PR - La Reine Media

កម្មវិធីបញ្ចាំងការប្រកួតវគ្គផ្តាច់ព្រ័ត្រយូហ្វាឆាមពានលីគរបស់ស្រាបៀរ HEINEKEN ក្នុងក្រុងភ្នំពេញ និងសៀមរាប ទទួលបានជោគជ័យយ៉ាងខ្លាំង

រាជធានីភ្នំពេញ៖ កាលពីរាត្រីថ្ងៃទី ១ ខែមិថុនា ឆ្នាំ ២០១៩ ស្រាបៀរ Heineken ដែលជាស្រាបៀរលំដាប់ថ្នាក់អន្តរជាតិដ៏ល្បីល្បាញបំផុតក្នុងពិភពលោក បានរៀបចំកម្មវិធីបញ្ចាំងការប្រកួតវគ្គផ្តាច់ព្រ័ត្រយូហ្វាឆាមពានលីគនៅតាមបណ្តាទីតាំងល្បីឈ្មោះចំនួនបីកន្លែងនៅចំកណ្តាលបេះដូងនៃទីក្រុងភ្នំពេញ និងសៀមរាម ដោយបានទាក់ទាញទស្សនិកជនចូលរួមយ៉ាងច្រើនកុះករតាមទីតាំងនីមួយៗ។

កម្មវិធីនេះទទួលបានជោគជ័យយ៉ាងខ្លាំងដោយមានមនុស្សចូលរួមច្រើនពេញកន្លែងទាំងពីរទីតាំងនៅទីក្រុងភ្នំពេញគឺ All Sports Bar និង Cheers Phnom Penh និងទីតាំងល្បីឈ្មោះមួយកន្លែងទៀតនៅទីក្រុងសៀមរាមគឺ Pub Street ដែលមានការចូលរួមសម្តែងពីក្រុមតន្រ្តី តារាចម្រៀង ឌីជេ និងតារាល្បីៗដូចជា The Melody, Mustache Band, DJ Miley, DJ Vini និង DJ Mike ជាពិសេសមានសកម្មភាពសប្បាយៗដើម្បីឈ្នះរង្វាន់វត្ថុអនុស្សាវរីយ៍ពីស្រាបៀរ Heineken ព្រមទាំងកម្មវិធីប្រូម៉ូសិនពិសេសពីស្រាបៀរ Heineken ពេញមួយរាត្រី។

ស្រាបៀរ Heineken បានផ្តល់បទពិសោធន៍អស្ចារ្យដល់អ្នកគាំទ្របាល់ទាត់យូហ្វាឆាមពានលីគ នៅក្នុងប្រទេសកម្ពុជា។ នេះជាការជួបជុំលក្ខណៈក្រៅផ្លូវការដើម្បីបន្ធូរអារម្មណ៍ដែលបានរៀបចំឡើងដោយផ្តោតជាចម្បងលើការទស្សនាបាល់ទាត់ជាមួយស្រាបៀរ Heineken ក្នុងការផ្តល់បរិយាកាសរាត្រីមួយដែលនាំមកនូវសេចក្តីសុខ និងផាសុកភាពបែបលំដាប់ថ្នាក់ខ្ពស់ដល់មិត្តអ្នកគាំទ្រ។ នេះបានកំដរអារម្មណ៍មិត្តអ្នកគាំទ្ររហូតដល់ពាក់កណ្តាលអាធ្រាតខណៈពេលអ្នកគាំទ្រស្រាបៀរ Heineken បានស្រែកហ៊ោពេញឆាកយ៉ាងរីករាយរំភើបបំផុត ជាមួយការលើកកែងស្រាស្រាបៀរ Heineken អបអរសារក្រុម Liverpool បានឈ្នះពានជើងឯកយូហ្វាឆាមពានលីគ ឆ្នាំ ២០១៩។

ឆ្នាំក្រោយ ស្រាបៀរ Heineken នឹងនាំមកនូវបទពិសោធន៍យូហ្វាឆាមពានលីគ កាន់តែអស្ចារ្យ និងពិសេស សម្រាប់អ្នកគាំទ្របាល់ទាត់យូហ្វាឆាមពានលីគនៅក្នុងប្រទេសកម្ពុជា។

សព្វថ្ងៃនេះ ស្រាបៀរ Heineken មានលក់នៅក្នុងបណ្តាប្រទេសជាង 192 នៅជុំវិញពិភពលោក។ ស្រាបៀរ Heineken គឺជាស្រាបៀរស្រាលស្រទន់ មានគុណភាពខ្ពស់ និងមានរសជាតិឆ្ងាញ់ ហើយក៏ជាស្រាបៀរល្បីរន្ទឺនៅទូទាំងពិភពលោកដោយសារតែគំនិតផ្តួចផ្តើមច្នៃប្រឌិតថ្មីរបស់ខ្លួន។

ចំពោះព័ត៌មានបន្ថែមអំពីកម្មវិធីពិសេសនេះសូមចូលទៅកាន់គេហទំព័រផ្លូវការ៖https://www.facebook.com/heineken

សូមពិសាស្រាបៀរ Heineken ដោយទទួលខុសត្រូវ
 
#Heineken #Cambodia #UCL #2019

June 7, 2019

ជំនួបទទួលទានអាហារពេលថ្ងៃត្រង់ជុំគ្នាជាមួយអ្នកសារព័ត៌មាន និងអ្នកតំណាងរបស់ Accor Hotel & Resort

អ្នកតំណាងខាង Accor Hotel & Resort ដែលមានសណ្ឋាគារ និងរីសតប្រណីតៗនៅទូទាំងពិភពលោកបានរៀបចំកម្មវិធី ជួបជុំជាមួយនឹងអ្នកសារព័ត៌មានប្រចាំប្រទេសកម្ពុជា ដើម្បីពិភាក្សាគ្នាពីភាពរីកចម្រើននៅក្នុងប្រទេសកម្ពុជា និងដើម្បីធ្វើការណែនាំដល់អ្នកសារព័ត៌មានទាំងអស់ពីគម្រោងថ្មីៗ ដែល Accor Hotel & Resort នឹងមាននៅក្នុងប្រទេសកម្ពុជានាប៉ុន្មានឆ្នាំខាងមុខនេះ។

នៅពេលបច្ចុប្បន្ននេះ Accor Hotel & Resort មានសណ្ឋាគារប្រណីតនៅក្នុងប្រទេសកម្ពុជាចំនួន5រួចមកហើយ ដែលមានដូចជា សណ្ឋាគារ សូហ្វីតែល ភ្នំពេញ ភូគីត្រា, សណ្ឋាគារ សូហ្វីតែល សៀមរាប និងសណ្ឋាគារ រ៉ាហ្វល (Raffles) ជាដើម។

