Author: ធឿន មករា

បាត់ដំបង៖ ការប្រកួតវគ្គជម្រុះមណ្ឌលទី៤នៃការប្រកួតបាល់ទាត់ Tiger Street Football Festival 2019 បានបើកជាផ្លូវការហើយហើយនាព្រឹកថ្ងៃទី២៦  ខែមករា ឆ្នាំ២០១៩ នេះនៅទីលានបាល់ទាត់ ស្តាតចាស់វាលបែកចានខេត្តបាត់ដំបង ដោយមានការចូលរួមពីក្រុមចំនួន ៩៦ ក្រុម  ខណៈក្រុមជើង ខ្លាំងទាំង២ ធនាគាស្រូវ ប៉ះជាមួយក្រុម ស៊ាន ពិសិដ្ឋនាថ្ងៃបើកឆាកដំបូង ចំពោះក្រុមចូលរួមក្នុងពិធី បើកក៏ទទួលបានវត្ថុអនុស្សាវរីយ៍ ពីក្រុមហ៊ុនស្រាបៀរថៃហ្គ័រផងដែរ។

Tiger Street Football Festival ២០១៩ បានវិលត្រឡប់មកវិញ ហើយព្រឹត្តិការណ៍ កាន់តែធំជាងមុន និងមានមណ្ឌលប្រកួតរហូតដល់៩ទីតាំង ក្រុមចូលរួមប្រកួតច្រើនជាង ៦៥០ក្រុមកីឡា ករសរុប ៣៥០០នាក់ និងមានរង្វាន់ដ៏ច្រើនសរុប ៥០,០០០ដុល្លារ។ មិនតែប៉ុណ្ណោះក្រុមដែលប្រជែង បានកៅអីទៅចូលរួមប្រកួតវគ្គផ្តាច់ព្រ័ត្រនៅរាជធានីភ្នំពេញ និងមានឱកាស ជួបផ្ទាល់ជាមួយកំពូល តារាបាល់ទាត់ អន្តរជាតិ Ronaldinho នៅថ្ងៃប្រកួតផ្តាច់ព្រ័ត្រ នៅរាជធានីភ្នំពេញ។

លោក ម៉ៃ តុលា អគ្គលេខាធិការរងសហព័ន្ធ កីឡាបាល់ទាត់កម្ពុជា បានលើកឡើងថា នេះគឺ ជាលើកទី7ហើយ ដែលក្រុមហ៊ុនស្រាបៀថៃហ្គ័រ បានរៀបចំកម្មវិធីដ៏អស្ចារ្យ ក្នុងការផ្តល់ឱកាសដល់ ប្អូនៗយុវជនដែលស្រលាញ់ កីឡាបាល់បានបញ្ចេញសមត្ថភាព ប្រកួតប្រជែងដណ្តើមពាន់រង្វាន់ ។ ហើយជាធម្មតាការប្រកួតតែងតែ ចង់ទទួលបានជ័យជំនះ ប៉ុន្តែយ៉ាងណាក៏ដោយ សហព័ន្ធកីឡា បាល់ទាត់និងក្រុមហ៊ុនស្រាបៀរថៃហ្គ័រ តែងតែសង្កត់ធ្ងន់លើការគោរពវិន័យហើយសង្ឃឹមថា ប្រកាន់ភ្ជាប់ នូវស្មារតីកីឡា លេងដោយ Fair Play គោរពពេលវេលា គោរពអាជ្ញាកណ្តាល និងអ្នករៀបចំកម្មវិធី។

