អន្តរជាតិ - La Reine Media

អ្នកវីរុសវិទ្យាចិនម្នាក់ ដែលត្រូវគេចោទថា ដឹងរឿង “កូវីដ-19 បែកធ្លាយចេញពីបន្ទប់ពិសោធន៍វូហាន” បានបដិសេធរឿង “ក្បត់ឧត្ដមគតិ” នាំក្រុមគ្រួសារភៀសខ្លួនចេញពីចិន

May 6, 2020 by សឿន សំណាង

របាយការណ៍ព័ត៌មានរបស់ចិន កាលពីថ្ងៃចុងសប្ដាហ៍មុន(ថ្ងៃទី2ឧសភា) បានឱ្យដឹងថា អ្នកវីរុសវិទ្យាល្បីឈ្មោះម្នាក់ នៃស្ថាប័នវីរុសវិទ្យាក្នុងទីក្រុងវូហាន លោកស្រី ស៊ឺ ជឹងលី ដែលបានធ្លាក់ខ្លួនក្លាយជាជនសង្ស័យពាក់ព័ន្ធនឹងប្រភពកំណើតនៃការឆ្លងរាលដាលរបស់វីរុសកូរ៉ូណាប្រភេទថ្មី ឬកូវីដ-19 ទូទាំងពិភពលោកនាពេលបច្ចុប្បន្ន បានចេញមកបដិសេធចំពោះព័ត៌មានចចាមអារ៉ាមដ៏ច្រើនសន្ធឹកដែលថា “លោកស្រីបានក្បត់ឧត្ដមគតិខ្លួនឯង និងបានរត់ភៀសខ្លួនចេញពីប្រទេសចិន”។ លោកស្រី ស៊ឺ អ្នកស្រាវជ្រាវវីរុសសត្វប្រចៀវល្បីឈ្មោះលំដាប់ពិភពលោក បានផូស្តសំណេរមួយផ្ញើទៅក្រុមមិត្តភក្តិក្នុងបណ្ដាញសង្គមចិន វីឆាត កាលពីថ្ងៃសៅរ៍(ទី2មេសា) ថា “មិនថាត្រូវប្រឈមនឹងបញ្ហាធ្ងន់ធ្ងរប៉ុនណាឡើយ គ្មានថ្ងៃដែលនឹងកើតហេតុការណ៍ក្បត់ឧត្ដមគតិខ្លួនឯង ដូចដែលពាក្យចចាមអារ៉ាមលេចឮនោះឡើយ”។ ដោយសារតែមានចរន្តព័ត៌មានចចាមអារ៉ាមកាលពីពេលថ្មីៗនេះ បញ្ជាក់ថា លោកស្រី ស៊ឺ ជឹងលី បាន “ក្បត់ឧត្ដមគតិ” នាំក្រុមគ្រួសារ និងប្រមូល “ឯកសារសម្ងាត់ប្រមាណជា 1ពាន់ឈុត” រត់ភៀសខ្លួនគេចទៅអឺរ៉ុប និងបានដាក់ពាក្យស្នើសុំការគាំពារពីស្ថានទូតសហរដ្ឋអាមេរិកនៅក្នុងប្រទេសបារាំង។ រហូតទាល់តែទីភ្នាក់ងារព័ត៌មានរបស់ចិន ដែលមានដូចជា វេបសាយព័ត៌មាននៅក្នុងប្រទេស Global Times និងទីភ្នាក់ងារព័ត៌មាននៅទីក្រុងហុងកុង សៅថ៍ ឆាយណា ម៉រនីង ផូស្ត បានចេញមករាយការណ៍ព័ត៌មាន(កាលពីថ្ងៃទី2 ឧសភា) បដិសេធរាល់ព័ត៌មានចចាមអារ៉ាមទាំងនោះ ដោយបានផ្សព្វផ្សាយសំណេររបស់លោកស្រី ស៊ឺ នៅក្នុងបណ្ដាញសង្គម WeChat ទៀតផង។ … Read more

