PR - La Reine Media

ម្ចាស់ពានរង្វាន់អចលនវត្ថុកម្ពុជាឆ្នាំ2018 ប្រកាសជាផ្លូវការ

កម្មវិធីពានរង្វាន់អចលនវត្ថុកម្ពុជាឆ្នាំ2018 មានមោទនភាពក្នុងការបង្ហាញពីអ្នកឈ្នះជ័យលាភីនៃព្រឹត្តិការណ៍ដ៏មានកិត្យានុភាពបំផុតនៅឆ្នាំនេះសម្រាប់វិស័យអចលន ទ្រព្យនៅកម្ពុជា។

អ្នកឈ្នះរង្វាន់ត្រូវបានប្រកាស និងទទួលស្គាល់នៅក្នុងពិធីប្រគល់ពានរង្វាន់ និងទទួលទានអាហារពេលល្ងាច ដែលរៀបចំឡើងនៅសណ្ឋាគារសូហ្វីតែលភ្នំពេញនៅល្ងាចថ្ងៃសុក្រដែលមានការចូលរួម និងជួបជុំគ្នាដោយបុគ្គលសំខាន់ៗជាង 200នាក់រួមមាន៖ មន្ត្រីជាន់ខ្ពស់រដ្ឋាភិបាល និងអ្នកដឹកនាំសំខាន់ៗនៅក្នុងវិស័យអចលនទ្រព្យ។ កម្មវិធីក៏ត្រូវបានផ្សាយបន្តផ្ទាល់ តាមប្រព័ន្ធផ្សព្វផ្សាយសង្គមក្នុងឱកាសនោះផងដែរ។

លោកបណ្ឌិត គីម ហ៊ាង ប្រធានសមាគមអ្នកវាយតម្លៃ និងភ្នាក់ងារអចលនវត្ថុ កម្ពុជា (CVEA) បានថ្លែងអំណរគុណដល់ក្រុមហ៊ុន Realestate.com.kh ដែលជាអ្នកផ្តួចផ្តើម ដ៏សំខាន់មួយ សម្រាប់ព្រឹត្តិការណ៍ពានរង្វាន់អចលនវត្ថុកម្ពុជានេះ។ លោកក៏បានសង្កត់ ធ្ងន់ផងដែរអំពីសារៈសំខាន់នៃការរៀបចំឲ្យមានព្រឹត្តិការណ៍ស្រដៀងគ្នានេះនៅពេលអនាគត។

កម្មវិធីពានរង្វាន់អចលនវត្ថុបានគាំទ្រដោយក្រុមហ៊ុន Cheng Fung Investment (ជាម្ចាស់ឧបត្ថម្ភធំ) និងអ្នកឧបត្ថម្ភផ្សេងទៀត រួមមាន៖ ក្រុមហ៊ុន Belt Road Capital Management ក្រុមហ៊ុន Yuetai Group ក្រុមហ៊ុន Aristo ក្រុមហ៊ុន Camhomes គម្រោង Sky Villa គម្រោង Le Bassac ក្រុមហ៊ុន NC Max World គម្រោង Orkide Villa ធនាគារ BRED ក្រុមហ៊ុន Creed Group គម្រោង Parkway ក្រុមហ៊ុន PropEase ប្រព័ន្ធផ្សព្វផ្សាយ Gold Zone Media ក្រុមហ៊ុន Crystal Orange Construction ក្រុមហ៊ុន Silk Road Properties ក្រុមហ៊ុន Zenearth ក្រុមហ៊ុន AIMS ក្រុមហ៊ុន DFDL ក្រុមហ៊ុន Pathmazing និងប្រព័ន្ធ realestateCRM។

បញ្ជីឈ្មោះអ្នកឈ្នះពានរង្វាន់

ក្រុមហ៊ុនភ្នាក់ងារឆ្នើមក្នុងតំបន់ប្រចាំឆ្នាំ

ក្រុមហ៊ុន IPS Cambodia (នៅសៀមរាប)

ក្រុមហ៊ុនភ្នាក់ងារវាយតម្លៃឆ្នើមប្រចាំឆ្នាំ

ក្រុមហ៊ុន Knight Frank Cambodia

ក្រុមហ៊ុនភ្នាក់ងារវាយតម្លៃក្នុងស្រុកឆ្នើមប្រចាំឆ្នាំ

ក្រុមហ៊ុន Key Real Estate and Khmer Foundation & Appraisal (KFA)

ក្រុមហ៊ុនភ្នាក់ងារគ្រប់គ្រងអចលនទ្រព្យឆ្នើមប្រចាំឆ្នាំ

ក្រុមហ៊ុន CBRE Cambodia – Prince Phnom Penh Tower

ក្រុមហ៊ុនភ្នាក់ងារអចលនទ្រព្យអាជីវកម្មឆើ្នមប្រចាំឆ្នាំ

ក្រុមហ៊ុន CBRE Cambodia

ក្រុមហ៊ុនភ្នាក់ងារអចលនទ្រព្យប្រចាំឆ្នាំ(ក្រុមហ៊ុនមានបុគ្គលិកចាប់ពី ១៦ នាក់)

ក្រុមហ៊ុន Cambodia Properties Limited (CPL Cambodia)

ក្រុមហ៊ុនភ្នាក់ងារអចលនទ្រព្យប្រចាំឆ្នាំ(ក្រុមហ៊ុនមធ្យម មានបុគ្គលិកពី ៨ ទៅ ១៥ នាក់)

ក្រុមហ៊ុន South East Asia Property Services (SEAPS Cambodia)

ក្រុមហ៊ុនអចលនទ្រព្យល្អបំផុត (ខាងគ្រប់គ្រង និងចាត់ចែងបុគ្គលិក)

ក្រុមហ៊ុន Yi Fung Real Estate Cambodia

ពានរង្វាន់ក្រុមហ៊ុនភ្នាក់ងារឆ្នើម

ក្រុមហ៊ុន CBRE Cambodia

ពានរង្វាន់លក្ខណៈបុគ្គល៖

ភ្នាក់ងាររីកចម្រើនថ្មីឆ្នើមប្រចាំឆ្នាំ

Ms Chanthy Koy ក្រុមហ៊ុន IPS Cambodia (Independent Property Services)

ភ្នាក់ងារអចលនទ្រព្យឆ្នើមប្រចាំឆ្នាំ

អ្នកឧកញ៉ា ចេង ខេង – ក្រុមហ៊ុន Cambodia Properties Limited (CPL)

ភ្នាក់ងារជួលឆ្នើមប្រចាំឆ្នាំ

ពៅ ធីតា ក្រុមហ៊ុន CBRE Cambodia

ភ្នាក់ងារលក់ឆ្នើមប្រចាំឆ្នាំ

លោកជំទាវ ប៊ុន ណាវី ក្រុមហ៊ុន Cambodia Properties Limited (CPL)

ភ្នាក់ងារតម្លៃប្រកបដោយវិជ្ជាជីវៈឆ្នើមប្រចាំឆ្នាំ

ឧកញ៉ា នួន រឹទ្ធី ក្រុមហ៊ុន Khmer Foundation & Appraisals (KFA)

ពានរង្វាន់ភ្នាក់ងារឆ្នើម

លោក Rithy Seap -ក្រុមហ៊ុន Yi Fung Real Estate Cambodia

July 7, 2018

ក្លិបកម្សាន្ត Epic 2 នឹងបើកដំណើរការជាផ្លូវការនៅថ្ងៃស្អែកនេះ ជាមួយការបញ្ចុះតម្លៃ 30%

