វល័ក្ខ - La Reine Media

3 ចំណុចធំៗរបស់ម៉ាស៊ីនបោកគក់ LG ទ្វារចំហៀងដែលជាជម្រើសដ៏ល្អបំផុតសម្រាប់អ្នក

តើលោកអ្នកកំពុងតែស្វែងរកទិញម៉ាស៊ីនបោកគក់ថ្មីមែនទេ? ពិតប្រាកដណាស់ម៉ាស៊ីនបោកគក់ដែលមានលក់នៅលើទីផ្សារជាច្រើនម៉ូដែលដែលផ្តល់ជូននូវការបោកគក់សម្លៀកបំពាក់បានស្អាត ក៏ប៉ុន្តែតើលោកអ្នកជ្រើសម៉ាស៊ីនបោកគក់បែបណា ដែលអាចជឿទុកចិត្ត ងាយស្រួលប្រើប្រាស់ និងសន្សំ សំចៃអគ្គីសនី?

ដើម្បីងាយស្រួលអោយលោកអ្នកក្នុងការជ្រើសរើសម៉ាស៊ីនបោកគក់ដែលល្អ យើងសូមធ្វើការនែនាំម៉ាស៊ីនបោកគក់ LG ទ្វារខាងមុខដែលផ្តល់ជូនលោកអ្នកនូវ ការបោកគក់បានយ៉ាងស្អាតអស្ចារ្យសន្សំសំចៃអគ្គីសនី និងប្រើប្រាស់ធន់បានយូរផងដែរ។

សន្សំសំចៃអគ្គីសនីនិងទឹក

ក្រុមហ៊ុន LG បានប្រកាសថា ម៉ាស៊ីនបោកគក់ 9 kg 6 Motion Direct Drive របស់ខ្លួនកាត់បន្ថយការប្រើ ប្រាស់អគ្គីសនី ១៥ ភាគរយ និងកាត់បន្ថយការប្រើប្រាស់ទឹករហូតដល់ទៅ ៤០ ភាគរយ។ នេះជាជម្រើសដ៏ល្អប្រសើរបំផុត សំរាប់អ្នកដែលកំពុងស្វែងរកម៉ាស៊ីនបោកគក់ដែល ថែរក្សាបរិស្ថាន ក៏ដូចជាសន្សំសំចៃថ្លៃអគ្គីសនីផងដែរ។ ហើយអ្វីដែលកាន់តែពិសេសជាងនេះទៅទៀតវាបានបំពាក់ មកជាមួយនូវបច្ចេកវិទ្យាដែលមានឈ្មោះថា TurboWash ដែលម៉ាស៊ីន បោកគក់កាត់បន្ថយ ពេលវេលាបោកគក់ត្រឹមតែ ៥៩ នាទីតែប៉ុណ្ណោះ ដែលអនុញ្ញាតិ្តអោយលោកអ្នកធ្វើការបោកគក់ ក្នុងរយះពេលខ្លីបំផុត។

ងាយស្រួលប្រើប្រាស់

ដំណើរការរបស់ម៉ាស៊ីនបោកគក់ LG 9 kg 6 Motion Direct Drive គឺងាយស្រួល។ ម៉ាស៊ីនបោកគក់ ទ្វារខាងមុខផ្តល់ជូនមកជាមួយកញ្ចក់ LED ដែលបង្ហាញអោយឃើញបានយ៉ាងច្បាស់នូវកម្មវិធីបោក គក់ដែលយើងបានជ្រើសរើស និងអនុញ្ញាតិ្តអោយអ្នកកែតម្រូវ ល្បឿនបង្វិល សីតុណ្ហភាព និង កម្មវិធី ផ្សេងៗជាច្រើនទៀត។ មុខងារ Add items គឺងាយស្រួលបើសិនជាអ្នកភ្លេចដាក់សម្លៀកបំពាក់ចូលម៉ាស៊ីនពេលដែលចាប់ផ្តើមដំណើរការបោកគក់ពីដំបូង។ ដោយគ្រាន់តែចុចប៊ូតុង Pause បើកទ្វារ និង ដាក់សំលៀកបំពាក់ចូលមិនបាច់រង់ចាំរហូតដល់ដំណើរការបោកគក់ត្រូវបានបញ្ចាប់។ ម៉ាស៊ីនបោក គក់ LG មានកម្មវិធី Smart Diagnosis ដើម្បីត្រួតពិនិត្យបញ្ហារបស់ម៉ាស៊ីនបោក ដែលអាចអោយលោក អ្នកធ្វើការដោះស្រាយនិងជួសជុលខ្លួនឯងបានមុននិងបញ្ចូនទៅជាងជួសជុល។