នាប៉ុន្មានឆ្នាំខាងមុខ នឹងមានសណ្ឋាគារ បែប Mid-Skill ដ៏ស្រស់ស្អាតចំនួនមួយទៀត ពី Accor Hotel & Resort នៅក្នុងរាជធានីភ្នំពេញ ដែលមានទីតាំងស្ថិតនៅម្តុំបឹងកេងកង ដែលជាទីប្រជុំជនដ៏សំខាន់នៅចំកណ្តាលនៃរាជធានីភ្នំពេញ ដើម្បីបម្រើជូនដល់ភ្ញៀវទេសចរជាតិ និងអន្តរជាតិ ឲគ្រប់លំដាប់ថ្នាក់ជាមួយនឹងសេវាកម្មដ៏ល្អឥខ្ចោះ។ លើសពីនេះទៅទៀត Accor Hotel & Resort ក៏នៅមានគម្រោងចំនួន2ទៀត ស្ថិតនៅក្នុងទឹកដីនៃក្រុងព្រះសីហនុផងដែរ។ ជំនួបជាមួយនឹងអ្នកសារព័ត៌មានប្រចាំប្រទេសកម្ពុជាលើកនេះ គឺដើម្បីស្វែងយល់ពីតម្រូវការនៅក្នុងប្រទេសកម្ពុជាឱ្យកាន់តែច្បាស់ ដោយកិច្ចពិភាក្សានេះ បានធ្វើឡើងជាមួយនឹងពិភាក្សាគ្នាអំពីភាពរីកចម្រើន និងការរស់នៅក្នុងប្រទេសកម្ពុជា ជាពិសេសជីវិតនៅក្នុងរាជធានីភ្នំពេញតែម្តង។

នៅក្នុងកិច្ចពិភាក្សានេះដែរ ក៏បានសបញ្ជាក់ឱ្យអ្នកសារព័ត៌មានទាំងអស់កាន់តែស្គាល់ពី Accor Hotel & Resort កាន់តែច្បាស់ និងបានដឹងពីគម្រោងនៃការជួយផ្លាស់ប្តូរមុខមាត់ឱ្យប្រទេសកម្ពុជាយើងឱ្យកាន់តែរីកចម្រើន ជាមួយនឹងគម្រោងនៃការបើកដំណើរការសណ្ឋាគារដ៏ល្អប្រណីត និងមានស្តង់ដារលំដាប់អន្តរជាតិនៅក្នុងប្រទេសកម្ពុជាកាន់តែច្រើនឡើង កាន់តែសម្បូរបែបឡើង ដែលនេះគឺជាយុទ្ធសាស្ត្រដ៏ល្អក្នុងការទាក់ទាញភ្ញៀវទេសចរ និងជួយលើកស្ទួយវិស័យទេសចរណ៍នៅក្នុងប្រទេសឱ្យកាន់តែល្អប្រសើរឡើងផងដែរ។

គួរបញ្ជាក់ផងដែរថា Accor Hotel & Resort គឺជាក្រុមហ៊ុន ដែលពេញដោយជំនាញនៅក្នុងការគ្រប់គ្រង់ និងដំណើរការសណ្ឋាគារប្រណីតៗនៅទូទាំងពិភពលោក ដែលមានការទទួលស្គាល់យ៉ាងទូលំទូលាយ និងមានការគាំទ្រពីសំណាក់អ្នកជំនួញ និងភ្ញៀវទេសចរពីគ្រប់តំបន់នៅទូទាំងសកលលោកជាយូរណាស់មកហើយ៕

June 7, 2019

វីងរៀបចំទិវានៃភាពច្នៃប្រឌិត ដើម្បីណែនាំសេវាកម្មហិរញ្ញវត្ថុថ្មីសំដៅជួយដល់ការរីកចម្រើននៃអាជីវកម្មនៅកម្ពុជា

ធនាគារឯកទេសវីង (ខេមបូឌា) លីមីតធីត ដែលជាក្រុមហ៊ុនឈានមុខគេ ផ្នែកសេវាកម្មធនាគារចល័តនៅកម្ពុជាបានរៀបចំ ទិវានៃភាពច្នៃប្រឌិតប្រចាំឆ្នាំរបស់ខ្លួន ដើម្បីបង្ហាញពីសេវាកម្មហិរញ្ញវត្ថុថ្មីរបស់ធនាគារមួយនេះ សំដៅជួយលើកកម្ពស់ការដាក់បញ្ចូលហិរញ្ញវត្ថុ និងជួយដល់ការរីកចម្រើននៃអាជីវកម្មនៅក្នុងប្រទេសកម្ពុជា។

ទិវានៃភាពច្នៃប្រឌិតរបស់ធនាគារឯកទេសវីង ត្រូវបានរៀបចំឡើងជាលើកដំបូងនៅសណ្ឋាគារកាំបូឌីយ៉ាណាដែលមានអ្នកចូលរួមប្រមាណជាង ២00 នាក់ មកពីស្ថាប័នរាជរដ្ឋាភិបាល ភាគីពាក់ព័ន្ធ ដៃគូសហការ និងអតិថិជនរបស់ធនាគារឯកទេសវីង។ ព្រឹត្តិការណ៍នេះ ក៏មានជាកម្មវិធីកិច្ចពិភាក្សាលើប្រធានបទស្តីពី ”ដំណើរទៅកាន់ប្រព័ន្ធឌីជីថលនៃអាជីវកម្មខ្នាតតូច និងមធ្យម” ដែលអ្នកជំនាញនឹងពិភាក្សាអំពីការដាក់ប្រព័ន្ធឌីជីថលសម្រាប់ដំណើរការនៃសហគ្រាសខ្នាតតូចនិងមធ្យម ដើម្បីជួយដល់កំណើនសេដ្ឋកិច្ចកម្ពុជា។

ក្នុងអំឡុងកម្មវិធីនេះ ធនាគារឯកទេសវីង ក៏បានប្រកាសអំពីការដាក់សម្ពោធជាថ្មីនៃផលិតផលសហគ្រាសខ្នាតតូចនិងមធ្យមរបស់វីង តាមរយៈការចាប់ដៃគូសហការជាមួយក្រុមហ៊ុន ដែលជាក្រុមហ៊ុនផ្តល់ដំណោះស្រាយផ្នែកគណនេយ្យ ដែលត្រូវបានបង្កើតឡើងសម្រាប់អាជីវកម្មខ្នាតតូចនិងមធ្យមនៅកម្ពុជា។ ភាពជាដៃគូនេះ មានន័យថា អតិថិជនដែលប្រើប្រាស់ផលិតផលសហគ្រាសខ្នាតតូចនិងមធ្យមរបស់វីង នឹងអាចប្រើប្រាសប្រព័ន្ធគណនេយ្យនៃក្រុមហ៊ុន BanhJi ដោយឥតគិតថ្លៃ សម្រាប់ដំណើរការអាជីវកម្មរបស់ពួកគេ។

លោក ចូចូ ម៉ាឡូឡូស អគ្គនាយកធនាគារឯកទេសវីង មានប្រសាសន៍ថា ទោះបីជាសហគ្រាសខ្នាតតូច និងមធ្យមនៅកម្ពុជា កំពុងជួបប្រទះនឹងបញ្ហាប្រឈម ក្នុងការគ្រប់គ្រងហិរញ្ញវត្ថុ យើងឃើញថាអាជីវកម្មប្រភេទនេះ ពិតជាបានរួមចំណែកយ៉ាងសំខាន់ដល់ការអភិវឌ្ឍសេដ្ឋកិច្ចនៃប្រទេសកម្ពុជា។ ហេតុដូច្នេះ សេវាកម្មរបស់ធនាគារឯកទេសវីង នឹងជួយសម្រួលលើបន្ទុកមួយនេះ ដើម្បីឲ្យម្ចាស់អាជីវកម្មទាំងអស់ អាចផ្តោតការយកចិត្តទុកដាក់ ទៅលើការអភិវឌ្ឍ និងពង្រីកអាជីវកម្មរបស់ពួកគេ។