Donald Trump៖ សហរដ្ឋអាមេរិកនឹងប្រកាសអំពីប្រភពរបស់COVID-19

May 6, 2020 by សឿន សំណាង

ប្រធានាធិបតីសហរដ្ឋអាមេរិក លោកDonald Trump បានឱ្យដឹងថា រដ្ឋាភិបាលរបស់លោកនឹងប្រកាសលម្អិតអំពីប្រភពរបស់ COVID-19 ដែលជាវីរុសបង្កជំងឺរលាកសួតប្រភេទថ្មី ទន្ទឹមនឹងការតឿនឱ្យប្រទេសចិន ធ្វើឱ្យមានតម្លាភាពលើបញ្ហានេះ។ សហរដ្ឋអាមេរិកនឹងប្រកាសសម្អិត ថ្លែងទៅកាន់អ្នកយកព័ត៌មាននៅមុនពេលចាប់ផ្ដើមដំណើរទស្សនកិច្ចទៅកាន់រដ្ឋ Arizona នាថ្ងៃទី5ឧសភា ប្រធានាធិបតី Donald Trump ឱ្យដឹងថា “យើងប្រាកដជានឹងប្រកាស (ប្រភពរបស់វីរុស)”។ ម្ចាស់សេតវិមានរូបនេះ មិនបានបញ្ជាក់អំពីពេលវេលាជាក់លាក់ណាមួយក្នុងការប្រកាសលទ្ធផលនៃការស្រាវជ្រាវលើបញ្ហាប្រភពរបស់មេរោគCOVID-19នោះទេ។ ទន្ទឹមនឹងនេះ លោក Trump ក៏បានតឿនប្រទេសចិនឱ្យមានតម្លាភាពអំពីព័ត៌មានទាក់ទងនឹងរោគរាតត្បាតនេះផងដែរ។ ទីភ្នាក់ងារសារព័ត៌មាន Reuters ដកស្រង់សម្ដីលោក Trump ថ្លែងថា “យើងចង់ឱ្យពួកគេធ្វើឱ្យមានតម្លាភាព។ យើងចង់ស្វែងយល់ថាតើមានរឿងអ្វីកើតឡើង ដើម្បីកុំឱ្យបញ្ហានេះកើតមានសាជាថ្មី”។ លោក Trump និងមន្ត្រីជាច្រើននៅសហរដ្ឋអាមេរិក ធ្លាប់បានចោទប្រទេសចិនថាបានលាក់បាំងព័ត៌មាន ធ្វើឱ្យ COVID-19 ឆ្លងរាលដាលខ្លាំង និងក្លាយជារោគរាតត្បាតពេញសកលលោក។ លោក Trump ក៏បានបញ្ជាឱ្យក្រុមចារបុរសរបស់ខ្លួន ស៊ើបអង្កេតលើប្រភពរបស់វីរុសនេះផងដែរ។ កាលពីសប្ដាហ៍មុន ប្រធានាធិបតីសហរដ្ឋអាមេរិកបានថ្លែងថា មានភ័ស្តុតាងក្នុងការអះអាងថាវីរុសនេះមានប្រភពចេញពីបន្ទប់ពិសោធន៍មួយនៅទីក្រុង Wuhan ប្រទេសចិន។ ថ្ងៃទី3ឧសភា រដ្ឋមន្ត្រីការបរទេសសហរដ្ឋអាមេរិក លោក Mike Pompeo … Read more

COVID-19 បានសម្លាប់មនុស្សជិត258,000នាក់ នៅទូទាំងពិភពលោក

May 6, 2020 by សឿន សំណាង

ពិភពលោកទាំងមូលមានមនុស្សស្លាប់ជិត258,000នាក់ក្នុងចំណោមមនុស្សជាង3.7លាននាក់ដែលបានឆ្លងវីរុសCOVID-19 ស្របពេលដែលប្រទេសជាច្រើនចាប់ផ្ដើមដំណើរការសេដ្ឋកិច្ចឡើងវិញ។ ប្រទេស និងដែនដីចំនួន212ក្នុងពិភពលោក ថ្ងៃនេះ(6ឧសភា) ត្រូវបានរាយការណ៍ថា ចំនួនអ្នកជំងឺកូរ៉ូណាសរុបបានឡើងដល់3,721,393នាក់ ចំណែកអ្នកស្លាប់សរុបដោយសារវីរុសCOVID-19នេះ មានចំនួន257,867នាក់។ ពិភពលោកក៏បានរកឃើញអ្នកជំងឺថ្មី81,777នាក់ និងអ្នកស្លាប់ថ្មីចំនួន6,146នាក់ក្នុងអំឡុង24ម៉ោងចុងក្រោយនេះ។ អ្នកជំងឹកូរ៉ូណាដែលបានជាសះស្បើយមានចំនួនជាង1,238,000នាក់។ នេះបើតាមស្ថិតិរបស់ទំព័រ WorldoMeter។ ទ្វីបអឺរ៉ុបមានអ្នកជំងឺកូរ៉ូណាសុប1,493,972នាក់ ខណៈអាមេរិកខាងជើងមាន1,346,829នាក់ ទ្វីបអាស៊ីមាន587,017នាក់ អាមេរិកខាងត្បូងមាន236,825នាក់ និងទ្វីបអាហ្វ្រិកមាន50,166នាក់។ សហរដ្ឋអាមេរិកជាសម្បុកមេរោគធំជាងគេក្នុងពិភពលោក ដោយមានអ្នកជំងឺកូរ៉ូណាឡើងដល់ 1,235,919នាក់ កើន23,084នាក់បើធៀបនឹងម្សិលមិញ។ អ្នកស្លាប់ថ្មីដោយសារវីរុសCOVID-19នៅប្រទេសនេះមានចំនួន2,242នាក់ អ្នកស្លាប់សរុបមាន72,163នាក់៕ ប្រភព៖ សារព័ត៌មានបរទេស

ប៉ូលិសជិត100នាក់ ព័ទ្ធចាប់ក្រុមបងធំកំពុងទារថ្លៃការពារពីម្ចាស់ហាង

May 6, 2020May 5, 2020 by សឿន សំណាង

ប៉ូលិសជិត100នាក់ឡោមព័ន្ធចាប់បានបងធំភេទស្រីនិងបក្សពួកកំពុងទារថ្លៃការពារពីម្ចាស់ហាង