ភ្នំពេញ៖ បន្ទាប់ពីទទួលបានការគាំទ្រ ក៏ដូចជាដើម្បីពង្រីកវិសាលភាពឱ្យកាន់តែប្រសើរជាងមុននោះ ក្លិបកម្សាន្ត Epic នឹងចាប់ផ្ដើមបើកដំណើរការសាខាទី2 (Epic 2) របស់ខ្លួននៅថ្ងៃសៅរ៍ ទី07 ខែកក្កដា ស្អែកនេះ ដែលមានទីតាំងនៅស្ថិតនៅមជ្ឈមណ្ឌលពាណិជ្ជកម្ម Eden Garden ពោលគឺកណ្ដាលរាជធានីភ្នំពេញ ដោយមានការបញ្ចុះតម្លៃរហូត 30ភាគរយគ្រប់ភ្ញៀវទាំងអស់។

លោក Faz Ghotbi នាយកគ្រប់គ្រងក្រុមហ៊ុន Epic Group បានបញ្ជាក់ឱ្យដឹងថា មូលហេតុសំខាន់ដែល Epic Group ជ្រើសរើសទីតាំងខាងលើដោយសារតែវាជាទីតំបន់អភិវឌ្ឍន៍ថ្មី និងសម្បូរទៅដោយភោជនីយដ្ឋាន និងអគារពាណិជ្ជកម្មជាច្រើន ហើយវាក៏ជាទីតាំងមួយដ៏ល្អសម្រាប់អតិថិជនរបស់ Epic ជាពិសេសគឺវាស្ថិតនៅចំកណ្ដាលទីក្រុងតែម្ដង។

មួយវិញទៀត ពាក់ព័ន្ធនឹងថវិកាដែលត្រូវចំណាយលើកាវិនិយោគទុនដើម្បីបង្កើតក្លិប Epic 2 នេះឡើងមិនត្រូវបានលោក Faz បញ្ជាក់ពីតួលេខពិតឡើយ ដោយគ្រាន់តែបង្ហើបឱ្យដឹងថា ថវិកាដែលត្រូវចំណាយគឺលើសពីគម្រោងដែលបានគ្រោងទុក ប៉ុន្តែលោកសប្បាយរីករាយ ព្រោះក្រុមការងាររបស់ Epic បានធ្វើវាឡើងយ៉ាងល្អប្រសើរ។

លោក Mort Chanraksmey នាយកគ្រប់គ្រងទូទៅបានបញ្ជាក់ឱ្យដឹងថា ក្លិបកម្សាន្ត Epic 2 មានលក្ខណៈពិសេសច្រើនដោយបានបង្កើត និងរៀបចំនូវប្រព័ន្ធសំឡេងដែលល្អឥតខ្ចោះ និងប្រព័ន្ធភ្លើងដែលមានភាពស្រស់ស្អាត ជាពិសេសគឺការផ្ដល់សេវាកម្មពីសំណាក់បុគ្គលិក ដោយពួកគាត់ទទួលបានការបង្ហាត់បង្រៀនយ៉ាងល្អគ្រប់ផ្នែក ទាំងការទទួលភ្ញៀវ បម្រើភ្ញៀវ។

លោក Chanraksmey បានឱ្យដឹងទៀតថា Epic មិនត្រឹមតែផ្ដល់សេវាកម្មលើផ្នែកកម្សាន្ត និងទាក់ទាញភ្ញៀវទេសចរណ៍បរទេសនោះទេ Epic ក៏បានចូលរួមនៅក្នុងវិស័យមនុស្សធម៌ និងបានជួយសង្គមជាច្រើនផងដែរ ដូចជាបង្កើតព្រឹត្តិការណ៍ដើរសំអាតទីក្រុង ជាពិសេសគឺបានឧបត្ថម្ភដល់មន្ទីរពេទ្យគន្ធបុប្ភាជាប្រចាំខែ ក៏ដូចជាមជ្ឈមណ្ឌលកុមាកំព្រា ហើយអ្វីដែលពិសេសជាងនេះទៅទៀតនោះគឺ Epic តែងតែជួយដល់បុគ្គលិកនៅក្នុងក្រុមហ៊ុនផ្ទាល់នៅពេលដែលពួកគាត់មានទុក្ខលំបាក។

លោក Faz Ghotbi បានរំលេចបន្ថែមទៀតថា ក្លិបកម្សាន្ត Epic មិនត្រឹមតែទាក់ទាញភ្ញៀវទេសចរណ៍ក្នុងស្រុកប៉ុណ្ណោះទេ ថែមទាំងទាក់ទាញភ្ញៀវទេសចរណ៍អន្តរជាតិផងដែរ ដែលកន្លងមកក្រុមការងារ Epic ក៏ធ្លាប់បានធ្វើការងារជាមួយនឹងក្រសួងទេសចរណ៍ និងទទួលបានការកោតសរសើរផងដែរ។ ចំណែកពាក់ព័ន្ធនឹងសំណួរដែលសួរថា តើ Epic មានគម្រោងបើកសាខាទី3 ដែរ ឬទេ? លោក Faz បានឆ្លើយថា Yes! វានឹងកើតឡើងនៅក្នុងឱកាសដ៏សមស្រពណាមួយ ហើយ Epic Group មិនត្រឹមតែចង់ពង្រីកវិសាលភាពនៅតែក្នុងប្រទេសកម្ពុជានោះទេ គឺមានគម្រោងពង្រីកឈ្មោះ Epic ទៅតាមបណ្ដាប្រទេសផ្សេងៗនៅជិតខាង ដូចជាថៃ និងមីយ៉ាន់ម៉ាជាដើម៕

July 6, 2018

ហាង គ្រីសស្ពី គ្រីម ទូទាំងពិភពលោក ធ្វើនំដូហ្វណាត់សូកូឡាយ៉ាងពិសេស ក្នុងទិវាសូកូឡាពិភពលោក

ហាងនំដូហ្វណាត់ និងកាហ្វេគ្រីសស្ពី គ្រីម (Krispy Kreme) ទូទាំងពិភពលោកនឹងប្រារព្ធកម្មវិធីដ៏អស្ចារ្យមួយដែលហៅថា “ទិវាសូកូឡាពិភពលោក” World Chocolate Day។ ទិវានេះនឹងប្រារព្ធធ្វើឡើងនៅលើទ្វីបទាំង6លើពិភពលោកដែលនាំមកនូវនំដូហ្វណាត់សូកូឡាថ្មីដែលមានរសជាតិដ៏អស្ចារ្យមិនធ្លាប់មានពីមុនមកសម្រាប់ការលក់ក្នុងថ្ងៃតែមួយដូចគ្នាតែមួយថ្ងៃគត់ គឺថ្ងៃទី7 ខែកក្កដា ឆ្នាំ2018។

ការបង្កើតឡើងនូវគំនិតដ៏មហិមានៃការផ្សំរវាងនំដូហ្វណាត់រសជាតិដើម និងស្ករសូកូឡា បានបង្កើតជាបទពិសោធដ៏ថ្មីសន្លាងមួយទៀតសម្រាប់អតិថិជនដែលចូលចិត្តនំដូហ្វណាត់ និងស្ករសូកូឡា។ អតិថិជននៅប្រទេសកម្ពុជា ក៏ដូចជាអតិថិជនស្ថិតនៅលើផែនដីទាំងមូល អាចរាប់ថយក្រោយនូវទិវាសូកូឡាពិភពលោកដែលនឹងមកដល់នៅថ្ងៃទី7 ខែកក្កដា ឆ្នាំ2018 នៅចុងសប្ដាហ៍នេះ។

