Category: PR

អតិថិជនរបស់វីងអាចមកកាន់”ភ្នាក់ងារវីង ម៉ាស្ទ័រ”ដើម្បីទទួលបានសេវាកម្មហិរញ្ញវត្ថុយ៉ាងសម្បូរបែប ដោយសន្សំសំចៃពេលវេលា និងថវិកាសម្រាប់ការធ្វើដំណើរ។
វីងបានដាក់ដំណើរការជាផ្លូវការ ”ភ្នាក់ងារវីង ម៉ាស្ទ័រ” ដំបូងគេដែលមិនធ្លាប់មាន ដើម្បីពង្រីកសេវាកម្មហិរញ្ញវត្ថុរបស់ខ្លួនឲ្យកាន់តែទូលំទូលាយបន្ថែមទៀតនៅកម្ពុជា។

លោក ម៉ានូ រ៉ាចាន់ អគ្គនាយកនៃ ក្រុមហ៊ុន វីង ម៉ាន់ នី (ខេមបូឌា)ម.ក មានប្រសាសន៍ថា៖ “នេះគឺជាព្រឹត្តិការណ៍ដ៏សំខាន់មួយទៀតរបស់វីង ខណៈពេលដែលយើងខិតខំប្រឹងប្រែងផ្តល់សេវាកម្មហិរញ្ញវត្ថុពេញលេញមួយដល់សហគមន៍កាន់តែច្រើនបន្ថែមទៀត។ ‘ភ្នាក់ងារវីង ម៉ាស្ទ័រ’ នឹងក្លាយជាកាតាលីករមួយទៀត ដើម្បីជួយជំរុញបរិយាបន្នហិរញ្ញវត្ថុក្នុងចំណោមប្រជាជនដែលមិនមានធនាគារនៅក្នុងប្រទេសកម្ពុជា”។

“ភ្នាក់ងារវីង ម៉ាស្ទ័រ” ត្រូវបានរៀបចំឡើងដើម្បីផ្តល់ភាពងាយស្រួល និងផាសុកភាពដល់អតិថិជនគ្រប់រូបដែលចង់ធ្វើប្រតិបត្តិការហិរញ្ញវត្ថុកាន់តែច្រើន ទាំងការផ្ទេរប្រាក់ក្នុងស្រុក ការទូទាត់វិក្កយបត្រ និងសេវាផ្សេងជាច្រើនទៀត។ “ភ្នាក់ងារវីង ម៉ាស្ទ័រ” នឹងធ្វើការយ៉ាងជិតស្និទ្ធជាមួយភ្នាក់ងារវីង ដែលនៅជិតៗនោះ ធានាឲ្យបាននូវការបំពេញសាច់ប្រាក់ដើម្បីផ្តល់នូវសេវាកម្មហិរញ្ញវត្ថុលឿនរហ័ស។

“ភ្នាក់ងារវីង ម៉ាស្ទ័រ” ដំបូងគេ មានទីតាំងនៅជិតផ្សារផ្អាវក្នុងខេត្តកំពង់ចាម។ ដោយមានមុខងារដូចគ្នានឹងការិយាល័យកណ្តាលរបស់វីងក្នុងរាជធានីភ្នំពេញ ”ភ្នាក់ងារវីង ម៉ាស្ទ័រ” ផ្តល់សេវាកម្មហិរញ្ញវត្ថុដល់អតិថិជនគ្រប់រូបដូចជា៖ វីងវេរលុយ ដាក់ប្រាក់ និងដកប្រាក។ អតិថិជនក៏អាចស្នើសុំកាត Master និង Visa ពី “ភ្នាក់ងារវីង ម៉ាស្ទ័រ” បានផងដែរ។

លោក ស៊ុ្រន ឈាងស្រេង នាយកគ្រប់គ្រងអាជីវកម្មទីផ្សារអតិថិជននៃក្រុមហ៊ុន វីង បានមានប្រសាសន៍ថា៖ “អតិថិជននៅតែអាចទៅកាន់ភ្នាក់ងារវីង ដែលនៅជិតនោះ ព្រមទាំងប្រើប្រាស់កម្មវិធីស្មាតហ្វូនវីងជាធម្មតា ដើម្បីធ្វើប្រតិបត្តិការហិរញ្ញវត្ថុរបស់ពួកគេ។ ‘ភ្នាក់ងារវីង ម៉ាស្ទ័រ’ នឹងផ្តល់សេវាកម្មទាំងអស់ដូចគ្នាទៅនឹងការិយាល័យកណ្តាលរបស់វីង ដែលជួយសន្សំសំចៃពេលវេលា និងការចំណាយលើការធ្វើដំណើររបស់អតិថិជន។”

“ភ្នាក់ងារវីង ម៉ាស្ទ័រ” ដំណើរការពីថ្ងៃច័ន្ទ ដល់ថ្ងៃសៅរ៍ ពីម៉ោង ៨ ព្រឹក ដល់ ៥ ល្ងាច។ “ភ្នាក់ងារវីង ម៉ាស្ទ័រ” ជាច្រើនទៀតនឹងបើកសម្ពោធជាផ្លូវការក្នុងពេលឆាប់ៗនេះ នៅផ្សារដងទង់ ក្នុងខេត្តកោះកុង ផ្សារថ្នល់ទទឹង និងផ្សារកំពង់លួង ខេត្តកណ្តាល ផ្សារទីរួមខេត្តកំពង់ស្ពឺ និងផ្សារឈូកមាសក្នុងរាជធានីភ្នំពេញ ដើម្បីផ្តល់សេវាហិរញ្ញវត្ថុដល់សហគមន៍។

ដើម្បីអបអរការដាក់ដំណើរការ “ភ្នាក់ងារវីង ម៉ាស្ទ័រ” អតិថិជនដែលបើកគណនីវីងនៅភ្នាក់ងារទាំងនេះ ហើយដាក់ប្រាក់ 25 ដុល្លារអាមេរិក ឬ 100,000 រៀល នឹងមានឱកាសឈ្នះរង្វាន់ជាសាច់ប្រាក់សុទ្ធ 100 ដុល្លារ។ អ្នកឈ្នះចំនួន 25 នាក់នឹងត្រូវបានជ្រើសរើសនៅថ្ងៃទី 01 ខែមករា ឆ្នាំ 2022។ អ្នកឈ្នះនឹងទទួលបានរង្វាន់ជាសាច់ប្រាក់បញ្ចូលទៅក្នុងគណនីវីងរបស់ពួកគេតែម្តង៕

កំពត ៖ ជាមួយនឹងការអភិវឌ្ឍយ៉ាងឆាប់រហ័សនៅលើដែនដីខេត្តកំពត Meas Development Group (Cambodia) មានមោទនភាពក្នុងការបង្ហាញនូវគម្រោងលំនៅដ្ឋាន និងផ្ទះអាជីវកម្ម ដែលនាំមកជូនសម្រាប់ទីផ្សារវិនិយោគអចលនទ្រព្យកម្ពុជា ដោយ បុរី ហ្គ្រីន កំពត។

ជាមួយនឹងភាពជោគជ័យជាង ១៥ ឆ្នាំលើវិស័យសំណង់ និងការអភិវឌ្ឍអចលនទ្រព្យ ខុនដូ ផ្សារពាណិជ្ជកម្ម និងផ្ទះអាជីវកម្ម ក្រុមហ៊ុន Meas Development Group (Cambodia) មានបំណងចូលរួមជួយទ្រទ្រង់ដល់កំណើនសេដ្ឋកិច្ចដ៏ឆាប់រហ័ស ដែលកំពុងកើតមានរួចជាស្រេចនៅតំបន់ឆ្នេរសមុទ្រភាគខាងត្បូងនៃប្រទេសកម្ពុជា និងខេត្តកំពត ដោយក្នុងនោះរួមមានវិស័យដឹកជញ្ជូន កសិកម្ម ថាមពល ដែលកំពុងរីកចម្រើនយ៉ាងខ្លាំងក្លា និងជាមជ្ឈមណ្ឌលទេសចរណ៍នៃឧបទ្វីបឥណ្ឌូចិនមួយផងនោះ។

បុរី ហ្គ្រីន ត្រូវបានរចនាឡើងសម្រាប់វិនិយោគិនឆ្លាតវៃ ដែលស្វែងរកនូវបទពិសោធន៍រស់នៅប្រកបដោយភាពស្រស់បំព្រង សុខដុម និងបែបធម្មជាតិនៃទីក្រុងកំពត រួមជាមួយទីតាំងដ៏មានសក្តានុពល ដែលអចលនទ្រព្យនៅក្នុងបុរី នឹងអាចជួយទ្រទ្រង់ដល់សកម្មភាពពាណិជ្ជកម្ម ពោលគឺអតិថិជនអាចបើកអាជីវកម្មនៅជាន់ទី ១ នៃផ្ទះរបស់ពួកគាត់បាន ដែលជាកត្តាមួយផ្តល់នូវទំនុកចិត្តដ៏កក់ក្តៅក្នុងការទាញយកផលចំណេញត្រឡប់មកវិញបានយ៉ាងឆាប់រហ័សសម្រាប់ការវិនិយោគរបស់ពួកគាត់។

ជាមួយភាពទំនើបឡូយឆាយបែបផ្តាច់មុខនិងឯកជន បុរី ហ្គ្រីន មានផ្តល់ជូននូវគេហដ្ឋានបែបប្រណីតចំនួនប្រហាក់ប្រហែល ១៥០ខ្នង អមដោយហេដ្ឋារចនាសម្ព័ន្ធសហគមន៍លំដាប់ពិភពលោក។ ជាមួយការលក់សម្រេចបានជាង ៥០% ដែលមកទល់បច្ចុប្បន្ននេះ បុរី ហ្គ្រីន គ្រោងនឹងប្រគល់គេហដ្ឋានជូនដល់ម្ចាស់ភ្លាមៗនាខែមេសា ឆ្នាំ ២០២២ ខាងមុខនេះ ដោយក្នុងនោះបុរីបានផ្តល់ជូននូវជម្រើសជាច្រើនដូចជា ផ្ទះអាជីវកម្មជម្រើស ២ជាន់ និង៣ជាន់ ផ្ទះល្វែងជាប់គ្នា និងផ្ទះវីឡាជាដើម ដល់វិនិយោគិនថ្មីៗ ដែលទើបអញ្ជើញមកដល់ទឹកដីខេត្តកំពតផងដែរ។

កំពត ជាខេត្តមួយ ដែលតំណាងឱ្យដែនដីដ៏ស្រស់ស្អាតបែបធម្មជាតិដ៏ប្រណិតបំផុតមួយ ល្អសក្តិសមសម្រាប់វិនិយោគិនដែលមានបំណងចង់បានផ្ទះអាជីវកម្ម ដែលពួកគាត់ពុំមានលទ្ធភាពផ្នែកហិរញ្ញវត្ថុគ្រប់គ្រាន់ក្នុងការជាវគេហដ្ឋាននៅតំបន់ប្រជុំជនធំៗដូចជារាជធានីភ្នំពេញ ឬក្រុងព្រះសីហនុជាដើម។ បុរី និងធនាគារជាដៃគូ មានផ្តល់ជូននូវគោលការណ៍ទូទាត់ប្រាក់ដែលមានភាពបត់បែនបំផុត ពោលគឺមានចាប់ពី ២០០ ដុល្លារក្នុងមួយខែឡើងទៅ ដែលអនុញ្ញាតឱ្យវិនិយោគិនឆ្លាតវៃ អាចដាក់អគារសម្រាប់ជួល ឬបើកអាជីវកម្ម ដើម្បីបានចំណូលត្រឡប់មកវិញ សម្រាប់ទូទាត់សងជូនធនាគារយ៉ាងងាយស្រួលបំផុត។