ដំណើរការបោកគក់បានយ៉ាងស្អាតអស្ចារ្យ

ម៉ាស៊ីនបោកគក់ LG 9 kg 6 Motion Direct Drive ពិតជាដំណើរការបោកគក់បានយ៉ាងស្អាតអស្ចារ្យ។ ម៉ាស៊ីនបោកគក់មានចំណុះ 9kg ដោយប្រើបច្ចេកវិទ្យា Turbo Wash មិនត្រឹមតែកាត់បន្ថយពេល វេលាបោកគក់នោះទេ ប៉ុន្តែវាធ្វើការបោកគក់បានយ៉ាងស្អាតអស្ចារ្យផងដែរ។ វាបាញ់ទឹកទៅកាន់ សម្លៀកបំពាក់ដោយផ្ទាល់ ធ្វើអោយបច្ចេកវិទ្យា ៦ ចលនាបោកគក់និងពូតកាន់តែមានប្រសិទ្ធិភាព។

លោកអ្នកអាចជ្រើសចលនាបោកគក់មួយក្នុងចំណោមចលនាទាំង ៦ តាមប្រភេទសាច់ក្រណាត់ របស់អ្នកដែលចលនាទាំងនោះមានដូចជា

ស្រាយក្រណាត់មិនអោយរួញចូលគ្នា
សម្អាតក្អែលដែលស្អិតនៅក្នុង
ច្រោះយកសាប៊ូចេញ
ច្រោះយកសាប៊ូចេញ
ក្រវីក្រណាត់ថ្នមៗ
បង្វិលចុះឡើង

អ្វីដែលកាន់តែអស្ចារ្យនិងពិសេសជាងនេះទៅទៀត ម៉ាស៊ីនបោកគក់ LG មានការធានាទៅលើម៉ូទ័រ រហូតដល់ទៅ ១០ ឆ្នាំ ដើម្បីផ្តល់ជូនអោយអតិថិជនទាំងអស់មានទំនុកចិត្ត និងប្រើប្រាស់បានយូរអង្វែង ជាងគេផងដែរ៕

October 31, 2018

ប្រាសាក់ ជានិយោជកនៃជម្រើស លើការអភិវឌ្ឍអាជីពការងារ និងគុណភាពជីវិត

ការងារ គឺជាផ្នែកមួយយ៉ាងសំខាន់ក្នុងជីវិតរស់នៅ ដូច្នេះហើយ បើមនុស្សម្នាក់ៗមានឱកាសបានធ្វើការងារក្នុងស្ថាប័នដែលយកចិត្តទុកដាក់ ផ្ដល់ឱកាសបណ្ដុះបណ្ដាល និងអភិវឌ្ឍជំនាញដល់បុគ្គលិក នោះពួកគេនឹងមានឱកាសខ្ពស់ក្នុងការទទួលបានទាំងចំណេះដឹងល្អៗ ទាំងតួនាទីនិងប្រាក់ខែខ្ពស់ ហើយប្រសិទ្ធភាពនិងផលិតភាពការងាររបស់បុគ្គលិកកាន់តែមានភាពល្អប្រសើរ ដែលកត្តានេះជួយឱ្យស្ថាប័នកាន់តែមានភាពរីកចម្រើននិងរឹងមាំ។

ដោយមើលឃើញពីសារៈសំខាន់ទាំងនេះ ប្រាសាក់ ដែលជាគ្រឹះស្ថានហិរញ្ញវត្ថុមួយក្នុងចំណោមគ្រឹះស្ថានហិរញ្ញវត្ថុធំៗចំនួន 5 ក្នុងវិស័យធនាគារនៅកម្ពុជា បើគិតលើទ្រព្យសកម្ម និងឈរលំដាប់ទី 2 បើគិតលើចំនួនបុគ្គលិកនិងបណ្តាញការិយាល័យ មានគោលនយោបាយធនធានមនុស្សដ៏ល្អប្រសើរក្នុងការផ្តល់ជូនដល់បុគ្គលិករបស់ខ្លួន។

លោក ហឿន ហុន្នី នាយកនាយកដ្ឋានបុគ្គលិករបស់ប្រាសាក់ បានលើកឡើងថា ប្រាសាក់ជាគ្រឹះស្ថានហិរញ្ញវត្ថុ ដែលអនុលោមតាមច្បាប់ការងារបានយ៉ាងខ្ជាប់ខ្ជួន។ បុគ្គលិកទាំងអស់របស់ប្រាសាក់គឺជាទ្រព្យសម្បត្តិដ៏មានតម្លៃសម្រាប់ស្ថាប័ន។ ហើយបុគ្គលិកទាំងអស់ទទួលបានអត្ថប្រយោជន៍ជាច្រើនរួមមាន ប្រាក់ខែគោល ប្រាក់ឧបត្ថម្ភតួនាទី ប្រាក់រង្វាន់លើកទឹកចិត្តប្រចាំឆ្នាំ ប្រាក់ឧបត្ថម្ភបុណ្យចូលឆ្នាំខ្មែរ និងភ្ជុំបិណ្ឌ ប្រាក់កម្ចី ឯកសណ្ឋានធ្វើការ ធានារ៉ាប់រង កន្លែងស្នាក់នៅ ព្រមទាំងផ្តល់ការបណ្តុះបណ្តាលជាដើម។

ជាពិសេស ប្រាសាក់បានដាក់ចេញនូវយុទ្ធសាស្ត្រក្នុងរៀបចំឱ្យមានបុគ្គលិកបន្តវេនពីថ្នាក់សាខារហូតដល់ការិយាល័យកណ្តាលផងដែរ។

