Author: វល័ក្ខ

កម្ពុជាក្លាយជាម្ចាស់ផ្ទះរៀបចំកម្មវិធីប្រគល់ពានរង្វាន់អាស៊ានសម្រាប់អាជីវកម្ម និងធុរកិច្ច ឆ្នាំ២០២៤
ភ្នំពេញ ៖ ពានរង្វាន់អាស៊ាន សម្រាប់អាជីវកម្ម និងធុរកិច្ច ដែលបានជួយកិច្ចការសង្គមប្រចាំឆ្នាំ ២០២៤ ត្រូវបានរៀបចំឡើងនៅរាជធានីភ្នំពេញប្រទេសកម្ពុជា កាលពីរាត្រីថ្ងៃទី ១១ វិច្ឆិកា ២០២៤ ដោយសហគ្រិនចំនួន៧៥រូបមកពី១៩ប្រទេស ត្រូវបានជ្រើសរើសសម្រាប់ការផ្ដល់ជូនពានរង្វាន់ដ៏អស្ចារ្យមួយនេះ ។
នៅក្នុងឱកាសនៃពិធីប្រគល់ពានរង្វាន់នេះដែរ លោកហ៊ាង វុទ្ធា ប្រធានក្លិប Global Entrepreneur 1% Club បានមានប្រសាសន៍ឱ្យដឹងដែរថា ពានរង្វាន់អាស៊ាន សម្រាប់អាជីវកម្ម និងធុរកិច្ច ដែលបានជួយកិច្ចការសង្គមប្រចាំឆ្នាំ២០២៤នេះ បានឆ្លុះបញ្ចាំងយ៉ាងជ្រាលជ្រៅជាមួយនឹងទំនួលខុសត្រូវសង្គមរួមរបស់យើង ចំពោះកិច្ចការជួយសង្គម ។ ម្យ៉ាងវិញទៀត វាមិនត្រឹមតែលើកកម្ពស់ដំណើរការអាជីវកម្មប៉ុណ្ណោះទេ ប៉ុន្តែថែមទាំងលើកកម្ពស់ជីវភាពរស់នៅរបស់មនុស្សជុំវិញយើងផងដែរ ។ ការជួបជុំ នៅក្នុងថ្ងៃនេះ ក៏ឆ្លុះបញ្ចាំងពីជំហានសំខាន់ៗ ដែលយើងធ្វើក្នុងនាមយើងជាផ្នែកមួយក្នុងការជំរុញការអភិវឌ្ឍប្រកបដោយចីរភាព លើកកម្ពស់ជីវិត និងរួមចំណែកដល់សុខុមាលភាពនៃសង្គមនៃតំបន់អាស៊ានទាំងមូល ។
លោកបន្តថា កម្មវិធីពានរង្វាន់នេះ ត្រូវបានរៀបចំឡើងអស់រយៈពេល៨០ថ្ងៃដែលមានអ្នកចូលរួមដាក់ពាក្យចំនួន ៣.៧៦០នាក់ មកពីបណ្ដាប្រទេសចំនួន៣៩ប្រទេស ។ ក្នុងនោះគណៈកម្មាធិការបានជ្រើសរើសអ្នកមានសក្ដានុពលចំនួន ៤៨០នាក់ ហើយឈានទៅដល់វាយតម្លៃជាផ្លូវការចំនួន ២៨០នាក់ មកពី៣០ប្រទេស ។ ជាចុងក្រោយ គណៈកម្មាធិការ បានសម្រេចជ្រើសរើស យកម្ចាស់ជ័យលាភីសរុបចំនួន៧៥រុបមកពីប្រទេសចំនួន១៩ ដើម្បីផ្ដល់ជូនពានរង្វាន់នៅក្នុងថ្ងៃនេះ ។
លោកបណ្ឌិតគង់ វិចិត្រា ស្ថាបនិកអង្គការ KPF និងជាអនុប្រធានក្លិប Global Entrepreneur 1% Club ( កិច្ចការងារសង្គម ) បានមានប្រសាសន៍ថា ព្រឹត្តិការណ៍ដ៏អស្ចារ្យនេះ បានបង្ហាញពីការប្ដេជ្ញាចិត្តក្នុងចក្ខុវិស័យរបស់សមាគម ដែលមិនគិតត្រឹមតែរកប្រាក់ចំណេញប៉ុណ្ណោះទេ តែថែមទាំងផ្ដល់ត្រលប់មកវិញដល់សង្គមផងដែរ ។
លោកបន្តថា ការទទួលខុសត្រូវសង្គម មិនគ្រាន់តែជាការផ្ដល់ត្រលប់មកវិញទេ វាគឺជាការកសាងអនាគតប្រកបដោយចីរភាពសម្រាប់មនុស្សគ្រប់រូប ។ ក្នុងនាមជាអ្នកទទួលខុសត្រូវលើការទទួលខុសត្រូវសង្គមមួយរូបរបស់សមាគមក្លិប លោកក៏បានអំពាវនាវដល់ម្ចាស់អាជីវកម្ម និងសហគ្រិនជាច្រើនផ្សេងទៀត បន្តគាំទ្រសង្គមរបស់យើង ដោយសារវាមានសារសំខាន់ណាស់សម្រាប់អភិវឌ្ឍប្រទេសយើង ។
តាមរយៈពានរង្វាន់មួយនេះដែរ ក្លឹបអ្នកវិនិយោគនេះនឹងរំពឹងថានឹងមានសហគ្រិនជាច្រើនទៀត ចូលរួមក្នុងកិច្ចការសង្គមបានកាន់តែច្រើន ហើយក៏រំពឹងថានឹងមានការរៀបចំពានរង្វាន់ដ៏អស្ចារ្យមួយនេះ និងមានការចូលរួមគាំទ្រពីសំណាក់បណ្ដាក្រុមហ៊ុន និងម្ចាស់អាជីវកម្មទៅលើការរៀបចំកម្មវិធីប្រគល់ពានរង្វាន់កាន់តែធំនិងអស្ចារ្យជាងពេលនេះ ។