ជាមួយលទ្ធភាពធ្វើដំណើរឆ្លងកាត់ពីផ្លូវជាតិលេខ៣ និងផ្លូវក្រវ៉ាត់ក្រុងកំពតដែលទើបនឹងអភិវឌ្ឍនាពេលថ្មីៗផងនោះ បានធ្វើឱ្យសកម្មភាពនៃការបើកអាជីវកម្មនៅក្នុងបុរីហ្គ្រីន មានសភាពអ៊ូរអរជាខ្លាំង ហើយការជួលហាងដោយយីហោល្បីៗក៏មានសន្ទុះខ្លាំងប្រហាក់ប្រហែលគ្នា ពោលគឺជម្រុញឱ្យមានការកើនឡើងនូវតម្លៃនៃការជួល និងការកាន់កាប់អគារនៅក្នុងតំបន់ជុំវិញ។ អតិថិជន ដែលអញ្ជើញមកកាន់សហគមន៍ដ៏ស្ងប់ស្ងាត់របស់បុរី ហ្គ្រីន មានដូចជាមកពីផ្សារកណ្តាលនៃខេត្តកំពត ស្ថានីយ៍រថភ្លើងកំពត និងសង្កាត់ពាណិជ្ជកម្មនៅតាមផ្លូវជាតិលេខ ៣ ជាដើម។ ការបញ្ចប់ការសាងសង់ផ្សារទំនើប Furi Mall នៅច្រកចូលបុរីហ្គ្រីន នាឆ្នាំ ២០២២ មុខនេះ ក៏ជាគុណសម្បត្តិដ៏ល្អវិសេសមួយទៀត បន្ថែមទៅលើលទ្ធភាពទទួលបានប្រាក់ចំណូលត្រឡប់មកវិញសម្រាប់ផ្ទះអាជីវកម្ម នឺងជីវិតប្រកបដោយភាពសុខដុមរបស់ម្ចាស់គេហដ្ឋាន។

ការលក់បញ្ចុះតម្លៃក្នុងរដូវកាលដំណាច់ឆ្នាំនេះ គឺមានផ្តល់ជូនដល់អតិថិជន ដោយមានកំណត់ និងទៅលើប្រភេទគេហដ្ឋានមួយចំនួន រហូតដល់ថ្ងៃទី 31 ខែធ្នូ ឆ្នាំ2021 ប៉ុណ្ណោះ។ លោកអ្នកអាចទំនាក់ទំនងតាមរយៈលេខទូរសព្ទមកកាន់ផ្នែកប្រឹក្សារបស់បុរី ហ្គ្រីន ចាប់ពីថ្ងៃនេះតទៅ រហូតដល់រដូវកាលដំណាច់ឆ្នាំត្រូវបានបញ្ចប់ ដើម្បីស្វែងយល់បន្ថែមអំពីការធ្វើឱ្យក្តីសុបិននៃការវិនិយោគអចលនទ្រព្យរបស់អ្នកក្លាយជាការពិត និងការសម្រាកលម្ហែកម្សាន្ត “តាមបែបជីវិតធ្វើការពីផ្ទះដ៏ងាយស្រួល” នាទឹកដីខេត្តកំពតដ៏ស្រស់ស្អាតនៅឆ្នាំ ២០២២។

បុរីហ្គ្រីន សូមថ្លែងអំណរគុណដល់ក្រុមហ៊ុន Meas Development Group ៖ អភិវឌ្ឍន៍វិស័យអចលនទ្រព្យនៅប្រទេសកម្ពុជា ចាប់តាំងពីឆ្នាំ ២០០១។
ទាញយកព័ត៌មានទាំងស្រុងនៅទីនេះ៖ www.boreygreen.com

ដោយ​សង្កេតឃើញថា​ទីផ្សារ​ប្រទេស​កម្ពុជា​មានការ​ពេញនិយម​ជាមួយនឹង​ការបំពាក់​គ្រឿង​តុបតែង​លម្អ (Accessories) ឬ កែ​បន្ថែម (Modified) សម្រាប់​ឲ្យ​រថយន្ត​មើលទៅ​ខុសប្លែក​ពី​គេ និង​កាន់​តែមាន​ភាព​អំណាច ដូច្នេះ​ថ្ងៃនេះ​យើងខ្ញុំ​នឹង​លើកយក​អត្ថបទ​មួយ​នេះ​មក​ចែករំលែក ជាពិសេស​នឹងត្រូវ​ចិត្ត​ប្រិយមិត្ត​ដែល​និយម​ចូលចិត្ត​គ្រឿង​តុបតែង​លម្អ​រថយន្ត​បន្ថែម ដែល​យើងខ្ញុំ​នឹង​ណែនាំ​រថយន្ត Ford Ranger មួយ​ម៉ូ​ឌែ​ល​ថ្មីស្រឡាង​ដែល​ទើបតែ​មាន​វត្ត​ក្នុង​ទីផ្សារ​ប្រទេស​កម្ពុជា​នោះ​គឺ​រថយន្ត Ford Ranger FX4 ស៊េរី​ថ្មី​ឆ្នាំ 2022 ដែល​រថយន្ត​នេះ​បាន​បំពាក់​មក​ជាមួយនឹង​គ្រឿង​តុបតែង​លម្អ​ពណ៍​ខ្មៅ (Original) មកពី​រោងចក្រ​ដែល​ធ្វើ​ឲ្យ​រថយន្ត​នេះ​មើលទៅ​កាន់តែ​មាន​ភាព​ស្ព័​រ និង​មានអំណាច​ដូចជា៖ ប៉ា​ណា​មុខ​រចនា​បែប​សំណាញ់​ពណ៍​ខ្មៅ​រលោង យ៉ាន់​កង់​អាលុយមីញ៉ូម​ពណ៍​ខ្មៅ​រលោង ជាពិសេស​នោះ​គឺមាន​បន្ថែម​ជូន​នូវ​កាង​ផ្នែក​ខាងក្រោយ (Sport Bar) លើសពី​រថយន្ត Pickup ដ៏​ទៃ។

ក្រៅពី​រូបរាង​ដ៏​លេចធ្លោ​នេះ បើ​និយាយ​ពី​រថយន្ត Pickup នោះគេ​នឹង​គិតដល់​ក្រុមហ៊ុន​ផលិត​រថយន្ត Ford មុនគេ​ដោយសារតែ Ford ជា​ក្រុមហ៊ុន​រថយន្ត​ឈានមុខ​គេ​មួយ​របស់​សហរដ្ឋអាមេរិក ហើយ​គ្រប់​រថយន្ត Ford តែងតែបាន​បំពាក់​មក​ជាមួយនឹង​ប្រព័ន្ធ​សុវត្ថិភាព និង​បច្ចេកវិទ្យា​លើសគេ។ យើងខ្ញុំ​នឹង​លើកយក​គុណសម្បត្តិ 3 ធំៗនៃ​រថយន្ត Ford Ranger FX4 ស៊េរី​ថ្មី​ឆ្នាំ 2022 មក​ចែកជូន​ប្រិយមិត្ត​ទាំងអស់គ្នា​ឲ្យ​បានដឹង៖

1. សមត្ថភាព៖ បើ​និយាយ​ពី​រថយន្ត Ford Ranger FX4 នោះគេ​នឹង​គិតដល់​សមត្ថភាព​នៃ​រថ​យន្ត​នេះ​មុនគេ ដោយសារតែ​រថយន្ត​នេះ​មាន​សមត្ថភាព​អាច​បើកបរ​បាន​គ្រប់​ស្ថានភាព​ផ្លូវ និង​ជាពិសេស​នោះ​គឺ​សមត្ថភាព​ដឹក​ទម្ងន់​ធ្ងន់ ដែល​អាចជួយ​សម្រួល​ដ​ល់​ការប្រើប្រាស់​លោកអ្នក​បាន​គ្រប់​តម្រូវការ។ ជាក់ស្តែង​មាន​ចំណុច​ជាច្រើន​ដែល​អាច​បញ្ជាក់​ពី​សមត្ថភាព​របស់​រថ​យន្ត Ford Ranger FX4 ស៊េរី​ថ្មី​ឆ្នាំ 2022 នេះ​ដូចជា៖

• ម៉ាស៊ីន​ម៉ា​ស៊ូ​ត​ជំនាន់​ចុងក្រោយ​សម្រាប់​ម៉ូ​ឌែ​ល 2L អាច​ផលិត​នូវ​កម្លាំង​សេះ​ដល់​ទៅ 150 PS និង​កម្លាំង​រមួល​បាន​ដល់​ទៅ 385 Nm

• ប្រអប់លេខ 6 វគ្គ​អូ​តូ ដែល​អាច​ប្រើប្រាស់​បាន​ទាំង​លេខ​ដៃ និង​លេខ​អូ​តូ​ធ្វើ​ឲ្យ​ការបើកបរ​កាន់តែ​រលូន និង​ចូល​លេខ​បានល្អ
• យ៉ាន់​កង់​បែប​ស្ព័​រ​ទំនើប​ទាន់សម័យ​ទំហំ 18 អ៊ី​ញ​ពណ៍​ខ្មៅ​រលោង​ស័ក្តិសម​ជាមួយ​តួ​រថយន្ត និង​អាច​បើកបរ​បាន​គ្រប់​ស្ថានភាព​ផ្លូវ ជាពិសេស​ធន់​រឹងមាំ​សម្រាប់​ការដឹក​ទំនិញធ្ងន់ៗ

• អាច​ចុះ​ទឹកបាន​ជម្រៅ 800mm លើសគេ
• ប្រព័ន្ធ​ទប់​លំនឹង​រថយន្ត​ពេល​បើកបរ​លើផ្លូវ​កោង រអិល និង​បញ្ចៀស​ការ​ក្រឡាប់
• ប្រព័ន្ធ​ទប់​លំនឹង​កុំ​ឲ្យ​រអិល​ថយក្រោយ​ពេល​ឡើង​ចំណោត
• ប្រព័ន្ធ​ទប់​លំនឹង​ពេល​ចុះ​ចំណោត
• ប្រព័ន្ធ​ហ្វ្រាំង ABS និង​EBD
• ប្រព័ន្ធ​ជំនួយ​ក្នុង​ការចាប់​ហ្វ្រាំង
• ប្រព័ន្ធគ្រប់គ្រង​ប៉ុង​របស់​រថយន្ត (កាប់​ពី​តាស)
• ប្រព័ន្ធ​ចាប់​ប៉ុង​ក្រោយ​ដែល​ជួយ​សម្រួល​ដល់​ការជាប់​ផុង
• ប្រព័ន្ធ​ជើង​ក្រោម​ផ្លាស់ប្តូរ​ថ្មី​ដែល​អាច​កាត់បន្ថយ​ការ​រលាក់ រំ​ញ័រ និង​មាន​លំនឹង​ពេល​បើកបរ
• អាច​អូស​សណ្តោង​បាន​ដល់ 3 តោន
• អាច​ដឹកទំនិញ​បាន​ដល់​ទៅ​ជាង 1 តោន

2. ប្រព័ន្ធ​សុវត្ថិភាព និង​បច្ចេកវិទ្យា បើ​និយាយ​ពី​ចំណុច​នេះ Ford គឺ​ឈរ​នៅលើ​គេ​តែម្តង ដោយ​គ្រប់​រថយន្ត Ford ទាំងអស់​គឺ​ពិតជា​បានគិត​គូ​ដល់​សុវត្ថិភាព​ទាំង​អ្នកបើកបរ និង​អ្នករួមដំណើរ​បាន​យ៉ាង​ល្អ និង​បច្ចេកវិទ្យា​ដ៏​ទំនើប​ដែល​លើសពី​ដៃគូ​ប្រកួតប្រជែង​ដែលមាន​ដូចជា៖

• ប្រព័ន្ធ​កូនសោ​ឆ្លាត​វៃ ចុច​បញ្ឆេះ​រថយន្ត និង​ចេញចូល​រថយន្ត​ដោយ​គ្រាន់តែ​យកដៃ​ទៅ​ស៊ក​នឹង​ដៃ​ទ្វារ