លោក អេង ចាន់រិទ្ធី មានតួនាទីជាមន្ត្រីឥណទានជាន់ខ្ពស់ បានមានប្រសាសន៍ថា លោកមានមោទនភាពដែលបានក្លាយជាសមាជិកគ្រួសាររបស់ប្រាសាក់ ព្រោះតាមរយៈការធ្វើការងារនៅទីនេះ លោកមានឱកាសច្រើនក្នុងការអភិវឌ្ឍទាំងផ្នែកសមត្ថភាព និងហិរញ្ញវត្ថុ ដែលលោកគិតថាប្រាសាក់គឺជានិយោជកនៃជម្រើស។

គួរបញ្ជាក់ផងដែរថា គ្រឹះស្ថានមីក្រូហិរញ្ញវត្ថុ ប្រាសាក់ក៏ជាកន្លែងដែលចែករំលែកក្តីស្រឡាញ់តាមរយៈការយកចិត្តទុកដាក់ និងយកអាសារគ្នាលើគ្រប់ផ្នែក ដោយរាប់ចាប់ពីថ្នាក់បុគ្គលិក រហូតដល់ថ្នាក់គ្រប់គ្រងដែលប្រៀបបីដូចជាគ្រួសារយ៉ាងកក់ក្តៅមួយ សម្រាប់ការអភិវឌ្ឍន៍ និងរីកចម្រើនជាមួយគ្នា។

October 31, 2018

CIMB Preferred ពង្រីកបទពិសោធន៍សេវាកម្មទូទាំងតំបន់អាស៊ាន សម្រាប់អតិថិជន ជាមួយនឹងបុព្វសិទ្ធិពិសេសកាន់តែសម្បូរបែប

ភ្នំពេញ៖ ធនាគារ ស៊ីអាយអិមប៊ី បឺហាត (ធនាគារ CIMB) បានបង្កើនសេវាកម្មធនាគារ សម្រាប់អតិថិជន CIMB Preferred ជាមួយនឹងអត្ថប្រយោជន៍កាន់តែសម្បូរបែប ទូទាំងតំបន់អាស៊ាន។ «CIMB Preferred ថ្នាក់តំបន់» ដែលជាការអភិវឌ្ឍសេវាកម្មថ្មី អនុញ្ញាតឲ្យអតិថិជនជាន់ខ្ពស់របស់ធនាគារ CIMB រីករាយនឹងការប្រើប្រាស់សេវាកម្មធនាគារប្រកបដោយភាពងាយស្រួល និងបុព្វសិទ្ធិពិសេស នៅក្នុង ៦ប្រទេស នៃតំបន់អាស៊ាន ទោះបីជាគណនីដើមបើកនៅប្រទេសណាក៏ដោយ។

អត្ថប្រយោជន៍ នៃ CIMB Preferred ថ្នាក់តំបន់ មានរួមបញ្ចូលការបើកគណនីឆ្លងប្រទេស នៅក្នុងប្រទេសគោលដៅមួយផ្សេងទៀត អត្រាប្តូរប្រាក់ល្អប្រសើរ និងសេវាកម្មធនាគារជាន់ខ្ពស់ នៅតាមមជ្ឈមណ្ឌល CIMB Preferred ចំនួន ១២០ទីតាំង និងសាខារបស់ធនាគារ CIMB ជាង ១,១០០កន្លែង នៅក្នុងប្រទេសម៉ាឡេស៊ី កម្ពុជា ឥណ្ឌូនេស៊ី សិង្ហបុរី ថៃ និងវៀតណាម។ រាល់អតិថិជន CIMB Preferred ក៏ទទួលបានការបម្រើជូនសេវាកម្មធនាគារដោយផ្ទាល់ ពីប្រធានផ្នែកទំនាក់ទំនងអតិថិជន សម្រាប់តម្រូវការគ្រប់គ្រងទ្រព្យសម្បត្តិផងដែរ។

ធនាគារ CIMB គឺជាធនាគារម៉ាឡេស៊ីតែមួយគត់ ដែលផ្តល់ជូនសេវាកម្មសមាជិកភាព Preferred ក្នុងតំបន់អាស៊ាន ដោយពុំតម្រូវឲ្យមានកម្រិតអប្បបរមានៃប្រាក់បញ្ញើសរុប (AUM) ឡើយ នៅតាមបណ្តាប្រទេស ដែលក្រៅពីប្រទេសដើមរបស់អតិថិជន។ ជាការពិតណាស់ អតិថិជនក៏អាចណែនាំមិត្តភក្តិ និងសមាជិកគ្រួសារ ជាមួយកម្រិត AUM ទាបជាងធម្មតា និងនៅប្រទេសណាមួយ ក្នុងតំបន់អាស៊ាន ដើម្បីទទួលបានអតិថិជនប្រយោជន៍របស់ CIMB Preferred សម្រាប់រយៈពេល ១២ខែ។ បុព្វសិទ្ធិពិសេសបន្ថែមផ្សេងទៀត គឺរួមមានការធ្វើដំណើរ និងការទទួលទានអាហារ ក៏ដូចជាការប្រើប្រាស់បន្ទប់រង់ចាំពិសេស ក្នុងអាកាសយានដ្ឋានដែលគ្មានដែនកំណត់ ក្នុងតំបន់អាស៊ានទៀតផង។

