សឿន សំណាង - La Reine Media

ចេកខ្ចី ព្យាបាលអាការរាករូស និងទល់លាមក

មានអ្នកណាខ្លះដែលដឹងថា ផ្លែចេកខ្ចី អាចព្យាបាលអាការរាករូសបានយ៉ាងពូកែនោះ…ដូច្នេះដើម្បីកុំឱ្យខាតពេល យើងនាំគ្នាមកតាមដានព័ត៌មាន ដែលពាក់ព័ន្ធនឹងរឿងនេះទាំងអស់គ្នាដូចតទៅ…

ដោយសារតែផ្លែចេកខ្ចីមានសារធាតុ ធែននិន ដែលអាចព្យាបាលអាការរាក ប្រភេទមិនធ្ងន់ធ្ងរបាន ដោយអាចយកផ្លែចេកណាំវ៉ាស្រគាលៗ មកញ៉ាំឆៅៗ ស្រស់ៗ ម្តងកន្លះផ្លែ ឬ ១ផ្លែក៏បាន ឬក៏យកផ្លែចេកណាំវ៉ាខ្ចីៗ មក ហាន់ជាបន្ទះស្តើងៗ រួចយកទៅហាលថ្ងៃឱ្យស្ងួត ហើយយកមកកិនឱ្យក្លាយទៅជាម្សៅ សម្រាប់ឆុងជាមួយទឹកក្តៅផឹក ក៏អាចប្រើព្យាបាលអាការរាករូសល្មមៗបានដែរ។ តែ ក្នុងការព្យាបាល អ្នកជំងឺគួរតមអាហារគ្រប់ប្រភេទ ប្រហែលជា 2ពេលជាមុនសិន ដើម្បីឱ្យពោះបានសម្រាក រួចសឹមផឹកទឹកក្តៅឆុងនឹងម្សៅចេកខ្ចីនោះ។ ក្រៅពីនោះ ផ្លែចេកទុំ នៅអាចប្រើធ្វើជាថ្នាំបន្ធូរលាមកបានទៀតផង ដោយសារតែផ្លែចេកទុំ មានសារធាតុ ភែកធីន ដែលជួយឱ្យងាយស្រួលក្នុងការបន្ទោបង់ហ្នឹងឯង។

យើងបានឃើញគុណប្រយោជន៍របស់ផ្លែចេកហើយ មិនថាតែចេកទុំ ឬខ្ចីនោះទេ សុទ្ធតែមានគុណប្រយោជន៍ទាំងអស់ ដូច្នេះបើអ្នកណាកើតអាការរាករូស (ហើយមិនចង់លេបថ្នាំពេទ្យ) សូមសាកល្បងរកផ្លែចេកខ្ចីមកទទួលទានតាមការណែនាំខាងលើចុះ ចំណែកអ្នកណា ដែលមានអាការទល់លាមក ឬបន្ទោបង់មិនស្រួល សូមរកផ្លែចេកទុំមកពិសាចុះ ធានាថា លោកអ្នកនឹងបត់ជើងយ៉ាងងាយស្រួលមិនខាន៕

May 14, 2021

កំលោះអាមេរិកកើតទុក្ខព្រួយ ខំសន្សំលុយច្រើនឆ្នាំ ទិញចិញ្ចៀនពេជ្រ តម្លៃខ្ទង់ $ម៉ឺន ឱ្យគូដណ្ដឹង ស្រាប់តែនាងមិនពេញចិត្ត

កំលោះវ័យ 30ឆ្នាំ មកពីសហរដ្ឋអាមេរិក បានផូស្តនៅក្នុងបណ្ដាញសង្គម Reddit ដើម្បីសុំយោបល់ពីអ្នកនៅក្នុងបណ្ដាញសង្គម រឿងចិញ្ចៀនថា៖ លោកបានយកប្រាក់ ដែលខំសន្សំមកយូរ រាប់សិបឆ្នាំហើយ ទៅទិញចិញ្ចៀនពេជ្រ 1គ្រាប់ធំ (3.6ការ៉ាត់) ឱ្យទៅនារីគូដណ្ដឹង ប៉ុន្តែ ចិញ្ចៀន ១វង់នេះ ស្រាប់តែក្លាយជាដើមហេតុធ្វើឱ្យទាំង 2នាក់ ឈ្លោះគ្នាយ៉ាងខ្លាំងទៅវិញ។

អ្នកកំលោះអភ័ព្វ បានរៀបរាប់ថា ដំបូងៗ មើលទៅនាង ហាក់ដូចជាស្រឡាញ់ចិញ្ចៀន ១វង់នោះខ្លាំងណាស់ តែរឿងរ៉ាវ វាចាប់ផ្ដើមអាក្រក់ឡើង បន្ទាប់ពីនាងបានសាកសួរពីតម្លៃរបស់ចិញ្ចៀន ដែលអ្នកកំលោះយើង ក៏ឆ្លើយទៅវិញថា ទិញមកក្នុងតម្លៃ 20,000ដុល្លារ។

នៅពេលបានឮដូច្នោះ នាងក៏មានអាកប្បកិរិយាប្រែប្រួល នាងចាប់ផ្ដើមសង្ស័យថា តើគេបានចិញ្ចៀនពេជ្រ ១គ្រាប់ធំនេះ ក្នុងតម្លៃនេះមកយ៉ាងម៉េចបាន? ទើបសុំមើលលិខិតធានាគុណភាពគ្រាប់ពេជ្រ។

ពីដំបូង អ្នកកំលោះយើង គិតថា ប្រហែលជានាងបារម្ភ ខ្លាច បានពេជ្រក្លែងក្លាយហើយមើលទៅ? តែមានឯណា?! នាងបែរជាកើតក្ដីកង្វល់ ព្រោះវាជាគ្រាប់ពេជ្រកែច្នៃទៅវិញ…។

