កូ​វីដ-១៩! កម្ពុជា រកឃើញ​អ្នក​ឆ្លង​ថ្មី ៤៥ នាក់​ទៀត ដែល​សុទ្ធតែជា​ករណី អូ​មី​ក្រុង

ក្នុងអំឡុង ២៤ ម៉ោង នៃ​ថ្ងៃទី ១៤ មករា ២០២២ កម្ពុជា បាន​រកឃើញ​អ្នក​វិជ្ជមាន​ថ្មី​នឹង​កូ​វីដ-១៩ សរុប ៤៥ នាក់ ដែល​សុទ្ធតែជា​ករណី អូ​មី​ក្រុង។ ទន្ទឹមនឹងនេះ កម្ពុជា ក៏មាន​អ្នកជំងឺ​ជាសះស្បើយ ១៧ នាក់​ថែមទៀត និង​ពុំមាន​ករណី​ស្លាប់​នោះឡើយ។

ក្នុងចំណោម​ករណី​ឆ្លង​ថ្មី មាន ១៦ នាក់ ជា​ករណី​ឆ្លង​ក្នុង​សហគមន៍ និង ២៩ នាក់ ជា​អ្នកដំណើរ​មកពី​បរទេស។