កងទ័ពរុស្ស៊ី សម្រុកចូលទីក្រុង Bergdyansk នៅភាគខាងត្បូងអ៊ុយក្រែន ឡោមព័ទ្ធ Chernihiv និងមូលដ្ឋាន Vasylki ដែលនៅក្បែរ រដ្ឋធានីកៀវ ធ្វើឱ្យ កងទ័ពអ៊ុយក្រែន ទទួលស្គាល់ថា ការប្រឈមមុខ «កាន់តែលំបាកឡើង»។
ការចាប់ផ្ដើមឡោមព័ទ្ធខាងលើនេះ ត្រូវបានធ្វើឡើងនៅពេលយុទ្ធនាការយោធាពិសេសរបស់ រុស្ស៊ី ឈានចូលដល់ថ្ងៃទី ។ រុស្ស៊ី ទំនងជាបានប្ដូរយុទ្ធសាស្ត្រ ក្រោយពីការសម្រុកទៅមុខរបស់ពួកគេ ជួបឧបសគ្គ ព្រោះតែការប្រឆាំងតបតយ៉ាងខ្លាំងក្លាពី កងទ័ពអ៊ុយក្រែន។
ឆ្លើយតបនឹងការឡោមព័ទ្ធរបស់ រុស្ស៊ី ភាគី សហភាពអឺរ៉ុប (EU) ប្រកាសផ្ដល់អាវុធធុនធ្ងន់បន្ថែម ក្នុងនោះមានទាំងយន្តហោះចម្បាំងផងដែរ ដល់ អ៊ុយក្រែន ទន្ទឹមនឹងការហាមឃាត់យន្តហោះទាំងអស់របស់ រុស្ស៊ី ហោះចូលដែនអាកាស។ រុស្ស៊ី បានទទួលស្គាល់ជាលើកដំបូងថា កងទ័ពរបស់ខ្លួនបានទទួលរងការបាត់បង់ជីវិត នៅក្នុងយុទ្ធនាការខាងលើ ប៉ុន្តែ មិនបានប្រកាសអំពីតួលេខជាក់លាក់។