នាងត្រូវការតែគ្រាប់ពេជ្រ ដែលចេញមកពីធម្មជាតិប៉ុណ្ណោះ មិនមែនគ្រាប់ពេញដែលបណ្ដុះឡើងនៅក្នុងបន្ទប់ពិសោធន៍ឡើយ។ តែ ពេជ្រទាំង ២បែបនោះ ស្ទើរតែមិនខុសគ្នាឡើយ គ្រាន់តែ ១ប្រភេទ កើតឡើងតាមធម្មជាតិ និង ១ប្រភេទទៀត កើតឡើងនៅក្នុងបន្ទប់ពិសោធន៍តែប៉ុណ្ណោះ។ អ្វីដែលសំខាន់ គឺចាយលុយក្នុងតម្លៃដូចគ្នា តែបានគ្រាប់ពេជ្រធំជាង ដូច្នេះវាមានតែចំណេញ និងចំណេញ។

កាលពីពេលមុននឹងទិញចិញ្ចៀន 1វង់នេះ អ្នកកំលោះ បានសាកសួរយោបល់ពីមនុស្សជុំវិញខ្លួន ទាំងឪពុកម្ដាយ និងមិត្តភក្តិរបស់ខាងស្រីរួចហើយ។ ពួកគេ សុទ្ធតែប្រាប់ថា បើស្រឡាញ់គ្នាពិត ពេជ្រមកពីណា ប្រហែលជាមិនសំខាន់ទេ…តែ វាមិនមែនដូចពួកគេទាំងអស់គ្នា គិតនោះទេ…។

នាងនៅតែប្រកាន់គោលជំហរថា ត្រូវតែពាក់ពេជ្រធម្មជាតិឱ្យបាន ថែមទាំងសុំឱ្យគេ ទៅប្ដូរយកគ្រាប់ពេជ្រ ដែលមានតម្លៃប៉ុនគ្នាមកវិញទៀតផង។ ទីបំផុត អ្នកកំលោះយើង បានបដិសេធក្នុងការធ្វើតាមចិត្តរបស់គូដណ្ដឹង ព្រមទាំងប្រាប់ថា នាងអាចឱ្យចិញ្ចៀនពេជ្រនោះមកគេវិញ និងបញ្ចប់សម្ព័ន្ធភាពស្នេហ៍បាន…។

ចំណែកខាងគំនិតយោបល់របស់អ្នកចូលមើលប្រព័ន្ធបណ្ដាញសង្គមវិញ ចែកចេញជា 2ក្រុម…ក្រុមដំបូង យល់ឃើញថា នារីគូដណ្ដឹង ជាមនុស្សវត្ថុនិយម ព្រោះថា ចង់ជាចិញ្ចៀនប្រភេទណា ឬទំហំប៉ុនណា វាមិនសំខាន់ទេ វាអាស្រ័យលើសេចក្ដីស្នេហារបស់អ្នកទាំង2 ខ្លាំងជាង។ បើសិនឈ្លោះគ្នា ព្រោះតែរឿងនេះ វាអាចបង្ហាញសញ្ញា ឱ្យឃើញពីភាពបរាជ័យរបស់ជីវិតគូមិនខាន។ ចំណែកក្រុម 1ទៀត យល់ឃើញថា ស្រីជាគូដណ្ដឹងមិនខុសទេ…បុរសគូដណ្ដឹង គួរតែសួរយោបល់របស់នាងសិនថា តើចូលចិត្តចិញ្ចៀនបែបណា? ព្រោះអី នាងនឹងត្រូវពាក់ចិញ្ចៀននោះអស់មួយជីវិត ដូច្នេះ វាគួរតែជាអ្វី ដែលនាងជាអ្នកជ្រើសរើសខ្លួនឯង មែនអត់?

ប្រភព៖ worldofbuzz
ប្រែសម្រួលដោយ អ្នកគ្រូ ឆវី

May 14, 2021

វិធីបរិភោគយ៉ាងឆ្លាត ដើម្បីសុខភាពល្អ

បរិភោគឱ្យឆ្អែតល្មម ដោយការដួសស្មានបរិមាណឱ្យល្មម ដូចជា បាយ 1 – 2វែក បន្លែ និងសាច់ 4 – 6 ស្លាបព្រា ហើយនិងទឹកពិសា 1 – 2កែវ។
មិនបរិភោគកំពប់ខ្ជះខ្ជាយ។
ជ្រើសរើសអាហារដែលល្អ មានគុណប្រយោជន៏ តម្លៃធូរថ្លៃ អាហារប្រភេទប្រូតេអ៊ីន អាចប្រើដុំតៅហ៊ូ ឬគ្រាប់សណ្តែកស្ងួត លាយជាមួយសាច់សត្វបាន។ ជ្រើសរើសបរិភោគអាហារ ដែលមាននៅក្នុងស្រុក បន្លែផ្លែឈើដែលងាយស្រួលរកបាន។
បរិភោគបន្លែផ្លែឈើខ្មែរយើង ជំនួសបង្អែម ជាពិសេសផ្លែឈើតាមរដូវកាល ដែលមានតម្លៃធូរថ្លៃ ដែលគ្មានស្ករ និងខ្ទិះ ដែលនាំឱ្យធាត់ផង។
កាត់បន្ថយការញ៉ាំចំណីកំប៉ិកកំប៉ុកច្រើន។
ផឹកទឹកបរិសុទ្ធ គឺល្អបំផុត កាត់បន្ថយ ឬតមភេស្ជជៈ ដែលមានរសជាតិផ្អែមទាំងឡាយ។
បរិភោគម្ហូបអាហារខ្មែរ តម្លៃធូរថ្លៃ និងបានទទួលគុណប្រយោជន៏ខាងអាហារគ្រប់សព្វទៀតផង។
កាត់បន្ថយការកុម្ម៉ង់ម្ហូបអាហារពិសេស ដូចជា ថែមសាច់ ឬប្រហឹត បាយ ឬម្ហូប ដែលនាំឱ្យអស់លុយច្រើន និងធ្វើឱ្យធាត់ទៀតផង។
តមការទទួលទានអាហារពេលយប់។
ទំពារអាហារមួយៗ យឺតៗ កុំប្រញាប់ នឹងធ្វើឱ្យមានអារម្មណ៏ឆាប់ឆ្អែតជាង ព្រោះរាងកាយរបស់មនុស្សយើងនឹងឆ្អែត ពេលដែលញ៉ាំអាហារចូលទៅបាន ប្រមាណជា 20នាទី៕