វៀតណាម៖ Ly Thi Loan អាយុ39ឆ្នាំ នៅទីក្រុង Bien Hoa រួមជាមួយនឹងបក្សពួកជាកូនចៅ8នាក់ទៀតត្រូវបានប៉ូលិសចាប់ខ្លួន ខណៈពួកគេកំពុងគំរាមទារថ្លៃការពារនៅតំបន់ផ្សារមួយកាលពីល្ងាចថ្ងៃទី5ឧសភានេះ។ សមត្ថកិច្ចចម្រុះជិត100នាក់ បានឡោមព័ន្ធតំបន់ផ្សារពលករក្នុងតំបន់ឧស្សាហកម្ម Thanh Phu ស្រុក Vinh Cuu ខេត្ត Dong Nai។ នៅពេលឃើញបងធំឈ្មោះ Loan រួមជាមួយកូនចៅនាំគ្នាចូលក្នុងហាងលក់ទឹកដោះគោ និងជំរិតទារប្រាក់ពីម្ចាស់ហាង ក្រុមប៉ូលិសដែលកំពុងឡោមព័ន្ធ ក៏បានសម្រុកចូលចាប់ជនសង្ស័យ។ ក្រុមបងធំនេះបានតដៃ និងរត់គេចខ្លួន ប៉ុន្តែជនសង្ស័យ9នាក់ត្រូវបានចាប់ខ្លួន ក្នុងនោះមានបងធំឈ្មោះ Loan ភេទស្រី និងឈ្មោះ Hoang Thi Tuyet Nhung ភេទស្រី មានអាយុ35ឆ្នាំផងដែរ។ បន្ទាប់ពីបានស្រាវជ្រាវ ប៉ូលិសបានរកឃើញផ្ទះរបស់នាង Loan ដែលមានចម្ងាយប្រហែល300ម៉ែត្រពីហាងលក់ទឹកដោះគោខាងលើ។ នគរបាលក៏បានរកឃើញឯកសារជាច្រើនទាក់ទងនឹងសកម្មភាពទារថ្លៃការពាររបស់ក្រុមបងធំនេះ។ យោងតាមការស្រាវជ្រាវបឋម ប៉ូលិសឱ្យដឹងថា ក្រុមសង្គមងងឹតនេះ តែងតែប្រើប្រាស់កម្លាំងបាយដើម្បីគំរាមអ្នកជំនួញតូចតាចក្នុងតំបន់ផ្សារពលករ បង្ខំឱ្យបង់ថ្លៃការពារដល់ខ្លួនចាប់ពី1លានដុង(42ដុល្លារ) ដល់1លានកន្លះ(65ដុល្លារ) ក្នុង1ខែ។ ចំណែកអ្នកលក់ចល័តក៏ត្រូវបង់ឱ្យក្រុមនេះ50,000ដុង(2ដុល្លារ) ក្នុង1ថ្ងៃផងដែរ។ ក្រុមសង្គមងងឹតដែលមានឈ្មោះ Loan … Read more

ពលរដ្ឋចិនជាង100លាននាក់ដើរទេសចរណ៍ពេញផ្ទៃប្រទេស! វិស័យទេសចរណ៍ចិន “មានទឹកមាត់លេប” ខ្លះៗហើយ

May 5, 2020 by សឿន សំណាង

មនុស្សប្រមាណជា104លាននាក់នៅប្រទេសចិន បានសម្រុកទៅកាន់តំបន់ទេសចរណ៍នានា នៅក្នុងឱកាសថ្ងៃឈប់សម្រាកចំនួន5ថ្ងៃនៅដើមខែឧសភា បន្ទាប់ពីប្រទេសនេះប្រកាសថា បានគ្រប់គ្រង COVID-19។ យោងតាមទិន្នន័យនៅក្នុងស្ថិតិរបស់ក្រសួងវប្បធម៌និងទេសចរណ៍ប្រទេសចិន ក្នុងរយៈពេល4ថ្ងៃដំបូងនៃថ្ងៃឈប់សម្រាក5ថ្ងៃដែលចាប់ផ្ដើមពីទិវាពលកម្មអន្តរជាតិ1ឧសភា និងបញ្ចប់នៅថ្ងៃនេះ(5ឧសភា) ត្រូវបានគេចាត់ទុកជា “សប្ដាហ៍មាស” នៅប្រទេសចិន។ ក្រសួងវប្បធម៌និងទេសចរណ៍ចិន បានឱ្យដឹងថា ភ្ញៀវទេសចរណ៍ដែលមានចំនួនច្រើន នៅក្នុងថ្ងៃឈប់សម្រាករយៈពេលវែងបែបនេះ នឹងនាំមកចំណូលប្រមាណជា6ពាន់លានដុល្លារអាមេរិក។ គិតដោយឡែកក្នុងថ្ងៃទី1ឧសភា តំបន់ទេសចរណ៍ក្នុងស្រុកនានា បានទទួលភ្ញៀវជាង23លាននាក់ ក្នុងនោះទីក្រុង Wuhan ដែលជាសម្បុកមេរោគកូរ៉ូណាដំបូងគេ មានពលរដ្ឋច្រើនជាងគេបង្អស់ក្នុងចំណោមទីក្រុងនានាក្នុងប្រទេសចិនដែលបានចេញទៅទេសចរណ៍នៅតំបន់ផ្សេងៗ។ យោងតាមក្រុមហ៊ុនអ៊ីនធើណិត Baidu Inc ចំនួនមនុស្សដែលបានចាកចេញពីទីក្រុង Wuhan ដើម្បីទៅទេសចរណ៍ក្រៅតំបន់ បានកើនឡើងជិត50% ក្នុងថ្ងៃទី1ឧសភា បើធៀបនឹងថ្ងៃធម្មតា។ ទីក្រុងប៉េកាំង ទីក្រុងតាលាន(Dalian) ទីក្រុងធៀនជីន(Tianjin) និងទីក្រុងជីណាន(Jinan) ជាដើម ក៏មានពលរដ្ឋជាច្រើនចេញទៅទេសចរណ៍ផងដែរ នៅក្នុងកាលៈទេសៈដែលប្រទេសចិនកំពុងតែបន្ធូរបន្ថយការរឹតត្បិតលើការដើរហើរ។ ក្រសួងដឹកជញ្ជូនរបស់ចិន មុននេះបានព្យាករថា មនុស្សប្រមាណជា23.36លាននាក់នឹងចេញទៅទេសចរណ៍ក្នុងថ្ងៃឈប់សម្រាកនេះ ដែលតួលេខនេះ ខ្ពស់ជាង19.9លាននាក់បើធៀបនឹងរដូវឆេងមេង(QingMing Festival) កាលពីខែមុនទៅទៀត។ ការកើនឡើងនៃចំនួនទេសចរក្នុងថ្ងៃឈប់សម្រាកនេះ អាចជួយលើកស្ទួយវិស័យទេសចរណ៍ និងសណ្ឋាគារនៅប្រទេសចិនបានមួយកម្រិត បន្ទាប់ពីត្រូវលិចលង់ដោយសារ COVID-19 ដែលបានធ្វើឱ្យប្រជាជនចិនជាង83,000នាក់បានឆ្លងមេរោគ ក្នុងនោះមាន4,637នាក់បានបាត់បង់ជីវិត៕ ប្រភព៖ … Read more