លោក Samir Gupta ប្រធាននាយកប្រតិបត្តិ ផ្នែកសេវាកម្មហិរញ្ញវត្ថុបុគ្គល របស់ CIMB Group បានឲ្យដឹងថា៖ «ក្នុងនាមជាធនាគារសកលឈានមុខគេមួយ ក្នុងអាស៊ាន ធនាគារ CIMB តែងតែផ្តោតលើការផ្តល់ជូនសេវាកម្មធនាគារ ដែលមានគុណតម្លៃខ្ពស់ ដល់អតិថិជនទូទាំងតំបន់។ ហើយ CIMB Preferred ថ្នាក់តំបន់នេះ គឺជាសមិទ្ធផលនៃការវិនិយោគយូរអង្វែង ក្នុងប្រព័ន្ធ និងដំណើរការអភិវឌ្ឍចុងក្រោយបង្អស់ ដើម្បីពង្រឹងបណ្តាញកាន់តែរឹងមាំរបស់យើង ក្នុងតំបន់អាស៊ាន។ ទាំងអស់នេះបានផ្តល់នូវកញ្ចប់សេវាកម្មធនាគារ ប្រកបដោយភាពងាយស្រួល និងបុព្វសិទ្ធិពិសេស ទូទាំងតំបន់ ដើម្បីជំរុញឲ្យ CIMB Preferred ថ្នាក់តំបន់ ក្លាយជាសេវាកម្មធនាគារឈានមុខគេ ក្នុងតំបន់អាស៊ាន។ ទោះបីលោកអ្នកចង់ទិញទំនិញ ក្នុងប្រទេសម៉ាឡេស៊ី ធ្វើដំណើរកម្សាន្ត ក្នុងប្រទេសឥណ្ឌូនេស៊ី បោះទុនវិនិយោគ ក្នុងប្រទេសសិង្ហបុរី ឬក៏បើកគណនីសម្រាប់ដំណើរការអាជីវកម្មថ្មី ក្នុងប្រទេសវៀតណាមក្តី CIMB Preferred ថ្នាក់តំបន់ អាចផ្តល់បទពិសោធន៍សេវាកម្មបម្រើអតិថិជនគ្មានគូប្រៀប សម្រាប់គ្រប់អតិថិជន Preferred ទាំងអស់»។

សម្រាប់ព័ត៌មានលម្អិត សូមចូលអញ្ជើញទៅកាន់សាខារបស់ធនាគារ CIMB ណាមួយ ក្នុងតំបន់អាស៊ាន ឬក៏ចូលទៅកាន់គេហទំព័រ www.cimbpreferred.com៕

October 31, 2018

កាសែតឡារ៉ែន ពាណិជ្ជ លេខ 148

[easy_media_download url=”https://www.lareine.com.kh/wp-content/uploads/2018/10/LRPN_148-Final-For-Web.pdf” force_dl=”1″]

October 27, 2018

Lukaku សង្ឃឹមថា ការជួបអតីតក្រុម Everton សង្គ្រោះទម្រង់លេងរបស់គេ

ខ្សែប្រយុទ្ធ Romelu Lukaku នឹងស្ថិតក្រោមការត្រួតពិនិត្យយ៉ាងយកចិត្តទុកដា នៅពេលដែលរូបគេប៉ះជាមួយនឹងអតីតក្លិបរបស់គេ Everton នៅថ្ងៃអាទិត្យ ចុងសប្តាហ៍នេះ ដោយសម្លឹងរកចាប់ផ្តើមរដូវកាលមួយ ដែលកំពុងតែផ្តល់ការខកចិត្តដល់រូបគេ និងក្រុម Manchester United របស់គេ។

ខ្សែប្រយុទ្ធអន្តរជាតិបែលហ្ស៊ិករូបនេះ ត្រូវបានរិះគន់យ៉ាងខ្លាំង ក្រោយពីក្រុម Man United បានរងបរាជ័យក្នុងលទ្ធផល 1-0 នៅលើទឹកដីខ្លួនឯងក្រោមស្នាដៃក្រុម Juventus កាលពីពាក់កណ្តាលសប្តាហ៍នេះ ដើម្បីការមិនអាចរកគ្រាប់បាល់បញ្ចូលទីរបស់គេរហូតដល់ទៅ៨ប្រកួត។

Lukaku វ័យ 25ឆ្នាំ ដែលត្រូវបានទិញដោយក្លិប Man United ពីក្លិប Everton ក្នុងតម្លៃខ្លួន 75លានផោន (ស្មើនឹង 96លានដុល្លារអាមេរិក) កាលឆ្នាំ2017 នៅតែស្ថិតក្នុងភាពមុតស្រួចក្នុងការប្រកួតអន្តរជាតិ ក្រោយពីការស៊ុតបាល់បញ្ចូលទី5 គ្រាប់សម្រាប់ប្រទេសរបស់គេ ក្នុងការប្រកួតអន្តរជាតិ4 លើកនៅរដូវកាលនេះ។