May 14, 2021

ព្រះរាជជីវប្រវត្តិសង្ខេប ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា

ព្រះរាជជីវប្រវត្តិសង្ខេប ព្រះមហាក្សត្រនៃព្រះរាជាណាចក្រកម្ពុជា ព្រះករុណាព្រះបាទសម្តេចព្រះបរមនាថ នរោត្តម សីហមុនី សមានភូមិ ជាតិ សាសនា រក្ខតខត្តិយា ខេមរារដ្ឋរាស្ត្រ ពុទ្ធិន្ទ្រាធរាមហាក្សត្រ ខេមរាជនា សមូហោភាស កម្ពុជឯករាជរដ្ឋ បូរណសន្តិ សុភមង្គលា សិរីវិបុលា ខេមរាស្រីពិរាស្ត្រ ព្រះចៅក្រុងកម្ពុជាធិបតី។

https://www.youtube.com/watch?v=DmmVUma9dJc&t=256s

ប្រភព៖ អគ្គនាយកដ្ឋានវិទ្យុជាតិកម្ពុជា

May 14, 2021

(វីដេអូ)-គ្រាប់រ៉ុក្កែតរបស់អ៊ីស្រាអែល កម្ទេចអគារកម្ពស់14ជាន់ នៅតំបន់ហ្គាហ្សា៖ អ៊ីស្រាអែល ថា ជាទីស្នាក់ការរបស់អង្គភាពស៊ើបការណ៍សម្ងាត់នៃក្រុម ហាម៉ាស

យន្តហោះចម្បាំងរបស់អ៊ីស្រាអែល បានបាញ់រ៉ុក្កែតជាច្រើនគ្រាប់ ធ្វើឱ្យអគារមួយកន្លែង មានកម្ពស់ 14ជាន់ ដែលត្រូវបានគេជឿថាជា ទីស្នាក់ការរបស់ទូរទស្សន៍ផ្កាយរណប Al-Aqsa របស់កងជីវពល ហាម៉ាស ត្រូវដួលរាបដល់ដី។

កាលពីថ្ងៃទី12 ខែឧសភា អ៊ីស្រាអែល បានវាយប្រហារតាមផ្លូវអាកាស សំដៅលើ Al-Shorouk ជាអគារមួយដែលត្រូវបាន ប៉ាលេស្ទីន និយាយថា មានក្រុមហ៊ុនជាច្រើន រួមទាំងការិយាល័យរបស់ទូរទស្សន៍ផ្កាយរណប Al-Aqsa របស់កងទ័ព ហាម៉ាស។ ប៉ុន្តែ អ៊ីស្រាអែល ជឿថា នេះគឺជាទីស្នាក់ការនៃអង្គភាពស៊ើបការណ៍សម្ងាត់របស់ ហាម៉ាស។ វាស្ថិតក្នុងតំបន់ក្រុងរ៉ូម៉ាំងបុរាណ ជាទីតាំងពាណិជ្ជកម្មធំបំផុតប្រចាំតំបន់ ហ្គាហ្សា។

អ្នករស់នៅក្នុងតំបន់នេះ បានឱ្យដឹងថា មុនការវាយប្រហារ អ៊ីស្រាអែល បានព្រមានដល់មនុស្សទាំងអស់ឱ្យចាកចេញពីអគារ ដោយការទម្លាក់គ្រាប់បែកក្លែងក្លាយមួយគ្រាប់ទៅលើដំបូលអគារ។ ភ្លាមនោះ ប្រជាជនក៏បានអំពាវនាវឱ្យមនុស្សម្នាចាកចេញពីអគារដែលជិតនឹងត្រូវបានកម្ទេច។

បន្ទាប់មក យន្តហោះចម្បាំង F-16 របស់អ៊ីស្រាអែល បានបាញ់រ៉ុក្កែត សរុប 9គ្រាប់ តម្រង់គោលដៅ បណ្ដាលឱ្យអគារត្រូវរបេះធ្លាក់ម្ដងមួយផ្ទាំងៗ ហើយរ៉ុក្កែងពីរគ្រាប់ចុងក្រោយ ក៏បានកម្ទេចអគារ Al-Shorouk នេះ ឱ្យរាបដល់ដីទាំងស្រុង។ នេះគឺជាអគារខ្ពស់ទីបីនៅតំបន់ ហ្គាហ្សា ដែលត្រូវបានយន្តហោះចម្បាំងរបស់់អ៊ីស្រាអែលវាយប្រហារ ក្នុងរយៈពេលប៉ុន្មានថ្ងៃចុងក្រោយនេះ។

https://www.youtube.com/watch?v=agf2sIy2uh4

ភាគីខាង ហាម៉ាស បានឱ្យដឹងថា ខ្លួនបានបាញ់រ៉ុក្កែត 130គ្រាប់ សំដៅប្រទេសអ៊ីស្រាអែល ដើម្បីជាការសងសឹកនឹងការវាយប្រហារលើអគារ Al-Shorouk នេះ។

ក្នុងរយៈពេលប៉ុន្មានថ្ងៃកន្លងទៅ គ្រាប់រ៉ុក្កែត របស់ក្រុម ហាម៉ាស បានសម្លាប់ជនជាតិអ៊ីស្រាអែលចំនួន 7នាក់ ក្នុងនោះមានកុមារអាយុ 6ឆ្នាំម្នាក់ និងទាហានម្នាក់ផងដែរ។

ក្រសួងសុខាភិបាលប៉ាលេស្ទីន ឱ្យដឹងថា ពលរដ្ឋប្រទេសនេះចំនួន 53នាក់បានស្លាប់ ក្នុងនោះមានកុមារចំនួន 14នាក់ផងដែរ ខណៈដែល 320នាក់ផ្សេងទៀត បានរងរបួស នៅក្នុងការវាយប្រហារពីសំណាក់យន្តហោះចម្បាំងរបស់អ៊ីស្រាអែល នៅតំបន់ហ្គាហ្សា នាសប្ដាហ៍នេះ។

