វល័ក្ខ - La Reine Media

ស្រាបៀរ Anchor រៀបចំកម្មវិធីចាប់រង្វាន់លាភមង្គលលើកទី2 ជូនគូស្វាមីភរិយាថ្មីក្នុងកម្មវិធីអាពាហ៍ពិពាហ៍ឆ្នាំ ២០១៧

April 27, 2017April 25, 2017 by វល័ក្ខ

ភ្នំពេញ៖ កាលពីថ្ងៃទី ២៣ ខែមេសា ឆ្នាំ ២០១៧ ស្រាបៀរអានឆ័របានរៀបចំកម្មវិធីចាប់រង្វាន់លើកទីមួយនៅស្ថានីយទូរទស្សន៍ PNN ក្នុងកម្មវិធីតន្រ្តី Anchor Fun Zone ដើម្បីផ្តល់រង្វាន់លាភមង្គលជូនដល់គូស្វាមីភរិយាថ្មីទាំងអស់ដែលបានជាវស្រាបៀរ អានឆ័រសម្រាប់ពិធីអាពាហ៍ពិពាហ៍របស់ខ្លួន រួមមានរង្វាន់ដំណើរកម្សាន្តក្រេបចន្ទទឹកឃ្មុំនៅឆ្នេរឋានសួគ៌ Krabi ចំនួន ១៥ រង្វាន់ ទូរទស្សន៍ម៉ាក Sony Android ទំហំ 55 អ៊ីញចំនួន១០ រង្វាន់ និងកាម៉េរាម៉ាក Sony ចំនួន ១០ រង្វាន់។ គូស្វាមីភរិយាថ្មីចំនួន ៣៥ គូ ដែលមានសំណាងបានឈ្នះរង្វាន់ មានឈ្មោះដូចខាងក្រោម៖ Nº Groom’s Name Bride’s Name Date Married Coupon Number Phone Number Prize 1 ជួន ភារម្យ កក់លីម លស៊ាង 12/2/2017 … Read more

10 វិធីចិញ្ចឹមមើលថែកូនដ៏គួរឱ្យចាប់អារម្មណ៍ពីអ្នកម្តាយនៃប្រទេសនីមួយៗទូទាំងពិភពលោក

October 23, 2024April 24, 2017 by វល័ក្ខ

ឪពុកម្តាយម្នាក់ៗសុទ្ធតែមានជំនឿក្នុងការចិញ្ចឹមមើលថែកូនខុសប្លែកពីគ្នា អាស្រ័យលើវប្បធម៌ប្រពៃណី បទពិសោធដែលពួកគេបានជួបប្រទះមក និងឪពុកម្តាយជាតិសាសន៍ផ្សេងគ្នា ភាសាផ្សេងគ្នា ក៏រឹតតែមានភាពខុសប្លែកពីគ្នាខ្លាំងទៅទៀត រហូតយើងគិតថា ការចិញ្ចឹមកូនរបស់មនុស្សក្នុងប្រទេសផ្សេងៗវាហាក់ដូចជាមើលទៅប្លែកចម្លែកក្នុងខ្សែភ្នែករបស់យើងខ្លាំងណាស់។ ថ្ងៃនេះ ឡា រ៉ែន នឹងនាំលោកឪពុកអ្នកម្តាយទាំងអស់មកមើលពីភាពប្លែកចម្លែកទាំងនោះ…។ 1 . ឪពុកម្តាយជនជាតិ ម៉ូរីតានី ស្តោះទឹកមាត់ដាក់លើមុខកូន ជនកុលសម្ព័ន្ធ Wolof ក្នុងប្រទេសម៉ូរីតានីជឿថា ទឹកមាត់របស់ពួកគេអាចធ្វើឱ្យពាក្យសម្តីនៅដិតដាមនឹងខ្លួនក្មេងបាន ដូច្នេះពួកគេនឹងស្តោះទឹកមាត់ដាក់មុខទារកទើបនឹងកើត ដើម្បីឱ្យពរទាំងប៉ុន្មានរបស់ពួកគេនៅជាប់ដិតដាមជាមួយក្មេងរហូតទៅ ដោយស្ត្រីជាម្តាយនឹងស្តោះទឹកមាត់ចំពីលើមុខ និងឪពុកនឹងស្តោះទឹកមាត់នៅលើត្រចៀក រួចលាបទឹកមាត់របស់ពួកគេឱ្យសព្វនៅលើក្បាលរបស់កូន។ 2 . ជនជាតិន័រវេយ៍ ឱ្យកូនៗគេងលក់នៅក្រៅផ្ទះកណ្តាលធាតុអាកាសត្រជាក់ក្រោមសូន្យអង្សា វាជារឿងប្រក្រតីដែលប្រទេសក្នុងតំបន់ន័រឌិកតែងទុកឱ្យកូនតូចៗរបស់ពួកគេស្ថិតនៅក្នុងរទេះរុញនៅខាងក្រៅភោជនីយដ្ឋានទោះជាក្នុងអំឡុងរដូវរងាក៏ដោយ ខណៈដែលពួកគេអង្គុយញ៉ាំអាហារ និងភេសជ្ជៈក្តៅៗនៅក្នុងហាង។ នោះព្រោះតែពួកគេជឿថាការទុកឱ្យក្មេងៗបានប្រឈមនឹងភាពរងាញ័រញាក់នឹងជួយឱ្យរាងកាយរបស់ក្មេងៗរឹងមាំ គ្មានរោគភ័យមកបៀតបៀន។ 3 . ម្តាយជនជាតិគែនយ៉ាមិនសម្លឹងភ្នែកកូនៗរបស់ពួកគេទេ អ្នកម្តាយជនជាតិ Kisii ក្នុងប្រទេសគែនយ៉ាមានជំនឿមួយដែលហាក់ដូចជាប្លែកចម្លែកណាស់ ព្រោះទោះជាពួកគេចង់មានចំណែករួមគ្នា(ប្រឡែងលេង)ជាមួយកូនខ្លាំងប៉ុនណាក៏ដោយ តែក៏ពួកគេមិនសម្លឹងមើលភ្នែកកូនៗដែរ វាជាវិធីមួយដែលអ្នកម្តាយទាំងនោះបង្ហាត់ក្មេងមិនឱ្យចេះទាមទារចំណាប់អារម្មណ៍ពីម្តាយខ្លាំងជ្រុលពេកហ្នឹងឯង។ 4 . ឪពុកម្តាយជនជាតិវៀតណាមនឹងបង្ហាត់កូនឱ្យនោមដោយសំឡេង… គ្រប់ពេលដែលក្មេងៗជាតិវៀតណាមបញ្ចេញអាការថា ចង់នោម ម្តាយរបស់ក្មេងទាំងនោះនឹងជួយធ្វើជាសំឡេងឱ្យក្មេងៗឆាប់នោមចេញមក មានអារម្មណ៍ថា ស្រដៀងៗនឹងឪពុកម្តាយជាតិខ្មែរយើងដែរ ដោយបញ្ចេញសំឡេង “ស៊ូ…” បង្អូសវែងៗ … Read more