• កាមេរ៉ា​ជំនួយ​ចូល​ចត​ផ្នែក​ខាងក្រោយ​ដែលមាន​ខ្សែ​គំនូស​ព​ណ៍ស រេ​តាម​ចង្កូត
• សេន​សឺ​ផ្នែក​ខាងក្រោយ​ចំនួន 4 គ្រាប់

• ចុច​ក​ព្ចា​ក់​ក្តោប​ដោយ​ស្វ័យប្រវត្ត
• ផ្លិត​ទឹក​ស្វ័យប្រវត្ត
• កុង​ទ័​រ​ឌីជីថល​រចនា​ម៉ូដ​ថ្មីស្រឡាង​ដែល​ផ្តល់​ព័​ត៍​មាន​យ៉ាង​លម្អិត​អំពី​រថយន្ត
• ចង្កូត​បូម​អេ​ឡិច​ត្រូ​និ​ច​ដែលមាន​លក្ខ​ណះ​ធូរ​ងាយស្រួល​បើកបរ )EPAS)
• ប្រព័ន្ធ​បញ្ជា​ដោយ​សម្លេង (Voice Command) សម្រាប់​ការហៅ​ទូរស័ព្ទ និង​បញ្ជា​ប្រព័ន្ធគ្រប់គ្រង​សីតុណ្ហភាព​រថយន្ត
• ប្រព័ន្ធ​ផ្តល់​សញ្ញា​នៅពេលដែល​ប្រើប្រាស់​ម៉ា​ស៊ូ​ត​មិនល្អ
• អេក្រង់ Touch Screen 8 អ៊ី​ញ សម្រាប់​គ្រប់គ្រង វិទ្យុ តន្ត្រី និង​ការកម្សាន្តផ្សេងៗ
• បច្ចេកវិទ្យា SYNC 3 ជំនាន់​ថ្មី​ដែល​អាចធ្វើ​ការភ្ជាប់​ផ្ទាល់​ជាមួយនឹង Apple CarPlay, Android Auto និង Google Map
• រន្ធ USB ចំនួន 2 និង​រន្ធ​សាក​កម្លាំង 12V ចំនួន 2
• សេន​សឺ​ខ្សែក្រវ៉ាត់​សុវត្ថិភាព
• បំពាក់​ជូន​នូវ​ពោង​សុវត្ថិភាព​ចំនួន 6 គ្រាប់
• តួ​រថយន្ត​ធ្វើ​ពី​ដែកថែប​មាន​ភាពរឹងមាំ​ខ្លាំង មាន​ដែកថែប​ពិសេស​ចំនួន 2ដើម សម្រាប់​ការពារ​ផ្នែក​ចំហៀង​សងខាង​នៃ​រថយន្ត
• ខែល​ដែកថែប​ការពារ​ម៉ាស៊ីន​ផ្នែក​ខាងក្រោម
• ប្រព័ន្ធ​ការពារ​ចោរកម្ម
• ប្រព័ន្ធ​ពន្លត់​ម៉ាស៊ីន​ដោយ​ស្វ័យប្រវត្ត ពេល​បញ្ឆេះ​រថយន្ត​ចោល
• ប្រព័ន្ធ​កាត់បន្ថយ​សម្លេង​រំខាន​ពី​ខាងក្រៅ
• ប្រព័ន្ធ​សម្រាប់​កំណត់​ល្បឿន​អតិបរមា​ពេល​បើកបរ

3. សន្សំសំចៃ និង​ចំណេញ​ក៏​ជា​ចំណុច​មួយ​ដែល​មិនគួរ​មើលរំលង ដែល​លោកអ្នក​គួរតែ​ពិចារណា​មុនពេល​ទិញ​រថយន្ត សម្រាប់​រថយន្ត Ford Ranger FX4 ស៊េរី​ថ្មី​ឆ្នាំ 2022 គឺមាន​ចំណុច​ទាំងនេះ៖

• ការ​សន្សំសំចៃ​ប្រេងឥន្ធនៈ​គឺ​សម្រាប់​ការបើកបរ​លើផ្លូវ​លាត ត្រឹមតែ 7-8 លីត្រ​ក្នុង 100 គី​ឡួ​ម៉ែត្រ​អាស្រ័យ​លើ​ស្ថានភាព​ផ្លូវ និង​អ្នកបើកបរ
• Ford តែងតែ​គិតគូ​ពី​បរិស្ថាន​ដែល​នៅលើ​រថយន្ត​នេះ​មាន​បំពាក់​ប្រព័ន្ធ​កាត់បន្ថយ​ផ្សែង​ពុល
• អាច​ប្រើប្រាស់​បាន​ទាំង​លក្ខណៈ​ផ្ទាល់ខ្លួន គ្រួសារ និង​ប្រភេទ​អាជីវកម្មផ្សេងៗ
• មាន​សមត្ថភាព​ខ្ពស់​ប្រហាក់ប្រហែល​ទៅនឹង Ford Ranger Wildtrak ដែរ​តែ​តម្លៃ​វិញ​ធូរ​ជាង​រហូតដល់​ជាង 1ម៉ឺន​ដុល្លា​ឯណោះ
• តម្លៃ​សមរម្យ​សម្រាប់​ប្រជាជន​ខ្មែរ​ភាគច្រើន និង​មាន​ទីផ្សារ​ខ្ពស់​ក្នុងប្រទេស​កម្ពុជា ងាយស្រួល​ទិញ​ចូល លក់​ចេញ មិនសូវ​ខាត ហើយ​ក្រុមហ៊ុន​ក៏មាន​សេវា​យក​រថយន្ត​ចាស់​មក​ផ្លាស់ប្តូរ​រថយន្ត​ថ្មី (Trade-In Service) ផងដែរ
• មានឱកាស​ចូលរួម​ដំណើរ​កម្សាន្ត​ដែល​រៀបចំ​ដោយ​ក្រុមហ៊ុន Ford
• ការធានា​ផ្ទា​ល់ពី​រោងចក្រ​រយៈពេល 3ឆ្នាំ ឬ 100,000គីឡូម៉ែត្រ
• សេវា​ថែទាំ​រថយន្ត​រយៈពេល 1ឆ្នាំ ឬ 20,000គីឡូម៉ែត្រ
• ជាពិសេស​មាន​សេវា​ជួសជុល​រថយន្ត​ចល័ត 24 ម៉ោង​ទូទាំងប្រទេស

រថយន្ត Ford Ranger FX4 ស៊េរី​ថ្មី​ឆ្នាំ 2022 មានតម្លៃ $46,500 ជាពិសេស​នោះ​គឺ​ទិញ​ភ្លាម​ទទួលបាន​រថយន្ត​ភ្លាម​មិនចាំបាច់​រង់ចាំ​យូរ! សម្រាប់​ការបង់ប្រាក់​អាច​ធ្វើបាន​តាមរយៈ​សាច់ប្រាក់ ឬ​ការបង់​រំលស់​ដែលមាន​អត្រា​ការប្រាក់​ទាប​ជាងគេ​គឺ​លោកអ្នក​អាច​បង់​ប្រចាំខែ​ត្រឹមតែ $392 ក្នុង​មួយខែ ឬ​បង់ប្រាក់​កក់​ដំបូង​ត្រឹមតែ $9,300 តែប៉ុណ្ណោះ​ជាមួយនឹង​លក្ខខណ្ឌ​នៃ​ការបង់​រំលស់ងាយៗ និង​ការអនុម័ត​ឆាប់រហ័ស​ត្រឹមតែ 2-3 ថ្ងៃ​លោកអ្នក​អាច​យក​រថយន្ត​ថ្មី​ទៅប្រើ​ប្រាស់​បាន តាម​តម្រូវការ។ សម្រាប់​ពណ៍​គឺមាន 3 ពណ៍​ដូចជា៖ ស ខ្មៅ និង​ទឹកប្រាក់។ ចង់ឃើញ​ច្បាស់​ពី​រូបរាង​ថ្មី ប្រព័ន្ធ​សុវត្ថិភាព និង​បច្ចេកវិទ្យាទំនើបៗនៃ​រថយន្ត Ford Ranger FX4 ស៊េរី​ថ្មី​ឆ្នាំ 2022 សូម​ទស្សនា​វីដេអូ​នេះ​ទាំងអស់គ្នា៖

សម្រាប់​ព័​ត៍​មាន​បន្ថែម​លោកអ្នក​អាច​អញ្ជើញ​ទៅ​សាកសួរ​ព័​ត៍​មាន​បន្ថែម​នៅតាម​បណ្តា​សាខា​អគារ​តាំង​បង្ហាញ​រថយន្ត Ford និង​ទំនាក់ទំនង​ទៅតាម​លេខ​ទូរស័ព្ទ​ដូចខាងក្រោម៖

• អគារ​តាំង​បង្ហាញ​សាខា​ផ្លូវ ព្រះមុនីវង្ស ដែល​ស្ថិតនៅ​អគារ​លេខ 444 ផ្លួ​វ​ព្រះមុនីវង្ស ជាប់​ទូត​វៀតណាម លេខ​ទូរស័ព្ទ​ទំនាក់ទំនង៖ 078 999 773
• អគារ​តាំង​បង្ហាញ​សាខា ទឹកថ្លា ដែល​ស្ថិតនៅតាម​បណ្តោយ​ផ្លូវ​ទៅ​ព្រលានយន្តហោះ លេខ​ទូរស័ព្ទ​ទំនាក់ទំនង៖ 095 939 939
• អគារ​តាំង​បង្ហាញ​សាខា ទួល​សង្កែ ដែល​ស្ថិតនៅ​លើផ្លូវ 105 ជិត​ផ្សារ​សាំ​ហាន់ លេខ​ទូរស័ព្ទ​ទំនាក់ទំនង៖ 078 935 935
• អគារ​តាំង​បង្ហាញ​សាខា​ខេត្ត សៀមរាប ដែល​ស្ថិតនៅ​អគារ​លេខ 593 តាម​បណ្តោយ​ផ្លូវជាតិ​លេខ 6A លេខ​ទូរស័ព្ទ​ទំនាក់ទំនង៖ 077 666 357
• អគារ​តាំង​បង្ហាញ​សាខា​ខេត្ត កំពង់ចាម ដែល​ស្ថិតនៅ​អគារ​លេខ 940 តាម​បណ្តោយ​ផ្លូវជាតិ​លេខ 7 ភូមិ​បឹង​ស្នាយ សង្កាត់​សំបូ​មាស ក្រុង​កំពង់ចាម លេខ​ទូរស័ព្ទ​ទំនាក់ទំនង៖ 078 999 883។

ទីក្រុង​មែ​ល​ប៊​ន ប្រទេស​អូស្ត្រាលី ថ្ងៃទី 24 ខែ​វិ​ចិ្ឆ​កា ឆ្នាំ2021 – ក្រុមហ៊ុន Ford បានធ្វើ​ឲ្យ​ពិភពលោក​មានការ​ភ្ញាក់ផ្អើល​ជាមួយនឹង​ការសម្ពោធ​រថយន្ត Pickup ជំនាន់​ថ្មី​របស់ខ្លួន​នោះ​គឺ​រថយន្ត Ford Ranger ម៉ូ​ឌែ​ល​ឆ្នាំ 2023 ជំនាន់​ថ្មី (The Next-Gen Ford Ranger) ដែល​ត្រូវបាន​រចនា​រូបរាង​ថ្មី​ទាំងស្រុង​ទាំង​ផ្នែក​ខាងក្នុង និង​ផ្នែក​ខាងក្រៅ ហើយ​រថយន្ត​នេះ​នឹង​ក្លាយជា​រថយន្ត​ដែលមាន​ភាព​ឆ្លាត​វៃ មាន​ភាពបត់បែន និង​សមត្ថ​ភាពខ្លាំង​បំផុត​មិន​ធ្លាប់មាន​ក្នុង​ប្រវត្តិសាស្ត្រ​នៃ​រថយន្ត Pickup។