មូលហេតុនៃការប៉ះទង្គិចនេះ កើតឡើង បន្ទាប់ពី អ៊ីស្រាអែល កាត់បន្ថយការចូលទៅកាន់តំបន់ទីក្រុងបុរាណ យេរូសាឡឹម ក្នុងរដូវបុណ្យ Ramadan និងគំរាមបណ្ដេញជនជាតិប៉ាលេស្ទីនចំនួន 4គ្រួសារ ដែលកំពុងរស់នៅភាគខាងត្បូងនៃតំបន់ យេរូសាឡឹម ដើម្បីទុកកន្លែងឱ្យជនជាតិជ្វីហ្វ។

បញ្ហាខាងលើ បាននាំឱ្យប្រជាជនប៉ាលេស្ទីន ធ្វើបាតុកម្មប្រឆាំងតវ៉ា ហើយក៏មានការប៉ះទង្គិចជាមួយប៉ូលិសអ៊ីស្រាអែល អស់ជាច្រើនថ្ងៃ នៅខាងក្រៅវិហារ Al-Aqsa នៅតំបន់ យេរូសាឡឹមខាងត្បូង ដែលជាកន្លែងពិសិដ្ឋរបស់សាសនិកអ៊ីស្លាម បណ្ដាលឱ្យមនុស្សរាប់រយនាក់ត្រូវរងរបួស។ តុលាការ អ៊ីស្រាអែល បានផ្អាកការជំនុំជម្រះលើការបណ្ដេញចេញខាងលើ ប៉ុន្តែ នៅតែមិនអាចកាត់បន្ថយភាពតានតឹងបាន៕

ប្រភព៖ Al Jazeera, AP
ប្រែសម្រួល៖ បុត្រា

May 13, 2021

សម្រួលហុងស៊ុយផ្ទះ ឱ្យបានត្រឹមត្រូវ អារម្មណ៍នឹងផ្លាស់ប្តូរភ្លាម

ក្នុងការតុបតែងផ្ទះ បើគិតតែពីរឿងសប្បាយសុខស្រួល ឬក៏រឿងស្អាតបាតតែម្យ៉ាងនោះ ពិតជាមិនបានទេ អ្នកគួរពិចារណាពីរឿងទីតាំង និងការរៀបចំទុកដាក់របស់របរ និងតុ ទូ កៅអីផង ដោយសារតែរបស់អស់ទាំងនោះ ក៏មានផលចំពោះជីវិតរបស់មនុស្ស ដែលនៅក្នុងផ្ទះដែរ ដច្នេះហើយទើបមនុស្សជាច្រើន តែងប្រកាន់យកសាស្ត្រាហុងស៊ុយ មកប្រើក្នុងការរៀបចំតុបតែងផ្ទះ និងថែមទាំងជួយកែបញ្ហារឿងអារម្មណ៍អវិជ្ជមាន ឱ្យក្លាយទៅជាវិជ្ជមានបានទៀតផង ដូច្នេះនៅថ្ងៃនេះ យើងមានសាស្ត្រានៃវិជ្ជាហុងស៊ុយ ដែលនិយាយពីរឿងការសម្រួលអារម្មណ៍របស់មនុស្សនៅក្នុងផ្ទះ មកជម្រាបជូន ។

ចង់សម្រកទម្ងន់

សម្រាប់អ្នក ដែលត្រូវការបញ្ចុះទម្ងន់ ក៏អាចយកគោលការណ៍ហុងស៊ុយ មកប្រើក្នុងការរៀបចំទីតាំងរបស់របរនៅក្នុងផ្ទះបានដូចគ្នា ដោយចាប់ផ្តើមពីការរៀបចំទុកដាក់ឧបករណ៍ នៅក្នុងចង្ក្រានបាយឱ្យមានរបៀបរៀបរយ តុបតែងលម្អជុំវិញក្នុងបន្ទប់ ដោយផ្លែឈើ ឬផ្កាស្រស់ៗ និងកញ្ចក់ស្អាតៗ 1ផ្ទាំង ព្រមទាំងប្តូរតុបាយ កម្រាលតុបាយ ដាក់ពណ៌ដិតច្បាស់ៗវិញម្តង ដូចជា ពណ៌ខ្មៅ ប្រផេះ និងខៀវជាដើម រួមទាំងព្យាយាមចៀសវាងការប្រើប្រាស់ពណ៌ស្រស់ៗ ដូចជា ពណ៌ក្រហម លឿងទុំ ឬលឿង ដោយសារតែពណ៌ទាំងអស់នេះ វាជួយជំរុញឱ្យមនុស្សឃ្លានបាយ និងញ៉ាំអាហារបានកាន់តែច្រើនឡើងហ្នឹងឯង។

ថ្ងៃដែលនឿយហត់

បង្កើនថាមពលក្នុងថ្ងៃដែលនឿយហត់ដល់ខ្លួនឯង ឬសមាជិកក្នុងផ្ទះទាំងអស់ ដោយការយករុក្ខជាតិឱសថបុរាណមកដាក់តាំងជុំវិញក្នុងផ្ទះ ដោយចង់ដាក់ក្នុងថូ ឬក្នុងដបកែវក៏បាន តែបើចង់ឱ្យល្អបំផុតនោះ គួរដាក់ដាំនៅក្នុងផើងដីឥដ្ឋស្អាតៗ ដោយលើកយកមកដាក់ទន្ទឹមគ្នានឹងឧបករណ៍ផ្ទុកទឹកស្អាត តែប៉ុណ្ណឹង ភាពនឿយហត់ទាំងឡាយ និងរលាយបាត់អស់ជាបណ្តើរៗ ប្រែក្លាយជាភាពស្រស់ថ្លាជំនួសវិញ។ ចំណែកអ្នកដែលមានបញ្ហា រឿងសម្រាន្តមិនសូវលក់នោះ ក៏អាចយកវិធីនេះទៅប្រើបានដែរ។