ប្រៀបធៀបតាមរយៈរូបភាព “កន្លែងតែមួយ តែពេលវេលាខុសគ្នា” របស់មហាទីក្រុងប៉េកាំង ពេលកូវីដ-19 ធូរស្បើយ…

May 5, 2020 by សឿន សំណាង

ទីភ្នាក់ងារព័ត៌មានស៊ីនហួ សារព័ត៌មានរបស់រដ្ឋបាលចិន នៅថ្ងៃទី3 ឧសភា បានបង្ហាញរូបភាពក្នុងឃ្លិបវីដេអូ ពីឆាក1 ទៅឆាក1 អំពីទីកន្លែងជាច្រើននៅក្នុងទីក្រុងប៉េកាំង ទីក្រុងចម្បងរបស់មហាប្រទេសចិន ក្នុងពេលវេលាខុសគ្នា ស្ថានការណ៍ខុសគ្នា តែក្នុងទីកន្លែងតែមួយ ក្នុងអំឡុងពេល និងក្រោយពេលដែលទីក្រុងប៉េកាំងកាត់បន្ថយវិធានការទប់ទល់សភាវអាសន្ននៃការឆ្លងរាលដាលរបស់ជំងឺដែលបង្កឡើងដោយមេរោគវីរុសកូរ៉ូណាប្រភេទថ្មី ឬកូវីដ-19។ ដោយសារតែទីក្រុងប៉េកាំងមិនមានរកឃើញអ្នកជំងឺមេរោគកូវីដ-19 ដែលឆ្លងនៅក្នុងតំបន់ និងដែលធ្វើដំណើរមកពីក្រៅប្រទេសជាប់គ្នារយៈពេល14ថ្ងៃរួចមក ចាប់ពីថ្ងៃទី29 មេសាមក ក្រុងប៉េកាំង បានសម្រេចទម្លាក់កម្រិតវិធានការគ្រប់គ្រង ពីកម្រិតខ្ពស់បំផុត ចុះមកនៅកម្រិត2 ដោយបានចាប់ផ្ដើមតាំងពីថ្ងៃទី30 មេសាកន្លងមក។ ទាំងអស់នេះ គួររំឭកដែរថា កាលពីថ្ងៃទី24 មករា ក្រុងប៉េកាំងបានប្រកាសប្រើវិធានការទប់ទល់សភាវអាសន្នខាងសាធារណៈសុខាភិបាលកម្រិតខ្ពស់បំផុត ដើម្បីគ្រប់គ្រងការឆ្លងរាលដាលរបស់មេរោគកូវីដ-19 ដែលរាតត្បាតយ៉ាងខ្លាំងក្នុងខណៈពេលនោះ៕ ប្រភព៖ សារព័ត៌មានបរទេស

ប្រវត្តិសាស្ត្រ ដែលមនុស្សគួរតែដឹង…តើកូវីដ-19 និងការឆ្លងរាលដាលរបស់ជំងឺគ្រុនផ្ដាសាយធំអេស្ប៉ាញកាលពីអតីតកាល ផ្លាស់ប្ដូរពិភពលោកយ៉ាងណា?(ត…)

