PR - La Reine Media

ពិព័រណ៍ស្ថាបត្យកម្មកម្ពុជា និងការតុបតែងផ្ទៃខាងក្នុង លើកទី3 ធ្វើឱ្យកម្ពុជាផ្លាស់ប្តូរមុខមាត់ថ្មី

ពិព័រណ៍ស្ថាបត្យកម្មកម្ពុជា និងការតុបតែងផ្ទៃខាងក្នុង លើកទី3 ដែលរៀបចំឡើងដោយក្រុមហ៊ុន ICVeX Co Ltd សហប្រតិបត្តិការជាមួយសមាគមស្ថាបត្យកម្មកម្ពុជារៀបចំរួមគ្នា គឺធ្វើឡើងកាលពីថ្ងៃទី24 ខែឧសភា ឆ្នាំ2018 នៅសាលពិព័រណ៍ និងសន្និបាតកោះពេជ្រ ក្រោមប្រធានបទ “ការរចនាសម្រាប់កន្លែងធ្វើការ និងការរស់នៅឱ្យកាន់តែមានភាពប្រសើរ” ដើម្បីឆ្លើយតបទៅនឹងការរីកចម្រើននៃវិស័យសំណង់នាពេលបច្ចុប្បន្ននៅក្នុងប្រទេសកម្ពុជា។

នៅក្នុងពិធីប្រកាសបើកពិធីតាំងពិព័រណ៍នេះ ក៏មានការចូលរួមជាកិត្តិយសពីសំណាក់ឯកឧត្តម ភឿង សុភ័ណ្ឌ រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាអគ្គលេខាធិការគណៈស្ថាបត្យករកម្ពុជា លោក Chinakit Viphavakit ប្រធានគ្រប់គ្រងទូទៅរបស់ក្រុមហ៊ុន ICVeX លោក ស៊ិន សុជាតិ ប្រធានសមាគមស្ថាបត្យករកម្ពុជា (CSA) ព្រមទាំងអ្នកតំណាង និងម្ចាស់ក្រុមហ៊ុនឧបត្ថម្ភកម្មនៅក្នុងកម្មវិធីតូចធំជាច្រើនរូបទៀត។

លោក Chinakit Viphavakit ប្រធានគ្រប់គ្រងទូទៅរបស់ក្រុមហ៊ុន ICVeX បានមានប្រសាសន៍ថា៖«ឆ្នាំនេះគឺជាការរៀបចំពិពរ័ណ៍ស្ថាបត្យកម្មកម្ពុជា និងការតុបតែងផ្ទៃក្នុងលើកទី៣ របស់យើងដែលនឹងផ្តល់ជូននូវឱកាសជាច្រើនសម្រាប់អ្នកចូលរួមក្នុងការរៀនសូត្រ។ យើងចង់ជំរុញប្រជាជនកម្ពុជា និងផ្តល់គំនិត និងចំណេះដឹងដល់ពួកគេក្នុងរបៀបរៀបចំលម្អនៅកន្លែងធ្វើការ និងការរស់នៅរបស់ពួកគេឱ្យកាន់តែមានភាពប្រសើរឡើង»។

ការតាំងពិព័រណ៍នេះមានរយៈពេល3ថ្ងៃ គឺពីថ្ងៃទី24 ដល់ថ្ងៃទី26 ខែឧសភា ដោយមានការចូលរួមពីក្រុមហ៊ុនជាង150ក្រុមហ៊ុន ដែលមកពីទូទាំងពិភពលោក និងមានទំហំទីតាំងពិព័រណ៍ជិត4,000 ម៉ែត្រការ៉េ ដាក់តាំងបង្ហាញនូវផលិតផលថ្មីៗ និងភាពច្នៃប្រឌិតថ្មីៗដល់អ្នកចូលរួមមកពីវិស័យស្ថាបត្យកម្មរចនាផ្ទៃខាងក្នុង អ្នកអភិវឌ្ឍអចលនទ្រព្យ និងសំណង់ ក៏ដូចជាតាំងបង្ហាញដល់បងប្អូនប្រជាពលរដ្ឋទូរទៅដែលជាម្ចាស់ផ្ទះ និងសាស្ត្រាចារ្យជំនាញក្នុងវិស័យនេះផងដែរ។

នៅក្នុងពិធីតាំងពិព័រណ៍នេះផងដែរ អ្នកចូលរួមនៅក្នុងកម្មវិធីតាំងពិព័រណ៍ក៏មានឱកាសក្នុងការទទួលបាននូវព័ត៌មាន និងចំណេះដឹងដោយផ្ទាល់ជាមួយនឹងវាគ្មិនល្បីៗ និងមានជំនាញផ្នែកស្ថាបត្យកម្ម និងការតុបតែងផ្ទៃខាងក្នុងផងដែរ៕

May 24, 2018

LG សម្ពោធសាខាថ្មី LG BRANDSHOP សាខាខេត្តសៀមរាប

ក្រុមហ៊ុន LG Electronics និង ក្រុមហ៊ុន G Gear បានប្រារព្ធនូវពិធីសម្ពោធសាខាថ្មីគឺ LG BRANDSHOP សាខាខេត្តសៀមរាប ដោយកម្មវិធីនេះបានធ្វើឡើងកាលពី ព្រឹកថ្ងៃទី 24 ខែ ឧសភា ឆ្នាំ 2018 នៅអគារលេខ 503 ផ្លូវស៊ីវត្ថា ភូមិតាភុល សង្កាត់ស្វាយដង្គំ ក្រុងសៀមរាប ខេត្តសៀមរាបក្រោមអធិបតិភាព ឯកឧត្តម ពិន ប្រាកដ អភិបាលរងនៃគណៈអភិបាលខេត្តសៀមរាប និង ភ្ញៀវកិត្តិយសជាច្រើនរូបទៀតប្រមាណជាង 200 នាក់ ។

ហាងទំនើប LG BRANDSHOP បានមានវត្តមាននៅក្នុងខេត្តសៀមរាបអស់រយៈពេលជាង 5 ឆ្នាំមកហើយតាំងពីឆ្នាំ 2013 មកម្ល៉េះ តែដោយសារការមើលឃើញពីភាពរីកចំរើននៅក្នុងតំបន់ ការមានតំរូវ ការកាន់តែច្រើនរបស់អតិថិជនទាំងអស់ ទើបក្រុមហ៊ុន LG និង ក្រុមហ៊ុន G Gear បានសំរេចចិត្តក្នុងការផ្លាស់ប្តូរទីតាំងថ្មី ដែលមានទីតាំងធំទូលាយជាងមុន ស្ថិតនៅតាមបណ្តោយផ្លូវស៊ីវត្ថា ដែលទីតាំងថ្មីនេះនិង បំរើសេវាកម្មជូនដល់អតិថិជនទាំងអស់អោយកាន់តែ មានភាពងាយស្រួល ផាសុខភាព និងជំរើសផលិតផលរឹតតែសំបូរបែបថែមទៀតផង៕