បញ្ហាលុយកាក់

អ្នកដែលមានបញ្ហារឿងលុយកាក់ អាចកែបានដោយការបន្ថែម ឬប្តូរពណ៌ខាងក្នុងផ្ទះ ឱ្យមានចំណែករបស់ពណ៌បៃតង មាស ក្រហម ឬស្វាយឱ្យច្រើនឡើង ព្រមទាំងឧស្សាហ៍មើលថែទាំដើមផ្កា ឱ្យនៅស្រស់ខ្ចីជាប់ជានិច្ច និងព្យាយាមផ្លាស់ដាក់ផ្កាស្រស់ថ្មីជាប្រចាំ ព្រមទាំងយករូបភាព ដែលមានលក្ខណៈសញ្ញា ដែលពាក់ព័ន្ធនឹងលុយ មកតុបតែងលម្អ 1ផ្ទាំង 2ផ្ទាំងផង ដើម្បីជួយបង្កើនរាសី ក្នុងរឿងលុយកាក់ឱ្យរលូនឡើង។

មានអារម្មណ៍អផ្សុកឯកោ

បើសិនភាពអផ្សុក មកគោះទ្វារផ្ទះញឹកញាប់នោះ ប្រហែលជាដល់ពេលត្រូវរៀបចំកន្លែងនៅ ជាថ្មីម្តងទៀតហើយ

ជាពិសេសអ្នកដែលតុបតែងបន្ទប់ ដោយក្រណាត់ស្បៃប៉ាក់ ឬពណ៌ផ្កាឈូកៗ ព្រោះអី ទាំង 2យ៉ាងនេះ រឺតតែធ្វើឱ្យភាពឯកោអផ្សុកកើនឡើងទ្វេដង។ ដូច្នេះគួរសាកល្បងប្តូរស្ទីលការតុបតែង ដោយប្រើសាច់ក្រណាត់ធម្មតាៗ ឬបែបដែលមានពណ៌ និងក្បូរក្បាច់ ព្រមទាំងតុបតែងលម្អ ដោយរបស់របរណាដែលជាគូៗវិញម្តង អារម្មណ៍ឯកោអផ្សុកនឹងរលាយបាត់អស់មិនខាន។

ប្រយោជន៍របស់សាស្ត្រាហុងស៊ុយ មិនមែនពាក់ព័ន្ធតែជាមួយរឿងជោគសំណាងរបស់អ្នកស្នាក់នៅប៉ុណ្ណោះទេ តែនៅអាចជួយសម្រួល និងផ្លាស់ប្តូរអារម្មណ៍ ដែលអវិជ្ជមាន ឱ្យក្លាយជាវិជ្ជមានវិញបានទៀតផង។ ដូច្នេះបើលោកអ្នកកំពុងតែសម្លឹងរកមើលច្រកចេញនោះ សូមសាកល្បងចាប់ផ្តើមកែសម្រួលហុងស៊ុយក្នុងផ្ទះម្តងមើល៕

May 13, 2021

តម្លៃ Bitcoin ដាំក្បាលចុះភ្លាមៗ ក្រោយ Elon Musk ប្រកាសផ្អាកការទូទាត់ប្រាក់ដោយប្រើ រូបិយវត្ថុអេឡិចត្រូនិកមួយនេះ

តើទង្វើនេះគឺជា «ល្បិចគ្រប់គ្រងតម្លៃ» លើរូបិយវត្ថុអេឡិចត្រូនិក Bitcoin បន្ទាប់ របស់នាយកប្រតិបត្តិនៃក្រុមហ៊ុន Tesla លោក Elon Musk មែន ឬមិនមែន?

សារព័ត៌មាន CNN បានរាយការណ៍ថា លោក Elon Musk និយាយថា Tesla នឹងផ្អាកគម្រោងទទួលយករូបិយវត្ថុ Bitcoin សម្រាប់ការទូទាត់របស់អតិថិជនដែលមកទិញរថយន្ត Tesla។ មូលហេតុដែលលោក Musk លើកឡើង នោះគឺថា ការប្រើប្រាស់ Bitcoin បង្កការខូចខាតច្រើនដល់បរិស្ថាន។ នេះគឺជាឥរិយាបថមួយដែលផ្ទុយស្រឡះទៅនឹងការថ្លែងរបស់លោក កាលពីប៉ុន្មានខែមុននេះ។

លោក Musk ឱ្យដឹងថា៖ «យើងមានការព្រួយបារម្ភអំពីការប្រើប្រាស់ថាមពលកាន់តែច្រើនឡើងៗ ក្នុងការរុករក និងជួញដូរ Bitcoin ពិសេសគឺធ្យូង។ រូបិយវត្ថុអេឡិចត្រូនិកគឺជាគំនិតដ៏ល្អ បើយោងទៅតាមកម្រិតផ្សេងៗគ្នា ហើយយើងជឿថា នោះគឺជាអនាគតប្រកបដោយក្ដីសង្ឃឹម ប៉ុន្តែ ការទទួលយក និងប្រើប្រាស់ប្រាក់អេឡិចត្រូនិក មិនអាចអមដោយការខូចខាតច្រើនចំពោះបរិស្ថានរស់នៅនោះទេ»។

យ៉ាងណាក៏ដោយ មកដល់ពេលនេះ ភាគីក្រុមហ៊ុន Tesla ផ្ទាល់ មិនទាន់បញ្ចេញប្រតិកម្មអ្វី ទាក់ទងនឹងបញ្ហាដែលមហាសេដ្ឋីដើមកំណើតអាហ្វ្រិកខាងត្បូង Elon Musk បានលើកឡើងនេះនៅឡើយ។

ភ្លាមៗ ក្រោយការបង្ហោះសាររបស់លោក Elon Musk គេឃើញថា តម្លៃរបស់ Bitcoin បានចាប់ផ្ដើមធ្លាក់ចុះ 5%។ ប៉ុន្មានម៉ោងបន្ទាប់មក តម្លៃរបស់ Bitcoin បានធ្លាក់មកនៅត្រឹមជាង 46,000ដុល្លារ/bitcoin ប៉ុន្តែ ក្រោយមក វាក៏បានងើបឡើងបន្តិច។

នៅក្នុងប្រកាសរបស់ខ្លួន លោក Musk បានឱ្យដឹងថា Tesla នៅតែអាចប្រើប្រាស់ Bitcoin នៅពេលប្រាក់អេឡិចត្រូនិកនេះ រកឃើញប្រភពថាមពលស្អាតជាងបច្ចុប្បន្ន។