លោក ងន សាំង នាយកប្រតិបត្តិនៃក្រុមហ៊ុន អ អិម អេ ខេមបូឌា គ្រុប (RMA CambodiaGroup) បានបញ្ចាក់យ៉ាងដូច្នេះថា “នេះជាលើកទីមួយហើយសម្រាប់ប្រជាជនកម្ពុជា និងអតិថិជនកម្ពុជាដែលមានឱកាសចូលរួមជាមួយនឹងប្រជាជនស្ថិតនៅតាមបណ្ដាប្រទេសផ្សេងៗលើពិភពលោកទូទាំង 29ប្រទេសដើម្បីភ្លក្សរសជាតិថ្មីសន្លាងនៃនំដូហ្វណាត់ដ៏ស្រទន់ និងបានឃើញការហូរស្រក់របស់សូកូឡាទៅលើនំដូហ្វណាត់តាមរយៈហាងនំដូហ្វណាត់ និងកាហ្វេគ្រីសស្ពី គ្រីម នៅក្នុងព្រះរាជាណាចក្រកម្ពុជា ដែលនឹងមកដល់ថ្ងៃទី7 កក្កដានេះ។

តាមរយៈទិវាសូកូឡាពិភពលោកនេះផងដែរ គ្រីសស្ពី គ្រីម នឹងចែករំលែកនូវវីដេអូ និងរូបភាពអំពីការប្រារព្ធទិវានេះនៅតាមបណ្ដាប្រទេសទាំងអស់លើសកលលោកនៅលើ Twister Channel របស់គ្រីសស្ពី គ្រីម (@krispykreme) ហើយសូមកុំភ្លេចចែករំលែកនូវភាពសប្បាយរីករាយរបស់អ្នកតាមរយៈការប្រើប្រាស់ hashtag #WorldChocolateDay និង tagging @krispykreme នៅតាមប្រព័ន្ធផ្សព្វផ្សាយសង្គម ហ្វេសប៊ុក ៕

July 6, 2018

ក្រុមហ៊ុន Samsung បានបរិច្ចាកថវិកាចំនួន 5,100,000រៀលពីកម្មវិធី “Slow-mo Challenge’’ របស់ Samsung Galaxy S9/S9+ ជូនទៅមន្ទីពេទ្យគន្ធបុប្ផា

នៅថ្ងៃទី05 ខែកក្កដា ឆ្នាំ2018 ក្រុមហ៊ុនសាមសុង បានធ្វើការប្រគល់ថវិកាជូនដល់មន្ទីពេទ្យគន្ធបុប្ផា ពីកម្មវិធី “Slow-mo Challenge’’ របស់ Galaxy S9/S9+ ដើម្បីចូលរួចចំណែកជួយដល់កុមារកម្ពុជាដែលទទួលការព្យាបាលពីមន្ទីពេទ្យនេះ។

ការបង្កើតកម្មវិធីនេះឡើងគឺដើម្បីផ្តល់ឱកាសដល់អតិថិជនសាមសុងទាំងអស់ក្នុងការចូលរួចចំណែកផ្តល់វិភាគទានជូនដល់សង្គមនិងបង្ហាញពីសម្ថតភាពដ៏អស្ចារ្យរបស់កំពូលទូរស័ព្ទស្មាតហ្វូនគឺ Samsung Galaxy S9/S9+ ។

លើសពីនេះទៅទៀតអតិថិជនដែលស្រឡាញ់ពេញចិត្តនឹងផលិតផលសាមសុង មិនត្រឹមតែបានរីករាយជាមួយនឹងមុខងាររបស់ទូរស័ព្ទប៉ុណ្ណោះទេ ប៉ុន្តែពួកគាត់ក៏បង្កើតបាននូវអនុស្សាវរីយ៍ល្អៗជាមួយមិត្តភក្តិ ហើយជាមួយគ្នានោះដែរ ពួកគាត់ក៏បានចូលរួមជួយដល់កុមារៗនៅមន្ទីរពេទ្យគន្ធបុប្ផាផងដែរ។

កម្មវិធីនេះត្រូវបានប្រកាសឲ្យចាប់ផ្ដើមកាលពីថ្ងៃទី15 ខែឧសភា ដល់ថ្ងៃទី5 ខែកក្កដា ឆ្នាំ2018កន្លងទៅនេះហើយទទូលបានការចូលរួមចំនួន 110 វីដេអូ ហើយវីដេអូនីមួយៗក្រុមហ៊ុនបរិច្ចាកទឹកប្រាក់ចំនួន១០,០០០រៀលទៅមន្ទីរពេទ្យគន្ធបុប្ផា។

មិនត្រឹមតែប៉ុណ្ណោះ ក្រុមហ៊ុនក៏បានបរិច្ចាក ទឹកប្រាក់ចំនួន 4,000,000រៀលបន្ថែមទៀតពីលើការបង្កើតវីដេអូនេះផងដែរ។នេះបើតាមប្រសាសន៏របស់លោក Seungho Choi អគ្គនាយកសាខាក្រុមហ៊ុនថៃសាមសុងអេឡិចត្រូនិកប្រចាំប្រទេសកម្ពុជា។

ដោយឡែកអ្នកដែលបានចូលរួមក្នុងការបង្កើតវីដេអូនេះក៏មានឱកាសឈ្នះរង្វាន់ Samsung Galaxy S9+ ( 256GB) 1គ្រឿងផងដែរ។

លោក មាស កក្កដា ដែលជាអ្នកឈ្នះរង្វាន់ Samsung Galaxy S9+ ( 256GB) 1គ្រឿង ពីការបង្តើតវីដេអូSlow-moបាននិយាយថា៖«នេះគឺជាលើកទីមួយហើយដែលខ្ងុំបានចូលរួមក្នុងការបង្កើតវីដេអូក្នុងកម្មវិធី “Slow-mo Challenge’’ របស់ក្រុមហ៊ុនសាមសុងដើម្បីចូលរួមជួយដល់កុមារកម្ពុជាក៏ដូចជារួមចំណែកជួយដល់សង្គមជាតិផងដែរហើយខ្ងុំជឿជាក់ថាក្រុមហ៊ុនសាមសុងនឹងមានកម្មវិធីល្អៗជាច្រើនទៀតដើម្បីបើកឱកាសឲ្យកាន់តែទូលំទូលាយក៏ដូចជាការបំផុសទឹកចិត្តស្រលាញ់និងចូលរួមចំណែកជួលដល់សង្គមជាតិហើយក៏សូមជូនពរក្រុមហ៊ុនសាមសុងទទួលបានភាពជោគជ័យ និងបន្តបង្កើតបច្ចេកវិទ្យាដ៏ទំនើបៗបន្តទៀតដើម្បីបំពេញតម្រូវការសព្វថ្ងៃរបស់អតិថិជន»៕

July 6, 2018

បច្ចេកវិទ្យា Inverter របស់ LG មានតួនាទីដ៏សំខាន់ក្នុងការផលិតឧបករណ៍ប្រើប្រាស់ក្នុងផ្ទះដ៏ល្អបំផុតរបស់ពិភពលោក