LG BRANDSHOP សាខាខេត្តសៀមរាបថ្មីនេះ គឺមានការដាក់តាំងបង្ហាញ និងលក់នូវរាល់ផលិតផលរបស់ LG ទាំងអស់ដែលមានដូចជា ទូរទស្សន៍ ម៉ាស៊ីនត្រជាក់ ទូរទឹកកក ម៉ាស៊ីនបោកសំលៀកបំពាក់ ឧបករណ៍បំពងសម្លេង ទូរសព្ទដៃ និង គ្រឿងអេឡិចត្រូនិចប្រើប្រាស់ក្នុងផ្ទះមានជាច្រើនផ្សេងទៀត ដែលសុទ្ធសឹងតែជាផលិតផលទំនើបៗ នឹងម៉ូដែលថ្មីៗ ចុងក្រោយគេបង្អស់របស់ LG ។ បន្ថែមជាងនេះទៅទៀត សាខាថ្មីនេះក៏មានបំរើផ្នែកសេវាកម្មជួសជុលថែទាំ និងផ្តល់ប្រឹក្សាអំពីការប្រើប្រាស់ផលិតផលរបស់ LG ផងដែរ។

នាក្នុងឪកាសនោះ លោក ឧកញ៉ា សុខ ពិសិដ្ឋ នាយកប្រតិបត្តិក្រុមហ៊ុន G Gear បានមាន ប្រសាសន៏ដែរថា “LG BRANDSHOP បានដើរតួនាទីយ៉ាងសំខាន់ សំរាប់ផ្ដល់នូវបទពិសោធន៏ថ្មីៗ នៃការលក់ផលិតផល LG បង្ដើតនូវបណ្ដាញសេវាកម្មអតិថិជនដ៏ល្អ និង ជាកន្លែងសំរាប់ស្វែងយល់ពីបច្ចេកវិទ្យា ទំនើបៗ ចុងក្រោយបំផុតដូចបណ្ដាប្រទេសនានា នៅលើពិភពលោក។ LG BRANDSHOP នឹងនៅតែបន្ដតួនាទី និង បេសកម្មរបស់ខ្លួនដើម្បីកសាងទំនុកចិត្ត និង ផ្ដល់នូវផលិតផលដែលមានការធានាត្រឹមត្រូវ ជូនអតិថិជនដោយផ្ដោតសំខាន់លើគោលការណ៍ 3 ចំនុច ៖ ទំនិញមានគុណភាព, សេវាកម្ម ល្អ, តំលៃសមរម្យ ”

លោក SUNG SOK KIM អគ្គនាយកក្រុមហ៊ុន LG ប្រចាំប្រទេសកម្ពុជាក៏បានមានប្រសាសន៏ដែរថា “ យើងមានសេចក្តីសោមនស្សរីករាយយ៉ាងខ្លាំង ក្នុងការចាប់ដៃគូរជាមួយក្រុមហ៊ុន G Gear ដែលជាដៃគូរយុទ្ធសាស្ត្រអាជីវកម្ម និងជាអ្នកចែកចាយផ្តាច់មុខសំរាប់ការលក់ដុំផ្តាច់មុខ គ្រឿងអេឡិចត្រូនិចម៉ាក់ LG និងពិតជាមានសារៈសំខាន់ណាស់សម្រាប់ការរីកចម្រើននៃម៉ាក LG នៅក្នុងប្រទេសកម្ពុជា។ហើយថ្ងៃនេះ យើងទទួលបានសមិទ្ធផលថ្មីមួយទៀតដែលជាការចូលរួមសហការណ៍រវាងក្រុមហ៊ុន LG និង G Gear គឺការបើកសម្ពោធជាផ្លូវការហាង LG BRANDSHOP ទីតាំងថ្មីខេត្តសៀមរាបនេះ។ យើងជឿជាក់យ៉ាងមុតមាំ ថាការបើកហាង LG BRANDSHOP ថ្មីរបស់យើងនាពេលនេះ នឹងជួយអតិថិជនរបស់យើងអោយកាន់តែមានភាពងាយស្រួលក្នុងការស្វែងរកផលិតផលគ្រឿងអេឡិចត្រូនិច ក៏ដូចជាសេវាកម្មដែលនៅជាប់ផ្ទះរបស់ពួកគាត់។ ហើយយើងជឿជាក់ថា ការវិនិយោគរបស់យើងថ្ងៃនេះ គឺជាផ្នែកមួយនៃការជួយអភិវឌ្ឍន៍ប្រទេសកម្ពុជាក៏ដូចជាជួយដល់ផ្នែកសេដ្ឋកិច្ចរបស់ខេត្តសៀមរាបផងដែរ។ “

ដើម្បីអបអរក្នុងឪកាសបើកសម្ពោធនេះ ក្រុមហ៊ុនក៏បានរៀបចំអោយមាន នៅកម្មវិធីលក់បញ្ចុះ តំលៃយ៉ាងពិសេសរហូតដល់ 25% សំរាប់រាល់ការជាវផលិតផល LG ពីសាខា LG BRANDSHOP សៀមរាបថ្មីនេះ ដែលមានរយៈពេល 4 ថ្ងៃ ចាប់ពីថ្ងៃទី 24 ដល់ ថ្ងៃទី 27 ខែឧសភា នេះ។ រាល់ផលិតផលរបស់ LG BRANDSHOP គឺជាផលិតផលសុទ្ធដែលមានការធានាក្នុងការជួសជុល និង ត្រួតពិនិត្យត្រឹមត្រូវ។

អាស្រ័យដ្ឋាន LG BRANDSHOP សាខាខេត្តសៀមរាបថ្មី
អគារ 503 ផ្លូវស៊ីវត្ថា, ភូមិតាភុល, សង្កាត់ស្វាយដង្គំ, ក្រុងសៀមរាប, ខេត្តសៀមរាប
ទូរសព្ទទំនាក់ទំនង 016 999 624 / 063 966 199
https://goo.gl/u2i58s

May 24, 2018

ស្រាបៀរ Heineken® បញ្ជូនអ្នកគាំទ្រកម្ពុជា តាមជើងហោះហើរទៅប្រទេសក្រិចដើម្បីទស្សនាការប្រកួតវគ្គផ្តាច់ព្រ័ត្រ UEFA CHAMPIONS LEAGUE

ភ្នំពេញ៖ ថ្ងៃទី 23 ខែឧសភា ស្រាបៀរ Heineken® បានបញ្ជូនអ្នកគាំទ្រកម្ពុជាចំនួន 4នាក់តាមជើងហោះហើរទៅកាន់ទីក្រុងអាថែន ប្រទេសក្រិច ដើម្បីទទួលបានបទពិសោធន៍ដ៏អស្ចារ្យក្នុងការទស្សនានូវកម្មវិធីប្រកួតវគ្គផ្តាច់ព្រ័ត្រនៃក្របខ័ណ្ឌ UEFA Champions League រវាងក្រុម Real Madrid FC និង Liverpool FC នៅថ្ងៃទី 27 ខែឧសភាខាងមុខនេះ។