លោក ម៉ាឡូឡស បានបន្តថា ”គន្លឹះនៃភាពជោគជ័យរបស់យើង ស្ថិតនៅត្រង់ថា យើងតែងតែធ្វើអ្វីៗដែលមានភាពខុសប្លែកពីមុន តែជាមួយគោលបំណងដូចគ្នា ពោលគឺផ្តល់ជូនប្រជាជនកម្ពុជាទាំងអស់នូវសេវាកម្មហិរញ្ញវត្ថុដែលមានងាយស្រួលសម្រាប់រាល់ប្រជាជនកម្ពុជា។ ធនាគារឯកទេសវីង មានសេចក្តីរីករាយក្នុងការប្រកាសភាពជាដៃគូ ជាមួយក្រុមហ៊ុន BanhJi ដែលជាក្រុមហ៊ុនច្នៃប្រឌិតថ្មី ដែលគុណតម្លៃដូចនឹងគុណតម្លៃរបស់វីងក្នុងការធ្វើអ្វីៗដែលមានភាពខុសប្លែកពីមុន។

លោក ស៊ីម ចាន់គិរិរ័ត្ន អគ្គនាយកក្រុមហ៊ុន BanhJi មានប្រសាសន៍ថា ការចាប់ដៃគូសហការជាមួយធនាគារឯកទេសវីង នឹងបើកឱកាសដ៏ធំធេងនិងគួរឱ្យចាប់អារម្មណ៍សម្រាប់អាជីវកម្មរាប់ពាន់នៅក្នុងប្រទេស។ ក្រុមហ៊ុន BanhJi សង្ឃឹមថានឹងមានការផ្លាស់ប្តូរលើផ្នែកប្រព័ន្ធឌីជីថលជាវិជ្ជមាន នៅលើសហគ្រាសខ្នាតតូចនិងមធ្យម។
លោក ស៊ីម មានប្រសាសន៍បន្តថា ”យើងសង្ឃឹមថា ដំណើរផ្លូវដែលយើងកំពុងត្រួសត្រាយ នាពេលនេះ នឹងជម្រុញក្រុមហ៊ុនដទៃទៀតនៅទូទាំងប្រទេស ឱ្យបន្តណែនាំផលិតផលនិងសេវាកម្មដែលមានភាពច្នៃប្រឌិត ដើម្បីផ្តល់ផលប្រយោជន៍ដល់សហគ្រាសខ្នាតតូចនិងមធ្យមនៅកម្ពុជា ជាពិសេសប្រជាពលរដ្ឋដែលមិនធ្លាប់ប្រើប្រាស់សេវាកម្មហិរញ្ញវត្ថុពីមុនមក។ នេះគឺដោយសារតែអាជីវកម្មខ្នាតតូចៗរាប់ពាន់នេះនឹងដើរតួនាទីសំខាន់ក្នុងការកសាងអនាគតនៃសេដ្ឋកិច្ចរបស់ប្រទេសកម្ពុជា ”។

តាមរយៈចក្ខុវិស័យរបស់ធនាគារឯកទេសវីង ក្នុងការដាក់បញ្ចូលហិរញ្ញវត្ថុ នាពេលអនាគតខាងមុខ ធនាគារនឹងធ្វើការយ៉ាងជិតស្និទ្ធជាមួយក្រសួងឧស្សាហកម្មនិងសិប្បកម្ម ក្នុងការដំណើរការបង់ថ្លៃអាជ្ញាប័ណ្ណសម្រាប់សហគ្រាសធុនតូចនិងមធ្យមតាមប្រព័ន្ធឌីជីថល ដល់គ្រប់សហគ្រាសធុនតូចនិងមធ្យមនៅកម្ពុជា។ ដំណើរការបង់ថ្លៃអាជ្ញាប័ណ្ណនេះ ត្រូវបានគេរំពឹងថានឹងអាចធ្វើបាននៅតាមភ្នាក់ងារវីងជាង ៦000កន្លែង ទូទាំងប្រទេសឬតាមរយៈគណនីវីង នៅលើគេហទំព័រសហគ្រាសខ្នាតតូចនិងមធ្យមរបស់ក្រសួង នាពេលខាងមុខ។

សម្រាប់ព័ត៌មានបន្ថែម សូមទំនាក់ទំនង៖
ធនាគារឯកទេសវីង (ខេមបូឌា) លីមីតធីត
អ៊ីម៉ែល: marketing@wingmoney.com
ក្រុមហ៊ុន Banhji FinTech Co., Ltd
អ៊ីម៉ែល: roth@banhji.com

June 6, 2019

OPPO បើកសម្ពោធទូរស័ព្ទម៉ូឌែលស៊េរី Reno ឯនៅសណ្ឋាគារ Sofitel Phnom Penh Phokeethra

ភ្នំពេញ៖ ថ្ងៃអង្គារ ទី04 ខែមិថុនា ឆ្នាំ2019 ក្រុមហ៊ុន OPPO ប្រចាំក្នុងព្រះរាជាណាចក្រកម្ពុជា បានធ្វើការបើកសម្ពោធទូរស័ព្ទម៉ូឌែលចុងក្រោយរបស់ខ្លួនស៊េរី Reno នៅឯសណ្ឋាគារ Sofitel Phnom Penh Phokeethra ដែលក្នុងពិធីបើកសំម្ពោធផ្លូវការនោះ មានការចូលរួមក្រោមអធិបតីភាពដ៏ខ្ពង់ខ្ពស់ ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន និងមានការចូលរួមពីសំណាក់ក្រុមអ្នកជំនួញធំៗ ផងដែរ។ ស្របពេលជាមួយគ្នានោះដែរ ឯកឧត្តម រដ្ឋមន្រ្តី ក្រសួងព័ត៌មាន បានមានប្រសាសន៍កោតសរសើរចំពោះការខិតខំប្រឹងប្រែងរបស់ក្រុមហ៊ុន OPPO ក្នុងការបង្កើត និងរចនាទូរស័ព្ទថ្មីៗ ប្រកបដោយភាពច្នៃប្រឌិតឲ្យទាន់តាមសម័យកាលនីមួយៗ និងមានការទទួលស្គាល់ពីសំណាក់អ្នកប្រើប្រាស់ ក្នុងរយៈកាលចុងក្រោយនេះ ជាពិសេសកក្រុមហ៊ុនស្មាតហ្វូន OPPO មានគំនិតបង្កើតសមាគមថតរូបដើម្បីលើកស្ទួយវិស័យថតរូបនៅក្នុងប្រទេសកម្ពុជា ឲ្យកាន់តែទូលំទូលាយ ទៅកាន់អន្តរជាតិផងដែរ បន្ទាប់មក ឯកឧត្តមរដ្ឋមន្រ្តី ក្រសួងព័ត៌មាន និងអ្នកតំណាងក្រុមហ៊ុន OPPO បានអញ្ជើញបើកសម្ពោធជាផ្លូវការនូវស្លាកសញ្ញាតំណាងឲ្យសមាគមនថតរូប OPPO Photography Academy ចាប់ពីថ្ងៃនេះតទៅទន្ទឹមគ្នានឹងការសម្ពោធទូរស័ព្ទស៊េរីថ្មី OPPO Reno ប្រចាំនៅប្រទេសកម្ពុជាផងដែរ។

