Category: PR

មានការភ្ញាក់ផ្អើលម្តងទៀតនៅ Adidas Cambodia Store កាលពីម្សិលមិញ
រាជធានីភ្នំពេញ៖ នៅថ្ងៃទី25 ខែមករា ឆ្នាំ2019 នៅក្នុងហាង Adidas សាខាផ្លូវព្រះសីហនុ មានមនុស្សឈរតម្រង់ជួរគ្នាយ៉ាងមានបៀបរៀបរយ ក្នុងគោលបំណងទិញស្បែកជើងម៉ូត Yeezy Boost 350 V2 Triple White ដែលទើបនាំចូលមកដល់ហាងថ្មីៗ នេះ។
លើកនេះហ្វេនរបស់ Adidas មិនសូវជាមានខកចិត្តដូចកាលពីរដូលកាលស្បែកជើងម៉ូត Yeezy 350 V2 Static ទេ ដោយការតម្រង់ចាប់តាំងពីម៉ោង 11យប់ របស់ពួកគាត់បានធ្វើឱ្យពួកគាត់បានសម្រេចបំណង ហើយមានហេ្វនខ្លះអាចទិញលើសពីមួយគូរទៀតផង។
ក្នុងនោះលោក គុណ សម្បត្តិ ដែលជាហ្វេនរបស់ Adidas បានប្រាប់ឡារ៉ែនឱ្យដឹងថា «លោកបានដឹងពីព័ត៌មានការលក់ស្បែកជើងម៉ូត Yeezy 350 V2 Static និងម៉ូត Yeezy Boost 350 V2 Triple White តាមរយៈបណ្តាញសង្គមរបស់ Facebook Page របស់ Adidas Cambodia Store តែលោកមានការខកចិត្តម្តងរួចមកហើយ ដោយកាលពីរដូវកាលលក់ស្បែកជើងម៉ូត Yeezy 350 V2 Static លោកមកមិនទាន់គេ ហើយជាពិសេសចំនួនរបស់ Yeezy 350 V2 Static មានកំណត់ ដូច្នេះម្តងនេះលោកសម្រេចចិត្តមកឈរតម្រង់ជួរម្តងទៀតដើម្បីទិញរបស់ដែលខ្លួនស្រលាញ់»។
លោកលើកឡើងទៀត «លោកបានមកចាំតាំងពីម៉ោងប្រហែលជា 6ព្រឹក ដើម្បីទិញស្បែកជើងម៉ូត Yeezy Boost 350 V2 Triple White ហើយលោកពិតជាសប្បាយចិត្តខ្លាំងណាស់ ដែលលើកនេះការរង់ចាំរបស់លោកពិតជាមិនធ្វើឱ្យលោកអស់សង្ឃឹមឡើយគឺលោកអាចទិញ Yeezy Boost 350 V2 Triple White បានពិតមែន ហើយលោកក៏មានសំណូមពរឱ្យហាង Adidas Cambodia Store នាំចូលប្រភេទស្បែកជើងប្រភេទមានចំនួនច្រើនជាងនេះដើម្បីអោយហ្វេន Adidas មានឱកាសបានពាក់ស្បែកជើងប្រភេទនេះច្រើន»។
Yeezy Boost 350 V2 Triple White គឺជាពណ៌ដ៏ពេញនិយមបំផុតនាពេលបច្ចុប្បន្ន ហើយចំនុចពិសេសរបស់ Yeezy Boost 350 V2 Triple White ផ្នែកខាងលើជាប្រភេទសាច់ចាក់ (Primeknit) និង ផ្នែកខាងក្រោមនៃស្បែកជើងជាប្រភេទកៅស៊ូពណ៌ស្រអាប់ (Semi-Translucent Rubber Outsole) រីឯស្រទាប់កណ្តាលប្រើប្រាស់បច្ទេកវិទ្យា BOOST™ ហើយ Yeezy Boost 350 V2 Triple White។
សម្រាប់ព័ត៌មានលម្អិតពីស្បែកជើងម៉ូត ហើយ Yeezy Boost 350 V2 Triple White ហើយ Adidas ហ្វេនអាចចូលឆែកវេបសាយ៖ www.adidas.com/YEEZY
Facebook៖ Adidas Cambodia Store
Instagram៖ @adidascambodia_store

January 26, 2019
ធនាគារអេស៊ីលីដា លើកទឹកចិត្តបុគ្គលិកឱ្យចែករំលែកក្តីស្រឡាញ់ និងជួយមនុស្សតាមរយៈការផ្តល់ឈាមដោយស្ម័គ្រចិត្ត
ការផ្តល់ឈាមជាផ្នែកយ៉ាងសំខាន់ក្នុងការជួយសង្គ្រោះជីវិតប្រជាជនកម្ពុជាដែលកំពុងត្រូវការឈាមជាបន្ទាន់នៅតាមមន្ទីរពេទ្យនានាក្នុងប្រទេស។ ហេតុនេះការចូលរួមពីគ្រប់ភាគីនានាក្នុងសង្គម មានស្ថាប័នសាធារណៈ ស្ថាប័នឯកជន និងប្រជាជនទូទៅ ជារឿងចាំបាច់បំផុតសម្រាប់ស្ថានភាពកម្ពុជាបច្ចុប្បន្នដែលកំពុងមានតម្រូវការខ្ពស់ផ្នែកឈាម។
ដោយមើលឃើញពីតម្រូវការជាចាំបាច់ និងជាការបន្តសកម្មភាពចូលរួមចំណែកជួយដល់សង្គម ធនាគារ អេស៊ីលីដា ភីអិលស៊ី ដែលជាធានាគារពាណិជ្ជធំជាងគេនៅកម្ពុជា បានរៀបចំកម្មវិធីបរិច្ចាគឈាមដោយស្ម័គ្រចិត្តរបស់កម្មករនិយោជិត នៃការិយាល័យកណ្តាល និងសាខាក្នុងរង្វង់រាជធានីភ្នំពេញនៅថ្ងៃទី 25 ខែមករា ឆ្នាំ2019 ម្សិលមិញនេះ ដើម្បីផ្តល់ឱកាសឱ្យបុគ្គលិកបានចែករំលែកក្តីស្រឡាញ់ និងចូលរួមចំណែកជួយជីវិតប្រជាជនជាច្រើនដែលកំពុងត្រូវការឈាម។