ទូរទឹកកកដ៏ទំនើបដែលមានគ្រឿងបន្លាស់ជាង 1400 ផ្នែក។ ផ្នែកដ៏សំខាន់បំផុតគឺម៉ូទ័រ និងកុំប្រេសស័រ ដែលជាហេតុធ្វើអោយក្រុមហ៊ុន LG ផលិតឧបករណ៍ប្រើប្រាស់ក្នុងផ្ទះដ៏មានប្រជាប្រិយភាព និងឈានមុខគេ ហើយដែលផ្តល់នូវសមត្ថភាពពិសេសខុសគេ ប្រសិទ្ធភាពថាមពលខ្ពស់ និងមានមុខងារស្រួលប្រើជាច្រើន ដើម្បីបំពេញចិត្តរបស់អតិថិជន។ ប្រភេទ Inverter ម៉ូទ័រ និងកុំប្រេសស័រ គឺជាស្តង់ដារ ដែលមាននៅក្នុងផលិតផលប្រើប្រាស់ក្នុងផ្ទះជាច្រើនប្រភេទរបស់ក្រុមហ៊ុនLG និងផ្តល់ឱ្យផលិតផលរបស់ក្រុមហ៊ុន មានគុណសម្បត្តិ និងគុណភាពខ្ពស់ល្អផ្តាច់គេ។

អាវុធសម្ងាត់របស់ LG Inverter គឺការគ្រប់គ្រងល្បឿន

គុណសម្បត្តិដ៏សម្ងាត់នៃ Inverter ម៉ូទ័រ និងកុំប្រេសស័ររបស់LG ទៅលើម៉ូដែលធម្មតា គឺមានការគ្រប់គ្រងល្បឿនបានយ៉ាងច្បាស់លាស់ មិនថាវាជាម៉ាស៊ីនបោកគក់ ទូរទឹកកក ម៉ាស៊ីនត្រជាក់ ឬ Microwave នោះទេ។ LG Inverter ធ្វើការកំណត់ល្បឿន និងធ្វើការបង្វិលម៉ូទ័រកុំប្រេសស័រ ដែលអាស្រ័យលើស្ថានភាពល្បឿនយ៉ាងស្វ័យប្រវត្តិ ដើម្បីបង្កើននូវប្រសិទ្ធភាពដោយប្រើប្រាស់ថាមពលតិច និងសម្លេងស្ងាត់ល្អ។

រក្សាចំណីអាហារអោយនៅស្រស់បានកាន់តែយូរ

ទូរទឹកកករបស់ក្រុមហ៊ុន LG រក្សាអាហារអោយនៅស្រស់បានរយៈពេលយូរ ដោយសារតែបច្ចេកវិទ្យា Inverter ធ្វើការរក្សាសីតុណ្ហភាពអោយប្រែប្រួលបានយ៉ាងល្អប្រសើរ។ ទូរទឹកកក LG កំណត់សីតុណ្ហភាពខាងក្នុងទូរទឹកកកក្នុងគម្លាត ±0.5˚C អង្សារសេ ពាក់កណ្តាលនៃសីតុណ្ហភាពចុះឡើងនៃ ទូរទឹកកកម៉ូដែលគ្មាន Inverter ដែលឡើងចុះក្នុងសីតុណ្ហភាព (±1.0˚C). អង្សារសេ។

បោកគក់សំលៀកបំពាក់ស៊ីភ្លើងតិច

បច្ចេកវិទ្យា Inverter ធ្វើអោយការបោកគក់ម្តងសុីភ្លើងត្រឹមតែ 67 វ៉ាត់តែប៉ុណ្ណោះ ។ វាសុីភ្លើងតិចជាងប្រភេទម៉ាសុីនបោកគក់ធម្មតា 36 % វាសុីភ្លើងស្មើនឹងម៉ាសុីនសម្ងួតសក់រយៈពេល ៤ នាទី។ នេះមិនមែនមានន័យការប្រើថាមពលតិចហើយបោកមិនស្អាតនោះទេ សំលៀកបំពាក់បោកគក់រួចចេញមកក្រៅនៅតែស្រស់ស្អាតជានិច្ច។

ស៊ីភ្លើងកាន់តែតិចត្រជាក់កាន់តែលឿន

សម្រាប់ម៉ាស៊ីនត្រជាក់ក្នុងផ្ទះ LG Inverter ធានាអានុភាពត្រជាក់ដ៏អស្ចារ្យ និងការសន្សំសំចៃអគ្គីសនីបានយ៉ាងល្អ។ ម៉ាស៊ីនត្រជាក់របស់ក្រុមហ៊ុន LG ប្រើប្រាស់អគ្គិសនីតិចជាងមុន 70 % និងផ្តល់ភាពត្រជាក់ជាងមុន 40 % លឿនជាងម៉ាស៊ីនត្រជាក់ធម្មតា ដែលមិនប្រើបច្ចេកវិទ្យា Inverter

ជាឧបករណ៍ក្នុងផ្ទះបាយដ៏ចំណាន

បច្ចេកវិទ្យា Inverter ផ្តល់ថាមពលដល់ Microwave លើសពីមុន ដោយផ្តល់ កំដៅដល់អាហារខ្លាំង និងលឿនជាងមុន។ តាមរយៈការកំណត់សីតុណ្ហភាពនៃ Microwave ដែលកាត់បន្ថយគម្លាតសីតុណ្ហភាពត្រឹមតែ 3 អង្សាសេ ហើយវាជាផ្នែកគួរឱ្យកត់សម្គាល់ បើប្រៀបធៀបទៅនឹងម៉ូដែលមិនមាន Inverter ដែលធានាបាននូវអាហារឆ្អិនល្អក្នុងរយៈពេលយ៉ាងលឿន។

Inverter កាន់តែប្រសើរឧបករណ៍ប្រើប្រាស់កាន់តែល្អ

LG Inverter ជាក្បាលម៉ាស៊ីននៃឧបករណ៍ប្រើប្រាស់ក្នុងផ្ទះ ដែលរក្សាថាមពលបានរហូតដល់ទ្វេដង និងដំណើរការបានយ៉ាងល្អប្រសើរ និងបានធ្វើឱ្យឧបករណ៍ប្រើប្រាស់របស់ក្រុមហ៊ុន LG ក្លាយជាស្តង់ដាឧស្សាហកម្មសកលលោក។ សម្រាប់ក្រុមហ៊ុន LG Inverters កាន់តែប្រសើរមានន័យស្មើនឹង ឧបករណ៍ប្រើប្រាស់កាន់តែល្អប្រសើរ។

July 5, 2018

ក្រុមហ៊ុនអ័រគីដេវីឡា រៀបចំកម្មវិធីអបអរការលក់គម្រោងអ័រគីដេវីឡាដឹរ៉ូយ៉ាល់ផ្លូវ2004 អស់100%

អ័រគីដេវីឡា ដឹរ៉ូយ៉ាល់ផ្លូវ2004 បានរៀបចំកម្មវិធីអបអរសារទរការលក់អស់ 100ភាគរយ ក៏ដូចជាការថ្លែងអំណរគុណដល់អតិថិជនដែលគាំទ្រ និងបានទិញផ្ទះនៃគម្រោងអ័រគីដេវីឡា ដឹរ៉ូយ៉ាល់ នាល្ងាចថ្ងៃទី 30 ខែមិថុនា ឆ្នាំ2018 នៅទីតាំងការិយាល័យលក់ផ្លូវ2004 សង្កាត់អូរបែកក្អម ខណ្ឌសែនសុខ រាជធានីភ្នំពេញ។

ក្រុមហ៊ុនអ័រគីដេវីឡា បានផ្តល់ជូនអតិថិជននូវគេហដ្ឋានដ៏ល្អប្រណិត និងស្របទៅតាមទីផ្សារសម្រាប់ប្រជាជនកម្ពុជា។ ជាក់ស្តែងគម្រោងអ័រគីដេវីឡា ដឹរ៉ូយ៉ាល់គឺជាគម្រោងទី2 ដែលបានចាប់ផ្តើមឡើងក្នុងឆ្នាំ2015កន្លងមក បន្ទាប់ពីភាពជោគជ័យពីគម្រោងដំបូងទី1 មានឈ្មោះថា អ័រគីដេវីឡា ដឹហ្គ្រេន ដែលត្រូវបានលក់អស់ក្នុងរយៈពេលត្រឹមតែ 3ខែតែប៉ុណ្ណោះ។