សាលាអន្ដរជាតិ SISC បើកសម្ពោធជាផ្លូវការ

June 25, 2018April 24, 2017 by វល័ក្ខ

បន្ទាប់ពីបានបើកដំណើរការសាកល្បងអស់រយៈពេលប្រមាណជាង3ខែ នៅត្រឹមព្រឹកថ្ងៃទី24 ខែមេសា ឆ្នាំ2017 ព្រឹកមិញនេះ សាលាអន្ដរជាតិ Southbridge International School Cambodia (SISC) ដែលជាសាលាផ្ដល់នូវការអប់រំជាលក្ខណៈអន្ដរជាតិលើកម្មវិធីសិក្សាពីរភាសា (Bi- lingual Programme) ព្រមទាំងផ្ដោតសំខាន់ទៅលើគុណភាពជាចម្បងនោះ ត្រូវបានបើសម្ពោធជាផ្លូវការហើយ ក្រោមអធិបតីភាពរបស់ឯកឧត្តម ហង់ ជួនណារ៉ុន រដ្ឋមន្ដ្រីក្រសួងអប់រំ យុវជន និងកីឡា , អ្នកឧកញ៉ា គិត ម៉េង ប្រធានក្រុមប្រឹក្សា ភិបាល នៃសាលា Southbridge International School Cambodia ព្រមទាំងភ្ញៀវកិត្តិយសជាតិ -អន្តរជាតិ ជាច្រើននាក់ផងដែរ ។ មានប្រសាសន៍នៅក្នុងពិធីបើកសម្ពោធ រដ្ឋមន្ដ្រីក្រសួងអប់រំយុវជន និងកីឡា ឯកឧត្តម ហង់ ជួនណារ៉ុន បានលើកឡើងថា ការអភិវឌ្ឍន៍ធនធានមនុស្សតាមរយៈការអប់រំប្រកបដោយគុណភាពត្រូវបានប្រមុខរដ្ឋាភិបាលកម្ពុជា ផ្ដល់អទិភាពយ៉ាងខ្ពស់ ហេតុដូច្នេះហើយទើបក្រសួងអប់រំ យុវជន និងកីឡា គាំទ្រលើកទឹកចិត្តឱ្យសាលាអន្ដរជាតិនានាមកបើកដំណើរការនៅកម្ពុជា ដើម្បីផ្ដល់នូវសេវាអប់រំប្រកបដោយគុណភាព ស្របពេលដែលក្រសួងបាន និងកំពុងពង្រឹង និងពង្រីកគុណភាពអប់រំនៅតាមសាលារដ្ឋ។ … Read more

