PR - La Reine Media

Tiger street Football Festival 2018 ប្រចាំមណ្ឌលកំពង់ស្ពឺរកឃើញជើងខ្លាំង 3ក្រុមឡើងទៅវគ្គផ្តាច់ព្រ័ត្រហើយ

កំពង់ស្ពឺ៖ ព្រឹត្តិការណ៍ប្រកួតបាល់ទាត់ Tiger Street Football Festival 2018 ប្រចាំខេត្តកំពង់ស្ពឺ ដែលជាមណ្ឌលទី2 បានរកឃើញម្ចាស់ជើងឯកហើយ ដោយបានទៅលើក្រុម ABA ( A) ក្រោយពីយកឈ្នះលើក្រុម Vitou MK ក្នុងលទ្ធផល 3-2។

មុនឈានមកដល់វគ្គផ្ដាច់ព្រ័ត្រនេះ ក្រុម ABA( A) បានយកឈ្នះលើក្រុម រដ្ឋាបាលស្រុកភ្នំស្រួច ដោយលទ្ធផល 8-4។ ចំណែកឯក្រុម Vitou MK បានយកឈ្នះលើក្រុម black Lion ក្នុងលទ្ធផល 4-1។ ជាហេតុធ្វើឲ្យក្រុមចាញ់ទាំងពីរ black Lion ត្រូវប្រកួតជាមួយក្រុម រដ្ឋាបាលស្រុកភ្នំស្រួច ដើម្បីស្វែងរក លេខ3 និង លេខ4។ ជាលទ្ធផល ក្រុម black Lion ដណ្តើមបានលេខ3 ក្រោយឈ្នះរដ្ឋាបាលស្រុកភ្នំស្រួច 4 ទល់និង 2។

សម្រាប់រង្វាន់ក្រុមជើងឯកប្រចាំមណ្ឌលខេត្តកំពង់ស្ពឺ ABA( A) ទទួលបានប្រាក់រង្វាន់ 1000ដុល្លារ ក្រុមជើងឯករង បានទៅលើក្រុម Vitou MK ប្រាក់រង្វាន់ 700ដុល្លារ ក្រុមចំណាត់ថ្នាក់លេខ3 បានទៅលើក្រុម black Lion ប្រាក់រង្វាន់ 350ដុល្លារក្រុមចំណាត់ថ្នាក់លេខ4 បានទៅលើ រដ្ឋាបាលស្រុកភ្នំស្រួច ប្រាក់រង្វាន់ 100ដុល្លារ និងស្រាបៀរថៃហ្គ័រ ។

ដោយឡែក សម្រាប់ខេត្តកំពង់ស្ពឺ ដែលជាមណ្ឌលទី2នេះ គណៈកម្មាធិការរៀបចំការប្រកួត យកតែ៣ក្រុមតែប៉ណ្ណោះ ដើម្បីឲ្យទៅចូលរួមការប្រកួតវគ្គផ្តាច់ព្រ័ត្រទូទាំងប្រទេស នៅរាជធានីភ្នំពេញ ថ្ងៃទី10 និងទី11 មីនា 2018 ខាងមុខនេះ។

ការប្រកួតជម្រុះក្នុងកម្មវិធី Tiger street Football Festival 2018 នឹងធ្វើឡើងនៅមណ្ឌលបន្ទាប់គឺ៖ ខេត្តបាត់ដំបង នៅថ្ងៃទី 3 – ទី 4 ខែកុម្ភៈឆ្នាំ 2018 នៅតារាងបាល់ទាត់វាលបែកចានទីរួមខេត្តបាត់ដំបង។

ដូច្នេះសូមកុំភ្លេចចូលរួមទស្សនាការប្រកួតជម្រុះនៅខេត្ត បាត់ដំបង ឲ្យបានច្រើនកុះករ។

ចំពោះសកម្មភាពផ្សេងៗនៃព្រឹត្តិការណ៍ Tiger street Football Festival 2018 នៅខេត្តកំពង់ស្ពឺ សូមចូលទៅកាន់ទំព័រហ្វេសប៊ុកផ្លូវការរបស់ស្រាបៀរថៃហ្គ័រ៖ www.facebook.com/TigerBeerKH
#TSFF2018

សូមពិសាដោយការទទួលខុសត្រូវ

January 30, 2018

Tiger Street Football Festival 2018 មណ្ឌលកំពង់ស្ពឺពិតស្វិតស្វាញមិនចាញ់មណ្ឌលដ៏ទៃទេ

កំពង់ស្ពឺ៖ ក្រោយពិធីបើកការប្រកួតបាល់ទាត់ Tiger Street Football Festival 2018 វគ្គជម្រុះមណ្ឌលទី2 នៅដីឡូឳញ៉ា ឈួន កម្សាន្ត ទីរួមខេត្តកំពង់ស្ពឺ ដែលមាន 35ក្រុមចូលរួមប្រកួតនោះ គឺពិតជាជក់ចិត្ត និងស្វិតស្វាញ មិនចាញ់មណ្ឌលដទៃនោះទេ បើទោះបីជានេះជាបទពិសោធន៍ដំបូងសម្រាប់អ្នកខេត្តកំពង់ស្ពឺក៏ដោយ។ ម្យ៉ាង ក្រុមនីមួយៗសុទ្ធតែមានបំណង់ចង់ដណ្តើមយកជ័យជំនះ ដើម្បីទទួលបានរង្វាន់យ៉ាងច្រើនពីក្រុមហ៊ុនស្រាបៀរថៃហ្គ័រ ដោយជើងឯកប្រចាំមណ្ឌលកំពង់ស្ពឺនេះទទួលបាន 1000$ និងស្រាបៀរថៃហ្គ័រ 10កេះ, លេខ២ទទួលបាន 500$ ស្រាបៀរថៃហ្គ័រ 10កេះ, និងលេខ 3 បាន 300$ ស្រាបៀរថៃហ្គ័រ 5កេះ, និង លេខ4 ទទួលបាន 150$ និងស្រាបៀរថៃហ្គ័រ5កេះផងដែរ។

ទន្ទឹមនិងនេះក្រុមទាំងសុទ្ធតែចង់ក្លាយជាម្ចាស់ជើងឯកប្រចាំតំបន់របស់ខ្លួន ដើម្បីអាចទទួលបានសិទ្ធិទៅចូលរួមប្រកួតនៅវគ្គផ្តាច់ព្រ័តបន្តទៀតនៅរាជធានីភ្នំពេញនាថ្ងៃទី10 និងទី11 មីនា 2018 ខាងមុខនេះ និងជាពិសេសមានឱកាសជួបផ្ទាល់ជាមួយកំពូលតារាបាល់ទាត់អន្តរជាតិ Ryan Giggs ខណៈដែរមណ្ឌលថ្មីមួយនេះជ្រើសយកជើងខ្លាំងតែ៣ក្រុមប៉ុណ្ណោះ។