May 5, 2020May 5, 2020 by សឿន សំណាង

ចរន្តតតាំងលទ្ធិប្រមាញ់អាណានិគម និងភាពរួមដៃគ្នារវាងប្រទេសនីមួយៗ ឆ្នាំ1918 ប្រទេសឥណ្ឌា បានស្ថិតនៅក្រោមការគ្រប់គ្រងរបស់អង់គ្លេសយូរជាង 1សតវត្សរ៍ ជំងឺគ្រុនផ្ដាសាយធំអេស្ប៉ាញ បានឆ្លងរាលដាលទៅដល់ប្រទេសឥណ្ឌានៅខែឧសភា ក្នុងឆ្នាំនោះ(1918) ហើយវាបានធ្វើឱ្យកើតមានផលប៉ះពាល់ដល់ប្រជាជនឥណ្ឌាធ្ងន់ធ្ងរជាងជនជាតិអង់គ្លេសដែលរស់នៅក្នុងប្រទេសឥណ្ឌាទៅទៀត។ មានស្ថិតិដែលបានបង្ហាញច្បាស់ថា អត្រាការស្លាប់របស់ជនជាតិហិណ្ឌូវណ្ណៈទាប ស្ថិតក្នុងចំនួន 61.6នាក់ សម្រាប់ចំនួនប្រជាជន 1,000នាក់ ខណៈដែលអត្រាការស្លាប់ក្នុងក្រុមមនុស្សជនជាតិអឺរ៉ុប ស្ថិតក្នុងចំនួន 9នាក់ សម្រាប់ចំនួនប្រជាជន 1,000នាក់ដូចគ្នា។ ជនជាតិឥណ្ឌាដែលមានផ្នត់គំនិតជាតិនិយមខ្លាំង ក៏ឆ្លៀតឱកាសក្នុងអំឡុងពេលដែលសង្គមកំពុងមើលឃើញថា អាណានិគមជនជាតិអង់គ្លេសបានគ្រប់គ្រងចាត់ការលើវិបត្តិរោគរាតត្បាតដែលកំពុងកើតឡើងយ៉ាងខុសឆ្គងនោះ នៅឆ្នាំ1919 សារព័ត៌មាន Young India របស់លោក ម៉ាហាត្មះ ហ្គាន់ធី បានបោះពុម្ពផ្សាយបទវិចារណកឋា រិះគន់អ្នកគ្រប់គ្រងអាណានិគមអង់គ្លេសយ៉ាងពុះកញ្ជ្រោល។ “គ្មានប្រទេសស្លូតត្រង់ណា ដែលរដ្ឋបាលនឹងបណ្ដោយឱ្យស្ថានការណ៍ធ្លាក់ចុះដុនដាបយ៉ាងអាក្រក់ ដោយមិនបានធ្វើអ្វីឱ្យបានច្រើនគ្រប់គ្រាន់ស្មើនឹងរដ្ឋបាលឥណ្ឌាក្នុងអំឡុងពេលដែលកើតរោគរាតត្បាតដ៏អាក្រក់ និងសាងភាពហាយនៈដូច្នេះឡើយ” ប្រទេស ដែលទោះជាសង្គ្រាមលោកលើកទី1 បានធ្វើឱ្យពិភពលោកកើតការបែងចែកបក្សពួកខាងនយោបាយក៏ដោយ។ ក្នុងឆ្នាំ1923 សន្ធិកបាតប្រជាជាតិ (League of Nation) អង្គការអន្តរជាតិ ដែលនៅពេលក្រោយមក ត្រូវបានជំនួសដោយអង្គការសហប្រជាជាតិ(UN) និងបានបង្កើតអង្គការសុខភាព(Health Organisation) ដែលក្រោយមកបានក្លាយជា អង្គការសុខភាពពិភពលោក(WHO)។ អង្គការនេះ បានសាងប្រព័ន្ធថ្មីមួយឡើង ក្នុងការគ្រប់គ្រងរោគរាតត្បាតរវាងប្រទេស … Read more

វេជ្ជបណ្ឌិតរុស្ស៊ី3រូប ធ្លាក់ពីលើអគារមន្ទីរពេទ្យ ខណៈប្រទេសកំពុងទប់ទល់នឹងCOVID-19

May 5, 2020 by សឿន សំណាង

វេជ្ជបណ្ឌិតនៅជួរមុខរបស់រុស្ស៊ីចំនួន3រូបហើយដែលបានធ្លាក់ពីលើអគារនៃមន្ទីរប្រកបដោយអាថ៌កំបាំង នៅក្នុងអំឡុង2សប្ដាហ៍កន្លងមកនេះ ធ្វើឱ្យមានការព្រួយបារម្ភអំពីស្ថានភាពការងាររបស់ក្រុមវេជ្ជបណ្ឌិតនៅទីនេះ ខណៈដែលវីរុសCOVID-19 កាន់តែបង្ហាញអំណាចនៅរុស្ស៊ី។ សារព័ត៌មាន CNN និង Moscow Times កាលពីម្សិលមិញបានរាយការណ៍ថា Alexader Shulepov អាយុ37ឆ្នាំ ជាវេជ្ជបណ្ឌិតផ្នែកសង្គ្រោះបន្ទាន់របស់មន្ទីរពេទ្យ Novousmanskaya ក្នុងទីក្រុង Voronezh នៃប្រទេសរុស្ស៊ី កំពុងស្ថិតក្នុងស្ថានភាពអាសន្ន បន្ទាប់ពីបានធ្លាក់ពីលើអគារ។ សមត្ថកិច្ចនៅកន្លែងកើតហេតុបានឱ្យដឹងថា វេជ្ជបណ្ឌិត Shulepov បានធ្លាក់ពីបង្អួចនៃអគារកម្ពស់2ជាន់របស់មន្ទីរពេទ្យកាលពីថ្ងៃទី2ឧសភា។ វេជ្ជបណ្ឌិត Shulepov ត្រូវចូលសម្រាក និងទទួលការព្យាបាលនៅមន្ទីរពេទ្យ ដោយសារគាត់បានឆ្លងវីរុសCOVID-19 កាលពីថ្ងៃទី22មេសា ប៉ុន្តែ ថ្ងៃដដែលនេះ Shulepov និងមិត្តរួមការងាររបស់គាត់គឺ Alexander Kosyakin បានបង្ហោះវីដេអូមួយដែលនិយាយថា គាត់ត្រូវបានបង្ខំឱ្យធ្វើការបន្ត បើទោះជាបានឆ្លងវីរុសកូរ៉ូណានេះក៏ដោយ។ កន្លងមក Kosyakin បានរិះគន់ខាងមន្ទីរពេទ្យដោយសារតែមិនមានសម្ភារ និងឈុតការពារឆ្លងមេរោគគ្រប់គ្រាន់សម្រាប់បុគ្គលិកសុខាភិបាល។ វេជ្ជបណ្ឌិត Kosyakin ក៏ធ្លាប់ត្រូវបាននគរបាលហៅទៅសួរនាំ ដោយមានការចោទប្រកាន់ថា បានបញ្ចេញព័ត៌មានមិនពិត។ 3ថ្ងៃក្រោយមក Shulepov ក៏បានដកវីដេអូដែលគាត់ធ្លាប់បានរិះគន់ខាងមន្ទីរពេទ្យ ហើយបញ្ជាក់ថាក្នុងវីដេអូនោះ គាត់ត្រូវបាន “អារម្មណ៍ដឹកមុខ”។ … Read more