ដោយ​ប្រើ​ជំនាញ និង​បទពិសោធន៍​នៃ​ការផលិត​រថយន្ត Ford អស់​រយៈពេល​ជាច្រើន​ឆ្នាំ និង​ការស្វែងយល់​អំពី​តម្រូវការ​របស់​អតិថិជន​រថយន្ត Pickup ក្រុមហ៊ុន Ford បានធ្វើការ​សម្ភាសន៍​អតិថិជន​ជាង 5,000 នាក់ និង​រៀបចំ​សិក្ខាសាលា​ជាច្រើន​ដង ទម្រាំ​តែ​អាច​ផលិត​រថយន្ត Ford Ranger ជំនាន់​ថ្មី​ដែល​អាច​ប្រើប្រាស់​បាន​ទាំង​លក្ខណៈ​អាជីវកម្ម គ្រួសារ ការ​ផ្សងព្រេង និង​គ្រប់​ដំណើរ​កម្សាន្តផ្សេង។

លោក Jim Farley អគ្គនាយក និង​ជានា​យក​ប្រតិបត្តិ​របស់​ក្រុមហ៊ុន Ford Motor Company បាន​លើកឡើងថា៖ “រថយន្ត​ត្រកូល Ford Ranger បាន​មាន​វត្តមាន​ក្នុង​ទីផ្សារ​អស់​រយៈពេល​ជាច្រើន​ទសវត្សរ៍​មកហើយ រថយន្ត Pickup មួយ​នេះ​តែងតែ​ជា​ដៃគូ​ដែល​គួរ​ឲ្យ​ទុកចិត្ត​សម្រាប់​ម្ចាស់​អាជីវកម្ម កសិករ គ្រួសារ អ្នក​ផ្សងព្រេង អ្នក​ដឹកជញ្ជូន និង​អតិថិជន​នានា នៅ​ជាង 180 ប្រទេស​ជុំវិញ​ពិភពលោក។ សម្រាប់​រថយន្ត Ford Ranger ជំនាន់​ថ្មី​នេះ​គឺ​មិន​ត្រឹមតែ​ជា​ផលិតផល​ដែល​អតិថិជន​ស្រឡាញ់​ពេញចិត្ត និង​ទិញយក​មកប្រើប្រាស់​ក្នុងពេល​បច្ចុប្បន្ន​នោះទេ ប៉ុន្តែ​វា​នឹង​ក្លាយជា​បទពិសោធន៍​ថ្មីស្រឡាង​មួយ​ដែល​អាចជួយ​បង្កើត​ទំនាក់ទំនង​រវាង​ក្រុមហ៊ុន Ford និង​អតិថិជន​ឲ្យ​កាន់តែ​រឹងមាំ និង​យូរអង្វែង។

ក្រុមហ៊ុន Ford បាន​បង្កើត​ពាក្យស្លោក​ស​ម្រា​ប់​ម៉ូ​ឌែ​ល Ford Ranger ថា៖ “Living The Ranger Life ដែល​​វា​​មាន​ន័យ​ថា​​រស់នៅ​ជីវិត​ជាមួយ​រថយន្ត Ranger” ដែល​​នេះ​​វា​​ក៏​​ជាការ​រួមចំណែក​ក្នុងការ​ចូលរួម​បង្កើត​រថយន្ត Ford Ranger ជំនាន់​ថ្មី​នេះ​ផងដែរ។

ជាក់ស្តែង​រថយន្ត Ford Ranger ជំនាន់​ថ្មី​មាន​ភាព​លេចធ្លោ និង​ពោរពេញ​ដោយ​អំណាច ដោយ​ផ្នែក​ទទឹង​នៃ​រថយន្ត​មាន​ទំហំ​ធំ​ជាង​មុន​រហូតដល់​ទៅ 50mm ដោយ​នេះ​មិន​ត្រឹមតែ​ជាការ​ឌី​ហ្សា​ញ​តែប៉ុណ្ណោះ​ទេ តែ​ថែមទាំង​ជា​ការជួយ​សម្រួល​ដល់​ប្រព័ន្ធ​ជើង​ក្រោម​ថ្មី​ឲ្យ​ដំណើរការ​កាន់តែ​ប្រសើរ​ជាង​មុន។  ជាមួយនឹង​ការ​រចនា​ប៉ា​ណា​ថ្មីស្រឡាង បូករួម​នឹង​ចង្កៀង​មុខ​ប្រភេទ C-Clamp ដែល​ត្រូវបាន​រចនា​ជា​រាង​អក្សរ C ប្លែក​ខុសពី​រថយន្ត​ដ៏​ទៃ ជា​ប្រភេទ Matrix LED ជំនាន់​ចុងក្រោយ និង​អាច​បញ្ចេញ​ភ្លើង​មួយ​ជុំវិញ​រថយន្ត​តែម្តង (Zone Lighting) ដែល​វា​ជា​អត្តសញ្ញាណ​ថ្មី​មួយ​សម្រាប់​រថយន្ត Ford Ranger ជំនាន់​ថ្មី​នេះ។ ផ្នែក​ខាងក្រោយ​ក៏ត្រូវ​បាន​រចនា​ថ្មី​ទាំងស្រុង មាន​ភាព​ធំ​ទូលាយ​ជាង​មុន​ដោយ​ការ​រចនា​បាន​យក​គំរូ​តាម Ford F-150 ជាពិសេស​នោះ​គឺ​បាន​បំពាក់​មក​ជាមួយនឹង​អក្សរ​ផុស​ធំ RANGER ដែល​មើលទៅ​កាន់តែ​អង់អាច​ក្លាហាន ដែល​នេះ​ជា​អ្វីដែល​អតិថិជន​កំពុងតែ​ទន្ទឹងរង់ចាំ​ជា​យូរណាស់​មកហើយ។ រីឯ​ទ្វារ​ផ្នែក​ខាងក្រោយ​ក៏​អាច​ប្រើ​សម្រាប់​ភ្ជាប់​ជាមួយនឹង​ឧបករណ៍ផ្សេងៗ និង​មាន​រន្ធ​សាក​ថ្ម​ទំហំ​ធំ​ដែល​ងាយស្រួល​ក្នុងការ​ប្រើប្រាស់​ជា​ប្រភេទ​អាជីវកម្ម និង​ដំណើរ​កម្សាន្ត​បែប​ផ្សងព្រេង។ ចំណុច​ថ្មី​មួយ​ដែល​រថយន្ត Ford Pickup ជំនាន់មុនៗមិន​ធ្លាប់បាន​បំពាក់​នោះ​គឺ ឈ្នាន់​ជាន់​នៅ​ចំហៀង​កាង​ផ្នែក​ខាងក្រោយ (Rear Load Box Access Step) ដែល​អនុញ្ញាត​ឲ្យ​ឡើង​ចុះ​រថយន្ត​តាម​ផ្នែក​ចំហៀង​ដោយ​មិនចាំបាច់​ឡើងជា​ន់​លើ​សំបក​កង់​ដូច​មុន​នោះទេ នេះ​ជា​ចំណុច​ដែល​អាច​បញ្ជាក់ថា Ford កាន់តែ​គិតគូ​ពី​អ្នកប្រើប្រាស់​រថយន្ត ហើយ​ចំណុច​នេះ​គេ​សង្កេតឃើញថា​មិនទាន់មាន​រថយន្ត Pickup ណាមួយ​មាន​បំពាក់​ឈ្នាន់​បែបនេះ​នៅឡើយ​ទេ ដោយ​នេះ​ស្តែង​ឲ្យ​ឃើញ​ក្រុមហ៊ុន Ford កាន់តែ​យកចិត្តទុកដាក់​ដល់​អ្ន​ក​ប្រើប្រាស់។

ផ្នែក​ខាងក្នុង​ត្រូវបាន​រចនា​រូបរាង​ថ្មី​ទាំងស្រុង ដែលមាន​លក្ខណៈ​ធំ​ទូលាយ ស្រឡះ ទំនើប និង​ប្រណិត​ជាង​មុន ហើយ​សម្ភារៈ​តុបតែង​លម្អ​ផ្នែក​ខាងក្នុង​ត្រូវបាន​ធ្វើឡើង​ពី​ស្បែក​ប្រណិត​លំដាប់​ខ្ពស់​ដែល​កាន់តែ​ផ្តល់នូវ​ផាសុកភាព ផ្តល់​ភាពងាយស្រួល​ដល់​អ្នកបើក​បរ និង​អ្នករួមដំណើរ។ អ្វីដែល​កាន់តែ​ពិសេស​អស្ចារ្យ​បំផុត​នោះ​គឺ​អេក្រង់ Touch Screen ចំ​កណ្តាល​ទំហំ 10.1អ៊ី​ញ ឬ 12អ៊ី​ញ ទៅតាម​ម៉ូ​ឌែ​ល​នៃ​រថយន្ត និង​បច្ចេកវិទ្យា SYNC 4 ជំនាន់​ចុងក្រោយ​បំផុត ដែល​អនុញ្ញាត​ឲ្យ​ភ្ជាប់​អ៊ី​ន​ធឺ​ណេ​ត​នៅពេល​ធ្វើដំណើរ និង​ការភ្ជាប់​ជាមួយ​កម្មវិធី FordPass^TM ដែល​វា​នឹង​បង្កើត​បទពិសោធន៍​ថ្មី​មួយ​សម្រាប់​អ្នកប្រើប្រាស់​មុខងារ​កម្សាន្ត និង​អត្ថប្រយោជន៍​ប្រើប្រាស់​ជាច្រើន​ទៀត​ដូចជា៖ ការ​បញ្ឆេះ​ពី​ចម្ងាយ ការត្រួតពិនិត្យ​ស្ថានភាព​រថយន្ត មុខងារ​ចាក់សោ និង​ដោះ​សោ​ពី​ចម្ងាយ​តាមរយៈ​ទូរស័ព្ទដៃ​របស់លោក​អ្នក។ល។ មិនតែប៉ុណ្ណោះ​រថយន្ត​នេះ​ថែមទាំង​មានមុខ​ងារ​សាក​ថ្ម​ទូរស័ព្ទ​ឥត​ខ្សែ (Wireless Charging) រន្ធ​សាក​ថ្ម USB មុខក្រោយ និង​រន្ធ​សាក​ថ្ម USB Type C ផងដែរ។  កុង​ទ័​រ​ក៏បាន​រចនា​ថ្មី​ទាំងស្រុង​ដែល​សម្រាប់​ជំនាន់​ថ្មី​នេះ Ford បាន​ប្រើប្រាស់​កុង​ទ័​រ Digital ទំហំ 8អ៊ី​ញ​ដែល​អាច​បង្ហាញ​នូវ​ព័​ត៍​មាន​នានា​អំពី​រថយន្ត​ដែល​ផ្តល់នូវ​រូប​ភាពរស់រវើក​ច្បាស់​ល្អ។

បច្ចេកវិទ្យា​ថ្មី​ដែល​អតិថិជន​កំពុង​ទន្ទឹងរង់ចាំ​សម្រាប់​រថយន្ត Ford Ranger Pickup នោះ​គឺ