សូមបញ្ជាក់ថា មណ្ឌលកំពង់ស្ពឺនេះគឹជាលើកដំបូងដែលក្រុមការងារ Tiger Street Football Festival 2018 បានមករៀបចំការប្រកួត ដើម្បីចូលរួមចំណែកក្នុងការលើកកម្ពស់សកម្មភាពកីឡា ក៏ដូចជាវេទិកាមួយសម្រាប់កីឡាករបាល់ទាត់ និងអ្នកស្នេហាវិស័យកីឡាបាល់ទាត់ បានបង្ហាញនូវទេពកោសល្យ ផ្លាស់ប្តូរបទពិសោធន៍ និងរៀនពីទម្រង់ថ្មីៗនៃការប្រកួត។

ដូចច្នេះសូមតាមដានទាំងអស់គ្នាបន្តទៀត ថាតើក្រុមណាខ្លះអាចបំបែកកញ្ចប់ថវិកាដ៏ច្រើនសន្ធឹកសន្ថាប់របស់ក្រុមហ៊ុនថៃហ្គ័រ និងទទួលបានកៅអីទៅវគ្គផ្តាច់ព្រ័តនៅភ្នំពេញថ្ងៃទី10 និងទី11 មីនា 2018 ខាងមុខនេះ។

ព័ត៌មានលម្អិតបន្ថែមអំពី Tiger Street Football Festival 2018 សូមចូលទៅកាន់ទំព័រហ្វេសប៊ុកផ្លូវការរបស់ស្រាបៀរថៃហ្គ័រ៖ www.facebook.com/TigerBeerKH
#TSFF2018

សូមពិសាដោយការទទួលខុសត្រូវ

January 30, 2018

ការប្រកួតជម្រុះមណ្ឌលទី2 នៃពានរង្វាន់ Tiger Street Football Festival 2018 បានបើកជាផ្លូវការហើយ

កំពង់ស្ពឺ៖ ការប្រកួតជម្រុះមណ្ឌលទី2 នៃពានរង្វាន់ Tiger Street Football Festival 2018 បានបើកជាផ្លូវការហើយហើយនាព្រឹកថ្ងៃទី28 ខែមករា ឆ្នាំ2018នេះ នៅដីឡូឧកញ៉ា ឈួន កំសាន្ត ទីរួមខេត្តកំពង់ស្ពឺ ដោយមានការចូលរួមពីក្រុមចំនួន35ក្រុម។ ហើយចំពោះក្រុមដែលចូលរួមក្នុងពិធីបើកក៏ទទួលបានវត្ថុអនុស្សាវរីយ៍ពីក្រុមហ៊ុនស្រាបៀរថៃហ្គ័រផងដែរ។
លោក Moon Yoo នាយកផ្នែកទីផ្សារនៃក្រុមហ៊ុនស្រាបៀរថៃហ្គ័រ បានលើកឡើងក្នុងពិធីបើកនោះថា នេះជាលើកដំបូង Tiger Street Football Festival 2018 បានវិលត្រឡប់មកវិញហើយ មិនតែប៉ុណ្ណោះព្រឹត្តិការណ៍កាន់តែធំជាងមុន និងមានមណ្ឌលប្រកួតរហូតដល់8ទីតាំង ក្រុមចូលរួមប្រកួតដល់ទៅជាង500ក្រុម កីឡាករសរុបជាង 3500នាក់ និងមានរង្វាន់ដ៏ច្រើនសរុប 50000 ដុល្លារ។ មិនតែប៉ុណ្ណោះក្រុមដែលប្រជែងបានកៅអីទៅចូលរួមប្រកួតវគ្គផ្តាច់ព្រ័ត្រនៅរាជធានីភ្នំពេញ និងមានឱកាសជួបផ្ទាល់ជាមួយកំពូលតារាបាល់ទាត់អន្តរជាតិ Ryan Giggs នៅថ្ងៃប្រកួតផ្តាច់ព្រ័ត្រនៅរាជធានីភ្នំពេញ។
លោក ទុយ វិច្ឆិកា តំណាងឲ្យសហព័ន្ធកីឡាបាល់ទាត់កម្ពុជា បានលើកឡើងថា នេះគឺជាលើកទី៦ហើយដែលក្រុមហ៊ុនស្រាបៀថៃហ្គ័របានរៀបចំកម្មវិធីដ៏អស្ចារ្យ ក្នុងការផ្តល់ឱកាសដល់ប្អូនៗយុវជនដែលស្រលាញ់កីឡាបាល់បានបញ្ចេញសមត្ថភាព ប្រកួតប្រជែងដណ្តើមពាន់រង្វាន់។ ហើយជាធម្មតាការប្រកួតតែងតែចង់ទទួលបានជ័យជំនះ ប៉ុន្តែយ៉ាងណាក៏ដោយ សហព័ន្ធកីឡាបាល់ទាត់ និងក្រុមហ៊ុនស្រាបៀរថៃហ្គ័រ តែងតែសង្កត់ធ្ងន់លើកការគោរពវិន័យ ហើយសង្ឃឹមថាប្រកាន់ភ្ជាប់នូវស្មារតីកីឡា លេងដោយយុត្តិធម៌ (Fair Play) គោរពពេលវេលា គោរពអាជ្ញាកណ្តាល និងអ្នករៀបចំកម្មវិធី។

សូមបញ្ជាក់ថា សម្រាប់រដូវកាលទី6នេះ ការប្រកួត Tiger Street Football Festival នឹងរឹតតែស្វិតស្វាញ ព្រោះក្រុមដែលចូលរួមនីមួយៗសុទ្ធតែធ្លាប់ទទួលបានបទពិសោធន៍ច្រើនពីការប្រកួតនៅលើទីលាន Futsal នេះ។ យ៉ាងណាមិញការប្រកួតនៅមណ្ឌលទី2នេះ ក្រុមទាំងអស់នឹងត្រូវប្រកួតពេញ1ថ្ងៃ គឺថ្ងៃទី28 ខែមករា ដើម្បីស្វែងរកក្រុមជើងឯកចំនួន៣ក្រុមឡើងខ្លាំងឈានទៅប្រកួតវគ្គផ្តាច់ព្រ័ត្រទូទាំងប្រទេសនៅរាជធានីភ្នំពេញ៕

ព័ត៌មានលម្អិតបន្ថែមអំពី Tiger Street Football Festival 2018 សូមចូលទៅកាន់ទំព័រហ្វេសប៊ុកផ្លូវការរបស់ស្រាបៀរថៃហ្គ័រ៖ www.facebook.com/TigerBeerKH
#TSFF2018

សូមពិសាដោយការទទួលខុសត្រូវ

January 29, 2018

ក្រុមមណ្ឌលប្រចាំខេត្តកំពង់ស្ពឺ មានឱកាសដណ្តើមប្រាក់រង្វាន់ដ៏ច្រើនពី Tiger Street Football Festival 2018