ជិត252,000នាក់បានស្លាប់ដោយសារCOVID-19នៅទូទាំងពិភពលោក ខណៈប្រទេសចំនួន4 មានអ្នកស្លាប់លើសពី20,000នាក់

May 5, 2020 by សឿន សំណាង

គិតមកដល់បច្ចុប្បន្ន វីរុសCOVID-19 បានសម្លាប់មនុស្សជិត252,000នាក់ក្នុងចំណោមអ្នកជំងឺកូរ៉ូណាសុរបជាង3.6លាននាក់នៅក្នុងពិភពលោកទាំងមូល ខណៈដែលប្រទេសជាច្រើនបានបន្ធូរបន្ថយបម្រាមគោចរ។ នៅក្នុងប្រទេស និងដែនដីចំនួន212 ក្នុងពិភពលោក គិតត្រឹមព្រឹកនេះ មានអ្នកជំងឺកូរ៉ូណាសរុប 3,639,616នាក់ និងអ្នកស្លាប់ក៏បានឡើងដល់251,721នាក់។ អ្នកជំងឺថ្មីថ្ងៃនេះ មាន74,729នាក់ និងអ្នកស្លាប់ថ្មីមាន3,637នាក់។ អ្នកដែលបានជាសះស្បើយសុរប 1,192,842នាក់។ នេះបើតាមស្ថិតិរបស់ Worldometer។ ទ្វីបអឺរ៉ុបមានអ្នកជំងឺសរុប1,469,891នាក់ ខណៈអាមេរិកខាងជើងមាន1,318,547នាក់ អាស៊ីមាន572,839នាក់ អាមេរិកខាងត្បូងមាន223,852នាក់ និងទ្វីបអាហ្វ្រិកមាន47,804នាក់។ សហរដ្ឋអាមេរិកគឺជាសម្បុកមេរោគធំជាងគេក្នុងពិភពលោក ដោយមានអ្នកជំងឺសរុប 1,210,356នាក់ កើន23,321នាក់បើធៀបនឹងមុននេះមួយថ្ងៃ។ អ្នកស្លាប់ថ្មីនៅប្រទេសនេះមាន935នាក់ ធ្វើឱ្យតួលេខអ្នកស្លាប់សរុបកើនដល់64,494នាក់។ ក្រៅពីសហរដ្ឋអាមេរិកក៏មានប្រទេសចំនួន4ផ្សេងទៀតដែលមានអ្នកស្លាប់លើសពី20,000នាក់ រួមមាន៖ អេស្ប៉ាញ៖ អ្នកជំងឺសរុប248,301នាក់ និងអ្នកស្លាប់សរុប25,428នាក់។ អ៊ីតាលី៖ អ្នកជំងឺសរុប211,938នាក់ និងអ្នកស្លាប់សរុប29,079នាក់។ អង់គ្លេស៖ អ្នកជំងឺសរុប190,584នាក់ និងអ្នកស្លាប់សរុប28,734នាក់។ បារាំង៖ អ្នកជំងឺសរុប169,462នាក់ និងអ្នកស្លាប់សរុប25,201នាក់។ ប្រភព៖ សារព័ត៌មានបរទេស

អ្នកស្លាប់ដោយសារវីរុសCOVID-19នៅសហរដ្ឋអាមេរិកនឹងកើនដល់134,000នាក់នៅចុងខែសីហា ខណៈបច្ចុប្បន្នបានកើនដល់ជិត70,000នាក់ហើយ

May 5, 2020May 5, 2020 by សឿន សំណាង

អ្នកស្លាប់ដោយសារCOVID-19នៅសហរដ្ឋអាមេរិកនឹងកើនដល់134,000នាក់នៅចុងខែសីហា ខណៈបច្ចុប្បន្នបានកើនដល់ជិត70,000នាក់ហើយ

