គុណប្រយោជន៍របស់ទឹកសូដានៅក្នុងអត្ថបទនេះ គឺការយកមកលាងមុខ ដើម្បីធ្វើការបើករន្ធរោមលើផ្ទៃមុខ ក្នុងការកម្ចាត់ធូលី និងវត្ថុកខ្វក់នៅលើផ្ទៃមុខ ព្រោះនៅក្នុងទឹកសូដា មានសារធាតុម្យ៉ាងដែលមានអនុភាពចូលទៅខាងក្នុងរន្ធរោមបានយ៉ាងមានប្រសិទ្ធភាពជាងទឹកធម្មតាហើយជួយលាងសម្អាតមេរោគ និងវត្ថុកខ្វក់ចេញពីរន្ធរោមនៅលើផ្ទៃមុខបានយ៉ាងប្រសើរ។ ខណៈដែលរន្ធរោមលាងសម្អាតហើយនោះ វាក៏បានបិទបង្រួមឱ្យតឹងស្អាតវិញ ដែលមិនធ្វើឱ្យកើតមុន និងជួយឱ្យស្បែកមុខភ្លឺរលោងបានផងដែរ។ គ្រាន់តែយកទឹកសូដាមកលុបលាងមុខរបស់អ្នកភ្លាមនោះ អ្នកនឹងមានអារម្មណ៍ថា ស្បែកមុខស្រស់ស្រាយ តឹងណែន គ្មានខ្លាញ់ និងធូលីដី ព្រមទាំងមិនធ្វើឱ្យស្បែកមុខងាយនឹងធ្លាក់យារ ឬមានស្នាមជ្រីវជ្រួញបានទៀតផង។
លក្ខណៈនៃអនុភាពរបស់ទឹកសូដា
1. ទឹកសូដាជួយបឺតយកធូលី និងបញ្ច្រៀបចូលរន្ធរោម
2. កម្ចាត់ធូលីកខ្វក់ចេញពីរន្ធរោម
3. រន្ធរោមចាប់ផ្ដើមបណ្តឹង និងបង្រួមជិត
4. លាងសម្អាតរន្ធរោម ដោយបញ្ជូលសារធាតុទឹកសូដានៅក្នុងរន្ធរោម។
នេះគឺជាវិធីក្នុងការលាងសម្អាតស្បែកមុខជាមួយទឹកសូដា ហើយអ្នកក៏អាចលាងសម្អាតស្បែកមុខដែលបានផាត់គ្រឿងសម្អាងជាមួយទឹកសូដាដូចគ្នា ដើម្បីឱ្យមុខរបស់អ្នកស្អាត និងស្រស់ថ្លាបំផុត។
1. សម្រាប់អ្នកដែលមានស្បែកស្ងួត និងស្បែកធម្មតា
ប្រើទឹកសូដាធម្មតា លាយផ្សំជាមួយទឹកសូដាដែលមានសារធាតុរ៉ែខ្ពស់ លាយបញ្ជូលគ្នានៅក្នុងអាងលាងមុខដែលសមល្មមសម្រាប់លាងមុខរបស់អ្នក បន្ទាប់មកត្រូវជ្រមុជមុខចូលទៅត្រាំជាមួយទឹកសូដាក្នុងរយៈពេល10-20វិនាទី។ អនុវត្តបែបនេះរាល់សប្ដាហ៍ ឬ2-3ដងក្នុងមួយសប្ដាហ៍ នោះស្បែកមុខរបស់អ្នកនឹកលែងមានមុន ព្រមទាំងស្នាមអុចខ្មៅនៅលើផ្ទៃមុខទៀតផង តែបែរជាមានផ្ទៃមុខស្រស់ថ្លាវិញ។
2. សម្រាប់ស្បែកមុខខ្លាញ់
ប្រើទឹកសូដាដែលមានសារធាតុរ៉ែច្រើន យកមកចាក់ចូលអាងលាងមុខ រួចជ្រមុជមុខចូលដូចគ្នា។បន្ទាប់មកកុំទាន់ជូតមុខឱ្យសោះ ត្រូវប្រើទឹកសូដាធម្មតាចាក់ចូលអាងលាងមុខម្ដងទៀត រួចជ្រមុជមុខរយៈពេល10-20វិនាទី ហើយលាងមុខចេញជាការស្រេច។ ធ្វើបែបនេះ 3ដងក្នុងមួយសប្តាហ៍ សារធាតុរ៉ែដែលមាននៅក្នុងទឹកសូដា នឹងជួយកម្ចាត់ជាតិខ្លាញ់ និងអាចការពារមិនឱ្យឡើងខ្លាញ់មុខនៅក្នុងរយៈពេលវែងបានថែមទៀតផង។
ពាក្យណែនាំ
មិនគួរជ្រមុជមុខក្នុងទឹកល្បាយក្នុងរយៈពេលយូរពេកនោះទេ ព្រោះអាចបណ្ដាលឱ្យរបកស្បែកមុខបាន ហើយប្រសិនបើនៅពេលអនុវត្តមានអាការឡើងកន្តួលរមាស់ ឬមានសភាពមិនប្រក្រតីចំពោះស្បែកមុខ អ្នកគួរតែបញ្ឈប់ការអនុវត្តជាបន្ទាន់ ពោលគឺដើម្បីការពារស្បែកមុខ និងសុំការណែនាំពីគ្រូពេទ្យស្បែកមុនពេលអនុវត្ត។ ហាមចំពោះក្រុមមនុស្សដែលមានស្បែកមុខងាយរងការរលាក (ស្បែកងាយប្រតិកម្ម) ស្បែកមុខស្ដើងឡើងសរសៃ និងស្បែកមុខមានបញ្ហាជាមួយគ្រឿងសម្អាង អ្នកគួរទទួលការណែនាំពីគ្រូពេទ្យជំនាញជាមុនសិន៕