• ប្រព័ន្ធ​កាមេរ៉ា 360 ដឺ​ក្រេ (360 Degree Camera View) ផ្តល់នូវ​រូបភាព​ច្បាស់​ល្អ មាន​ភាពរស់រវើក​ចំ​កណ្តាល​នៃ​អេក្រង់​ធំ​ទំហំ 1អ៊ី​ញ ឬ 12អ៊ី​ញ លាតសន្ធឹង​ពីលើ​ចុះក្រោម​រាង​ជា​ទ្រវែង (Portrait)
• ប្រព័ន្ធគ្រប់គ្រង​ការបើកបរ​គ្រប់​ស្ថានភាព​ផ្លូវ (On and Off-Road Drive Modes) ដែល​ប្រព័ន្ធ​នេះ​ដូច​ទៅនឹង​រថយន្ត Ford Ranger Raptor និង Ford F-150 Raptor ដែលជា​ប្រព័ន្ធ​មួយ​ជួយ​សម្រួល​ដល់​អ្នកបើក​បរ​អាច​ជ្រើស mode នៃ​ការបើកបរ​ទៅ​ស្ថានភាព​ផ្លូវ​ដូចជា៖ រអិល ខ្សាច់ ភួ​ក និង​ការ​អូស​សណ្តោង​ជាដើម
• ប្រព័ន្ធ​ហ្វ្រាំងដៃ​អេ​ឡិច​ត្រូ​និ​ច (Electric Parking Brake) ជួយ​សម្រួល​ដល់​ការដាក់​ហ្វ្រាំងដៃ​មាន​ភាព​លឿន​រហ័ស និង​បត់បែន
• អ្វីដែល​កាន់តែ​អស្ចារ្យ​មួយទៀត​នោះ​គឺ​ការ​រចនា​ចង្កឹះ​លេខ​ជំនាន់​ថ្មី​រូបរាង​ស្រស់ស្អាត​បែប​ស្ព័​រ បូករួម​ជាមួយនឹង​ប្រព័ន្ធ​ប្តូរ​លេខ​អេ​ឡិច​ត្រូ​និ​ច (All New E-Shifter)  ដែលមាន​ប្រអប់លេខ 10វគ្គ​អូ​តូ និង​អាច​ប្រើប្រាស់​លេខ​ដៃ​រហូតដល់​ទៅ 6 លេខ ដែល​អាច​ឲ្យ​អ្នកបើកបរ​ប្តូរ​លេខ​ពេល​កំពុង​បើកបរ​កាន់តែ​ផ្តល់​ភាពងាយស្រួល​ថែម​មួយកម្រិត​ទៀត​សម្រាប់​អ្នកបើកបរ។

យោងតាម​ការចេញប្រកាស​ពី​ក្រុមហ៊ុន Ford នៅ​ប្រទេស​អូស្ត្រាលី បានបង្ហាញ​ឲ្យ​ឃើញថា Ford បាន​បន្ថែម​ជម្រើស​ម៉ាស៊ីន​ជូន​អតិថិជន​ដែល​ក្នុងនោះ​មាន​រហូតដល់ 4 ជម្រើស​ដូចជា៖

• ម៉ាស៊ីន​ម៉ា​ស៊ូ​ត​ទំហំ 0L V6 Turbodiesel សម្រាប់​អតិថិជន​ចង់បាន​ជម្រើស​នៃ​ថាមពល និង​កម្លាំង​បង្វិល​ជុំ​បន្ថែមទៀត​សម្រាប់​ការ​អូស​សណ្តោង ដឹកទំនិញធ្ងន់ៗ និង​ការបើកបរ​លើផ្លូវ​មាន​ឧបសគ្គ
• ម៉ាស៊ីន​ម៉ា​ស៊ូ​ត Single-Turbo ដែល​ផ្តល់នូវ​ថាមពល​កម្លាំង​បង្វិល​ជុំ និង​សន្សំសំចៃ​ប្រេង​ដែល​ស័ក្តិសម​សម្រាប់​ការប្រើប្រាស់​ទូទៅ និង​បែប​អាជីវកម្ម​ខ្នាតតូច និង​មធ្យម
• ម៉ាស៊ីន​ម៉ា​ស៊ូ​ត Bi-Turbo ដែលជា​ប្រភេទ​ម៉ាស៊ីន​ដែល​បានធ្វើ​កំណែទម្រង់​ថ្មី​មាន​លក្ខណៈ​ទំនើប​ជាង​មុន សម្រាប់​អតិថិជន​ដែល​ចង់បាន​ថាមពល និង​កម្លាំង​ខ្លាំង​តែ​ក៏ត្រូវ​ការ​ការ​សន្សំសំចៃ​ប្រេង
• ម៉ាស៊ីន​សាំង​ប្រភេទ 3L EcoBoost ស៊ីឡាំង 4 នេះ​ជា​លើកដំបូង​ដែល​ក្រុមហ៊ុន Ford បាន​បំពាក់​ម៉ាស៊ីន​សាំង​ប្រភេទ EcoBoost លើ​រថយន្ត Ford Ranger Pickup

ជា​សរុប​មកវិញ សម្រាប់​ម៉ូ​ឌែ​ល Ford Ranger ជំនាន់​ថ្មី​នេះ Ford បាន​កែ​រូបរាង​ថ្មី​ទាំងស្រុង​ទាំង​ផ្នែក​ខាងក្រៅ និង​ផ្នែក​ខាងក្នុង ជាពិសេស​នោះ​គឺ​ប្រព័ន្ធ​សុវត្ថិភាព និង​បច្ចេកវិទ្យា​ជំនាន់​ថ្មី​ចុងក្រោយ​ដែល​ចំណុច​នេះ​គឺ Ford តែងតែ​ឈរលើ​ដៃគូ​ប្រកួតប្រជែង​ជានិច្ច។ រថយន្ត Ford Ranger ជំនាន់​ថ្មី​នឹង​ក្លាយជា​រថយន្ត​ដែល​ឆ្លាត​វៃ ធន់​រឹងមាំ និង​អាច​ជំនះ​បត់បែន​គ្រប់​កាលៈទេសៈ ហើយនឹង​ក្លាយជា​រថយន្ត​ដែលមាន​វិសាលភាព​ឥត​ដែន​កំណត់។

យើង​សង្ឃឹមថាឆាប់ៗខាងមុខនេះ ក្រុមហ៊ុន Ford នឹងធ្វើ​បញ្ចេញ​ព័​ត៍​មាន និងលក្ខណៈផ្សេងៗអំពី​រថយន្ត Ford Ranger ម៉ូ​ឌែ​ល​ឆ្នាំ 2023 ជំនាន់​ថ្មី​នេះ​ឲ្យ​សាធារណៈជន​ជ្រាប​កាន់តែច្បាស់។

https://www.youtube.com/watch?v=rCu1xQ9YfHk

រាជធានី​ភ្នំពេញ ថ្ងៃ​អង្គារ ៨រោច ខែ កត្តិក ឆ្នាំឆ្លូវ ត្រី​ស័ក ត្រូវ​នឹង​ថ្ងៃទី ២៣ ខែ វិច្ឆិកា ឆ្នាំ ២០២១ – សមាគម​ធនាគារ​នៅ​កម្ពុជា និង Visa ដែលជា​ក្រុមហ៊ុន​បច្ចេកវិទ្យា​ទូទាត់​សាច់ប្រាក់​តាមរយៈ​ប្រព័ន្ធ​ឌីជីថល​ឈានមុខ​គេ បាន​ចុះហត្ថលេខា​លើ​អនុស្សរណៈ​នៃ​ការយោគយល់​គ្នា (MOU) ដើម្បី​បន្ត​ផ្តល់​អាជ្ញាប័ណ្ណ​ប្រើប្រាស់​បច្ចេកវិទ្យា​សុវត្ថិភាព Visa’s contactless EMV^® chip[1] standards សម្រាប់​ពង្រឹង​ប្រព័ន្ធ ecosystem នៃ​ការទូទាត់​ក្នុងស្រុក និង គាំទ្រ​ដល់​បណ្តាញ​អន្ដរ​ធនាគារ​របស់​ក​ម្ពុ​ជា​ដែលមាន​ឈ្មោះថា Cambodian Shared Switch (CSS) ក្នុងការ​ប្រើប្រាស់​នូវ​បច្ចេកវិទ្យា​ស្តង់ដា​រួម​ស្របគ្នា​ជាមួយនឹង​កាត​អន្តរជាតិ​ដទៃទៀត។

ចាប់តាំងពី​ឆ្នាំ ២០១៩ មក Visa បានផ្តល់​សិទ្ធិ​ដល់​សមាគម​ធនាគារ​នៅ​កម្ពុជា​ក្នុងការ​ប្រើប្រាស់​បច្ចេកវិទ្យា​សុវត្ថិភាព EMV^® chip standards ក្នុង​ទម្រង់​ជា​បន្ទះ​ឈី​ប​សម្រាប់​ប្រតិបត្តិ​ការទូទាត់​ក្នុងស្រុក ជំនួស​ការប្រើ Magnetic Stripe ដើម្បី​ព​ន្លឿ​ន​ការផ្លាស់ប្តូរ​សម្រាប់​ការទូទាត់​តាមរយៈ​កាត។

សេចក្តី​នៅក្នុង​កិច្ចព្រមព្រៀង​ដែល​បាន​ចុះហត្ថលេខា​នៅថ្ងៃនេះ​ផងដែរ ក៏បាន​បញ្ជាក់​ពី​ការសហការ​របស់ ក្រុមហ៊ុន  Visa ជាមួយ​សមាគម​ធនាគារ​នៅ​កម្ពុជា ដើម្បី​គាំទ្រ​ដល់​ធនាគារជាតិ​នៃ​កម្ពុជា ក្នុងការ​អភិវឌ្ឍ​ប្រព័ន្ធ​ទូទាត់​ក្នុងស្រុក​ឲ្យ​កាន់តែ​ប្រសើរឡើង។ ការសហការ​គ្នា​លើ​ការទូទាត់​តាមរយៈ​កាត​ដោយ​ប្រើ​បច្ចេកវិទ្យា​របស់ Visa  នឹងធ្វើ​ឲ្យ​ប្រតិបត្តិការ​នៃ​ការទូទាត់​អាច​ប្រព្រឹត្តទៅ​តាមរយៈ​បណ្តាញ​ទំនើប​ឈានមុខ​គេ​បំផុត​មួយ​របស់​ពិភពលោក​គឺ VisaNet ដែល​នឹង​ផ្តល់នូវ​ការទូទាត់​ដែល​អាច​ទុកចិត្តបាន និង​មាន​សុវត្ថិភាព​នៅ​ទូទាំង​ពិភពលោក។

លោក​បណ្ឌិត អ៊ិន ចាន់នី ប្រធាន​សមាគម​ធនាគារ​នៅ​កម្ពុជា បាន​មានប្រសាសន៍ថា ៖ «កិច្ចសហការ​រួម​នៃ​បណ្តាញ​អន្ដរ​ធនាគារ​របស់​ក​ម្ពុ​ជា​នេះ គឺធ្វើឡើង​ស្រប​ជាមួយនឹង​ការណែនាំ​របស់​ធនាគារ​ជាតិ​នៃ​កម្ពុជា នឹង​ជួយ​ព​ន្លឿ​ន​ការអភិវឌ្ឍន៍​នៃ​ការទូទាត់​តាមរយៈ​ឌីជីថល​នៅក្នុង​ប្រទេស​កម្ពុជា»។ លោក​បន្តទៀតថា៖ «តាមរយៈ​កិច្ចសហកា​រួម​នេះ ក៏​នឹង​ជួយ​លើ​កម្ពស់​ស្តង់ដារ​សុវត្ថិភាព ផ្តល់​ជា​ប្រយោជន៍​ដល់​ប្រព័ន្ធ ecosystem ទាំងមូល​ផងដែរ។ សមាគម​ធនាគារ​នៅ​កម្ពុជា លើកទឹកចិត្ត​ឲ្យ​សមាជិក​ទាំងអស់ ចូលរួម​ជាមួយនឹង​ការប្រើប្រាស់​បច្ចេកវិទ្យា​រួម​នេះ ដើម្បី​អនុម័ត​ឱ្យបាន​ឆាប់​តាម​ដែល​អាចធ្វើ​ទៅបាន» ។

ធនាគារពាណិជ្ជ និង គ្រឹះស្ថាន​ដាក់​ប្រាក់​បញ្ញើ មីក្រូហិរញ្ញវត្ថុ ទាំងអស់ តម្រូវ​ឱ្យចូល​រួមជាមួយ​បណ្តាញ​អន្ដរ​ធនាគារ​របស់​ក​ម្ពុ​ជា (CSS) នោះ​ការដាក់បញ្ចូល​ស្លាក​សញ្ញា​បង់ប្រាក់​ពីរ ឬ​ច្រើន ឬ​កម្មវិធី​ទូទាត់​ដែលមាន​លក្ខណៈ​ដូចគ្នា​នៅលើ​ឧបករណ៍​ទូទាត់​ដូចគ្នា នឹង​បង្កើន​ស្តង់ដារ​សុវត្ថិភាព​ប្រកបដោយ​ប្រសិទ្ធភាព​ខ្ពស់ សម្រាប់​ប្រព័ន្ធ​ទូទាត់​នៅ​កម្ពុជា​ទាំងមូល ។