លោក លី ថៃ អនុប្រធាននាយកប្រត្តិបត្តិ និងជាគណៈប្រធាននាយកប្រតិបត្តិអភិបាលកិច្ចនៃធនាគារ អេស៊ីលីដា ភីអិលស៊ី បានលើកឡើងថា នេះជាលើកទី5 ហើយដែលធនាគារ រៀបចំការបរិច្ចាគឈាមដោយស្ម័គ្រចិត្តពីសហការីនៅជុំវិញរាជធានីភ្នំពេញ។ សហការីដែលចូលរួមនៅថ្ងៃនេះមានចំនួនប្រមាណជា 218នាក់ ដែលពួកគាត់មានចិត្តសប្បុរសក្នុងការចូលរួមចំណែកជួយគាំទ្រការងារសង្គម និងជាពិសេសគឺជួយសម្រាលបន្ទុកដល់អ្នកដែលកំពុងត្រូវការជំនួយឈាមនៅទូទាំងប្រទេស។
លោក លី ថៃ បានមានប្រសាសន៍ថា៖ «ខ្ញុំសូមថ្លែងអំណរគុណដល់សហការីទាំងអស់ដែលបានចូលរួមចំណែកក្នុងការបរិច្ចាគឈាមដោយស្ម័គ្រចិត្ត សម្រាប់ជាអំណោយដ៏សំខាន់សល់មជ្ឈមណ្ឌលជាតិផ្តល់ឈាមសម្រាប់បន្តជួយជីវិតមនុស្ស»។
លោកបានបន្ថែមផងដែរថា យើងនឹងបន្តសកម្មភាពជាវិជ្ជមាននេះបន្ថែមទៀតដើម្បីលើកទឹកចិត្តឱ្យមានការធ្វើអំពើរល្អដល់សង្គម និងបង្ហាញពីការយកចិត្តទុកដាក់ដល់គ្រប់ភាគីទាំងអស់ដែលកំពុងត្រូវការជំនួយ។ ការផ្តល់ឱកាសសម្រាប់បន្តសកម្មភាពទៅដល់ខេត្តឆ្ងាយៗ ឬសាខាដទៃផ្សេងទៀតនោះអាចនឹងធ្វើទៅបានប្រសិនបើដៃគូសហការ ជាពិសេសមជ្ឈមណ្ឌលជាតិផ្តល់ឈាមអាចមានពេលវេលាគ្រប់គ្រាន់ និងទៅដល់តំបន់នោះបាន។
លោកស្រី សុខ សោភា នាយិកាប្រតិបត្តិទីផ្សារ បានមានប្រសាសន៍ថា ការផ្តល់ឈាមជាសកម្មភាពប្រកបដោយគុណតម្លៃមួយដែលមនុស្សគ្រប់គ្នាអាចធ្វើបានដោយមិនប៉ះពាល់ដល់សុខភាពនោះទេ ហេតុនេះយើងម្នាក់ៗអាចធ្វើការប្រឹក្សាជាមួយអ្នកជំនាញ ឬអាចទៅដោយផ្ទាល់នៅមជ្ឈមណ្ឌលជាតិផ្តល់ឈាមដើម្បីបរិច្ចាគឈាមដោយសុវត្ថិភាព ហើយថែមទាំងអាចជួយដល់ជីវិតជនរងគ្រោះជាច្រើននាក់ផ្សេងទៀតក្នុងសង្គមដែលកំពុងត្រូវការឈាមជាចាំបាច់។
ប្រធានមជ្ឈមណ្ឌលជាតិផ្តល់ឈាម លោកវេជ្ជបណ្ឌិត ហុក គឹមចេង បានមានប្រសាសន៍ថាពីមួយឆ្នាំទៅមួយឆ្នាំ វិស័យឯកជនបានដើរតួនាទីយ៉ាងសំខាន់ក្នុងការទទួលខុសត្រូវសង្គមដោយការផ្តល់ឈាមមកកាន់មជ្ឈមណ្ឌលជាតិផ្តល់ឈាម ជាពិសេសគឺធនាការអេស៊ីលីដា ដែលតែងតែរួមចំណែកយ៉ាងសកម្ម។
លោកវេជ្ជបណ្ឌិត បានបន្ថែមទៀតថា សព្វថ្ងៃនេះមានអ្នកជំងឺជាច្រើនដែលបានបញ្ជូនមកមន្ទីរពេទ្យឯកទេសទាំងរដ្ឋ និងឯកជន ដែលកំពុងប្រឈមជាមួយបញ្ហាជាច្រើនដូចជាជំងឺថ្លើម ការបន្សាំសរីរាង្គ ជំងឺទឹកនោមផ្អែមរ៉ាំរ៉ៃ និងមហារីកជាដើម សុទ្ធតែកំពុងត្រូវការឈាមជាប្រចាំ ហេតុនេះយើងត្រូវការឈាមជាច្រើនជារៀងរាល់ឆ្នាំ។ នៅក្នុងឆ្នាំ 2018 នៃកម្ពុជាត្រូវការឈាមរហូតដល់ 8ម៉ឺនប្លោក ហើយបើប្រៀបធៀបនឹងឆ្នាំ 2017 មានការកើនឡើង 10%។ ចំនួននៃកំណើន 10% នឹងកើនឡើងជាបន្តទៀតនៅឆ្នាំបន្តបន្ទាប់ ហើយបើប៉ាន់ស្មានទៅយើងត្រូវការឈាមប្រមាណជាង 9ម៉ឺនប្លោកនៅក្នុងឆ្នាំ 2019 នេះ ស្របពេលដែលយើងកំពុងបង្កើនសមត្ថភាពសំខាន់ៗរបស់ឈាមដើម្បីព្យាបាលជំងឺរបស់ប្រជាជនឱ្យបានកាន់តែច្រើន៕

January 26, 2019
អគារតាំងបង្ហាញរថយន្តដ៏ប្រណីត Volvo នឹងធ្វើការសម្ពោធឆាប់ៗនេះ
ភ្នំពេញ៖ Volvo Cars គឺជាម៉ាករថយន្តដ៏ល្បីល្បាញមួយនៅក្នុងពិភពលោក ហើយក្រុមហ៊ុនផលិតរថយន្តប្រណីតរបស់ស៊ុយអ៊ែត ដែលជាក្រុមហ៊ុនឈានមុខគេលើបច្ចេកវិទ្យាយានយន្តមានមោទនភាព ក្នុងការប្រកាសសម្ពោធជាផ្លូវការនូវអគារតាំងបង្ហាញរថយន្តក្នុងប្រទេសកម្ពុជានៅថ្ងៃ ទី៨ ខែកុម្ភះ ឆ្នាំ២០១៩ ឆាប់ៗនេះ។ ជាមួយគ្នានេះផងដែរវត្តមានរបស់អគារតាំងបង្ហាញរថយន្ត Volvo មានទីតាំងនៅតាមបណ្តោយមហាវិថីព្រះមុនីវង្ស រាជធានីភ្នំពេញ ។