គួរំលឹកដែរថាក្រោយពីទទួលបានភាពជោគជ័យក្នុងការចែកចាយម៉ូឌែលចុងក្រោយ និងភាពវិវឌ្ឍន៍នៃម៉ូឌែល ត្រកូល F ដែលត្រូវបានគេដាក់ឈ្មោះថាជាអ្នកជំនាញស៊ែលហ្វី (Selfie Expert) ទាំងនៅប្រទេសកម្ពុជា និងបណ្តាប្រទេសអភិវឌ្ឍន៍ និងកំពុងអភិវឌ្ឍន៍នានានៅលើសកលលោករួចមក ជាបន្តបន្ទាប់ក្រុមហ៊ុន OPPO ប្រចាំនៅប្រទេសកម្ពុជាបានបញ្ចេញនូវទូរស័ព្ទស៊េរីថ្មីមួយស្រឡាងមួយម៉ូឌែលទៀតដែលមានឈ្មោះថា OPPO Reno Series ដែលជាស្មាតហ្វូនកំពុងតែធ្វើឲ្យមានភាពកក្រើកខ្លាំងទាំំងនៅតំបន់អាស៊ី នៅប្រទេសចិន និង នៅតំបន់អ៊ឺរ៉ុប ដោយម៉ូឌែលនេះបានបំពាក់នូវបច្ចេកវិទ្យា 60X Digital Zoom ដែលកំពុងតែទទួលបានការចាប់អារម្មណ៍ខ្លាំងពីសំណាក់អ្នកប្រើប្រាស់ទូរស័ព្ទ ដែលក្នុងនោះ OPPO Reno 10X Hybrid Zoom កំពុងតែបានឆក់យកបេះដូងក្រុមជំនាញអ្នកថតរូប ឬ Professional Photographers ល្បីៗ ជាច្រើននៅលើពិភពលោក មកចាប់អារម្មណ៍លើម៉ូឌែលនេះ ព្រោះវាជាប្រភេទទូរស័ព្ទដែលអាចប្រើប្រាស់ក្នុងការថតរូបដូច Camera 4K បានទាំងរូបសន្លឹក និង រូបភាពវីដេអូ ព្រមទាំងអាចមានសមត្ថភាពផលិតឯកសារតូចធំយ៉ាងងាយស្រួលថែមទៀតផង។ ស្របពេលដែល OPPO Reno បង្ហាញខ្លួននៅប្រទេសកម្ពុជានោះដែរ ក្រុមហ៊ុនក៏បានបង្កើតនូវក្លឹបតូចមួយដែលមានឈ្មោះថា OPPO Photography Academy ក្នុងគោលបំណងជួយផ្សព្វផ្សាយអំពីស្នាដៃ របស់អ្នកដែលតេពកោសល្យក្នុងការថតរូប និងស្រលាញ់ការថតរូបធម្មជាតិ ប្រាង្គប្រាសាទបុរណ បែបវប្បធម៌ ប្រពៃណី បង្កើតសិល្បៈថ្មីៗ ប្រកបដោយភាពច្នៃប្រឌិត និងមានគុណភាពខ្ពស់ នៅក្នុងប្រទេសកម្ពុជាទាំងអស់ អាចទទួលបានឱកាសបង្ហាញនូវស្នាដៃដ៏អស្ចារ្យរបស់ខ្លួនទៅកាន់សារធាណៈជនទាំងនៅក្នុងប្រទេសកម្ពុជា និងទៅកាន់ពិភពលោកឲ្យកាន់តែទូលំទូលាយផងដែរ។

ស្មាតហ្វូន OPPO Reno 10X Hybrid Zoom មាន 2ពណ៌គឺ Ocean Green, Jet Black ដែលមាន កាមេរ៉ាក្រោយទំហំ 48MP+13MP, ដែលមានលក្ខណៈដូចជាបំពាក់ Len កាមេរ៉ា3 គ្រាប់នៅផ្នែកខាងក្រោយ ដូចជាបំពាក់ Len នៅលើកាមេរ៉ាទំហំ 48MP ជាកាមេរ៉ាមេ + 13MP បំពាក់ Len ក្នុងកាមេរ៉ាប្រភេទTelephoto+8MP សម្រាប់ជំនួយលើការថតរូបជាលក្ខណៈ Ultra-Wide Angle បន្ថែមទៀត ហើយចំពោះ Len ប្រភេទ Periscope អាចធ្វើការ Zoom បានដល់ទៅកម្រិត10ដង និង 60ដងឯនោះ ដោយវាក៏មានភ្ជាប់មកជាមួយនូវបច្ចេកវិទ្យា OIS (Optical Image Stabilization) ដើម្បីកាត់បន្ថយភាពរំញ័របានផងដែរ ព្រោះវាអាចធ្វើឲ្យរូបភាពនៅតែរក្សាលក្ខណៈច្បាស់ល្អ ដោយកាន់តែ Zoom កាន់តែច្បាស់ដូច្នេះកាន់តែលែងមានបញ្ហាទៀតហើយលើការ Zoom លើច្ចេកវិទ្យា 60X Digital Zoom របស់ OPPO Reno 10X Hybrid Zoom នៅពេលនេះ សម្រាប់កាមេរ៉ាមុខវិញរចនាឡើងជារាងបញ្ឈិត តាមទំរង់ត្របកផ្កាឈូក Opera House នៅប្រទេសអូស្រ្តាលីទំហំ 16 MP, មានថ្មទំហំ4065 mAh, Flash Charge VOOC 3.0, RAM ទំហំ 8GB និង ROM 256GB, កម្រិតអេក្រង់លាតពេញ 93.1% ហើយបច្ចុប្បន្ននេះ OPPO បាននឹងកំពុងដំណើរការបច្ចេកវិទ្យា 5G លើស៊េរីទូរស័ព្ទ Reno មានដូច Reno 5G, Reno 10x Hybrid Zoom និង Reno Model ផងដែរ ដែលទាំងអស់នេះសុទ្ធតែជាគុណសម្បត្តិនៃការ វិវឌ្ឍន៍ខ្លួនដ៏ទំនើប និងចុងក្រោយបំផុតរបស់ក្រុមហ៊ុន ដោយក្នុងនោះ OPPO Reno ធម្មតាតម្លៃ 529$ និង OPPO Reno 10X Hybrid ដែលមានបច្ចេកវិទ្យា 60X Digital Zoom តម្លៃផ្លូវការ 899$។ នៅក្នុងឆ្នាំ 2019នេះគឺជាឆ្នាំថ្មីក្នុងការចាប់ផ្តើមទសវត្សរ៍ទី2នៃដំណើរការទូរស័ព្ទចល័តរបស់ក្រុមហ៊ុន OPPO ដោយក្រុមហ៊ុនបានធ្វើការផ្លាស់ប្តូរនូវ Logo ថ្មី ដោយLogo OPPO ពីមុនមាន Font អក្សររាងស្លីមបន្តិចនោះ នឹងផ្លាស់ប្តូរទៅជា Logo OPPO ថ្មី ដែលមាន Font អក្សររាងមូល មានលក្ខណៈសាមញ្ញនិងងាយស្រួលចំណាំ ជាពិសេសការផ្លាស់ប្តូរ Logo ថ្មីនេះបានធ្វើឡើងក្នុងគោលបំណងបង្ហាញនូវវប្បធម៌ចម្រុះគ្នា ព្រមទាំងបង្ហាញពីភាពរីករាយក្នុងការរស់នៅប្រចាំថ្ងៃរបស់មនុស្សមកពីគ្រប់ជាតិសាសន៍ផងដែរ។ លើសពីនេះទៅទៀតក្រុមហ៊ុន OPPO នឹងបន្តបោះជំហានរបស់ខ្លួនទៅរកទីផ្សារសកលភាវរូបនីយកម្មឲ្យបានកាន់តែឆាប់រហ័ស ឲ្យកាន់តែទូលំទូលាយ និងបន្ស៊ីគ្នាជាមួយនឹងផលិតផលថ្មីៗរបស់ខ្លួនដូចជា Reno series ជាដើម ដែលកំពុងត្រៀមបង្ហាញខ្លួនរួចជាស្រេចទៅក្នុងទីផ្សារជាសកល ដូច្នេះតទៅថ្ងៃខាងមុខគ្រប់ផលិតផលថ្មីរបស់ OPPO ទាំងអស់ នឹងមកជាមួយនឹងរូបថ្មី Logo OPPO ថ្មី ជាទម្រង់បែបអក្សរមូលដូចគ្នាទៅនឹងការបង្កើត Brand Image ដែលថ្មី និង Creative ដូច្នោះដែរ ពីសំណាក់ក្រុមមនុស្សដែលមានគំនិតច្នៃប្រឌិតគ្មានដែនកំណត់ទាំងអស់៕