Kante របស់តោខៀវ ជាប់ឈ្មោះជាកីឡាករឆ្នើមប្រចាំឆ្នាំ

October 23, 2024April 24, 2017 by វល័ក្ខ

ការបង្ហាញទម្រង់លេងយ៉ាងល្អរបស់ខ្សែបម្រើដ៏មានឥទ្ធិពល N’Golo Kante សម្រាប់ក្រុមតោខៀវ Chelsea បានទទួលផលតបស្នងវិញសម្រាប់ការខិតខំរបស់គេកាលពីថ្ងៃអាទិត្យ ក្រោយពីបានឈ្នះពានកីឡាករបាល់ទាត់អាជីពឆ្នើមប្រចាំឆ្នាំរបស់អង់គ្លេស (PFA)។ ខ្សែបម្រើអន្តរជាតិបារាំងវ័យ២៦ឆ្នាំរូបនេះ បានយកឈ្នះលើខ្សែប្រយុទ្ធ Harry Kane របស់ក្លិប Tottenham និងខ្សែប្រយុទ្ធ Romelu Lukaku របស់ក្លិប Everton ដើម្បីលើកពានកិត្តិយសមួយនេះ។ វាអាចប្រហែលជាមិនមែនជាពានតែមួយដែលរូបគេនឹងត្រូវលើកនៅរដូវកាលនេះឡើយ ខណៈដែលរូបគេស្ថិតយ៉ាងប្រៀកក្នុងការក្លាយជាកីឡាករដំបូងគេក្នុងការឈ្នះពានលីកពីរឆ្នាំជាប់ៗគ្នាជាមួយនឹងក្លិបផ្សេងគ្នា។ Kante បានឲ្យដឹងថា៖ «ក្នុងការត្រូវបានគេជ្រើសរើសឲ្យជាប់ជាកីឡាករឆ្នើមប្រចាំឆ្នាំ ពិតជាមានន័យណាស់សម្រាប់ខ្ញុំ។ វាមានន័យថា ពិភពលោកត្រូវបានជ្រើសរើស ហើយវាគឺជារយៈពេលពីររដូវកាលដ៏អស្ចារ្យ ដោយរដូវកាលទីមួយជាមួយនឹងក្លិប Leicester ហើយយើងកំពុងតែស្ថិតក្នុងទម្រង់លេងយ៉ាងល្អជាមួយនឹង Chelsea។ ក្នុងការក្លាយជាកីឡាករឆ្នើមប្រចាំឆ្នាំ វាគឺជាកិត្តិយសមួយ»៕ ប្រភពព័ត៌មាន៖ The Mirror

ផលិតកម្មថោនប្រាប់មូលហេតុ មាស សុខសោភា មានបទចម្រៀងតិចចូលឆ្នាំថ្មីនេះ!

April 24, 2017April 24, 2017 by វល័ក្ខ

ភ្នំពេញៈ ខណៈជិតដល់ពេលប្រារព្ធពិធីបុណ្យចូលឆ្នាំថ្មីប្រពៃណីជាតិខ្មែររៀងរាល់ឆ្នាំ ក្រុមតារាចម្រៀងទាំងប្រុសទាំងស្រីលំដាប់កំពូលប្រចាំផលិតកម្មល្បីៗតែងសម្បូរបទចម្រៀងថ្មីៗ ដើម្បីបង្ហើរសំនៀងបំពេអារម្មណ៍ប្រិយមិត្តអ្នកស្តាប់របស់ខ្លួនណាស់ តែចម្លែកអ្វីនៅឆ្នាំ២០១៧នេះ តារាចម្រៀងស្រីសំឡេងស្រទន់ ឈរលំដាប់កំពូលនៃទ្រនំផលិតកម្មថោនកញ្ញា មាស សុខសោភា បែរជាមានចេញបទចម្រៀងតិចខុសប្លែកពីពេលឆ្នាំមុនៗ បង្កឲ្យមានការងឿងឆ្ងល់យ៉ាងខ្លាំងពីគាំទ្រ។ កាន់តែមានការសង្ស័យបន្ថែមទៀតនោះ គឺនាពេលថ្មីៗក្រោយពិធីបុណ្យចូលឆ្នាំ ខណៈវត្តមានរបស់តារាស្រីរូបនេះបានចូលរួមក្នុងកម្មវិធីប្រគំតន្រ្តីមួយរបស់ស្ថានីយ៍ទូរទស្សន៍ក្នុងស្រុក ក៏ធ្លាប់បានព្រលយចេញថា នាងពិតជាមានបទចម្រៀងបំពេអារម្មណ៍អ្នកគាំទ្រតិចមែនសម្រាប់ឆ្នាំនេះផងដែរ។ ដំណឹងនេះក៏រឹតតែធ្វើមហាជនអន្ទះសារចង់ដឹងពីមូលហេតុ និងមានមន្ទិលថា កញ្ញា មាស សុខសោភា និងផលិតកម្មអ្វីរកាំរកូសនឹងគ្នាមែនឬ? លោក ករុណា ពេជ្រ អ្នកចាត់ការថ្មីនៅផលិតកម្មថោន ថ្លែងប្រាប់ពីមូលហេតុ ដែលនាំឲ្យតារាចម្រៀងស្រីសំឡេងរៃកន្តឹង និងនិយមច្រៀងតែប្រភេទបទអូរីជីណល់ ឬបទមិនចម្លងគេនោះថា៖ « តាមពិតទៅ កញ្ញា មាស សុខសោភា មិនមែនផលិតកម្ម មានបទចម្រៀងតិចសម្រាប់គាត់នោះទេ ក្នុងការចេញបទចម្រៀងនៅរដូវកាលចូលឆ្នាំថ្មីនេះ។ បើនិយាយទៅគឺមានជិត ១០ បទដែរ តែពេលចេញមុនចូលឆ្នាំគឺមានតែបីបួនបទ ខណៈប៉ុន្មានបទទៀតផលិតកម្មក៏បានចេញបន្តបន្ទាប់រួចហើយដែរ»។ តារាចម្រៀងដែលជាអ្នកចាត់ការ នៅផលិតកម្មថោនរូបនេះបន្តថា៖ «ផលិតកម្មតែផ្តល់អាទិភាពជូនទៅគាត់ [មាស សុខសោភា] ជានិច្ចព្រោះគាត់ជាតារាចម្រៀងរបស់ផលិតកម្មតាំងពីដំបូង។ សម្រាប់ឆ្នាំនេះ ផលិតកម្មក៏បានផ្តល់ជម្រើសបទចំនួនប្រហែលជា ១០ បទដែរដើម្បីឲ្យគាត់ជ្រើស។ តែគាត់ក៏ប្រាប់ដែរថា ចង់ច្រៀងតែបទណាមានគុណភាពប៉ុណ្ណោះ … Read more