កំពង់ស្ពឺ៖ កំពង់ស្ពឺគឺជាខេត្តទី2 បន្ទាប់ពីខេត្តព្រះសីហនុ ដែលក្រុមការងារ Tiger Street Football Festival 2018 បានមករៀបចំការប្រកួតកីឡាហ្វ៊ូតសាលដំបូង និងធំជាងគេនៅក្នុងប្រទេសកម្ពុជា ហើយបានប្រារព្ធធ្វើឡើងជារៀងរាល់ឆ្នាំចាប់តាំងពីឆ្នាំ 2013 មកម្លេះ។ ប៉ុន្តែសម្រាប់ឆ្នាំ2018 រង្វាន់សរុបទូទាំងប្រទេសកាន់តែធំអស្ចារ្យ រហូតដល់ 50000ដុល្លារ។

ចំពោះខេត្ត កំពង់ស្ពឺ ដែលជាមណ្ឌលថ្មីនេះមាន 35ក្រុមចូលរួមក្នុងការប្រកួតជម្រុះនា ថ្ងៃទី28 ខែមករានេះដើម្បីចូលរួមចំណែកក្នុងការលើកកម្ពស់សកម្មភាពកីឡាក៏ដូចជាវេទិកាមួយសម្រាប់កីឡាករបាល់ទាត់ និងអ្នកស្នេហាវិស័យបាល់ទាត់ដើម្បីបង្ហាញទេពកោសល្យ ផ្លាស់ប្តូរបទពិសោធន៍ និងរៀនពីទម្រង់ថ្មីៗនៃការលេង។

បើតាមអ្នកស្រី ថោង បវរលក្ខិណា ដែលជានាយកម៉ាកផលិតផលស្រាបៀរថៃហ្គ័រ បានលើកឡើងក្នុងពិធីសន្និសីទសារព័ត៌មានកាលពីរសៀលថ្ងៃទី27 ខែមករា នេះថា ព្រឹត្តិការណ៍ប្រកួតបាល់ទាត់ Tiger Street Football Festival ប្រចាំឆ្នាំ 2018 រដូវកាលទី6 បានត្រឡប់មកវិញទៀតហើយ និងកាន់តែជាព្រឹត្តិការណ៍ដ៏ធំអស្ចារ្យ ក្រុមចូលរួមប្រកួតកាន់តែច្រើន និងមានរង្វាន់សរុបរហូតដល់ 50000ដុល្លារ។ Tiger Street Football Festival ឆ្នាំ2018 នេះ មណ្ឌលប្រកួតកើនឡើងរហូតដល់ប្រាំបីខេត្តក្រុងទូទាំងប្រទេស រួមមាន ខេត្តព្រះសីហនុ ខេត្តកំពង់ស្ពឺ ខេត្តបាត់ដំបង ខេត្តសៀមរាប ក្រុងប៉ោយប៉ែត ខេត្តកំពង់ចាម ក្រុងតាខ្មៅខេត្តកណ្តាល និងរាជធានីភ្នំពេញ។ ក្រុមជាង 500 ក្រុមត្រូវបានរំពឹងថា នឹងចូលរួមការប្រកួតដណ្ដើមតំណែងជើងឯក Tiger Street Football Festival ឆ្នាំ2018 នេះ ។ និងមានឱកាសជួបផ្ទាល់ជាមួយកំពូលតារាបាល់ទាត់អន្តរជាតិ Ryan Giggs នៅថ្ងៃប្រកួតផ្តាច់ព្រ័ត្រនៅរាជធានីភ្នំពេញ ថ្ងៃទី10 និងទី11 មីនា 2018 ខាងមុខនេះ។

បន្ថែមពីលើនេះលោក ប៉ិច នី នាយកគ្រប់គ្រងសម្មភាពពាណិជ្ជកម្ម ថាព្រឹត្តិការណ៍ប្រកួតបាល់ទាត់ Tiger Street Football Festival រួមមានសកម្មភាពសប្បាយរីករាយជាច្រើនទាំងការប្រកួតបាល់ទាត់ ស្តង់លេងហ្គេមកម្សាន្ត ស្តង់សម្រាប់អ្នកគាំទ្រមានជាបដាសម្រាប់សរសេរគាំទ្រក្រុមរបស់ខ្លួន និងមានការគូរមុខគួរឲ្យទាក់ទាញ មានកន្លែងលក់វត្ថុអនុស្សាវរីយ៍ជាសម្ភារៈកីឡា កន្លែងថតរូបអនុស្សាវរីយ៍ និងកម្មវិធីប្រូម៉ូសិនពិសេសសម្រាប់ការជាវស្រាបៀរថៃហ្គ័រមកពិសាបន្ទាប់ពីការប្រកួតបាល់ទាត់។

នាយកគ្រប់គ្រងសម្មភាពពាណិជ្ជកម្ម បញ្ជាក់ថា អ្វីដែលកាន់តែអស្ចារ្យនោះគឺ កម្មវិធីប្រគំតន្ត្រីកាន់តែធំជាងមុន ឆាកតន្ត្រីកាន់តែទំនើប ភ្លើងពណ៌ចម្រុះ នឹងមានការអញ្ជើញចូលរួមសម្តែងពីសំណាក់តារាល្បីប្រចាំព្រះរាជាណាចក្រកម្ពុជា កាន់តែរំភើប កាន់តែអស្ចារ្យ ដែលញ៉ាំងឲ្យព្រឹត្តិការណ៍នេះកាន់តែជក់ចិត្ត និងដក់ជាប់អារម្មណ៍ដល់អ្នកទស្សនា។

សូមបញ្ជាក់ថា នេះជាលើកដំបូងសម្រាប់ក្រុមប្រចាំមណ្ឌលកំពង់ស្ពឺ ក្នុងការបង្ហាញសមត្ថភាពប្រកួតប្រជែង ដណ្តើមពានរង្វាន់បាល់ទាត់នៃក្របខ័ណ្ឌ Tiger Street Football Festival 2018 ដែលនឹងបើកការប្រកួតជាផ្លូវការនាព្រឹកថ្ងៃទី 28 ខែមករា ឆ្នាំ2018នេះ ដោយមាន 38ក្រុមចូលរួម៕

ព័ត៌មានលម្អិតបន្ថែមអំពី Tiger Street Football Festival 2018 សូមចូលទៅកាន់ទំព័រហ្វេសប៊ុកផ្លូវការរបស់ស្រាបៀរថៃហ្គ័រ៖ www.facebook.com/TigerBeerKH
#TSFF2018

សូមពិសាដោយការទទួលខុសត្រូវ

January 29, 2018

ថ្ងៃបុណ្យជាតិរបស់អូស្ត្រាលី រំឭកមនុស្សទូទៅឱ្យចេះការពារស្បែកបញ្ចៀសជំងឺមហារីក

ជារៀងរាល់ឆ្នាំ នៅថ្ងៃទី 26 ខែ មករា ជនជាតិអូស្ត្រាលីទាំងអស់ក្នុងពិភពលោក តែងតែប្រារព្ធពិធីបុណ្យជាតិរបស់ខ្លួន ដែលហៅថា Australia Day ដោយក្នុងនោះ ក្រុមហ៊ុនសាន់ស្តុប ប្រចាំនៅកម្ពុជា (Sunstop Cambodia) ដែលជាក្រុមហ៊ុនរបស់ប្រទេសអូស្ត្រាលី ក៏ចូលរួមអបអរសារទថ្ងៃបុណ្យជាតិ ប្រទេសអូស្ត្រាលីដែរ។