អ្នកគាំទ្រមានលាភសំណាងដែលបានឈ្នះសំបុត្រយន្តហោះសម្រាប់ដំណើរកម្សាន្តមានម្តងក្នុងមួយជីវិតនៅក្នុងកម្មវិធីដំណើរទេសចរណ៍ពានរង្វាន់ UEFA Champions League ដែលនាំជូនដោយស្រាបៀរ Heineken® នៅប្រទេសកម្ពុជាកាលពីខែមុនគឺ លោក គៀ បូនី និងលោក ស៊ិប សុវណ្ណរិទ្ធិ រួមជាមួយដៃគូរបស់ពួកគាត់។

ជាផ្នែកមួយនៃសកម្មភាពដង្ហែរពានជាមួយនឹងខ្សែប្រយុទ្ធដ៏ល្បីល្បាញរបស់ក្រុម Manchester United លោក Ruud van Nistelrooy នៅកោះពេជ្រ អ្នកគាំទ្រស្រាបៀរ Heineken® ត្រូវបានស្នើសុំឱ្យជ្រើសរើសយកកៅអីមួយ រួចហើយមើលក្រោមកៅអីដើម្បីស្វែងរកសំបុត្រត្រូវរង្វាន់។

ឥឡូវនេះជាលើកដំបូងហើយដែលស្រាបៀរ Heineken® បានបញ្ជូនក្រុមអ្នកឈ្នះរង្វាន់ពីប្រទេសកម្ពុជា តាមជើងហោះហើរដើម្បីចូលរួមជាមួយទស្សនិកជនរាប់សែននាក់ដើម្បីទទួលបានបទពិសោធន៍ដ៏ល្អបំផុតក្នុងការទស្សនាបាល់ទាត់អន្តរជាតិនៅទីក្រុងអាថែន ដែលគេស្គាល់ថាជាទីក្រុងនៃក្រុមជើងឯក។

អ្នកឈ្នះរង្វាន់សញ្ជាតិកម្ពុជាក៏ត្រូវបានទទួលស្វាមគមន៍ចូលរួមក្នុងកម្មវិធីដ៏ធំមួយដែលរួមមានកម្មវិធីជប់លៀងពិសេសលើដំបូង កម្មវិធី BBQ លើឆ្នេរសមុទ្រ កម្មវិធីផ្សាយផ្ទាល់នូវការប្រកួតវគ្គផ្តាច់ព្រ័ត្រនៃក្របខ័ណ្ឌ UEFA Champions League កម្មវិធីអបអរសាទរក្រោយបញ្ចប់ការប្រកួត ការផ្តល់កន្លែងស្នាក់នៅសណ្ឋាគារដ៏ប្រណីត និងជួបផ្ទាល់ជាមួយក្រុមឈ្នះពានជើងឯក UEFA Champions League ។

នេះគឺជាបទពិសោធន៍លំដាប់ថ្នាក់ពិភពលោកមួយទៀត ដែលមិនអាចកាត់ថ្លៃបាន ដោយស្រាបៀរ Heineken®ជាស្រាបៀរគុណភាពលំដាប់ថ្នាក់ខ្ពស់បំផុតក្នុងពិភពលោកបានត្រួសត្រាយទូទាំងពិភពលោក ហើយនៅតែបន្តផ្តល់ជូននៅក្នុងប្រទេសកម្ពុជា។

ចំពោះព័ត៌មានបន្ថែមអំពីទីក្រុងនៃក្រុមជើងឯករបស់ស្រាបៀរ Heineken® សូមចូលមើលគេហទំព័រ៖ www.facebook.com/Heineken

សួមទទួលទានស្រាបៀរ Heineken®ដោយការទទួលខុសត្រូវ

May 24, 2018

CPS CHAPS របស់ JASPAL GROUP ភាពជោគជ័យក្នុងវិស័យសំលៀកបំពាក់

ការយល់ដឹងអំពីទស្សនះវិស័យនៃវិស័យសំលៀកបំពាក់ ដោយផ្ដោតទៅលើទំនោររបស់សង្គម Jaspal គ្រុប បានទទួលជោគជ័យក្នុងការដំណើរការម៉ាកជាច្រើនដូចជា Lyn, Lyn Around, Jelly Bunny និង CC Double O ដែល មានការលក់យ៉ាងល្អនាពេលបច្ចុប្បននេះនៅហាងរបស់ពួកគេនៅឯផ្សារទំនើប Aeon Mall ជាន់ទីមួយ។

Jaspal គ្រុប មានទំនុកចិត្តលើការរីកចំរើនបន្តរទៀត នាពេលអនាគត ដែលនឹងអនុញ្ញាតឱ្យក្រុមហ៊ុននេះបានស្គាល់ និងអភិវឌ្ឍសម្ព័ន្ធភាពនិងទីផ្សារថ្មីៗបន្ថែមទៀត។ ដោយសារតែភាពជោគជ័យកន្លងមកនេះ Jaspal បានពង្រីកខ្លួនមកកាន់ប្រទេសកម្ពុជាហើយនឹងបើកនូវហាង CPS Chaps ដំបូងរបស់ខ្លួននៅផ្សារទំនើប Aeon Mall ។ ជាមួយយការបើកសាកល្បងនៅថ្ងៃទី 29 ខែឧសភា 2018 ។

CPS CHAPS គឺជាយីហោសម្លៀកបំពាក់ទាន់សម័យមួយ។ ខណៈដែលពិភពលោកនៅតែដើរទៅមុខ យើងក៏រក្សាការវិវត្តរបស់យើងដែរ។ ការប្រមូលផ្តុំនៃការរចនារបស់យើងជាបន្តបន្ទាប់ វានបានឆ្លុះបញ្ចាំងពីការប្រែប្រួលនៃទំនោរសង្គម របៀបរស់នៅបែប à-la-mode និងការអភិវឌ្ឍន៍ចុងក្រោយបំផុតលើសិល្បៈ តន្ត្រី និងបច្ចេកវិទ្យា។

យើងយល់ច្បាស់ពីទស្សនះវិស័យនៃវិស័យសំលៀកបំពាក់ និងអ្វីដែលអតិថិជនរបស់យើងចង់បាននូវភាពដែលបញ្ជាក់ ពីខ្លួលរបស់ពួកគេផ្ទាល់។ ដើម្បីសំរេចបាននូវគោលដៅនេះយើងខិតខំធ្វើការរចនានិង បង្កើតនូវគុណភាពដ៏ល្អឥតខ្ចោះ ដែលតំរូវទៅនឹងអតិថិជនរបស់យើង។