ឡើងសង្វៀនជាង ៨០លើក ឈ្នះរហូតដល់ ៧០ដង ខាំ ខ្លានាង នៅថាខ្លួនឯង មិនទាន់ល្អ គ្រប់គ្រាន់

October 23, 2024April 24, 2017 by វល័ក្ខ

នៅក្នុងចំណោមកីឡាករប្រដាល់ខ្លាំងៗជាច្រើន ខាំ ខ្លាំនាង ជាអ្នកប្រដាល់វ័យក្មេងជំនាន់ថ្មី ដែលមានសាច់ស្នៀត ល្អប្រហាក់ប្រហែលនឹង គ្រូបង្វឹករបស់ខ្លួនដែលជា អតីតកីឡាករ ប៉ឺត ខាំ ដែលបច្ចុប្បន្នជា គ្រូបង្វឹកក្នុងក្លឹបប្រដាល់រហាប់ស្វាយប៉ាកនោះ ធ្លាប់បានឡើងសង្វៀនប្រកួតចំនួន ៨០លើកមកហើយ នៅតែថាខ្លួនឯងមិនទាន់មានចំណុចណាល្អគ្រប់គ្រាន់នៅឡើយទេ បើទោះបីមានប្រវត្តឈ្នះជាង៧០ដងក៍ដោយ ។ ខាំ ខ្លាំនាង ជាអ្នកប្រដាល់វ័យក្មេងជំនាន់ថ្មី (ក្រហម) បច្ចុប្បន្នកីឡាករវ័យក្មេងម្នាក់នេះកំពុងសាបព្រោះកេរ្តិ៍ឈ្មោះជាខ្លាំងក្នុងវិស័យប្រដាល់គុនខ្មែរ ហើយរយៈពេលចុងក្រោយគេឃើញកីឡាកររូបនេះភាគច្រើនប្រកួតជាគូមិត្តភាពអន្តរជាតិរហូត។ បើទោះជាមានស្ថិតិឈ្នះច្រើនលើសលុបក្ដីតែ ជើងខ្លាំងទម្ងន់ ៥១គីឡូក្រាមរូបនេះប្រាប់ថាខ្លួនធ្វើមិនទាន់បានល្អត្រង់ចំណុចតាំងឃុំបានល្អនោះឡើយ ហើយលើក តាំងឃុំយឺត។ ជាក់ស្ដែងដូចការប្រកួតជាមួយកីឡាករថៃ Anon ម្សិលមិញនៅ PNN អីចឹង គេភ្លាត់រហូតទៅដល់ពីរលើក ដែលបណ្ដោយឲ្យកីឡាករថៃទាត់កាប់ចានត្រូវ រហូតដល់អាជ្ញាកណ្ដាលរាប់ដល់ទៅពីរដង។ នៅពេលចូលអោបឬនៅកៀកគ្នាកូនសិស្សរបស់អតីតជើងខ្លាំង ប៉ឺត ខាំ ម្នាក់នេះមិនសូវពឹតខ្លួនបិទពីការវ៉ៃរបស់ដៃគូឡើយបានល្អទេ។ ខាំ ខ្លាំនាង បានឲ្យដឹងថា គេនឹងខំប្រឹងប្រែងហាត់ឲ្យខ្លាំងជាងនេះ ហើយចំណុចខ្វះខាតខាងលើត្រូវតែខំហាត់កែប្រែវាឲ្យល្អឡើងវិញ ដើម្បីបន្តស្វែងរកជ័យជម្នះនិងមិនបណ្ដោយឲ្យមានកំហុសដដែលនេះទៀតទេ៕