«Tesla នឹងមិនលក់ Bitcoin ណាមួយឡើយ ហើយយើងនឹងទទួលយក Bitcoin ភ្លាម សម្រាប់ការជួញដូរ នៅពេលការប្រតិបត្តិត្រូវបានប្ដូរទៅប្រើថាមពលល្អ។ យើងក៏កំពុងពិនិត្យមើលប្រាក់អេឡិចត្រូនិកដទៃទៀត ដែលប្រើប្រាស់ថាមពលអគ្គិសនីតិចជាង 1% ក្នុងការជួញដូរមួយលើកៗ ដែល Bitcoin ប្រើប្រាស់»។

សូមរំលឹកថា កាលពីខែ កុម្ភៈ ក្រុមហ៊ុន Tesla បានប្រកាសថា ពួកគេបានចំណាយ 1.5ពាន់លានដុល្លារ ដើម្បីវិនិយោគទៅលើ Bitcoin។ បន្ទាប់មក នៅចុងខែមេសា ពួកគេបានលក់ 10% នៃ Bitcoin សរុប ដែលក្រុមហ៊ុន Tesla កំពុងកាន់កាប់ ហើយរកបានប្រាក់ចំណេញ 101លានដុល្លារ។

កាយវិការនេះ នាំឱ្យមានការសង្ស័យថា ទំនងជាមានអំពើបោកបញ្ឆោតណាមួយកើតឡើង នៅពេលដែលក្រុមហ៊ុន Tesla ទិញ Bitcoin លោក Elon Musk បន្ទរថា ចូលចិត្ត ហើយក្រោយមក Tesla ក៏រកបានប្រាក់ចំណេញរាប់រយលានដុល្លារ ពីការលក់ Bitcoin។

កន្លងមក អ្នកលេង Twitter ម្នាក់ដែលមានឈ្មោះថា Dave Portnoy បានបង្ហោះអត្ថបទមួយដែល tag លោក Elon Musk ចូល និយាយអំពីបញ្ហានេះ។ Dave ប្រើពាក្យ «pump» (សប់បំប៉ោង) ដើម្បីអធិប្បាយអំពីសកម្មភាពរបស់ Tesla នៅលើ Twitter។ Dave សរសេរថា៖ «តាមខ្ញុំយល់គឺយ៉ាងនេះ៖ Elon Musk ទិញ Bitcoin ហើយក្រោយមក គាត់បំប៉ោង ដោយការលើកសរសើរចំពោះ Bitcoin។ តម្លៃ របស់ Bitcoin ក៏បានកើនឡើង។ ហើយក្រោយមក Elon Musk លក់ចេញ និងរកបានប្រាក់ចំណេញយ៉ាងក្រាស់ក្រែល»។

គិតត្រឹមថ្ងៃទី12 ខែមេសា ឆ្នាំ2021 នេះ តម្រូវការនៃការប្រើប្រាស់ថាមពលអគ្គិសនីរបស់បណ្ដាញ Bitcoin កើនដល់ជាង 115 terawatt/ម៉ោង ក្នុងមួយឆ្នាំៗ ខ្ពស់ជាងប្រហែល 4% បើធៀបនឹងអគ្គិសនីសរុបដែលប្រទេសអាហ្សង់ទីន បានផលិតក្នុងឆ្នាំ2019 ទៅទៀត

មិនយូរប៉ុន្មាន មហាសេដ្ឋី Elon Musk បានឆ្លើយតបវិញ នៅខាងក្រោមអត្ថបទនេះថា៖ «អូ អត់ទេ ខ្ញុំមិនបានធ្វើដូច្នេះទេ។ Tesla លក់ 10% នៃ Bitcoin ដែលកំពុងកាន់កាប់គឺជា រឿងចាំបាច់ ដើម្បីបង្ហាញអំពីភាពងាយស្រួលក្នុងការដកប្រាក់របស់ Bitcoin ដែលដូចទៅនឹងស្ថាប័នជំនួស សម្រាប់ការផ្ញើប្រាក់»។

តាមការជាក់ស្ដែង កន្លងមក មានមតិចម្រូងចម្រាសមួយចំនួនរួចហើយ នៅពេលលោក Musk «លើកស្ទួយ» Bitcoin ខណៈដែលប្រកាសថា Tesla គឺជាក្រុមហ៊ុន «បៃតង» ដោយសារផលិតរថយន្តដើរដោយថាមពលអគ្គិសនី ដោយសារថា ការរុករក ឬប្រតិបត្តិការលើការជួញដូរ Bitcoin គឺត្រូវប្រើប្រាស់ថាមពលអគ្គិសនីច្រើន និងប៉ះពាល់ដល់បរិស្ថាន។

ម៉ាស៊ីនរុករក Bitcoin ស៊ីភ្លើងច្រើនក្នុងការធ្វើប្រតិបត្តិការ ដោះស្រាយសមីការគណិតវិទ្យា កំណត់អត្តសញ្ញាណកូដ ដើម្បីទទួលបានមកវិញនូវប្រាក់កម្រៃជារូបិយវត្ថុអេឡិចត្រូនិក។ លទ្ធផលនៃការគណនាមួយចំនួន បានរកឃើញថា ថាមពលអគ្គិសនីសរុប ដែលម៉ាស៊ីនប្រតិបត្តិការលើការទូទាត់ដោយ Bitcoin នៅក្នុងពិភពលោកគឺ ប្រហាក់ប្រហែលនឹងថាមពលអគ្គិសនីសរុបដែលប្រទេសហ្វាំងឡង់ បានប្រើប្រាស់។

នៅថ្ងៃទី12 ខែមេសា ឆ្នាំ2021 នេះ តម្រូវការនៃការប្រើប្រាស់ថាមពលអគ្គិសនីរបស់បណ្ដាញ Bitcoin កើនដល់ជាង 115 terawatt/ម៉ោង ក្នុងមួយឆ្នាំៗ ខ្ពស់ជាងប្រហែល 4% បើធៀបនឹងអគ្គិសនីសរុបដែលប្រទេសអាហ្សង់ទីន បានផលិតក្នុងឆ្នាំ2019 ទៅទៀត។ នេះបើតាមសាកលវិទ្យាល័យ Cambridge និង Digiconomist៕