គម្រោងទាំងមូលរបស់អ័រគីដេវីឡា ដឹរ៉ូយ៉ាល់ បច្ចុប្បន្នបានលក់អស់ 100ភាគរយ ដែលក្នុងនោះផ្ទះប្រកបអាជីវកម្មហ្សប ហោសត្រូវបានសាងសង់រួចរាល់ ព្រមទាំងមានអតិថិជនជាច្រើនបានចូលស្នាក់នៅ ក៏ដូចជាប្រកបអាជីវកម្មផងដែរ។ ក្នុងនោះដែរ គម្រោងខុនដូរអ័រគីដេដឹរ៉ូយ៉ាល់ខុនដូមីនីម ដែលមានទីតាំងនៅជាមួយគ្នាផងដែរនោះ ក៏ទទួលបានការចាប់អារម្មណ៍ពីសំណាក់អតិថិជនជាតិ និងអន្តរជាតិ ដោយគម្រោងទាំងមូលលក់អស់ជាង 60ភាគរយ។

គួរបញ្ចាក់ផងដែរថា ក្រុមហ៊ុនអ័រគីដេវីឡា ក៏មានគម្រោងដ៏ធំមួយទៀតមានឈ្មោះថា អ័រគីដេវីឡា ដឹប៊ូតានិចស៊ីធី ដែលមានទីតាំងនៅខណ្ឌជ្រោយចង្វារ គ្របដណ្តប់លើផ្ទៃដីជិត 200ហិចតា ហើយត្រូវបានលក់អស់ជាង 50ភាគរយនៃ៣ផ្នែកដំបូងនៃគម្រោងទាំងមូល៕

July 2, 2018

T-Shop សាខា Aeon Mall សែនសុខបើកសម្ពោធជាមួយការផ្តល់ជូនប្រូម៉ូសិនយ៉ាងសន្ធឹកសន្ធាប់

T-Shop ជាក្រុមហ៊ុននាំចូលផ្តាច់មុខនូវសម្ភារៈ Accessary ទូរសព្ទ័ និងគ្រឿងអេឡិចត្រូនិចយ៉ាងសម្បូរបែបនៅកម្ពុជា ដែលត្រូវបានគាំទ្រយ៉ាងច្រើនពីសំណាក់អ្នកប្រើប្រាស់ជាពិសេសយុវវ័យ ឥលូវនេះបានពង្រីកបណ្តាញសាខារបស់ខ្លួនបន្ថែម គឺសាខាទី13នៅផ្សារទំនើប ដោយការប្រារព្ធធ្វើពិធីសម្ភោធបើកលក់ជាផ្លូវការ កាលពីថ្ងៃទី 29ខែមិថុនា ឆ្នាំ2018។

នៅក្នុងកម្មវិធីសម្ភោធនេះ T-Shop បានបង្កើតនូវកម្មវិធីល្បែងសប្បាយៗ ការផ្តល់ជូននូវរង្វាន់ Lucky Draw រហូតដល់ 200រង្វាន់ ព្រមទាំងការលក់បញ្ចុះតម្លៃពិសេសរហូតទៅដល់ 50% លើផលិតផលគ្រឿង Accessary ទូរសព្ទ័ និងគ្រឿងអេឡិចត្រូនិចមួយចំនួនទៅដល់អតិថិជនផងដែរ។

កញ្ញា អ៊ុយ អ៊ែលណា អគ្គនាយិការងនៃក្រុមហ៊ុន T-Shop បានឲ្យដឹងថា កញ្ញាមានភាពសប្បាយរីករាយជាខ្លាំងចំពោះការគាំទ្រពីសំណាក់អតិថិជន ដែលបានធ្វើឲ្យ T-shop មានការរីកចម្រើនយ៉ាងខ្លាំងក្នុងរយៈពេល 2ឆ្នាំកន្លងមកនេះ។ កញ្ញា អ៊ែលណា បានសង្កេតឃើញថាបច្ចុប្បន្នសន្ទុះនៃការប្រើប្រាស់ស្មាតហ្វូន ពីសំណាក់ប្រជាជនខ្មែរមានការកើនឡើង ដូចច្នេះហើយកញ្ញាចង់ផ្តល់ភាពងាយស្រួល ក៏ដូចជាបទពិសោធល្អៗក្នុងការប្រាស់ប្រាស់សម្ភារៈដែលទាក់ទិននឹងបច្ចេកវិទ្យា ជាពិសេសការផ្តល់ជូននូវផលិតផលដែលមានគុណភាព និងតម្លៃសមរម្យទៅដល់ប្រជាជនខ្មែរ។

គួរបញ្ចាក់ដែរថា សព្វថ្ងៃនេះក្រុមហ៊ុនT-Shop បានពង្រីកសាខាររបស់ខ្លួនចំនួន 15សាខានៅក្នុងរាជធានី និងតាមបណ្តាខេត្តមួយចំនួន។ ក្នុងនោះ T-shop នឹងគ្រោងបើកជាផ្លូវការនូវសាខាទី14 និងទី 15របស់ខ្លួននៅ T-Shop Eden Garden និង T-Shop Heritage Walk នៅខេត្តសៀមរាបនាពេលខាងមុខឆាប់ៗនេះផងដែរ៕

July 2, 2018

ក្រសួងប្រៃសនីយ៍កម្ពុជា និងក្រុមហ៊ុនខេធីកូរ៉េ បំពាក់ប្រព័ន្ធបច្ចេកវិទ្យា Wi-Fi ឱ្យ វិទ្យាល័យហ៊ុន សែនទួលខ្ពស់កំពង់ឆ្នាំង

ភ្នំពេញ៖ ដូចការគ្រោងទុកក្រសួងប្រៃសនីយ៍កម្ពុជា និងក្រុមហ៊ុនខេធីកូរ៉េ កាលពីថ្ងៃទី ២៩ ខែមិថុនា ឆ្នាំ ២០១៨ នេះ បានរួមគ្នាចុះបើកសម្ពោធសម្ធិផលអគារវិទ្យាល័យហ៊ុនសែនទួលខ្ពស់ ដែលស្ថិតនៅភូមិរកាទង ឃុំទួលខ្ពស់ ស្រុកទឹកផុស ខេត្តកំពង់ឆ្នាំង និងដាក់ឲ្យដំណើរការប្រព័ន្ធ Digital Connectivity for School ដែលជាកិច្ចសហប្រតិបត្តិការរវាងក្រសួង ប.ទ.ជាមួយសាជីវកម្មទូរគមនាគមន៍កូរ៉េ (KT) ដែលអាចប្រយោជន៍សម្រាប់ការសិក្សាពីចម្ងាយ និងឧបករណ៍អេឡិកត្រូនិកទំនើបៗនៅតាមវិទ្យាល័យ។