អ្នកស្រី ជុំ ម៉ូ​នី​កា នាយិកា​គ្រប់គ្រង Visa ប្រចាំ​ប្រទេស​កម្ពុជា បាន​មានប្រសាសន៍ថា ៖ «តាមរយៈ​ការ   ផ្តល់នូវ​បច្ចេកវិទ្យា​របស់​យើង​សម្រាប់​ការបង្កើត​នូវ​ស្លាក​សញ្ញា​ទូទាត់​រួម ជូន​ដល់​ធនាគារពាណិជ្ជ និង​គ្រឹះស្ថាន​មីក្រូហិរញ្ញវត្ថុ គឺជា​ការបញ្ជាក់​អំពី​ការប្តេជ្ញាចិត្ត​របស់​ក្រុមហ៊ុន Visa ចំពោះ​ទីផ្សារ។ កត្តា​នេះ នឹង​ផ្តល់​អត្ថប្រយោជន៍​ដល់​ឧស្សាហកម្ម​ទាំងមូល ឲ្យ​ទទួលបាន​នូវ​បច្ចេកវិទ្យា​ឈានមុខ​គេ​បំផុត​មួយ​របស់​ពិភពលោក គាំទ្រ​ដល់ ecosystem សម្រាប់​ជម្រុញ​វិស័យ​ទូទាត់​ក្នុងស្រុក​ឱ្យ​កាន់តែ​រីកចម្រើន​ប្រកបដោយ​ចីរភាព» ។

នៅក្នុង​កិច្ចព្រមព្រៀង​ជាមួយ សមាគម​ធនាគារ​នៅ​កម្ពុជា ក្រុមហ៊ុន Visa ក៏បាន​យល់ព្រម​ក្នុងការ​វិនិយោគ​លើ​ការពិនិត្យ​ប្រព័ន្ធ​បច្ចេកវិទ្យា បន្ទះ​ឈី​ប​កាត​របស់ CSS និង​គាំទ្រ​បណ្តាញ​អន្ដរ​ធនាគារ​របស់​ក​ម្ពុ​ជា​ក្នុង​ការងារ​នេះ​ផងដែរ។ សមាជិកសមាគម​ធនាគារ​នៅ​កម្ពុជា ដែល​ចូលរួម​សហការ​ជាមួយនឹង​គម្រោង​កាត​អន្តរជាតិ​ផ្សេងទៀត ក្រុមហ៊ុន Visa បាន​សន្យាថា នឹង​ផ្សារភ្ជាប់​ពួកគេ​ជាមួយ​ក្រុមហ៊ុន​ភាគី​ទី​បី​សម្រាប់​សេវាកម្ម​ដែល​ពាក់ព័ន្ធ។

បណ្តាញ​អន្ដរ​ធនាគារ​របស់​ក​ម្ពុ​ជា (Cambodian Shared Switch) គឺជា​គ្រោងការណ៍​មួយ​របស់​ធនាគារជាតិ​នៃ​កម្ពុជា ដើម្បី​គាំទ្រ​ដល់​អន្តរ​ប្រតិបត្តិការ​នៃ​ប័ណ្ណ​ឥណ​ពន្ធ ដែលមាន​កម្មសិទ្ធិ​នៅតាម​បណ្តាញ​ម៉ាស៊ីន ATM និង​ម៉ាស៊ីន​ឆូត​កាត POS នៅ​ទូទាំងប្រទេស​កម្ពុជា ៕

អំពី​សមាគម​ធនាគារ​នៅ​កម្ពុជា (ABC)

សមាគម​ធនាគារ​នៃ​កម្ពុជា ត្រូវបាន​បង្កើតឡើង​នៅ​ឆ្នាំ១៩៩៤ និង​ត្រូវបាន​ទទួលស្គាល់​ដោយ​រាជរដ្ឋាភិបាល​កម្ពុជា គឺជា​ស្ថាប័ន​ផ្លូវការ​តំណាង​ឲ្យ​វិស័យ​ធនាគារឯកជន​នៅ​កម្ពុជា។ ក្នុង​ឆ្នាំ១៩៩៧ ABC ត្រូវបាន​ទទួលស្គាល់​ជា​ផ្លូវការ​ពី​ទីស្តីការគណៈរដ្ឋមន្ត្រី។ ABC បាន​ក្លាយជា​សមាជិក​ទី៨ នៃ​សមាគម​ធនាគារ​អាស៊ាន (ABA) នៅក្នុង​ឆ្នាំ១៩៩។ ABC ត្រូវបាន​ដំណើរការ​ក្រោម​ក្របខ័ណ្ឌ​នៃ​ច្បាប់​ស្តីពី​គ្រឹះស្ថាន​ធនាគារ​និង​ហិរញ្ញវត្ថុ ឆ្នាំ ១៩៩៩ នឹង​មាត្រា នានា​ដែល​ត្រូវបាន​អនុម័ត​នៅ​ថ្ងៃទី ២៨ ខែសីហា​ឆ្នាំ ២០០១ ព្រមទាំង​បាន​ចុះបញ្ជី​នៅ​ធនាគារជាតិ​នៃ​កម្ពុជា​នៅ​ថ្ងៃទី២ ខែតុលា​ឆ្នាំ ២០០។ ទីបំផុត​នៅ​ថ្ងៃទី២៣ ខែវិច្ឆិកា​ឆ្នាំ ២០១២ ABC បាន​ចុះឈ្មោះ​ជា​ផ្លូវការ​ជាមួយ​ក្រសួងមហាផ្ទៃ។

សមាគម មាន​គោលបំណង​គាំទ្រ​ដល់​ការអភិវឌ្ឍ​វិស័យ​ធនាគារ​នៅ​កម្ពុជា​ដែលមាន​ភាពរឹងមាំ។ អេ​ប៊ី​ស៊ី បាន​ដើរតួនាទី​យ៉ាងសកម្ម និង​សំខាន់​ក្នុង​ការជំរុញ​ការសន្ទនា​ប្រកបដោយ​ការស្ថាបនា និង​កិច្ចសហប្រតិបត្តិការ​ជាមួយ​សមាជិក​ធនាគារ​ជាតិ​នៃ​កម្ពុជា និង​អ្នកពាក់ព័ន្ធ​ដទៃទៀត​នៅ​ថ្នាក់ជាតិ​និង​ថ្នាក់​តំបន់​ដើម្បី​ពង្រឹងសមត្ថភាព និង​ដោះស្រាយ​បញ្ហា​ប្រឈម​ដែល​បាន​កើតឡើង ទាំង​នៅ​ថ្នាក់ជាតិ​និង​ថ្នាក់​តំបន់។ ដើម្បី​លើកស្ទួយ​សុខភាព​ហិរញ្ញវត្ថុ និង​វិជ្ជាជីវៈ​ជំនាញ​របស់​ធនាគារ និង​ស្ថាប័នហិរញ្ញវត្ថុ ដែល​គាំទ្រ​ដល់​កំណើនសេដ្ឋកិច្ច​យ៉ាង​ឆាប់រហ័ស​ប្រកបដោយ​តុល្យភាព និង​និរន្តរភាព​ហើយ​ដែល​សមស្រប​នឹង​សមាហរណកម្ម​សេដ្ឋកិច្ច​អាស៊ាន។

បច្ចុប្បន្ន ABC មាន​សមាជិក​ចំនួន ៦៥ រួមមាន​ធនាគារ​ពាណិជ្ជកម្ម​ចំនួន ៤៥ ធនាគារ​ឯកទេស​ចំនួន ១៥ សមាគម​មីក្រូហិរញ្ញវត្ថុ​កម្ពុជា ០១ (CMA) និង​ការិយាល័យ​តំណាង​ធនាគារ​ចំនួន ០៤ ដែលមាន​ទីតាំងនៅ​ប្រទេស​កម្ពុជា។

អំពី​ក្រុមហ៊ុន Visa

Visa Inc. (NYSE: V) គឺជា​ក្រុមហ៊ុន​នាំមុខគេ​ក្នុង​បច្ចេកវិទ្យា​ទូទាត់​សាច់ប្រាក់​តាមរយៈ​ឌីជីថល។  បេសកកម្ម​របស់​យើង​គឺ​ផ្សាភ្ជាប់​ពិភពលោក​ទាំងមូល​តាម​រយៈ​ការតភ្ជាប់​បណ្តាញ​ទូទាត់​ប្រាក់​ប្រកបដោយ​ភាព​ច្នៃប្រឌិត​ថ្មី អាច​ទុកចិត្តបាន និង​មាន​សុវត្ថិភាព​បំផុត ជាមួយ​អ្នកប្រើប្រាស់ អាជីវករ និង​ជួយ​ឲ្យ​សេដ្ឋកិច្ច​មានការ​រីកចម្រើន។ បណ្តាញ​ទំនើប​ឈានមុខ​គេ​បំផុត​មួយ​របស់​ពិភពលោក​គឺ VisaNet របស់​យើង ផ្តល់​ការទូទាត់​ដែល​អាច​ទុកចិត្តបាន​និង​មាន​សុវត្ថិភាព​នៅ​ទូទាំង​ពិភពលោក នឹងមាន​លទ្ធភាព​គ្រប់គ្រង​ប្រតិបត្តិការ​ជាង ៦៥,០០០ប្រតិបត្តិការ​ក្នុង​មួយ​វិនាទី។ ក្រុមហ៊ុន​ផ្តោត​ការយកចិត្តទុកដាក់​ឥត​ឈប់​ឈរលើ​ការច្នៃប្រឌិត ដែល​នេះ​ជា​កត្តា​ជម្រុញ​ដល់​ភាព​រីកចម្រើន​យ៉ាង​ឆាប់រហ័ស​នៃ​ការធ្វើ​ពាណិជ្ជកម្ម​ដែល​បាន​ផ្សារភ្ជាប់​ទៅនឹង​ឧបករណ៍​អេ​ទ្បិ​ច​ត្រូ​និ​ច​ណា​ក៏បាន និង​ជា​កម្លាំង​មួយ​នៅ​ពីក្រោយ​ការកសាង​នូវ​ក្តី​សុ​បិ​ន្ត​របស់​អនាគត cashless សម្រាប់​មនុស្ស​គ្រប់គ្នា​នៅ​គ្រប់​ទីកន្លែង។ នៅពេលដែល​ពិភពលោក​ផ្លាស់ប្តូរ​ពី analog ទៅ​ឌីជីថល វី​សា​ក៏​កំពុងតែ​ពង្រឹង​លើ​ស្លាក​សញ្ញា ផលិតផល បុគ្គលិក និង បណ្តាញ​របស់ខ្លួន​រួចជាស្រេច​ដើម្បី​ចូលរួម​ជាមួយនឹង​ការផ្លាស់ប្តូរ​ពាណិជ្ជកម្ម​នា​ថ្ងៃ​អនាគត។

ព័ត៌មាន​បន្ថែម សូម​ទំនាក់ទំនង​មកកាន់៖

កញ្ញា ត្រាង ង្វៀន (Trang Nguyen)
ក្រុមហ៊ុន Visa Worldwide Pte. Limited
ទូរស័ព្ទ ៖ (84) 28 3520 7439
អ៊ី​ម៉ែ​ល ៖  [email protected]

កញ្ញា គ្រី សុ​វណ្ណា​រី
ក្រុមហ៊ុន Red Dot (Cambodia) Co., Ltd តំណាង​ក្រុមហ៊ុន Visa Inc.
ទូរស័ព្ទ ៖ (855) 11 733 368
អ៊ី​ម៉ែ​ល ៖  [email protected]

[1] EMV® is a registered trademark or trademark of EMVCo LLC in the United States and other countries.