នេះគឺដើម្បីឱ្យអតិថិជនរបស់ CPS CHAPS អាចទទួលបានបទពិសោធន៏ដ៏រីករាយជាមួយសំលៀកបំពាក់របស់ពួកគេ បង្កើតនូវជម្រើសផ្ទាល់ខ្លួលរបស់ពួកគេ និងធ្វើអោយគេមានភាពលេចធ្លោរ នៅក្នុងចំនោមមនុស្សដ៏ទៃទៀត។ និយាយដោយសាមញ្ញ we make YOUR EVERYDAY RUNWAY។

Facebook page: www.facebook.com/cpsclothing-cambodia
CPS CHAPS (ផ្សារទំនើប AEON MALL សែនសុខ)
ជាន់ផ្ទាល់ដី, Lot T011-1 ភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ

May 23, 2018

កម្មវិធី ABC Exceptional Night ជាមួយអ្នកនាង ពេជ្រ សោភា

ភ្នំពេញ៖ កាលពីថ្ងៃសុក្រ ទី 18 ខែឧសភា ឆ្នាំ2018 ស្រាបៀរ ABC អិចស្ត្រាស្តោត បានបន្តរៀបចំកម្មវិធី ABC EXCEPTIONAL NIGHT នៅភូមិមូល Container Pub ដោយមានការអញ្ជើញចូលរួមពីសំណាក់តារាចម្រៀងស្រីដ៏ល្បីប្រចាំព្រះរាជាណាចក្រកម្ពុជា នាងជាតារាចម្រៀងដែលមានភាពចាស់ទុំ និងតែងតែផ្តល់ភាពសប្បាយដល់គ្រប់ចក្ខុ ហើយជាសិល្បការិនីដែលមានជំហរយ៉ាងរឹងមាំ គ្រប់សម័យកាលនាងគឺជាតារាដែលវិវឌ្ឍន៍ថ្មីជានិច្ច (Re-Invented Exceptional) អ្នកនាង ពេជ្រ សោភា។

កម្មវិធីរាត្រីដ៏ល្អឯក (ABC Exceptional Night) មិនត្រឹមតែមានវត្តមានតារាចម្រៀងដែលចូលរួមផ្តល់ភាពសប្បាយរីករាយក៏ដូចជាបង្ហាញពីភាពល្អឯកប៉ុណ្ណោះទេ អតិថិជនរបស់ស្រាបៀរ ABC អិចស្ត្រាស្តោត និងអតិថិជន នៅភោជនីយដ្ឋាន ភូមិគ្រឹះអង្គរ ក៏បានភ្លក់នូវរសជាតិដ៏ល្អឯកពីការលាយបញ្ជូលគ្នាជាស្រាក្រឡុក ABC អិចស្ត្រាស្តោត ពីសំណាក់អ្នកក្រឡុកស្រាដ៏ជំនាញ ។

កម្មវិធី ABC EXCEPTIONAL NIGHT គឺជាផ្នែកមួយនៃយុទ្ធនាការ “ជាឧត្តមភាពដ៏ល្អឯក” របស់ ស្រាបៀរ ABC អិចស្ត្រាស្តោត ដែលផ្តល់នូវអំណរសាទរដល់ប្រជាពលរដ្ឋកម្ពុជាដែលទទួលបានជោគជ័យដោយបានបង្ហាញពីចំណុចខ្លាំង ចំណេះដឹង និងសមិទ្ធផលរបស់ខ្លួននៅក្នុងវិស័យសិល្បៈ ពាណិជ្ជកម្ម និងការកសាងសហគមន៍។

ABC អិចស្ត្រាស្តោត នៅតែជាម៉ាកសញ្ញាស្រាបៀរទឹកខ្មៅលំដាប់ថ្នាក់អន្តរជាតិដែលឈានមុខគេគ្មានគូបៀបនៅលើទីផ្សារ ស្រាបៀរទឹកខ្មៅគុណភាពខ្ពស់បំផុតនៅក្នុងប្រទេសកម្ពុជា ដែលអតិថិជនជ្រើសរើសយកមកទទួលទាន ”ក្រេបរសជាតិដ៏ល្អឯក” នៃស្រាបៀរទឹកខ្មៅ ដែលផលិតពីគ្រឿងផ្សំមានគុណភាពខ្ពស់បំផុត និងបានឈ្នះពានរង្វាន់ជាច្រើន ជាពិសេសកំពុងទទួលបានការគាំទ្រកាន់តែខ្លាំងឡើងពីស្រទាប់យុវវ័យ មជ្ឈដ្ឋានសិល្បករ និងពាណិជ្ជករលំដាប់ថ្នាក់ខ្ពស់។

កម្មវិធី ABC EXCEPTIONAL NIGHT នឹងបន្តប្រារព្ធធ្វើឡើងនៅទីតាំង Snow Container Pub នាក្រុងបាត់ដំបង នៅថ្ងៃ ពុធ ទី ២៣ ខែឧសភាខាងមុខនេះ ដោយមានការអញ្ជើញចូលរួមពីសំណាក់កំពូលតារាចម្រៀងស្រីដ៏ល្បីប្រចាំព្រះរាជាណាចក្រកម្ពុជា នាងជាតារាចម្រៀងដែលមានភាពចាស់ទុំនិង តែងតែផ្តល់ភាពសប្បាយដល់គ្រប់ចក្ខុ ហើយជាសិល្បការិនីដែលមានជំហរយ៉ាងរឹងមាំ គ្រប់សម័យកាល នាងគឺជាតារាដែលវិវឌ្ឍន៍ថ្មីជានិច្ច (Re-Invented Exceptional) អ្នកនាង ពេជ្រ សោភា ។

សូមចូលរួមឲ្យបានច្រើនកុះករដើម្បីទទួលបានបទពិសោធន៍ដ៏ល្អឯកពី ABC អិចស្ត្រាស្តោត!