នៅលើពិភពលោក ប្រទេសដែលទទួលរងគ្រោះដោយជំងឺមហារីកស្បែកខ្ពស់ជាងគេ គឺប្រទេសអូស្ត្រាលី ដោយសារតែឥទ្ធិពលនៃ ពន្លឺព្រះអាទិត្យ និងកាំរស្មីយូវី ដូច្នេះហើយក្រុមហ៊ុន សាន់ស្តុប នៅឯប្រទេសអូស្ត្រាលី បានផលិតនូវឡេការពារកំដៅថ្ងៃ សាន់ស្តុប (Sunstop) ដែលមានគុណភាពខ្ពស់ ដើម្បីបំពេញតម្រូវការដល់ប្រជាជនអូស្ត្រាលី ដែលចង់ការពារស្បែកពីកាំរស្មីយូវី ដែលអាចបណ្តាលឱ្យមានជំងឺមហារីកស្បែក។ ក្រុមហ៊ុនសាន់ស្តុប មិនត្រឹមតែផលិត ឡេការពារកំដៅថ្ងៃ សម្រាប់តែប្រទេសអូស្ត្រាលីប៉ុណ្ណោះទេ ប៉ុន្តែ Sunstop ក៏ត្រូវបាននាំចូល មកកាន់ទីផ្សាប្រទេសកម្ពុជាផងដែរ ដើម្បីបំពេញតម្រូវការប្រជាជនកម្ពុជា ដែលចង់ការពារស្បែកពីកាំរស្មីយូវី ក៏ដូចជា ការពារស្បែកពីជំងឺមហារីក ជាមួយនឹងផលិតផលដែលមានគុណភាពខ្ពស់ និងត្រូវបានណែនាំដោយវេជ្ជបណ្ឌិតផ្នែកសើស្បែក។

គួរបញ្ចាក់ផងដែរថា ឡេការពារកំដៅថ្ងៃ Sunstop បានបំពេញតម្រូវការរបស់ប្រជាជនអូស្ត្រាលី ក៏ដូចជាប្រជាជនទូទាំងពិភពលោក អស់រយៈពេលប្រហែលជា 3 ទសវត្សរ៍មកហើយ ដោយសាន់ស្តុប មានលក់នៅក្នុងប្រទេសចំនួន 25 ទូទាំងពិភពលោក ហើយសាន់ស្តុប ត្រូវបានចុះក្នុងបញ្ជីនៃស្ថាប័ន TGA តាំងពីឆ្នាំ 1985 មកម្ល៉េះ (ដែលស្ថាប័ន TGA គឺជាផ្នែកមួយនៃនាយកដ្នានសុខាភិបាលនៃប្រទេសអូស្ត្រាលី)។ ចំណែកឯប្រទេសកម្ពុជាវិញ សាន់ស្តុប មានវត្តមានជាង 2 ទសវត្សរ៍មកហើយដែរ ដោយទទួលបានការគាំទ្រខ្លាំងពីសំណាក់ប្រជាជនខ្មែរគ្រប់វ័យ ព្រោះថា សាន់ស្តុប គឺជាផលិតផលដែលមានគុណភាពខ្ពស់ មានសារធាតុផ្សំភាគច្រើនគឺជាសារធាតុថ្នាំពេទ្យ ដូច្នេះវាការពារកំដៅថ្ងៃបានល្អ ។

ផលិតផលឡេការពារកំដៅថ្ងៃ សាន់ស្តុប ចែកចេញជា2ប្រភេទ គឺ ប្រភេទ SPF 30+ និង SPF 50+។ សម្រាប់ឡេការពារកំដៅថ្ងៃ សាន់ស្តុប SPF 30+ គឺជាឡេការពារកំដៅថ្ងៃសម្រាប់មនុស្សទូទៅ ដែលចង់ការពារស្បែកពីកំដៅថ្ងៃជារៀងរាល់ថ្ងៃ។ ដោយឡែកចំពោះប្រភេទ SPF 50+ វិញ គឺសម្រាប់អ្នកដែលចង់ទទួលបានការការពារខ្លាំង ជាពិសេសសម្រាប់អ្នកដែលធ្វើការក្រោមពន្លឺថ្ងៃយូរលើសពី 4 ម៉ោង ឬ អ្នកដែលមានស្បែកស ហើយងាយនឹងប្រតិកម្មនៅពេលត្រូវពន្លឺថ្ងៃ។ ម្យ៉ាងទៀតអ្វីដែលល្អសម្រាប់ឡេការពារកំដៅថ្ងៃទាំង2នេះគឺ អាចប្រើបានទាំងដងខ្លួន និងផ្ទៃមុខ ហើយកូនក្មេងក៏អាចប្រើបានដែរ។ ឡេការពារកំដៅថ្ងៃ សាន់ស្តុប ក៏អាចប្រើជំនួសម្សៅទ្រនាប់ មុនពេលតុបតែងមុខក៏បាន។ ឡេលាបការពារកំដៅថ្ងៃ Sunstop SPF 30+ មាន2ចំណុះ – ដបតូច ចំណុះ 45ml (រាងតូចល្មម ងាយស្រួលយកទុកដាក់តាមខ្លួន) ។ ដបធំ ចំណុះ 120ml (ដបធំប្រើបានយូរ)។

ឡេលាបការពារកំដៅថ្ងៃ Sunstop SPF 50+ មានតែមួយចំណុះប៉ុណ្ណោះគឺ ចំណុះ 50ml។

សាន់ស្តុប គឺជាជម្រើសដ៏ល្អបំផុតសម្រាប់ប្រជាជនកម្ពុជា ដែលចង់ការពារស្បែកពីកាំរស្មី យូវី ក៏ដូចជាជំងឺមហារីកស្បែក សូម្បីតែកញ្ញា ពេជ្រ សោភា ដែលជាតារាចំរៀងដ៏ល្បី ក៏ប្រើប្រាស់ ឡេការពារកំដៅថ្ងៃ Sunstop ជារៀងរាល់ថ្ងៃដែរ។ សាន់ស្តុប មានលក់នៅគ្រប់ ឱសថស្ថានតូចធំនានាទូទាំងប្រទេសកម្ពុជា។ ប្រសិនបើអ្នករស់នៅទីក្រុងភ្នំពេញ អ្នកអាចរកជាវនៅតាមបណ្តាលផ្សារទំនើប តូចធំ ឱសថស្ថានម្តុំផ្សាអូឡាំពិក ឬ ឱសថស្ថានម្តុំផ្សាតាប៉ាង ចំណែកឯអ្នករស់នៅបណ្តាលខេត្តផ្សេងៗ លោកអាចរកជាវបាននៅតាមបណ្តាល ផ្សារម៉ាត ឬ ឱសថស្ថាននៅក្នុងតំនប់ដែលអ្នករស់នៅ។ សំរាប់ពត៌មានបន្ថែម សូមទំនាក់ទំនងតាមរយៈបណ្តាញសង្គមហ្វេសបុកផ្ទាល់ www.facebook.com/SunstopCambodia ។

សាន់ស្តុប គឺជាផលិតផលពិតរបស់ប្រទេសអូស្ត្រាលី!