June 6, 2019

ប្រជាជនកម្ពុជាកំពុងទទួលយកការទូទាត់ប្រាក់តាមរយៈឌីជីថល ដែលជាមធ្យោបាយថ្មីក្នុងការទូទាត់

ភ្នំពេញ៖ ថ្ងៃទី 06 ខែមិថុនា ឆ្នាំ 2019 ថ្ងៃនេះ ក្រុមហ៊ុនវីសា ដែលជាក្រុមហ៊ុនបច្ចេកវិទ្យាទូទាត់សាច់ប្រាក់តាមប្រព័ន្ធអេឡិចត្រូនិចអន្តរជាតិដ៏ធំបំផុតមួយនៅក្នុងពិភពលោក បានចេញផ្សាយតួលេខពីកំណើនរបស់ប្រជាជនកម្ពុជាកំពុងតែទទួលយកការទូទាត់ប្រាក់តាមរយៈឌីជីថល ពីមួយឆ្នាំទៅមួយឆ្នាំចំនួន 43% លើតម្លៃសរុបនៃការទិញទំនិញ និងសេវាកម្មផ្សេងៗ ដោយការប្រើប្រាស់វីសាកាត និងមានការកើនទ្បើងរហូតដល់ 58% បើគណនាលើចំនួនប្រតិបត្តិការ ។

ទិន្នន័យនេះបានមកពីការប្រៀបធៀបលើការចំណាយរវាងឆ្នាំ 2017 ដល់ឆ្នាំ 2018 យោងលើការសិក្សាស្រាវជ្រាវអំពីឥរិយាបទក្នុងការបង់ប្រាក់របស់អតិថិជនប្រើប្រាស់វីសាកាត ក្នុងឆ្នាំ 2018 ។ តាមរយៈការសិក្សានេះបានរកឃើញថាប្រជាពលរដ្ឋកម្ពុជាប្រហែល 1/3 រំពឹងថាការទូទាត់ប្រាក់តាមរយៈប្រព័ន្ធឌីជីថលនឹងមានប្រជាប្រិយភាព ដោយសារតែវាមានភាពងាយស្រួល និងសុវត្ថិភាព បើប្រៀបធៀបជាមួយនឹងការប្រើសាច់ប្រាក់សុទ្ធ ហើយទន្ទឹមនឹងនោះដែរប្រជាជនកម្ពុជា 54% ជឿជាក់ថាសេដ្ឋកិច្ចនឹងរីកចម្រើនវិវត្តទៅ ដោយមិនចាំបាច់ប្រើសាច់ប្រាក់សុទ្ធនៅក្នុងរយៈពេលប្រាំពីរឆ្នាំ ខាងមុខនេះ។

តាមរយៈការសិក្សានេះក៏បានរកឃើញផងដែរថា អតិថិជនអ្នកប្រើប្រាស់បានមើលឃើញ និងបានព្យាករណ៍ថា ការទូទាត់ប្រាក់តាមរយៈអេឡិចត្រូនិកទំនងជាត្រូវបានប្រើប្រាស់នាពេលអនាគត ក្នុងនោះពួកគេរំពឹងថាការទូទាត់បែបនេះនឹងត្រូវបានប្រើប្រាស់នៅតាមបណ្តាផ្សារទំនើប 79% ហើយ 61% នៅក្នុងផ្សារទំនើបធំៗ និង 49% នៅក្នុងហាងទំនិញជាច្រើនទៀត។

អ្នកស្រី ជុំ ម៉ូនីកា នាយិកាគ្រប់គ្រងវីសា ប្រចាំប្រទេសកម្ពុជា បានមានប្រសាសន៍ថា “ប្រជាជនកម្ពុជាមានភាពសុទិដ្ឋិនិយមចំពោះវិស័យសេដ្ឋកិច្ច ដោយយោងទៅលើការព្យាករណ៍របស់ធនាគារអភិវឌ្ឍន៍អាស៊ី ថាមានកំណើន GDP 7% នៅឆ្នាំនេះ និង មានការថយចុះក្រោម 7% បន្តិចនៅឆ្នាំក្រោយ។ ដោយសារតែជំហរនៃកំណើនដ៏រឹងមាំនេះ បានធ្វើឲ្យយើងមានការរំពឹងទុកថាប្រព័ន្ធនៃការទូទាត់ប្រាក់របស់ប្រទេសយើង នឹងរីកចម្រើនយ៉ាងឆាប់រហ័ស ចំណែកឯក្រុមហ៊ុនវីសា ក៏មានការរំភើបរីករាយក្នុងការធ្វើការជាមួយគ្រឹះស្ថានហិរញ្ញវត្ថុ បណ្តាពាណិជ្ជករ និងអតិថិជនអ្នកប្រើប្រាស់ផ្ទាល់ ដើម្បីធ្វើឱ្យការរំពឹងទុកទាំងនេះក្លាយទៅជាការពិត។
ប្រជាជនកម្ពុជាក៏កំពុងបង្ហាញអំពីសន្ទុះនៃការទទួលយកបច្ចេកវិទ្យាទូទាត់ប្រាក់បែបថ្មីនេះផងដែរ តាមរយៈការស្រាវជ្រាវ បានបង្ហាញថា 24% នៃអ្នកដែលត្រូវបានស្ទង់មតិ ចាប់អារម្មណ៍ទៅលើការទូទាត់តាមរយៈ ទូរស័ព្ទដៃ ដោយក្នុងនោះ 1/3 មានចំណាប់អារម្មណ៍ចំពោះការបង់ប្រាក់ដែលមិនចាំបាច់ប្រើក្រដាសប្រាក់សុទ្ធ។ បើយើងងាកមកនិយាយពីការបង់ប្រាក់តាមរយៈទូរស័ព្ទដៃវិញ ការសិក្សាមួយនេះក៏បានរកឃើញដែរថា អតិថិជនមានបំណងចង់ធ្វើការទូទាត់ប្រាក់តាមរយៈទូរស័ព្ទដៃទៅលើផលិតផល និងសេវាកម្មឈានមុខមួយចំនួនទាក់ទងនឹងផ្នែកសុខភាព កីឡា ការទិញលក់រាយ ការកំសាន្តនិង ដំណើរទេសចរណ៍ ជាដើម។

