តហ្វូនអេក្រង់កោងដែល Oppo ឱ្យឈ្មោះថា (Waterfall screen) ត្រូវបានគេមើលឃើញនៅលើបណ្ដាញសង្គមចិន Weibo និងធ្វើឱ្យសារព័ត៌មានបច្ចេកវិទ្យានានា ដាក់រហស្សនាមថា “ជាស្មាតហ្វូនអេក្រង់កោងមិនធ្លាប់មានពីមុនមក”។
Oppo លេងម៉ូដអេក្រង់ស្ទើរតែពេញគែម 100% តែម្តង(93.8%) ថែមទាំងមានបង្កប់កាមេរ៉ានៅក្រោមអេក្រង់ ដូចកាលពីបានបង្អួតក្នុងព្រឹត្តិការណ៍ MWC នៅទីក្រុងស៊ាងហៃដូច្នោះដែរ។
អនុប្រធានក្រុមហ៊ុន Oppo លោក Brian Shen បានបង្ហោះរូបភាពប៉ុន្មានសន្លឹកនេះនៅលើបណ្តាញសង្គម Weibo ដោយបានបញ្ជាក់ថា អេក្រង់ថ្មីនេះ ប្រើបន្ទះអេក្រង់តូចជាងបន្ទះអេក្រង់របស់ស៊េរី Oppo Find X ទៅទៀត ប៉ុន្តែស្មាតហ្វូនគ្មានឈ្មោះរបស់ Oppo ចេញមកលើកនេះ បានបំពាក់ដោយអេក្រង់កោងរហូតដល់ 88ដឺក្រេ ជាពិសេសគឺ វាគ្មានប៊ូតុងនៅសងខាងឡើយ។ 
លោកបានឱ្យដឹងទៀតថា ស្មាតហ្វូនដែលបំពាក់អេក្រង់ Waterfall នេះ នឹងបង្ហាញខ្លួននៅឆ្នាំក្រោយ ហើយវានឹងកាន់តែធ្វើឱ្យពិភពលោកមានការភ្ញាក់ផ្អើលជាថ្មីម្តងទៀត បន្ទាប់ពីបច្ចេកវិទ្យាកាមេរ៉ាបង្កប់ក្រោមអេក្រង់ បានរៀបចំដោយជោគជ័យ៕