January 26, 2018

ជ្រលងកោងរបស់ LG OLED បានបង្ហាញនូវភាពភ្ញាក់ផ្អើលក្នុងព្រឹត្តិការណ៍តាំងពិព័រណ៍គ្រឿងអេឡិចត្រូនិក CES 2018

បច្ចេកវិទ្យាអេក្រង់ LG OLED បានធ្វើអោយអថិតិជន និងអ្នកទស្សនានៅក្នុងព្រឹត្តិការណ៍ CES ភ្លឺភ្នែក នៅឯរដ្ឋឡាវេហ្ហ្រាស (Las Vegas) សហរដ្ឋអាមេរិច។ ឧត្តមភាពបច្ចេកវិទ្យារបស់ LG ត្រូវបាលេចរូបរាងឡើងនៅក្នុងអេក្រង់រាងកោង និងប៉ោងរបស់ទូរទស្សន៍ OLED។

បច្ចេកវិទ្យាអេក្រង់ LG OLED អាចបង្កើតភិចសែល (Pixels) ដោយខ្លួនឯងសម្រាប់ត្រួតពិនិត្យភាពភ្លឺច្បាស់នៃរូបភាព និងកម្រិតគុណភាពរូបភាព ដោយគ្មានបែងចែកនូវប្រភពពន្លឺ ដែលធ្វើឱ្យការបង្ហាញមានលក្ខណៈច្បាស់ ស្រាល ស្តើង និងផ្លាស់ប្តួរបានយ៉ាងល្អ។ ជាមួយនិងបច្ចេកវិទ្យាដ៏អស្ចារ្យមួយនេះ LG អាចផ្តល់ជូននូវ Frame OLED ដែលអាចបត់បែនគ្រប់រូបភាពទៅលើការងារអាជីវកម្ម B2B និងអាចផ្លាស់ប្តូរតាមការចង់បានសម្រាប់ការងារដូចជា៖ ការងារសិល្បៈ និងមុខងារឌីជីថលផងដែរ។

នៅក្នុងព្រឹត្តិការណ៍តាំងពិពរណ៍កគ្រឿងអេឡិចត្រូនិក CES 2018, អតិថិជនអាចទទួលបានបទពិសោធន៍ក្នុងការដើរទស្សនាក្នុងជ្រលងដែលមានប្រវែង 28 មែត្រ ជាមួយផ្ទាំង LG OLED ដែលមានរូបរាងច្រើនជាង 90 ខោងផត និងមាន Frame អេក្រង់ប៉ោងរហូតដល់ទៅ 156។

បច្ចេកវិទ្យា LG OLED បានបង្កើតអេក្រង់របស់ទួរទស្សន៍ប្រភេទថ្មី និងចុងក្រោយដ៏មហិមាដែលអាចផ្តល់ជូននូវរូបភាពយ៉ាងត្រចេះត្រចង់ ជាមួយនិងពណ៌រូបភាពខ្មៅដិតច្បាស់ ដែលមើលទៅហាក់បីដូចជាការទស្សនាខាងក្រៅផ្ទាល់ សូម្បីតែមើលពីចំហៀងក៏ដោយ។ នេះជាមោទនភាពរបស់ LG ដែលបច្ចេកវិទ្យា OLED របស់ខ្លួនមានសមត្ថភាពក្នុងការបើក ឬបិទភិចសែលដោយខ្លួនឯង ផ្តល់ជូននូវការទស្សនារូបភាពពិតៗ ដែលពុំធ្លាប់មានពីមុនមក៕

https://youtu.be/vUUgGhtpR1o

January 26, 2018

ចង់បានការងារល្អ ប្រាក់បៀវត្សរ៍ខ្ពស់ សូមទៅសិក្សានៅសាលាអន្ដរជាតិ ប៊ីមៀ ( IBMEA )

នៅព្រឹកថ្ងៃទី 25 ខែតុលា ឆ្នាំ 2018 កន្លងទៅនេះ សាលាអន្ដរជាតិ ប៊ីមៀ ( IBMEA ) បានរៀបចំសិក្ខាសាលាបើកបង្ហាញកម្មវិធីពិព័រណ៍សិក្សា និងជំនួបអាណាព្យាបាលសិស្ស នៅក្នុងបរិវេណសាលប្រជុំមជ្ឈមណ្ឌលសហប្រតិបត្តិការកម្ពុជា-កូរ៉េ CKCC នៃសាកលវិទ្យាល័យភូមិន្ទភ្នំពេញ ក្រោមការធ្វើបទបង្ហាញពីសំណាក់លោក ហ្សា ទីនី ជាប្រធានតំបន់អាស៊ីផ្នែកគុណភាពកម្មវិធីសិក្សា លោក ប៉ុល គិរីសម្បត្តិ ជាសហស្ថាបនិក និងជានាយកសាលាអន្ដរជាតិ ប៊ីមៀ ( IBMEA ) រួមជាមួយ អ្នកជំនាញមួយចំនួនទៀត។

លោក ប៉ុល គិរីសម្បត្តិ ជាសហស្ថាបនិក និងជានាយកសាលាអន្ដរជាតិ ប៊ីមៀ ( IBMEA ) បានឲ្យដឹងថា កម្មវិធីនេះធ្វើឡើងក្នុងគោលបំណងឲ្យអាណាព្យាបាលទាំងអស់ ស្វែងយល់កាន់តែច្បាស់ពីកម្មវិធីសិក្សា និងការអភិវឌ្ឍ ព្រមទាំងគម្រោងនាថ្ងៃអនាគត ទៅលើការពង្រឹង និងការបញ្ចេញសមត្ថភាពកូនៗរបស់ពួកគាត់ ដែលបានសិក្សានៅសាលាអន្ដរជាតិ ប៊ីមៀ ( IBMEA ) កន្លងមក។ ដោយសម្លឹងឃើញពីតម្រូវការនៃទីផ្សារការងារនាពេលបច្ចុប្បន្ន ក៏ដូចទៅថ្ងៃអនាគត ដែលទាមទារឱ្យមានគុណភាពនៃធនធានមនុស្ស ដើម្បីអាចទទួលបានគុណប្រយោជន៍នៃការងារ និងប្រាក់បៀវត្សរ៍ខ្ពស់ សាលាអន្ដរជាតិ ប៊ីមៀ ( IBMEA ) បានរៀបចំគម្រោង និងកម្មវិធីសិក្សាជាពិសេស ស្របតាមស្ដងដារអន្តរជាតិជាសាកល ដោយរួមមានការប្រលងយកសញ្ញាបត្រ PearSon ក្នុងការស្វែងរកការងារធ្វើនៅក្រៅប្រទេស ដែលអាចប្រើប្រាស់បាននៅទូទាំងពិភពលោក ជាអាទិ៍នៅក្នុងតំបន់ប្រទេស ACE រួមមាន ប្រទេស សិង្ហបុរី ម៉ាឡេស៊ី ឥណ្ឌូណេស៊ី ថៃ និងវៀតណាមជាដើម។