មួយភាគបីនៃប្រជាជនកម្ពុជា ក៏បានបង្ហាញអំពីការចាប់អារម្មណ៍ក្នុងការទូទាត់ប្រាក់តាមរយៈការស្កេន QR កូដ ដែលជាសេវាកម្មបច្ចេកវិទ្យាថ្មីបំផុត បានបើកដំណើរការក្នុងភាពជាដៃគូជាមួយធនាគារជាច្រើនដោយក្រុមហ៊ុន វីសា នៅកម្ពុជា កាលពីចុងឆ្នាំមុន។ មកដល់ពេលនេះ ការទូទាត់ប្រាក់តាមរយៈ QR កូដ ត្រូវបានគេទទួលស្គាល់នៅក្នុងហាងទំនិញជាង 1,326 កន្លែង ដែលចំនួននេះកើនឡើងទ្វេដងបើប្រៀបធៀបជាមួយនឹងចំនួននៃហាងទំនិញនៅពេលដែលបច្ចេកវិទ្យានេះទើបត្រូវបានដាក់ឱ្យដំណើរការ។

អ្នកស្រី ម៉ូនីកា បានបន្ថែមទៀតថា “យើងមានក្តីរំភើបរីករាយ ដែលបានឃើញសន្ទុះប្រជាជនកម្ពុជាក្នុងការទទួលយកបរិបទថ្មីទាក់ទងនឹងការទូទាត់ប្រាក់តាមរយៈឌីជីថល។ យើងប្តេជ្ញាធ្វើការជាមួយរដ្ឋាភិបាលនិង ធនាគារជាដៃគូរបស់យើង ក្នុងការណែនាំនូវការទូទាត់ប្រាក់តាមរយៈភាពច្នៃប្រឌិតនៃបច្ចេកវិទ្យាថ្មីៗ ដែលផ្តល់នូវមធ្យោបាយលឿនបំផុត និង ងាយស្រួល ព្រមទាំងមានសុវត្ថិភាព ក្នុងការបង់ប្រាក់ និង ទទួលប្រាក់ សម្រាប់ប្រជាជនគ្រប់រូបនៅក្នុងព្រះរាជាណាចក្រកម្ពុជា”។

អំពីក្រុមហ៊ុនVisa

Visa Inc. (NYSE: V) គឺជាក្រុមហ៊ុននាំមុខគេក្នុងបច្ចេកវិទ្យាទូទាត់សាច់ប្រាក់តាមរយៈឌីជីថល។ បេសកកម្មរបស់យើងគឺផ្សាភ្ជាប់ពិភពលោកទាំងមូល តាមរយៈការតភ្ជាប់បណ្តាញទូទាត់ប្រាក់ប្រកបដោយភាពច្នៃប្រឌិតថ្មី អាចទុកចិត្តបាន និងមានសុវត្ថិភាពបំផុត ជាមួយអ្នកប្រើប្រាស់ អាជីវករ និងជួយឲ្យសេដ្ឋកិច្ចមានការរីក ចម្រើន។ បណ្តាញទំនើបឈានមុខគេបំផុតមួយរបស់ពិភពលោកគឺ VisaNet របស់យើង ផ្តល់ការទូទាត់ដែលអាចទុកចិត្តបាននិងមានសុវត្ថិភាពនៅទូទាំងពិភពលោក នឹងមានលទ្ធភាពគ្រប់គ្រងប្រតិបត្តិការជាង ៦៥,០០០ប្រតិបត្តិ ក្នុងមួយវិនាទី។ ក្រុមហ៊ុនផ្តោតការយកចិត្តទុកដាក់ឥតឈប់ឈរលើការច្នៃប្រឌិត ដែលនេះជាកត្តាជម្រុញដល់ភាពរីកចម្រើនយ៉ាងឆាប់រហ័សនៃការធ្វើពាណិជ្ជកម្មដែលបានផ្សារភ្ជាប់ទៅនឹងឧបករណ៍អេទ្បិចត្រូនិចណាក៏បាន និងជាកម្លាំងមួយនៅពីក្រោយការកសាងនូវក្តីសុបិន្តរបស់អនាគត cashless សម្រាប់មនុស្សគ្រប់គ្នានៅគ្រប់ទីកន្លែង។ នៅពេលដែលពិភពលោកផ្លាស់ប្តូរពី analog ទៅឌីជីថល វីសាក៏កំពុងតែពង្រឹងលើស្លាកសញ្ញា ផលិតផល បុគ្គលិក និង បណ្តាញរបស់ខ្លួនរួចជាស្រេចដើម្បីចូលរួមជាមួយនឹងការផ្លាស់ប្តូរពាណិជ្ជកម្មនាថ្ងៃអនាគត៕

ព័ត៌មានបន្ថែមសូមចូលមើលគេហទំព័រ About Visa, https://usa.visa.com/visa-everywhere/blog.html និង @VisaNews.

June 6, 2019

កម្មវិធី ពានរង្វាន់អចលនទ្រព្យកម្ពុជា របស់ PropertyGuru បានជួយដល់វិស័យអចលនទ្រព្យនៅកម្ពុជាជាច្រើន

ក្រោយពីបញ្ចប់កម្មវិធីប្រគល់ពានរង្វាន់អចលនទ្រព្យកម្ពុជា ប្រចាំឆ្នាំ2019 កាលពីថ្ងៃសុក្រ ទី03 ខែឧសភា ឆ្នាំ 2019 នៅសណ្ឋាគារ សូហ្វីតែល ភ្នំពេញ ភូគីត្រា ប្រកបដោយភាពជោគជ័យជាទីមោទនៈមក នៅថ្ងៃទី29 ខែឧសភា កន្លងទៅ (more…)

June 5, 2019

ពិធីស្រាយបួស «AIDILFITRI2019» នៅស្ថានទូតម៉ាឡេស៊ីប្រចាំរាជធានីភ្នំពេញ

បើយោងតាមសេចក្ដីប្រកាសព័ត៌មានរបស់ស្ថានទូតម៉ាឡេស៊ី ប្រចាំរាជធានីភ្នំពេញ បានអះអាងថា ថ្ងៃនេះគឺជាថ្ងៃផ្ដើមនៃខែ Syawal និងក្នុងឱកាសនៃការប្រារព្ធពិធី Hari Raya Aidilfitri ឬ Eid Mubarak, ស្ថានទូតម៉ាឡេស៊ីនៅភ្នំពេញបានរៀបចំពិធីស្រាយបួស ”Aidilfitri” នៅអាគារ Dewan Malaysia នាថ្ងៃទី ៥ ខែមិថុនា ឆ្នាំ ២០១៩។

លោក Eldeen Husaini Mohd Hashim ឯកអគ្គរដ្ឋទូតម៉ាឡេស៊ី ប្រចាំនៅកម្ពុជា ក្នុងពិធីនេះមានការចូលរួមពីជនជាតិម៉ាឡេស៊ី ដែលមានអាសយដ្ឋាននៅក្នុងរាជធានីភ្នំពេញប្រហែល ២០០នាក់ ព្រមទាំងមន្រ្តីជាន់ខ្ពស់របស់រាជរដ្ឋាភិបាល និងតំណាងអ្នកការទូតជាច្រើនទៀត។

គ្រួសារនៃជនជាតិម៉ាឡេស៊ី បានជួបជុំគ្នា នៅស្ថានទូតម៉ាឡេស៊ី ប្រចាំប្រទេសកម្ពុជា កាលពីព្រឹកថ្ងៃទី ៥ ខែមិថុនា ២០១៩ នៅក្នុងសេចក្ដីប្រកាសបានឲ្យដឹងទៀតថា Hari Raya Aidilfitri ជាឱកាសដ៏សំខាន់មួយនៅក្នុងប្រតិបតិទិនអ៊ីស្លាម ដែលបានប្រារព្ធដោយសាសនិកអ៊ីស្លាមទូទាំងពិភពលោក។ វាជាថ្ងៃបញ្ចប់នៃខែបួស ហៅថា រ៉ាម៉ាដាន។ ក្នុងអំឡុងបុណ្យរ៉ាម៉ាដានសាសនិកអ៊ីស្លាមទូទាំងពិភពលោក ត្រូវតែតមអាហារ ក្នុងអំឡុងពេលថ្ងៃ ក្នុងរយៈពេលយ៉ាងហោចណាស់ ៣០ថ្ងៃ។