ប្រភព៖ CNN, Bloomberg, Digiconomist
ប្រែសម្រួល៖ បុត្រា

May 13, 2021

ស្ថានភាពជំងឺCOVID-19 នៅកម្ពុជា និងពិភពលោក ក្នុងអំឡុងថ្ងៃទី12 ខែឧសភា ឆ្នាំ2021

នៅថ្ងៃទី13 ខែឧសភា ឆ្នាំ2021 ក្រសួងសុខាភិបាល បានឱ្យដឹងថា អ្នកវិជ្ជមាននឹងវីរុសCovid-19 ចំនួន 446នាក់ ត្រូវបានរកឃើញក្នុងអំឡុង 24ម៉ោង នៃថ្ងៃទី12 ខែឧសភា ឆ្នាំ2021។ ព័ត៌មានបន្ថែម សូមអានសេចក្ដីជូនព័ត៌មានរបស់ក្រសួងសុខាភិបាល ដែលមានដូចខាងក្រោម។

ដោយឡែក នៅពិភពលោកទាំងមូល គិតមកដល់ថ្ងៃទី13 ខែឧសភា មានអ្នកឆ្លង Covid-19 សរុបចំនួន 161,091,539នាក់ ក្នុងនោះមាន 3,345,293នាក់បានស្លាប់ និង 17,860,324នាក់ កំពុងព្យាបាល។ ថ្ងៃទី12 ខែឧសភា សកលលោកក៏បានរកឃើញករណីវិជ្ជមាននឹង Covid-19 ថ្មី ចំនួន 14,944នាក់ផងដែរ។

ប្រភព៖ ក្រសួងសុខាភិបាល, Worldometers
ដកស្រង់៖ បុត្រា

May 13, 2021

ហាម៉ាស បាញ់រ៉ុក្កែត 1,500គ្រាប់ ចូលទឹកដីអ៊ីស្រាអែល! គ្រាប់ខ្លះបានធ្លាក់ក្បែររោងចក្រនុយក្លេអែរ

កងជីវពលអ៊ីស្លាម ហាម៉ាស (Hamas) បានផ្លោងរ៉ុក្កែត រាប់ពាន់គ្រាប់ ទៅលើទីក្រុង និងទីរួមស្រុកជាច្រើនរបស់ប្រទេសអ៊ីស្រាអែល ក្នុងនោះ មានគ្រាប់រ៉ុក្កែតខ្លះ បានធ្លាក់ក្បែរតំបន់រោងចក្រនុយក្លេអែរ Dimona ផងដែរ។

កងពលតូច Al-Qassam របស់ ហាម៉ាស នៅប៉ាលេស្ទីន កាលពីថ្ងៃទី12 ឧសភា បានប្រកាសថា ពួកគេបានបាញ់រ៉ុក្កែត 15គ្រាប់ ពីតំបន់ ហ្គាហ្សា តម្រង់ទៅកាន់ទីរួមស្រុក Dimona ភាគខាងលិចប្រទេសអ៊ីស្រាអែល ក្បែររោងចក្រនុយក្លេអែរ Shimon Peres Negev របស់ប្រទេសនេះ។ រ៉ុក្កែត 50គ្រាប់ផ្សេងទៀត ក៏ត្រូវបានបាញ់សំដៅទីក្រុង Ashdod របស់អ៊ីស្រាអែលផងដែរ។

សាក្សីមួយចំនួនបាននិយាយថា ពួកគេបានឮសំឡេងផ្ទុះជាច្រើនលើក នៅលើអាកាស នៅពេលគ្រាប់រ៉ុក្កែតមួយចំនួន ត្រូវបានប្រព័ន្ធខែលដែក Iron Dome របស់អ៊ីស្រាអែល បាញ់ស្កាត់។ ពុំទាន់មានរបាយការណ៍អំពីការខូចខាតនៅក្នុងការវាយប្រហាររបស់ក្រុមហាម៉ាសនេះនៅឡើយ។

កងកម្លាំងការពារជាតិរបស់អ៊ីស្រាអែល (IDF) បញ្ជាក់ថា «រ៉ុក្កែត ជាច្រើនគ្រាប់ ដែលបាញ់ចេញពីតំបន់ហ្គាហ្សា» បានហោះចូលក្នុងតំបន់ភាគខាងត្បូងប្រទេសនេះ កាលពីថ្ងៃទី12 ខែឧសភា ក្នុងនោះមាន 1,050គ្រាប់ បានហោះចូលទឹកដីអ៊ីស្រាអែល និងប្រហែល 350គ្រាប់ជួបបញ្ហាបច្ចេកទេស បន្ទាប់ពីត្រូវបានបាញ់។

ក្នុងរយៈពេលប៉ុន្មានថ្ងៃកន្លងទៅ គ្រាប់រ៉ុក្កែត របស់ក្រុម ហាម៉ាស បានសម្លាប់ជនជាតិអ៊ីស្រាអែលចំនួន 7នាក់ ក្នុងនោះមានកុមារអាយុ 6ឆ្នាំម្នាក់ និងទាហានម្នាក់ផងដែរ។

ជាការសងសឹក IDF ក៏បានបើកការវាយការប្រហារជាច្រើនលើក តម្រង់គោលដៅ ហាម៉ាស នៅតំបន់ ហ្គាហ្សា។ រដ្ឋមន្ត្រីការពារប្រទេសអ៊ីស្រាអែល Benny Gantz ប្រកាសថា IDF នឹងបន្តវាយប្រហារតាមផ្លូវអាកាស ទៅលើគោលដៅរបស់ ហាម៉ាស នៅ ហ្គាហ្សា រហូតដល់ «ស្ថានការណ៍ស្ងប់ស្ងាត់ទាំងស្រុង»។

https://www.youtube.com/watch?v=I599cDoIjmY

ក្រសួងសុខាភិបាលប៉ាលេស្ទីន ឱ្យដឹងថា ពលរដ្ឋប្រទេសនេះចំនួន 53នាក់បានស្លាប់ ក្នុងនោះមានកុមារចំនួន 14នាក់ផងដែរ ខណៈដែល 320នាក់ផ្សេងទៀត បានរងរបួស នៅក្នុងការវាយប្រហារពីសំណាក់យន្តហោះចម្បាំងរបស់អ៊ីស្រាអែល នៅតំបន់ហ្គាហ្សា នាសប្ដាហ៍នេះ។