ចំពោះព័ត៌មានបន្ថែមអំពីកម្មវិធីពិសេសនេះ ចូលទៅកាន់គេហទំព័រផ្លូវការ៖https://www.facebook.com/ABC.ExtraStoutCambodia/

សូមរីករាយទទួលទាន ABC អិចស្ត្រាស្តោត ដោយការទទួលខុសត្រូវ។

May 23, 2018

កក្រើកទៀតហើយ!! ក្លឹបកម្សាន្ដទាន់សម័យកណ្ដាលក្រុងភ្នំពេញ Blanc Restaurant and Lounge បើកសម្ពោធ និងដំណើរការហើយ

នៅរាត្រីថ្ងៃទី 19 ខែ ឧសភា ឆ្នាំ 2018នេះ ភោជនីយដ្ឋាន Blanc Restaurant and Lounge បានរៀបចំពិធីបើកសម្ពោធមុខមាត់ថ្មី ដែលមានទីតាំងស្ថិតនៅលើបណ្ដោយផ្លូវ 90 សង្កាត់ វត្តភ្នំ ខណ្ឌ ដូនពេញ រាជធានីភ្នំពេញ ពោលគឺស្ថិតនៅខាងក្រោយ ក្រសួងសេដ្ឋកិច្ច និង ហិរញ្ញវត្ថុ ។ កាន់តែពិសេស និងធ្វើឱ្យកម្មវិធីទាំងមូលមានភាពកក្រើកញាប់ញ័រអារម្មណ៍ថែមទៀតនោះ គឺមានកំពូលតារាចម្រៀងល្បីៗដែលអញ្ជើញមកពីផលិតកម្មថោន រួមមាន អ្នកនាង មាស សុខសោភា និងកញ្ញា រ៉ូ លីន បានបង្កបរិយាកាសសប្បាយរីករាយ រហូតដល់ភ្ញៀវកិត្តិយសចូលរួមកម្មវិធីទាំងមូលមិនចង់ត្រឡប់ទៅផ្ទះវិញឡើយ។

លោក វ៉ាន់ សាន ( Vann San ) ម្ចាស់ភោជនីយដ្ឋាន Blanc Restaurant and Lounge បានប្រាប់អ្នកសារព័ត៌មានឡារ៉ែនថា លោកពិតជាមានក្ដីសោមនស្សយ៉ាងខ្លាំង នៅពេលដែលបានឃើញភ្ញៀវកិត្តិយសអញ្ជើញចូលរួមយ៉ាងច្រើនកុះករ និងពិសាអាហារនៅក្នុងកម្មវិធីបើកសម្ពោធមុខមាត់ថ្មីនៃភោជនីយដ្ឋាន និងក្លឹបកម្សាន្ដ Blanc ។ លោក បន្ដថា « នៅក្នុងរាត្រីនេះទាំងមូល មានកម្មវិធីពិសេសៗជាច្រើនដែលបានផ្ដល់ជូនអតិថិជន និងជាភ្ញៀវកិត្តិយស ដោយមានការចាប់រង្វាន់ជាច្រើនសន្ធឹកសន្ធាប់ ហើយរង្វាន់ធំជាងគេនោះគឺ ទូរស័ព្ទដៃ IPhone 8 »។ ម្ចាស់ក្លឹបកម្សាន្ដវ័យក្មេងរូបនេះ ក៏បានប្រាប់បន្ថែមថា ភោជនីយដ្ឋាន Blanc Restaurant and Lounge ជាភោជនីយដ្ឋាន មានបម្រើសេវាកម្មមុខម្ហូប ឈ្ងុយឆ្ងាញ់ និងមានអនាម័យ ជាពិសេសទីតាំងធំទូលាយ បំពាក់ដោយ ម៉ាស៊ីនត្រជាក់ ដែលមានក្រុមតន្ត្រី ពេញនិយម សក្កិសមបំផុត ក្នុងការបង្កើតបរិយាកាស ជួបជុំសប្បាយរីករាយ ក៏ដូចជាទទួលរៀបចំកម្មវិធី ខួបកំណើត និងបន្ទប់ខារ៉ាអូខេ គ្រួសារ បន្ទប់ VIP ព្រមទាំងកម្មវិធីផ្សេងៗ ជាពិសេស មានការផ្តល់ជូន ប្រម៉ូសិនពិសេស ដោយបានបញ្ចុះតម្លៃ រហូតដល់ 30% គ្រប់កម្មវិធីជួបជុំ ចាប់ពីថ្ងៃបើកសម្ពោធ រហូតដល់បំណាច់ខែឧសភានេះ។

គួរបញ្ជាក់ផងដែរថា ដោយសារតែកន្លងមកអតិថិជនមានការគាំទ្រចំពោះអាហារនៅក្នុងភោជនីយដ្ឋាន ជាពិសេសគឺរសជាតិ ក្ដាមប្រៃ ដែលមានឱជារសឆ្ងាញ់ពិសេស និងមានការសរសើរមិនដាច់ពីមាត់ រហូតដល់មុខម្ហូបមួយមុខនេះ បានក្លាយម្ហូបប្រចាំហាងតែម្ដង។ ក្រៅពីការទទួលទានអាហារ និងភេសជ្ជៈជាមួយក្រុមគ្រួសារ មិត្តភក្ដិ យ៉ាងសប្បាយរីករាយហើយនោះ Blanc Restaurant and Lounge ក៏មានការប្រគំតន្ដ្រី និងមានការចូលរួមពីវត្តមានតារាល្បីៗប្រចាំព្រះរាជាណាចក្រកម្ពុជា រង់ចាំបម្រើអារម្មណ៍ប្រិយមិត្តអតិថិជនទាំងអស់គ្នាផងដែរ៕

May 21, 2018

លោកឧកញ៉ា ចិត្រ សេរីសុភ័ក្ត្រ នាំយកអំណោយសប្បុរសធម៌ ជូនដល់ជនក្រីក្រ ចាស់ជរា និងកុមារកំព្រាចំនួន 500 នាក់

ស្ថិតនៅក្រោមទឹកចិត្ត និងស្មារតីខ្ពស់ក្នុងការចូលរួមចំណែកចែករំលែកនូវទុក្ខលំបាករបស់ជនក្រីក្រ ចាស់ជរា និងកុមារកំព្រាគ្មានទីពឹង ដែលជាបន្ទុករបស់សង្គមកម្ពុជា ក៏ដូចជារាជរដ្ឋាភិបាលផងដែរនោះ លោកឧកញ៉ា ចិត្រ សេរីសុភ័ក្ត្រ បានសហការជាមួយលោក តាំង គឹមឡេង ដឹកនាំសមាជិក និងក្រុមយុវជនស្ម័គ្រចិត្ត ចុះនាំយកអំណោយដែលមានគ្រឿងឧបភោគ បរិភោគ ចែកជូនដល់ជនក្រីក្រ ចាស់ជរា ជនពិការ និងកុមារកំព្រាគ្មានទីពឹង ជាពិសេស មនុស្សចាស់ ដែលកំពុងប្រកបរបរដោយធាក់ស៊ីក្លូ សរុបចំនួន 500 នាក់ នៅទីលានសួនច្បារ មុខវត្តបទុមវតី រាជធានីភ្នំពេញ កាលពីព្រឹកថ្ងៃទី20 ខែឧសភា ឆ្នាំ2018 នៅក្រោមប្រធានបទ «កុំភ្លេចខ្ញុំ» ។ សម្រាប់អំណោយទាំងអស់រួមមានដូចជា ៖ អង្ករចំនួន 10តោន, មីចំនួន 500កេស, ត្រីខកំប៉ុង ចំនួន 500យួរ, ទឹកបរិសុទ្ធចំនួន 500យួរ, ភួយចំនួន 500, ប្រេងខ្យល់ចំនួន500 និងក្រមាចំនួន 500 ។