ម្ចាស់មេដាយពិភពលោក ២រូប ត្រូវបានដំឡើងឋានន្ដរស័ក្ដិ ជាវរសេនីយ៍ត្រី ព្រឹកមិញនេះ

October 23, 2024April 24, 2017 by វល័ក្ខ

បន្ទាប់ពីទទួលបានប្រាក់រង្វាន់ពីរាជរដ្ឋាភិបាល និង សម្ដេចហ៊ុន សែន សរុបជាង ៤ម៉ឺនដុល្លារកាលពីពេលថ្មីៗកន្លងទៅនេះរួចមក ម្ចាស់មេដាយមាសពិភពលោក អ្នកស្រី អ៊ុកស្រី មុំ និង លោកញ៉ែម បូរ៉ា ម្ចាស់មេដាយប្រាក់ ត្រូវបានដំឡើងឋានន្តរស័ក្តិពី អនុសេនីយឯកទៅជាវរសេនីយត្រីកាលពីព្រឹកមិញនេះ នៅស្ដាតចាស់ បន្ទាប់ពីអត្តលិកកីឡាប៉េតង់ទាំងពីរនេះ បានប្រជែងយកមេដាយមាសពិភពលោកពី ប្រទេសប៊ែលហ្ស៊ិកកាលពីពាក់ កណ្ដាល ខែមេសាកន្លងទៅនេះ។ ពិធីដំឡើងឋានន្តរស័ក្តិនេះ បានរៀបចំនៅក្នុងកីឡាដ្ឋានស្ដាតចាស់រាជធានីភ្នំពេញ ដែលបំពាក់ដោយលោកនាយឧត្ដមសេនីយ៍ ម៉ឺង សំផន រដ្ឋមន្ដ្រីក្រសួងការពារជាតិ និងជាប្រធានក្រុមប្រឹក្សាកីឡាក្រសួងការពារជាតិ ។ លោកនាយឧត្ដមសេនីយ៍ ម៉ឺង សំផន បានសម្ដែងការអបអរសាទរយ៉ាងខ្លាំង ចំពោះជោគជ័យនេះ បានជំរុញបន្ថែមដល់កីឡាករ-កីឡាការិនីគ្រប់ប្រភេទកីឡារបស់ក្រសួងការពារជាតិ បន្ដការខិតខំហ្វឹកហាត់ ដើម្បីប្រកួតប្រជែងដណ្ដើមមេដាយជូនជាតិបន្ថែមទៀត ។ កីឡាការិនី អ៊ុក ស្រីមុំ គឺជាស្រ្ដីខ្មែរទី២ និងជាអត្តពលិកទី៣ របស់ក្រសួងការពារជាតិ ដែលដណ្ដើមបានមេដាយមាសកីឡាប៉េតង់ពិភពលោកជូនជាតិ ។ កីឡាការិនី អ៊ុក ស្រីមុំ ជាមួយគ្នានេះ កីឡាការិនី ស្រ៊ាង សុរ៉ាឃីម ម្ចាស់មេដាយប្រាក់ពិភពលោកក៍ត្រូវបានសម្ដេចហ៊ុន … Read more

10 ហេតុផលដែលធ្វើឱ្យ Richard Branson ទទួលបានជោគជ័យ

October 23, 2024April 24, 2017 by វល័ក្ខ

មានព័ត៌មានថា មហាសេដ្ឋីអ្នកធុរកិច្ចលុយរាប់ពាន់លានដុល្លារជនជាតិអង់គ្លេស ស៊ើរ៍ រិឆាដ ប្រ៊េនសុន (Richard Branson) បានចែករំលែកគន្លឹះល្អៗក្នុងការធ្វើការងារ ការរស់នៅក្នុងជីវិតបែបគ្មានដែនកំណត់ និងផ្សេងៗទៀតជាច្រើន។ អ្នកដែលមិនធ្លាប់ស្គាល់ ប្រ៊េនសុន អាចនឹងមានអារម្មណ៍ថាធម្មតាៗគ្មានអ្វីប្លែកសោះ តែបើអ្នកណាធ្លាប់បានអានប្រវត្តិរបស់គាត់មកខ្លះៗហើយនោះ នឹងចង់ទៅអង្គុយស្តាប់មិនខាន ព្រោះថា បុរសម្នាក់នេះជាអ្នកជំនួញដ៏មានឥទ្ធិពលលំដាប់ពិភពលោកម្នាក់។ ពីក្មេងដែលរៀនមិនចប់មធ្យមសិក្សា ចាប់ផ្តើមធ្វើជំនួញពេលអាយុ 15 ឆ្នាំ មកដល់ពេលនេះគាត់ក្លាយជាបរមគ្រូផ្នែកខាងការពង្រីកធុរកិច្ចជំនួញ ជាម្ចាស់អាណាចក្រ “Vergin Group” ជាង 400 ក្រុមហ៊ុនសរុបទឹកប្រាក់ជិត 6ពាន់លានដុល្លារ មិនថាចាប់ មិនថាចង់ធ្វើអ្វីក៏ដោយ ក៏មើលទៅហាក់ដូចជាទទួលបានជោគជ័យស្ទើរតែទាំងអស់។ តើអ្វីទៅដែលធ្វើឱ្យ ប្រ៊េនសុន ទទួលបានជោគជ័យបានដល់ថ្នាក់ហ្នឹង? សប្បាយជាមួយនឹងអ្វីដែលខ្លួនកំពុងធ្វើ៖ ប្រ៊េនសុន តែងតែប្រាប់ជានិច្ចថា អ្នកនឹងមិនទទួលបានជោគជ័យទេ បើសិនធ្វើអ្វីមួយហើយ មិនមានអារម្មណ៍សប្បាយទៅជាមួយវានោះ ដូចជារូបគាត់ខ្លួនឯង ពេលធ្វើប្រូជេកអ្វីម្យ៉ាង លុះធ្វើៗទៅហើយចាប់ផ្តើមលែងសប្បាយ គាត់នឹងឈប់ភ្លាម ហើយរកអ្វីផ្សេងមកធ្វើជំនួសវិញ។ សាមញ្ញ មានភាពជាគ្នាឯង ងាយស្រួលជួប៖ ប្រ៊េនសុនមិនមែនជាមនុស្សប្រភេទអង្គុយបញ្ជានៅនឹងតុនោះទេ គាត់តែងតែចេញទៅសាកសួរសុខទុក្ខអតិថិជន និងបុគ្គលិកក្នុងបណ្តាញដើម្បីស្តាប់ពីគំនិតយោបល់។ ទស្សនៈរបស់គាត់គឺ “គ្រប់គ្រងក្រុមហ៊ុនធំក្នុងស្ទីលក្រុមហ៊ុនតូច” ចូលដល់មនុស្សគ្រប់រូប … Read more