សាលាអន្ដរជាតិមួយនេះ បានអញ្ចើញគ្រូបរទេស ដែលមានបទពិសោធន៍ និងវិជ្ជាជីវៈខ្ពស់មកបង្រៀនដល់សិស្សានុសិស្សនៅក្នុងប្រទេសកម្ពុជាដោយផ្ទាល់ ដោយមិនចាំបាច់ចំណាយពេល និងថវិកាទៅសិក្សានៅបរទេសទៀតឡើយ ពោលគឺ សិក្សានៅទីនេះហើយ ក៏មានឱកាសទៅធ្វើការងារនៅក្រៅប្រទេស ដែលទទួលបានប្រាក់បៀវត្សរ៍ មិនតិចជាង 2000 ដុល្លារនៅក្នុងមួយខែ។ ស្របជាមួយកម្មវិធីសិក្សាល្អហើយនោះ សាលាអន្ដរជាតិ ប៊ីមៀ ( IBMEA ) ក៏បានផ្ដល់ជូនសិស្សានុសិស្សទាំងអស់ នូវសេវាធានារ៉ាប់រងគ្រោះថ្នាក់ថែមទៀតផងដែរ។

គួរបញ្ជាក់ផងដែរថា សាលាអន្ដរជាតិ ប៊ីមៀ ( IBMEA ) មានរៀបចំកម្មវិធីសិក្សាដូចជា ថ្នាក់ចំណេះទូទៅ អង់គ្លេស ខ្មែរ ចិន ថ្នាក់ភាសាអង់គ្លេសទូទៅ និងថ្នាក់ភាសាអង់គ្លេសជាន់ខ្ពស់។ កាន់តែពិសេស សាលាអន្ដរជាតិកម្រិតស្ដង់ដាមួយនេះ ក៏ផ្ដោតសំខាន់ទៅលើមុខវិជ្ជាសិក្សាទទួលបានសញ្ញាប័ត្រ Pearson-LCCI ភាសាអង់គ្លេសសម្រាប់ឯកទេសពាណិជ្ជកម្ម ដែលទទួលស្គាល់ដោយបណ្ដាស្ថានប័ន និងក្រុមហ៊ុនធំៗនានានៅលើពិភពលោក។ សូមអញ្ជើញសិស្សានុសិស្សមកធ្វើតេស្ដ និងចុះឈ្មោះចូលរៀនចាប់ពីថ្ងៃនេះតទៅ និងទទួលបាននូវការបញ្ជុះតម្លៃជាពិសេស ធានារ៉ាប់រងសុខភាព និងសម្ភារៈសិក្សា ចំពោះសិស្សចំនួន 200 នាក់ដំបូង ដែលចាប់ទទួលសិស្សពីអាយុ 4 ឆ្នាំឡើងទៅ។

លោកអ្នកអាចទំនាក់ទំនងដោយផ្ទាល់ជាមួយសាលាអន្ដរជាតិ IBMEA ដែលមានទីតាំងនៅផ្ទះលេខ #13Eo បុរីប៉េងហួត សង្កាត់ច្រាំងចំរេះទី 1 ខណ្ឌ ឫស្សីកែវ រាជធានីភ្នំពេញ ឬតាមរយៈទូរស័ព្ទលេខ ៖ 012 299 844 / 016 333 954៕

January 26, 2018

ក្រុមហ៊ុន Havas Riverorchid Cambodia បាននាំបុគ្គលិកធ្វើដំណើរកម្សាន្តទៅកាន់ ខេត្តកោះកុង ព្រមជាមួយការបរិច្ចាគជាសម្ភារៈសិក្សាដល់សាលាបឋមសិក្សាតាតៃ

ក្រុមហ៊ុន Havas Riverorchid Cambodia ដែលជាក្រុមហ៊ុនផ្សព្វផ្សាយពាណិជ្ជកម្មឈានមុខគេនៅកម្ពុជា បានចាប់ផ្តើមឆ្នាំថ្មី ឆ្នាំ2018 ដោយការរៀបចំដំណើរកម្សាន្តប្រចាំឆ្នាំទៅកាន់ខេត្តកោះកុង។

ខេត្តកោះកុងត្រូវបានជ្រើសរើសជាទិសដៅដំណើរកម្សាន្ត ក្នុងន័យប្តេជ្ញាចិត្ត របស់ក្រុមហ៊ុន Havas Riverorchid ក្នុងការភ្ជាប់ទំនាក់ទំនង និងពង្រីកការយល់ដឹងបន្ថែមពីកម្ពុជាទាំងមូល រួមទាំងតំបន់ដាច់ស្រយាល។

Havas Riverorchid Cambodia បានប្តេជ្ញាចិត្តចូលរួមក្នុងសកម្មភាពមនុស្សធម៌ ក្នុងន័យផ្តល់នូវការឧបត្ថម្ភគាំទ្រដល់ប្រជាជនជួបការលំបាកក្នុងប្រទេសកម្ពុជា។

ក្នុងការចូលរួមចំណែកនៃសកម្មភាពនេះ ក្រុមហ៊ុន Havas Riverorchid Cambodia បាន បរិច្ចាគសម្ភារៈសិក្សា និងថវិការមួយចំនួនដល់សិស្សានុសិស្សចំនួន 188នាក់ នៅបឋមសិក្សាតាតៃ។ ក្នុងនោះក្រុមហ៊ុន Unilever Cambodia ដែលជាអតិថិជនរបស់ Havas Riverorchid Cambodia ក៏រីករាយចូលរួមបរិច្ចាគផលិតផលមួយចំនួនដូចជាថ្នាំដុសធ្មេញស៊ីកណល អំបិល ម្លួរ និងសាប៊ូដុសខ្លួនកម្ចាត់មេរោគឡៃប៊យ ដល់សិស្សានុ សិស្ស និងគ្រូបង្រៀននៅទីនោះផងដែរ។

លោក Anthony Keck អគ្គនាយកក្រុមហ៊ុន Havas Riverorchid ប្រចាំកម្ពុជាបានមាន ប្រសាសន៍ថា “យើងទទួលបានសមិទ្ធផលជាច្រើនពីការងារនៅកម្ពុជា។ ការអភិវឌ្ឍន៍ និង ភាពរស់រវើកនៃប្រទេសបានធ្វើឱ្យការងាររបស់យើងកាន់តែមានភាព ភ្ញាក់ផ្អើល ហើយវាពិតជាមានតម្លៃណាស់ ក្នុងបង្ហាញដល់អតិថិជនរបស់យើង និងយុទ្ធនាការនានារបស់ពួកគេ។ លោក Anthony Keck បានបន្ថែមថា “វាពិតជាត្រឹមត្រូវណាស់ដែលយើងអាចបរិច្ចាកបន្តិចបន្តួចពេលយើងមានឱកាស ហើយយើងពិតជារីករាយណាស់ដែលពេលនេះយើងមានឱកាសឧបត្ថម្ភដល់កុមារដែលត្រូវការជំនួយពីយើង។