[រាជធានី​ភ្នំពេញ ថ្ងៃទី១៧ ខែវិច្ឆិកា ឆ្នាំ២០២១] ក្រុមហ៊ុន ព្រី​នស៍ ហូល​ឌី​ង គ្រុប ដែលជាពហុក្រុមហ៊ុ​ន​មួយ​ក្នុងចំណោម​ពហុ​ក្រុមហ៊ុន​ដែល​ធំជាងគេ និង​រីកចម្រើន​បំផុត​នៅក្នុង​ប្រទេស​កម្ពុជា ត្រូវបាន​ទទួលស្គាល់​ជា ម្ចាស់​ជ័យលាភី​មាស​នៃ​កម្មវិធី​ពានរង្វាន់ “Best Country Awards for Overall CSR Excellence” ដែលជា​ពានរង្វាន់​ក្រុមហ៊ុន​ដែលមាន​ការទទួលខុសត្រូវ​ធ្វើ​កិច្ចការងារ​សង្គម​ឆ្នើម​ដាច់​គេ​ក្នុងប្រទេស​កម្ពុជា នៃ​ព្រឹត្តិការណ៍​ពានរង្វាន់​ពិភពលោក​ប្រចាំឆ្នាំ២០២១ ស្តីពី​ក្រុមហ៊ុន​ដែល​ទទួលខុស​ត្រូវធ្វើ​កិច្ចការងារ​សង្គម The Global CSR Awards 2021 ក្នុង​ឆ្នាំ​ទី១៣នេះ។ សម្ព័ន្ធ​ក្រុមហ៊ុន ព្រី​នស៍ គ្រុប ត្រូវបាន​ជ្រើសរើស​ពី​ក្នុងចំណោម​ក្រុមហ៊ុនល្អៗដាច់​គេ​មួយចំនួន​មកពី​អាស៊ី អារ៉ាប់​រួម និង​អឺរ៉ុប​ផងដែរ។

ព្រឹត្តិការណ៍​ពានរង្វាន់​ពិភពលោក The Global CSR Awards 2021នេះ គឺជា​កម្មវិធី​ពានរង្វាន់​ដែលមាន​ការទទួលស្គាល់​ដ៏​មាន​កិត្យានុភាព​បំផុត​ក្នុង​តំបន់​អាស៊ី​ចំពោះ​ក្រុមហ៊ុន​ដែល​មានការ​ទំនួល​ខុសត្រូវ​ចំពោះ​សង្គម និង​អភិបាលកិច្ច​ល្អ។ កម្មវិធី​នេះ​មានការ​ទទួលស្គាល់ និង​ផ្តល់​កិត្តិយស​ដល់​ក្រុមហ៊ុន​ជាច្រើន​ដែលមាន​ភាពលេច​ធ្លោ​ជាងគេ​ក្នុងការ​អនុវត្ត​ទៅលើ​គំនិត​ច្នៃប្រឌិត និង​ផលិតផល​លំដាប់ថ្នាក់​ពិភពលោក សេវាកម្ម គម្រោង និង​កម្មវិធី​នានា​ទោះបីជា​បានធ្វើ​ក្នុង​អតីតកាល ក៏ដូចជា​ពេលបច្ចុប្បន្ន​ក៏ដោយ។ គម្រោង​ទាំងនេះ​បង្ហាញ​ពី​ភាពជា​អ្នកដឹកនាំ​របស់​ក្រុមហ៊ុន ភាពស្មោះត្រង់ ការបន្ត​ប្តេជ្ញាចិត្ត​ក្នុងការ​រួមបញ្ចូល​នូវ​គុណ​តម្លៃ​សីលធម៌ ការអនុលោម​ទៅតាម​ច្បាប់ និង​ការគោរព​គ្នា​ទៅវិញទៅមក សហគមន៍ និង​បរិស្ថាន​តាមរបៀប​ដែល​ពួកគេ​ប្រកប​អាជីវកម្ម។

នៅ​ឆ្នាំនេះ អ្នកចូលរួម​ជាង ៣៥០នាក់ បាន​អញ្ជើញ​មកពី​ជាង១០០ក្រុមហ៊ុន​នៅ​ទូទាំង​ពិភពលោក ហើយ​ក្រុមហ៊ុន​ដែល បានជ្រើសរើស​នៅ​វគ្គ​ចុងក្រោយ​ចំនួន៥០ក្រុមហ៊ុន ដែល​ត្រូវបាន​គណៈកម្មការ​វិនិច្ឆ័យ​ទទួលស្គាល់​ជា​ស្ថាប័ន​ដែលមាន​កម្មវិធី​ទំនួល​ខុសត្រូវ​ដ៏​មុតមាំ​ចំពោះ​សហគមន៍​នៅក្នុង​ឆ្នាំ​ទី២ នា​សម័យ​នៃ​ការរីក​រាលដាល​ជម្ងឺ​កូ​វីដ-១៩នេះ​ផងដែរ។

លោក Gabriel Tan នាយក​ជាន់ខ្ពស់​ផ្នែក​ទំនាក់ទំនង​នៃ​សម្ព័ន្ធ​ក្រុមហ៊ុន ព្រី​នស៍ គ្រុប​បាន​មានប្រសាសន៍ថា “ព្រី​នស៍ គ្រុប មាន​កិត្តិយស​យ៉ាង​ក្រៃលែង​ដែល​ទទួលបាន​នូវ​ការទទួលស្គាល់​ពី​ព្រឹត្តិការណ៍​ពានរង្វាន់​ពិភពលោក The Global CSR Awards 2021 ដោយបាន​បញ្ជាក់​ពី​ការរួមចំណែក​របស់​ពួកយើង​ក្នុងនាម​ជា​ក្រុមហ៊ុន​ដែល​ប្រកបដោយ​ទំនួល​ខុសត្រូវ​ចំពោះ​ប្រជាជន​នៅក្នុង​ប្រទេស​កម្ពុជា។ លោក​បាន​បន្តទៀតថា “ព្រី​នស៍ គ្រុប និង​ក្រុមហ៊ុន​បុត្រ​សម្ព័ន្ធ​របស់​យើង នឹង​បន្ត​ធ្វើការ​ជាមួយ​មូលនិធិ​ព្រី​នស៍ ដែលជា​ដៃគូ​ផ្នែក​សប្បុរសធម៌​របស់​យើង ក៏ដូចជា​អ្នក​ដែល​ពាក់ព័ន្ធ​ដទៃទៀត រួមមាន​ក្រសួង និង​អង្គការក្រៅរដ្ឋាភិបាល​នានា ដើម្បី​បង្កើត​នូវ​ភាពល្អប្រសើរ​សម្រាប់​អនាគត​របស់​ប្រទេស​កម្ពុជា។

លោក Tan ក៏ត្រូវ​បាន​អញ្ជើញ​សម្រាប់​ការ​ថ្លែង​សុន្ទរកថា​គន្លឹះ​នៃ​ដំណើរការ​ស្តារឡើងវិញ​របស់​ប្រទេស​កម្ពុជា នៅក្នុង​កិច្ចប្រជុំ​កំពូល Annual Global CSR Summit លើក​ទី១២ និង​ទី១៣ ដែល​ប្រារព្ធ​ឡើង​នៅ​ថ្ងៃ​តែមួយ នៃ​ការប្រកាស​ពានរង្វាន់​នេះ​ផងដែរ។ ក្នុងនោះដែរ ក៏មាន​វាគ្មិន​ដទៃទៀត​ដែល​អ្នកជំនាញ​ដឹកនាំ​ការគិត​ប្រកបដោយ​និរន្តរភាព​ឈានមុខ​គេ​ក្នុង​តំបន់​ដូចជា​ស្ថាបនិក​របស់​ក្រុមហ៊ុន​Ocean Recovery Alliance គឺ​លោក​Doug Woodring ដែល​គាត់​ជា​អ្នកដឹកនាំ​ផ្នែក និរន្តរភាព​នៅ ក្រុមហ៊ុន​Schneider Electric (អាស៊ី​ខាងត្បូង) ក្រុមហ៊ុន Infosys និង​ក្រុមហ៊ុន Bridgestone Asia Pacific ។

ស្ថានភាព​នៅ​កម្ពុជា​បាន​ស្ទុះ​ងើប​ឡើងវិញ​គួរឱ្យកត់សម្គាល់ បន្ទាប់ពី​មានការ​កើនឡើង​នៃ​ការឆ្លង​មេរោគ​កូ​វីដ-១៩ នៅត្រឹម​ពាក់កណ្តាល​ឆ្នាំ​មកនេះ។ សម្ព័ន្ធ​ក្រុមហ៊ុន​ព្រី​នស៍​គ្រុប បានរួម​ចំណែក​យ៉ាងសកម្ម​តាមរយៈ​ការទិញ​វ៉ាក់សាំង ការពារ​ជំងឺ​កូ​វីដ-១៩ចំនួន១លាន​ដូ​ស និង​ការបរិច្ចាគ​ដែលមាន​ទឹកប្រាក់​ប្រមាណ៦លាន​ដុល្លារ​សហរដ្ឋអាមេរិក ដើម្បី គាំទ្រ​ដល់​កិច្ចខិតខំ​ប្រឹងប្រែង​រប​ស់​រដ្ឋាភិបាល​កម្ពុជា​ក្នុងការ​ប្រយុទ្ធ​ប្រឆាំងនឹង​ជម្ងឺ​រាតត្បាត ព្រមទាំង​ការផ្តល់ជូន អាហារូបករណ៍ Chen Zhi ដែល​ផ្តល់ជូន​ជា​ឧបត្ថម្ភ​ផ្នែក​ហិរញ្ញវត្ថុ​ដល់​សិស្ស ដែល​ពួកគេ​ស្ថិតក្នុង​ស្ថានភាព​លំបាក និង​ជាការ​សន្យា​ក្នុងការ​កែប្រែ​ជីវភាព​របស់​ពួកគេ។ អាហារូបករណ៍​នេះ នឹង​ផ្តល់ជូន​សិស្ស​ចំនួន៤០០នាក់ នៅតាម​សាកលវិទ្យាល័យ​នៃ​ប្រទេស​កម្ពុជា ក្នុង​រយៈពេល​នៃ​ការបញ្ចប់​ការសិក្សា​សរុប៧ឆ្នាំ។ សម្ព័ន្ធ​ក្រុមហ៊ុន​ព្រី​នស៍ គ្រុប​នឹង​រួមចំណែក​បង់ថ្លៃ​សិក្សា​ពេញលេញ ជាមួយនិង​ប្រាក់ឧបត្ថម្ភ​សរុប​ជា​ទឹកប្រាក់​ប្រមាណ ២លាន​ដុល្លារ​សហរដ្ឋអាមេរិក។