មានប្រសាសន៍នៅក្នុងឱកាសនាពេលនោះ លោកឧកញ៉ា ចិត្រ សេរីសុភ័ក្ត្រ អគ្គនាយកក្រុមហ៊ុន Luxury Smile Group និង Monsne Café ដែលជាអ្នកផ្តួចផ្តើមបង្កើតមូលនីធិសប្បុរសធម៌ ក្រោមប្រធានបទ «កុំភ្លេចខ្ញុំ» បានឱ្យដឹងថា ៖ «ថ្ងៃនេះខ្ញុំបាទពិតជាមានសេចក្តីសោមនស្សរីករាយយ៉ាងក្រៃលែងដែលបានធ្វើកិច្ចការងារសប្បុរសធម៌ ដើម្បីជាផ្នែកមួយជួយសម្រួលដល់ការងារសង្គម ក៏ដូចជាសម្រាលបន្ទុក ភាពលំបាកដល់លោកយាយ លោកតា អ៊ុំ ពូ មីង និងបងៗ ប្អូនៗ ដែលជាជនពិការ ទុរគតជនទាំងអស់ ក្រោមការចង្អុលបង្ហាញពីសំណាក់ប្រមុខដឹកនាំរាជរដ្ឋាភិបាលកម្ពុជា សម្ដេចអគ្គ មហាសេនា បតីតេជោ ហ៊ុន សែន ដែលជាអ្នកគ្រើនរំលឹក។ នៅក្នុងឱកាសនេះផងដែរ ខ្ញុំបាទ រួមជាមួយនឹងក្រុមការងារសប្បុរសធម៌ទាំងអស់ ពិតជាមានភាពរីករាយរកអ្វីមកប្រៀបផ្ទឹមពុំបាន ដោយបានឃើញស្នាមញញឹមរបស់លោកតា លោកយាយ អ៊ុំ ពូ មីង បងប្អូនទាំងអស់ ដែលបង្ហាញនូវការស្រលាញ់ និងពេញចិត្តចំពោះក្រុមការងារសប្បុរសធម៌យើងខ្ញុំទាំងអស់គ្នា ដែលវាជាការផ្តល់កំលាំងចិត្តឱ្យខ្ញុំបាទ និងក្រុមការងារសប្បុរសធម៌ទាំងអស់ឱ្យមានកំលាំងចិត្តនៅក្នុងការផ្តូចផ្តើមនូវកម្មវិធីមូលនីធិ និងសប្បុរសធម៌នេះជាបន្តទៅមុខទៀត ។

លោកឧកញ៉ាក៏បានបញ្ជាក់បន្ថែមផងដែរថា ៖ នេះគឺជាលើកទី10ហើយ ដែលក្រុមការងាររបស់ខ្ញុំបានចុះអនុវត្តដោយផ្ទាល់ក្រោមការចូលរួមឧបត្ថម្ភពីសំណាក់សប្បុរសជនទាំងក្នុង និងក្រៅស្រុក រួមជាមួយធនធានរបស់ខ្ញុំបាទផ្ទាល់មួយចំនួនផងដែរ ។ ដោយឡែកសម្រាប់ការចុះអនុវត្តកម្មវិធី «កុំភ្លេចខ្ញុំ»ជាបន្តនៅថ្ងៃខាងមុខឆាប់ៗនេះ ខ្ញុំបាទនឹងព្យាយាមបង្កើនជំនួយឱ្យបានច្រើនជាងនេះ សម្រាប់ចែកជូនលោកយាយ លោកតា ចាស់ជរា អ៊ុំ ពូ មីង និងបងៗ ប្អូនៗ ដែលជាជនពិការ និងទុរគតជននានា ប្រមាណចំនួន1000នាក់ ។ តាំងនាមខ្ញុំបាទ ឧកញ៉ា ចិត្រ សេរីសុភ័ក្ត្រ និងក្រុមការងារសប្បុរសធម៌ទាំងអស់សូមថ្លែងអំណរគុណយ៉ាងជ្រាលជ្រៅដល់ប្អូនៗជាក្រុមយុវជនឈានមុខ ដែលបានដុតដៃដុតជើងអស់ទាំងកំលាំងកាយចិត្ត ដើម្បីជួយសម្រួលដល់កម្មវិធីនេះឱ្យមានភាពរលូន និងឆ្ពោះទៅមុខ»៕

May 21, 2018

កក់ទុកមុន ស្មាតហ្វូន Huawei P20 Pro តម្លៃត្រឹមតែ 859$ ថែមកាដូកប់

ភ្នំពេញ៖ ទីបំផុត មិនបាច់រងចាំទៀតទេ អតិថិជនអាចកម្ម៉ង់ កំពូលស្មាតហ្វូនស៊េរីថ្មី Huawei P20 Pro នៅតាមបណ្តាហាងលក់ទូរស័ព្ទនានា ជាពិសេសហាងដែលមានស្លាកសញ្ញា និង បុគ្គលិកលក់ Huawei ចាប់ពីពេលនេះតទៅ តម្លៃត្រឹមតែ ៨៥៩ដុល្លារ ថែមកាដូកប់។

លោក Jeff Yang នាយកចែកចាយស្មាតហ្វូនប្រចាំប្រទេសកម្ពុជាបានឲ្យដឹងថា៖ “អតិថិជនដែល កក់ទុកមុន ជាមួយនឹងកំពូលស្មាតហ្វូន ស៊េរីថ្មី Huawei P20 Pro នឹងទទួលបានតម្លៃពិសេសគឺត្រឹមតែ $859 ថែម កាស Wireless Huawei FreeBuds, និង ស៊ីមស្មាត កញ្ចប់ធំហ្មង 24 សប្តាហ៍ គិតជាសាច់ប្រាក់សរុប $259”។

Huawei P20 Pro គឺជាកំពូលស្មាតហ្វូនស៊េរីថ្មី ដែលត្រូវបានរចនាឡើងយ៉ាងផ្ចិតផ្ចង់ ស្រស់ស្អាតទាក់ទាញ តួរធ្វើពីកញ្ចក់ និងលោហធាតុដ៏រលើបរលោង ប្រើប្រាស់នូវប្រព័ន្ធ IP67សម្រាប់ការពារធូលី និងការពារទឹកថែមទៀតផង។

ជាពិសេស Huawei P20 Pro ក៏ប្រើប្រាស់នូវ IR Blaster នៅលើ Board មានរន្ធដោតកាសស្តាប់ 3.5mm Headphone Jack បំពាក់នូវ អេក្រង់ទំហំ 6.1-inch OLED Display ជាមួយកម្រិតភាពច្បាស់ 2240×1080 ភិចសែល មាន Notch នៅលើអេក្រង់ ភ្ជាប់នូវបច្ចេកវិទ្យា 2D Mapping សម្រាប់ការស្កេនទៅលើផ្ទៃមុខ មានម៉េមូរីក្នុងម៉ាស៊ីនទំហំ 128GB ភ្ជាប់ជាមួយនឹង microSD Card មានរ៉េមទំហំ 6GB ។