ក្នុងដំណាក់កាលដូចគ្នានេះ កាលពីរដូវកាលមុន រូបគេបានស៊ុតបាល់បញ្ចូលទី5 គ្រាប់ ក្នុងការប្រកួត3 លើកសម្រាប់ក្រុមជម្រើសជាតិបែលហ្ស៊ិក ប៉ុន្តែរូបគេក៏បានស៊ុតបាល់បញ្ចូល 11គ្រាប់ក្នុងការបង្ហាញខ្លួន 13លើកសម្រាប់ក្លិបរបស់គេផងដែរ។ គ្រាប់បាល់របស់ Lukaku សម្រាប់ក្រុម Man Utd បានធ្លាក់ចុះគួរឲ្យកត់សម្គាល់នៅរដូវកាលនេះ ក្រោយពីរូបគេរកបានត្រឹមតែ4គ្រាប់គត់ក្នុងការប្រកួត 13លើកសម្រាប់ក្រុមរបស់លោក Jose Mourinho។

លោក Mourinho បានទទួលស្គាល់ក្រោយពីការប្រកួតជាមួយនឹងក្រុម Juventus ថា Lukaku ពិតជាធ្លាក់ចុះទម្រង់លេង ប៉ុន្តែ កាលពីថ្ងៃសុក្រ ក្នុងសន្និសីទសារព័ត៌មាននៅមុនពេលការប្រកួតរបស់លោក លោកបានលើកទឹកចិត្តឲ្យ Lukaku ស្វែងរកទម្រង់លេងដ៏ល្អរបស់គេត្រឡប់មកវិញ។ ការប្រកួតនេះនឹងចាប់ផ្តើមនៅម៉ោង 11យប់៕

ប្រភពពី៖ Channel News Asia

October 27, 2018

សេចក្តីជូនដំណឹង៖ អេ អឹម ខេ នឹងផ្អាកដំណើរការប្រតិបត្ដិការហិរញ្ញវត្ថុបណ្ដោះអាសន្ន ដើម្បីដាក់ដំណើរប្រព័ន្ធធនាគារថ្មី

សេចក្តីជូនដំណឹង!

គ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី មានកិត្តិយសសូមជូនដំណឹងដល់អតិថិជនទាំងអស់មេត្តាជ្រាបថា គ្រឹះស្ថានយើងខ្ញុំ នឹងផ្អាកដំណើរការប្រតិបត្ដិការហិរញ្ញវត្ថុគ្រប់ប្រភេទនៅ គ្រប់សាខា ភ្នាក់ងារ និងម៉ាស៊ីនដាក់/ដកប្រាក់ ទាំងអស់ជាបណ្ដោះអាសន្ន ចាប់ពីម៉ោង ០២:០០ រសៀល នាថ្ងៃពុធ ទី៣១ ខែតុលា ឆ្នាំ២០១៨ រហូតដល់ថ្ងៃទី០៤ ខែវិច្ឆិកា ឆ្នាំ២០១៨ ដើម្បីដាក់ដំណើរការប្រព័ន្ធធនាគារស្នូលថ្មី TEMENOS (T24) ដើម្បីឆ្លើយតបទៅនឹងការរីកចម្រើនរបស់គ្រឹះស្ថាន និងផ្ដល់ជូននូវសេវាកម្មកាន់តែសម្បូរបែបជូនអតិថិជន។

ប្រតិបត្តិការសេវាហិរញ្ញវត្ថុទាំងអស់នឹងចាប់ផ្តើមដំណើរការជាធម្មតាវិញនៅ ថ្ងៃចន្ទ ទី០៥ ខែវិច្ឆិកា ឆ្នាំ២០១៨ ។
យើងខ្ញុំសូមអធ្យាស្រ័យចំពោះបញ្ហារំខាន និងសូមអរគុណចំពោះការអត់ធ្មត់របស់លោកអ្នកក្នុងអំឡុងពេលនេះ។សូមអរគុណសម្រាប់ការប្រើប្រាស់សេវាហរិញ្ញវត្ថុជាមួយគ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី។

ព័ត៌មានបន្ថែម៖ ០២៣ ២២០ ២០២ / ១៨០០ ២០០ ២០០៕

សូមអរគុណ!

October 27, 2018

មិនធម្មតា! ក្រុមហ៊ុនទូរស័ព្ទ OPPO ផ្តល់ឱកាសដល់អ្នកសារព័ត៌មាននៅអាស៊ីស្វែងយល់ពីចង្វាក់ផលិតកម្មរបស់ខ្លួន

នៅក្នុងដំណើរទស្សនកិច្ចក្រៅផ្លូវការណ៍របស់បណ្តាអ្នកសារព័ត៌មានចម្រុះជាតិសាសន៍នៅក្នុងតំបន់អាស៊ី ដែលរួមមានកម្ពុជា វៀតណាម ឡាវ ហ្វីលីពីន ជាដើម ក្រោមការរៀបចំឡើងដោយក្រុមហ៊ុនទូរស័ព្ទស្មាតហ្វូន OPPO ប្រចាំប្រទេសចិនតែម្ដង។

នៅក្នុងដំណើរទស្សនកិច្ចនេះផងដែរ ដំបូងបំផុតអ្នកសារព័ត៌មានត្រូវបានខាងក្រុមហ៊ុនផ្ដល់ឱ្យកាសបានចូលទស្សនាទីស្នាក់ការកណ្ដាល និងបន្ទាប់មកគឺទៅទស្សនា Store ដ៏ធំរបស់ Oppo ដែលដាក់តាំងទូរស័ព្ទ រួចទៅទស្សនារោងចក្រផលិតទូរស័ព្ទរបស់ Oppo ដែលស្ថិតនៅក្នុងទីក្រុងឧស្សាហកម្ម ហ្សិនជិន ខេត្តក្វាងទុង។

ហាងទូរស័ព្ទ OPPO ដ៏ធំបំផុតប្រចាំប្រទេសចិននោះ មានឈ្មោះថា Oppo Super Flagship Store គឺជាកន្លែងដាក់តាំងគ្រប់ទូរស័ព្ទរបស់ Oppo ប៉ុន្តែទូរស័ព្ទទាំងនោះគ្រាន់តែដាក់តាំងបង្ហាញប៉ុណ្ណោះ បានដាក់លក់ទេ តែបើសិនជាអតិថិជនមានចំណាប់អារម្មណ៍អាចធ្វើការកុម៉្មង់ទិញនៅទីនោះបាន។

Oppo Super Flagship Store ក៏ជាមជ្ឍមណ្ឌល Customer Service Center សម្រាប់ភ្ញៀវសាកសួរព័ត៌មានផ្សេងៗ ជាពិសេសគឺអតិថិជនអាចធ្វើការតេស្តសាកល្បង (User Experience) បានដោយផ្ទាល់។

នៅក្នុងរោងចក្រ អ្នកសារព៏ត៌មានទាំងអស់ត្រូវបានក្រុមហ៊ុនអនុញ្ញាតឱ្យដើរមើលពីសង្វាក់ផលិតកម្មចាប់ផ្ដើមតាំងពីដំណាក់កាលដំបូងរហូតដល់បញ្ចប់ ជាពិសេសគឺបានឃើញ និងធ្វើតេស្ដជាក់ស្ដែងទៅលើទូរស័ព្ទម៉ូដែលថ្មី ដោយក្នុងនោះបានឃើញផ្ទាល់ភ្នែកពីការធ្វើតេស្ដសាកល្បងដោយទម្លាក់ទូរស័ព្ទពីទីខ្ពស់៕

October 27, 2018

Arsenal ផ្តួល Sporting ខណៈ Chelsea និង Betis ឈ្នះដូចគ្នា

ខ្សែប្រយុទ្ធ Danny Welbeck បានដណ្តើមយកប្រៀបលើការធ្វេសប្រហែសក្នុងតំបន់ការពារ ដើម្បីដណ្តើមយកជ័យជម្នះក្នុងលទ្ធផល 1-០ សម្រាប់ក្រុម Arsenal នៅលើទឹកដីក្រុម Sporting Lisbon ក្នុងក្របខ័ណ្ឌ Europa League កាលពីថ្ងៃព្រហស្បតិ៍ ស្របពេលដែលក្រុមម្ចាស់ជើងឯកទ្វីបអឺរ៉ុប 7សម័យកាល AC Milan បានចាញ់លើទឹកដីខ្លួនឯង ក្រោមស្នាដៃក្រុម Real Betis។

ក្រុមកាំភ្លើងធំរបស់លោក Unai Emery បច្ចុប្បន្នបានកត់ត្រាជ័យជម្នះ 11លើកជាប់ៗគ្នា ក្នុងរាល់យុទ្ធនាការទាំងអស់ ដែលជាកំណត់ត្រាដ៏ល្អបំផុតរបស់ក្លិបនេះចាប់តាំងពីឆ្នាំ2007 ខណៈដែលជ័យជម្នះនេះ បានធ្វើឱ្យពួកគេខិតចូលកាន់តែកៀកក្នុងការឈានទៅវគ្គ 32ក្រុមចុងក្រោយនៃក្របខ័ណ្ឌ Europa League។

ស្របពេលជាមួយគ្នានេះ AC Milan របស់លោក GennaroGattuso បានបាត់បង់ពិន្ទុជាលើកទី1 របស់ពួកគេ ក្នុងពូល F ខណៈដែលគ្រាប់បាល់ស៊ុតបញ្ចូលទីពីសំណាក់ Antonio Sanabria និង Giovani Lo Celso ដែលខ្ចីជើងពីក្លិប Paris Saint-Germain មកនោះបានជួយឱ្យក្រុម Betis ដណ្តើមបានជ័យជម្នះ 2-1 ក្នុងប្រទេសអ៊ីតាលី។

ក្នុងការប្រកួត 1គូទៀតក្នុងទីក្រុងឡុងដ៍ឯណោះវិញ ខ្សែបម្រើ Ruben Loftus-Cheekបានបង្ហាញថ្វីជើងនៅថ្ងៃនៃការបង្ហាញខ្លួនក្នុងជម្រើសដំបូងដ៏កម្រសម្រាប់ក្រុមChelsea តាមរយៈការស៊ុតបាល់បញ្ចូលទី 3គ្រាប់ក្នុងពេលពួកគេដណ្តើមបានជ័យជម្នះក្នុងលទ្ធផល 3-1 លើក្រុម BATE របស់បេឡារុស ក្នុងការប្រកួតក្របខ័ណ្ឌEuropa League ស្របពេលដែលក្រុម Arsenal បន្តកំណត់ត្រាឈ្នះជាប់ៗគ្នារបស់ពួកគេរហូតដល់ទៅ 11លើកនៅលើទឹកដីក្រុម Sporting Lisbon។

Loftus-Cheek ដែលជាសមាជិកនៃក្រុមជម្រើសជាតិអង់គ្លេស ក្នុងយុទ្ធនាការWorld Cup នៅរុស្ស៊ីបានចូលលេងក្នុងជម្រើសទាំង 11នាក់ដំបូងជាលើកទី2 នៅរដូវកាលនេះក្រោមការដឹកនាំរបស់លោកMaurizio Sarri និងស៊ុតបាល់បញ្ចូលទីបាន 2គ្រាប់ក្រោយពីលេងបានត្រឹមតែ 8នាទីដំបូង ខណៈដែលChelsea បានគ្រប់គ្រងការលេងស្ទើរតែទាំងស្រុងនៅកីឡដ្ឋាន Stamford Bridge។

ខ្សែបម្រើរូបនេះ បានបំពេញគ្រាប់បាល់ទី3 របស់គេតាមរយៈការស៊ុតបាល់ពីជ្រុងម្ខាង ខាងក្រៅប្រអប់គ្រោះថ្នាក់ នៅនាទីទី54 បើទោះបីក្រុម BATE បានរកគ្រាប់បាល់ 1គ្រាប់វិញ ក្រោយពីការស៊ុតបាល់ពិន័យពីចម្ងាយរបស់កីឡាករ Aleksei Riosក៏ដោយ៕

ប្រភពពី៖ Channel News Asia

October 26, 2018

Verstappen ត្រៀមផ្តល់ការខកចិត្តដល់ Hamilton នៅម៉ិកស៊ិក ថ្ងៃអាទិត្យនេះ

កីឡាករប្រណាំងរថយន្ត Max Verstappen ត្រៀមខ្លួនរួចរាល់ក្នុងការផ្អាកពិធីជប់លៀងរបស់កីឡាករ Lewis Hamilton តាមរយៈការដណ្តើមបានជ័យជម្នះសម្រាប់ក្រុម Red Bull ក្នុងព្រឹត្តិការណ៍ Mexican Grand Prix នៅចុងសប្តាហ៍នេះ។ កីឡាករហូឡង់វ័យក្មេងរូបនេះ បានប្រាប់អ្នកយកព័ត៌មានកាលពីថ្ងៃព្រហស្បតិ៍ថា រូបគេជឿជាក់ថា ការប្រណាំងនេះនឹងផ្តល់ឱ្យក្រុមរបស់គេនូវឱកាសដ៏ល្អបំផុតក្នុងការដណ្តើមបានជ័យជម្នះ 1ផ្សេងទៀត នៅមុនពេលបញ្ចប់រដូវកាលនេះ។

Verstappen បានឱ្យដឹងថា៖ «យើងអាចនឹងមិនបោះបង់ចោលឱកាសដ៏ល្អក្នុងការប្រកួតជម្រុះឡើយ ប៉ុន្តែ យើងកំពុងតែធ្វើការងារយ៉ាងល្អក្នុងការប្រណាំងនេះ ហេតុនេះ ខ្ញុំរំពឹងទុកថា ព្រឹត្តិការណ៍នេះនឹងមានភាពល្អប្រសើរសម្រាប់យើងជាងក្នុងការប្រណាំងនៅទីក្រុង Austin។ Lewis នៅតែចង់ឈ្នះ ប៉ុន្តែ ខ្ញុំគិតថា រឿងនោះនឹងមិនផ្លាស់ប្តូរអ្វីឡើយ»។

ប្រសិនបើ Verstappen ទទួលជ័យជម្នះ កីឡាករ Hamilton នឹងក្លាយជាម្ចាស់ជើងឯកដោយស្វ័យប្រវត្តិ ប៉ុន្តែ រូបគេនឹងស្រេកឃ្លានក្នុងការឈ្នះពានពិភពលោក តាមរយៈការឈ្នះការប្រណាំងនៅម៉ិកស៊ិក។ កីឡាករ Verstappen បានបន្ថែមទៀតថា៖ «ខ្ញុំគិតថា រថយន្តរបស់យើងល្អទាំងបច្ចេកទេស និងក្នុងស្ថានភាពឌីណាមិកអាកាស»។

1st place Lewis Hamilton (GBR) Mercedes AMG F1 W09 with 2nd place Valtteri Bottas (FIN) Mercedes AMG F1 and 3rd place Max Verstappen (NLD) Red Bull Racing RB14.
07.10.2018. Formula 1 World Championship, Rd 17, Japanese Grand Prix, Suzuka, Japan, Race Day.
– www.xpbimages.com, EMail: [email protected] – copy of publication required for printed pictures. Every used picture is fee-liable. © Copyright: Batchelor / XPB Images

Hamilton ត្រូវតែយកឈ្នះលើកីឡាករ Sebastian Vettel របស់ក្រុម Ferrari ចំនួន 5ពិន្ទុ ដើម្បីឈ្នះពានពិភពលោកជាលើកទី5 របស់គេ និងស្មើជាមួយនឹងកំណត់ត្រារបស់កីឡាករ Juan Manuel Fangio ដែលធ្វើឱ្យម្ចាស់ជើងឯកពិភពលោក 7សម័យកាល Michael Schumacher ក្លាយជាមនុស្សតែម្នាក់គត់ដែលឈ្នះពានច្រើនជាងរូបគេ។ ការប្រណាំងនៅថ្ងៃអាទិត្យនេះ នឹងចាប់ផ្តើមនៅម៉ោង2:10ទៀបភ្លឺ៕

ប្រភពពី៖ France24

October 26, 2018

លោកឧកញ៉ា ចេង ខេង៖ ចង់ក្លាយជាភ្នាក់ងារអចលនទ្រព្យជោគជ័យ ត្រូវមានជំនាញជាមុន

ចង់ក្លាយជាភ្នាក់ងារអចលនទ្រព្យ មិនមែនជារឿងលំបាកនោះទេ ប៉ុន្តែរឿងដែលលំបាក គឺនៅពេលចូលប្រឡូកការងារនេះហើយ តែមិនអាចរកអតិថិជនទៅទិញដី ឬផ្ទះបាន ដោយសារតែខ្វះបទពិសោធ ឬខ្វះជំនាញវិជ្ជាជីវៈ។

លោកឧកញ៉ាបានលើកឡើងថា កាលពីអំឡុងពេលជាង 20ឆ្នាំមុន ភ្នាក់ងារអចលនទ្រព្យមិនបានរៀនជំនាញវិជ្ជាជីវៈនោះទេ ចេះធ្វើតៗគ្នា បើសិនជាភ្ញៀវមករកទិញ ហើយមានដី ឬផ្ទះលក់ទៅឱ្យគេ នោះនឹងទទួលបានកម្រៃជើងសា តែបើភ្ញៀវមិនមករកទេ ក៏មិនមានកម្រៃជើងសាដែរ ហើយការងារប្រភេទនេះបានបាត់ទៅវិញបន្តិចម្តងៗ ឬបាត់បង់ទាំងស្រុងតែម្ដងមកទល់សព្វថ្ងៃ។ ដូច្នេះដើម្បីឱ្យក្លាយជាភ្នាក់ងារអចលនទ្រព្យដែលជោគជ័យក្នុងអាជីព មុននឹងចូលប្រឡូកក្នុងកិច្ចការនេះ ត្រូវរៀនឱ្យចេះជំនាញវិជ្ជាជីវៈច្បាស់លាស់ជាមុន ទាំងជំនាញលក់និងជំនាញវាយតម្លៃ។

ឧទាហរណ៍ថា បើសិនជាយើងចេះវាយតម្លៃដី យើងដឹងពីតម្លៃទីផ្សារ ហើយមានគេលក់ក្រោមទីផ្សារ យើងរកអតិថិជនមកទិញ នៅពេលអតិថិជនមកទិញ ហើយលក់ចេញ ទទួលបានប្រាក់ចំណេញច្រើន ថ្ងៃក្រោយនៅពេលគេចង់ទិញ គេច្បាស់ជាមកពឹងយើងឱ្យជួយរកដី រកផ្ទះឱ្យគេទៀតមិនខាន។ ចំណែកអ្នកលក់នៅពេលដែលគេលក់ឆាប់ដាច់ ថ្ងៃក្រោយគេប្រាកដជាមកពឹងយើងឱ្យលក់បន្តឱ្យគេទៀតមិនខាន ដូច្នេះការងារជាភ្នាក់ងារអចលនទ្រព្យដែលមានជំនាញ មិនចេះរីងស្ងួតនោះទេ។

លោកថា ដើម្បីផ្តល់ជាបទពិសោធ និងផ្តល់ជំនាញវិជ្ជាជីវៈដល់ភ្នាក់ងារអចលនទ្រព្យទូទាំងប្រទេស ក្រុមហ៊ុនCPL នឹងរៀបចំសិក្ខាសាលាបណ្តុះបណ្តាលមួយនៅព្រឹកថ្ងៃសៅរ ទី27 ខែតុលា ឆ្នាំ2018នេះ ដែលមានសាស្ត្រាចារ្យមានជំនាញច្បាស់លាស់ និងបទពិសោធយូរឆ្នាំចូលរួមផ្ទេរចំណេះដឹងរបស់ពួកគាត់ទៅដល់ភ្នាក់ងារជំនាន់ក្រោយៗឱ្យកាន់តែក្លាយជាអ្នកជំនាញច្បាស់លាស់បន្ថែមទៀត៕

October 25, 2018

Author: វល័ក្ខ