សាសនិកអ៊ីស្លាមប្រើប្រតិទិនច័ន្ទគតិ ដើម្បីកំណត់ថ្ងៃសំខាន់ៗ ដូចជា Ramadan និង Syawal ដែលកើតឡើងក្នុងខែផ្សេងគ្នា ក្នុងប្រតិទិន គ្រីកូរៀន ជារៀងរាល់ឆ្នាំ។ ក្នុងខែ Syawal សាសនិកអ៊ីស្លាមភាគច្រើនបើកទ្វារផ្ទះរបស់ពួកគេ ទទួលស្វាគមន៍មនុស្សគ្រប់គ្នាដោយមិនគិតពីជាតិសាសន៍ វប្បធម៌ និងតួនាទីឡើយ ដើម្បីចូលរួមសប្បាយរីករាយទាំងអស់គ្នា។ ស្ថានទូតម៉ាឡេស៊ី ក៏បើកទ្វារទទួលស្វាគមន៍មនុស្សគ្រប់ទិសទីដោយមិនគិតពីសាសនា តួនាទី ឬប្រវត្តិឡើយ ដើម្បីពង្រឹងនូវការរួបរួមសហការ និងលើកកម្ពស់សមាហរណកម្មជាតិសាសន៍ក៏ដូចជាការយល់ដឹងអំពីបុណ្យ និងវប្បធម៌។

June 5, 2019

រកឃើញអ្នកឈ្នះរង្វាន់១ម៉ឺនដុល្លារទី ៧ ពីស្រាបៀរអាន់ឆ័រ

រាជធានីភ្នំពេញ៖ កាលពីថ្ងៃទីសុក្រ ២៤ ខែឧសភា ឆ្នាំ២០១៩ ស្រាបៀរអាន់ឆ័របានរៀបចំកម្មវិធីប្រគល់រង្វាន់ជូនអ្នកឈ្នះរង្វាន់ទឹកប្រាក់១ម៉ឺនដុល្លារចំនួនមួយរូប និងអ្នកឈ្នះរង្វាន់ទឹកប្រាក់១ពាន់ដុល្លារចំនួន ៥៣ នាក់ពីកម្មវិធី “ឈ្នះរង្វាន់ស្រាបៀរនិងទឹកប្រាក់ដ៏ច្រើនសន្ធឹកសន្ធាប់ពីស្រាបៀរអាន់ឆ័រ” ដោយមានការអញ្ជើញចូលរួមពីថ្នាក់ដឹកនាំក្រុមហ៊ុនស្រាបៀរអាន់ឆ័រ ក្រុមការងារស្រាបៀរអាន់ឆ័រ អ្នកឈ្នះរង្វាន់ ភ្ញៀវកិត្តិយស និងអ្នកសារព័ត៌មានជាច្រើន។

កម្មវិធី “ឈ្នះរង្វាន់ស្រាបៀរនិងទឹកប្រាក់ដ៏ច្រើនសន្ធឹកសន្ធាប់ពីស្រាបៀរអាន់ឆ័រ” ត្រូវបានរៀបចំឡើងជាពិសេសសម្រាប់អតិថិជនរបស់ស្រាបៀរអាន់ឆ័រក្នុងគោលបំណង ថ្លែងអំណរគុណដ៏ជ្រាលជ្រៅ និងបង្ហាញពីការយកចិត្តទុកដាក់ខ្ពស់របស់ក្រុមហ៊ុនស្រាបៀរអាន់ឆ័រចំពោះអតិថិជន ដែលតែងតែគាំទ្រ និងនិយមជាវស្រាបៀរអាន់ឆ័រសម្រាប់គ្រប់កម្មវិធី គ្រប់ឱកាស។

លោក ពោល សម្បត្តិ មកពីខេត្តបាត់ដំបង ដែលជាអ្នកឈ្នះរង្វាន់ទឹកប្រាក់១ម៉ឺនដុល្លារពីស្រាបៀអាន់ឆ័របានមានប្រសាសន៍ថា៖ “ខ្ញុំត្រូវរង្វាន់ធំពីព្រោះខ្ញុំទទួលទានស្រាបៀរអាន់ឆ័ររាល់ថ្ងៃ ។ ខ្ញុំមានអារម្មណ៍រំភើបរីករាយក្រៃលែងដឹងថាត្រូវរង្វាន់ធំពីស្រាបៀរអាន់ឆ័រ។ អាន់ឆ័រផ្តល់រង្វាន់ពិតៗ។ នេះជាលើកទីមួយសម្រាប់ខ្ញុំត្រូវរង្វាន់ធំមួយម៉ឺនដុល្លារពីស្រាបៀរអាន់ឆ័រ។ ខ្ញុំផ្តាំផ្ញើឲ្យអតិថិជនអាន់ឆ័រទាំងអស់ ពិសាស្រាបៀរអាន់ឆ័រដើម្បីមានឱកាសឈ្នះធំ។ ខ្ញុំនឹងយកលុយនេះទៅពង្រីកមុខរបរបន្ថែម។”

អ្នកឈ្នះរង្វាន់ទឹកប្រាក់១ម៉ឺនដុល្លារចំនួនមួយរូប និងអ្នកឈ្នះរង្វាន់ទឹកប្រាក់១ពាន់ដុល្លារចំនួន ៥៣ នាក់បានទទួលរង្វាន់ពីក្រុមការងារស្រាបៀរអាន់ឆ័រ។

កម្មវិធីឈ្នះរង្វាន់ស្រាបៀរ និងទឹកប្រាក់ដ៏ច្រើនសន្ធឹកសន្ធាប់ពីស្រាបៀរអាន់ឆ័រចាប់ផ្តើមពីថ្ងៃនេះរហូតដល់ដំណាច់ឆ្នាំ ២០១៩។ រាល់ការជាវស្រាបៀរអាន់ឆ័រ លោកអ្នកនឹងមានឱកាសឈ្នះរង្វាន់ស្រាបៀរអាន់ឆ័រ១កំប៉ុង ១២កំប៉ុង ២៤ កំប៉ុង ព្រមទាំងរង្វាន់ទឹកប្រាក់ ១០០ (មួយរយ) ដុល្លារ ១០០០ (មួយពាន់ដុល្លារ និង១០០០០ (មួយម៉ឺន)ដុល្លារពីស្រាបៀរអាន់ឆ័រ។ ក្រុមហ៊ុននឹងរៀបចំពេលវេលាជូនអ្នកឈ្នះរង្វាន់ទឹកប្រាក់១ម៉ឺនដុល្លារ និងអ្នកឈ្នះរង្វាន់ទឹកប្រាក់១ពាន់ដុល្លារដើម្បីបើករង្វាន់ដ៏អស្ចារ្យនេះ នៅការិយាល័យរោងចក្រស្រាបៀរអាន់ឆ័រ។ ចំពោះរង្វាន់ផ្សេងទៀតលោកអ្នកអាចបើកភ្លាមនៅតាមដេប៉ូចែកចាយស្រាបៀរអាន់ឆ័រ។ បញ្ជាក់៖ ដើម្បីបើករង្វាន់ លោកអ្នកត្រូវបង្ហាញសម្បកកំប៉ុង និងក្រវិលកំប៉ុងដែលឈ្នះរង្វាន់។

សូមប្រញាប់ឡើង! ជាវស្រាបៀរអាន់ឆ័រដើម្បីមានឱកាសឈ្នះរង្វាន់១ ម៉ឺនដុល្លារ រាល់ខែ! អ្នកឈ្នះបន្ទាប់អាចជារូបអ្នក!!!
ចំពោះព័ត៌មានបន្ថែម សូមទាក់ទងមកយើងខ្ញុំតាមរយៈលេខ៖ 092 333 900 / 010 833 000។
រីករាយស្រស់ថ្លា

ពិសាដោយការទទួលខុសត្រូវ៕

June 5, 2019

តើអ្វីខ្លះដែលធ្វើឲ្យ Samsung Galaxy A50 លើសពីអ្វីដែលអ្នកទាំងអស់គ្នារំពឹងទុក?