នៅក្នុងកម្មវិធីប្រគល់ពានរង្វាន់នេះដែរកាលពីរាត្រីថ្ងៃទី១១ វិច្ឆិកា ២០២៤ ក៏មានការចូលរួមពីតំណាងក្រសួងស្ថាប័នសំខាន់ៗ មួយចំនួនរួមមាន តំណាងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ តំណាងមកពីក្រសួងពាណិជ្ជកម្ម ប្រធានសភាពាណិជ្ជកម្មសិង្ហបុរីប្រចាំប្រទេសកម្ពុជា និងប្រធានសមាគមវិនិយោគកម្ពុជាសិង្ហបុរីជាដើម ។
គួរបញ្ជាក់ថាកម្មវិធី “ពានរង្វាន់អាស៊ានសម្រាប់អាជីវកម្មនិងធុរកិច្ចដែលជួយកិច្ចការសង្គម”ត្រូវបានបែងចែកទៅជាពានរង្វាន់មាន៥ប្រភេទដែលក្នុងនោះពានរង្វាន់អាស៊ានសម្រាប់ថ្នាក់ពាន់សហគមន៍និងធុរកិច្ចដែលជួយកិច្ចការសង្គមមានចំនួន១០រូបពានរង្វាន់អាស៊ានសម្រាប់ថ្នាក់ពានសិល្បករ/សិល្បការីនីនិងធុរកិច្ចដែលជួយកិច្ចការសង្គមចំនួន៣រូបពានរង្វាន់អាស៊ានសម្រាប់អាជីវកម្មនិងធុរកិច្ចដែលជួយកិច្ចការសង្គមចំនួន១២រូបពានរង្វាន់អាស៊ានសម្រាប់ពានសហគ្រិន និងធុរកិច្ចដែលជួយកិច្ចការសង្គមចំនួន ៣៤រូប និងពានរង្វាន់អាស៊ានសម្រាប់ថ្នាក់ដឹកនាំ និងធុរកិច្ចដែលជួយកិច្ចការសង្គមចំនួន ១៣រូប៕
November 13, 2024
ពិព័រណ៍ពាណិជ្ជកម្មកម្ពុជា នឹងចាប់ផ្តើមនៅពាក់កណ្តាលខែធ្នូ ឆ្នាំ២០២៤នេះហើយ
ជាព្រឹត្តិការណ៍ប្រវត្តិសាស្រ្តរបស់ប្រទេសកម្ពុជាមួយទៀត ដែលជាឱកាសដ៏ល្អសម្រាប់ភ្ញៀវជាតិ និងភ្ញៀវអន្តរជាតិ ដែលជាពាណិជ្ជករ ផលិតករ វិនិយោគិន និងសាធារណជន ដើម្បីមកជួបជុំគ្នា មានទំនាក់ទំនងជាមួយគ្នាជាលក្ខណៈផ្លូវការ ដោយក្រសួងពាណិជ្ជកម្មកម្ពុជាបាននឹងកំពុងរៀបចំ “ពិព័រណ៍ពាណិជ្ជកម្មកម្ពុជា” ក្រោមមូលបទនៃ “យុគសម័យថ្មីនៃពាណិជ្ជកម្ម” នាថ្ងៃទី១៣-១៦ ខែធ្នូ ឆ្នាំ២០២៤ខាងមុខនេះ។
យោងតាមក្រសួងពាណិជ្ជកម្ម បានឱ្យដឹងថា ពិព័រណ៍ពាណិជ្ជកម្មកម្ពុជា នឹងរៀបចំឡើងក្រោមមូលបទ យុគសម័យថ្មីនៃពាណិជ្ជកម្ម (Trade Renaissance) ចាប់ពីថ្ងៃទី១៣ដល់ថ្ងៃទី១៦ ខែធ្នូ ឆ្នាំ២០២៤ នៅមជ្ឈមណ្ឌលភីអេច ល្ខោនហល បុរីប៉េងហួតបឹងស្ងោ រាជធានីភ្នំពេញ ដើម្បីលើកកម្ពស់សកម្មភាពពាណិជ្ជកម្មនិង វិនិយោគ ផ្សារភ្ជាប់ទំនាក់ទំនងពាណិជ្ជកម្មអន្តរជាតិ។
នៅក្នុងកម្មវិធីលំដាប់អន្តរជាតិនេះផងដែរ ក៏នឹងមានរៀបចំស្តង់តាំងបង្ហាញផលិតផល និងសេវាកម្មជាច្រើនប្រភេទ ដូចជា ផលិតផលដែលមានសក្តានុពលនៅក្នុងប្រទេសកម្ពុជា ផលិតផលសម្គាល់ភូមិសាស្ត្រទំនិញ ផលិតផលឧស្សាហកម្ម សេវាកម្ម ធនាគារ និងវិនិយោគ ព្រមទាំងមានកម្មវិធីអមសំខាន់ៗដូចជា វេទិកាពាណិជ្ជកម្មឌីជីថល វេទិកាធុរកិច្ច និងវិនិយោគកម្ពុជា-សាធារណរដ្ឋកូរ៉េ ជំនួបពាណិជ្ជកម្ម សិក្ខាសាលាស្តីពីការជំរុញការនាំចេញ និងការប្រគំតន្ត្រីជាដើម។
នៅក្នុងឱកាសនោះដែរ ក៏នឹងមានវត្តមានដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជណាចក្រកម្ពុជា អញ្ជើញជាអធិបតីនៅក្នុងពិធីបើកជាផ្លូវការនៃពិព័រណ៍ពាណិជ្ជកម្មកម្ពុជា (CTE) នាព្រឹកថ្ងៃទី១៣ ខែធ្នូ ឆ្នាំ២០២៤ផងដែរ។
ក្រសួងពាណិជ្ជកម្មនៃព្រះរាជាណាចក្រកម្ពុជាមានការរំពឹងទុក និងមានជំនឿយ៉ាងមុតមាំថា ភ្ញៀវជាតិ ភ្ញៀវអន្តរជាតិ ពាណិជ្ជករ ផលិតករ អ្នកវិនិយោគ និងសាធារណជនទាំងអស់នឹងចូលរួមនៅក្នុងព្រឹត្តិការណ៍នេះឱ្យបានច្រើនកុះករ និងចាប់យកឱកាសដ៏ល្អនេះ ដើម្បីពង្រឹង និងពង្រីកសកម្មភាពអាជីវកម្មរបស់ខ្លួនឱ្យកាន់តែប្រសើរឡើងថែមទៀត៕
សូមចូលរួមទាំងអស់គ្នា!