គួរបញ្ជាក់​ផងដែរ​ថា នេះ​គឺជា​ពានរង្វាន់​លំដាប់​អន្តរជាតិ​ទី៨ហើយ ដែល​សម្ព័ន្ធ​ក្រុមហ៊ុន​ព្រី​នស៍​គ្រុប​ទទួលបាន​ក្នុងឆ្នាំនេះ ដែល​ទាំងនេះ​បង្ហាញ​ពី​ការប្តេជ្ញាចិត្ត​យ៉ាង​មុតមាំ​ឆ្ពោះទៅរក​ការគាំទ្រ​ដល់​ការអភិវឌ្ឍ​ប្រកបដោយ​ចីរភាព នៅក្នុង​ប្រទេស​កម្ពុជា និង​ទូទាំង​តំបន់​អាស៊ាន​ទាំងមូល​ផងដែរ។ រហូតមកដល់​ពេលនេះ សម្ព័ន្ធ​ក្រុមហ៊ុន​ព្រី​នស៍ គ្រុប ក៏ត្រូវបានទទួលស្គាល់​ជា​ម្ចាស់​ពានរង្វាន់​ក្នុង​កម្មវិធី​ធុរកិច្ច​អន្តរជាតិ​ប្រចាំឆ្នាំ២០២១ ដែល​នេះ​ជា​ព្រឹត្តិការ​ពានរង្វាន់​អន្តរជាតិ​ប្រចាំឆ្នាំ​លើក​ទី៨ របស់ Asia-Pacific Stevie Awards ហើយ​សម្ព័ន្ធ​ក្រុមហ៊ុន​នេះ​ក៏​ត្រូវបាន​ទទួលស្គាល់ថា​ជា​សហគ្រាស​ដែល​បង្ហាញ​ពី​ភាពជា​សហគ្រិន​ដ៏​មាន​ទំនួល​ខុសត្រូវ នៅក្នុង​ព្រឹត្តិការណ៍​ពានរង្វាន់​អាស៊ី​សហគ្រាស​ដែលមាន​ទំនួល​ខុសត្រូវ​នៅ​តំបន់​អាស៊ី​ប្រចាំឆ្នាំ២០២១ Asia Responsible Enterprise Awards 2021 (“AREA”) ។ ក្នុង​រយៈពេល៥ឆ្នាំ​កន្លងមកនេះ សម្ព័ន្ធ​ក្រុមហ៊ុន​ព្រី​នស៍​គ្រុប​បាន​បណ្តាក់ទុន​ប្រមាណ​ជាង 3ពាន់លានដុល្លារសហរដ្ឋអាមេរិកលើគម្រោងជាច្រើននៅក្នុងព្រះរាជាណាចក្រកម្ពុជា។

ចប់

អំពី​ក្រុមហ៊ុន ព្រី​នស៍ ហូល ឌី​ង គ្រុប (Prince Holding Group)

ព្រី​នស៍ ហូល​ឌី​ង គ្រុប  (Prince Holding Group) គឺជា​សម្ព័ន្ធ​ក្រុមហ៊ុន​ពហុ​ផលិតផល​ដ៏​ធំ​មួយ​នៅ​កម្ពុជា ដែលមាន  ក្រុមហ៊ុន​ជាច្រើន​ធ្វើការ​ផ្តោតលើ​វិស័យ​ស្នូល​ចំនួន ៣ គឺ​ការអភិវឌ្ឍ​វិស័យ​អចលនទ្រព្យ សេវា​ហិរញ្ញវត្ថុ និង បម្រើសេវា​អតិថិជន។

អាជីវកម្មសំខាន់ៗរបស់​សម្ព័ន្ធ​ក្រុមហ៊ុន​ព្រី​នស៍​គ្រុប​នៅ​កម្ពុជា រួមមាន​ក្រុមហ៊ុន​Prince Real Estate Group ក្រុមហ៊ុន​Prince Huan Yu Real Estate Group ធនាគារ​Prince Bank ក្រុមហ៊ុន​អាកាសចរណ៍​Cambodia Airways ក្រុមហ៊ុន​Belt Road Capital Management ព្រមទាំង​ក្រុមហ៊ុន​Awesome Global Investment Group។ តាមរយៈ​ក្រុមហ៊ុន​បុត្រ​សម្ព័ន្ធ​ទាំងនេះ ក្រុមហ៊ុន​សម្ព័ន្ធ​ក្រុមហ៊ុន​ព្រី​នស៍​គ្រុប​មាន​អាជីវកម្ម​ប្រមាណ​ជាង៨០នៅក្នុង​ប្រទេស​កម្ពុជា ដែល​កំពុង​ប្រតិបត្តិការ​លើ​ការអភិវឌ្ឍ​វិស័យ​អចលនទ្រព្យ ធនាគារ ហិរញ្ញវត្ថុ អាកាសចរណ៍ ទេសចរណ៍ ភស្តុភារ បច្ចេកវិទ្យា​ម្ហូបអាហារ​និង​ភេសជ្ជៈ និង​វិស័យ​ប្រណិត​ភាព​នៃ​ជីវិត ។ល។

ការកើនឡើង​នូវ​ការវិនិយោគ​ផ្ទា​ល់ពី​បរទេស ដែល​កើតចេញ​កិច្ចព្រមព្រៀង​ពាណិជ្ជកម្ម​សេរី​ជាមួយ​បណ្តា​ប្រទេស​ឈានមុខ និង​ការចូលរួម​នាពេល​អនាគត​នៅក្នុង​ភាពជា​ដៃគូ​សេដ្ឋកិច្ច​គ្រប់​ជ្រុងជ្រោយ​ក្នុង​តំបន់ ត្រូវបាន​រំពឹងថា​នឹង​ដើរតួនាទី​ជា​កត្តា​លី​ករ​ដ៏​សំខាន់​មួយ ក្នុងការ​ជំរុញ​សេដ្ឋកិច្ចកម្ពុជា​ក្រោម​ការគាំទ្រ​ពី​គំនិត​ផ្តួចផ្តើម​គោលនយោបាយ​ទ្រទ្រង់​វិស័យ​ឧស្សាហកម្ម​របស់​រាជរ​ដ្ឋា​ភិ​បាល។

ដោយ​ប្រើ​បណ្តាញ​អ្នកជំនាញ​ផ្នែក​ឧស្សាហកម្ម ពាណិជ្ជកម្ម និង​ហិរញ្ញវត្ថុ​នៅ​ទូទាំង​ទ្វីបអាស៊ី សម្ព័ន្ធ​ក្រុមហ៊ុន​ព្រី​នស៍​គ្រុប បាន​កសាង​មូលដ្ឋានគ្រឹះ​ដ៏​សំខាន់​សម្រាប់​លំហូរ​មូលធន​ក្នុងស្រុក និង​អន្តរជាតិ។ សម្ព័ន្ធ​នេះ​ប្តេជ្ញា​យ៉ាង​មុតមាំ​ចំពោះ​ការអភិវឌ្ឍ​រយៈពេល​វែង​របស់​ប្រទេស​កម្ពុជា។ ជាក់ស្តែង សម្ព័ន្ធ​ក្រុមហ៊ុន​ព្រី​នស៍​គ្រុប កំពុងតែ​អភិវឌ្ឍន៍​គម្រោង​ទេសចរណ៍​និង​លំនៅដ្ឋាន ទីក្រុង​រាម នាពេលខាង​មុខ​ដែល​នឹង​ក្លាយជា​គម្រោង អចលនទ្រព្យ​ប្រកបដោយ​និរន្តរភាព​ដំបូង​គេ​បង្អស់​នៅ​កម្ពុជា ក្នុងនោះដែរ​សម្ព័ន្ធ​ក្រុមហ៊ុន​ព្រី​នស៍​គ្រុប​មាន​គោលបំណង​ធានាបាន​នូវ​ការវិនិយោគ​សរុប​ចំនួន១៦ពាន់​លាន​ដុល្លារ​សហរដ្ឋអាមេរិក​ស​ម្រា​ប់​តំបន់​ទាំងមូល។ គម្រោង​នេះ​ស្ថិតនៅ​ទីតាំង​យ៉ាង​ងាយស្រួល​ដោយ​គ្រាន់តែ​ធ្វើដំណើរ     រយៈពេល១០នាទី​ពី​អាកាសយានដ្ឋាន​អន្តរជាតិ​ខេត្ត​ព្រះសីហនុ​ប៉ុណ្ណោះ ដែល​ក្នុង​គោលបំណង​រួមចំណែក​ដល់​ការស្តារ សេដ្ឋកិច្ច​របស់​ខេត្ត​ព្រះសីហនុ​ផងដែរ។

សម្រាប់​ការសាកសួរ​ព័ត៌មានផ្សេងៗអំពី​សម្ព័ន្ធ​ក្រុមហ៊ុន ព្រី​នស៍ គ្រុប សូម​ទំនាក់ទំនង​ទៅកាន់៖
កញ្ញា ​ចាន់ សុ​ម៉ាល្លី​ស
Two Way Public Relations
ទូរ​សព្ទ​លេខ៖ +៨៥៥ ៦៩៥៣៣ ៣៣២
អ៊ី​ម៉ែ​ល​៖ [email protected]

អ្នក​នៅ​ខេត្ត​ទាំងបី​នេះ អាច​ទិញ​ទំនិញ​តាម Wing App ហើយ​ទទួល​ប្រាក់​ត្រឡប់ ១០០%

ពិតជា​លឿន​មែន វី​ង​ម៉​ល (WingMall) ពេលនេះ បាន​ពង្រីក​ខ្លួន​ទៅដល់​ខេត្តបាត់ដំបង កំពង់ចាម និង​ខេត្ត​ព្រះសីហនុ ហើយ​អតិថិជន​នៅ​ទីនោះ​អាច ធ្វើការ​កុម្ម៉ង់​ទិញ អាហារ ផ្លែឈើ គ្រឿងទេស និង​សម្ភា​ជាច្រើន​តាមតាម កម្មវិធី​ស្មា​ត​ហ្វូ​ន​វី​ង(Wing app) ជាមួយ​ការផ្តល់ជូន​ប្រូ​ម៉ូ​កូដ​ដ៏​ច្រើនសន្ធឹក​សន្ធាប់។

ដើម្បី​អបអរសាទរ​ពី​ការគាំទ្រ​ដ៏​ខ្លាំងខ្លា​ពី​សំណាក់​អតិថិជន វី​ង​ម៉​ល​នឹង​ផ្តល់ជូន ប្រូ​ម៉ូ​កូដ ២.៥ ដុល្លារ​អា​មេ​រិច សម្រាប់​ការ​កុម្ម៉ង់​ទិញ ៣ ដង ដោយ​ប្រើប្រាស់ ប្រូ​ម៉ូ​កូដ ‘HELLOBTB’ សម្រាប់​ខេត្តបាត់ដំបង ‘HELLOKPC’ សម្រាប់​ខេត្តកំពង់ចាម, និង ‘HELLOSHV’ សម្រាប់​ខេត្ត​ព្រះសីហនុ។

លើសពីនេះទៅទៀត​នោះ អតិថិជន​ទាំងអស់ អាច​រីករាយ​ជាមួយ​ទំនិញ​និង​អាហារ​ដ៏​សំបូរបែប​ប្រចាំខេត្តនីមួយៗរួមទាំង​ទទួលបាន​ការបញ្ចុះ​តម្លៃ​ក្នុង​ហាង​រហូតដល់ ៥០% រួមទាំង​ការដឹកជញ្ជូន​ដល់​គេហដ្ឋាន​ដោយ​ឥតគិតថ្លៃ​ថែមទៀត។

ការផ្តល់ជូន​ប្រូ​ម៉ូ​កូដ​នេះ មាន​សុពលភាព​ចាប់ពី​ថ្ងៃទី៣ រហូតដល់​ថ្ងៃទី៣០ ខែវិច្ឆិកា ឆ្នាំ២០២។

អតិថិជន​វី​ង​ទាំងអស់​អាច​ស្វែងរក​វី​ង​ម៉​ល​បាន​យ៉ាងងាយៗ ដោយ​គ្រាន់តែ ទាញយក​កម្មវិធី​ស្មា​ត​ហ្វូ​ន​វី​ង(Wing Money App)ពី Play Store ឬ App Store បន្ទាប់មកទៀត ធ្វើការ​តំឡើង​ក្នុង​ទូរស័ព្ទដៃ​លោកអ្នក​ជាការ​ស្រេច។

ដើម្បី​ទទួលបាន​ពត៌មាន​ពី​ការផ្តល់ជូន​ប្រូ​ម៉ូ​កូដ​ជាច្រើន​រាល់ថ្ងៃ លោក លោកស្រី​អាច​ចូលរួម គ្រុប​តេ ឡេ​ក្រាម​របស់​វី​ង​ម៉​ល តាម​បណ្តា​ខេត្តនីមួយៗ រួមមាន WingMall Club BTB សម្រាប់​ខេត្តបាត់ដំបង, WingMall Club KPC សម្រាប់​ខេត្តកំពង់ចាម, និង WingMall Club SHV សម្រាប់​ខេត្ត​ព្រះសីហនុ៕