ចូលឆ្នាំហើយ ស្រាប់តែ តារាស្រីសិចស៊ី ដេននី ក្វាន់ ជ្រួលច្របល់ចិត្តចង់បានស្វាមី!

October 22, 2024April 24, 2017 by វល័ក្ខ

ភ្នំពេញៈ ថ្មីៗនេះ គេហាក់ឃើញតារាសម្តែងសិចស៊ីចូលចិត្តព្រលែងល្វើងលើមិនប្រណីភ្នែកបុរស កញ្ញា ដេននី ក្វាន់ ដែលជាថៅកែស្រីវ័យក្មេង ដោយនាងបានបើកហាងសាឡន និងហាងលក់គ្រឿងសង្ហារឹម មានប្រាក់រាប់សិបម៉ឺនដុល្លារ បង្ហើរសាររវើរវាយក្នុងចិត្តនឹកចង់បានស្វាមី ខណៈមុននេះបន្តិចនាងដូចជារអ៊ូរធុញនឹងគូស្នេហ៍ដែលចូលចិត្តប្រចណ្ឌនោះ។ កញ្ញា ដេននី ក្វាន់ ដែលបានហក់ចូលទៅក្នុងពិភពសិល្បៈសម្តែងដំបូង ដោយការលះបង់ដាក់ទុនភាពសិចស៊ីលេចធ្លោជាងគេទាក់ទាញផលិតករនោះ បានសរសេរសារស្តែងពីចិត្តខ្លួនថា៖ «មួយជីវិតរបស់មនុស្សស្រី ថ្ងៃដែលរំភើប ហើយមាននយ័បំផុតនោះគឺ ថ្ងៃដែលបានរៀបការជាមួយមនុស្សដែលខ្លួនស្រលាញ់។ សម្រាប់ខ្ញុំរកកូនកំលោះមិនទាន់ឃើញទេ!»។ មិនតែប៉ុណ្ណោះតារាសម្តែងស្រីដែលហ៊ានថតបង្ហាញភាពសិចស៊ីកប់ស៊េរី មិនខ្លាចការព្រមានពីក្រសួងវប្បធម៌ច្រើនលើកនោះ ក៏ប្រាប់ពីលក្ខខណ្ឌដែលខ្លួនប្រាថ្នាជាគូសម្រាប់ជីវិតនាងទៀតផងថា៖ « មានការស្រលាញ់ ខ្វះភាពស្មោះត្រង់ក៏ពិបាក មានភាពស្មោះត្រង់ ខ្វះការអាណិតក៏ពិបាក មានក្តីអាណិត ខ្វះភាពជឿជាក់ នឹងទំនុកចិត្តក៏ពិបាក មានទំនុកចិត្ត ខ្វះកម្លាំងចិត្តឲ្យគ្នាក៏ពិបាក មានកម្លាំងចិត្ត ខ្វះការឲតម្លៃចំពោះគ្នាក៏ពិបាក សំខាន់មនុស្សដែលស្រលាញ់គ្នាត្រូវមានគ្រប់ចំណុចខាងលើទើបរស់នៅមានសុភមង្គល.!!!»។ អ្វីដែលកាន់តែភ្ញាក់ផ្អើលខ្លាំងទៀត គឺតារាស្រីដ៏ស្រស់ស្អាត ជាម្ចាស់ហាងទាំងនៅក្នុងវ័យ ២៧ ឆ្នាំ រូបនេះ បានទទួលកាដូលើកទឹកចិត្តពីបុរសកំពូលស្នេហ៍ ជាគ្រឿងពេជ្រមានតម្លៃជាង ១០ ម៉ឺន ដុល្លារ នៅថ្ងៃសម្ពោធហាងនាងកន្លងមក ខណៈអត្តសញ្ញាណបុរសនោះគ្រាន់តែត្រូវបានគេបង្ហើបថាជាមន្រ្តីយោធាម្នាក់ប៉ុណ្ណោះ។ ដោយមិនបានលាក់លៀមថាខ្លួនគ្មានអ្នកគ្រងបេះដូង … Read more