Volvo Cars បាននាំចូលនិងចែកចាយដោយក្រុមហ៊ុន HGB Group Co., Ltd ដែលក្រុមហ៊ុនឈានមុខគេក្នុងការផ្តល់នូវរថយន្ត និង សេវាកម្មផ្នែករថយន្ត រួមទាំងបទពិសោធន៏ដ៏ល្អបំផុតសម្រាប់អតិថិជនរបស់ខ្លួននៅក្នុងព្រះរាជាណាចក្រកម្ពុជា។ រថយន្ត Volvo ម៉ូដែល XC60 ជារថយន្តដែលមានសុវត្ថិភាពបំផុតដែលមិនធ្លាប់មានពីមុនមក ហើយជាម៉ូដែលលក់ដាច់បំផុតនៅទូទាំងពិភពលោកព្រមទាំងបានទទួលពានរង្វាន់ “រថយន្តពិភពលោកប្រចាំឆ្នាំ 2018″ ។
រថយន្ត Volvo ម៉ូដែល XC40 ស៊េរីថ្មីជាប្រភេទរថយន្ត SUV ត្រូវបានគេដាក់ឈ្មោះថា “រថយន្តអ៊ឺរ៉ុបនៃឆ្នាំ 2018″ តាំងពីមុនពេលចេញទៅទីផ្សារ។ រថយន្ត Volvo ម៉ូដែល XC90 ផងដែរក៏បានទទួលពានរង្វាន់ ” រថយន្តប្រភេទ SUV ដ៏ប្រណិតបំផុតប្រចាំសតវត្សរ៍ “ និងបានទទួលពានរង្វាន់ជាច្រើនទៀតដូចជា “Best Midsize Premium SUV” និង “EURO NCAP” ជាមួយគ្នាផងដែររថយន្ត Volvo ម៉ូដែល S90 នឹងនាំមកនូវសក្តានុពលដ៏ធំធេងនៅលើទីផ្សារកម្ពុជា។
ថ្លែងនៅក្នុងសន្និសិទ្ធកាសែតកាលពីម្សិលមិញ លោក Serdar Sengul ប្រធាន គ្រប់គ្រងទូទៅក្រុមហ៊ុន Volvo Cars Cambodia នៃប្រទេសកម្ពុជាបានអោយដឹងថា៖” រថយន្ត Volvo Cars ត្រូវបានបង្កើតឡើងនៅឆ្នាំ 1927 នៅទីក្រុង Gothenburg ប្រទេសស៊ុយអែតោ។ Volvo Cars បាន បង្កើតឡើងដោយផ្តោតសំខាន់ទៅលើសុវត្តិភាពអ្នកបើកបរ និង អ្នករួមដំណើរជាមួយនៅក្នុងរថយន្ត ហើយអ្វីដែលកាន់តែពិសេសជាងនេះទៅទៀតនោះគឺ ការឆ្ពោះទៅរកការអភិវឌ្ឍ និងបង្កើតការច្នៃប្រឌិតថ្មីក្នុងពិភពឧស្សាហកម្មរថយន្ត ដូចជា ខ្សែក្រវ៉ាត់សុវត្ថិភាព 3 ចំណុច (តាំងពីឆ្នាំ 1959) ត្រូវបានប្រើប្រាស់នៅគ្រប់ប្រេនរថយន្តទាំងអស់នៅលើពិភពលោក នេះហើយគឺជាការច្នៃប្រឌិតថ្មីរបស់ Volvo។ ក្រុមហ៊ុន Volvo គឺផ្តោតសំខាន់ទៅលើសុវត្ថិភាពរបស់អ្នកបើកបរ និងអ្នករួមដំណើរជាជាងរកប្រាក់ចំណេញពីវា។”
លោកបានលើកឡើងទៀតថា៖ បច្ចុប្បន្នក្រុមហ៊ុន Volvo Cars កំពុងនាំមុខគេក្នុងឧស្សាហកម្មរថយន្តទូទាំងពិភពលោក ក្នុងបច្ចេកវិទ្យាសុវត្ថិភាពអគ្គីសនី និងប្រព័ន្ធស្វ័យប្រវត្តិកម្ម។ ហើយចក្ខុវិស័យរបស់យើងគឺ ធ្វើអោយអ្នកដំណើរទាំងអស់ដែលប្រើប្រាស់រថយន្ត Volvo មានសុវត្ថិភាពទាំងស្រុងក្នុងឆ្នាំ2020 ខាងមុខនេះ ហើយយើងកំពុងតែបន្តការច្នៃប្រឌិតដើម្បីធ្វើឱ្យជីវិតរស់នៅរបស់មនុស្សមានសុវត្ថិភាព មិនមានភាពស្មុគស្មាញ និងកាន់តែរីករាយជាមួយ Volvo Cars។
ពួកយើងរីករាយណាស់ដែលបានឃើញកំណើនសេដ្ឋកិច្ចដែលកំពុងបន្តនៅកម្ពុជា ការអភិវឌ្ឍហេដ្ឋារចនាសម្ព័ន្ធយ៉ាងឆាប់រហ័សនិងការបង្កើនការវិនិយោគពីបរទេស។ យើងមានមោទនភាពក្នុងការនាំយកម៉ាកដ៏មានកិត្យានុភាពនេះមកប្រទេសកម្ពុជា។ ក្រុមហ៊ុន Volvo car បាននាំចូលនិងចែកចាយផ្តាច់មុខដោយក្រុមហ៊ុន HGB Group Co,.Ltd. អគារតាំងបង្ហាញរថយន្តរបស់យើងដែលនឹងដាក់ដាក់សម្ពោធនាថ្ងៃ ទី8 ខែកុម្ភៈ នេះនឹងក្លាយជាអគារតាំងបង្ហាញដ៏ធំបំផុតមួយនៅក្នុងតំបន់អាស៊ីអាគ្នេយ៍។ យើងមានបំណងផ្តល់ជូននូវបទពិសោធន៍ដ៏ល្អបំផុតដល់អតិថិជនរបស់យើង មិនត្រឹមតែជាអគារតាំងបង្ហាញរថយន្តប៉ុណ្ណោះទេថែមទាំងជាមជ្ឈមណ្ឌលថែទាំរថយន្តដ៏ល្អផងដែរ។
យើងនឹងផ្តល់ជូននូវសេវាកម្មដែលមានគុណភាពខ្ពស់សម្រាប់អតិថិជន របស់យើងជាមួយនឹងបុគ្គលិកប្រឹក្សាយោបល់ផ្នែកយ៉ាងមានជំនាញ និងរួសរាយរាក់បំផុតជូនលោកអ្នក ហើយព្រមទាំងមានអាហារសម្រន់ និងភេសជ្ជៈសម្រាប់បម្រើជូនភ្ញៀវទាំងអស់ផងដែរ ហើយលើសពីនេះទៅទៀតយើងមានរថយន្តគ្រប់សេរីសម្រាប់ការបើកបរសាកល្បង និងកន្លែងលាងសំអាតរថយន្តនៅជាន់ទី2 ផងដែរ។