ភ្នំពេញ៖ ថ្ងៃទី០៤ ខែមិថុនា ឆ្នាំ២០១៩៖ តើលក្ខណៈអ្វីខ្លះដែលធ្វើឲ្យស្មាតហ្វូនថ្នាក់កណ្តាល Samsung Galaxy A50 ទទួលបានពាក្យថា “ លើសពីអ្វីដែលលោកអ្នករំពឹងទុក ”?

ជាការពិតណាស់ Samsung Galaxy A50 ជាស្មាតហ្វូនថ្នាក់កណ្តាលមួយក្នុងចំណោមស្មាតហ្វូនថ្នាក់កណ្តាលទាំងអស់របស់ក្រុមហ៊ុនបច្ចេកវិទ្យាយក្ស សាមសុង ដែលភ្ជាប់មកជាមួយមុខងារ លេចធ្លោទំនើបទាន់សម័យ ឡូយ ដែលធ្វើឲ្យអ្នកប្រើប្រាស់ស្មាតហ្វូនទទួលបាននូវបទពិសោធន៏ដ៏អស្ចារ្យ និងស័ក្តិសមបំផុតសម្រាប់លោកអ្នក។

តើចំណុចលើសគេអ្វីខ្លះ ដែលធ្វើឲ្យលោកអ្នកអាចសម្រេចចិត្តដ៏ឆ្លាតវៃក្នុងការជ្រើសរើសស្មាតហ្វូនដែលសាកសមសម្រាប់ខ្លួនឯង? តោះមកមើលត្រួសៗទាំងអស់គ្នា!!!

• បច្ចេកវិទ្យាស្កេនក្រយៅដៃលើអេក្រង់ (On-Screen Fingerprint) ដែលជាចំណុចពិសេសបំផុត ធ្វើឱ្យស្មាតហ្វូន Samsung ម៉ូឌែលនេះ ឈ្នះលើគូប្រកួតប្រជែងរបស់ខ្លួនទាំងឡាយដែលកំពុងដាក់លក់នៅក្នុងតម្លៃចន្លោះពី 300-400$
• ស្កេនមុខ (Face Recognition)
• ថាមពលថ្ម 4,000 mAh; Samsung Fast Charge, USB 2.0 Type-C (សាកលឿនឆាប់ពេញ)
• អេក្រង់ Infinity-U ប្រភេទ Super AMOLED ដែលផ្តល់ពណ៌ភ្លឺច្បាស់ហ្មត់ល្អ
• កាមេរ៉ាក្រោយមាន 3 គ្រាប់៖ 25 MP (f/1.7); 8 MP (f/2.2); 5 MP (f/2.2)
• មានអង្គចងចាំ និងអង្គផ្ទុកធំ ក្នុងតម្លៃហួសពីល្អ ៖ RAM 4GB ROM 64GB លក់ក្នុងតម្លៃ 299$ ឬ RAM 6GB ROM 128GB ក្នុងតម្លៃ 339$

លើកនេះ សាមសុង គឺពិតជាផ្តល់ជូននូវជម្រើសយ៉ាងល្អបំផុតដល់អតិថិជនរបស់ខ្លួន!
បើចង់ជ្រាបច្បាស់ថាតើ Galaxy A50 ទំនើបអស្ចារ្យប៉ុណ្ណានោះសូមអញ្ជើញមកកាន់ហាងសាមសុងណាមួយដែលនៅជិតលោកអ្នកបំផុតឬអាចទំនាក់ទំនងមកកាន់លេខ1800 203 232 សម្រាប់ព័ត៌មានបន្ថែម។

June 4, 2019

ប្រាសាក់ផ្តល់កម្ចីជាប្រាក់រៀលដើម្បីគាំទ្រដល់ការរីកចម្រើនរបស់កសិករនិងសហគ្រាសខ្នាតតូចនៅកម្ពុជា

ប្រាសាក់ ជាគ្រឹះស្ថានហិរញ្ញវត្ថុធំជាងគេនៅកម្ពុជា បាននិងកំពុងផ្តល់ កម្ចីជាប្រាក់រៀល ដើម្បីគាំទ្រដល់ការរីកចម្រើនរបស់កសិករនិងសហគ្រាសខ្នាតតូចនៅកម្ពុជា។ អតិថិជនអាចប្រើប្រាស់កម្ចីនេះ សម្រាប់មុខរបរកសិកម្ម មុខជំនួញ ឬ ប្រើជាដើមទុន ទុនបង្វិល ឬ អាចទិញសម្ភារៈផ្សេងៗតាមតម្រូវការ។

លោក សាយ សូនី នាយកប្រតិបត្តិរបស់ប្រាសាក់ បានមានប្រសាសន៍ថា កម្ចីប្រាក់រៀលដែលប្រាសាក់ផ្ដល់ជូន បានចូលរួមចំណែកក្នុងការធ្វើឱ្យជីវភាពរបស់អតិថិជនមានភាពប្រសើរឡើង ព្រោះតែមានអត្រាការប្រាក់សមរម្យ មិនចំណាយលើការខាតបង់ការប្ដូរប្រាក់ ការពារបានប្រាក់ក្លែងក្លាយ និងចូលរួមលើកកម្ពស់ប្រាក់រៀលខ្មែរយើង។

លោក សូនី បន្តថា ប្រាសាក់ បានជំរុញឱ្យមានការប្រើប្រាស់ប្រាក់រៀលក្នុងគ្រប់ប្រតិបត្តិការនៃគ្រប់សេវាកម្មទាំងអស់ ជាពិសេស ការផ្ដល់កម្ចីជាប្រាក់រៀល ដើម្បីជួយសម្រួលទៅដល់អតិថិជនឱ្យមានភាពងាយស្រួល និងសុវត្ថិភាពខ្ពស់ក្នុងការប្រើប្រាស់កម្ចីសម្រាប់ប្រកបអាជីវកម្ម កសិកម្ម និងមុខរបរផ្សេងៗ។

គួរបញ្ជាក់ថា ប្រាសាក់ផ្តល់ជូនប្រាក់កម្ចីទៅតាមតម្រូវការ អត្រាការប្រាក់សមរម្យ រយៈពេលវែង ងាយស្រួល និងមានភាពបត់បែនក្នុងការសងត្រលប់។ សូមទាក់ទងខ្ចីប្រាក់ពីប្រាសាក់ តាមលេខទូរស័ព្ទ 023 999 911 ឬ 086 999 911។ ប្រាសាក់ រីកចម្រើនជាមួយគ្នា៕

June 4, 2019

Category: PR