សៅ សុខា៖ ធ្វើកងទ័ពត្រូវ មាន ស្បៀង និងអាវុធ ឯបាល់ទាត់ ត្រូវមានធនធាន កីឡាករ និង សម្ភារៈ

October 23, 2024April 24, 2017 by វល័ក្ខ

លោក សៅ សុខា ប្រធានកីឡាបាល់ទាត់កម្ពុជា ដែលបានដឹកនាំ វិស័យបាល់ទាត់ តាំងពីមិនទាន់មានអ្វីសោះ រហូតដល់មានឈ្មោះល្បីដល់អន្តរជាតិ បានបង្ហាញពីអារម្មណ៍ដែលដឹកនាំវិស័យកីឡាបាល់ទាត់មួយ រយៈពេល១០ឆ្នាំ គឺមានការពិបាកខ្លាំងជាងការដឹកនាំកងទ័ពទូទាំងប្រទេសទៀត ព្រោះអ្វីៗកើតចេញពីបាល់ទាត់ គឺសុទ្ធតែមានលក្ខណៈស្ដង់ដារ ។ ការលើកឡើងបែបនេះ បានធ្វើឡើងក្នុងមហាសន្និបាតបូកសរុបការងារឆ្នាំ២០១៦ និងលើកទិសដៅឆ្នាំ២០១៧ របស់គណៈកម្មាធិការជាតិអូឡាំពិកកម្ពុជា កាលពីចុងខែមិនាកន្លងទៅ ។ ការដឹកនាំកងទ័ព ត្រូវការត្រឹមស្បៀង និងអាវុធ គឺអាចប្រយុទ្ធប្រឆាំងជាមួយសត្រូវបាន ប៉ុន្ដែការដឹកនាំបាល់ទាត់អ្វីៗក៏ត្រូវមានលក្ខណៈស្ដង់ដាដែរ មិនថាហេដ្ឋារចនាសម្ព័ន្ធ ធនធានកីឡាករ គ្រូបង្វឹក សម្ភារៈ ឬប្រព័ន្ធដឹកនាំនោះទេ ។ ដោយហេតុនេះក្នុងនាមជាអ្នកមិនទាន់មានបទពិសោធន៍ក្នុងវិស័យកីឡាបាល់ទាត់ ការចាប់ផ្ដើមដំបូងឯកឧត្តម បានអនុវត្តបណ្ដើរ និងរៀនបណ្ដើរ ដើម្បីជំរុញវិស័យបាល់ទាត់កម្ពុជាឲ្យមានភាពរីកចម្រើន រហូតមកទល់បច្ចុប្បន្ន ។ ប៉ុន្ដែយ៉ាងណាបាល់ទាត់កម្ពុជា មិនទាន់ដល់គោលដៅខ្លួនចង់បាននោះទេ ដូច្នេះសហព័ន្ធបាននឹងកំពុងអនុវត្តផែនការអភិវឌ្ឍន៍ថ្នាលយុវជនបន្ដ តាមរយៈការបង្កើតគម្រោងបើកសាលាបាល់ទាត់ទូទាំងប្រទេស ដើម្បីស្វែងរកអ្នកមានសមត្ថភាព និងទេពកោសល្យ ឆ្ពោះទៅស៊ីហ្គេម ឆ្នាំ២០២៣ នៅពេលកម្ពុជាធ្វើជាម្ចាស់ផ្ទះ ៕