បញ្ជាក់៖ យើងនិងបើកដំណើរការអគារតាំងបង្ហាញរថយន្តនៅថ្ងៃទី8 ខែកុម្ភៈ ឆ្នាំ២០១៩ ដើម្បីស្វាគមន៍យ៉ាងកក់ក្តៅដល់អតិថិជនទាំងអស់ ព្រមទាំងផ្តល់ជូនសេវាជាទីទុកចិត្តសម្រាប់លោកអ្នក។
ជាចុងក្រោយក្នុងនាមខ្ញុំតំណាងអោយក្រុមហ៊ុន HGB Group Co,. Ltd សូមថ្លែងអំណរគុណជាថ្មីម្តងទៀត ហើយខ្ញុំសង្ឃឹមថាពួកយើងនឹងជួបអ្នកឆាប់ៗនេះ។
សំរាប់ព័ត៌មានលំអិតសូមទំនាក់ទំនងផ្នែកសេវាបំរើអតិថិជនតាមទូរស័ព្ទលេខ 095 666 379, 095 666 054 និង Hotline: 024 900 000
Facebook Page: https://www.facebook.com/VolvoCarsKH/
Video: XC40:
XC 60:
S90:

January 25, 2019
ទឹកប្រាក់១០០លានរៀល ដំបូងគេ ពីភេសជ្ជៈប៉ូវកម្លាំង ខារ៉ាបាវ បានធ្លាក់ទៅលើយុវជនម្នាក់ជាអ្នកបើកឡានរោងចក្រ
កំពង់ស្ពឺ៖ ទឹកប្រាក់ ១០០លានរៀល ដំបូងគេរបស់ភេសជ្ជៈប៉ូវកម្លាំង ខារ៉ាបាវ ត្រូវបានធ្លាក់ទៅដល់ដៃយុវជនម្នាក់ដែលមានឈ្មោះ គីម ស្រេង អាយុ ១៩ ឆ្នាំ បច្ចុប្បន្នមានមុខរបរជាអ្នកបើកឡានរោងចក្រ និងរស់នៅភូមិត្រពាំងលាប ឃុំជំពូព្រឹក្ស ស្រុកឧដុង្គ ខេត្តកំពង់ស្ពឺ ។
នៅចំពោះមុខក្រុមការងារ ជាអ្នកតំណាងក្រុមហ៊ុនចុះទៅប្រគល់ទឹកប្រាក់ចំនួន ១០០លានរៀល ដល់លំនៅឋានផ្ទាល់ដែលស្ថិតនៅទីតាំងភូមិសាស្ត្រខាងលើនេះ យុវជន គីម ស្រេង បានរៀបរាប់ប្រាប់ឱ្យដឹងថា សព្វថ្ងៃនេះបើនិយាយពីកម្រិតជីវភាពគ្រួសារគឺមានភាពលំបាកក្រតោកយ៉ាកខ្លាំងមែនទែន ព្រោះឪពុកក៏កំពុងធ្លាក់ខ្លួនឈឺ និងពិការជើងដោយសារធ្លាក់ពីលើដើមត្នោត ហើយខ្លួនគ្មានមុខរបរអ្វីក្រៅស៊ីឈ្នួលបើកឡានរោងចក្រតែប៉ុណ្ណោះ ។
យុវជនរូបនេះបានបន្តឱ្យដឹងទៀតថា ៖ ដោយឡែកសម្រាប់ការឈ្នះរង្វាន់ធំពីក្រុមហ៊ុនភេសជ្ជៈប៉ូវកម្លាំង ខារ៉ាបាវ នាពេលនេះក៏ជារឿងចៃដន្យបំផុតផងដែរ ព្រោះតាំងពីដើមរៀងមកខ្លួនមិនធ្លាប់គិតឡើយថា នឹងអាចមានសំណាងបានឈ្នះរង្វាន់ពីខារ៉ាបាវនោះទេ បើទោះជាធ្លាប់បានឃើញមានអ្នកត្រូវរង្វាន់ឡើងទទួលប្រាក់លាននៅលើស្ថានីយ៍ទូរទស្សន៍ជាញឹកញាប់ក៏ដោយ។
ប៉ុន្តែស្រាប់តែកាលពីថ្ងៃទី២៣ ខែមករា នេះ បន្ទាប់ពីសម្រាក់ពីការងារ អស់កម្លាំង ខ្លួនក៏ទៅទិញ ភេសជ្ជៈប៉ូវកម្លាំង ខារ៉ាបាវ ចំនួនមួយកំប៉ុងទទួលទាន ស្រាប់តែពេលគាស់ក្រវិលកំប៉ុងភ្លាមក៏ឃើញមានរង្វាន់១០០លានរៀលនៅនឹងក្រវិលកំប៉ុង។ ភ្លាមនោះ ក៏បានប្រាប់ទៅអ្នកលក់ ហើយទូរស័ព្ទជូនដំណឹងដល់ក្រុមហ៊ុនតែម្ដង ។
យុវជន គីម ស្រេង បានបញ្ជាក់ថា ក្រោយពីទទួលបានប្រាក់រង្វាន់ធំ ១០០លានរៀលនេះ នឹងយកមួយចំនួនទៅព្យាបាលជើងឪពុក និងសង់ផ្ទះឱ្យបានសមរម្យ ហើយទុកមួយចំនួនទៀតសម្រាប់បង្កើតអាជីវកម្មទ្រទ្រង់ជីវភាពគ្រួសារផងដែរទៅថ្ងៃអនាគត ។

សូមបញ្ជាក់ផងដែរថា ជាការថ្លែងអំណរគុណចំពោះអតិថិជន ក្រុមហ៊ុន ភេសជ្ជៈប៉ូវកម្លាំង ខារ៉ាបាវ បានបង្កើនរង្វាន់យ៉ាងសន្ធឹកសន្ធាប់នូវចំនួនទឹកប្រាក់សុទ្ធរហូតដល់ ១០០លានរៀល ចំនួន៦០ រង្វាន់ , ម៉ូតូ HONDA Dream ចំនួន៦០ រង្វាន់ , ទូរស័ព្ទដៃ iPhone ចំនួន៦០ រង្វាន់ រួមជាមួយការផ្តល់ជូនរង្វាន់1កប៉ុង រាប់លានកំប៉ុង ដោយគ្មានការកំណត់នោះទេ ។ សូមចំណាំ ៖ សម្រាប់រង្វាន់ពិតប្រាកដ គឺមានតែនៅសម្បកកំប៉ុង ដែលមានអក្សរខ្មែរជាសញ្ញាសម្គាល់តែប៉ុណ្ណោះ ៕
January 25, 2019
ស្រាបៀរអាន់ឆ័រចាប់រង្វាន់លើកទី1 សម្រាប់កម្មវិធីអាពាហ៍ពិពាហ៍ឆ្នាំ 2018-2019