November 12, 2024
អាមេរិក បន្តជួយ និងគាំទ្រប្រជាជនកម្ពុជាតាមរយៈការវិនិយោគ និងជំនួយជាថវិកាទៅលើវិស័យសំខាន់ៗមួយចំនួន
ភ្នំពេញ ៖ កាលពីសប្ដាហ៍កន្លងទៅនេះ នៅទីក្រុងភ្នំពេញ នាយិកាទីភ្នាក់ងារជំនួយអាមេរិក USAID អ្នកស្រី Samantha Power បានប្រកាសអំពីការវិនិយោគមួយចំនួនរបស់សហរដ្ឋអាមេរិកដើម្បីគាំទ្រដល់ប្រជាជនកម្ពុជាលើវិស័យសំខាន់ៗរួមមាន៖ សន្តិសុខស្បៀង ការអភិរក្សបរិស្ថាន សង្គមស៊ីវិល ប្រព័ន្ធផ្សព្វផ្សាយ និងការងារ។
ក្រៅពីការគាំទ្រជីវភាពប្រជាជនកម្ពុជាតាមរយៈការវិនិយោគដូចបានលើកឡើងខាងលើ អាមេរិកក៏បានផ្តល់ជំនួយសំខាន់ៗបន្ថែមទៀត រួមមានថវិកាជំនួយសម្រាប់កម្មវិធី “ស្បៀងដើម្បីភាពជឿនលឿន” ជាង ២៩លានដុល្លារ ផ្តល់ពីក្រសួងកសិកម្មសហរដ្ឋអាមេរិកដើម្បីពង្រឹងវិស័យសុខភាព និងការរីកចម្រើននៃវិស័យកសិកម្មរបស់កម្ពុជាតាមរយៈការលើកកម្ពស់ការអនុវត្តសុវត្ថិភាពចំណីអាហារ បច្ចេកវិទ្យាឆ្លាតវៃអាកាសធាតុ និងការកែលម្អទំនាក់ទំនងទីផ្សារ។
បន្ថែមពីលើនេះ កិច្ចខិតខំប្រឹងប្រែងថ្មីត្រូវបានប្រកាសដើម្បីការពារជីវចម្រុះដ៏សម្បូរបែបនៃទន្លេមេគង្គក្រោម ព្រមទាំងថវិកា ជាង ៦ លានដុល្លារពីទីភ្នាក់ងារជំនួយអាមេរិក USAID ដើម្បីគាំទ្រដល់សង្គមស៊ីវិល ប្រព័ន្ធផ្សព្វផ្សាយ និងសិទ្ធិការងារនៅកម្ពុជា។
ទីភ្នាក់ងារជំនួយអាមេរិក USAID តាមរយៈការផ្តល់ថវិកាចំនួន ៣ លានដុល្លារពីក្រសួងការងារសហរដ្ឋអាមេរិក នឹងបន្តគាំទ្រដល់ពលរដ្ឋខ្មែរដែលធ្វើមាតុភូមិនិវត្តន៍ពីសហរដ្ឋអាមេរិកវិញ ព្រមទាំងដោះស្រាយឧបសគ្គសម្រាប់ជនមានពិការភាព។ ជំនួយទាំងនេះបានបង្ហាញពីការប្តេជ្ញាចិត្តរបស់សហរដ្ឋអាមេរិកចំពោះការអភិវឌ្ឍប្រកបដោយចីរភាពរបស់កម្ពុជា ឆ្ពោះទៅរកគោលដៅរួមសម្រាប់តំបន់ឥណ្ឌូ-ប៉ាស៊ីហ្វិកដែលប្រកបទៅដោយវិបុលភាព និងបរិយាបន្ន៕
November 11, 2024
គណៈកម្មាធិការជាតិសន្តិសុខលម្ហសមុទ្រជូនដំណឹងពីដំណើរព្យុះទីហ្វុងដែលអាចជះសម្ពាធ និងឥទ្ធិពលមកលើខេត្តមួយចំនួននៅកម្ពុជា
ភ្នំពេញ : យោងតាមការព្យាករណ៍ធាតុអាកាស នៅថ្ងៃទី១០ ខែវិច្ឆិកា ឆ្នាំ២០២៤ បានឲ្យដឹងថាព្យុះទីហ្វុង យីន ស៊ីង (Yinxing) បានកំពុងតែស្ថិតនៅតំបន់សមុទ្រចិនខាងត្បូង ក្នុងល្បឿនចន្លោះពី(១០០ណត -១២៥ណត) = (១៦០គម/ម- ២០១គម/ម) ដោយមានទិសដៅទៅកាន់ទីក្រុងដាណាំង ប្រទេសវៀតណាម និងតំបន់ភាគឦសាននៃប្រទេសកម្ពុជា មានខេត្តរតនគីរី និងខេត្តមណ្ឌលគីរី។
ព្យុះទីហ្វុងនេះនឹងថមថយល្បឿនទៅវិញ នៅថ្ងៃទី១៣ ខែវិច្ឆិកា ឆ្នាំ២០២៤។
បញ្ជាក់៖ ព្យុះទីហ្វុងនេះនឹងជះឥទ្ធិពលមកលើប្រទេសកម្ពុជា ដូច្នេះសូមបងប្អូនទាំងអស់ជាពិសេសបងប្អូនប្រជានេសាទនិងអ្នកដំណើរតាមផ្លូវសមុទ្រទាំងអស់ សូមមេត្តាបង្កើនការប្រុងប្រយ័ត្នឲ្យបានខ្ពស់បំផុត៕
November 11, 2024
សម្ដេចធិបតី ហ៊ុន ម៉ាណែត ៖ វិថីតេជោសន្តិភាពឆ្នេរអង្កោល ជាសរសៃឈាមមួយដ៏សំខាន់ សម្រាប់ការតភ្ជាប់សហគមន៍ទេសចរណ៍
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នាព្រឹកថ្ងៃទី១១ ខែវិច្ឆិកា ឆ្នាំ២០២៤ ក្នុងឱកាសអញ្ជើញសម្ពោធដាក់ឱ្យដំណើរការជាផ្លូវការនូវវិថីតេជោសន្តិភាពឆ្នេរអង្កោល នៅខេត្តកែប ដែលមានតម្លៃជាង១០លានដុល្លារ បានមានប្រសាសន៍បញ្ជាក់ថា វិថីមួយខ្សែនេះ គឺជាសរសៃឈាមមួយដ៏សំខាន់ សម្រាប់ការតភ្ជាប់សហគមន៍ទេសចរណ៍។
បន្ថែមពីនោះទៀត សម្តេចបវរធិបតី ហ៊ុន ម៉ាណែត បានឲ្យដឹងថា «វិថីតេជោសន្តិភាពឆ្នេរអង្កោល» បម្រើប្រយោជន៍ដោយផ្ទាល់ ដល់ប្រជាពលរដ្ឋប្រមាណ ៦ពាន់គ្រួសារ ហើយ «វិថីតេជោសន្តិភាពឆ្នេរអង្កោល» នេះ បានតភ្ជាប់ផ្ទៃក្នុងរបស់ខេត្តកែប ក៏ដូចជាតភ្ជាប់ទៅព្រំដែនជាមួយវៀតណាម។
