គម្រោងបង្កើតរោងចក្រកាត់ដេរសម្លៀកបំពាក់​ថ្មី​​មួយ​ទៀត ទទួល​បាន​ការ​អនុម័ត​ពី​ ក្រុមប្រឹក្សាអភិវឌ្ឍន៍កម្ពុជា

សំណើសុំវិនិយោគលើគម្រោងបង្កើតរោងចក្រកាត់ដេរសម្លៀកបំពាក់របស់ក្រុមហ៊ុន CONCEPT CREATOR FASHION (CAMBODIA) CO., LTD ត្រូវ​បាន​អនុម័តចុះបញ្ជីគម្រោងវិនិយោគ​​រួច​ហើយ​ពី​ គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា។

យោង​តាម​ ​ក្រុមប្រឹក្សាអភិវឌ្ឍន៍កម្ពុជា គម្រោង​ខាងលើ​នេះ នឹង​មានទីតាំងវិនិយោគស្ថិតនៅអគារ A ភូមិត្រពាំងភ្លូ ឃុំអូរសារាយ ស្រុកត្រាំកក់ ខេត្តតាកែវ។

ក្រុម​ប្រឹក្សា​អភិវឌ្ឍកម្ពុជា បាន​ឱ្យ​ដឹង​ថា ក្រុមហ៊ុន CONCEPT CREATOR FASHION (CAMBODIA) CO., LTD គ្រោង​នឹង​​បណ្ដាក់​ទុនវិនិយោគប្រមាណ ៥.៨ លានដុល្លារអាមេរិក និងអាចបង្កើតការងារបានចំនួន ១,៤៤១ កន្លែង៕