រាជធានីភ្នំពេញ៖ កាលពីថ្ងៃអាទិត្យទី ២០ ខែមករា ឆ្នាំ២០១៩ ស្រាបៀរអាន់ឆ័របានរៀបចំកម្មវិធីចាប់រង្វាន់ជ័យមង្គលលើកទីមួយរដូវកាលថ្មីនៅស្ថានីយទូរទស្សន៍ PNN ក្នុងកម្មវិធីតន្ត្រី Anchor Fun Zone ដើម្បីផ្តល់រង្វាន់ជូនដល់គូស្វាមីភរិយាថ្មីទាំងអស់ដែលបានជាវស្រាបៀរអាន់ឆ័រក្នុងកម្មពិធីអាពាហ៍ពិពាហ៍ក្នុង ឆ្នាំ ២០១៨-២០១៩ ដោយមានការអញ្ជើញចូលរួមពីថ្នាក់ដឹកនាំក្រុមហ៊ុនស្រាបៀរអាន់ឆ័រ ក្រុមការងារស្រាបៀរអាន់ឆ័រ ភ្ញៀវកិត្តិយស និងអ្នកសារព័ត៌មានជាច្រើន។
កម្មវិធីចាប់រង្វាន់រដូវកាលឆ្នាំ ២០១៨-២០១៩នេះត្រូវបានរៀបចំឡើងជាពិសេសសម្រាប់អតិថិជនរបស់ស្រាបៀរអាន់ឆ័រក្នុងគោលបំណង ថ្លែងអំណរគុណដ៏ជ្រាលជ្រៅ និងបង្ហាញពីការយកចិត្តទុកដាក់ខ្ពស់របស់ក្រុមហ៊ុនស្រាបៀរអាន់ឆ័រចំពោះអតិថិជនដែលតែងតែគាំទ្រ និងនិយមជាវស្រាបៀរអាន់ឆ័រក្នុងកម្មពិធីអាពាហ៍ពិពាហ៍របស់ខ្លួន។ រង្វាន់ដែលបានចាប់លើកទី១នេះ មានគូស្វាមីភរិយាថ្មីចំនួន ១៥ គូដែលមានសំណាងបានឈ្នះរង្វាន់ដំណើរកម្សាន្តក្រេបចន្ទទឹកឃ្មុំដ៏អស្ចារ្យរយៈពេលបួនថ្ងៃបីយប់នៅលើនាវាកម្សាន្តដ៏ទំនើបទៅកាន់កោះភូកេត គឺ៖
លោកអ្នកអាចស្វែងរកឈ្មោះរបស់លោកអ្នកនៅលើកាសែត ឬលើតំណគេហទំព័រហ្វេសប៊ុករបស់ស្រាបៀរអាន់ឆ័រ៖ https://www.facebook.com/AnchorBeerKH/។ ចំពោះគូស្វាមីចំនួន ១៥ គូ ដែលបានឈ្នះរង្វាន់ ក្រុមហ៊ុននឹងទាក់ទងទៅដោយផ្ទាល់។
កម្មវិធីប្រូម៉ូសិនអាពាហ៍ពិពាហ៍របស់ស្រាបៀរ អាន់ឆ័រ រដូវកាលថ្មីនេះ៖
- រាល់ការជាវស្រាបៀរ អាន់ឆ័រ ចំនួន 20-49 កេស ថែមជូនសៀវភៅកត់ចំណងដៃចំនួន 2 ក្បាល។
- រាល់ការជាវស្រាបៀរ អាន់ឆ័រ ចំនួន 50-99 កេស ថែមជូនសៀវភៅកត់ចំណងដៃចំនួន 2 ក្បាល ធុងទឹកកកដំណើរកម្សាន្ត 1 ធុង។
- រាល់ការជាវស្រាបៀរ អាន់ឆ័រ ចំនួន 100 កេសឡើងទៅ ថែមជូនសៀវភៅកត់ចំណងដៃចំនួន 2 ក្បាល ធុងទឹកកកដំណើរកម្សាន្ត 1 ធុង និងប័ណ្ណផ្សងសំណាង 1 សន្លឹក។
គូស្វាមីភរិយាថ្មីចំនួន 50 គូនឹងមានឱកាសដំណើរកម្សាន្តក្រេបចន្ទទឹកឃ្មុំដ៏អស្ចារ្យរយៈពេលបួនថ្ងៃបីយប់នៅលើនាវាកម្សាន្តដ៏ទំនើប។

ប្រញាប់ឡើង! ជាវស្រាបៀរអាន់ឆ័រដើម្បីមានឱកាសឈ្នះរង្វាន់ដ៏អស្ចារ្យទាំងនេះ។
សម្រាប់ព័ត៌មានបន្ថែម សូមទាក់ទងមកយើងខ្ញុំតាមរយៈលេខ៖ 011 222 400/011 333 500។
ពិសាដោយការទទួលខុសត្រូវ៕
January 23, 2019
កម្មវិធី Cambodia Sweethearts ផ្តល់ឱកាសឱ្យយុវជន-យុវតីកម្ពុជា ក្លាយជាតារាបង្ហាញម៉ូដអាជីព
តើលោកអ្នកចង់ក្លាយជាតារាបង្ហាញម៉ូដអាជីពដែរឬទេ?
ជាមួយនឹងកម្មវិធី Cambodia Sweethearts ដែលជាកម្មវិធីប្រកួតប្រជែងថតរូបដ៏ស្រស់ស្អាតបែបតារាបង្ហាញម៉ូដ ជាមួយនឹងការលេងទឹកមុខ ការកាច់ស្តាយល៍ និងការរៀបចំខ្លួនថតរូបយ៉ាងទាក់ទាញ់ ដើម្បីទទួលបាននូវការ Like និង Share ច្រើនជាងគេ ដើម្បីក្លាយជាម្ចាស់ជ័យលាភីប្រចាំខែ និងឈានឆ្ពុះទៅកាន់ជ័យលាភីផ្តាច់ព្រ័ត្រ ដែលការប្រកួតនេះមានរយៈពេល12ខែ ចាប់ផ្តើមពីខែកុម្ភៈ ឆ្នាំ2019 រហូតដល់ខែកុម្ភៈ ឆ្នាំ2020។
លក្ខខណ្ឌក្លាយជាបេក្ខជន-បេក្ខនារីចូលរួមប្រកួតនៅក្នុងកម្មវិធី Cambodia Sweethearts
- បេក្ខជន-បេក្ខនារី ត្រូវមានអាយុចាប់ពី16ឆ្នាំដល់26ឆ្នាំ ទាំងអ្នកដែលមានបទពិសោធ និងអ្នកមិនមានបទពិសោធជាតារាម៉ូដែល (ឱ្យតែមានដុងខាងថតរូប និងក្លាហាន)
- នារីមានកម្ពស់ ចាប់ពី1.65m ឡើងទៅ និងបុរសមានកម្ពស់ចាប់ពី1.75m ឡើងទៅ
- បេក្ខជន-បេក្ខនារី ត្រូវមកដាក់ពាក្យចូលរួមប្រកួតនៅការិយាល័យ Arise Agency ស្ថិតនៅអគារ La Seine Unit A-22, កោះពេជ្រ, រាជធានីភ្នំពេញ
- ឬចូលទៅកាន់គេហទំព័ររបស់ Arise Agency ឬ Cambodia Sweethearts ដើម្បីដាក់ពាក្យចូលរួមក្រកួត