សូមបញ្ជាក់ថា សម្រាប់រដូវកាលទី៧នេះ ការប្រកួត Tiger Street Football Festival នឹងរឹតតែស្វិតស្វាញ ព្រោះក្រុមដែលចូលរួមនីមួយៗ សុទ្ធតែធ្លាប់ទទួលបានបទពិសោធន៍ច្រើនពីការ ប្រកួតនៅលើទីលានហ្វូតសាលនេះ។យ៉ាងណាមិញការប្រកួតនៅទឹកដីខេត្តបាត់ដំបងដែលជាមណ្ឌល ទី៤នេះ ក្រុមទាំង៩៦ នឹងត្រូវប្រកួតនៅទីលានបាល់ទាត់ស្តាតចាស់ វាលបែកចាន រយៈពេល ២ថ្ងៃ គឺថ្ងៃទី២៦ ដល់២៧ ខែមករា ដើម្បីស្វែងរកក្រុមជើងខ្លាំង ចំនួន៩ក្រុមឡើងខ្លាំង ឈានទៅប្រកួតវគ្គ ផ្តាច់ព្រ័ត្រ ទូទាំងប្រទេស នៅរាជធានីភ្នំពេញ ថ្ងៃទី១៦ និងទី១៧ មីនា ២០១៩ ខាងមុខនេះ។

ស្រាបៀរថៃហ្គ័រជាស្រាបៀរដែលមានគុណភាពខ្ពស់លំដាប់ថ្នាក់អន្តរជាតិមានដើមកំណើតតាំងពីឆ្នាំ១៩៣២នៅប្រទេសសិង្ហបុរី និងមានលក់នៅច្រើនជាង៧០ប្រទេសនៅទូទាំងពិភពលោក ហើយ ស្រាបៀរថៃហ្គ័រឈ្នះ ពានរង្វាន់លំដាប់ថ្នាក់អន្តរជាតិច្រើនជាង៤០មេដាយផ្នែករសជាតិ និងគុណភាព។

ចំពោះសកម្មភាពប្រកួតរវាងក្រុមនីមួយៗសូមចូលទៅកាន់ទំព័រហ្វេសប៊ុកផ្លូវការរបស់ស្រាបៀរ ថៃហ្គ័រ៖  www.facebook.com/TigerBeerKH

ពិសាដោយការទទួលខុសត្រូវ៕

ធនាគារ ប្រៃសណីយ៍កម្ពុជាបានធ្វើការប្រារព្ធពីធីចុះហត្ថលេខាលើកិច្ចព្រមព្រៀងភាពជាដៃគូលើការផ្ដល់សេវាទូទាត់ និងសងប្រាក់កម្ចីពីអតិថិជនរបស់ធនាគារតាមរយៈ តារាផេ និងហ្វូណនមីក្រូហិរញ្ញវត្ថុ។កិច្ចព្រមព្រៀងភាពជាដៃគូនេះបានបង្ហាញពីជំនឿចិត្តដ៏មុតមាំរបស់ធនាគារប្រៃសណីយ៍កម្ពុជា ជាមួយគ្រឹះស្ថានហ្វូណនមីក្រូហិរញ្ញវត្ថុ និងតារាផេក្នុងការធ្វើជាបណ្ដាញប្រតិបត្តិការហិរញ្ញវត្ថុបន្ថែមសម្រាប់អតិថិជនទូទាត់សងប្រាក់កម្ចីទៅកាន់ធនាគារ។ពិធីចុះកិច្ចព្រមព្រៀងនេះបានធ្វើឡើងនៅសណ្ឋាគារ Dara Airport និងមានការចូលរួមពីសំណាក់ភ្ញៀវកិត្តិយសជាតិ និងអន្តរជាតិច្រើនជាង 100នាក់មកពីស្ថាប័នទាំង3 ដោយមានទាំងថ្នាក់ដឹកនាំនៃស្ថាប័នទាំង3 និងបណ្ដាអ្នកសារព័ត៌មានផងដែរ។

ថ្លែងនៅក្នុងឱកាសនោះដែរ លោក ភុក រដ្ឋា​ជានាយកគ្រប់គ្រងទូទៅនៃក្រុមហ៊ុនតារាផេ បានមានប្រសាសន៍ថា “DaraPayមានទស្សនវិជ្ជមានចំពោះទីផ្សារប្រទេសកម្ពុជា ហើយក្នុងឆ្នាំនេះដែរក្រុមហ៊ុនមានបំណងគ្របដណ្ដប់ទៅលើទីផ្សារសេវាទូទាត់ចល័តនៅប្រទេសកម្ពុជា។​កិច្ចព្រមព្រៀងភាពជាដៃគូសហការគ្នាជាមួយធនាគារប្រៃសណីយ៏កម្ពុជា និងគ្រឹះស្ថានហ្វូណនមីក្រូហិរញ្ញវត្ថុនៅថ្ងៃនេះបង្ហាញពីការប្ដេជ្ញាចិត្តដ៏មុតមាំរបស់យើងខ្ញុំក្នុងការបើកបង្ហាញពីទស្សនវិស័យរបស់យើងខ្ញុំ។