New York Times ដកស្រង់ឯកសារសម្ងាត់មួយឱ្យដឹងថា រដ្ឋាភិបាលសហរដ្ឋអាមេរិកបានព្យាករថា តួលេខនៃអ្នកស្លាប់ដោយសារវីរុសCOVID-19 នៅប្រទេសនេះអាចកើនឡើងមកវិញនៅក្នុងខែឧសភានេះ។ យោងតាមទិន្នន័យពីទំព័រ Worldomerter គិតត្រឹមរសៀលថ្ងៃទី4ឧសភា(ម៉ោងនៅអាមេរិក) ចំនួនអ្នកស្លាប់ដោយសារកូរ៉ូណានៅសហរដ្ឋអាមេរិក គឺមាន69,589នាក់ កើន992នាក់បើធៀបនឹងមុននេះមួយថ្ងៃ។ សហរដ្ឋអាមេរិកក៏បានរកឃើញអ្នកជំងឺថ្មីជាង23,000នាក់ ដែលនាំឱ្យតួលេខនៃអ្នកជំងឺសរុបបានកើនលើសពី1.2លាននាក់។ ទីភ្នាក់ងារសារព័ត៌មាន New York Times កាលពីថ្ងៃទី4ឧសភា បានដកស្រង់ប្រភពព័ត៌មានសម្ងាត់មួយឱ្យដឹងថា រដ្ឋាភិបាលរបស់លោក Trump បានព្យាករថា តួលេខនៃអ្នកជំងឺ និងអ្នកស្លាប់នៅក្នុងប្រទេសនេះនឹងកើនខ្លាំងឡើងវិញនៅក្នុងខែឧសភានេះ។ ឯកសារសម្ងាត់សរសេរថា នៅចុងខែឧសភា COVID-19 នឹងសម្លាប់មនុស្សប្រហែលជា3,000នាក់នៅ1ថ្ងៃៗនៅសហរដ្ឋអាមេរិក ដែលនេះជាតួលេខខ្ពស់បំផុតបើធៀបនឹងចំនួនអ្នកស្លាប់ជាមធ្យមជិត1,800នាក់ក្នុង1ថ្ងៃ នាបច្ចុប្បន្ន។ យោងតាមការព្យាករខាងលើ ជារៀងរាល់ថ្ងៃ សហរដ្ឋអាមេរិកអាចរកឃើញអ្នកជំងឺថ្មីក្នុង1ថ្ងៃប្រហែល200,000នាក់ ខណៈតួលេខមធ្យមនាបច្ចុប្បន្នគឺ 25,000នាក់/ថ្ងៃ។ ការព្យាករនេះត្រូវបានគេជឿថា បានធ្វើឡើងដោយយោងទៅលើការវិភាគរបស់មជ្ឈមណ្ឌលគ្រប់គ្រង និងទប់ស្កាត់ជំងឺនៃសហរដ្ឋអាមេរិក CDC (Centers for Disease Control and Prevention)។ ទាក់ទិននឹងបញ្ហានេះ អ្នកនាំពាក្យរបស់សេតវិមាន លោក Judd Deere បានថ្លែងថា “នេះមិនមែនជាឯកសារដែលប្រកាសនៅក្នុងសេតវិមានទេ ហើយក៏មិនបានដាក់ជូនគណកម្មធិការប្រយុទ្ធប្រឆាំងនឹង … Read more

ក្រុងសេអ៊ូលនិយាយថា គីម ជុង អ៊ុន មិនបានចូលពេទ្យ វះកាត់បេះដូងទេ ឯព្រំដែនកូរ៉េទាំង2 មានការបាញ់កាំភ្លើងដាក់គ្នា…

May 4, 2020 by សឿន សំណាង

សារព័ត៌មានរបស់កូរ៉េសេរី បានរាយការណ៍ដោយយោងលើការរៀបរាប់ប្រាប់របស់មន្ត្រីជើងចាស់របស់រដ្ឋាភិបាលថា លោកគីម ជុង អ៊ុន មិនបានចូលវះកាត់បេះដូងនោះទេ ក្នុងអំឡុងពេលអវត្តមានជិត 3សប្ដាហ៍កន្លងទៅនោះ ខណៈពេលជាមួយគ្នា កាលពីថ្ងៃអាទិត្យ(ទី3ឧសភា) មានការបាញ់ដាក់គ្នាទៅវិញទៅមកនៅក្នុងបរិវេណជាយដែនកូរ៉េខាងជើង-ត្បូង ដែលការណ៍នេះត្រូវបានអ្នកវិភាគជឿថា គឺជាការបញ្ជូនសារពីទីក្រុងព្យុងយ៉ាងថា លោកប្រធានគីម នៅមានសុខភាពរឹងមាំល្អ និងនៅក្ដោបអំណាចខាងកងទ័ពបានយ៉ាងណែនដដែល។ នេះបើតាមរបាយការណ៍របស់ទីភ្នាក់ងារព័ត៌មានរ៉យទ័រ។ ទីភ្នាក់ងារព័ត៌មានយុនហាប់ ក្នុងប្រទេសកូរ៉េខាងត្បូង បានរាយការណ៍នៅថ្ងៃអាទិត្យម្សិលមិញថា លោក គីម ជុង អ៊ុនមិនបានចូលវះកាត់ជំងឺបេះដូង ដូចដែលមានព័ត៌មានចចាមអារ៉ាមលេចឡើងនោះទេ ក្រោយពីប្រមុខមេដឹកនាំកូរ៉េក្រហមរូបនេះបានបាត់មុខអស់ជាង 20ថ្ងៃរួចមក តែយ៉ាងណាក៏ដោយ មន្ត្រីជើងចាស់របស់រដ្ឋាភិបាលកូរ៉េខាងត្បូង ដែលជាអ្នកផ្ដល់ព័ត៌មាននេះ មិនបានអធិប្បាយឡើយថា តើហេតុអ្វីបានជាខ្លួនមានជំនឿបែបនេះ?។ ស្ថានការណ៍រវាងប្រទេសកូរ៉េទាំង2 នៅតែមានភាពតានតឹងទ្វេដងឡើងដដែល តាមរយៈការកាំភ្លើងដាក់គ្នានៅជុំវិញប៉មប្រចាំការរបស់ទាហានកូរ៉េខាងត្បូងនៅតាមបណ្ដោយជាយដែនជាប់គ្នានឹងកូរ៉េខាងជើង កាលពីអំឡុងពេលព្រឹកថ្ងៃអាទិត្យ ឬ 1ថ្ងៃក្រោយពីលោកគីមចេញមកបង្ហាញខ្លួនជាលើកដំបូង រាប់ចាប់ពីថ្ងៃទី11 មេសាមក។ អគ្គសេនាធិការរួមរបស់កូរ៉េខាងត្បូង(JCS) បានថ្លែងថា កូរ៉េខាងជើងបានបើកឆាកបាញ់កាំភ្លើងដាក់ប៉មប្រចាំការរបស់ទាហានកូរ៉េខាងត្បូងនៅវេលាម៉ោងប្រមាណ 7.41នាទីព្រឹក ហើយកូរ៉េខាងត្បូងក៏បានបាញ់តបទៅវិញ 2គ្រាប់ តែក្នុងហេតុការណ៍នេះ មិនមាននរណាម្នាក់រងគ្រោះថ្នាក់ឡើយ។ ទាំងអស់នេះ ក្រោយពីមានការសន្និដ្ឋានផ្សេងៗគ្នាជាច្រើនសប្ដាហ៍ ពាក់ព័ន្ធនឹងរឿងសុខភាព និងទីកន្លែងស្នាក់នៅរបស់លោកគីម ជុង អ៊ុន ដែលរួមទាំងរបាយការណ៍ដែលថា … Read more