លក្ខខណ្ឌប្រកួតនៅក្នុងកម្មវិធី Cambodia Sweethearts
- បេក្ខជន-បេក្ខនារី ត្រូវធ្វើការថតរូបភាព3បែប : បែបចូលរួមកម្មវិធីរាត្រីសមោសរ បែបសម្លៀកបំពាក់សាមញ្ញ និងបែបស្លៀកបំពាក់ឈុតហែលទឹក ឬឈុតកីឡា (ក្រុមការងារ Cambodia Sweethearts មានអ្នកជំនាញផាត់មុខ រៀបចំសម្លៀកបំពាក់ និងថតរូបជូនបេក្ខជន-បេក្ខនារី ដោយក្រុម MP Max)
- រូបភាពទាំង3បែប នឹងធ្វើការ Post ដោយក្រុមការងារ Cambodia Sweethearts នៅក្នុង Page Cambodia Sweethearts ដើម្បីឱ្យមិត្តភក្តិ និង Fans របស់បេក្ខជន-បេក្ខនារី Like និង Share (រូបនឹងធ្វើការ Post ទៅតាមសប្តាហ៍នីមួយៗ ហើយនៅសប្តាហ៍ទី4នឹងធ្វើការសរុបពិន្ទុ ហើយជ្រើសរើសយក5គូ រួចជម្រុះយក1គូជាម្ចាស់ជ័យលាភីប្រចាំខែនីមួយៗ)
- បេក្ខជន-បេក្ខនារី ដែលជាប់ជ័យលាភីទាំង12ខែ នឹងត្រូវប្រកួតផ្តាច់ព្រ័ត្រ ដើម្បីជ្រើសរើសយកម្ចាស់ជ័យលាភីប្រចាំឆ្នាំចំនួន1គូ
អត្ថប្រយោជន៍ដែលបេក្ខជន-បេក្ខនារី ទទួលបានពីកម្មវិធី Cambodia Sweethearts
- បេក្ខជន-បេក្ខនារី ទទួលបានឱកាសបង្ហាញពីទេពកោសល្យរបស់ខ្លួននៅក្នុងកម្មវិធីប្រកួត Cambodia Sweethearts
- បេក្ខជន-បេក្ខនារី ទទួលបទពិសោធ និងការណែនាំពីអ្នកជំនាញខាងបង្ហាញម៉ូដ
- បេក្ខជន-បេក្ខនារី ដែលជាប់ជ័យលាភីប្រចាំខែ នឹងមានឱកាសថតបង្ហាញម៉ូដនៅក្នុងទស្សនាវដ្តី ឡារ៉ែន
- ទទួលបានរង្វាន់ចំនួន300ដុល្លារពីហាង ប៊ី សាឡន, រង្វាន់គូប៉ុងទឹកប្រាក់100ដុល្លារ ពីហាង រ៉ូយ៉ាល់ ហ្គោល ថោន ស៊ូគីស៊ុប & សាច់អាំង ព្រមទាំងរង្វាន់ជាច្រើនពីម្ចាស់ឧបត្ថម្ភកម្មវិធីជាច្រើនទៀត
- បេក្ខជន-បេក្ខនារី ដែលជាប់ជ័យលាភីផ្តាច់ព្រ័ត្រប្រចាំឆ្នាំ នឹងក្លាយជាតារាបង្ហាញម៉ូដពេញសិទ្ធិរបស់ក្រុមម៉ូដែល Rising Stars របស់ក្រុមហ៊ុន Arise Agency និងមានឱកាសក្លាយជាតារាបង្ហាញម៉ូដអាជីព
សូមចូលរួមទាំងអស់គ្នា ដើម្បីបង្ហាញពីសមត្ថភាពរបស់លោកអ្នក និងដើម្បីបំពេញបំណងប្រាថ្នាក្លាយជាតារាបង្ហាញម៉ូដអាជីពជាមួយនឹងកម្មវិធីលំដាប់ប្រទេស Cambodia Sweethearts!
ជួនគ្នាឆាប់ៗនេះ… ជាមួយកម្មវិធី Cambodia Sweethearts!!!
January 23, 2019
សំណាងផ្ទួនៗ ជាមួយអាំងប៉ាវ ហេង ហេង ពី LG Brandshop
ដើម្បីទទួលស្វាគមន៌ នូវពិធីបុណ្យចូលឆ្នាំចិនដែលនឹងជិតមកដល់ក្នុងពេលឆាប់ៗនេះ ហាងលក់គ្រឿងអេឡិចត្រូនិច LG Brandshop បានផ្ដល់ជូននូវការលក់បញ្ចុះតម្លៃដ៏ពិសេស ព្រមទាំងបង់រំលស់គ្មានការប្រាក់និងមានឱកាសឈ្នះអាំងប៉ាវសំណាងផ្ទួនៗជាសាច់ប្រាក់ភ្លាមៗសរុប រហូតដល់ 30 លានរៀល ។
កម្មវីធីលក់ដ៏ពិសេសនេះចាប់ផ្ដើមពីថ្ងៃទី 25 ខែមករា ដល់ ថ្ងៃទី 6 ខែ កុម្ភះ ឆ្នាំ 2019 សម្រាប់រាល់ការជាវគ្រប់ផលិតផល LG ទាំងអស់ ដូចជា ទូរទស្សន៌ ទូរទឹកកក ម៉ាស៊ីនត្រជាក់ ម៉ាស៊ីនបោកសំលៀកបំពាក់ ឧបករណ៌បំពងសំឡេង និង សំភារះប្រើប្រាស់ ក្នុងផ្ទះបាយជាច្រើនទៀត ។
អតិថិជនទាំងអស់អាចទទួលយកកម្មវិធីដ៏ពិសេសនេះ និង អញ្ជើញមកទស្សនានូវការដាក់តាំងបង្ហាញពីផលិតផលទាំងអស់នេះនៅ គ្រប់សាខា LG Brandshop ដែលមានទីតាំងនៅរាជធានីភ្នំពេញ , ខេត្តកំពង់ចាម, ខេត្តសៀមរាប, ខេត្ត បាត់ដំបង និង ខេត្ត ព្រះសីហុន ។
ព័ត៌មានបន្ថែមសូមទំនាក់ទំនងមកកាន់ 023 222 699
LG BrandShop ទំនិញមានគុណភាព តំលៃសមរម្យ សេវាកម្មល្អ!
https://ggear.com.kh/promotions/chinese-new-year-2019-promotion/

January 22, 2019
ក្តៅៗ Huawei A7 អាចកុម្ម៉ងទុកមុន តម្លៃត្រឹម $189 កាដូខប់ៗ សមត្ថភាពខ្លាំងសាហាវ!