លោក ឃូ ប៊ុន ទ្រី ប្រធាននាយកប្រតិបត្តិនៃ​គ្រឹះស្ថានហ្វូណនមីក្រូហិរញ្ញវត្ថុ បានមានប្រសាសន៍ថា “ក្នុងនាមជាស្ថាប័នមីក្រូហិរញ្ញវត្ថុដ៏ឈានមុខគេមួយនៅក្នុងប្រទេសកម្ពុជាគ្រឹះស្ថានហ្វូណនមីក្រូហិរញ្ញវត្ថុមានគោលបំណងលើកកម្ពស់ជីវភាពរស់នៅ និងការរីកលូតលាស់នៃអាជីវកម្មរបស់ប្រជាជនកម្ពុជានៅតាមបណ្ដាខេត្ត និងទីក្រុងនានា។ ការចុះហត្ថលេខានៅថ្ងៃនេះបានបង្ហាញពីការប្ដេជ្ញាចិត្តរបស់យើងខ្ញុំក្នុងការផ្ដល់នូវដំណោះស្រាយនៃការទូទាត់សាច់ប្រាក់ដ៏ងាយស្រួលរហ័ស និងមានសុវត្ថិភាពជូនដល់ប្រជាជនកម្ពុជា។”

លោក តូច ចៅចេក ប្រធាននាយកប្រតិបត្តិ នៃធនាគារប្រៃសណីយ៍កម្ពុជាបានមានប្រសាសន៍ថា “តាមរយៈភាពជាដៃគូសហការគ្នានេះអតិថិជនរបស់យើងអាចទូទាត់សងប្រាក់កម្ចីត្រឡប់ទៅកាន់ធនាគារប្រៃសណីយ៍កម្ពុជាបានយ៉ាងងាយស្រួលតាមរយៈភ្នាក់ងារតារាផេដែលមាននៅទូទាំងប្រទេសកម្ពុជា។ បន្ថែមពីលើនេះដែរសេវាកម្មថ្មីនេះនឹងជួយដល់អតិថិជនដែលត្រូវការទូទាត់សងប្រាក់កម្ចីក្នុងអំឡុងថ្ងៃឈប់សម្រាក ឬថ្ងៃចុងសប្ដាហ៍”។

ភ្នំពេញ៖ Volvo Cars គឺជាម៉ាករថយន្តដ៏ល្បីល្បាញមួយនៅក្នុងពិភពលោក​ ហើយក្រុមហ៊ុនផលិតរថយន្តប្រណីតរបស់ស៊ុយអ៊ែត ដែលជាក្រុមហ៊ុនឈានមុខគេលើបច្ចេកវិទ្យាយានយន្តមានមោទនភាព ក្នុងការប្រកាសសម្ពោធជាផ្លូវការនូវអគារតាំងបង្ហាញរថយន្តក្នុងប្រទេសកម្ពុជានៅថ្ងៃ ទី៨ ខែកុម្ភះ ឆ្នាំ២០១៩​ ឆាប់ៗនេះ​។ ជាមួយគ្នានេះផងដែរវត្តមានរបស់​អគារតាំងបង្ហាញរថយន្ត Volvo​ មានទីតាំងនៅតាមបណ្តោយមហាវិថីព្រះមុនីវង្ស រាជធានីភ្នំពេញ ។

