កងទ័ពកូរ៉េខាងត្បូង នាថ្ងៃទី 04 វិច្ឆិកានេះបានប្រកាសថា កូរ៉េខាងជើង បានបាញ់កាំភ្លើងធំប្រហែល 80 គ្រាប់ ទៅលើតំបន់ការពារយោធានៅតំបន់សមុទ្រភាគខាងកើតប្រទេសនេះ។
យោងតាម Yonhap កងទ័ពកូរ៉េខាងត្បូង នាថ្ងៃទី 04 វិច្ឆិកានេះបានប្រកាសថា កូរ៉េខាងជើង បានបាញ់កាំភ្លើងធំប្រហែល 80 គ្រាប់ទាំងយប់ទៅលើតំបន់ការពារយោធានៅតំបន់សមុទ្រភាគខាងកើតប្រទេសនេះ ដែលនេះជាការរំលោភលើកិច្ចព្រមព្រៀងឆ្នាំ 2018 ជាមួយនឹង កូរ៉េខាងត្បូង ស្ដីពីការកាត់បន្ថយភាពតានតឹងផ្នែកយោធា។
សកម្មភាពខាងលើបានកើតមានឡើងក្នុងពេលដែល កូរ៉េខាងជើង បន្តការបាញ់មីស៊ីលជាបន្តបន្ទាប់នាពេលកន្លង។
ដោយឡែកនៅក្នុងថ្ងៃទី 2-2 វិច្ឆិកា កូរ៉េខាងជើង បានបាញ់មីស៊ីលជិត 30 គ្រាប់ទៅកាន់សមុទ្រភាគខាងកើត និងភាគខាងលិចប្រទេសនេះ។
ក្នុងចំណោមមីស៊ីលដែល កូរ៉េខាងជើង បានបាញ់ មាន 1 គ្រាប់បានធ្លាក់ក្បែរដែនសមុទ្ររបស់ កូរ៉េខាងត្បូង និង 1 គ្រាប់ទៀតដែល កូរ៉េខាងត្បូង ជឿថាជាមីស៊ីលអន្តរទ្វីប Hwasong-17៕