យើងមានបុគ្គលិកខ្មែរ ឆ្នើមជាច្រើននាក់ ដែលកំពុងបម្រើការងារនៅគ្រប់ផ្នែក និងគ្រប់កម្រិត នៅក្នុងក្រុមហ៊ុនរបស់យើង ហើយប្រហែលជាកុមារ ទាំងនេះ អាចនឹងមកបន្តដំណែងពួកគេនៅថ្ងៃអនាគត។

ក្នុងកម្មវិធីដំណើរកម្សាន្តនេះ បុគ្គលិកសរុប 115 នាក់ បានចូលរួមលែងល្បែងកម្សាន្តនានាដើម្បីពង្រឹងសាមគ្គីភាព និងរីករាយជាមួយការកម្សាន្តនៅតំបន់ទេសចរពិសេសរយៈពេល 3ថ្ងៃ នៅខេត្តកោះកុង៕

January 26, 2018

ថី្ម! ម៉ាស៊ីនម៉ាស៊ូតគូបូតា ZT ខ្លាំងពេញកម្លាំងសម្រាប់ការងារជាអតិបរិមា

ស្យាមគូបូតា ខបភឺរ៉េសិន ដែលជាអ្នកនាំមុខគេខាងផ្នែកគ្រឿងយន្តកសិកម្ម មានមោទនភាពបង្ហាញជូនម៉ាស៊ីនម៉ាស៊ូតគូបូតាថ្មី ZT Series ដែលមានទិន្នផលកម្លាំង 10-15.5កម្លាំងសេះ រចនារូបរាងថី្ម មានផាសុខភាព និងសុវត្ថិភាពយ៉ាងពេញលេញ។ ជាមួយនឹងបចេ្ចកវិទ្យាផ្តាច់មុខ “K-Tech” ម៉ាស៊ីនម៉ាស៊ូតថ្មីនេះមានកម្លាំងកាន់តែខ្លាំង កាន់តែធន់ និងកាន់តែសន្សំសំចៃប្រេង មានសមត្ថភាពលើការងារធ្ងន់ៗ អាចធ្វើដំណើរលើចម្ងាយផ្លូវឆ្ងាយ និង បូមទឹកបានយ៉ាងពេញកម្លាំង។

លោក សំសាក ម៉ូថន អនុប្រធានប្រតិបត្តិជាន់ខ្ពស់ ស្យាមគូបូតា ខបភឺរ៉េសិន បានថ្លែងថា ការវិវត្តន៏ និង បច្ចេកវិទ្យាថ្មីនៃគ្រឿងយន្តកសិកម្ម បានក្លាយជាកត្តាដ៏សំខាន់ដែលនិងជួយប្រជាកសិករទទួលបានប្រសិទ្ធិភាព និងភាពងាយស្រួលក្នុងការធ្វើការងារជាអតិបរមា។ ថ្មីៗនេះក្រុមហ៊ុនបានសម្ពោធម៉ាស៊ីនម៉ាស៊ូតគូបូតា ZT Series ជាម៉ូដែលថ្មីដែលមានកម្លាំងកាន់តែខ្លាំង កាន់តែធន់ និងកាន់តែសន្សំសំចៃប្រេង ស្របតាមស្តង់ដារគូបូតាសម្រាប់ធ្វើការងារធ្ងន់ៗ ជាមួយនឹងភាពរលើបរលោង និង មានរចនារូបរាងកាន់តែល្អប្រសើរក្នុងការធ្វើការងារ។

លោក សំសាក បានបនែ្ថមទៀតថា “សព្វថ្ងៃនេះ ម៉ាស៊ីនម៉ាស៊ូតគូបូតាជាម៉ាកសញ្ញានាំមុខគេនៅទីផ្សារកម្ពុជា។ រូបរាងថី្មទាំងស្រុង ត្រូវបានអភិវឌ្ឍន៏ដើម្បីបម្រើតម្រូវការអតិថិជនក្នុងនាមជាអ្នកនាំមុខគេយ៉ាងពិតប្រាកដ។ យើងបានធ្វើឱ្យប្រសើរនូវរចនារូបរាង ដែលកាន់តែរលើបរលោង និងកាន់តែទំនើបជាមួយនិងកំរបកោង។ យើងក៏បានដំឡើងអំពូលភ្លើងមុខ និង អំពូលភ្លើងពិល LED ដែលធ្វើអោយកាន់តែមានសុវត្ថិភាពសម្រាប់ការងារពេលយប់។ ជាងនេះទៅទៀត ដើម្បីផ្តល់នូវរចនាបថជីវិតទំនើប និងពង្រឹងភាពងាយស្រួល យើងបានដំឡើងរន្ធ USB សម្រាប់ប្រើប្រាស់ឧបក្ករណ៏អេឡិចត្រូនិច និង ឧបក្ករណ៏វាស់ស្ទង់កំរិតប្រេងដែលអាចអោយអ្នកប្រើប្រាស់ពិនិត្យមើលកំរិតប្រេងដោយមិនចាំបាច់បើកកំរបប្រេងមើល។ ចំពោះការបំពេញការងារ ការយកចិត្តទុកដាក់ជាចំបងរបស់យើងគឺការទទួលបានប្រសិទ្ធិភាពការងារជាអតិបរមា និង មានភាពធន់សម្រាប់ការងារធ្ងន់ៗ ដោយបានដោះស្រាយបញ្ហាឡើងកំដៅខ្លាំង និងម៉ាស៊ីនដែលភ្ជាប់រន្ធទុយោច្រើន ដែលធ្វើអោយប្រដាប់បាញ់ទឹកនៅក្នុងកន្លែងចំហេះ កាន់តែប្រសើរ និងបាញ់ទឹកកាន់តែលឿន ដោយបង្កើនប្រសិទ្ធិភាពចំហេះនិងកាត់បន្ថយការប្រើប្រាស់ប្រេង។ នេះនិងផ្តល់បទពិសោធន៏អោយអ្នកប្រើប្រាស់មួយកំរិតថែមទៀត។ សូមទទួលយកបទពិសោធន៏ថ្មីនេះសម្រាប់ការងារកសិកម្ម សម្រាប់ការធ្វើដំណើរ ឫ សម្រាប់ការងារបាញ់ទឹក។ ម៉ាស៊ីនម៉ាស៊ូតគូបូតាថ្មីនេះមិនត្រឹមតែរលើបរលោង កម្លាំងកាន់តែខ្លាំង និង កាន់តែធន់នោះទេ តែក៏អាចផ្តល់ទិន្នផលកាន់តែច្រើនថែមទៀតផង។ ជាពិសេសជាងនេះទៅទៀត មានការធានារយះពេល៣ឆ្នាំសម្រាប់សេវាកម្មក្រោយការលក់។