Volvo Cars បាននាំចូលនិងចែកចាយដោយក្រុមហ៊ុន HGB Group Co., Ltd ដែលក្រុមហ៊ុនឈានមុខគេក្នុងការផ្តល់នូវរថយន្ត​ និង សេវាកម្មផ្នែករថយន្ត រួមទាំងបទពិសោធន៏ដ៏ល្អបំផុតសម្រាប់អតិថិជនរបស់ខ្លួននៅក្នុងព្រះរាជាណាចក្រកម្ពុជា។ រថយន្ត Volvo ម៉ូដែល XC60 ជារថយន្តដែលមានសុវត្ថិភាពបំផុតដែលមិនធ្លាប់មានពីមុនមក ហើយជាម៉ូដែលលក់ដាច់បំផុតនៅទូទាំងពិភពលោកព្រមទាំងបានទទួលពានរង្វាន់ “រថយន្តពិភពលោកប្រចាំឆ្នាំ 2018″ ។

រថយន្ត Volvo ម៉ូដែល XC40 ស៊េរីថ្មីជាប្រភេទរថយន្ត SUV ត្រូវបានគេដាក់ឈ្មោះថា “រថយន្តអ៊ឺរ៉ុបនៃឆ្នាំ 2018″ តាំងពីមុនពេលចេញទៅទីផ្សារ។ រថយន្ត​ Volvo ម៉ូដែល XC90 ផងដែរក៏បានទទួលពានរង្វាន់ ” រថយន្តប្រភេទ SUV ដ៏ប្រណិតបំផុតប្រចាំសតវត្សរ៍ “ និងបានទទួលពានរង្វាន់ជាច្រើនទៀតដូចជា “Best Midsize Premium SUV”​ និង “EURO NCAP” ជាមួយគ្នាផងដែររថយន្ត Volvo ម៉ូដែល​ S90 នឹងនាំមកនូវសក្តានុពលដ៏ធំធេងនៅលើទីផ្សារកម្ពុជា។

ថ្លែងនៅក្នុងសន្និសិទ្ធកាសែតកាលពីម្សិលមិញ លោក Serdar Sengul​ ប្រធាន គ្រប់គ្រងទូទៅក្រុមហ៊ុន Volvo Cars​ Cambodia នៃប្រទេសកម្ពុជាបានអោយដឹងថា៖” រថយន្ត Volvo Cars ត្រូវបានបង្កើតឡើងនៅឆ្នាំ 1927 នៅទីក្រុង Gothenburg ប្រទេសស៊ុយអែតោ។ Volvo Cars បាន បង្កើតឡើងដោយផ្តោតសំខាន់ទៅលើសុវត្តិភាពអ្នកបើកបរ និង អ្នករួមដំណើរជាមួយនៅក្នុងរថយន្ត ហើយអ្វីដែលកាន់តែពិសេសជាងនេះទៅទៀតនោះគឺ ការឆ្ពោះទៅរកការអភិវឌ្ឍ និងបង្កើតការច្នៃប្រឌិតថ្មីក្នុងពិភពឧស្សាហកម្មរថយន្ត ដូចជា ខ្សែក្រវ៉ាត់សុវត្ថិភាព 3 ចំណុច (តាំងពីឆ្នាំ 1959) ត្រូវបានប្រើប្រាស់នៅគ្រប់ប្រេនរថយន្តទាំងអស់នៅលើពិភពលោក នេះហើយគឺជាការច្នៃប្រឌិតថ្មីរបស់ Volvo។ ក្រុមហ៊ុន Volvo គឺផ្តោតសំខាន់ទៅលើសុវត្ថិភាពរបស់អ្នកបើកបរ និងអ្នករួមដំណើរជាជាងរកប្រាក់ចំណេញពីវា។”

លោកបានលើកឡើងទៀតថា៖ បច្ចុប្បន្នក្រុមហ៊ុន Volvo Cars កំពុងនាំមុខគេក្នុងឧស្សាហកម្មរថយន្តទូទាំងពិភពលោក ក្នុងបច្ចេកវិទ្យាសុវត្ថិភាពអគ្គីសនី និងប្រព័ន្ធស្វ័យប្រវត្តិកម្ម។ ហើយចក្ខុវិស័យរបស់យើងគឺ ធ្វើអោយអ្នកដំណើរទាំងអស់ដែលប្រើប្រាស់រថយន្ត Volvo មានសុវត្ថិភាពទាំងស្រុងក្នុងឆ្នាំ2020 ខាងមុខនេះ ហើយយើងកំពុងតែបន្តការច្នៃប្រឌិតដើម្បីធ្វើឱ្យជីវិតរស់នៅរបស់មនុស្សមានសុវត្ថិភាព មិនមានភាពស្មុគស្មាញ និងកាន់តែរីករាយជាមួយ Volvo Cars។