មូលហេតុនៃការប៉ះទង្គិចនេះ កើតឡើង បន្ទាប់ពី អ៊ីស្រាអែល កាត់បន្ថយការចូលទៅកាន់តំបន់ទីក្រុងបុរាណ យេរូសាឡឹម ក្នុងរដូវបុណ្យ Ramadan និងគំរាមបណ្ដេញជនជាតិប៉ាលេស្ទីនចំនួន 4គ្រួសារ ដែលកំពុងរស់នៅភាគខាងត្បូងនៃតំបន់ យេរូសាឡឹម ដើម្បីទុកកន្លែងឱ្យជនជាតិជ្វីហ្វ។

បញ្ហាខាងលើ បាននាំឱ្យប្រជាជនប៉ាលេស្ទីន ធ្វើបាតុកម្មប្រឆាំងតវ៉ា ហើយក៏មានការប៉ះទង្គិចជាមួយប៉ូលិសអ៊ីស្រាអែល អស់ជាច្រើនថ្ងៃ នៅខាងក្រៅវិហារ Al-Aqsa នៅតំបន់ យេរូសាឡឹមខាងត្បូង ដែលជាកន្លែងពិសិដ្ឋរបស់សាសនិកអ៊ីស្លាម បណ្ដាលឱ្យមនុស្សរាប់រយនាក់ត្រូវរងរបួស។ តុលាការ អ៊ីស្រាអែល បានផ្អាកការជំនុំជម្រះលើការបណ្ដេញចេញខាងលើ ប៉ុន្តែ នៅតែមិនអាចកាត់បន្ថយភាពតានតឹងបាន៕

ប្រភព៖ RT, Times of Israel
ប្រែសម្រួល៖ បុត្រា

May 13, 2021

(វីដេអូ)-អ៊ីស្រាអែល សម្លាប់មេបញ្ជាការហាម៉ាស របស់ប៉ាលេស្ទីន ប្រចាំទីក្រុង ហ្គាហ្សា

ក្រុមជីវពល ហាម៉ាស (Hamas) ដែលជាក្រុមប្រយុទ្ធ និងជាតិនិយម កាន់សាសនាអ៊ីស្លាម និកាយស៊ុននី នៃប្រទេសប៉ាលេស្ទីន បានទទួលស្គាល់ថា មេបញ្ជាការជាន់ខ្ពស់មួយចំនួនរបស់ខ្លួន បានបាត់បង់ជីវិត ក្នុងការវាយប្រហារតាមផ្លូវអាកាសរបស់អ៊ីស្រាអែល ក្នុងនោះមានទាំងមេបញ្ជាកងទ័ពប្រចាំទីក្រុងហ្គាហ្សា (Gaza) ផងដែរ។

អង្គភាពសន្តិសុខ Shin Bet របស់អ៊ីស្រាអែល កាលពីម្សិលមិញ (12ឧសភា) បានឱ្យដឹងថា មេបញ្ជាការកងពលតូច ប្រចាំទីក្រុងហ្គាហ្សា Bassem Issa ស្ថិតក្នុងចំណោមសមាជិកជាន់ខ្ពស់ 4រូប របស់កងជីវពលអ៊ីស្លាម ហាម៉ាស ដែលត្រូវបានសម្លាប់។ នាយករដ្ឋមន្ត្រី Benjamin Netanyahu ប្រកាសថា៖ «នេះគ្រាន់តែជាជំហានដំបូង។ យើងនឹងវាយប្រហារពួកគេរហូតដល់ថ្នាក់ ពួកគេមិនអាចនឹកស្មានដល់»។

https://www.youtube.com/watch?v=OIXB5fEd5Ks

ហាម៉ាស បានទទួលស្គាល់អំពីការស្លាប់របស់មេបញ្ជាការកងពលតូចខាងលើ និង «ក្រុមមេទ័ព រួមនឹងទាហានជាច្រើនរូបទៀត»។ «មេបញ្ជាការ និងទាហានរាប់រយនាក់ នឹងបន្តវេនរបស់ពួកគេ» សេចក្ដីប្រកាសរបស់ក្រុម ហាម៉ាស មានឃ្លាសរសេរដូច្នេះ។

យោងតាម Shin Bet ក្រៅពី Issa ពួកគេក៏បានសម្លាប់ Jumaa Tahle ជាអ្នកទទួលខុសត្រូវលើការកែលម្អលើប្រព័ន្ធកំណត់ទិសរបស់មីស៊ីល, Jamal Zibde ប្រធានអង្គភាពស្រាវជ្រាវ និងគ្រាប់រំសេវ រួមនឹង Hazem Hatib ជាប្រធានក្រុមវិស្វករ។

បន្ទាប់ពីការប្រកាសរបស់ Shin Bet ទីក្រុង Ashdod របស់អ៊ីស្រាអែល ត្រូវរងគ្រាប់រ៉ុក្កែត ជាបន្តបន្ទាប់។ សារព័ត៌មានរបស់អ៊ីស្រាអែល បានរាយការណ៍ថា កងទ័ពប្រទេសនេះ កំពុងត្រៀមទប់ទល់នឹងការវាយប្រហារថ្មី នៅទូទាំងទីក្រុង តែល អាវីវ (Tel Aviv)។

អ៊ីស្រាអែល ក៏បានឱ្យដឹងដែរថា ទាហាន 3នាក់របស់ប្រទេសនេះ បានរងគ្រោះដោយសារការវាយប្រហារដោយគ្រាប់រ៉ុក្កែតពីក្រុម ហាម៉ាស ក្នុងនោះមានម្នាក់បានបាត់បង់ជីវិត៕

ប្រភព៖ AFP
ប្រែសម្រួល៖ បុត្រា

May 13, 2021

Author: សឿន សំណាង