រាជធានីភ្នំពេញ៖ ក្រុមហ៊ុន Huawei ដែលជាក្រុមហ៊ុនស្មាតហ្វូនឈានមុខ លំដាប់លេខ 2 ក្នុងពិភពលោក បានបង្ហាញវត្តមានស្មាតហ្វូន Huawei A7 នៅក្នុងទីផ្សារស្មាតហ្វូនប្រទេសកម្ពុជា ក្នុងតម្លៃត្រឹមតែ $189 ដែលស្មាតហ្វូននេះជាជម្រើសដ៏ល្អឥតខ្ចោះប្រចាំឆ្នាំសម្រាប់ស្មាតហ្វូនលំដាប់ថវិកា។
Huawei A7 ត្រូវបានរចនាឡើងយ៉ាងផ្ចិតផ្ចង់ ដោយមានរូបរាងទាក់ទាញ ភ្លឺរលោងចែងចាំង ទាន់សម័យ Aក្រង់ធំ 6.26 អ៊ីញ HD+ (720 x 1520 pixels) Dewdrop Huawei Full View Display, 19:9 ratio Aក្រង់ធំផ្ទៃលាតរហូតដល់ 86.7% និង Aក្រង់ប្រភេទដំណក់ទឹកគាប់ចិត្តយុវវ័យ។
ស្មាតហ្វូនA 7 បំពាក់ដោយកាមេរ៉ាមុខធំទំហំ16MP ជាមួយបច្ចេកវិទ្យា AI និងកាមេរ៉ាក្រោយភ្លោះ ទំហំ13MP+ 2MP។ បើនិយាយពីកំរិត Aperture វិញ ស្មាតហ្វូននេះមានកម្រិត Aperture F/1.8 អាចចាប់យកកំរិតពន្លឺបានកាន់តែខ្លាំង ដែលធ្វើឲ្យការថតរូបនៅកន្លែងមានពន្លឺតិច មានគុណភាពល្អប្រសើរ។ លើសពីនេះទៅទៀត កាមេរ៉ាដ៏ឆ្លាតវៃរបស់ស្មាតហ្វូននេះ បំពាក់ដោយបច្ចេកវិទ្យាAI Photography ដែលការថតរូបរបស់អ្នកកាន់តែមានភាពទាក់ទាញ ដោយសារវាមានសមត្ថភាពស្គាល់ 22 ប្លង់ខុសៗគ្នា និងបច្ចេកវិទ្យា AI Beauty កែទម្រង់ស្បែកតាមការចូលចិត្ត និងមិនចាំបាច់កែច្រើន។
សម្រាប់ការថតរូបពេលយប់ ស្មាតហ្វូនម៉ូដែលនេះអាចជាជម្រើសដ៏ល្អដោយសារតែវាមានមុខងារ Smart Low-light Photography ដែលកាមេរ៉ានេះស្គាល់ប្លង់រូបភាពដែលមានពន្លឺទាបដោយស្វ័យប្រវត្តិនិងរូបភាពដែលមានគុណភាព។ រីឯការ ថតរូបក្នុងប្លង់ដែលកុងពន្លឺ អ្នកលែងបារម្ភទៀតហើយ ដោយវាមានមុខងារ Smart Back-lighting photography នឹងដំណើរការមុខងារ HDR ដោយស្វ័យប្រវត្តិទាំងចំពោះការថតទាំងនៅលើកាមេរ៉ាមុខនិងកាមេរ៉ាក្រោយ។ សមត្ថភាពក្នុងការថតរូបព្រាលផ្ទៃខាងក្រោយ របស់ស្មាតហ្វូន A 7 ក៏មិនចាញ់ស្មាតហ្វូនដទៃប៉ុន្មានដែរ ដែលអ្នកអាចថតរូបជាមួយមុខងារនេះ បានយ៉ាងប្រសើរ។
ថាមពលថ្ម ទំហំ 4000mAh អាចបំពេញតំរូវការក្នុងការប្រើប្រាស់ស្មាតហ្វូនរបស់អ្នកបានពេញមួយថ្ងៃដោយមិន បារម្ភរឿងសាកថ្មទៀតឡើយ ប្រសិនបើអ្នកប្រើទូទៅវិញអាចប្រើបានរហូតដល់ពីរថ្ងៃ។ គួរបញ្ជាក់ផងដែរថា ស្មាតហ្វូននេះដំណើរការដោយអង្គផ្ទុកទិន្ន័យ (ROM) 32 GB និង អង្គចងចាំ ( RAM) 3 GB អង្គផ្ទុកទន្និន័យបន្ថែម 512GB ជាមួយនឹង CPU Qualcomm® Snapdragon™ 450, 14nm* Processor, GPU: 8×A53 Cortex @ 1.8 GHz ដែលជួយអោយដំណើរការរលូនក្នុងការលេងហ្គេម រីករាយគ្មានដែនកំណត់ជាមួយបណ្តាញសង្គម និង មើល Youtube គ្មានទាក់ និងពេញភ្នែកគ្មានដែនកំណត់ រួមទាំងបច្ចេកវិទ្យាបន្ទន់ពន្លឺការពារភ្នែក និងស្គេនមុខដោះសោរបានលឿនទាន់ចិត្ត។
ស្មាតហ្វូននេះមានលក្ខណៈពិសេសជាច្រើន គួរឲ្យចាប់អារម្មណ៍ក្នុងចំណោមស្មាតហ្វូនលំដាប់ថវិកា ដែលអ្នកមិនគួរមើលរំលងឡើយ ដោយសារវាមានការប្រកួតប្រជែងទាំងតម្លៃ និងគុណភាព។ Huawei A 7 មានជម្រើសទាន់សម័យពីរពណ៍គឺពណ៍ខ្មៅ ( Midnight Black) និងពណ៍ខៀវ ( Aurora Blue) ដែលអ្នកអាចធ្វើការកម្មង់ទិញទុកចាប់ពីថ្ងៃនេះតទៅ រហូតដល់ថ្ងៃ 25 ខែមករា នៅតាមបណ្តាហាងលក់ទូរស័ព្ទដៃគូដែលមានស្លាកសញ្ញា Huawei នៅ ទូទាំងប្រទេសក្នុងតម្លៃត្រឹមតែ $189 ជាមួយការថែម Bluetooth speaker ដ៌ស្រស់ស្អាតគួរអោយស្រឡាញ់ចាក់តន្ត្រីយ៉ាងពិរោះមានតម្លៃប្រមាណ 29 ដុល្លារដោយឥតគិតថ្លៃ។
សម្រាប់ព័ត៌មានបន្ថែម សូមចូលទៅកាន់
https://youtu.be/jwKHTVEX4w4
Website: https://consumer.huawei.com/kh/
Facebook: Huawei Mobile ( https://bit.ly/2ePDMSq )
Youtube Channel: https://bit.ly/2wTMMJL
