ពិភពលោកទាំងមូលត្រូវបានរាយការណ៍ថា មានអ្នកស្លាប់ដល់ទៅជាង370,000នាក់ក្នុងចំណោមអ្នកដែលបានឆ្លងវីរុសCOVID-19 ជាង6.1លាននាក់។
ប្រទេសនិងដែនដីចំនួន213ក្នុងពិភពលោក បានរកឃើញអ្នកផ្ទុកវីរុសCOVID-19 ចំនួន6,148,518នាក់ និងអ្នកស្លាប់370,472នាក់។ អ្នកជំងឺកើន122,427នាក់ និងអ្នកស្លាប់កើន4,057នាក់បើធៀបនឹងម្សិលមិញ។ អ្នកជំងឺបានជាសះស្បើយមានចំនួនជាង2.7លាននាក់។
ទ្វីបអាមេរិកមានអ្នកជំងឺCOVID-19 ច្រើនជាងគេ ក្នុងនោះអាមេរិកខាងជើងមានអ្នកជំងឺ2,043,719នាក់ អាមេរិកខាងត្បូងមាន844,621នាក់ ខណៈទ្វីបអឺរ៉ុបមាន2,004,226នាក់ អាស៊ីមាន1,107,530នាក់ និងទ្វីបអាហ្វ្រិកមាន143,769នាក់។
សហរដ្ឋអាមេរិកនៅតែជាសម្បុកមេរោគធំជាងគេក្នុងពិភពលោក ដោយមានអ្នកជំងឺសរុប1,815,717នាក់ និងអ្នកស្លាប់សរុប105,535នាក់ ក្នុងនោះអ្នកជំងឺកើន 22,454នាក់ ខណៈអ្នកស្លាប់កើន996នាក់បើធៀបនឹងមុននេះមួយថ្ងៃ។ ចំណែកប្រេស៊ីល មានអ្នកជំងឹសរុប498,440នាក់ និងអ្នកស្លាប់សរុប28,834នាក់។ រីឯប្រទេសរុស្ស៊ីវិញ មានអ្នកជំងឺសរុប396,575នាក់ និងអ្នកស្លាប់សរុប4,555នាក់៕
ប្រភព៖ សារព័ត៌មានបរទេស