ស្វែង សុជាតា ត្រូវស្វាមីក្មេងប្រើហិង្សាយ៉ាងដំណំ រួចរត់គេងខ្លួនបាត់

October 23, 2024April 24, 2017 by វល័ក្ខ

ភ្នំពេញៈ តារាសម្តែងស្រីសម្បូរទេពកោសល្យខាងតួដើរកាចឆ្នាស់ តួជាម្តាយដ៏សក្តិសមបំផុត ដែលទើបតែទទួលបានពន្លឺសុភមង្គលនៃក្តីស្នេហ៍ដ៏ផ្អែមល្ហែមជាមួយនឹងស្វាមីក្រោយវ័យក្មេងជាគ្រូផ្សំថ្នាំឱសថបុរាណឈ្មោះ ថោង សុខុម វ័យ ២៥ ឆ្នាំ មិនទាន់បានប៉ុន្មានផង ឥឡូវក៏ប្រេះឆា និងបានប្រើហិង្សាធ្ងន់ធ្ងរទៅលើអ្នកនាង ស្វែង សុជាតា យ៉ាងដំណំ រួចរត់ចោលបាត់ទៀតជាមួយនឹងម៉ូតូម៉ាក ST7 មានស្លាកលេខភ្នំពេញ១៣១៤។ អ្នកស្វែង សុជាតា ទទួលរងនូវអំពើហិង្សាពីប្ដីក្មេងរបស់ខ្លួន ជាក់ស្ដែងកាលពីពេលថ្មីៗនេះ ដោយប្ដីក្មេងបានវាយនាងឡើង ខៀវភ្នែក បែកថ្គាម បង្កឲ្យបានការភ្ញាក់ឲ្យមានការផ្អើលទៅអ្នកតាខ្មៅមកជួយទាន់ពេល កុំអីកាន់តែធ្ង ន់ធ្ងរជាងនេះទៅទៀត។ បើតាមសម្តីរៀបរាប់ប្រាប់ទាំងទឹកភ្នែកនោះ អ្នកនាង ស្វែង សុជាតា ថ្លែងថា ៖« នេះមិនមែនជាលើកទី ១ ទេ រងនូវអំពើហិង្សាពីប្ដីក្មេង ហើយក៏មិនបានដាក់ពាក្យប្តឹងដែរ ដោយចង់ទុកឱកាសឲ្យប្តីកែខ្លួនគឺគ្រាន់តែធ្វើកិច្ចសន្យាបញ្ឈប់ការប្រើហិង្សាប៉ុណ្ណោះ»។ តែមិនបានប៉ុន្មានថ្ងៃផង គឺនៅថ្ងៃទី២២ ខែមេសា កន្លងមកថ្មីៗនេះ តារាសម្តែងស្រី មានស្រុកកំណើតមកពីខេត្តព្រៃវែង ស្វែង សុជាតា ក៏ទទួលរងនូវអំពើហិង្សាបន្តទៀត គឺស្វាមីបានចាក់សោផ្ទះដែលអ្នកនាងសន្សំលុយបង់រំលោះនៅបុរីប៉េង ហួត ផ្លូវជាសុផារ៉ា រហូតដល់ ៧ ជាន់ … Read more

កូនប្រុសសម្ដេចហ៊ុន សែន ២រូបគ្រោងបន្តចូលរួម រត់ពាក់កណ្ដាល ម៉ារ៉ាតុងអន្តរជាតិ ភ្នំពេញ ម្ដងទៀត នាឆ្នាំនេះ

October 23, 2024April 24, 2017 by វល័ក្ខ

កាលពីចុងសប្ដាហ៍មុននេះ គណៈកម្មាធិកាជាតិអូឡាំពិកម្ពុជា NOCC បានប្រកាសទទួលចុះឈ្មោះ ពីសំណាក់ភ្ញៀវជាតិ និង អន្តរជាតិ មកជូនរួមរត់ប្រណាំងពាក់កណ្ដាលម៉ារ៉ាតុង អន្តរជាតិភ្នំពេញលើកទី៧ ឆ្នាំ ២០១៧ ដែលគ្រោងនឹងរៀបចំនាខែ មិថុនា ខាងមុខនេះ នៅមុនព្រះបរមរាជវាំង។ ខណៈកូនប្រុសសម្ដេចហ៊ុន សែន ២រូប ក៍គ្រោងនឹងចូលរួមម្ដងទៀតនាឆ្នាំនេះ។ អគ្គលេខាធិការគណៈកម្មាធិការជាតិ អូឡាំពិកកម្ពុជាលោក វ៉ាត់ ចំរើនបានមានប្រសាសន៍ថា៖ «កម្មវិធីនេះមិនមែនធ្វើឡើងដើម្បីស្វែងរកប្រាក់កម្រៃ និងប្រាក់ចំណេញនោះទេ គឺដើម្បីមនុស្សធម៌ និងសង្គម ពោលគឺថវិកាដែលនៅសល់ពីការរៀបចំ នឹងប្រគល់ជូនមន្ទីរពេទ្យគន្ធបុប្ផាទាំងអស់»។ មកដល់ពេលនេះ មានភ្ញៀវជាតិនិង អន្តរជាតិបានចូលរួមចុះឈ្មោះរួចរាល់ហើយ ជាង១០០០នាក់ បើគិតត្រឹមល្ងាចម្សិលមិញនេះ ហើយព្រឹត្តិការណ៍នេះ នឹងបិទបញ្ជីចុះឈ្មោះ ត្រឹមល្ងាចថ្ងៃទី ១១ ខែមិថុនា ឆ្នាំ ២០១៧ ខាងមុខ។ លោកបន្តថា៖ ទិវារត់ ពាក់កណ្ដាលម៉ារ៉ាតុង អន្ដរជាតិឆ្នាំកាលពីឆ្នាំមុន(២០១៦) មានចូលរូមសរុប សរុប ៥០,១០នាក់ ក្នុងនោះ មានជនបរទេស ៤៦០នាក់ មកពី ២៨ប្រទេស លើពិភពលោក ។ … Read more