Huawei P20 Pro ប្រើប្រាស់មុខងារ AI មានកាមេរ៉ាមុខ Leica ទំហំ 24MP និងកាមេរ៉ាខាងក្រោយ Leica ចំនួន 3 គ្រាប់ គឺ 40MP+8MP+20MP។

ស្មាតហ្វូននេះមានថាមពលថ្ម 4,000mAh ភ្ជាប់ជាមួយនឹងបច្ចេកវិទ្យា Huawei’s SuperCharger fast charging technology នឹងការភ្ជាប់ទំនាក់ទំនងដូចជា WIFI, Bluetooth 4.2 (not 5.0), NFC និង LTE 28 ក្រុមផ្សេងគ្នា ដែលមានន័យថា គឺអាចប្រើប្រាស់បាននៅជុំវិញពិភពលោកបាន។

សម្រាប់ព័ត៌មានលម្អិតពីការកម្ម៉ង់ទុកមុន សម្រាប់ស្មាតហ្វូនស៊េរីថ្មី Huawei P20 Pro សូមអញ្ជើញទៅកាន់ ហាងលក់ទូរស័ព្ទដែលនៅជិតអ្នកជាងគេ រឺ ហាងលក់ទូរស័ព្ទដែលមានស្លាកសញ្ញា រឺបុគ្គលិកលក់ Huawei។

សម្រាប់ព័ត៌មានថ្មីៗពី Huawei នៅកម្ពុជាសូមតាមដានជាមួយពួកយើងតាមរយៈ៖
Youtube link: www.youtube.com/c/HuaweiMobileKH អ្នកតំណាង៖ ង៉ោ ម៉េងហ៊ួង
Instagram link: www.instagram.com/huaweimobilekh
Facebook: www.facebook.com/huaweimobilekh អ៊ីមែល៖ [email protected]

May 21, 2018

កម្មវិធី ABC Exceptional Night ជាមួយ លោក សុវត្ថិ មុនីវណ្ណ និងលោក សុវត្ថិ មុនីនាគ

ភ្នំពេញ៖ កាលពីថ្ងៃពុធ ទី ១៦ ខែឧសភា ឆ្នាំ២០១៨ ស្រាបៀរ ABC អិចស្ត្រាស្តោត បានបន្តរៀបចំកម្មវិធី ABC EXCEPTIONAL NIGHT នៅ Mango Mango Dine & Chill ដោយមានការអញ្ជើញចូលរួមពីសំណាក់តារាចម្រៀងវ័យក្មេង ដែលរះពីក្រោយស្រមោលលោកឪពុករបស់ខ្លួន ដែលជាកំពូលតារាចម្រៀងលោក ព្រាប សុវត្ថិ ពួកគេចាប់ផ្តើមបង្កើតកេរ្តិ៍ឈ្មោះជាមួយនឹងទេពកោសល្យ ផ្ទាល់ខ្លួននិង បុគ្គលិកលក្ខណះបែបទាក់ទាញ (Prince Exceptional) គឺលោក សុវត្ថិ មុនីវណ្ណ និងលោក សុវត្ថិ មុនីនាគ។

កម្មវិធីរាត្រីដ៏ល្អឯក (ABC Exceptional Night) មិនត្រឹមតែមានវត្តមាន តារាចម្រៀងដែលចូលរួម ផ្តល់ភាពសប្បាយរីករាយក៏ដូចជាបង្ហាញពីភាពល្អឯកប៉ុណ្ណោះទេ អតិថិជនរបស់ស្រាបៀរ ABC អិចស្ត្រាស្តោត និងអតិថិជន នៅភោជនីយដ្ឋាន ភូមិគ្រឹះអង្គរ ក៏បានភ្លក់នូវរសជាតិដ៏ល្អឯកពីការលាយបញ្ជូលគ្នាជា ស្រាក្រឡុក ABC អិចស្ត្រាស្តោត ពីសំណាក់អ្នកក្រឡុកស្រាដ៏ជំនាញ ។

កម្មវិធី ABC EXCEPTIONAL NIGHT គឺជាផ្នែកមួយនៃយុទ្ធនាការ “ជាឧត្តមភាពដ៏ល្អឯក” របស់ ស្រាបៀរ ABC អិចស្ត្រាស្តោត ដែលផ្តល់នូវអំណរសារទរដល់ប្រជាពលរដ្ឋកម្ពុជាដែលទទួលបានជោគជ័យដោយបានបង្ហាញពីចំណុចខ្លាំង ចំណេះដឹង និងសមិទ្ធផលរបស់ខ្លួននៅក្នុងវិស័យសិល្បៈ ពាណិជ្ជកម្ម និងការកសាងសហគមន៍។

ABC អិចស្ត្រាស្តោត នៅតែជាម៉ាកសញ្ញាស្រាបៀរទឹកខ្មៅលំដាប់ថ្នាក់អន្តរជាតិដែលឈានមុខគេគ្មានគូរបៀបនៅលើទីផ្សារ ស្រាបៀរទឹកខ្មៅគុណភាពខ្ពស់បំផុតនៅក្នុងប្រទេសកម្ពុជា ដែលអតិថិជនជ្រើសរើសយកមកទទួលទាន ”ក្រេបរសជាតិដ៏ល្អឯក” នៃស្រាបៀរទឹកខ្មៅ ដែលផលិតពីគ្រឿងផ្សំមានគុណភាពខ្ពស់បំផុត និងបានឈ្នះពានរង្វាន់ជាច្រើន ជាពិសេសកំពុងទទួលបានការគាំទ្រកាន់តែខ្លាំងឡើងពីស្រទាប់យុវវ័យ មជ្ឈដ្ឋានសិល្បករ និងពាណិជ្ជករលំដាប់ថ្នាក់ខ្ពស់។

កម្មវិធី ABC EXCEPTIONAL NIGHT នឹងបន្តប្រារព្ធធ្វើឡើងនៅទីតាំង ភូមិមូល Container Pub នៅថ្ងៃ សុក្រ ទី ១៨ ខែឧសភាខាងមុខនេះ ដោយមានការអញ្ជើញចូលរួមពីសំណាក់កំពូលតារាចម្រៀងស្រីដ៏ល្បីប្រចាំព្រះរាជាណាចក្រកម្ពុជា នាងជាតារាចម្រៀងដែលមានភាពចាស់ទុំនិង តែងតែផ្តល់ភាពសប្បាយដល់គ្រប់ចក្ខុ ហើយជាសិល្បះការនីដែលមាន ជំហរយ៉ាងរឹងមាំ គ្រប់សម័យកាល នាងគឺជាតារាដែលវិវឌ្ឍន៍ថ្មីជានិច្ច (Re-Invented Exceptional) អ្នកនាង ពេជ្រ សោភា ។

សូមចូលរួមឲ្យបានច្រើនកុះករដើម្បីទទួលបានបទពិសោធន៍ដ៏ល្អឯកពី ABC អិចស្ត្រាស្តោត!