សម្តេចបវរធិបតី ហ៊ុន ម៉ាណែត បានថ្លែងយ៉ាងដូច្នេះថា «វិថីតេជោសន្តិភាពឆ្នេរអង្កោលនេះ គឺជាខ្សែផ្លូវទេសចរណ៍ ប្របមាត់ទឹករបស់កែប ដែលបាននឹងកំពុងដើរតួនាទី ជួយសម្រួលដល់ចរាចរណ៍ដឹកជញ្ជូន និងការធ្វើដំណើរផ្សេងៗ របស់ប្រជាពលរដ្ឋ ជាង៦ពាន់គ្រួសារ»។
សម្តេចមហាបវរធិបតី ហ៊ុន ម៉ាណែត ក៏បានសម្តែងក្តីរីករាយ ដែលអញ្ជើញចូលរួមសម្ពោធ «វិថីតេជោសន្តិភាពឆ្នេរអង្កោល» ហើយសូមចូលរួមអបអរសាទរ ជាមួយប្រជាពលរដ្ឋខេត្តកែប ដែលទទួលបានសមិទ្ធផលថ្មី «វិថីតេជោសន្តិភាពឆ្នេរអង្កោល»។ «វិថីតេជោសន្តិភាពឆ្នេរអង្កោល» ជាសមិទ្ធផលឆ្លងសម័យកាល ពោលត្រូវបានសាងសង់ឡើង ក្នុងពេលសម្តេចតេជោជានាយករដ្ឋមន្ត្រី ហើយសម្រេចក្នុងពេលសម្តេចមហាបវរធិបតី ជានាយករដ្ឋមន្ត្រី។
«វិថីតេជោសន្តិភាពឆ្នេរអង្កោល» មានប្រវែងសរុប ១២,៦៤៥ម៉ែត្រ ស្ថិតនៅ ភូមិកែប និងភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប គឺជាអនុគម្រោងនៃគម្រោងហេដ្ឋារចនាសម្ព័ន្ធទេសចរណ៍ សម្រាប់កំណើនប្រកបដោយ បរិយាប័ន្ន ក្នុងមហាអនុតំបន់មេគង្គជំហានទី២ ដែលគ្រប់គ្រងដោយក្រសួងទេសចរណ៍។
«វិថីតេជោសន្តិភាពឆ្នេរអង្កោល» គឺជាខ្សែផ្លូវលាតសន្ធឹងប្របមាត់ឆ្នេរទេសចរណ៍នៃសមុទ្រ ខេត្តកែប ដែលតភ្ជាប់ពីក្រុងកែបទៅកាន់តំបន់សហគមន៍ទេសចរណ៍ និងនេសាទ នៅក្នុងឃុំអង្កោល និងឆ្លងកាត់តំបន់កសិកម្ម តំបន់ស្រែអំបិល តំបន់ព្រៃកោងកាង។
វិថីនេះ ក៏តភ្ជាប់ជាមួយផ្លូវខេត្ត លេខ១៣៣២ ក្នុងទិសដៅទៅមករវាងស្រុកដំណាក់ចង្អើរ និងច្រកលក ខេត្តកំពត (ព្រំដែនកម្ពុជា- វៀតណាម) រួមទាំងតភ្ជាប់ជាមួយហេដ្ឋារចនាសម្ព័ន្ធ ខ្សែផ្លូវមួយចំនួន នៅក្នុងភូមិសាស្ត្រខេត្តកែប ដើម្បីភ្ជាប់ទៅកាន់តំបន់ទីប្រជុំជន តំបន់ភូមិឋាន និងតំបន់ផ្សេងៗទៀតនៅក្នុងខេត្តកែបផងដែរ។
បច្ចុប្បន្នវិថីនេះ បាននិងកំពុងជួយសម្រួលប្រជាពលរដ្ឋ រស់នៅក្នុងតំបន់ប្រមាណជាង៦,០០០គ្រួសារ ក្នុងការធ្វើចរាចរណ៍ដឹកជញ្ជូន និងការធ្វើដំណើរផ្សេងៗ បានឆាប់រហ័ស និងមានសុវត្ថិភាព ជាពិសេសជួយទាក់ទាញសក្តានុពលទេសចរណ៍ និងជំរុញ ការអភិវឌ្ឍផ្សេងៗនៅតាមតំបន់ឆ្នេរមាត់សមុទ្រទាំងមូល ឱ្យកាន់តែរីកចម្រើន និងល្អប្រសើរ។
លើសពីនេះ វិថីនេះ ក៏បាននិងកំពុងដើរតួនាទីជាខ្សែផ្លូវលើកសម្រស់ទេសចរណ៍ខេត្តកែប ឱ្យកាន់តែស្រស់ស្អាត និងមានរបៀបរៀបរយ តាមរយៈការបង្កើតឱ្យមានចំណតរថយន្ត ផ្លូវជិះកង់ និងផ្លូវថ្មើរជើងសម្រាប់ការដើរកម្សាន្តរបស់ប្រជាពលរដ្ឋ និងភ្ញៀវទេសចរជាតិ-អន្តរជាតិនានា។
សូមបញ្ជាក់ថា រាជរដ្ឋាភិបាលកម្ពុជា បានសម្រេចឯកភាពជាគោលការណ៍ប្រសិទ្ធនាមខ្សែផ្លូវនេះថាជា «វិថីតេជោសន្តិភាពឆ្នេរអង្កោល» ដើម្បីជាការសម្ដែងនូវការចង់ចាំចំពោះស្នាដៃ និងគុណូបការៈ ដ៏ធំធេងរបស់សម្ដេចតេជោ ហ៊ុន សែន ប្រធានព្រឹទ្ធសភាកម្ពុជា ដែលបានខិតខំពុះពារគ្រប់ឧបសគ្គឆ្លងកាត់ភ្លើងសង្គ្រាមរាប់ មិនអស់។
ជាពិសេសការតស៊ូរំដោះប្រទេសជាតិ ចេញពីរបបប៉ុលពត និងការដាក់ចេញនយោបាយ ឈ្នះ-ឈ្នះបញ្ចប់សង្គ្រាមផ្ទៃក្នុងដោយជោគជ័យ ធ្វើឱ្យប្រទេសកម្ពុជាទទួលបាននូវសុខសន្តិភាព ស្ថិរភាពនយោបាយ ការឯកភាពជាតិពេញលេញ និងភាពល្បីល្បាញស្មើមុខស្មើមាត់លើឆាកអន្តរជាតិ រួមទាំងការរីកចម្រើនលើគ្រប់វិស័យ ដូចនាពេលបច្ចុប្បន្ននេះ៕
November 11, 2024
ចិនបានបណ្តាក់ទុនក្នុងវិស័យកម្មន្តសាល នៅកម្ពុជាសរុបជាង ៩០៨៦ពាន់លានដុល្លារ
ភ្នំពេញ ៖ គិតត្រឹមខែតុលា ឆ្នាំ២០២៤ កម្ពុជាមានរោងចក្រកំពុងដំណើរការចំនួន ២ ៣២៦ ដែលក្នុងនោះ ១ ២៧៣ រោងចក្រមានប្រភពវិនិយោគពីសាធារណរដ្ឋប្រជាមានិតចិន ក្នុងទំហំទុនវិនិយោគចំនួន ៩ ០៨៦ ប៊ីលានដុល្លារអាមេរិក ស្មើនឹងប្រមាណ ៤៥,៤៩% នៃទុនវិនិយោគសរុប។
ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានមានប្រសាសន៍ថា ៖ កម្ពុជា និងមិត្តចិន មានទំនាក់ទំនងមិត្តភាពដ៏រឹងមាំ និងយូរអង្វែង ហើយការអភិវឌ្ឍក្នុងវិស័យឧស្សាហកម្ម និងបច្ចេកវិទ្យា គឺជាចន្ទល់សំខាន់នៃកិច្ចសហប្រតិបត្តិការត្បូងពេជ្ររវាងប្រទេសទាំងពីរ។
ឯកឧត្តមបានបន្តទៀតថា ការវិនិយោគដែលមានប្រភពទុនពីប្រទេសចិនក្នុងវិស័យកម្មន្តសាល បានឈរលំដាប់ទី១នៅកម្ពុជា ហើយវិស័យនេះនឹងបន្តនាំមុខសម្រាប់កំណើនសេដ្ឋកិច្ចកម្ពុជានាពេលអនាគត ខណៈដែលកម្ពុជាកំពុងត្រៀមចាកចាញពីចំណាត់ថ្នាក់ប្រទេសអភិវឌ្ឍន៍តិចតួចនៅឆ្នាំ២០២៩ ការពង្រឹងកិច្ចសហប្រតិបត្តិការជាមួយមិត្តចិនពិតជាមានសារៈសំខាន់ ជាពិសេសក្នុងការបង្កើនសមត្ថភាពផលិតវត្ថុធាតុដើមក្នុងស្រុក ដើម្បីបំពេញលក្ខខណ្ឌតម្រូវកាន់តែខ្ពស់របស់ទីផ្សារ។

ឯកឧត្តម វ៉ាង វិនពីន ឯកអគ្គរដ្ឋទូតសាធារណរដ្ឋប្រជាមានិតចិនប្រចាំនៅកម្ពុជា បានគាំទ្រទៅនឹងការលើកឡើងខាងលើនេះ ហើយបានវាយតម្លៃខ្ពស់ចំពោះកិច្ចសហប្រតិបត្តិការនាពេលកន្លងមក និងបានថ្លែងអំណរគុណដល់កម្ពុជាដែលបានគាំទ្រគំនិតផ្តួចផ្តើមរបស់រដ្ឋាភិបាលចិន ក្នុងក្របខណ្ឌនៃកិច្ចសហប្រតិបត្តិការអន្តរជាតិ។
ជាមួយគ្នានេះ ឯកឧត្តម ឯកអគ្គរដ្ឋទូត ក៏បានសន្យាព្យាយាមជួយផ្សព្វផ្សាយ និងជំរុញក្រុមហ៊ុនចិនឱ្យមកស្វែងយល់ពីឱកាសវិនិយោគនៅកម្ពុជាបន្ថែមទៀត។
សូមជម្រាបផងដែរថា ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ កាលពីថ្ងៃទី០៤ ខែវិច្ឆិកា ឆ្នាំ២០២៤ បានជួបពិភាក្សាគ្នាជាមួយ ឯកឧត្តម វ៉ាង វិនពីន ឯកអគ្គរដ្ឋទូតសាធារណរដ្ឋប្រជាមានិតចិនប្រចាំនៅកម្ពុជា ដើម្បីពង្រឹងកិច្ចសហប្រតិបត្តិការសេដ្ឋកិច្ច និងនវានុវត្តន៍ ជាពិសេសជំរុញការវិនិយោគលើវិស័យកម្មន្តសាលនៅកម្ពុជាបន្ថែមទៀត៕
November 5, 2024
ព្រឹត្តិការណ៍ «ស្នាមញញឹមនៃកម្ពុជា» លើកទី២ នៅលើទឹកដីអង្គរអច្ឆរិយៈ ទទួលបានការសាទរ និងការគាំទ្រជាខ្លាំង
នេះបានចំជាព្រឹត្តិការណ៍ “ស្នាមញញឹមនៃកម្ពុជា” មែន ក្រឡេកទៅជ្រុងណាក៏ឃើញតែស្នាមញញឹមដែរ ទាំងភ្ញៀវជាតិ និងភ្ញៀវអន្តរជាតិគឺពេញដោយស្នាមញញឹម និងភាពសប្បាយរីករាយជាមួយគ្រប់សកម្មភាពនៅក្នុងព្រឹត្តិការណ៍ “ស្នាមញញឹមនៃកម្ពុជា” លើកទី២នេះ ដែលរៀបចំឡើងរយៈពេល២ថ្ងៃ នៅលើទឹកដីអង្គរ នាខេត្តសៀមរាប គឺពីថ្ងៃទី២៩ដល់ថ្ងៃទី៣០ ខែតុលា ឆ្នាំ២០២៤ ដោយមានការតាំងបង្ហាញម្ហូបអាហារបែបខ្មែរបុរាណ មានស្ដង់ពិព័រណ៍ជាច្រើន ការសម្ដែងសិល្បៈចម្រុះបែប ហើយនៅព្រឹកថ្ងៃទី២៩ ខែតុលា គឺជាពិធីបើកព្រឹត្តិការណ៍ “ស្នាមញញឹមនៃកម្ពុជា” លើកទី២ ជាផ្លូវការណ៍នៅមុខប្រាសាទអង្គរវត្ត ដោយមានការសម្តែងសិល្បៈ អមជាមួយការតាំងពិព័រណ៍សិល្បៈវប្បធម៌ចម្រុះជាច្រើន។ ចំណែកនៅពេលថ្ងៃរសៀល ក៏មានរៀបចំនូវព្រឹត្តិការណ៍ដ៏អស្ចារ្យនៃការដង្ហែក្បួនព្រះមហាក្សត្រខ្មែរនាសម័យអង្គរ និងការសម្តែងរបាំបុរាណខ្មែរជាច្រើនទម្រង់ ដោយក្នុងនោះមានសិល្បករ-សិល្បការិនីល្បីៗប្រមាណ៥០០នាក់បានស្ម័គ្រចិត្តចូលរួមសម្តែងនៅក្នុងព្រឹត្តិការណ៍ជាប្រវត្តិសាស្ត្រនេះផងដែរ។ ដោយឡែកនៅថ្ងៃទី៣០ ខែតុលា ព្រឹត្តិការណ៍ “ស្នាមញញឹមនៃកម្ពុជា” ក៏បានរៀបចំកម្មវិធីពិព័រណ៍ភ្លក្សម្ហូបអាហារ នំចំណី ផ្លែឈើ និងភេសជ្ជៈបែបខ្មែរ ការប្រគំតន្ត្រីខា្នតតូច ការសម្តែងរបាំ ព្រមទាំងសិល្បៈផ្សេងៗជាច្រើនទម្រង់ទៀត ហើយភ្ញៀវដែលបានចូលរួមនៅក្នុងព្រឹត្តិការណ៍នេះត្រូវបានលើកទឹកចិត្តឱ្យស្លៀកសម្លៀកបំពាក់បែបប្រពៃណីខ្មែរផងដែរ ដែលញ៉ាំងឱ្យព្រឹត្តិការណ៍នេះទាំងមូលកាន់តែអស្ចារ្យ និងសប្បាយរីករាយក្រៃលែង ទាំងភ្ញៀវទេសចរជាតិ និងភ្ញៀវទេសចរអន្តរជាតិ ផ្ទៃមុខគឺពេញដោយស្នាមញញឹម និងសំណើចក្អាកក្អាចពេញរយៈពេល២ថ្ងៃនៃកម្មវិធី។
