតុប្រឆាំងរ៉ាឌីកាល់សេរីរបស់ទឹកផ្លែទទឹម ជួយទប់ស្កាត់មហារីកសុដន់បាន។
12. សារធាតុចម្រាញ់ចេញពីផ្លែទទឹម ជួយទប់ស្កាត់កោសិកាមហារីកក្រពេញពងស្វាសរបស់បុរសបាន។

បច្ចុប្បន្ននេះ មនុស្សភាគច្រើនងាកមកយកចិត្តទុកដាក់រឿងសុខភាពកាន់តែខ្លាំងឡើង ហើយទឹកផ្លែទទឹមក៏ជាជម្រើសមួយសម្រាប់អ្នកស្រឡាញ់សុខភាពដែរ សាកល្បងបែរមកញ៉ាំទឹកផ្លែទទឹមជំនួសទឹកភេស្ជជៈកំប៉ុង ឬកាហ្វេវិញម្តង សុខភាពរបស់អ្នកច្បាស់ជាល្អឡើងមិនខាន៕