ប្រវត្តិសាស្ត្រ ដែលមនុស្សគួរតែដឹង…តើកូវីដ-19 និងការឆ្លងរាលដាលរបស់ជំងឺគ្រុនផ្ដាសាយធំអេស្ប៉ាញកាលពីអតីតកាល ផ្លាស់ប្ដូរពិភពលោកយ៉ាងណា?(ត…)

May 4, 2020 by សឿន សំណាង

ជំងឺគ្រុនផ្ដាសាយធំអេស្ប៉ាញ នៅតែបន្តបង្កផលប៉ះពាល់យ៉ាងធ្ងន់ធ្ងរដល់មនុស្សម្នានៅក្នុងប្រទេសទីទ័លក្រ។ ការសិក្សាស្រាវជ្រាវនៅឆ្នាំ2020 នេះ ដែលដឹកនាំក្រុមដោយលោក រ៉ូបឺត បាររ៉ូ អ្នកវិទ្យាសាស្ត្រនៃមហាវិទ្យាល័យ ហាវ៉ាដ បានវាយតម្លៃថា ក្នុងខណៈដែលប្រជាជនប្រមាណ 0.5% (ប្រមាណជា 550,000នាក់) នៅក្នុងសហរដ្ឋអាមេរិកនៅខណៈពេលនោះ បានស្លាប់ដោយសារជំងឺគ្រុនផ្ដាសាយធំអេស្ប៉ាញ តែជំងឺដ៏សាហាវនេះ បានសម្លាប់ជីវិតមនុស្សប្រមាណ 5.2% នៃប្រជាជនក្នុងប្រទេសឥណ្ឌា ឬជិត 17លាននាក់។ ជំងឺរាតត្បាតដែលកើតឡើង ថែមទាំងបានធ្វើឱ្យមានការខាតបង់យ៉ាងធំធេងខាងសេដ្ឋកិច្ច ដោយលោកបាររ៉ូ និងក្រុមការងារ បានវាយតម្លៃថា ជំងឺគ្រុនផ្ដាសាយធំអេស្ប៉ាញ បានធ្វើឱ្យ GDP របស់ប្រទេសផ្សេងៗ ថយចុះ 6% ជាមធ្យម។ អ្នកស្រី ឃែតធើរីន អារ៍ណូល អ្នកនិពន្ធសៀវភៅរឿង Pandemic 1918 បានបញ្ជាក់ថា ការស្លាប់របស់មនុស្សក្នុងសង្គ្រាមលោកលើកទី1 បូកជាមួយការឆ្លងរាលដាលរបស់ជំងឺគ្រុនផ្ដាសាយធំអេស្ប៉ាញ បានធ្វើឱ្យកើតគ្រោះហាយនៈធំធេងខាងសេដ្ឋកិច្ចបន្ទាប់ពីនោះមក។ បុព្វបុរសរបស់អ្នកស្រីអារ៍ណូលខ្លួនឯង ក៏ជាជនរងគ្រោះរបស់ជំងឺគ្រុនផ្ដាសាយធំអេស្ប៉ាញដែលឆ្លងរាតត្បាតក្នុងប្រទេសសហរាជាណាចក្រ(UK) ដែរ។ អ្នកស្រីបាននិយាយថា “នៅក្នុងប្រទេសជាច្រើន ស្ទើរលែងមានបុរសវ័យកំលោះនៅសេសសល់ឱ្យបន្តដំណើរការមុខជំនួញរបស់គ្រួសារ ធ្វើស្រែចម្ការ ហ្វឹកហាត់វិជ្ជាជីវៈ ធ្វើពាណិជ្ជកម្ម រៀបការ និងមានកូនមកស្នងត្រកូល … Read more