ដោយសារតែមានការគាំទ្រខ្លាំងចំពោះព្រឹត្តិការណ៍ “ស្នាមញញឹមនៃកម្ពុជា” លើកទី១ ដែលរៀបចំឡើងដោយសមាគមសិល្បករខ្មែរ កាលពីថ្ងៃទី១២ ដល់ថ្ងៃទី១៥ ខែសីហា ឆ្នាំ២០២៤ ក្រោមការជួយជ្រោមជ្រែងរបស់លោកជំទាវបណ្ឌិត ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងមានការគាំទ្រយ៉ាងខ្លាំងពីគ្រប់មជ្ឈដ្ឋានទាំងភ្ញៀវជាតិ និងអន្តរជាតិ ទើបញ៉ាំងឱ្យមានព្រឹត្តិការណ៍ “ស្នាមញញឹមនៃកម្ពុជា” លើកទី២នេះឡើង។
នៅក្នុងឱកាសនោះដែរ លោកជំទាវអ្នកឧកញ៉ា ម៉ៅ ចំណាន ប្រធានសមាគមសិល្បករខ្មែរ បានថ្លែងឡើងថា “ព្រឹត្តិការណ៍ ស្នាមញញឹមនៃកម្ពុជា លើកទី២នេះ ត្រូវបានរៀបចំឡើងធំជាងមុន និងអស្ចារ្យជាងមុន តាមរយៈការចង្អុលបង្ហាញដោយផ្ទាល់ពីក្រសួងវប្បធម៌ និងវិចិត្រសិល្បៈ និងសហការរៀបចំដោយរដ្ឋបាលខេត្តសៀមរាប ហើយក៏មានការសហការឧបត្ថម្ភគាំទ្រពីក្រសួងទេសចរណ៍ សហភាពសហព័ន្ធយុវជនកម្ពុជា និងអាជ្ញាធរអប្សរា ព្រមទាំងស្ថាប័នឯកជនមួយចំនួនទៀតផងដែរ។ ព្រឹត្តិការណ៍ ស្នាមញញឹមនៃកម្ពុជា លើកទី២នេះ រៀបចំឡើងក្នុងគោលបំណងធំៗចំនួន២ គឺទី១ ដើម្បីអបអរសាទរខួប២០ឆ្នាំនៃការគ្រងព្រះបរមសិរីរាជសម្បត្តិរបស់ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងគោលបំណងទី២ គឺរួមគ្នាជំរុញការផ្សព្វផ្សាយពីសិល្បៈ វប្បធម៌ អរិយធម៌ដ៏ល្អផូរផង់របស់ខ្មែរ និងបង្ហាញពីសក្តានុពលវិស័យទេសចរណ៍នៅកម្ពុជាទៅកាន់ភ្ញៀវទេសចរជាតិ និងភ្ញៀវទេសចរអន្តរជាតិ ជាពិសេសទៅកាន់ពិភពលោកទាំងមូល និងដើម្បីចូលរួមចំណែកដល់ការខិតខំប្រឹងប្រែងរបស់រាជរដ្ឋាភិបាលកម្ពុជាអាណត្តិទី៧នេះ”។
ជួបគ្នាឆ្នាំក្រោយ ក្នុងព្រឹត្តិការណ៍ “ស្នាមញញឹមនៃកម្ពុជា” លើកទី៣ សូមចូលរួមទាំងអស់គ្នា!
November 5, 2024
តើកម្ពុជាគួរចូលរួមក្នុងកម្មវិធី Miss Grand International តទៅទៀតដែរឬទេ?
ជម្លោះរវាង Miss Grand Cambodia (MGC) និង Miss Grand International (MGI) បានធ្វើឱ្យមានភាពចម្រូងចម្រាសយ៉ាងខ្លាំង ជាពិសេសបន្ទាប់ពី MGI បានលុបចោលតួនាទីជាសហម្ចាស់ផ្ទះសម្រាប់កម្មវិធីប្រកួត Miss Grand International 2024 ដែលដើមឡើយគ្រោងនឹងធ្វើឡើងនៅក្នុងប្រទេសកម្ពុជា និងបន្តទៅប្រទេសថៃ។ MGI បានលើកឡើងពីការព្រួយបារម្ភអំពីសមត្ថភាពក្នុងការរៀបចំរបស់កម្ពុជា ដោយលើកឡើងថា ពួកគេមានអារម្មណ៍ថា អ្នករៀបចំរបស់ប្រទេសកម្ពុជាមិនបំពេញតាមស្តង់ដារចាំបាច់សម្រាប់ការធ្វើជាម្ចាស់ផ្ទះ រួមទាំងបញ្ហានៃការទទួលភ្ញៀវ ការគ្រប់គ្រងមិនបានល្អនៅអាកាសយានដ្ឋាន និងដំណើរកម្សាន្ត Gala Dinner ដែលមិនមានការរៀបចំឱ្យបានល្អ និងគ្រប់ជ្រុងជ្រោយទៅតាមស្តង់ដារដែលខ្លួនចង់បាន ជាពិសេសជុំវិញការទទួលទានអាហារពេលល្ងាចនៅលើទូកក្នុងទីក្រុងភ្នំពេញ ដែលធ្វើឱ្យប្រធាន MGI លោក Nawat Itsaragrisil រិះគន់ដល់ការរៀបចំរបស់ប្រទេសកម្ពុជា ដោយអះអាងថាមិនមានស្តង់ដារ និងការព្រួយបារម្ភអំពីសុវត្ថិភាព។ ជាលទ្ធផល MGI បានសម្រេចចិត្តផ្លាស់ប្តូរសកម្មភាពទាំងអស់ទៅប្រទេសថៃជំនួសវិញ។