ពួកយើងរីករាយណាស់ដែលបានឃើញកំណើនសេដ្ឋកិច្ចដែលកំពុងបន្តនៅកម្ពុជា ការអភិវឌ្ឍហេដ្ឋារចនាសម្ព័ន្ធយ៉ាងឆាប់រហ័សនិងការបង្កើនការវិនិយោគពីបរទេស។ យើងមានមោទនភាពក្នុងការនាំយកម៉ាកដ៏មានកិត្យានុភាពនេះមកប្រទេសកម្ពុជា។ ក្រុមហ៊ុន Volvo car បាននាំចូលនិងចែកចាយផ្តាច់មុខដោយក្រុមហ៊ុន HGB Group Co,.Ltd.  អគារតាំងបង្ហាញរថយន្តរបស់យើងដែលនឹងដាក់ដាក់សម្ពោធនាថ្ងៃ ទី8​ ខែកុម្ភៈ នេះនឹងក្លាយជាអគារតាំងបង្ហាញដ៏ធំបំផុតមួយនៅក្នុងតំបន់អាស៊ីអាគ្នេយ៍។ យើងមានបំណងផ្តល់ជូននូវបទពិសោធន៍ដ៏ល្អបំផុតដល់អតិថិជនរបស់យើង មិនត្រឹមតែជាអគារតាំងបង្ហាញរថយន្តប៉ុណ្ណោះទេថែមទាំងជាមជ្ឈមណ្ឌលថែទាំរថយន្តដ៏ល្អផងដែរ។

យើងនឹងផ្តល់ជូននូវសេវាកម្មដែលមានគុណភាពខ្ពស់សម្រាប់អតិថិជន របស់យើងជាមួយនឹងបុគ្គលិកប្រឹក្សាយោបល់ផ្នែកយ៉ាងមានជំនាញ និងរួសរាយរាក់បំផុតជូនលោកអ្នក ហើយព្រមទាំងមានអាហារសម្រន់ និងភេសជ្ជៈ​សម្រាប់បម្រើជូនភ្ញៀវទាំងអស់ផងដែរ ហើយលើសពីនេះទៅទៀតយើងមានរថយន្តគ្រប់សេរីសម្រាប់ការបើកបរសាកល្បង និងកន្លែងលាងសំអាតរថយន្តនៅជាន់ទី2 ផងដែរ។

បញ្ជាក់៖ យើងនិងបើកដំណើរការអគារតាំងបង្ហាញរថយន្តនៅថ្ងៃទី8 ខែកុម្ភៈ ឆ្នាំ២០១៩ ដើម្បីស្វាគមន៍យ៉ាងកក់ក្តៅដល់អតិថិជនទាំងអស់ ព្រមទាំងផ្តល់ជូនសេវាជាទីទុកចិត្តសម្រាប់លោកអ្នក។

ជាចុងក្រោយក្នុងនាមខ្ញុំតំណាងអោយក្រុមហ៊ុន HGB Group Co,. Ltd សូមថ្លែងអំណរគុណជាថ្មីម្តងទៀត ហើយខ្ញុំសង្ឃឹមថាពួកយើងនឹងជួបអ្នកឆាប់ៗនេះ។

សំរាប់ព័ត៌មានលំអិតសូមទំនាក់ទំនងផ្នែកសេវាបំរើអតិថិជនតាមទូរស័ព្ទលេខ  095 666 379, 095 666 054 និង Hotline: 024 900 000
Facebook Page: https://www.facebook.com/VolvoCarsKH/

Video: XC40:

XC 60:

S90: