លក្ខណៈបន្ទប់ទឹកអពមង្គល ដែលអូសទាញសំណាងអាក្រក់ចូលផ្ទះ…

ដោយសារមើលឃើញថា អត្ថបទមួយនេះមានសារៈប្រយោជន៍ល្អសម្រាប់ជីវិតរស់នៅរបស់មនុស្សយើង ថ្ងៃនេះ ទំព័រតុបតែងផ្ទះរបស់ទស្សនាវដ្តី ឡារ៉ែនសូមនាំមិត្តអ្នកអានមកដឹង និងយល់ច្បាស់អំពីលក្ខណៈ និងទីតាំងរបស់បន្ទប់ទឹកដែលមិនគួរមាននៅក្នុងគេហដ្ឋានរបស់យើងនៅពេលសាងសង់ដើម្បីទុកជាចំណេះដឹងដូចខាងក្រោម។

បន្ទប់ទឹក និងបង្គន់ បើស្ថិតនៅក្នុងទីតាំងជាន់លើ ចំកណ្ដាលផ្ទះ គឺជាទីតាំងអពមង្គលបំផុត ព្រោះនឹងហុចផលអាក្រក់ខាងលុយកាក់ និងសុខភាពរបស់អ្នកស្នាក់អាស្រ័យក្នុងអគារ ឬផ្ទះមួយខ្នងនោះ ដោយសារសមាជិកក្នុងផ្ទះគ្រប់គ្នាត្រូវដើរមុជក្រោមបន្ទប់ទឹក និងបង្គន់ជារៀងរាល់ថ្ងៃ ហើយអ្នកជំនាញខាងហុងស៊ុយបានបញ្ជាក់យ៉ាងច្បាស់ថា បន្ទប់ទឹកគឺជាទីកន្លែងដែលត្រូវបញ្ចេញភាពអពមង្គល បញ្ចេញកាកសំណល់ចោល ដូច្នេះទើបមនុស្សកាលពីសម័យមុនច្រើនរៀបចំ និងកំណត់ទីតាំងរបស់បន្ទប់ទឹក និងបង្គន់ឱ្យនៅឆ្ងាយពីអគារផ្ទះ។

តែដោយសារពេលបច្ចុប្បន្ន ផ្ទះដែលមនុស្សយើងនិយមរស់នៅ ច្រើនតែជាផ្ទះដែលមានទំហំតូច ឬជាលក្ខណៈផ្ទះក្នុងបុរីដែលមានការចេញម៉ូដ ប្លង់ និងមានទីកន្លែងសម្រាប់ប្រើការស្ថិតក្នុងទីតាំងងាប់(មិនអាចកែកុន ឬផ្លាស់ប្ដូរបាន)ដូចៗគ្នាសឹងតែទាំងអស់ មិនថាតែទីតាំងរបស់បន្ទប់គេង ជណ្ដើរ បន្ទប់ផ្ទះបាយ និងបន្ទប់ទឹក និងបង្គន់ជាដើម ទើបជាការពិបាកក្នុងការផ្លាស់ប្ដូរប្លង់ លើកលែងតែលោកអ្នកទិញដីសាងសង់ផ្ទះដោយខ្លួនឯង។

យើងនាំគ្នាមកមើលថា តើលក្ខណៈបន្ទប់ទឹកដែលស្ថិតនៅជាន់លើនៅជាប់ជណ្ដើរ ជាពិសេសទីតាំងចុងជណ្ដើរឡើងហ្នឹងតែម្ដង ដែលក្រៅពីបំផ្លាញជោគសំណាងដែលរំកិលខ្លួនឡើងមកជាន់លើហើយនោះ នៅបានសង្កត់ជាន់លើទីតាំងខាងក្រោមឱ្យអាប់ជោគដូចដែលបានរៀបរាប់មកទៀតផង។ តើវានឹងហុចផលអាក្រក់យ៉ាងណាខ្លះដល់អ្នកស្នាក់អាស្រ័យ? និងតើគួរពិចារណាពាក់ព័ន្ធនឹងសាស្រ្តាហុងស៊ុយលើផ្នែកនេះយ៉ាងណា?

1 . បន្ទប់ទឹកក្នុងលក្ខណៈដែលច្រើនតែស្ថិតក្នុងទីតាំងប្រធានរបស់ផ្ទះ

ហុចផលប៉ះពាល់ដល់អ្នកស្នាក់នៅក្នុងផ្ទះគ្រប់គ្នា ដោយនឹងធ្វើឱ្យកើតការឈឺថ្កាត់ញឹកញាប់ សុខភាពចុះទ្រុឌទ្រោម មិនរឹងមាំ។

2 . ទីតាំងបន្ទប់ទឹកដែលស្ថិតចំខ្សែផ្លូវនៃការរំកិលខ្លួនរបស់ថាមពល

នឹងបំផ្លាញជោគលាភសំណាង និងភាពជោគជ័យរបស់មនុស្សនៅក្នុងផ្ទះ ដូច្នេះក្រៅតែពីនឹងអាប់ជោគ ឃើញប្រាក់ មានឱកាសហើយ តែយកមិនបាន បាត់បង់ជោគសំណាងធំៗ។ ចូរប្រយ័ត្នត្រូវគេបោក និងបើបណ្ដោយឱ្យបន្ទប់ទឹកសើមអាប់ កខ្វក់ផងនោះ មនុស្សនៅក្នុងផ្ទះនឹងទទួលរងនូវផលប៉ះពាល់កាន់តែខ្លាំង។

3 . បន្ទប់ទឹកស្ថិតនៅចំទីតាំងកណ្ដាលផ្ទះ

ក្នុងវិជ្ជាហុងស៊ុយបានដាស់តឿនថា ក្រៅពីនឹងធ្វើឱ្យមនុស្សនៅក្នុងផ្ទះមានតែឧបសគ្គ និងបញ្ហាក្នុងការរស់នៅហើយ នៅធ្វើឱ្យជោគលាភសំណាងរួញថយចុះ ការងាររអាក់រអួល លុយកាក់ចុះខ្សោយ សុខភាពយ៉ាប់យ៉ឺន ឬមានឱកាសកើតជំងឺធ្ងន់ធ្ងរទៀតផង។

4 . ទីតាំងដែលបន្ទប់ទឹកសង្កត់ចុះមកនឹងនាំតែភាពក្ដៅក្រហាយមកឱ្យ

– សង្កត់ពីលើតុបាយនៅជាន់ក្រោម នឹងធ្វើឱ្យស្ថានភាពរឿងលុយកាក់តឹងតែង ប្រុងធ្វើរឿងអ្វីមួយ បានត្រឹមតែគិត តែពិបាកនឹងធ្វើបាន ព្រោះខ្វះឱកាស ឬខ្វះអ្នកគាំទ្រ(មិនស៊ីចង្វាក់គ្នា) បើធ្វើបាន ក៏ត្រូវប្រយ័ត្នប្រយែងការបរាជ័យដែរ។

– សង្កត់ពីលើជំនៀងផ្ទះជាន់ក្រោម នឹងធ្វើឱ្យមនុស្សនៅក្នុងផ្ទះឯកោ គ្មានអ្នកជួយដែលស្មោះត្រង់ពិត គ្មានជោគសំណាង មានការឈ្លោះប្រកែក ឬមានរឿងឈ្មោះទាស់ទែងគ្នាជាប្រចាំ។ ចំណុចសំខាន់ ចូរប្រយ័ត្នគ្រោះថ្នាក់ចរាចរណ៍ក្នុងពេលធ្វើដំណើរ។

– សង្កត់ចុះមកលើបន្ទប់ទទួលភ្ញៀវ ក្រៅពីនឹងធ្វើឱ្យមនុស្សក្នុងផ្ទះខ្វះការស្រឡាញ់ សាមគ្គីគ្នា​ រស់នៅបែបក្បាលអ្នកណា សក់អ្នកហ្នឹងហើយនោះ នៅធ្វើឱ្យមិត្តរួមការងារខ្វះភាពស្មោះត្រង់ជាមួយទៀតផង។

– សង្កត់ពីលើទ្វារក្រោយ នឹងធ្វើឱ្យមនុស្សនៅក្នុងផ្ទះចូលចិត្តចេញក្រៅផ្ទះ ឬត្រឡប់ចូលផ្ទះមិនទៀងពេល ធ្វើឱ្យកើតមានការព្រួយបារម្ភ ឬបន្ថែមបន្ទុកភារៈឱ្យអ្នកនៅក្នុងផ្ទះទៀតផង។

5 . បន្ទប់ទឹករឹតតែធំ ឬតុបតែងលម្អច្រើន នឹងបង្កើនថាមពលអពមង្គលច្រើនឡើងដែរ

ជាពិសេសបន្ទប់ទឹកដែលតុបតែងដោយឥដ្ឋការ៉ូពណ៌ធាតុទឹក មានរូបភាពទឹក ឬរក្សាទឹកនៅក្នុងបន្ទប់ច្រើនៗ ដូចជាមាន

អាងទុកទឹក ឬគ្រឿងផលិតទឹកក្នុងប្រព័ន្ធផ្សេងៗជាដើម។

វិធីកែខៃ អាចធ្វើបានដោយការដាក់ដុំឥដ្ឋនៅតាមជ្រុងទាំង 4នៃបន្ទប់ទឹក លាបពណ៌ទ្វារបន្ទប់ទឹកពណ៌ក្រហម ដាក់ផើងផ្កានៅក្នុងបន្ទប់ទឹក បំពាក់ភ្លើងឱ្យភ្លឺ ដើម្បីបន្ថយថាមពល «យិន» ឬបំពាក់វាំងននគជ់មុខបន្ទប់ទឹក៕

អត្ថបទពេញនិយម

អាការ​តាំង​គភ៌ថ្មីៗ និង14សញ្ញា​បញ្ជាក់ថាអ្នក​កំពុង​ជិត​ក្លាយជា​ម្តាយ​គេ​ហើយ

សម្រាប់​អាការ​របស់​អ្នក​តាំង​គភ៌​រយៈដំបូងៗ តើ​យើង​នឹង​ដឹង​យ៉ាងណា​បាន​ថា កំពុងតែ​មានគភ៌​ឬក៏​អត់? ព្រោះ​ក្នុង​រយៈ​ពេល​1សប្តាហ៍​ដំបូង អាច​និយាយបានថា ជា​អំឡុង​ពេលដែល​មិនសូវ​បង្ហាញ​អាការ​ប៉ុន្មាន​ឡើយ ហើយ​បើ​អីុចឹង តើនារីៗយើង​នឹង​ដឹង ហើយ​ប្រាកដ​ក្នុង​ចិត្ត​យ៉ាងណា​បាន​ទៅ​ថា...

អាការ9យ៉ាង​នៃ​អ្នក​ចាប់ផ្តើម​មាន​ផ្ទៃពោះ ដែលនារីៗទាំងឡាយ​គួរ​ដឹង

សញ្ញា​នៃ​ការតាំង​គភ៌​មិន​មែនមាន​ត្រឹមតែ​ការ​ក្អួតចង្អោរ​ប៉ុណ្ណោះ​ទេ ព្រោះ​អាការ​របស់​អ្នកមាន​ផ្ទៃពោះ​ក្នុង​រយៈ​ដំបូង​អាច​មិន​ដូចគ្នា​ទាំងអស់​នោះទេ អ្នកខ្លះ​ចាញ់​ខ្លាំង ឬ​អ្នកខ្លះ​សឹងតែ​គ្មាន​អាការ​ចាញ់កូន​សោះ​ក៏មាន ឯ​អ្នក​ខ្លះទៀត​កើត​អាការប្លែកៗដែល​ធ្វើឱ្យ​យល់ច្រឡំ​ថា ជា​អាការ​ជំងឺ​អ្វីមួយ​ទៅវិញ ដូច្នេះ​នៅពេលនេះ ឡា​រ៉ែ​ន សូម​រួបរួម​អាការ​របស់​អ្នកមាន​ផ្ទៃពោះ​ក្នុងលក្ខណៈផ្សេងៗមក​ជម្រាប​ជូនជ្រាប...

ត្រូវតែដឹង… អាការឈឺពោះផ្នែកខាងស្ដាំបញ្ជាក់ប្រាប់ពីជំងឺអ្វីខ្លះ?

នរ​ណាៗ​ក៏​ដឹង​ដែរ​ថា​ អាការ​ឈឺពោះ​នេះ​ នៅពេល​ដែល​វា​កើតឡើង​ហើយ​ តែងតែ​សាង​នូវ​ក្ដី​លំបាក​ដល់​រាងកាយ​របស់​យើង​ខ្លាំង​ណាស់​ មិនថា​តែ​ឈឺពោះ​ផ្នែក​ខាងឆ្វេង​ ឬផ្នែក​ខាងស្ដាំ​ឡើយ​។ បើសិនជា​អាការ​ឈឺ​ក្នុង​លក្ខណៈ​នោះ​កើតឡើង​ចំពោះ​យើង​ញឹកញាប់​ នោះ​វា​អាច​ជា​សញ្ញា​មួយ​ដែល​ប្រាប់​ឱ្យ​យើង​ដឹង​អំពី​បញ្ហា​សុខភាព​ដែល​កំពុង​ជិត​មកដល់​ ដូច្នេះ​សូម​ឱ្យ​នឹក​ឃើញ​ជាប់​ជានិច្ច​ថា​...

វិធីពន្លឿនការមករដូវប្រចាំខែ ឱ្យធ្លាក់លឿនជាងមុន មិនមានគ្រោះថ្នាក់ និងទទួលបានផលល្អ

ការមករដូវ គឺជារឿងធម្មតាសម្រាប់ស្ត្រី ប៉ុន្តែស្ត្រីមួយចំនួនអាចមានបញ្ហាមករដូវមិនប្រក្រតី ហើយមានស្ត្រីខ្លះឆាប់មករដូវ ខ្លះទៀតបាត់រដូវ រដូវមកមិនទៀងទាត់ ឬមករដូវយឺតជាដើម។ ស្ត្រីខ្លះអាចរាំងរដូវរហូតដល់គិតថា អ្នកមានផ្ទៃពោះម្តងទៀត...

ឈឺពោះខាងស្តាំ… អាការឈឺនេះបញ្ជាក់ពីជំងឺអ្វីបានខ្លះ?

ឈឺពោះខាងស្តាំញឹកញាប់ រហូតចាប់ផ្តើមនឹកចម្លែកចិត្តចំពោះខ្លួនឯង ថាអេះ៎? អាការឈឺពោះខាងស្តាំនេះកំពុងតែប្រាប់ពី ហេតុអ្វីម្យ៉ាងនៅក្នុងរាងកាយឱ្យយើងដឹងទេដឹង?។ អាការឈឺពោះខាងស្តាំ មិនថាតែផ្នែកខាងលើ ខាងក្រោម ឬឈឺពោះម្តុំក្រោមឆ្អឹងជំនីនោះឡើយ គ្រប់អាការឈឺពោះដែលកើតឡើងសុទ្ធតែមានដើមកំណើតរបស់វាទាំងអស់...

ថ្នាក់ដឹកនាំនៃក្រសួងរៀបចំដែនដី នគរូបនីយកម្ម និងសំណង់ កៀរគរក្រុមហ៊ុនជប៉ុនឱ្យមកបណ្ដាក់ទុនវិនិយោគនៅកម្ពុជាបន្ថែមទៀត

(ភ្នំពេញ)៖ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានទទួលជួបសម្ដែងការគួរសម និងពិភាក្សាការងារជាមួយសមាគមជប៉ុន-កម្ពុជា...

កម្ពុជាក្លាយជាម្ចាស់ផ្ទះរៀបចំកម្មវិធីប្រគល់ពាន​រង្វាន់​​អាស៊ានសម្រាប់​អាជីវកម្ម​ និងធុរកិច្ច​​ ឆ្នាំ២០២៤

ភ្នំពេញ ៖​  ពាន​រង្វាន់​​អាស៊ាន ​សម្រាប់​អាជីវកម្ម​ និងធុរកិច្ច​​ ដែល​បានជួយ​កិច្ច​ការ​សង្គម​ប្រចាំឆ្នាំ ២០២៤ ​ត្រូវ​បានរៀបចំឡើង​នៅរាជធានីភ្នំពេញ​ប្រទេស​កម្ពុជា កាលពីរាត្រីថ្ងៃទី...

ពិព័រណ៍ពាណិជ្ជកម្មកម្ពុជា នឹងចាប់ផ្តើមនៅពាក់កណ្តាលខែធ្នូ ឆ្នាំ២០២៤នេះហើយ

ជាព្រឹត្តិការណ៍ប្រវត្តិសាស្រ្តរបស់ប្រទេសកម្ពុជាមួយទៀត ដែលជាឱកាសដ៏ល្អសម្រាប់ភ្ញៀវជាតិ និងភ្ញៀវអន្តរជាតិ ដែលជាពាណិជ្ជករ ផលិតករ វិនិយោគិន និងសាធារណជន ដើម្បីមកជួបជុំគ្នា មានទំនាក់ទំនងជាមួយគ្នាជាលក្ខណៈផ្លូវការ...

សម្ដេចធិបតី ហ៊ុន ម៉ាណែត ៖ វិថីតេជោសន្តិភាពឆ្នេរអង្កោល ជាសរសៃឈាមមួយដ៏សំខាន់ សម្រាប់ការតភ្ជាប់សហគមន៍ទេសចរណ៍

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នាព្រឹកថ្ងៃទី១១ ខែវិច្ឆិកា ឆ្នាំ២០២៤ ក្នុងឱកាសអញ្ជើញសម្ពោធដាក់ឱ្យដំណើរការជាផ្លូវការនូវវិថីតេជោសន្តិភាពឆ្នេរអង្កោល នៅខេត្តកែប...

អត្ថបទស្រដៀងគ្នា