ជាការឆ្លើយតប លោកស្រី អ៊ឹម សុគន្ធា នាយិកានៃ Miss Grand Cambodia បានរិះគន់ជាសាធារណៈចំពោះការសម្រេចចិត្តរបស់ MGI ហើយបានប្រកាសថា MGC នឹងដកបេក្ខនារីរបស់កម្ពុជា គឺកញ្ញា ប៊ី សុធារី ចេញពីការប្រកួត Miss Grand International 2024។ ការសម្រេចចិត្តបែបនេះ ដោយសារលោកស្រី អ៊ឹម សុគន្ធា និងអ្នករៀបចំកម្មវិធីរបស់ប្រទេសកម្ពុជាមិនពេញចិត្តនឹងទង្វើរបស់លោក Nawat Itsaragrisil ដែលជាប្រធាន MGI ដែលមានភាពអយុត្តិធម៌ និងការខ្វះការគោរពចំពោះប្រទេសកម្ពុជាយើង។ លោកស្រីក៏បានបញ្ជាក់ប្រាប់អ្នកសារព័ត៌មាន ឡារ៉ែន មេឌា ផងដែរថា “ខ្ញុំសូមប្រកាសថាខ្ញុំឈប់រៀបចំកម្មវិធី Miss Grand International តទៅទៀតហើយ ទោះជាខ្ញុំនៅមានកុងត្រាទទួលបានសិទ្ធិពេញលេញក្នុងការរៀបចំកម្មវិធីនេះនៅក្នុងឆ្នាំ2025ក៏ដោយ ដូច្នេះនៅក្នុងឆ្នាំ2025នេះ ខ្ញុំនឹងមិនរៀបចំកម្មវិធីនេះ ឬបញ្ជូនបេក្ខភាពរបស់យើងទៅចូលរួមនោះទេ តែបន្ទាប់ពីឆ្នាំ2026ទៅបើមានខាងក្រុមហ៊ុន ឬស្ថាប័នណាមួយនៅក្នុងប្រទេសកម្ពុជាយើងគេចង់ទិញសិទ្ធិរៀបចំកម្មវិធីនេះ ក៏តាមតែខាងគេទៅ និងទៅតាមការសម្រេចចិត្តរបស់ក្រសួងដែលពាក់ព័ន្ធ ព្រមទាំងប្រជាជនកម្ពុជាយើងជាអ្នកសម្រេចចិត្តចុះ តែសម្រាប់រូបខ្ញុំ និងស្ថាប័នរបស់ខ្ញុំគឺនឹងមិនចូលរួមកម្មវិធីនេះតទៅទៀតទេ។ កម្ពុជាយើងមានសមត្ថភាពក្នុងការបង្កើតកម្មវិធីប្រកួតលំដាប់អន្តរជាតិដោយខ្លួនឯង ដោយមិនចាំបាច់ពឹងលើកម្មវិធីរបស់អ្នកដែលមិនឱ្យតម្លៃយើងនោះទេ”។
ដោយឡែកចំពោះអ្នកលេងបណ្តាញអ៊ីនធឺណិត និងអ្នកគាំទ្រកម្មវិធី Miss Grand International នៅប្រទេសកម្ពុជារាប់ពាន់នាក់បានសម្ដែងការខកចិត្ត និងផ្ទុះកំហឹងជាខ្លាំងតាមរយៈបណ្តាញអ៊ីនធឺណិត ដោយគាំទ្រ និងអំពាវនាវឱ្យនាយិកានៃ Miss Grand Cambodia 2024 បញ្ឈប់ការចូលរួម ក៏ដូចជាបញ្ជូន កញ្ញា ប៊ី សុធារី ឱ្យទៅចូលរួមការប្រកួត Miss Grand International 2024 នៅប្រទេសថៃនោះទេ ព្រោះថៃមើលងាយ និងមិនឱ្យតម្លៃ Miss Grand កម្ពុជាយើង ក្រុមការងាររបស់កម្ពុជា និងនាយិកានៃ Miss Grand Cambodia ហើយពួកគេក៏បន្តសំណូមពរឱ្យប្រជាជនកម្ពុជាយើងទាំងអស់បញ្ឈប់ការគាំទ្រដល់កម្មវិធីប្រកួត Miss Grand International រួមទាំងបញ្ឈប់ការបញ្ជូន Miss Grand របស់ប្រទេសកម្ពុជាយើងទៅចូលរួមប្រកួតគ្រប់ការប្រកួតរបស់ MGI តទៅទៀត ហើយមានអ្នកខ្លះថែមទាំងបានComment ថា “Buy Buy MGI!… Buy MGI Forever” ថែមទៀតផង។
ដើម្បីឆ្លើយតបទៅនឹងជម្លោះពាក់ព័ន្ធនឹងព្រឹត្តិការណ៍ Miss Grand International (MGI) 2024 នៅកម្ពុជា ក្រសួងទេសចរណ៍កម្ពុជា បានចេញសេចក្តីថ្លែងការណ៍ផ្លូវការមួយ ដោយរដ្ឋមន្ត្រីក្រសួងទេសចរណ៍ ឯកឧត្តម ហួត ហាក់ បានបញ្ជាក់យ៉ាងច្បាស់ថា ឯកឧត្តមមិនដែលសន្យាថានឹងចូលរួមសន្និសីទសារព័ត៌មាន ឬព្រឹត្តិការណ៍បន្ថែមលើសពីកិច្ចប្រជុំជាក់លាក់ជាមួយតំណាង និងបេក្ខនារីរបស់ MGI នៅថ្ងៃទី៦ ខែតុលានោះទេ។ ឯកឧត្តម ហួត ហាក់ បានបញ្ជាក់បន្ថែមទៀតថា ការធ្វើជាម្ចាស់ផ្ទះរៀបចំកម្មវិធីប្រកួត Miss Grand International 2024 នេះគឺក្នុងគោលបំណងបង្ហាញពីសក្តានុពលវប្បធម៌ និងទេសចរណ៍របស់កម្ពុជាជាសាកល ដែលជាគោលដៅដែលនៅតែមិនផ្លាស់ប្តូរ ទោះបីជាមានភាពចម្រូងចម្រាសគ្នាក៏ដោយ។
ក្នុងនោះដែរ ក្លឹបអ្នកកាសែតកម្ពុជា និងសមាគមអ្នកកាសែតថៃ ក៏បានជំរុញឱ្យអ្នកសារព័ត៌មាន និងអ្នកប្រើប្រាស់ប្រព័ន្ធផ្សព្វផ្សាយសង្គម សូមធ្វើការដោះស្រាយរឿងនេះឱ្យបានហ្មត់ចត់ ដើម្បីបញ្ចៀសភាពតានតឹងរវាងប្រទេសកម្ពុជា និងប្រទេសថៃ និងបញ្ឈប់នូវវិវាទរបស់ពួកគេឱ្យបានឆាប់រហ័សបំផុតតាមដែលអាចធ្វើទៅបាន ព្រោះបញ្ហាជម្លោះនេះគឺជាជម្លោះរវាងស្ថាប័ន MGC និងស្ថាប័ន MGI ប៉ុណ្ណោះ មិនមែនជាជម្លោះរវាងប្រទេសកម្ពុជា និងប្រទេសថៃនោះទេ៕
November 5, 2024
អមអរសាទរ! រថយន្ត Ranger Raptor ក្លាយជាម្ចាស់ជើងឯកក្នុងការប្រកួត Thailand Rally Raid Championship 2024!