ឯកឧត្ដមរដ្ឋមន្ត្រី ត្រាំ អ៊ីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា មានប្រសាសន៍ឲ្យដឹងថា៖ ការតភ្ជាប់សាលារៀនឌីជីថលកម្ពុជាត្រូវបានអភិវឌ្ឍក្នុងរយៈពេលជាង ២០ ឆ្នាំមកហើយ ជាមួយនឹងកំណើនផលទុនជាតិសរុបនៅប្រទេសកម្ពុជា (GDP) សរុបជាមធ្យមប្រហែល៧% ក្នុងមួយឆ្នាំ ហើយត្រូវបានគេព្យាករណ៍ថានឹងបន្តកំណើនរបស់ខ្លួននាពេលអនាគត។ ការរួមចំណែកសំខាន់ចំពោះកំណើនរហូតមកដល់ពេលនេះ គឺដោយសារមានសុខសន្តិភាព និងស្ថេរភាពនៅក្នុងប្រទេស ជាមួយនឹងការបើកទូលាយនៅក្នុងគោលនយោបាយចំពោះការវិនិយោគពីបរទេស។

ក្នុងជំហានបន្ទាប់នៃការអភិវឌ្ឍប្រទេសកម្ពុជា គឺការផ្តោតទៅលើគុណភាពនៃកំណើន។ ដែលមានន័យថាប្រទេសកម្ពុជាត្រូវមានយុទ្ធសាស្ត្របន្ថែមទៀតទៅលើផែនការអភិវឌ្ឍន៍របស់ខ្លួន ក៏ដូចជាទាក់ទាញការវិនិយោគដែលមានគុណភាពបន្ថែមទៀតទៅលើវិស័យយុទ្ធសាស្ត្រសំខាន់ៗរបស់ខ្លួន។ ការអភិវឌ្ឍនាពេលអនាគតនឹងត្រូវពឹងផ្អែកយ៉ាងខ្លាំងលើបច្ចេកវិទ្យានិងការរួមបញ្ចូលគ្នានៃវិស័យបច្ចេកវិទ្យា ដើម្បីជួយកែលម្អការសម្រេចចិត្ត ការរៀបចំផែនការ ការប្រកួតប្រជែង និងគុណភាពដ៏ល្អនៃជីវិតសម្រាប់មនុស្សគ្រប់គ្នា។ វាច្បាស់ណាស់ថាបច្ចេកវិទ្យាគឺជាអ្នកកំណត់និន្នាការនានានៅទូទាំងពិភពលោក។ សំខាន់ជាងនេះទៀតបណ្ដារអង្គការអន្តរជាតិដូចជា អង្គការសហប្រជាជាតិ សហភាពអឺរ៉ុប សមាគមអាស៊ាន ITU និង WEF ជាដើម កំពុងលើកទឹកចិត្តដល់ប្រទេសទាំងអស់ឲ្យទទួលយកនូវបច្ចេកវិទ្យាដែលនឹងជះឥទ្ធិពលដល់ការអភិវឌ្ឍន៍របស់ប្រទេស ក៏ដូចជាដើម្បីចូលរួមបដិវត្តន៍ឧស្សាហកម្មលើកទី។

ឯកឧត្ដមបន្តថា ក្រសួងប្រៃសណីយ៍ និងទូរគមនាគមន៍កំពុងជួយគាំទ្រដល់ការអភិវឌ្ឍប្រទេសដោយផ្តោតលើគម្រោង និងកម្មវិធីដែលកំពុងជួយកម្ពុជាក្នុងការធ្វើទំនើបកម្ម និងរៀបចំសម្រាប់វិស័យសេដ្ឋកិច្ចឌីជីថលនិងបដិវត្តន៍ឧស្សាហកម្មលើកទី ៤ ។ ផ្អែកលើយុទ្ធសាស្ត្រ និងគោលនយោបាយចតុកោណរបស់រដ្ឋាភិបាលការអភិវឌ្ឍវិស័យទូរគមនាគមន៍នឹងក្លាយជាកត្តាគន្លឹះក្នុងការគាំទ្រដល់រដ្ឋាភិបាល វិស័យឯកជន សង្គមនិងវប្បធម៌ តាមរយៈការធ្វើឲ្យប្រសើរឡើងនូវការអភិវឌ្ឍន៍ និងគុណភាពនៃការអភិវឌ្ឍន៍សម្រាប់វិស័យទាំងអស់នោះ។

នេះគឺជាសូចនាករដ៏រឹងមាំមួយសម្រាប់ក្រសួងប្រៃសនីយ៍ និងទូរគមនាគមន៍ ដើម្បីជំរុញឲ្យមានគម្រោងតភ្ជាប់បន្ថែមដូចជា គម្រោង Wi-Fi សាធារណៈ និងការតភ្ជាប់ឌីជីថលទៅកាន់សាលារៀនជាគម្រោងមួយដែល ក្រសួងប្រៃសនីយ៍ និងទូរគមនាគមន៍ បានផ្តួចផ្តើមឡើងហើយនឹងបន្តគាំទ្រយ៉ាងពេញទំហឹងលើគម្រោងនេះនៅទូទាំងប្រទេស។

នៅថ្ងៃទី ៩ ខែឧសភា ឆ្នាំ ២០១៨ ក្រសួងប្រៃសនីយ៍ និងទូរគមនាគមន៍ បានផ្តល់ការគាំទ្រដល់ក្រុមហ៊ុនទូរគមនាគមន៍កម្ពុជា (TC) ដើម្បីដាក់ឲ្យដំណើរការគម្រោង Wi-Fi សាធារណៈនៅក្នុងរាជធានីភ្នំពេញដោយមានការសហការពីក្រុមហ៊ុន Korea Telecom (ខេធី) ។ ក្រុមហ៊ុនខេធីគឺជាក្រុមហ៊ុនទូរគមនាគមន៍ឈានមុខគេមួយរបស់ពិភពលោកដែលបានជួយប្រទេសកូរ៉េខាងត្បូងឲ្យអភិវឌ្ឍខ្លួនក្លាយជាប្រទេសឈានមុខគេនៅក្នុងការអភិវឌ្ឍបច្ចេកវិទ្យាគមនាគមន៍ និងព័ត៌មានវិទ្យា។ យោងតាមចំណាត់ថ្នាក់ពិភពលោកសម្រាប់សន្ទស្សន៍អភិវឌ្ឍន៍ ICT ដោយសហភាពទូរគមនាគមន៍អន្តរជាតិ (ITU) បានឲ្យដឹងថាប្រទេសកូរ៉េជាប់ចំណាត់ថ្នាក់លេខ ១ ឬទី ២ នៅលើពិភពលោកក្នុងរយៈ ៨ ឆ្នាំចុងក្រោយនេះ។

យើងមានសេចក្តីសោមនស្សរីករាយដែលមាន KT ធ្វើជាដៃគូដើម្បីជួយគាំទ្រដល់ការអភិវឌ្ឍវិស័យឧស្សាហកម្មបច្ចេកវិទ្យាគមនាគមន៍ព័ត៌មានវិទ្យាកម្ពុជា។ គម្រោង Wi-Fi សាធារណៈកំពុងប្រើបច្ចេកវិទ្យា Wi-Fi ចុងក្រោយបំផុតពីខេធី។

គម្រោងទាំងនេះនឹងអនុញ្ញាតឲ្យប្រជាជនកម្ពុជា និងភ្ញៀវទេសចរកាន់តែច្រើនដែលជាសសរស្តម្ភសេដ្ឋកិច្ចរបស់ប្រទេសកម្ពុជាអាចភ្ជាប់អ៊ិនធឺណិតដោយល្បឿនលឿនបំផុតរហូតដល់ ១ ជីហ្គាបៃក្នុងមួយវិនាទីនៅក្នុងតំបន់សាធារណៈធំ ៗ ដូចជាសួនច្បារសម្តេចហ៊ុនសែន, សួនច្បារមុខព្រះបរមរាជវាំង និងកន្លែងជាច្រើនទៀតដែលបានតភ្ជាប់ទាំងនៅរាជធានីភ្នំពេញនិងបណ្តាខេត្ត។

សព្វថ្ងៃនេះក្រសួងប្រៃសណីយ៍ និងទូរគមនាគមន៍មានក្តីសោមនស្សរីករាយយ៉ាងខ្លាំងក្នុងការគាំទ្រដល់ការបើកដំណើរការកម្មវិធីឌីជីថលសម្រាប់សាលារៀននៅវិទ្យាល័យហ៊ុនសែនទួលខ្ពស់ដោយមានការគាំទ្រពី TC និង KT ។ គោលបំណងនៃគម្រោងនេះគឺដើម្បីនាំមកនូវការតភ្ជាប់ទៅសាលារៀននៅទូទាំងប្រទេសតាមរយៈការបង្កើនការតភ្ជាប់អ៊ីនធឺណិតដែលនឹងអនុញ្ញាតឲ្យសាលារៀនភ្ជាប់ទៅការអប់រំឌីជីថលបន្ថែមទៀតដើម្បីសម្រាប់សាលាទាំងមូល។ យើងសង្ឃឹមថានឹងទទួលការគាំទ្រនិងសហការបន្ថែមទៀតជាមួយអ្នកពាក់ព័ន្ធសំខាន់ៗដូចជា ក្រសួងអប់រំ យុវជន និងកីឡា សហភាពសហព័ន្ធយុវជនកម្ពុជានិងអង្គការអប់រំអន្តរជាតិ។

លើសពីនេះទៀតយើងសង្ឃឹមថានឹងបង្កើតកម្មវិធីអប់រំសាធារណៈបន្ថែមទៀតដើម្បីជួយលើកកម្ពស់ទីក្រុងស្អាត គ្មានគ្រឿងញៀន និងកម្មវិធីអប់រំស្ទែម (STEM) ។ យើងសង្ឃឹមថាកម្មវិធីសាធារណៈទាំងនេះនឹងជួយកែលម្អអាកប្បកិរិយា និងការយល់ដឹងរបស់សាធារណៈជនដើម្បីជួយលើកកម្ពស់សកម្មភាពរួមគ្នានិងផលប្រយោជន៍របស់យើងទាំងអស់គ្នា។ យើងមានគម្រោងគាំទ្រកម្មវិធីទាំងនេះតាមរយៈការប្រើមូលនិធិសកល និងមូលនិធិ R&D Fund ដែលត្រូវបានគាំទ្រដោយក្រុមហ៊ុនទូរគមនាគមន៍ និងក្រុមហ៊ុនផ្តល់សេវាអ៊ិនធឺណេតទាំងអស់។ យើងខ្ញក៏សង្ឃឹមផងដែរដើម្បីលើកកម្ពស់គំនិតបន្ថែមទៀតដែលនឹងជួយផ្តល់ឲ្យប្រជាជនកម្ពុជានូវចក្ខុវិស័យច្បាស់លាស់អំពីការអភិវឌ្ឍន៍របស់ប្រទេសកម្ពុជានិងត្រៀមខ្លួនចូលរួមក្នុងវិស័យសេដ្ឋកិច្ចឌីជីថលយ៉ាងឆាប់រហ័ស និងបដិវត្តន៍ឧស្សាហកម្មលើកទី៤ ដែលនឹងផ្តោតលើបញ្ញាសិប្បនិម្មិត អ៊ីនធឺណិតនៅក្នុងការរស់នៅប្រចាំថ្ងៃ និង ការទាញយកទិន្នន័យធំ។

នៅពេលអនាគតយើងក៏សង្ឃឹមផងដែរក្នុងការសហការជាមួយកម្មវិធីអន្តរជាតិជាច្រើនទៀតដូចជា កម្មវិធីទប់ស្កាត់ជំងឺឆ្លងទូទាំងពិភពលោកដែលនឹងសហការជាមួយប្រទេសជាច្រើនក្នុងការជួយប្រយុទ្ធប្រឆាំងនឹងគ្រោះថ្នាក់នៃជំងឺឆ្លងទូទាំងពិភពលោកដូចជា H1N1, Zika, Ebola … ដែលមានផលប៉ះពាល់ដល់សេដ្ឋកិច្ចនិងការអភិវឌ្ឍសង្គម។ ក្រសួងប្រៃសនីយ៍ និងទូរគមនាគមន៍ប្តេជ្ញាធ្វើការជាមួយអ្នកពាក់ព័ន្ធសំខាន់ៗ ទាំងអស់ក្នុងតំបន់ និងអន្តរជាតិដើម្បីធានាថារដ្ឋាភិបាលកម្ពុជានឹងធ្វើឲ្យកម្មវិធីទាំងនេះជាអាទិភាពក្នុងការជួយធ្វើទំនើបកម្មប្រទេសនៅក្នុងគ្រប់វិស័យទាំងអស់ និងដើម្បីអភិវឌ្ឍប្រកបដោយចីរភាពជាមួយនឹងការប្តេជ្ញាចិត្តចំពោះប្រកបដោយគុណភាព។ អ្វីដែលសំខាន់បំផុតនោះគឺកម្ពុជាក្លាយទៅជាប្រទេសដ៏ល្អ និងលើកកម្ពស់គុណភាពជីវិតសម្រាប់ប្រជាជនកម្ពុជាគ្រប់ៗជំនាន់៕

July 1, 2018

សម្លៀកបំពាក់ម៉ាក Superdry បើកសម្ពោធជាផ្លូវការហាងទី1របស់ខ្លួននៅកម្ពុជា

ភ្នំពេញ៖ ម៉ាកសញ្ញាហ្វេសិនដ៏ទាន់សម័យរបស់អង់គ្លេស Superdry បានបើកសម្ពោធហាងទីមួយរបស់ខ្លួននៅផ្សារទំនើបអ៊ីអន សែនសុខ រាជធានីភ្នំពេញ ប្រទេសកម្ពុជា ដើម្បីពង្រីកទីផ្សាររបស់ខ្លួនមួយជំហានបន្ថែមទៀត ដែលមានទីតាំងស្ថិតនៅផ្សារទំនើប អ៊ីអន សែនសុខ ស៊ីធី នានៅថ្ងៃទី29 ខែមិថុនា ឆ្នាំ2018នេះ។

កម្មវិធីសម្ពោធជាផ្លូវការហាងសម្លៀកបំពាក់ម៉ាក Superdry ប្រព្រឹត្តទៅយ៉ាងអធិកអធមក្រៃលែងជាមួយនឹងវត្តមានតារាកិត្តិយសល្បីៗប្រចាំព្រះរាជាណាចក្រកម្ពុជាជាច្រើនរូប ព្រមទាំងមានវត្តមានតារាសម្តែងដ៏ល្បីប្រចាំព្រះរាជាណាចក្រថៃផងដែរ គឺ លោក Mark Prin ផងដែរ។

ទន្ទឹមនឹងការបើកសម្ពោធហាងរបស់ខ្លួននេះ ហាង Superdry បាននាំមកជូនអតិថិជនទាំងអស់នូវឈុតខូលិកសិនរដូវក្តៅដ៏ស្រស់ស្អាត ដែលនឹងធ្វើឱ្យអ្នកនឹកឃើញដល់ឆ្នេរសមុទ្រពណ៌មាស និងផ្ទៃសមុទ្រពណ៌ខៀវ។ Superdry SS18 បានបញ្ចេញនូវការរចនាដែលប្រកបដោយផាសុកភាពលាយបញ្ចូលនូវម៉ូដស្អាតទាក់ទាញ ធ្វើឱ្យអ្នកពាក់មានទំនុកចិត្តទ្វេដង។