ម៉ាស៊ីនម៉ាស៊ូតគូបូតាថ្មីនេះមានលក់នៅលើទីផ្សារហើយ។ សម្រាប់ព័ត៍មានបនែ្ថមពីម៉ាស៊ីនម៉ាស៊ូតគូបូតា ZT នេះ សូមទាក់ទងភ្នាក់ងារចែកចាយម៉ាស៊ីនម៉ាស៊ូត និងគោយន្តដើរតាម ត្រាឆាង ដែលនៅជិតលោកអ្នក ឫ ទូរស័ព្ទទៅកាន់ផែ្នកសេវាកម្មបន្ទាន់គូបូតាលេខ 1800-20-1747 (ឥតគិតថ្លៃ)៕

January 25, 2018

ក្រុម Hurricane A លើកពាន Tiger street Football Festival 2018 ប្រចាំមណ្ឌលព្រះសីហនុ

ព្រះសីហនុ៖ ការប្រកួតបាល់ទាត់ហ្វូតសាលនៃក្របខ័ណ្ឌពានរង្វាន់ Tiger Street Football Festival 2018 ប្រចាំមណ្ឌលព្រះសីហនុ បានរកឃើញម្ចាស់ជើងឯកឆ្នាំនេះហើយ ដោយបានទៅលើក្រុម Hurricane A ក្រោយពីយកឈ្នះលើក្រុម ស្នងការដ្ឋាននគរបាលខេត្តព្រះសីហនុ A ក្នុងលទ្ធផល ១-0។

ការប្រកួតយ៉ាងស្វិតស្វាញរយៈពេល២ថ្ងៃពេញនៅមណ្ឌលព្រះសីហនុដោយមានក្រុមចូលរួមដល់ទៅ៥៤ក្រុម។ ដោយឡែកនៅវគ្គផ្ដាច់ព្រ័ត្រកាន់តែស្វិតស្វាញថែមទៀត ដោយក្រុមខ្លាំង ស្នងការដ្ឋាននគរបាលខេត្តព្រះសីហនុ A ត្រូវការពារតំណែងជើងឯករបស់ខ្លួន តតាំងជាមួយក្រុម Hurricane A ។

មុនឈានមកដល់វគ្គផ្ដាច់ព្រ័ត្រនេះ ក្រុម Hurricane A បានយកឈ្នះលើក្រុមស្នងការដ្ឋាននគរបាលខេត្តព្រះសីហនុ B ក្នុងលទ្ធផល ៧-។ ចំណែកឯក្រុមស្នងការដ្ឋាននគរបាលខេត្តព្រះសីហនុ A បានយកឈ្នះលើក្រុម sihanoukville ស្វិតស្វាញមែនទែន ដោយត្រូវដកគ្នាដល់ទៅ២នាក់ ទើបអាចយកឈ្នះបាន។ ខណៈដែលក្រុម Nazaro Sport Club ក៏បានយកឈ្នះលើក្រុម ស្នងការដ្ឋានខេត្តកំពតA ក្នុងលទ្ធផល ៣ – ១ វគ្គពាក់កណ្ដាលផ្ដាច់ព្រ័ត្រ។ ហើយក្រុម Nazaro Sport Club បន្តយកឈ្នះក្រុម យុវជនកំពង់ផែ A ទើបអាចទទួលបានចំណាត់ថ្នាក់លេខ3។

សម្រាប់រង្វាន់ក្រុមជើងឯកនៅមណ្ឌលខេត្តព្រះសីហនុគឺ Hurricane A ទទួលបានប្រាក់រង្វាន់១ ៥០០ដុល្លារ

ក្រុមជើងឯករងបានទៅលើក្រុម ស្នងការដ្ឋាននគរបាលខេត្តព្រះសីហនុ A ប្រាក់រង្វាន់១ ០០០ដុល្លារ ក្រុមចំណាត់ថ្នាក់លេខ៣ បានទៅលើក្រុម Nazora Sport Club ប្រាក់រង្វាន់៥០០ដុល្លារ ក្រុមចំណាត់ថ្នាក់លេខ៤បានទៅលើ យុវជនកំពង់ផែ A ប្រាក់រង្វាន់ ២០០ដុល្លារ។
ដោយឡែក ក្រុមចំណាត់ថ្នាក់លេខ៥ គឺក្រុម Sihanoukville និងក្រុមចំណាត់ថ្នាក់លេខ៦ គឺក្រុមយុវជនកំពង់ផែ B ក៏មានសិទ្ធិចូលប្រកួតថ្នាក់ជាតិនៅរាជធានីភ្នំពេញ ដូចក្រុមលេខ១ដល់លេខ៤ដែរ។

គួររម្លឹកថា Tiger Street Football Festival មិនដូចបាល់ទាត់ធម្មតា ហ្វូតសាល និងបាល់ទាត់ប្រភេទផ្សេងទៀតទេ គឺជាការប្រកួតបាល់ទាត់នៅលើទីលានរាងទ្រវែងទំហំ២៥មx១៤.៥មដែលជាកន្លែងប្រមូលផ្តុំសកម្មភាពប្រកួតឥតឈប់ឈរ។ ហើយជាការ ប្រកួតដែលមានកីឡាករមិនលើសពី៥នាក់នៅលើទីលាន មានសកម្មភាពប្រកួតយ៉ាងស្វិតស្វាញ ឥតឈប់ឈរនឹងធ្វើឲ្យទស្សនិកជនរំភើបរីករាយទស្សនាការប្រកួត។ ការប្រកួតមានរយៈពេលសរុប១២នាទី ដែលបែងចែកជាពីរវគ្គមានរយៈពេល៦នាទីពីរដង ហើយមានការសម្រាក២នាទីនៅចន្លោះវគ្គ(៦នាទី)ទាំងពីរ។សម្រាប់ការប្រកួតចាប់ពីវគ្គពាក់កណ្តាលផ្តាច់ព្រ័ត្រ (បួនក្រុមចុងក្រោយ) ការប្រកួតនីមួយៗមានរយៈពេល ១០នាទីពីរវគ្គ និងមានរយៈពេលសម្រាកចន្លោះវគ្គចំនួន ៤នាទី។

ការប្រកួតជម្រុះក្នុងកម្មវិធី Tiger street Football Festival 2018 នឹងធ្វើឡើងនៅមណ្ឌលបន្ទាប់គឺ៖ ខេត្តកំពង់ស្ពឺ នៅថ្ងៃទី ២៨ ខែមករា ឆ្នាំ ២០១៨ នៅដីឡូ ឧកញ៉ាឈួន គឹមសាន្តទីរួមខេត្តកំពង់ស្ពឺ។

ដូច្នេះសូមកុំភ្លេចចូលរួមទស្សនាការប្រកួតជម្រុះនៅខេត្តកំពង់ស្ពឺឲ្យបានច្រើនកុះករ។

ចំពោះសកម្មភាពផ្សេងៗនៃព្រឹត្តិការណ៍ Tiger street Football Festival 2018 នៅខេត្តព្រះសីហនុ សូមចូលទៅកាន់ទំព័រហ្វេសប៊ុកផ្លូវការរបស់ស្រាបៀរថៃហ្គ័រ៖ www.facebook.com/TigerBeerKH
#TSFF2018

សូមពិសាដោយការទទួលខុសត្រូវ

January 24, 2018

Category: PR