កាលពីថ្មីៗនេះ ក្រុមអ្នកជំនាញ Ford Performance សហការជាមួយនឹងក្រុមអ្នកជំនាញ Feeliq Innovation Motorsport Racing Team បានធ្វើការចូលរួមប្រកួតក្នុងកម្មវិធី Thailand Rally Raid Championship (TRRC) 2024 ហើយទទួលបានជ័យជំនះចំណាត់ថ្នាក់លេខ 1 ក្នុងវិញ្ញាសារប្រភេទរថយន្តថ្មីដែលនៅក្នុងសភាពដើមបំផុត (Production Class)។
ក្រុមហ៊ុន Ford នៅតែបន្តភាពជ័យជំនះរបស់ខ្លួននៅក្នុងទីផ្សាររថយន្ត Pick-Up Off-Road ដ៏មានសមត្ថភាពខ្ពស់ ដោយបង្ហាញជាថ្មីម្តងទៀតថា គ្រប់រថយន្ត Ford ទាំងអស់គឺ “រឹងមាំគ្រប់ស្ថានភាព – Tough in Every Situation”។
លោក Michael Freeman និងលោក Chommalee Chaiya ដែលបើកបរក្នុងរថយន្តមានលេខរៀងទី8 បានបញ្ចប់វិញ្ញាសារចម្ងាយ 130 គីឡូម៉ែត្រក្នុងរយៈពេល 2ថ្ងៃ ចាប់ពីថ្ងៃទី5 ដល់ថ្ងៃទី6 តុលា ឆ្នាំ2024 នៅ Korat ក្នុងខេត្តNakhon Ratchasima ប្រទេសថៃ ដោយបើកបរឆ្លងកាត់ផ្លូវក្នុងសភាពលំបាក និងមានឧបសគ្គជាច្រើន និងប្រកួតជាមួយគូរប្រកួតជើងខ្លាំងមកពីស្ថាប័នក្រុមហ៊ុនក្នុងវិស័យយានយន្តផ្សេងៗជាង 12ក្រុម ដោយមានការប្រកួតប្រជែងយ៉ាងស្វាហាប់បំផុត ដើម្បីទទួលយកជ័យជំនះរៀងៗខ្លួន និង ។ សមិត្តផលដ៏អស្ចារ្យនេះបង្ហាញពីសមត្ថភាពម៉ាស៊ីនដ៏ខ្លាំង និងប្រព័ន្ធបូមដ៏ទំនើបរបស់ Ford Ranger Raptor ក៏ដូចជាកិច្ចសហការផ្នែកវិស្វកម្មពិសេសរវាងក្រុមអ្នកជំនាញ Feeliq Innovation Motorsport Racing Team, Ford និង RMA Special Vehicles ។
សមិត្ថផលនេះ គឺសម្រេចបានដោយសាររថយន្ត Ford Ranger Raptor មានបំពាក់មកនូវកម្លាំងម៉ាស៊ីនដ៏អស្ចារ្យដែលផ្តល់នូវសន្ទុះខ្លាំងដែលផលិតឡើងជាពិសេសដោយក្រុមអ្នកជំនាញ Ford Performance ដែលនាំមកនូវទំនុកចិត្តក្នុងការបើកបរ និងរួមទាំងបច្ចេកវិទ្យាបូម FOX ដែលជាប្រភេទបូមដ៏ទំនើប និងមានបច្ចេកវិទ្យា Live-Valve ដែលបានរៀបចំជាពិសេសសម្រាប់រថយន្ត Ford Ranger Raptor ប្រភេទបូមនេះគឺជាបូមអេឡិចត្រូនិច ដែលអាចកំណត់ការប្រើប្រាស់ទៅតាមស្ថានភាពផ្លូវនីមួយៗ និងរក្សាលំនឹងរបស់រថយន្ត មិនអោយប៉ះពាល់ដល់តួរថយន្ត រួមទាំងផ្តល់នូវផាសុកភាពក្នុងការបើកបរ។
សម្រាប់មានអតិថិជនដែលមានចំណាប់អារម្មណ៍ក្នុងការបើកបរសាកល្បងទៅលើកំពូលរថយន្ត Ford Ranger Raptor សូមទំនាក់ទំនងផ្នែកលក់ 078 333 748 | 016 333 785 ឬ តាមសាខានីមួយៗ៖
- សាខាព្រះមុនីវង្ស 078 999 773
- សាខាទឹកថ្លា 095 939 939
- សាខាទូលសង្កែ 078 935 935
- សាខាជ្រោយចង្វារ 017 999 027
- សាខាភ្នំពេញថ្មី 011 255 229 ឬ 077 722 999
- សាខាបឹងបៃតង 099 999 747
- សាខាខេត្តសៀមរាប 077 666 357 ឬ 088 9 666 357
- សាខាខេត្តកំពង់ចាម 078 999 883 ឬ 088 3 999 883
November 2, 2024
Man United ប៉ះ Spure វគ្គ ៨ក្រុមចុងក្រោយ ពានរង្វាន់ League Cup
នៅទីបំផុត គេបានរកឃើញសមាសភាពក្រុមខ្លាំង ដែលនឹងត្រូវធ្វើការប្រកួតគ្នានៅវគ្គ ៨ក្រុមចុងក្រោយហើយ នៃពានរង្វាន់ League Cup ឬ រដូវកាល 2024/25។
ក្នុងចំណោម៤គូ គេសង្កេតឃើញថា ជំនួបដ៏ធំប្រចាំវគ្គនេះ គឺជាការប៉ះគ្នារវាងក្រុមបិសាចក្រហម Manchester United និងក្រុមមាន់ខ្នាយមាស Tottenham Hotspur។ មុនមកដល់វគ្គនេះ ក្រុមបិសាចក្រហម បានបំបាក់ក្រុមកញ្រ្ជោងខៀវ Leicester City ក្នុងលទ្ធផល ៥-២ ស្របពេលដែល មាន់ខ្នាយមាស បានទំលាក់ក្រុមការពារដំណែងជើងឯក Premiere League មេឃខៀវ Manchester City ក្នុងលទ្ធផល ២-១។
ខាងក្រោមនេះជាក្រុម ដែលនឹងត្រូវប្រកួតដណ្ដើមកៅអីទៅលេងវគ្គពាក់កណ្តាលផ្តាចព្រ័ត្រ៖
- Tottenham vs Manchester United
- Arsenal vs Crystal Palace
- Newcastle vs Brentford
- Liverpool vs Southampton
គួរបញ្ជាក់ថា ក្រុមហង្សក្រហម Liverpool ជាម្ចាស់ការពារដំណែងជើងឯកក្នុងឆ្នាំនេះ បន្ទាប់ពីបានយកឈ្នះ ក្រុមតោខៀវ Chelsea នៅវគ្គផ្ដាច់ព្រ័ត្រ ក្នុងលទ្ធផល ១-០៕
November 1, 2024