ដោយឡែក សម្លៀកបំពាក់បុរស ត្រូវបានរចនាឡើងប្រកបដោយថាមពល និងរស់រវើកក្នុងរដូវនេះ ដោយអាចប្រើបានសឹងគ្រប់កាលៈទេសៈ។ ការរចនាពិសេសនេះគឺការរចនាបែបមានស្រទាប់ មើលទៅជាស្ទីលទាន់សម័យ ងាយស្រួលពាក់ បូករួមនឹងការផ្តោតសំខាន់ទៅលើគុណភាពសម្លៀកបំពាក់ផងដែរ។
អ្វីដែលពិសេសនោះ ខូលិកសិនរដូវក្តៅ Superdry ត្រូវបានរចនាឡើង ដើម្បីធ្វើឱ្យការលេងកីឡា ធ្វើដំណើរកម្សាន្ត និងដំណើរផ្សងព្រេងនៅខាងក្រៅរបស់អ្នក ពោរពេញដោយថាមពល ហើយក្លាយជាអនុស្សាវរីយ៍រដូវក្តៅដ៏សប្បាយរីករាយ។

ហាងទី1 របស់ Superdry Cambodia ស្ថិតនៅក្នុងហាងលេខ T014 ជាន់ផ្ទាល់ដី ផ្សារទំនើបអ៊ីអនសែនសុខ ផ្លូវលេខ 1003 ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

មាកសញ្ញា Superdry ត្រូវបានបង្កើតឡើងក្នុងឆ្នាំ2003 បន្ទាប់ពីមានការជំរុញចិត្តមួយក្នុងដំណើរទៅកាន់ទីក្រុងតូក្យូ ដែលមានបំណងបង្កើតសម្លៀកបំពាក់ដែលភាពដាច់ដោយឡែក និងលេចធ្លោ តាមរយៈរូបភាពសិល្បរបស់ជប៉ុន និងរសនិយមបែបបុរាណរបស់អាមេរិក បូករួមនឹងការថ្នៃប្រឌិតថ្មីតាមបែបអង់គ្លេស។ Superdry គឺម៉ាកសញ្ញាសម្លៀកបំពាក់ដែលរចនាឡើង ដើម្បីឆ្លុះបញ្ចាំងពីអត្តចរិត និងស្ទីលរបស់អ្នកពាក់ តែមិនកំណត់អាយុ មានគុណភាពខ្ពស់ និងតម្លៃសមរម្យ។ Superdry មានហាងចំនួន169 នៅក្នុង45ប្រទេស ដែលរួមមានហាងល្បីៗនៅទីក្រុងឡុងដ៍ ញូវយ៉ក ប៊ែរឡាំង បូឡូញ និងប្រេស៊ីលផងដែរ៕

June 30, 2018

ផ្សារទំនើបខ្នាតតូច Quick & Easy ទើបបើកថ្មី តែមានមហិច្ឆតាខ្ពស់ក្នុងទីផ្សារលក់រាយ

ដោយមើលឃើញពីតម្រូវការក្នុងទីផ្សារលក់រាយ ផ្សារទំនើបខ្នាតតូច Quick & Easy បានបើកសម្ពោធជាផ្លូវការនៅសង្កាត់បឹងកេងកង1 រាជធានីភ្នំពេញ ជាមួយនឹងមហិច្ឆតាពង្រីកបន្ថែមសាខាកាន់តែច្រើនបន្តបន្ទាប់រហូតដល់ទៅ 100 សាខានៅពាសពេញផ្ទៃប្រទេសកម្ពុជា ជាពិសេសតាមតំបន់ផ្សេងៗនៅក្នុងរយៈពេល 2-3 ឆ្នាំខាងមុខទៀត ខណៈបច្ចប្បន្នក្រុមហ៊ុនបានបើកបាន 5 សាខាគិតត្រឹមថ្ងៃបើកសម្ពោធនេះ។

Quick & easy គឺជាហាងលក់ទំនិញទំនើបគ្រប់ប្រភេទ ជាមួយនឹងសាជីវកម្មអន្ដរជាតិ ដែលផ្ដល់ជូនអតិថិជនចម្រុះគ្រប់ស្រទាប់តាមបែបយុវវ័យ សិស្សនិស្សិត អ្នកធ្វើការ ភ្ញៀវទេសចរ និងអ្នកដែលមមាញឹកនឹងការងារនៅក្នុងប្រទេសកម្ពុជា។ ហាងទំនើបនេះត្រូវបានគ្រោងទុកតាំងពីឆ្នាំ 2015 ប៉ុន្តែទើបតែដាក់ឱ្យដំណើរការជាផ្លូវការនៅឆ្នាំ 2018 ។ ហាង Quick & Easy មានគោលបំណង ដើម្បីផ្តល់ជូននូវជម្រើសលើមុខទំនេញដែលមានគុណភាពខ្ពស់ដែលនាំចូលមកទាំងក្នុង និងក្រៅប្រទេសគ្រប់ប្រភេទ ព្រមទាំងការផ្តល់សេវាកម្មដ៏ល្អឥតខ្ចោះដល់អតិថិជនរបស់យើងផងដែរ។ ក្រុមហ៊ុនក៏ប្ដេជ្ញាថានឹងផ្ដល់ជូននូវ “កន្លែងធ្វើការដ៏ល្អបំផុត” សម្រាប់បុគ្គលិករបស់យើងក៏ដូចជាប្រជាជនកម្ពុជា និងជា “ហាងលក់ទំនិញល្អបំផុត” សម្រាប់អតិថិជនក្នុងស្រុក និងភ្ញៀវទេសចរដែលមកទស្សនានៅក្នុងប្រទេសកម្ពុជាផងដែរ។ លើសពីនេះទៅទៀត Quick & easy នឹងធ្វើការផ្ដល់ឱកាសក្នុងការផ្ដល់សិទ្ធិចែកចាយបន្ត ទៅដល់វិនិយោគិន ដែលមានសក្ដានុពលនៅក្នុងប្រទេសកម្ពុជាដើម្បីបង្កើតនូវមុខជំនួញផ្ទាល់ខ្លួន ជាពិសេស ហាង Quick & easy ផ្តល់ជូននូវការបណ្តុះបណ្តាលដ៏ល្អឥតខ្ចោះសំរាប់ផ្នែកអាជីវកម្ម ព្រមទាំងចំណេះដឹងមួយចំនួន ដើម្បីទទួលបាននូវភាពជោគជ័យក្នុងការបើកអាជីវកម្មមួយនេះដល់អ្នកដែលទទូលសិទ្ធិចែកចាយបន្តពីហាងរបស់យើងខ្ញុំ។ ជាមួយនឹងការគាំទ្រយ៉ាងម៉ុតមាំពីក្រុមការងាររបស់យើងខ្ញុំដែលមានបទពិសោធន៍ខ្ពស់លើឆាកអន្ដរជាតិក្នុងការចែកចាយបន្ត។

ជាការពិតណាស់ យើងមានមោទនភាពដែលអ្នកទិញសិទ្ធិបន្តទទួលបានការពេញចិត្ត និងការទទួលបានអត្ថប្រយោជន៍ពីការវិនិយោគរបស់ពួកគេ។ នៅពេលខាងមុខ ក្រុមហ៊ុននឹងធ្វើការយ៉ាងជិតស្និទ្ធជាមួយដៃគូអាជីវកម្មក្នុង និងក្រៅស្រុកទាំងអស់ ដើម្បីលើកកម្ពស់អាជីវកម្មលក់រាយនៅក្នុងប្រទេសកម្ពុជា៕

June 29, 2018

Category: PR