ប្រហែលមិនមែនជារឿងរបស់សំណាងល្អនោះទេ តែជារឿងរបស់ការមើលថែទាំយកចិត្តទុកដាក់របស់បុគ្គលម្នាក់ៗទៅវិញទេ ព្រោះការមានសុខភាពល្អ យើងត្រូវតែមើលថែទាំ ទើបវានៅជាមួយយើងបានយូរ។ សុខភាពនឹងល្អបានត្រូវប្រកបដោយ 2 បច្ច័យសំខាន់ៗគឺ “បច្ច័យសួនបុគ្គល” និង “បច្ច័យបរិស្ថានជុំវិញខ្លួន”។
បច្ច័យសួនបុគ្គល
មានដូចជា ពូជអម្បូរ ភេទ អាយុ និងវិធីការរស់នៅ។ យើងនឹងមើលឃើញថា ពូជអម្បូរគឺជាអ្វីដែលយើងមិនអាចជ្រើសរើសបានទេ ព្រោះបុព្វបុរសឱ្យជាប់ខ្លួនមកតាំងពីកំណើត ភេទ និងអាយុត្រូវដំណើរការទៅតាមធម្មជាតិ ឯ “វិធីការរស់នៅ” គឺជារឿងដែលមានឥទ្ធិពលចំពោះ ពូជអម្បូរ ភេទ អាយុ និងភាពឥតខ្ចោះរបស់សុខភាពខ្លាំងបំផុត ព្រោះថា បើមានវិធីការរស់នៅល្អ ក៏អាចជួយពន្យាររោគភ័យពីពូជអម្បូរ ពន្យារភាពទ្រុឌទ្រោមតាមវ័យបានដែរ និងដែលសំខាន់នោះគឺ យើងអាចកំណត់រូបបែបការរស់នៅបានផ្លាស់ប្តូរបាន និងគ្រប់គ្រងបានដោយខ្លួនឯង។
បច្ច័យបរិស្ថានជុំវិញខ្លួន
មិនថាតែធាតុអាកាស ទឹក ប្រព័ន្ធសុខាភិបាល បរិស្ថានខាងសរីរៈ បរិស្ថានខាងសង្គម នោះឡើយ សុទ្ធតែហុចផលដល់សុខភាពរបស់យើងដូចៗគ្នា និងក៏មានទាំងចំណែកដែលយើងអាចគ្រប់គ្រងបាន និងមិនអាចគ្រប់គ្រងបាន។
មនុស្សយើងនឹងមានសុខភាពល្អបាន ត្រូវមានតុល្យភាពក្នុងអង្គប្រកបផ្សេងៗរបស់ជីវិត
មិនថាតែរឿងការជ្រើសរើសអាហារការហូបចុក ការហាត់ប្រាណ ការគេងសម្រាក សម្ព័ន្ធភាពក្នុងសង្គម រហូតដល់វិធីការគិតដែលមានផលដល់សុខភាពផ្លូវចិត្តនោះឡើយ ដូច្នេះយើងមើលឃើញថា រឿងទាំងអស់នេះគឺជា “វិធីការរស់នៅ” ដែលមានតួនាទីចំពោះសុខភាពទាំងរាងកាយ និងផ្លូវចិត្តដែលយើងអាចគ្រប់គ្រងបានស្ទើរតែទាំងអស់ ឧទាហរណ៍ដូចជា ឧស្សាហ៍ហាត់ប្រាណជាប់ជាប្រចាំក្នុងមួយអាទិត្យ 3 – 5 ដង គេងលក់ឱ្យគ្រប់គ្រាន់រាល់ថ្ងៃ ការចាត់ការសភាពបរិស្ថានជុំវិញខ្លួន (ដែលអាចគ្រប់គ្រងបាន) ឱ្យល្អ កែសម្រួលទស្សនៈ និងវិធីគិតបែបវិជ្ជមាន បង្កើនផ្លូវចិត្តផ្នែកល្អ រួមទាំងកាត់បន្ថយភាពធុញថប់តានតឹងដោយវិធីផ្សេងៗទៀតផង ទាំងអស់នេះយើងអាចផ្លាស់ប្តូរ និងកែប្រែដើម្បីឱ្យមានគុណភាពជីវិតល្អឡើងបាន។ បើកែសម្រួលវិធីការរស់នៅក្នុងផ្នែកផ្សេងៗបានល្អហើយ តែមិនយកចិត្តទុកដាក់រឿងអាហារការហូបចុក និងនៅតែញ៉ាំតាមចិត្តចង់នោះ ក៏មិនមែនជារឿងល្អដែរ ព្រោះការមានសុខភាពដែលល្អត្រូវរួមទាំងការមានភោជនាហារដែលមានតុល្យការផងដែរ។
អាហារការហូបចុកនឹងជួយ “ថែរក្សា បង្កើន ការពារសុខភាពរបស់យើងឱ្យមានភាពរឹងប៉ឹងពេញ 100 %
រក្សា សុខភាពមូលដ្ឋានឱ្យស្ថិតនៅក្នុងកម្រឹតមាត្រដ្ឋាន ដើម្បីប្រព័ន្ធផ្សេងៗរបស់រាងកាយអាចធ្វើការងារបានយ៉ាងមានប្រសិទ្ធភាព។
បង្កើន ដើម្បីឱ្យមានភាពរឹងមាំខ្លាំងឡើង និងពន្យារភាពចុះខ្សោយឱ្យថយចុះ។
ការពារ ដើម្បីមិនឱ្យកើតរោគាព្យាធិផ្សេងៗមកបៀតបៀន។
ទាំងអស់នេះ ការនឹង “រក្សា បង្កើន កាពារសុខភាពរបស់យើង” ឱ្យល្អរហូតទៅបាននោះ ត្រូវតែបានទទួលសារធាតុអាហារ ខាងភោជនាហារយ៉ាងគ្រប់គ្រាន់។ សារធាតុអាហារដែលរាងកាយត្រូវការក្នុងមួយថ្ងៃៗមាន 5 ប្រភេទក្រុម គឺ ប្រូតេអ៊ីន ខ្លាញ់ ខាបូហាយដ្រេត វីតាមីន និងសារធាតុរ៉ែ ព្រមទាំងទឹកផងដែរ៕