Instagram: https://www.instagram.com/huaweimobilekh/
January 22, 2019
រឹតតែអស្ចារ្យ ! អ៊ីឈីតាន់ ទឹកប្រាក់100លានរៀល រដូវកាលទី3 ចាប់ផ្តើមហើយ…
កាន់តែកក្រើក និងរឹតតែអស្ចារ្យ ជាមួយកម្មវិធីផ្តល់រង្វាន់មហាសំណាងពីតែបៃតងលេខ1អ៊ីឈីតាន់ នូវចំនួនទឹកប្រាក់100លានរៀល ក្នុងរដូវកាលទី3 បង្កើនរហូតដល់70រង្វាន់, ម៉ូតូ Honda Scoopy-i កើនដល់70រង្វាន់ , និងទូរស័ព្ទ i phone XS កើនរហូតដល់70រង្វាន់ ព្រមទាំងរង្វាន់ផ្សេងៗទៀតរាប់លានរង្វាន់ដោយគ្មានការកំណត់នោះឡើយ។
ក្រុមហ៊ុនតែបៃតង អ៊ី ឈីតាន់ ប្រចាំនៅកម្ពុជា បានឱ្យដឹងថា ជាមួយនឹងវត្តមានរបស់តែបៃតង អ៊ីឈីតាន់ នៅកម្ពុជាកាលពីពេលកន្លងទៅនេះ គឺពិតជាមានមោទនភាពជាខ្លាំងជាមួយនឹងការទទួលបាននូវការគាំទ្រពីសំណាក់អតិថិជនយ៉ាងលើសលប់ទៅលើគុណភាព រសជាតិ និងអត្ថប្រយោជន៍ជាច្រើនពីតែបៃតងលេខ1 អ៊ីឈីតាន់ ។ ជាមួយគ្នានេះផងដែរ ជាការថ្លែងអំណរគុណចំពោះការគាំទ្រពីសំណាក់អតិថិជន ក្រុមហ៊ុនបានបង្កើតកម្មវិធីដ៏រីករាយ និងរំភើប ដោយការផ្តល់ជូនព្រឹត្តិការណ៍មួលគម្របដបទទួលបានមហាសំណាងនូវទឹកប្រាក់យ៉ាងសន្ធឹកសន្ធាប់ ព្រមគ្នាជាមួយនឹងរង្វាន់លើកទឹកចិត្តជាច្រើនទៀត ដូចជារង្វាន់ ម៉ូតូ Honda Scoopy i រង្វាន់ទូរស័ព្ទដៃទំនើប i phone និងរង្វាន់តែបៃតង អ៊ីឈីតាន់ រាប់លានដប។
ដោយឡែក សម្រាប់ឆ្នាំ2019 ដែលជារដូវកាលទី3នេះ ក្រុមហ៊ុនបានបង្កើតកម្មវិធីផ្តល់រង្វាន់មហាសំណាងកាន់តែអស្ចារ្យជាងមុន ដោយការបង្កើននូវទឹកប្រាក់រង្វាន់ធំចំនួន100លានរៀល រហូតដល់70រង្វាន់, ម៉ូតូ Honda Scoopy-i កើនដល់70រង្វាន់ , និងទូរស័ព្ទ i phone XS កើនរហូតដល់70រង្វាន់ ព្រមទាំងរង្វាន់ផ្សេងៗទៀតរាប់លានរង្វាន់។ រួសរាន់ឡើង ដើម្បីទទួលបានមហារង្វាន់ដ៏ច្រើនអស្ចារ្យទាំងនេះ ទាំងអស់គ្នា…
អ៊ីឈីតាន់ ជួយកែប្រែជីវិតរបស់លោកអ្នកឱ្យក្លាយជាមហាសេដ្ឋីភ្លាមៗ អ៊ីឈីតាន់ ចែកពិត ចែកលឿន ចែកដល់ផ្ទះរបស់លោកអ្នក…!
January 21, 2019
Tiger Street Football Festival 2019 នឹងធ្វើសន្និសីទសារព័ត៌មានប្រកាសជាផ្លូវការនៅមណ្ឌលកំពង់ស្ពឺនារសៀលនេះនៅបុរីសុវណ្ណ
ភ្នំពេញ៖នារសៀលថ្ងៃទី១៩ ខែមករា ឆ្នាំ២០១៩ ក្រុមការងារក្រមហ៊ុនស្រាបៀរ Tiger នឹងធ្វើសន្និសីទសារព័ត៌ មានស្តីពីការប្រកាសបើកជាផ្លូវការនៃព្រឹត្តិការណ៍ការប្រកួតបាល់ទាត់ពានរង្វាន់ Tiger Street Football Festival 2019 លើកទី៧នាបុរីសុវណ្ណ នៅខេត្តកំពង់ស្ពឺដែលរៀបចំដោយក្រមហ៊ុនស្រាបៀរ Tiger ក្រោមការសហការ ជាមួយសហព័ន្ធកីឡាបាល់ទាត់កម្ពុជា។
ឆ្លៀតក្នុងឱកាសសន្និសីទសារព័ត៌មានដោយមានការអញ្ជើញចូលរួមជាកិត្តិយសពីលោក ទុយ វិច្ឆិកា ជាប្រធានបច្ចេកទេស នៃសហព័ន្ធកីឡាបាល់ទាត់កម្ពុជា លោកស្រី ថោង បវរលក្ខិណា តំណាងឲ្យក្រមហ៊ុនស្រាបៀរ Tiger (CBL) ព្រមទំាងតំណាងក្រុមទំាង៤៦ផងដែរ។
ការប្រកួតជម្រុះក្នុងកម្មវិធី Tiger street Football Festival 2019 ជាផ្លូវការនៅមណ្ឌលខេត្តកំពង់ស្ពឺនៅព្រឹក ថ្ងៃទី ១៩ ខែមករា ឆ្នាំ២០១៩ នៅដីឡូត៍ ឧកញ្ញ៉ា ឈួន គឹមសាន្ត ទីរួមខេត្តកំពង់ស្ពឺដូច្នេះសូមកុំភ្លេចចូលរួមទស្សនា ការប្រកួតជម្រុះនៅខេត្តកំពង់ស្ពឺឲ្យបានច្រើនកុះករ។
ស្រាបៀរថៃហ្គ័រជាស្រាបៀរដែលមានគុណភាពខ្ពស់លំដាប់ថ្នាក់អន្តរជាតិមានដើមកំណើតតាំងពីឆ្នាំ១៩៣២នៅប្រទេសសិង្ហបុរី និងមានលក់នៅច្រើនជាង៧០ប្រទេសនៅទូទាំងពិភពលោក ហើយស្រាបៀរថៃហ្គ័រឈ្នះ ពានរង្វាន់លំដាប់ថ្នាក់អន្តរជាតិច្រើនជាង៤០មេដាយផ្នែករសជាតិ និងគុណភាព។
សូមចូលទៅកាន់ទំព័រហ្វេសប៊ុកផ្លូវការ របស់ស្រាបៀរថៃហ្គ័រ៖ www.facebook.com/TigerBeerKH

ពិសាដោយការទទួលខុសត្រូវ៕
January 21, 2019