ចំពោះព័ត៌មានបន្ថែមអំពីកម្មវិធីពិសេសនេះ ចូលទៅកាន់គេហទំព័រផ្លូវការ៖https://www.facebook.com/ABC.ExtraStoutCambodia/

សូមរីករាយទទួលទាន ABC អិចស្ត្រាស្តោត ដោយការទទួលខុសត្រូវ

May 18, 2018

ពិព័រណ៍ស្ថាបត្យកម្ម និងដេគ័រដ៏លេចធ្លោរបស់ព្រះរាជាណាចក្រកម្ពុជា បានវិលត្រឡប់មកវិញ ក្នុងឆ្នាំទី3

កាលពីថ្ងៃទី 9 ខែឧសភា ឆ្នាំ 2018កន្លងទៅនេះ ក្រុមហ៊ុន ICVeX Co Ltd សហការជាមួយសមាគមស្ថាបត្យករកម្ពុជាបានរៀបចំសន្និសីទសារព័ត៌មានស្តីពីការប្រកាសវត្តមាននៃ “កម្មវិធីតាំងពិព័រណ៍ស្ថាបត្យកម្ម និងដេគ័រកម្ពុជា លើកទី3” ដែលសន្និសីទសារព័ពណ៌មាននេះបានរៀបចំឡើងនៅសណ្ឋគារសូហ្វីតែល ភ្នំពេញ ភូគីត្រា ដោយមានការចូលរួមជាកិត្តិយសពីសំណាក់ឯកឧត្តម ភឿង សុភ័ណ្ឌ រដ្ឋលេខាធិការនៃក្រសួងដែនដី និងនគរូបនីយកម្ម លោក Chinakit Viphavakit នាយកគ្រប់គ្រងទូទៅនៃក្រុមហ៊ុន ICVeX Co Ltd លោក សីុន សុជាតិ ប្រធានសមាគមស្ថាបត្យករកម្ពុជា លោក តាំង សុជាតិ វិទូ អនុប្រធានសមាគមស្ថាបត្យករកម្ពុជា និងអ្នកឧបត្ថម្ភកម្មវិធី ព្រមទាំងអ្នកសារព័ត៌មានជាតិ និងអន្តរជាតិជាច្រើនមកពីគ្រប់ស្ថាប័ន។

ពិព័រណ៍ស្ថាបត្យកម្ម និងដេគ័រកម្ពុជាដែលជាពិព័រណ៍អន្តរជាតិត្រូវបានរៀបចំឡើងដោយក្រុមហ៊ុន ICVeX Co Ltd សហការជាមួយសមាគមស្ថាបត្យករកម្ពុជា បានវិលត្រឡប់មកវិញសារជាថ្មីសម្រាប់ភាពជោគជ័យក្នុងឆ្នាំទី 3 ដែលនឹងប្រព្រឹត្តទៅចាប់ពីថ្ងៃទី 24 ដល់ 26 ខែឧសភានៅឯមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ។ ពិព័រណ៍ដែលមានរយៈពេលបីថ្ងៃនេះ នឹងនាំមកនូវយីហោល្បីៗឈានមុខគេជាង150 ទាំងក្នុងស្រុក និងទាំងក្រៅស្រុក ដើម្បីដាក់បង្ហាញពីផលិតផល និងភាពច្នៃប្រឌិតថ្មីបំផុតរបស់ពួកគេដល់អ្នកចូលរួមទស្សនា ដែលមកពីវិស័យស្ថាបត្យកម្ម ការរចនាផ្ទៃខាងក្នុង ការអភិវឌ្ឍអចលនទ្រព្យ និងសំណង់ ក៏ដូចជាម្ចាស់ផ្ទះ និងអ្នកជំនាញផ្នែកឧស្សាហកម្មផងដែរ។ ពិព័រណ៍ស្ថាបត្យកម្ម និងដេគ័រកម្ពុជា ឆ្នាំ 2018នេះ ស្ថិតក្រោមប្រធានបទ “ការរចនាកន្លែងធ្វើការ និងការរស់នៅកាន់តែប្រសើរ។

លោក Chinakit Viphavakit ប្រធានគ្រប់គ្រងទូទៅរបស់ក្រុមហ៊ុន ICVeX បានមានប្រសាសន៍ថា “សម្រាប់ពិព័រណ៍លើកទី3 ក្នុងឆ្នាំនេះ យើងនឹងផ្តល់ឱកាសជាច្រើនដល់អ្នកចូលរួមក្នុងការសិក្សារៀនសូត្រ។ យើងចង់បំផុសគំនិតដល់ប្រជាជនកម្ពុជា និងផ្តល់គំនិតនិងចំណេះដឹងដល់ពួកគេនូវវិធីសាស្ត្រក្នុងការរចនាកន្លែងធ្វើការ និងការរស់នៅរបស់ពួកគេបានកាន់តែល្អប្រសើរ។

ព្រឹត្តិការណ៍នេះក៏នឹងជាម្ចាស់ផ្ទះនៃសិក្ខាសាលាដ៏មានសក្តានុពលរយៈពេល3ថ្ងៃក្រោមការគាំទ្រដោយសមាគមស្ថាបត្យករកម្ពុជា ដោយមានការរៀបចំ និងធ្វើបទបង្ហាញដែលមានគោលបំណងអប់រំ និងការកម្សាន្ត រួមទាំងការប្រកួតប្រជែងលើការរចនាសម្រាប់សិស្សានុសិស្ស និងសកម្មភាពផ្សេងៗទៀតផងដែរ។ កម្មវិធីនេះក៏ផ្តល់ឱកាសផ្តាច់មុខផងដែរដើម្បីជជែកពិភាក្សាជាមួយភ្ញៀវ វីអាយភី វាគ្មិន និងក្រុមហ៊ុនតាំងពិព័រណ៍នៅក្នុងពិធីទទួលទានអាហារពេលល្ងាចរបស់ស្ថាបត្យករកម្ពុជាឆ្នាំ 2018 នៅថ្ងៃទី24 ខែឧសភា នៅឯមជ្ឈមណ្ឌលសន្និបាត និងពិព័រណ៍កោះពេជ្រ។ កម្មវិធីនេះសមស្របសម្រាប់អ្នកអភិវឌ្ឍន៍ អ្នករចនា ស្ថាបត្យករ និងអ្នកតុបតែងសម្រាប់សំបុត្រចូលរួមមានតម្លៃ 40 ដុល្លារក្នុងម្នាក់។ សំបុត្រអាចជាវបានតាមរយៈគេហទំព័រ cambodiaarchitectdecor.com៕

May 17, 2018

Category: PR