ផ្លែឈើ គឺជាជម្រើសដំបូងគេបង្អស់ដែលមនុស្សគ្រប់គ្នាមានការចាប់អារម្មណ៍ និងជ្រើសរើសទទួលទាននៅក្នុងបរិមាណច្រើនបំផុតនៅក្នុងយុគសម័យថែរក្សាសុខភាពបែបនេះ។ ដោយសារតែនៅក្នុងផ្លែឈើគ្រប់ប្រភេទទាំងអស់សម្បូរទៅដោយសារធាតុចិញ្ចឹមជាច្រើនមុខ ក៏ប៉ុន្ដែមានផ្លែឈើខ្លះក៏មិនស័ក្ដិសមសម្រាប់អ្នកដែលព្យាយាមរក្សាស្ថេរភាពទម្ងន់ ឬកំពុងសម្រកទម្ងន់ឡើយ ព្រោះថា ផ្លែឈើប្រភេទខ្លះងាយធ្វើឱ្យអ្នកឡើងគីឡូខ្លាំងណាស់។ ដូច្នេះហើយ ប្រសិនបើអ្នកនៅតែបន្ដទទួលទានផ្លែឈើទាំង9ប្រភេទនេះទម្ងន់របស់អ្នកក៏គ្មានថ្ងៃអាចបញ្ចុះបានដែរ។
ការបង្អត់អាហារ ហើយងាកមកទទួលទានផ្លែឈើជំនួសវិញនោះ មិនអាចចាត់ទុកថាជាជម្រើសដ៏ល្អនោះទេ តើនរណាទៅដឹងទៅថា “ផ្លែឈើ” ដែលមានឱជារសឆ្ងាញ់ មានក្លិនឈ្ងុយ និងមានគុណប្រយោជន៍ជាច្រើនយ៉ាងនោះ ក៏អាចសាងនូវផលលំបាកដល់អ្នកបានដែរ ជាពិសេសចំពោះរឿងឡើងគីឡូនេះតែម្តង។ជាការពិតណាស់ ផ្លែឈើ100% អាចចម្អែតក្រពះរបស់អ្នកមិនឱ្យឃ្លានបាន ហើយវាក៏អាចធ្វើឱ្យទម្ងន់របស់អ្នកឡើងបានដែរ។ ដោយសារតែជាតិស្ករដែលមាននៅក្នុងផ្លែឈើមានចំនួនច្រើនសមល្មម ហើយវាជួយផ្ដល់កម្លាំងដល់រាងកាយរបស់អ្នកកាន់តែច្រើន គឺដូចគ្នានឹងការទទួលទានបាយដែលមានប្រូតេអីុន និងបន្លែដែលមានហ្វៃបឺរ។ រាងកាយក៏អាចបំលែងម្សៅ និងជាតិស្ករដែលមាននៅក្នុងផ្លែឈើ ឱ្យក្លាយជាជាតិខ្លាញ់ ដែលអាចធ្វើឱ្យកើតរោគធាត់បានដោយមិនដឹងខ្លួន។ ដូច្នេះមុននឹងសម្រេចចិត្តបញ្ចុះទម្ងន់ដោយការទទួលទានផ្លែឈើ អ្នកគប្បីត្រូវសិក្សាពីព័ត៌មានលម្អិតឱ្យបានច្បាស់លាស់អំពីប្រភេទផ្លែឈើណាខ្លអដែលល្អចំពោះសុខភាព និងប្រភេទផ្លែឈើណាខ្លះ ដែលធ្វើឱ្យអ្នកកាន់តែធាត់ជាមុនសិន។
ផ្លែឈើ9ប្រភេទខាងក្រោមនេះ គឺងាយធ្វើឱ្យអ្នកឡើងគីឡូ និងមានជាតិស្ករជាច្រើននៅក្នុងវា សូមស្វែងយល់ទាំងអស់គ្នា ៖
1. ផ្លែធុរ៉េន
2. ផ្លែចេកពងមាន់ ចេកណាំវ៉ា និងចេកអំបូង
3. ផ្លែខ្នុរ
4. ផ្លែស្វាយទុំ
5. ផ្លែសាវម៉ៅ
6. ផ្លែមៀន
7. ផ្លែឡុងកុង
8. ផ្លែលាំងសាត (ផ្លែឈើថៃ)
9. ផ្លែល្មុត
ចំណុចគួរយល់ដឹង
ទឹកផ្លែឈើក្រឡុក ឬកៀប បើទោះបីជាមិនបានដាក់ស្ករបន្ថែម ក៏វាមានជាតិស្ករពីធម្មជាតិក្នុងបរិមាណច្រើនដែរ។ ប្រសិនបើអ្នកទទួលទានទឹកផ្លែឈើហើយ មិនបានហាត់ប្រាណ ដើម្បីដុតកម្ដៅក្នុងខ្លួនទេនោះ ក៏អាចបណ្ដាលឱ្យធាត់ជាងទទួលទានទឹកទៅទៀត។
ការដែលអ្នកជ្រើសរើសទទួលទានផ្លែឈើដែលមានរសជាតិសាប ឬជូរជំនួសអាហារមួយពេល ដូចជា ចេក ត្របែក ផ្លែប៉ោម ផ្លែស្រកានាគ និងផ្លែម្នាស់ជាដើមនោះ ក៏អាចចាត់ទុកថាជាវិធីសាស្ត្រដ៏គ្រោះថ្នាក់អាក្រក់មួយផងដែរ។ ចំពោះការទទួលទានផ្លែមង្ឃុតចំនួន3ផ្លែ គឺស្មើនឹងការទទួលទានបាយចំនួន1ចានដែរ។
បរិមាណស្ករដែលបានណែនាំក្នុងមួយថ្ងៃ គឺមិនត្រូវលើសពី4ស្លាបព្រាកាហ្វេ សម្រាប់កុមារ និង6ស្លាបព្រាកាហ្វេសម្រាប់មនុស្សពេញវ័យ។
ប្រសិនបើអ្នកទទួលទានទឹកបន្លែ ឬទឹកផ្លែឈើ 1កែវ ដែលមានបរិមាណ200មីលីលីត្រអ្នកនឹងទទួលបានជាតិស្ករប្រហែល 4ស្លាបព្រាកាហ្វេ ដែលសន្មត់ថា ស្មើនឹងកម្រិតជាតិស្ករពីអាហារដែលអ្នកទទួលទានប្រចាំថ្ងៃដែរ៕
